| | ᠮᠤᠩᠭᠤᠯᠴᠤᠳ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠢ ᠵᠤᠯᠠ ᠶᠢᠨ | ᠬᠤᠷᠢᠨ ᠲᠠᠪᠤᠨ ᠪᠤᠶᠤ ᠵᠤᠯᠠ ᠶᠢᠨ ᠪᠠᠶᠠᠷ ᠭᠡᠳᠡᠭ᠃ | ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠤ ᠢᠷᠡᠯᠲᠡ ᠶᠢᠨ ᠳᠤᠬᠠᠢ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠲᠠᠯᠠ ᠠᠴᠠ ᠬᠡᠯᠡᠪᠡᠯ ᠰᠤᠶᠤᠨ | ᠭᠡᠶᠢᠭᠦᠯᠦᠭᠴᠢ ᠶᠡᠭᠡ ᠪᠢᠯᠢᠭ ᠤᠨ ᠬᠦᠮᠦᠨ ᠪᠤᠭᠳᠠ ᠽᠤᠩᠺᠠᠸᠠ ᠤᠷᠴᠢᠯᠠᠩ ᠳᠤ ᠮᠡᠨᠳᠦᠯᠡᠵᠦ ᠮᠡᠯᠮᠠᠢ ᠬᠡᠶᠢᠭᠰᠡᠨ᠂ | ᠵᠠᠩᠴᠢ ᠬᠠᠯᠠᠵᠤ᠂ ᠡᠭᠦᠯᠡ ᠳᠠᠯᠳᠠᠯᠠᠭᠰᠠᠨ ᠡᠳᠦᠷ ᠨᠢ ᠡᠪᠦᠯ ᠤᠨ ᠲᠡᠷᠢᠭᠦᠨ ᠰᠠᠷᠠ ᠶᠢᠨ ᠪᠢᠯᠢᠭ ᠤᠨ ᠬᠤᠷᠢᠨ ᠲᠠᠪᠤᠨ | ᠭᠡᠳᠡᠭ᠂ ᠽᠤᠩᠺᠠᠸᠠ ᠨᠢ1357 ᠤᠨ ᠮᠡᠨᠳᠦᠯᠡᠵᠦ᠂ 63 ᠨᠠᠰᠤ ᠰᠡᠭᠦᠳᠡᠷ ᠵᠤᠭᠤᠭᠯᠠᠭᠰᠠᠨ ᠡᠳᠦᠷ ᠢᠶᠠᠨ ᠪᠤᠶᠤ | ᠬᠤᠷᠢᠨ ᠲᠠᠪᠤᠨ ᠳᠤ ︽ᠰᠤᠩᠳᠤᠢ ᠶᠢᠨ ᠵᠦᠳ︾ ᠤᠨ ᠶᠢᠰᠦᠳᠦᠭᠡᠷ ᠪᠦᠯᠥᠭ ︽ᠵᠠᠯᠪᠢᠨ ᠤ ᠰᠡᠷᠡᠶᠢᠰᠤ ᠵᠢᠸᠠᠷ ᠵᠦᠷ | ︾ ᠵᠠᠷᠯᠢᠭ ᠢ ᠤᠩᠰᠢᠭᠠᠳ ᠳᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠭᠡᠳᠡᠭ᠃ ᠡᠨᠡ ᠨᠢ ︽ᠪᠢ ᠢᠯᠠᠭᠤᠭᠰᠠᠨ ᠪᠤᠷᠬᠠᠨ ᠤ ᠬᠦᠦ | ᠪᠤᠯᠵᠤ ᠲᠥᠷᠥᠯᠠ︾ ᠭᠡᠰᠡᠨ ᠵᠠᠷᠯᠢᠭ ᠶᠤᠮ᠃ ᠲᠡᠷᠡ ᠴᠠᠭ ᠠᠴᠠ ᠬᠤᠶᠢᠰᠢ ᠵᠢᠯ ᠪᠦᠷᠢ ᠡᠨᠡ ᠡᠳᠦᠷ ᠢ ᠵᠤᠯᠠ ᠶᠢᠨ | ᠬᠤᠷᠢᠨ ᠲᠠᠪᠤᠨ ᠭᠡᠮᠡᠨ ᠲᠡᠮᠳᠡᠭᠯᠡᠵᠦ ︽ᠳ᠋ᠤᠩᠴᠢᠳ︾ ᠪᠤᠶᠤ ᠮᠢᠩᠭᠠᠨ ᠳᠠᠬᠢᠯ ᠤᠨ ᠵᠤᠯᠠ ᠬᠦᠵᠢ ᠡᠷᠭᠦᠵᠦ ᠶᠡᠭᠡ | ᠬᠤᠷᠠᠯ ᠢᠷᠦᠭᠡᠯ ᠬᠤᠷᠠᠬᠤ ᠪᠤᠯᠤᠭᠰᠠᠨ᠃ | ᠡᠨᠡ ᠡᠳᠦᠷ ᠰᠦᠰᠦᠭᠲᠡᠨ ᠤᠯᠠᠨ ᠲᠦᠮᠡᠨ ᠮᠠᠴᠠᠭ ᠪᠠᠷᠢᠵᠦ ︵ᠴᠠᠭᠠᠨ ᠬᠤᠭᠤᠯᠠ ᠢᠳᠡᠬᠦ︶ ᠵᠤᠯᠠ ᠡᠷᠭᠦᠵᠦ᠂ | ᠠᠷᠪᠠᠨ ᠬᠠᠷᠠ ᠨᠢᠭᠦᠯ ᠢ ᠳᠡᠪᠴᠢᠨ ᠪᠡᠶᠡ᠂ ᠬᠡᠯᠡ᠂ ᠰᠡᠳᠬᠢᠯ ᠢᠶᠠᠨ ᠠᠷᠢᠭᠤᠰᠬᠠᠨ ᠪᠤᠶᠠᠨ ᠦᠢᠯᠡᠳᠦᠪᠡᠰᠦ ᠡᠷᠭᠦᠭᠰᠡᠨ | ᠨᠢᠭᠡ ᠵᠤᠯᠠ ᠮᠢᠩᠭᠠ ᠪᠤᠯᠵᠤ᠂ ᠤᠩᠰᠢᠭᠰᠠᠨ ᠨᠢᠭᠡ ᠮᠠᠨᠢ ᠲᠦᠮᠡ ᠪᠤᠯᠵᠤ ᠠᠷᠪᠢᠴᠢᠳᠠᠭ ᠤᠴᠢᠷᠲᠠᠢ ᠶᠤᠮ᠃ ᠡᠨᠡ | ᠡᠳᠦᠷ ᠶᠡᠭᠡ ᠪᠤᠶᠠᠨ ᠬᠤᠷᠢᠶᠠᠨᠠ ᠭᠡᠰᠡᠨ ᠦᠭᠡ᠃ | ᠡᠨᠡ ᠡᠳᠦᠷ ᠮᠤᠩᠭᠤᠯᠴᠤᠳ ᠨᠢᠭᠡ ᠵᠢᠯ ᠤᠨ ᠨᠢᠭᠦᠯ ᠬᠢᠯᠢᠨᠴᠡ ᠪᠠᠨ ᠵᠠᠯᠪᠡᠷᠢᠵᠦ᠂ ᠪᠤᠷᠬᠠᠨ ᠭᠦᠩᠭᠠᠷᠸᠠ ᠳᠠᠭᠠᠨ | ᠵᠤᠯᠠ ᠬᠦᠵᠢ ᠡᠷᠭᠦᠨ ᠪᠤᠶᠠᠨ ᠢᠪᠡᠭᠡᠯ ᠬᠦᠰᠡᠨ ᠳᠠᠭᠠᠳᠬᠠᠳᠠᠭ ᠤᠴᠢᠷ ᠲᠠᠢ᠃ ᠮᠤᠩᠭᠤᠯᠴᠤᠳ ᠡᠪᠦᠯ ᠢᠳᠡᠬᠦ | ᠢᠳᠡᠰᠢ ᠪᠠᠨ ᠬᠤᠷᠢᠨ ᠲᠠᠪᠤᠨ ᠤ ᠡᠳᠦᠷ ᠤᠨ ᠡᠮᠦᠨᠡ ᠳᠦᠭᠦᠭᠡᠷᠴᠦ ᠳᠠᠭᠤᠰᠬᠠᠭᠠᠳ ᠤᠯᠠᠨ ᠠᠮᠢᠲᠠᠨ ᠤ ᠠᠮᠢ | ᠳᠠᠰᠤᠯᠤᠭᠰᠠᠨ ᠨᠢᠭᠦᠯ ᠢᠶᠠᠨ ᠨᠠᠮᠠᠭᠴᠢᠯᠠᠵᠤ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠤ ᠬᠤᠷᠠᠯ ᠢ ᠲᠠᠭᠠᠨ ᠪᠠᠶᠠᠰᠴᠤ᠂ ᠡᠨᠡᠬᠦ | ᠦᠢᠯᠡ ᠠᠴᠠ ᠬᠤᠶᠢᠰᠢ ᠪᠠᠶᠢᠭᠠᠯᠢ ᠶᠢᠨ ᠠᠩ ᠠᠮᠢᠲᠠᠨ ᠢ ᠬᠥᠨᠥᠭᠡᠵᠦ ᠰᠦᠢᠳᠭᠡᠵᠦ ᠪᠤᠯᠳᠠᠭ ᠦᠭᠡᠢ ᠪᠦᠭᠡᠳ ᠡᠨᠡ | ᠨᠢ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠨᠢᠭᠡᠨ ᠬᠡᠯᠪᠡᠷᠢ ᠪᠤᠯᠵᠤ ᠢᠷᠡᠵᠠᠢ᠃ ᠮᠤᠩᠭᠤᠯᠴᠤᠳ ᠵᠤᠯᠠ ᠡᠷᠭᠦᠭᠦ ᠳᠡᠭᠡᠨ ᠥᠨᠥ | ᠪᠠ ᠬᠤᠶᠢᠲᠤ ᠶᠢᠨ ᠪᠤᠶᠠᠨ᠂ ᠥᠭᠡᠳᠡ ᠪᠤᠯᠤᠭᠰᠠᠳ ᠤᠨ ᠪᠤᠶᠠᠨ ᠳᠤ ᠵᠤᠬᠢᠴᠠᠭᠤᠯᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠮᠠᠯ | ᠮᠠᠭᠤᠯᠠᠬᠤ ᠳᠠᠭᠠᠨ ᠬᠦᠷᠲᠡᠯᠡ ᠰᠠᠶᠢᠨ ᠲᠥᠷᠥᠯ ᠤᠯᠬᠤ ᠶᠢ ᠢᠷᠦᠭᠡᠵᠦ ᠵᠤᠯᠠ ᠡᠷᠭᠦᠳᠡᠭ ᠵᠠᠩᠰᠢᠯ ᠪᠤᠢ᠃ ᠵᠤᠯᠠ ᠶᠢᠨ | ᠭᠤᠤᠯ ᠤᠷᠢᠶᠠᠵᠦ ᠪᠤᠢ ᠦᠶᠡ ᠳᠡᠭᠡᠨ ᠢᠵᠠᠭᠤᠷ ᠤᠨ ᠭᠤᠷᠪᠠᠨ ᠪᠤᠷᠬᠠᠨ ᠤ ᠵᠢᠷᠦᠬᠡᠨ ᠳᠠᠷᠨᠢ ᠪᠤᠶᠤ ︽ᠤᠮ ᠠᠷᠠ | ᠪᠠ ᠵᠠ ᠨᠠ ᠳ᠋ᠢ︾᠂ ︽ᠤᠮ ᠮᠠ ᠨᠢ ᠪᠠᠳ᠋ ᠮᠧ ᠬᠤᠮ︾᠂ ︽ᠤᠮ ᠪᠠᠽᠠᠷ ᠸᠠᠨᠢ ᠬᠤᠮ ᠫᠠᠳ︾ ᠲᠡᠷᠨᠢ ᠤᠳ | ᠪᠤᠯᠤᠨ ᠥᠪᠡᠷ ᠤᠨ ᠮᠡᠳᠡᠳᠡᠭ ᠲᠡᠷᠨᠢ ᠮᠡᠭᠵᠢᠮ ᠲᠡᠷᠢᠭᠦᠲᠡᠨ ᠢᠶᠠᠨ ᠤᠩᠰᠢᠵᠤ ᠪᠠᠶᠢᠪᠠᠯ ᠰᠠᠶᠢᠨ ᠭᠡᠳᠡᠭ᠃ ᠵᠤᠯᠠ | ᠡᠷᠭᠦᠭᠦ ᠳᠡᠭᠡᠨ ᠪᠠᠰᠠ ᠢᠳᠡᠰᠢᠨ ᠳᠤ ᠳᠦᠭᠦᠭᠡᠷᠦᠭᠰᠡᠨ ᠮᠠᠯ ᠤᠨ ᠢᠶᠠᠨ ᠪᠠᠷᠠᠭᠤᠨ ᠪᠥᠭᠡᠷᠡᠨ ᠤ ᠥᠭᠡᠬᠦ ᠶᠢ ᠬᠠᠶᠢᠯᠭᠠᠨ | ᠵᠤᠯᠠ ᠡᠷᠭᠦᠳᠡᠭ ᠵᠠᠩᠰᠢᠯ ᠪᠠᠰᠠ ᠪᠤᠢ᠃ |