| ᠠᠭᠤᠯᠠ ᠨᠢ ᠴᠡᠩᠭᠡᠷ᠂ ᠤᠰᠤ ᠨᠢ ᠲᠤᠩᠭᠠᠯᠠᠭ᠂ ᠪᠡᠯᠴᠢᠭᠡᠷ ᠨᠢ ᠰᠢᠮᠡᠯᠢᠭ᠂ ᠲᠡᠨᠢᠭᠡᠷ ᠭᠤᠪᠢ ᠨᠤᠳᠤᠭ ᠲᠤ ᠮᠢᠨᠢ ᠠᠩ ᠬᠦᠷᠦᠭᠡᠰᠦ᠂ | ᠠᠷᠢᠶᠠᠳᠠᠨ ᠵᠢᠬᠦᠷᠳᠡᠨ ᠤᠯᠠᠨ ᠲᠤᠭᠠ ᠪᠠᠷ ᠢᠳᠡᠭᠡᠰᠢᠨ ᠨᠤᠳᠤᠭᠯᠠᠵᠤ᠂ ᠨᠡᠬᠦᠳᠡᠯ ᠰᠤᠶᠤᠯ ᠲᠠᠢ ᠤᠷᠠᠳᠴᠤᠳ ᠤᠨ ᠠᠵᠤ | ᠠᠮᠢᠳᠤᠷᠠᠯ ᠳᠤ ᠠᠭᠤᠰᠤᠭᠳᠠᠨ ᠰᠢᠩᠭᠡᠭᠡᠳ ᠤᠷᠠᠳᠴᠤᠳ ᠤᠨ ᠠᠩ ᠤᠨ ᠰᠤᠶᠤᠯ ᠢ ᠡᠬᠦᠳᠴᠡᠢ᠃ | ᠠᠩ ᠤᠨ ᠰᠤᠶᠤᠯ ᠨᠢ ᠮᠠᠨ ᠤ ᠨᠡᠬᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠦᠶᠡ ᠲᠠᠮᠵᠢᠵᠤ ᠢᠷᠡᠭᠰᠡᠨ ᠪᠠᠶᠢᠭᠠᠯᠢ | ᠤᠷᠴᠢᠨ ᠲᠠᠢ ᠪᠠᠨ ᠵᠤᠬᠢᠴᠠᠨ ᠠᠮᠢᠳᠤᠷᠠᠬᠤ ᠦᠪᠡᠷᠮᠢᠴᠡ ᠰᠠᠶᠢᠬᠠᠨ ᠰᠤᠶᠤᠯ ᠪᠤᠯᠬᠤ ᠶᠤᠮ᠃ |
ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠷ ᠠᠵᠤ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠪᠤᠯᠭᠠᠭᠰᠠᠨ ᠮᠠᠨ ᠤ ᠤᠷᠠᠳᠴᠤᠳ ᠭᠡᠳᠦᠶᠢᠪᠡᠷ | ᠠᠩᠴᠢᠨ ᠤᠭᠰᠠᠭᠠᠳᠠᠨ ᠪᠢᠰᠢ ᠴᠦ ᠨᠡᠬᠦᠳᠡᠯ ᠰᠤᠶᠤᠯ ᠳᠤ ᠪᠠᠨ ᠵᠤᠬᠢᠴᠠᠭᠰᠠᠨ ᠠᠩ ᠤᠨ ᠰᠤᠶᠤᠯ ᠲᠠᠢ | ᠤᠭᠰᠠᠭᠠᠳᠠᠨ ᠪᠤᠯᠬᠤ ᠶᠤᠮ᠃ ᠤᠷᠠᠳᠴᠤᠳ ᠶᠡᠭᠡ ᠲᠦᠯᠦᠪ ᠬᠠᠪᠬᠠ᠂ ᠭᠠᠯᠳᠤ ᠫᠤᠤ ᠪᠠᠷ ᠠᠩ | ᠬᠦᠷᠦᠭᠡ ᠬᠢᠵᠦ ᠠᠵᠤ ᠠᠮᠢᠳᠤᠷᠠᠯ ᠳᠤ ᠪᠠᠨ ᠲᠤᠰᠠ ᠢᠪᠡᠭᠡᠰᠦ ᠪᠤᠯᠭᠠᠭᠰᠠᠭᠠᠷ ᠢᠷᠡᠵᠡᠢ᠃
ᠲᠠᠯᠠᠭᠠᠳ | ᠤᠨ ᠤ ᠡᠬᠢ ᠪᠠᠷ ᠲᠦᠷᠭᠡᠨ ᠫᠤᠤ᠂ ᠲᠡᠷᠭᠡ ᠤᠨᠤᠭᠠ ᠤᠷᠠᠳ ᠨᠤᠳᠤᠭ ᠲᠤ ᠢᠪᠡᠷᠡᠨ ᠤᠷᠤᠭᠰᠠᠨ ᠪᠠ | ᠬᠦᠮᠦᠰ ᠤᠨ ᠠᠯᠠᠯᠭᠠ ᠬᠢᠳᠤᠯᠭᠠ ᠶᠢᠨ ᠰᠢᠷᠦᠬᠦᠨ ᠲᠠᠭᠠᠷᠢᠯᠳᠠ ᠠᠴᠠ ᠪᠤᠯᠵᠤ ᠠᠷᠢᠶᠠᠳᠠᠨ ᠬᠦᠷᠦᠭᠡᠰᠦ | ᠲᠦᠷᠭᠡᠨ ᠬᠤᠷᠳᠤᠴᠠ ᠪᠠᠷ ᠴᠦᠭᠡᠷᠡᠵᠦ᠂ ᠰᠢᠨᠡ ᠵᠠᠭᠤᠨ ᠪᠤᠯᠬᠤ ᠳᠤ ᠬᠠᠯᠵᠠᠨ ᠲᠤᠷᠤᠭᠤ᠂ ᠰᠢᠯᠦᠬᠦᠰᠦ᠂ ᠲᠠᠷᠪᠠᠭᠠ᠂ | ᠤᠯᠠᠭᠠᠨ ᠢᠮᠠᠭᠠ᠂ ᠠᠷᠭᠠᠯᠢ ᠁ ᠮᠡᠳᠦ ᠶᠢᠨ ᠠᠩ ᠠᠮᠢᠳᠠᠨ ᠦᠨᠳᠦᠰᠦ ᠲᠠᠰᠤᠷᠠᠭᠰᠠᠨ ᠪᠠᠶᠢᠳᠠᠯ ᠳᠤ ᠤᠷᠤᠵᠤ᠂ | ᠪᠢᠳᠡᠨ ᠤ ᠦᠷᠡ ᠬᠤᠶᠢᠴᠢᠰ ᠠᠷᠢᠶᠠᠳᠠᠨ ᠬᠦᠷᠦᠭᠡᠰᠦ ᠶᠢ ᠦᠰᠴᠦ ᠲᠦᠷᠦᠭᠰᠡᠨ ᠨᠤᠳᠤᠭ | ᠤᠰᠤᠨ ᠠᠴᠠ ᠪᠠᠨ ᠪᠤᠰᠤ ᠲᠧᠯᠸᠢᠰ ᠠᠴᠠ ᠬᠠᠮᠢᠭᠠᠨᠠ ᠴᠠᠭᠠᠨᠠ ᠭᠠᠭᠴᠠ ᠨᠢᠬᠡ ᠬᠠᠷᠠᠬᠤ | ᠲᠡᠳᠦᠢ ᠪᠤᠯᠵᠠᠢ᠃
ᠠᠪᠤ ᠮᠢᠨᠢ ︽ᠰᠦᠷᠦᠭ ᠢᠶᠠᠷ ᠮᠠᠯ ᠲᠠᠢ ᠴᠦ ᠪᠠᠷᠢᠮᠳᠠ ᠪᠠᠷ ᠮᠢᠬᠠ ᠢᠳᠡᠵᠦ ᠪᠠᠶᠢᠭᠰᠠᠨ | ᠶᠡᠭᠡ ᠲᠤᠭᠤᠭᠠᠨ ᠤ ᠦᠶᠡ ᠳᠤ᠂ ᠠᠪᠤ ᠡᠵᠢ᠂ ᠦᠨᠦᠴᠢᠨ ᠨᠢᠯᠵᠠᠷᠠᠢ ᠭᠡᠦᠭᠡᠳ ᠤᠳ ᠲᠤ ᠪᠠᠨ ᠬᠠᠷᠠ ᠤᠰᠤ ᠲᠠᠢ ᠪᠤᠳᠠᠭᠠ | ᠢᠳᠡᠬᠦᠯᠬᠦ ᠦᠭᠡᠢ ᠶᠢᠨ ᠡᠷᠭᠡᠨ ᠳᠤ ᠵᠡᠭᠡᠷᠡ᠂ ᠠᠷᠭᠠᠯᠢ ᠠᠯᠠᠳᠠᠭ ᠪᠠᠶᠢᠯᠠ᠃ ᠨᠠᠮᠠ ᠶᠢ ᠠᠯᠠᠬᠤ ᠶᠢᠨ | ᠤᠳᠤᠨ ᠳᠤ ᠲᠦᠷᠦᠭᠰᠡᠨ ᠶᠠᠷᠭᠠᠴᠢᠨ ᠭᠡᠵᠤ ᠭᠡᠯᠡᠭᠰᠡᠨ ᠴᠦ ᠪᠤᠯᠤᠨᠠ᠃ ᠭᠡᠯᠡ ᠴᠦ ᠤᠷᠠᠳ ᠨᠤᠳᠤᠭ ᠤᠨ | ᠮᠢᠨᠢ ᠠᠩ ᠠᠮᠢᠳᠠᠨ ᠢ ᠬᠤᠶᠠᠷ᠂ ᠭᠤᠷᠪᠠᠭ᠋ᠠᠨ ᠬᠠᠷᠠ ᠬᠠᠪᠬᠠ ᠲᠠᠢ ︿ᠬᠠᠷᠠ ᠬᠦᠦ﹀ ᠪᠢ ᠠᠯᠠᠭᠠᠳ ᠪᠠᠷᠠᠬᠤ | ᠶᠤᠮ ᠪᠢᠰᠢ ᠬᠠᠷᠢᠨ ᠲᠦᠷᠭᠡᠨ ᠫᠤᠤ᠂ ᠵᠢᠶᠧᠹᠠᠩ ᠲᠡᠷᠭᠡ᠂ ᠴᠠᠯᠢᠩ ᠪᠠᠭᠠ ᠲᠠᠢ ᠭᠠᠨᠪᠦ᠋ ᠭᠤᠷᠪᠠ ᠯᠠ ᠪᠠᠷᠠᠭᠰᠠᠨ ᠳ᠋ᠠ︾ | ᠭᠡᠵᠤ ᠦᠪᠡᠷ ᠢ ᠪᠠᠨ ᠴᠠᠭᠠᠪᠦᠷᠢᠯᠠᠭᠠᠳ᠂ ᠠᠩ ᠬᠦᠷᠦᠭᠡᠨ ᠤ ᠲᠤᠬᠠᠢ ᠨᠡᠯᠢᠶᠡᠳ ᠵᠦᠢᠯ ᠢ ᠲᠡᠮᠳᠡᠭᠯᠡᠨ | ᠠᠪᠴᠢᠷᠠᠵᠤ ᠦᠭᠬᠦ ᠳᠤ ᠪᠠᠨ ︽ᠬᠠᠪᠬᠠ ᠶᠢ ᠭᠠᠵᠠᠷ ᠲᠤ ᠵᠡᠬᠦᠬᠦ ︵ᠪᠤᠯᠠᠬᠤ︶ ᠠᠮᠠᠷᠬᠠᠨ ᠴᠦ | ᠴᠠᠭᠠᠰᠤᠨ ᠳᠤ ᠵᠡᠬᠦᠬᠦ ᠭᠡᠴᠡᠬᠦᠦ ᠯᠠ ᠶᠤᠮ ᠪᠠᠶᠢᠨᠠ︾ ᠭᠡᠪᠡ᠃
ᠠᠪᠤ ᠮᠢᠨᠢ ᠭᠠᠵᠠᠷ ᠲᠤ | ᠬᠠᠪᠬᠠ ᠵᠡᠬᠦᠵᠦ ᠵᠡᠬᠡᠷᠡ ᠬᠦᠷᠦᠭᠡᠰᠦ ᠪᠠᠷᠢᠨ ᠠᠩ ᠤᠨ ᠰᠤᠶᠤᠯ ᠢ ᠪᠦᠳᠦᠭᠡᠵᠦ ᠶᠠᠪᠤᠭᠰᠠᠨ ᠪᠤᠯ ᠪᠢ | ᠴᠠᠭᠠᠰᠤᠨ ᠳᠤ ᠬᠠᠪᠬᠠ ᠵᠡᠬᠦᠵᠦ ᠤᠷᠠᠳᠴᠤᠳ ᠤᠨ ᠢᠶᠠᠨ ᠠᠩ ᠤᠨ ᠰᠤᠶᠤᠯ ᠢ ᠲᠡᠮᠳᠡᠭᠯᠡᠨ | ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠳᠤ ᠪᠠᠭᠠ ᠴᠦ ᠭᠡᠰᠡᠨ ᠤᠶᠢᠯᠠᠭᠠᠭᠤᠯᠬᠤ ᠶᠢ ᠵᠤᠷᠢᠯᠠ᠃
| | | ᠪᠢ ᠠᠪᠤ ᠶᠢᠨ ᠪᠠᠷᠢᠭᠰᠠᠨ ᠵᠡᠭᠡᠷᠡ᠂ ᠠᠷᠭᠠᠯᠢ ᠶᠢᠨ ᠮᠢᠬᠠ ᠶᠢ ᠢᠳᠡᠵᠦ ᠦᠰᠦᠭᠰᠡᠨ ᠴᠦ ᠦᠪᠡᠷᠳᠡᠭᠡᠨ ᠠᠩᠨᠠᠵᠤ | ᠪᠠᠶᠢᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠵᠦᠪᠭᠡᠨ ᠠᠪᠤ ᠶᠢᠨ ᠶᠠᠷᠢᠭᠰᠠᠨ᠂ ᠪᠢᠴᠢᠵᠦ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯ ᠳᠤ ᠰᠠᠭᠤᠷᠢᠯᠠᠨ᠂ | ᠴᠠᠭᠠᠰᠤᠨ ᠳᠤ ᠬᠠᠪᠬᠠ ᠵᠡᠬᠦᠵᠦ ᠡᠬᠢᠯᠡᠯᠡ᠃ ᠮᠢᠨᠦ ᠵᠡᠬᠦᠭᠰᠡᠨ ᠬᠠᠪᠬᠠᠨ ᠳᠤ ᠤᠯᠠᠨ ᠰᠠᠶᠢᠬᠠᠨ ︽ᠤᠭᠤᠨᠤ︾ ᠤᠷᠤᠬᠤ | ᠪᠤᠯᠳᠤᠭᠠᠢ︕
ᠤᠷᠠᠳᠴᠤᠳ ᠵᠡᠭᠡᠷᠡ᠂ ᠠᠷᠭᠠᠯᠢ᠂ ᠬᠤᠯᠠᠨ᠂ ᠶᠠᠩᠬᠢᠷ᠂ ᠤᠯᠠᠭᠠᠨ ᠢᠮᠠᠭᠠ᠂ ᠦᠨᠡᠭᠡ᠂ ᠴᠢᠨ᠋ᠸᠠ᠂ ᠲᠠᠦᠯᠠᠢ᠂ | ᠮᠠᠩᠬᠢᠰᠦ ︵ᠬᠠᠯᠵᠠᠨ ᠲᠤᠷᠤᠭᠤ︶᠂ ᠲᠠᠷᠪᠠᠭᠠ ᠁ ᠵᠡᠷᠭᠡ ᠠᠩ ᠠᠮᠢᠳᠠᠨ ᠢ ᠭᠠᠯ ᠫᠤᠤ ᠪᠠᠷ ᠫᠤᠤᠳᠠᠬᠤ ᠪᠤᠶᠤ | ᠬᠠᠪᠬᠠᠳᠠᠵᠤ ᠠᠩᠨᠠᠳᠠᠭ
ᠪᠠᠶᠢᠵᠠᠢ᠃
ᠵᠡᠭᠡᠷᠡ
ᠮᠠᠨ ᠤ ᠤᠷᠠᠳ ᠭᠤᠪᠢ ᠨᠤᠳᠤᠭ ᠲᠤ | ᠤᠯᠠᠨ ᠲᠤᠭᠠ ᠪᠠᠷ ᠰᠦᠷᠦᠭᠯᠡᠨ ᠠᠮᠢᠳᠤᠷᠠᠳᠠᠭ ᠵᠡᠭᠡᠷᠡ ᠨᠢ ᠵᠤ᠂ ᠭᠤᠪᠢ᠂ ᠰᠢᠯᠢ ᠁ ᠶᠠᠮᠠᠷ ᠴᠦ ᠭᠠᠵᠠᠷ ᠪᠦᠷ | ᠢᠳᠡᠭᠡᠰᠢᠨ ᠨᠤᠳᠤᠭᠰᠢᠳᠠᠭ ᠴᠦ ᠶᠡᠭᠡ ᠦᠨᠳᠦᠷ᠂ ᠡᠭᠴᠠ ᠪᠤᠰᠤᠭᠠ᠂ ᠴᠠᠪᠴᠢᠮᠠ ᠬᠠᠳᠠᠨ ᠳᠤ | ᠢᠳᠡᠭᠡᠰᠢᠪᠦᠷᠢ ᠮᠠᠭᠤᠳᠠᠢ ᠪᠠᠶᠢᠳᠠᠭ᠃
ᠵᠡᠭᠡᠷᠡ ᠶᠢ ᠨᠠᠰᠤ ᠵᠢᠯ ᠢᠶᠠᠷ ᠨᠢ ᠨᠢᠬᠡ | ᠨᠠᠰᠤᠳᠠᠢ ᠶᠢ ᠨᠢ ᠢᠨᠵᠠᠭᠠ᠂ ᠬᠤᠶᠠᠷ ᠨᠠᠰᠤᠳᠠᠢ ᠡᠷᠡ ᠶᠢ ᠨᠢ ᠰᠤᠶᠤᠭᠠᠬᠠᠢ᠂ ᠡᠮᠡ ᠶᠢ ᠨᠢ | ᠰᠡᠷᠳᠡᠭᠴᠢᠨ ᠭᠡᠳᠡᠭ᠃ ᠭᠤᠷᠪᠠᠨ ᠨᠠᠰᠤ ᠬᠦᠷᠪᠡᠯ ᠶᠡᠭᠡ ᠲᠦᠯᠦᠪ ᠡᠷᠡ ᠶᠢ ᠨᠢ ᠤᠭᠤᠨᠤ᠂ ᠡᠮᠡ ᠶᠢ ᠨᠢ ᠰᠢᠷᠠᠭᠴᠢᠨ ᠭᠡᠨᠡ᠃ | ᠬᠦᠭᠰᠢᠨ ᠪᠦᠳᠦᠬᠦᠨ ᠪᠤᠷᠤ ᠶᠢᠨ ᠤᠭᠤᠨᠤ ᠶᠢ ᠴᠠᠭᠠᠨ ᠲᠤᠯᠤᠭᠠᠶᠢᠳᠤ ᠭᠡᠵᠤ ᠨᠡᠷᠡᠯᠡᠬᠦ ᠨᠢ ᠴᠦ ᠪᠤᠢ᠃
ᠵᠡᠭᠡᠷᠡ ᠶᠢ | ᠴᠠᠭᠠᠨ ᠤ ᠵᠡᠭᠡᠷᠡ ᠪᠠ ᠪᠤᠷᠤ ᠶᠢᠨ ᠵᠡᠭᠡᠷᠡ ᠭᠡᠵᠤ ᠬᠤᠶᠠᠷ ᠠᠩᠬᠢᠯᠠᠨᠠ᠃ ᠵᠡᠭᠡᠷᠡ ᠨᠠᠷᠢᠨ ᠤᠷᠳᠤ ᠰᠢᠯᠪᠢ ᠲᠠᠢ᠃ | ᠵᠡᠭᠡᠷᠡ ᠶᠢᠨ ᠨᠠᠷᠢᠨ ᠰᠢᠯᠪᠢ ᠶᠢᠨ ᠲᠤᠳᠤᠷ ᠲᠠᠯᠠ ᠳᠤ ᠪᠠᠶᠢᠳᠠᠭ ᠰᠢᠳᠦᠨ ᠤ ᠴᠢᠭᠴᠢᠯᠡᠬᠦᠷ ᠰᠢᠭ ᠬᠤᠶᠠᠷ ᠨᠠᠷᠢᠬᠠᠨ | ᠶᠠᠰᠤ ᠶᠢ ᠵᠡᠭᠡᠷᠡ ᠶᠢᠨ ᠰᠢᠯᠪᠢᠨ ᠤ ᠰᠢᠪᠡᠨᠡᠬᠦᠷ ᠭᠡᠳᠡᠭ᠃ ᠵᠡᠭᠡᠷᠡ ᠶᠢᠨ ᠰᠢᠯᠪᠢᠨ ᠤ ᠲᠦᠬᠦᠬᠡᠢ | ᠴᠢᠮᠦᠭᠡ ᠪᠠᠷ ᠭᠠᠯᠳᠤ ᠫᠤᠤ ᠲᠤᠰᠤᠯᠠᠵᠤ ᠪᠤᠯᠤᠨᠠ᠃ ᠪᠤᠷᠤ ᠶᠢᠨ ᠵᠡᠭᠡᠷᠡ ᠨᠢ ᠬᠤᠨᠢ ᠰᠢᠭ᠋ ᠦᠮᠡᠬᠢ ᠲᠠᠢ᠃ | ᠪᠤᠷᠤ ᠶᠢᠨ ᠵᠡᠭᠡᠷᠡ ᠶᠢᠨ ᠦᠮᠡᠬᠢ ᠶᠢ ᠪᠠᠰᠠ ᠲᠠᠭᠰᠢᠯᠳᠠ ᠶᠢᠨ ᠤᠭᠤᠳᠠ ᠭᠡᠨᠡ᠃ ᠪᠤᠷᠤ ᠶᠢᠨ ᠵᠡᠭᠡᠷᠡ ᠶᠢ ᠭᠤᠷᠪᠠᠨ | ᠲᠠᠭᠰᠢᠯᠳᠠ ᠲᠠᠢ ᠠᠮᠢᠳᠠᠨ ᠭᠡᠳᠡᠭ᠃ ᠪᠤᠷᠤᠪᠳᠤᠷ ᠦᠩᠭᠡ ᠲᠠᠢ ᠪᠤᠷᠤ ᠶᠢᠨ ᠵᠡᠭᠡᠷᠡ ᠨᠢ | ᠡᠬᠢᠯᠡᠩᠬᠦᠳᠡ ᠲᠠᠭᠰᠢᠵᠤ ᠬᠦᠳᠡᠯᠦᠭᠡᠳ ᠴᠠᠰᠢ ᠪᠠᠨ ᠲᠠᠪᠬᠢᠴᠢᠬᠠᠨᠠ᠃ ᠪᠤᠷᠤ ᠶᠢᠨ ᠵᠡᠭᠡᠷᠡ | ᠬᠠᠪᠬᠠ ᠠᠪᠤᠮᠠᠭᠴᠠ ᠠᠰᠬᠠᠨ ᠲᠠᠪᠬᠢᠨᠠ᠃ ᠬᠤᠨᠢᠨ ᠤ ᠲᠦᠷᠦᠯ ᠳᠤ ᠪᠠᠭᠳᠠᠳᠠᠭ ᠪᠤᠷᠤ ᠶᠢᠨ ᠵᠡᠭᠡᠷᠡ ᠶᠢᠨ | ᠮᠢᠬᠠ ᠨᠢ ᠠᠮᠳᠠᠳᠠᠢ ᠮᠦᠷᠳᠡᠭᠡᠨ ᠬᠤᠨᠳᠤᠯᠠᠢ ᠶᠢᠨ ᠮᠢᠬᠠ ᠨᠢ ᠠᠷᠪᠢᠨ᠃ ᠴᠠᠭᠠᠨ ᠤ ᠵᠡᠭᠡᠷᠡ | ᠲᠠᠭᠰᠢᠬᠤ ᠦᠭᠡᠢ᠃ ᠬᠠᠪᠬᠠ ᠠᠪᠤᠮᠠᠭᠴᠠ ᠲᠤᠭᠤᠶᠢᠯᠳᠠᠨ ᠲᠠᠪᠬᠢᠨᠠ᠃ ᠴᠠᠭᠠᠨ ᠤ ᠵᠡᠭᠡᠷᠡ ᠶᠢᠨ ᠪᠦᠬᠦ | ᠪᠡᠶᠡ ᠶᠢᠨ ᠮᠢᠬᠠ ᠨᠢ ᠲᠡᠩᠴᠡᠭᠦᠭᠡᠨ᠃ ᠨᠠᠰᠤ ᠬᠦᠢᠴᠡᠭᠰᠡᠨ ᠴᠠᠭᠠᠨ ᠤ ᠠᠷᠭᠢᠯ ᠤᠭᠤᠨᠤ ᠶᠢ | ᠴᠠᠭᠠᠨ ᠤ ᠬᠦᠭᠡ ᠪᠠᠭᠠᠯᠤᠤᠷ ᠭᠡᠳᠡᠭ᠃ ᠬᠠᠪᠤᠷ ᠤᠨ ᠲᠠᠷᠴᠠᠭ ᠴᠠᠭ ᠲᠤ ᠴᠠᠭᠠᠨ ᠤ ᠤᠭᠤᠨᠤ ᠶᠢᠨ | ᠨᠢᠷᠤᠭᠤ ᠨᠢ ᠭᠤᠤᠷᠳᠠᠨᠠ ︵ᠦᠳᠦ ᠲᠠᠢ ᠪᠠᠶᠢᠳᠠᠭ︶ ᠃
ᠬᠤᠯᠠᠨ
ᠬᠤᠯᠠᠨ ᠤ ᠲᠡᠯ | ᠰᠡᠬᠦᠯ ᠨᠢ ᠬᠠᠷᠠ᠂ ᠬᠤᠸᠠ ᠬᠤᠩᠭᠤᠷ ᠵᠢᠰᠤᠮ ᠲᠠᠢ᠃ ᠲᠦᠷᠪᠡᠨ ᠬᠤᠷᠤᠭᠤ ᠰᠢᠬᠠᠮ ᠦᠨᠳᠦᠷ ᠲᠡᠯ ᠲᠠᠢ᠂ | ᠰᠡᠬᠦᠯ ᠨᠢ ᠰᠢᠩᠬᠡᠨ᠂ ᠴᠢᠬᠢ ᠨᠢ ᠠᠳᠤᠭᠤᠨ ᠤ ᠴᠢᠬᠢ ᠠᠴᠠ ᠦᠨᠳᠦᠷ᠃ ᠬᠤᠷᠳᠤᠨ ᠲᠠᠪᠬᠢᠨᠠ᠃ ᠬᠤᠯᠠᠨ ᠢ ᠨᠠᠰᠤ | ᠵᠢᠯ ᠢᠶᠠᠷ ᠨᠢ ᠶᠡᠭᠡ ᠲᠦᠯᠦᠪ ᠤᠨᠠᠭᠠ᠂ ᠲᠠᠭᠠ᠂ ᠬᠡᠬᠦᠦ᠂ ᠠᠵᠢᠷᠭᠠ ᠁ ᠭᠡᠵᠤ ᠨᠡᠷᠡᠯᠡᠨᠡ᠃ | ᠮᠢᠬᠠ ᠨᠢ ᠵᠠᠭᠠᠷ ᠲᠠᠢ᠃ ᠬᠦᠬᠡᠬᠡᠵᠦ ᠬᠦᠯᠦᠷᠡᠭᠡᠭᠰᠡᠨ ᠬᠤᠯᠠᠨ ᠤ ᠮᠢᠬᠠᠨ ᠠᠴᠠ ᠵᠠᠭᠠᠷ ᠠᠮᠳᠠᠭᠳᠠᠬᠤ ᠦᠭᠡᠢ᠃ | ᠪᠤᠷᠴᠠᠯᠠᠵᠤ ᠬᠠᠳᠠᠭᠠᠭᠰᠠᠨ ᠲᠠᠷᠭᠤᠨ ᠬᠤᠯᠠᠨ ᠤ ᠮᠢᠬᠠ ᠭᠤᠴᠤ ᠠᠮᠳᠠᠳᠠᠢ᠂ ᠲᠤᠰᠤᠯᠢᠭ ᠪᠠᠶᠢᠵᠤ | ᠠᠮᠠᠷᠬᠠᠨ ᠬᠤᠭᠤᠯᠠᠭᠳᠠᠳᠠᠭ ᠦᠭᠡᠢ᠃
ᠠᠷᠭᠠᠯᠢ
ᠠᠷᠭᠠᠯᠢ ᠬᠦᠷᠡᠩ ᠪᠤᠷᠤᠪᠳᠤᠷ ᠦᠩᠭᠡ ᠲᠠᠢ᠃ | ᠨᠠᠮᠬᠠᠨ ᠬᠢᠷᠠ᠂ ᠦᠨᠳᠦᠷ ᠠᠭᠤᠯᠠ ᠶᠢᠨ ᠪᠡᠯ ᠰᠢᠯᠢ ᠪᠠᠷ ᠪᠡᠯᠴᠢᠭᠡᠷᠯᠡᠨ ᠨᠤᠳᠤᠭᠯᠠᠨᠠ᠃ ᠤᠷᠠᠳᠴᠤᠳ ᠠᠷᠭᠠᠯᠢ ᠶᠢ | ᠬᠤᠨᠢᠨ ᠤ ᠲᠦᠷᠦᠯ ᠤᠨ ᠠᠮᠢᠳᠠᠨ ᠳᠤ ᠬᠠᠷᠢᠶᠠᠯᠠᠭᠤᠯᠤᠨ ᠨᠠᠰᠤ ᠵᠢᠯ ᠢᠶᠠᠷ ᠨᠢ ᠬᠤᠷᠠᠭᠠ᠂ ᠲᠦᠯᠦᠬᠡ᠂ | ᠡᠮᠡ ᠬᠤᠨᠢ᠂ ᠤᠭᠠᠯᠵᠠ ᠭᠡᠵᠤ ᠨᠡᠷᠡᠯᠡᠨᠡ᠃ ᠬᠡᠬᠦ ᠳᠤ ᠪᠠᠨ ᠭᠤᠷᠪᠠ ᠠᠴᠠ ᠲᠦᠷᠪᠡᠨ ᠨᠠᠰᠤᠨ ᠤ ᠡᠷᠡ ᠶᠢ ᠨᠢ | ᠰᠢᠷᠠ ᠡᠪᠡᠷ ᠭᠡᠵᠤ᠂ ᠲᠠᠪᠤ ᠠᠴᠠ ᠲᠡᠭᠡᠭᠰᠢ ᠨᠠᠰᠤ ᠲᠠᠢ ᠡᠷᠡ ᠶᠢ ᠨᠢ ᠤᠭᠠᠯᠵᠠ ᠭᠡᠨᠡ᠃ ᠡᠮᠡ ᠶᠢ ᠨᠢ ᠡᠮᠡ | ᠬᠤᠨᠢ ᠭᠡᠳᠡᠭ᠃ ᠠᠷᠭᠠᠯᠢ ᠭᠡᠳᠡᠭ ᠨᠢ ᠶᠡᠭᠡ ᠲᠦᠯᠦᠪ ᠶᠡᠷᠦᠩᠬᠡᠢ ᠨᠡᠷᠡᠶᠢᠳᠦᠯ ᠨᠢ ᠪᠤᠯᠵᠤ ᠪᠠᠶᠢᠳᠠᠭ᠃ ᠠᠷᠭᠠᠯᠢ ᠶᠢᠨ | ᠤᠭᠠᠯᠵᠠ ᠲᠠᠩᠬᠠᠭᠠᠷ ᠲᠤᠮᠤ ᠲᠤᠭᠤᠷᠢᠭ ᠡᠪᠡᠷ ᠲᠠᠢ᠃ ᠡᠮᠡ ᠬᠤᠨᠢ ᠨᠢ ᠨᠠᠷᠢᠬᠠᠨ ᠲᠤᠭᠤᠷᠢᠭ ᠡᠪᠡᠷ ᠲᠠᠢ᠃ | ᠠᠷᠭᠠᠯᠢ ᠶᠢᠨ ᠤᠭᠠᠯᠵᠠ ᠬᠦᠭᠰᠢᠷᠡᠵᠦ ᠪᠦᠳᠦᠬᠦᠷᠡᠪᠡᠯ ᠨᠢᠷᠤᠭᠤᠨ ᠳᠤ ᠨᠢ ᠴᠠᠭᠠᠨ ᠦᠰᠦ | ᠤᠷᠭᠤᠵᠤ ᠲᠤᠬᠤᠮ ᠠᠯᠠᠭ ᠪᠤᠯᠤᠨᠠ᠃ ᠠᠷᠬᠢᠯ ᠪᠦᠳᠦᠬᠦᠨ ᠤᠭᠠᠯᠵᠠ ᠶᠢ ᠲᠤᠬᠤᠮ ᠠᠯᠭ ᠭᠡᠳᠡᠭ᠃ ᠤᠷᠢᠳᠦ | ᠮᠠᠨ ᠤ ᠤᠷᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠭᠡᠪᠴᠢᠶᠡᠨ ᠳᠤ ᠠᠷᠭᠠᠯᠢ ᠤᠭᠠᠯᠵᠠ ᠨᠡᠶᠢᠳᠡᠮ ᠲᠠᠷᠬᠠᠨ ᠨᠤᠳᠤᠭᠯᠠᠳᠠᠭ ᠴᠦ | ᠬᠤᠶᠠᠭ ᠲᠤᠭᠤᠯᠠᠭᠠ ᠶᠢᠨ ᠬᠢᠷᠠ᠂ ᠵᠠᠭᠠᠯ ᠤᠨ ᠤᠪᠤᠭᠠ᠂ ᠪᠤᠩᠬᠤᠨ ᠴᠠᠬᠢᠷ᠂ ᠶᠡᠭᠡ ᠪᠠᠭᠠ ᠪᠢᠳᠡᠬᠦᠦ᠂ | ᠬᠠᠩᠭᠠᠢ ᠨᠡᠬᠦᠴᠡ᠂ ᠪᠠᠶᠠᠨ ᠨᠢᠷᠤᠭᠤᠨ ᠤ ᠤᠷᠤᠢ᠂ ᠪᠠᠶᠠᠨ ᠬᠤᠰᠢᠭᠤᠨ ᠤ ᠬᠢᠷᠠ᠂ ᠪᠤᠷᠪᠢ ᠶᠢᠨ ᠬᠢᠷᠠ᠂ | ᠬᠦᠪ ᠤᠨ ᠤᠪᠤᠭᠠ᠂ ᠴᠡᠪᠴᠢᠷ ᠤᠨ ᠡᠷᠢᠶᠡᠯᠵᠢ᠂ ᠬᠠᠪᠴᠠᠭᠠᠢ ᠶᠢᠨ ᠤᠪᠤᠭᠠ ᠁ ᠪᠠᠷ ᠭᠤᠤᠯᠳᠠᠢ ᠰᠦᠷᠦᠭᠯᠡᠨ | ᠨᠤᠳᠤᠭᠰᠢᠳᠠᠭ ᠪᠠᠶᠢᠯᠠ᠃
ᠬᠠᠪᠬᠠ ᠪᠠᠷ ᠬᠦᠷᠦᠭᠡᠯᠡᠬᠦ
ᠤᠷᠠᠳ ᠭᠤᠪᠢ ᠨᠤᠳᠤᠭ ᠲᠤ ᠠᠶᠢᠯ ᠠᠮᠢᠳᠠᠨ | ᠴᠦᠬᠡᠨ ᠠᠩ ᠬᠦᠷᠦᠭᠡᠰᠦ ᠡᠯᠪᠡᠭ᠃ ᠴᠦᠬᠡᠨ ᠬᠡᠳᠦᠨ ᠡᠪᠦᠭᠡᠴᠦᠦᠯ ᠭᠠᠯᠳᠤ ᠫᠤᠤ ᠡᠭᠦᠷᠬᠦ ᠶᠢ ᠭᠠᠷᠭᠠᠪᠠᠯ | ᠤᠯᠠᠩᠬᠢ ᠬᠦᠮᠦᠨ ᠬᠠᠪᠬᠠ ᠵᠡᠬᠦᠵᠦ ᠬᠦᠷᠦᠭᠡᠯᠡᠨᠡ᠃ ᠬᠠᠪᠬᠠ ᠪᠠᠷ ᠬᠦᠷᠦᠭᠡᠯᠡᠬᠦ ᠳᠤ ᠬᠠᠮᠢᠭᠠ ᠪᠤᠯ ᠬᠠᠮᠢᠭᠠ | ᠬᠠᠪᠬᠠ ᠵᠡᠬᠦᠭᠡᠳ ᠵᠡᠭᠡᠷᠡ ᠬᠦᠷᠦᠭᠡᠰᠦ ᠪᠠᠷᠢᠴᠢᠬᠠᠬᠤ ᠪᠢᠰᠢ᠃ ᠬᠠᠷᠢᠨ ᠭᠠᠵᠠᠷ ᠤᠨ ᠪᠠᠶᠢᠴᠠ᠂ ᠵᠡᠭᠡᠷᠡ | ᠬᠦᠷᠦᠭᠡᠰᠦᠨ ᠤ ᠬᠦᠶᠦᠳᠡᠯ ᠴᠤᠪᠤᠭᠠ᠂ ᠤᠭᠤᠨᠤ ᠶᠢᠨ ᠪᠠᠭᠠᠳᠠᠯ᠂ ᠨᠠᠭᠤᠷ ᠵᠠᠳᠠᠭᠠᠢ ᠶᠢᠨ ᠬᠦᠪᠡᠭᠡ᠂ | ᠴᠠᠰᠤᠨ ᠤ ᠲᠠᠬᠤ᠂ ᠰᠡᠭ ᠰᠡᠪᠡᠰᠦᠨ ᠤ ᠦᠨᠦᠷ᠂ ᠡᠪᠡᠰᠦ ᠤᠷᠭᠤᠮᠠᠯ ᠁ ᠵᠡᠷᠭᠡ ᠳᠤ ᠬᠠᠪᠬᠠ ᠵᠡᠬᠦᠵᠦ ᠵᠡᠭᠡᠷᠡ | ᠬᠦᠷᠦᠭᠡᠰᠦ ᠪᠠᠷᠢᠨᠠ᠃
ᠵᠡᠬᠡᠷᠡ ᠬᠦᠷᠦᠭᠡᠰᠦ ᠶᠢ ᠬᠠᠪᠬᠠ ᠪᠠᠷ ᠪᠠᠷᠢᠬᠤ ᠶᠢ ᠬᠠᠪᠬᠠ ᠵᠡᠬᠦᠵᠦ | ᠬᠦᠷᠦᠭᠡᠯᠡᠨᠡ ᠭᠡᠨᠡ᠃ ᠬᠠᠪᠬᠠ ᠵᠡᠬᠦᠬᠦ ᠶᠢ ᠬᠠᠪᠬᠠ ᠪᠤᠯᠠᠨᠠ ᠭᠡᠵᠤ ᠶᠠᠷᠢᠬᠤ ᠨᠢ ᠴᠦ ᠪᠤᠢ᠃
| ᠬᠠᠪᠬᠠ ᠨᠢ ᠬᠠᠪᠬᠠ᠂ ᠤᠯᠠᠪᠴᠢ ᠬᠤᠶᠠᠷ ᠠᠴᠠ ᠪᠦᠷᠢᠯᠳᠦᠨᠡ᠃ ᠬᠠᠪᠬᠠ ᠨᠢ ᠬᠠᠪᠬᠠᠨ ᠤ ᠭᠠᠷ᠂ ᠴᠢᠮᠴᠢ᠂ ᠴᠢᠮᠴᠢ ᠶᠢᠨ ᠬᠠᠳᠠᠭᠠᠰᠤ᠂ | ᠬᠤᠴᠠ᠂ ᠲᠠᠪᠠᠭ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠦᠵᠦ᠂ ᠤᠯᠠᠪᠴᠢ ᠨᠢ ᠬᠦᠨᠳᠡᠯᠢ᠂ ᠲᠡᠪᠬᠢ ︵ᠱᠦᠷᠭᠡ︶᠂ ᠲᠡᠪᠬᠢᠨ ᠤ ᠤᠭᠤᠰᠤᠷ᠂ | ᠲᠡᠪᠬᠢᠨ ᠤ ᠡᠷᠭᠡᠶᠢᠪᠴᠢ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠦᠳᠡᠭ᠃ ᠬᠤᠶᠠᠷ ᠲᠠᠪᠬᠤᠷ ᠪᠦᠰ ᠢ ᠭᠤᠤᠯ ᠳᠤ ᠨᠢ ᠬᠤᠮᠪᠤᠭᠤᠷ ᠲᠤᠭᠤᠢ | ᠬᠡᠯᠪᠡᠷᠢ ᠲᠠᠢ ᠰᠢᠷᠢᠵᠦ ᠲᠡᠮᠦᠷ ᠤᠳᠠᠰᠤ ᠪᠤᠶᠤ ᠰᠤᠬᠠᠢ ᠪᠠᠷ ᠭᠦᠷᠢᠶᠡᠯᠡᠨ ᠤᠶᠤᠭᠰᠠᠨ ᠬᠠᠪᠬᠠ | ᠪᠤᠰᠬᠤ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠪᠦᠬᠦᠢ ᠪᠦᠰ ᠲᠡᠪᠢᠰᠭᠡᠷ ᠢ ᠬᠠᠪᠬᠠᠨ ᠤ ᠤᠯᠠᠪᠴᠢ ᠭᠡᠳᠡᠭ᠃ ᠤᠯᠠᠪᠴᠢᠨ ᠤ ᠭᠠᠳᠠᠭᠤᠷᠬᠢ | ᠴᠠᠭᠠᠷᠢᠭ ᠢ ᠤᠯᠠᠪᠴᠢᠨ ᠤ ᠬᠦᠷᠢᠶᠠ ᠬᠡᠨᠡ᠃ ᠬᠤᠶᠠᠷ ᠬᠤᠷᠤᠭᠤ ᠭᠠᠷᠤᠶᠢᠬᠠᠨ ᠰᠤᠬᠠᠢ ᠶᠢ ᠬᠤᠶᠠᠷ | ᠦᠵᠦᠬᠦᠷ ᠲᠤ ᠨᠢ ᠭᠡᠷᠴᠢᠶᠡᠰᠦ ᠭᠠᠷᠭᠠᠨ ᠵᠤᠷᠭᠤᠵᠤ ᠤᠯᠠᠪᠴᠢᠨ ᠤ ᠬᠦᠨᠳᠡᠯᠢ ᠬᠢᠨᠡ᠃ | ᠬᠦᠨᠳᠡᠯᠢ ᠶᠢ ᠬᠤᠶᠠᠷ ᠦᠵᠦᠬᠦᠷ ᠲᠤ ᠨᠢ ᠵᠤᠷᠭᠤᠭᠰᠠᠨ ᠭᠡᠷᠴᠢᠯᠡᠭᠡᠰᠦ ᠪᠠᠷ ᠨᠢ ᠤᠯᠠᠪᠴᠢᠨ ᠤ | ᠲᠤᠮᠳᠠ ᠭᠡᠰᠡᠭ ᠲᠤ ᠤᠶᠤᠵᠤ ᠪᠦᠭᠡᠯᠡᠨᠡ᠃ ᠰᠤᠬᠠᠢ ᠵᠡᠷᠭᠡ ᠶᠢᠨ ᠪᠦᠬᠡ ᠮᠤᠳᠤ ᠪᠠᠷ ᠲᠡᠪᠬᠢ ᠵᠤᠷᠭᠤᠨᠠ᠃ | ᠲᠡᠪᠭᠢᠨ ᠤ ᠤᠷᠳᠤ ᠤᠬᠤᠷ ᠨᠢ ᠬᠠᠪᠬᠠᠨ ᠤ ᠶᠡᠭᠡ ᠪᠠᠭᠠ ᠪᠠᠷ ᠲᠤᠭᠳᠠᠭᠠᠭᠳᠠᠨᠠ᠃ ᠲᠡᠪᠬᠢᠨ ᠤ ᠨᠢᠬᠡ | ᠦᠵᠦᠬᠦᠷ ᠢ ᠨᠢ ᠨᠠᠷᠢᠪᠳᠤᠷ ᠬᠠᠪᠳᠠᠭᠠᠢ᠂ ᠨᠦᠬᠦᠭᠡ ᠦᠵᠦᠬᠦᠷ ᠢ ᠨᠢ ᠲᠦᠷᠪᠡᠯᠵᠢᠨ ᠰᠢᠭ ᠵᠤᠷᠭᠤᠵᠦ᠂ | ᠲᠤᠮᠳᠠ ᠨᠢ ᠭᠡᠷᠴᠢᠶᠡᠰᠦ ᠭᠠᠷᠭᠠᠨᠠ᠃ ᠰᠢᠯᠢ ᠵᠤᠭᠳᠤᠷ ᠤᠨ ᠬᠢᠯᠭᠠᠰᠤ ᠪᠠᠷ ᠲᠤᠬᠤᠢ ᠤᠷᠳᠤ ᠨᠠᠷᠢᠬᠠᠨ ᠰᠢᠳᠠᠮ ᠲᠠᠮᠤᠵᠤ | ᠨᠠᠷᠢᠨ ᠦᠵᠦᠬᠦᠷ ᠢ ᠨᠢ ᠲᠡᠪᠬᠢᠨ ᠤ ᠲᠤᠮᠳᠠᠬᠢ ᠭᠡᠷᠴᠢᠶᠡᠰᠦᠨ ᠳᠤ ᠤᠶᠤᠵᠤ ᠪᠦᠬᠡᠯᠡᠨ ᠲᠡᠪᠬᠢᠨ ᠤ ᠤᠭᠤᠰᠤᠷ | ᠭᠡᠵᠤ ᠨᠡᠷᠡᠯᠡᠨᠡ᠃ ᠲᠡᠪᠬᠢᠨ ᠤ ᠤᠭᠤᠰᠤᠷ ᠬᠢᠬᠦ ᠰᠢᠳᠠᠮ ᠤᠨ ᠨᠠᠷᠢᠨ ᠦᠵᠦᠬᠦᠷ ᠢ ᠲᠡᠪᠬᠢᠨ ᠤ ᠭᠡᠷᠴᠢᠶᠡᠰᠦᠨ ᠳᠤ | ᠤᠷᠢᠶᠠᠨ ᠵᠠᠩᠬᠢᠳᠴᠦ᠂ ᠦᠵᠦᠬᠦᠷ ᠢ ᠨᠢ ᠰᠦᠪᠡᠭᠴᠢ ᠭᠠᠷᠭᠠᠨ ᠲᠡᠪᠡᠨᠡᠨ ᠳᠤ ᠰᠦᠪᠡᠯᠡᠵᠤ ᠭᠡᠷᠴᠢᠶᠡᠰᠦ ᠶᠢ ᠤᠷᠢᠶᠠᠭᠰᠠᠨ | ᠤᠶᠤᠭᠠᠰᠤ ᠪᠠᠨ ᠪᠦᠬᠡᠯᠡᠵᠦ ᠤᠶᠤᠪᠠᠯ ᠦᠵᠡᠮᠦᠷᠢ ᠲᠠᠢ ᠮᠦᠷᠳᠡᠭᠡᠨ ᠪᠦᠭᠡ ᠪᠠᠶᠢᠳᠠᠭ᠃ ᠠᠩ | ᠠᠮᠢᠳᠠᠨ ᠬᠠᠪᠬᠠᠨ ᠳᠤ ᠤᠷᠤᠵᠤ ᠬᠠᠪᠬᠠ ᠪᠤᠰᠬᠠᠭᠰᠠᠨ ᠤ ᠲᠠᠷᠠᠭᠠ ᠶᠠᠮᠠᠷ ᠶᠡᠭᠡ ᠰᠠᠯᠬᠢ ᠰᠢᠭᠤᠷᠭᠠᠨ | ᠪᠤᠰᠤᠭᠰᠠᠨ ᠴᠦ ᠲᠡᠪᠬᠢᠨ ᠤ ᠤᠭᠤᠰᠤᠷ ᠪᠤᠯᠠᠭᠳᠠᠳᠠᠭ ᠦᠭᠡᠢ ᠲᠤᠯᠠ ᠠᠩᠴᠢᠳ ᠲᠡᠪᠭᠢᠨ ᠤ | ᠤᠭᠤᠰᠤᠷ ᠢᠶᠠᠨ ᠦᠵᠡᠭᠡᠳ ᠬᠠᠪᠬᠠ ᠪᠤᠰᠤᠭᠰᠠᠨ ᠢ ᠮᠡᠳᠡᠨᠡ᠃ ᠲᠡᠪᠬᠢᠨ ᠤ ᠤᠭᠤᠰᠤᠷ ᠤᠨ | ᠨᠦᠬᠦᠭᠡ ᠦᠵᠦᠬᠦᠷ ᠢ ᠤᠯᠠᠪᠴᠢᠨ ᠤ ᠬᠦᠷᠢᠶᠠ ᠳᠤ ᠰᠦᠬᠦᠮ ᠤᠷᠳᠤ ᠭᠤᠭᠴᠤᠭᠠ ᠭᠠᠷᠭᠠᠨ ᠤᠶᠤᠵᠤ | ᠪᠦᠬᠡᠯᠡᠨ ᠤᠯᠠᠪᠴᠢᠨ ᠤ ᠡᠷᠭᠡᠶᠢᠪᠴᠢ ᠭᠡᠵᠤ ᠨᠡᠷᠡᠯᠡᠨᠡ᠃
ᠬᠠᠪᠬᠠ ᠵᠡᠬᠦᠬᠦ ᠳᠤ ᠤᠷᠢᠳᠠᠪᠠᠷ ᠵᠡᠬᠦᠬᠦ | ᠭᠠᠵᠠᠷ ᠢᠶᠠᠨ ᠰᠤᠩᠭᠤᠨ ᠬᠠᠪᠬᠠᠨ ᠤ ᠪᠠᠨ ᠶᠡᠭᠡ ᠪᠠᠭᠠ ᠶᠢᠨ ᠭᠡᠮᠵᠢᠶᠡ ᠪᠠᠷ ᠭᠤᠷᠪᠠ ᠲᠦᠷᠪᠡᠨ | ᠬᠤᠷᠤᠭᠤ ᠬᠦᠨ ᠨᠦᠬᠡ ᠮᠠᠯᠳᠠᠵᠤ ᠲᠤᠮᠳᠠ ᠨᠢ ᠵᠢᠭᠠᠬᠠᠨ ᠬᠤᠩᠬᠤᠶᠢᠯᠠᠭᠠᠳ ᠤᠯᠠᠪᠴᠢ ᠪᠠᠨ ᠲᠠᠯᠪᠢᠨᠠ᠃ | ᠬᠠᠪᠬᠠ ᠪᠠᠨ ᠬᠢᠰᠬᠢᠨ ᠠᠩᠭᠠᠶᠢᠯᠭᠠᠵᠤ ᠤᠯᠠᠪᠴᠢᠨ ᠲᠡᠭᠡᠷᠡ ᠪᠠᠨ ᠬᠦᠨᠳᠡᠶᠢᠬᠡᠨ ᠲᠡᠯᠪᠢᠭᠠᠳ | ᠲᠡᠪᠬᠢᠨ ᠤ ᠨᠠᠷᠢᠨ ᠬᠠᠪᠳᠠᠭᠠᠢ ᠦᠵᠦᠬᠦᠷ ᠢ ᠬᠠᠪᠬᠠᠨ ᠤ ᠲᠠᠪᠠᠭ ᠪᠠ ᠬᠤᠴᠠᠨ ᠤ ᠭᠠᠳᠠᠭᠤᠷ | ᠲᠠᠪᠠᠭᠤᠯᠤᠨ ᠤᠯᠠᠪᠴᠢᠨ ᠤ ᠬᠦᠨᠳᠡᠯᠢ ᠳᠤ ᠮᠦᠴᠢᠳᠭᠡᠨ ᠲᠡᠪᠬᠡᠯᠡᠵᠦ᠂ ᠨᠦᠬᠦᠭᠡ ᠦᠵᠦᠬᠦᠷ ᠢ ᠨᠢ | ᠡᠷᠭᠡᠶᠢᠪᠴᠢ ᠳᠤ ᠬᠦᠨᠳᠡᠶᠢᠭᠡᠨ ᠲᠡᠪᠭᠡᠳᠡᠵᠦ ᠲᠤᠷᠭᠤᠨᠠ᠃ ᠬᠠᠪᠬᠠᠨ ᠤ ᠨᠦᠬᠡ ᠶᠢ | ᠬᠠᠪᠬᠠᠨ ᠤ ᠦᠯᠢᠢ ᠭᠡᠳᠡᠭ᠃ ᠬᠠᠪᠬᠠᠨ ᠤ ᠦᠯᠢᠢ ᠮᠠᠯᠳᠠᠬᠤ ᠳᠤ ᠭᠠᠷᠤᠭᠰᠠᠨ ᠰᠢᠷᠤᠢ ᠶᠢ ᠬᠤᠯᠠᠬᠠᠨ | ᠬᠤᠷᠮᠤᠶᠢᠯᠠᠵᠤ ᠠᠪᠠᠴᠢᠨ ᠬᠠᠶᠠᠭᠠᠳ ᠤᠷᠤᠨ ᠳᠤ ᠨᠢ ᠰᠢᠨᠠ ᠰᠢᠷᠦᠢ ᠠᠪᠴᠢᠷᠠᠵᠤ | ᠬᠠᠪᠬᠠ ᠪᠠᠨ ᠨᠢᠮᠭᠡᠭᠡᠨ ᠪᠤᠯᠠᠨᠠ᠃ ᠭᠡᠳᠦᠷᠭᠡᠢ ᠵᠤᠵᠠᠭᠠᠨ ᠪᠤᠯᠠᠪᠠᠯ ᠬᠠᠪᠬᠠ ᠪᠤᠰᠬᠤ ᠦᠭᠡᠢ᠂ | ᠭᠡᠳᠦᠷᠭᠡᠢ ᠨᠢᠮᠬᠡᠨ ᠪᠤᠯᠠᠪᠠᠯ ᠰᠠᠯᠬᠢᠨ ᠳᠤ ᠬᠠᠪᠬᠠ ᠭᠡᠷᠵᠡᠶᠢᠨ ᠭᠠᠷᠴᠤ ᠢᠷᠡᠨᠡ᠃ ᠢᠢᠮᠦ ᠠᠴᠠ | ᠭᠠᠵᠠᠷ ᠤᠨ ᠪᠠᠶᠢᠴᠠ ᠰᠠᠯᠬᠢᠨ ᠤ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠰᠢᠷᠤᠢ ᠦᠷᠦᠵᠦ ᠬᠠᠪᠬᠠ ᠵᠡᠬᠦᠳᠡᠭ᠃ | ᠬᠠᠪᠬᠠ ᠶᠢ ᠬᠢᠰᠬᠢᠵᠦ ᠠᠩᠭᠠᠶᠢᠯᠭᠠᠬᠤ ᠳᠤ ᠲᠠᠪᠠᠭ ᠪᠠ ᠬᠤᠴᠠ ᠨᠢ ᠵᠠᠢ ᠵᠠᠪᠰᠠᠷ ᠦᠭᠡᠢ ᠰᠠᠶᠢᠬᠠᠨ | ᠨᠠᠶᠢᠯᠠᠵᠤ ᠪᠠᠶᠢᠪᠠᠯ ︽ᠰᠠᠶᠢᠬᠠᠨ ᠬᠢᠷᠠᠳᠠᠭ ᠬᠠᠪᠬᠠ︾ ᠭᠡᠵᠤ ᠨᠡᠷᠡᠯᠡᠨᠡ᠃
| | | ᠬᠤᠯᠠᠨ ᠤ ᠲᠤᠭᠤᠷᠠᠢ ᠨᠢ ᠲᠤᠮᠤ᠃ ᠶᠡᠷᠦ ᠶᠢᠨ ᠵᠡᠭᠡᠷᠡ ᠬᠦᠷᠦᠭᠡᠰᠦᠨ ᠳᠤ ᠵᠡᠬᠦᠳᠡᠭ ᠬᠠᠪᠬᠠᠨ ᠤ ᠲᠡᠪᠬᠢᠨ ᠲᠡᠭᠡᠷᠡ ᠨᠢ | ᠬᠢᠰᠬᠢᠨ ᠬᠠᠪᠬᠠ ᠶᠢ ᠪᠤᠰᠬᠠᠳᠠᠭ ᠦᠭᠡᠢ᠃ ᠬᠤᠯᠠᠨ ᠤ ᠬᠠᠪᠬᠠ ᠶᠢᠨ ᠲᠡᠪᠬᠢ ᠶᠢ ᠪᠤᠭᠤᠨᠢ ᠵᠤᠷᠭᠤᠨ ᠬᠢᠮᠤᠰᠤ | ᠭᠡᠵᠤ ᠨᠡᠷᠡᠯᠡᠨᠡ᠃ ᠬᠤᠯᠠᠨ ᠤ ᠬᠠᠪᠬᠠ ᠲᠤᠮᠤ᠃ ᠪᠠᠷᠤᠭ ᠤᠨ ᠬᠠᠪᠬᠠ ᠬᠤᠯᠠᠨ ᠳᠤ ᠰᠡᠭᠰᠦᠷᠦᠭᠳᠡᠨ ᠭᠡᠷᠡᠭ ᠦᠭᠡᠢ ᠲᠡᠮᠤᠷ ᠪᠤᠯᠤᠨᠠ᠃ |
ᠮᠠᠩᠬᠢᠰᠦ ᠶᠢ ᠬᠠᠷᠢᠶᠠᠯᠴᠢ ᠭᠡᠳ ᠠᠪᠠᠯᠠᠬᠤ ᠨᠢ ᠬᠤᠪᠤᠷ᠃ ᠬᠠᠪᠬᠠᠨ ᠳᠤ ᠤᠷᠤᠭᠰᠠᠨ ᠮᠠᠩᠬᠢᠰᠦ ᠨᠦᠬᠡᠨ ᠳᠤ ᠪᠠᠨ
| ᠰᠢᠷᠭᠤᠬᠤ ᠠᠴᠠ ᠭᠡᠷᠰᠡᠦᠯᠡᠨ ᠬᠠᠪᠬᠠ ᠪᠠᠨ ᠤᠶᠠᠬᠤ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠬᠠᠪᠬᠠ ᠶᠢ | ᠤᠶᠠᠬᠤ ᠳᠤ ᠤᠶᠠᠭᠠ ᠲᠡᠭᠡᠰᠦ ᠶᠢ ᠨᠢ ᠢᠯᠡ ᠭᠠᠷᠭᠠᠬᠤ ᠦᠭᠡᠢ᠃ ᠬᠠᠪᠬᠠᠨ ᠤ ᠦᠯᠢᠢ ᠪᠠᠨ ᠬᠦᠨ | ᠰᠢᠭ ᠮᠠᠯᠳᠠᠭᠠᠳ ᠤᠶᠠᠭᠠ ᠪᠠᠨ ᠬᠠᠪᠬᠠᠨ ᠤ ᠦᠯᠢᠢ ᠲᠤᠤᠷᠠ ᠤᠷᠤᠭᠤᠯᠵᠤ ᠪᠤᠯᠠᠨᠠ᠃
ᠬᠠᠪᠬᠠᠨ ᠳᠤ | ᠤᠷᠤᠭᠰᠠᠨ ᠵᠡᠭᠡᠷᠡ ᠶᠢᠨ ᠠᠮᠠᠨ ᠬᠦᠵᠦᠬᠦᠦ ᠶᠢ ᠮᠤᠰᠬᠢᠬᠤ ᠪᠤᠶᠤ ᠠᠮᠠ ᠶᠢ ᠨᠢ ᠪᠠᠷᠢᠵᠤ ᠠᠯᠠᠳᠠᠭ᠃ ᠭᠡᠰᠡᠨ | ᠴᠦ ᠠᠮᠠᠨ ᠬᠦᠵᠦᠬᠦᠦ ᠶᠢ ᠨᠢ ᠮᠤᠰᠬᠢᠭᠰᠠᠨ ᠵᠡᠭᠡᠷᠡ ᠶᠢᠨ ᠴᠢᠰᠤ ᠰᠢᠬᠦᠰᠦ ᠨᠢ ᠭᠤᠭᠤᠵᠢᠭᠠᠳ ᠯᠤᠪᠰᠢᠷᠠᠬᠤᠤ ᠪᠠᠶᠢᠳᠠᠭ᠃ | ᠬᠠᠪᠬᠠᠨ ᠳᠤ ᠤᠷᠤᠭᠰᠠᠨ ᠠᠷᠭᠠᠯᠢ ᠶᠢ ᠪᠤᠭᠤᠮᠢ ᠬᠠᠶᠠᠵᠤ ᠠᠯᠠᠨᠠ᠃ ᠬᠠᠪᠬᠠᠨ ᠳᠤ ᠤᠷᠤᠭᠰᠠᠨ ᠦᠨᠡᠭᠡᠨ ᠤ ᠬᠠᠮᠠᠷ ᠢ | ᠲᠡᠭᠡᠷᠡ ᠠᠴᠠ ᠨᠢ ᠲᠤᠭᠤᠭᠰᠢ ᠬᠤᠰᠤᠨ ᠴᠤᠬᠢᠵᠦ ᠮᠠᠨᠠᠷᠠᠭᠤᠯᠤᠭᠠᠳ ᠬᠤᠷᠳᠤᠬᠠᠨ | ᠬᠠᠪᠬᠠ ᠪᠠᠨ ᠰᠠᠯᠭᠠᠨ ᠬᠤᠶᠢᠳᠤ ᠬᠦᠯ ᠠᠴᠠ ᠨᠢ ᠠᠳᠬᠤᠨ ᠨᠢᠷᠤᠭᠤ ᠪᠠᠷ ᠨᠢ ᠰᠠᠪᠠᠵᠤ ᠠᠯᠠᠳᠠᠭ᠃ | ᠦᠨᠡᠭᠡ ᠴᠢᠨ᠋ᠸᠠ ᠶᠢ ᠪᠦᠷ ᠰᠠᠭᠠᠷᠢᠨ ᠬᠠᠮᠠᠷ ᠢ ᠨᠢ ᠬᠤᠰᠤᠨ ᠴᠤᠬᠢᠵᠦ᠂ ᠰᠠᠪᠠᠵᠤ ᠠᠯᠠᠳᠠᠭ ᠴᠦ ᠴᠢᠯᠠᠭᠤ ᠲᠠᠢ ᠭᠠᠵᠠᠷ | ᠲᠠᠭᠠᠷᠠᠨ ᠲᠤᠯᠤᠭᠠᠢ ᠳᠤ ᠨᠢ ᠰᠡᠪ ᠤᠷᠤᠬᠤ ᠠᠴᠠ ᠤᠨᠴᠠ ᠬᠢᠴᠢᠶᠡᠨᠡ᠃ ᠦᠨᠡᠭᠡ ᠴᠢᠨ᠋ᠸᠠ ᠶᠢᠨ | ᠲᠤᠯᠤᠭᠠᠢ ᠳᠤ ᠨᠢ ᠰᠡᠪ ᠤᠷᠤᠪᠠᠯ ᠠᠮᠢ ᠨᠢ ᠪᠦᠬᠡᠵᠢᠨ ᠦᠬᠦᠬᠦ ᠨᠢ ᠤᠳᠠᠭᠠᠰᠢᠷᠠᠵᠤ ᠤᠯᠠᠨ | ᠲᠠᠬᠢᠨ ᠴᠤᠬᠢᠬᠤ ᠶᠠᠪᠤᠳᠠᠯ ᠭᠠᠷᠤᠨᠠ᠃
ᠬᠠᠪᠬᠠᠨ ᠳᠤ ᠤᠷᠤᠭᠰᠠᠨ ᠴᠢᠨ᠋ᠸᠠ ᠶᠢ ᠲᠦᠷᠦᠭᠡ ᠪᠠᠨ ᠮᠤᠯᠳᠤᠯᠤᠨ ᠴᠤᠬᠢᠨᠠ᠃ | ᠴᠢᠨ᠋ᠸᠠ ᠶᠢ ᠪᠤᠰᠢᠭᠤ ᠱᠠᠯᠠᠮᠠᠭ ᠴᠤᠬᠢᠬᠤ ᠦᠭᠡᠢ ᠪᠤᠯ ᠦᠷᠦᠭᠡᠰᠦᠨ ᠭᠠᠷ ᠢᠶᠠᠨ ᠲᠡᠯᠡ ᠬᠠᠨᠴᠤᠢ ᠲᠠᠢ ᠪᠠᠨ ᠴᠢᠨ᠋ᠸᠠ ᠳᠤ | ᠡᠷᠭᠦᠴᠢᠬᠡᠵᠦ ᠮᠡᠳᠡᠨᠡ᠃
ᠨᠢᠬᠡ᠂ ᠤᠰᠤᠨ ᠳᠤ ᠬᠠᠪᠬᠠ ᠵᠡᠬᠦᠬᠦ
ᠤᠷᠠᠳᠴᠤᠳ ᠠᠩ | ᠬᠦᠷᠦᠭᠡ ᠬᠢᠬᠦ ᠳᠤ ᠪᠠᠨ ᠨᠢᠳᠦ ᠤᠯᠠᠶᠢᠷᠠᠨ ᠤᠯᠠᠨ ᠲᠤᠭᠠ ᠪᠠᠷ ᠠᠯᠠᠵᠤ ᠬᠢᠳᠤᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠠᠩ | ᠠᠮᠢᠳᠠᠨ ᠤ ᠦᠷᠡ ᠲᠦᠯ ᠤᠨ ᠴᠠᠭ᠂ ᠬᠦᠬᠦᠬᠦᠯ ᠬᠤᠭᠤᠴᠠᠭᠠ ᠪᠤᠶᠤ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ᠂ ᠦᠰᠦ | ᠨᠤᠤᠰᠤ ᠨᠢ ᠤᠷᠭᠤᠵᠤ ᠭᠤᠤᠵᠢᠭᠠ ᠦᠭᠡᠢ ᠦᠶᠡ ᠳᠤ ᠠᠪᠠᠯᠠᠬᠤ ᠶᠢ ᠤᠨᠴᠠ ᠴᠡᠭᠡᠷᠯᠡᠳᠡᠭ᠃
| ᠠᠩ ᠤᠨ ᠬᠤᠭᠤᠴᠠᠭᠠ ᠶᠡᠷᠦᠩᠬᠡᠢ ᠳᠤ ᠪᠠᠨ ᠶᠢᠰᠦᠨ ᠰᠠᠷᠠ ᠠᠴᠠ ᠠᠷᠪᠠᠨ ᠨᠢᠬᠡᠨ ᠰᠠᠷᠠ ᠶᠢᠨ ᠰᠡᠬᠦᠯᠴᠢ | ᠬᠦᠷᠳᠡᠯᠡ ᠦᠷᠬᠦᠯᠵᠢᠯᠡᠨᠡ᠃ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠠᠷ ᠡᠪᠡᠰᠦ ᠨᠤᠭᠤᠭᠠ ᠬᠠᠳᠠᠨ ᠰᠦᠯ ᠪᠦᠷᠢᠨ | ᠲᠠᠯᠪᠢᠬᠤ ᠶᠢᠨ ᠠᠯᠳᠠ ᠪᠠᠷ ᠵᠡᠭᠡᠷᠡ᠂ ᠬᠤᠯᠠᠨ᠂ ᠠᠷᠭᠠᠯᠢ᠂ ᠴᠢᠨ᠋ᠸᠠ᠂ ᠦᠨᠡᠭᠡ ᠁ ᠵᠡᠷᠭᠡ | ᠠᠷᠢᠶᠠᠳᠠᠨ ᠬᠦᠷᠦᠭᠡᠰᠦ ᠪᠤᠯᠠᠭ ᠱᠠᠩᠳᠠ ᠪᠠᠷᠠᠳᠠᠵᠤ ᠤᠰᠤ ᠤᠤᠭᠤᠬᠤ ᠪᠤᠯᠤᠨᠠ᠃ ᠡᠨᠡ ᠦᠶᠡ ᠳᠤ | ᠠᠩᠴᠢᠳ ᠪᠤᠯᠠᠭ ᠱᠠᠩᠳᠠ ᠶᠢᠨ ᠬᠠᠪᠢ ᠪᠠᠷ ᠬᠠᠪᠬᠠ ᠵᠡᠬᠦᠨᠡ᠃ ᠪᠤᠯᠠᠭ ᠱᠠᠩᠳᠠᠨ ᠳᠤ ᠵᠡᠭᠡᠷᠡ ᠬᠦᠷᠦᠭᠡᠰᠦ ᠶᠢᠨ | ᠲᠦᠯ ᠨᠢ ᠤᠷᠢᠳᠠᠵᠤ ᠤᠴᠢᠳᠠᠭ᠃ ᠬᠠᠪᠬᠠ ᠶᠢ ᠪᠤᠯᠠᠭ ᠱᠠᠩᠳᠠᠨ ᠳᠤ ᠲᠤᠯᠭᠠᠵᠤ ᠵᠡᠬᠦᠪᠡᠯ ᠢᠨᠵᠠᠭᠠ᠂ | ᠬᠤᠷᠠᠭᠠ ᠁ ᠵᠡᠷᠭᠡ ᠲᠦᠯ ᠨᠢ ᠶᠠᠭᠤᠨ ᠤ ᠡᠮᠦᠨᠡ ᠬᠠᠪᠬᠠᠨ ᠳᠤ ᠤᠨᠠᠨᠠ᠃ ᠢᠢᠮᠦ ᠠᠴᠠ | ᠲᠤᠷᠰᠢᠯᠭᠠ ᠲᠠᠢ ᠬᠦᠷᠦᠭᠡᠴᠢᠨ ᠤᠰᠤᠨ ᠠᠴᠠ ᠬᠤᠯᠠᠬᠠᠨ ᠦᠨᠳᠦᠷᠯᠢᠭ ᠭᠠᠵᠠᠷ ᠪᠤᠶᠤ | ᠵᠡᠭᠡᠷᠡ ᠬᠦᠷᠦᠭᠡᠰᠦ ᠡᠷᠬᠢᠴᠡᠵᠦ ᠲᠤᠭᠤᠷᠢᠵᠤ ᠪᠤᠯᠤᠮᠠᠷ ᠡᠪᠳᠡᠶᠢᠬᠡᠨ ᠭᠠᠵᠠᠷ ᠰᠤᠩᠭᠤᠵᠤ ᠬᠠᠪᠬᠠ | ᠵᠠᠬᠦᠪᠠᠯ ᠪᠦᠳᠦᠬᠦᠨ ᠲᠠᠷᠭᠤᠨ ᠤᠭᠤᠨᠤ᠂ ᠰᠤᠪᠠᠢ ᠰᠢᠷᠠᠭᠴᠢᠨ ᠪᠠᠷᠢᠨᠠ᠃ ᠬᠠᠪᠬᠠ ᠪᠠᠨ ᠴᠡᠪᠡᠷᠭᠡᠨ | ᠰᠠᠶᠢᠬᠠᠨ ᠵᠡᠬᠦᠵᠦ ᠴᠢᠳᠠᠪᠠᠯ ᠪᠤᠯᠠᠭ ᠱᠠᠩᠳᠠᠨ ᠤ ᠤᠶᠢᠷᠠᠯᠴᠠᠭᠠ ᠠᠴᠠ ᠦᠨᠡᠭᠡ᠂ ᠴᠢᠨ᠋ᠸᠠ ᠵᠡᠷᠭᠡ | ᠠᠷᠢᠶᠠᠳᠠᠨ ᠠᠮᠢᠳᠠᠨ ᠢ ᠪᠠᠷᠢᠵᠤ ᠪᠤᠯᠳᠠᠭ᠃
ᠠᠷᠭᠠᠯᠢ᠂ ᠵᠡᠭᠡᠷᠡ ᠶᠢᠨ ᠶᠠᠪᠤᠴᠠ ᠨᠢ ᠠᠳᠠᠯᠢᠬᠠᠨ | ᠪᠠᠶᠢᠵᠤ ᠬᠠᠪᠬᠠ ᠵᠡᠬᠦᠬᠦ ᠠᠷᠭᠠ ᠲᠡᠮ ᠨᠢ ᠶᠡᠭᠡ ᠲᠦᠯᠦᠪ ᠠᠳᠠᠯᠢ᠃
ᠬᠤᠶᠠᠷ᠂ ᠪᠠᠭᠠᠳᠠᠯ ᠳᠤ | ᠬᠠᠪᠬᠠ ᠵᠡᠬᠦᠬᠦ
ᠵᠤᠨ᠂ ᠨᠠᠮᠤᠷ᠂ ᠡᠪᠦᠯ ᠤᠨ ᠡᠬᠢ ᠪᠠᠷ ᠤᠭᠤᠨᠤ ᠪᠠᠭᠠᠳᠠᠯ ᠲᠠᠳᠠᠨᠠ᠃ ᠪᠠᠭᠠᠳᠠᠯ | ᠲᠠᠳᠠᠨᠠ ᠭᠡᠳᠡᠭ ᠨᠢ ᠤᠭᠤᠨᠤ ᠦᠷᠬᠦᠯᠵᠢ ᠲᠤᠭᠳᠠᠭᠰᠠᠨ ᠨᠢᠬᠡ ᠭᠠᠵᠠᠷ ᠢᠷᠡᠵᠦ᠂ ᠡᠮᠦᠨᠡ | ᠬᠦᠯ ᠢᠶᠠᠷ ᠢᠶᠠᠨ ᠭᠠᠵᠠᠷ ᠮᠠᠭᠠᠵᠢᠨ ︵ᠮᠠᠯᠳᠠᠨ︶ ᠲᠡᠭᠡᠷᠡ ᠨᠢ ᠪᠠᠭᠠᠵᠤ ᠰᠢᠬᠡᠬᠦ ᠶᠢ ᠭᠡᠯᠡᠨᠡ᠃ | ᠤᠯᠠᠨ ᠲᠠᠬᠢᠨ ᠢᠷᠡᠵᠦ ᠪᠠᠭᠠᠳᠠᠯ ᠲᠠᠳᠠᠭᠰᠠᠨ ᠠᠴᠠ ᠬᠤᠯᠠ ᠠᠴᠠ ᠬᠠᠷᠠᠭᠳᠠᠬᠤ ᠪᠠᠭᠠᠳᠠᠯ ᠪᠤᠯᠤᠨᠠ᠃ ᠪᠠᠭᠠᠳᠠᠯ ᠳᠤ | ᠬᠠᠪᠬᠠ ᠪᠤᠯᠠᠬᠤ ᠳᠤ ᠰᠢᠵᠢᠩ ᠦᠨᠦᠷᠳᠡᠨᠡ᠃ ᠪᠠᠭᠠᠳᠠᠯ ᠳᠤ ᠵᠡᠬᠦᠭᠰᠡᠨ ᠬᠠᠪᠬᠠᠨ ᠳᠤ ᠤᠭᠤᠨᠤ ᠤᠷᠤᠨᠠ᠃ | ᠬᠠᠶᠠ ᠵᠠᠷᠢᠮ ᠳᠤ ᠪᠠᠨ ᠰᠤᠪᠠᠢ ᠰᠢᠷᠠᠭᠴᠢᠨ ᠤᠷᠤᠳᠠᠭ᠃ ᠪᠠᠭᠠᠳᠠᠯ ᠳᠤ ᠵᠡᠬᠦᠬᠦ ᠬᠠᠪᠬᠠ ᠶᠢ ᠵᠠᠪᠠᠯ ᠭᠤᠤᠯ ᠳᠤ ᠨᠢ ᠲᠠᠯᠪᠢᠨᠠ᠃ | ᠵᠡᠭᠡᠷᠡ ᠤᠯᠠᠨ ᠲᠠᠢ ᠭᠠᠵᠠᠷ ᠢᠬᠢᠷᠡ ᠪᠠᠭᠠᠳᠠᠯ᠂ ᠴᠤᠪᠤᠭᠠ ᠪᠠᠭᠠᠳᠠᠯ ᠴᠦ ᠲᠠᠭᠠᠷᠠᠨᠠ᠃
ᠭᠤᠷᠪᠠ᠂ ᠦᠨᠦᠷ | ᠲᠠᠯᠪᠢᠵᠤ ᠬᠠᠪᠬᠠ ᠵᠡᠬᠦᠬᠦ
ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠠᠷ ᠨᠢᠬᠡ ᠵᠡᠭᠡᠷᠡ ᠪᠤᠶᠤ ᠦᠨᠡᠭᠡ ᠪᠠᠷᠢᠵᠤ᠂ | ᠪᠠᠷᠢᠭᠰᠠᠨ ᠵᠡᠭᠡᠷᠡ ᠦᠨᠡᠭᠡᠨ ᠤ ᠪᠠᠨ ᠴᠢᠰᠤ ᠰᠡᠪᠡᠰᠦ ᠶᠢ ᠡᠪᠳᠡᠶᠢᠬᠡᠨ ᠭᠠᠵᠠᠷ ᠰᠤᠩᠭᠤᠨ ᠲᠠᠯᠪᠢᠭᠠᠳ | ᠰᠠᠯᠬᠢᠨ ᠲᠤᠤᠷᠠ ᠨᠢ ᠬᠠᠪᠬᠠ ᠵᠡᠬᠦᠨᠡ᠃ ᠨᠠᠮᠤᠷ ᠴᠠᠭ ᠤᠨ ᠰᠦᠨᠢ ᠶᠢᠨ ᠰᠠᠯᠬᠢ ᠪᠠᠷᠤᠭ ᠲᠤ ᠪᠠᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠶᠢᠵᠤ᠂ | ᠲᠠᠯᠪᠢᠭᠰᠠᠨ ᠦᠨᠦᠷ ᠤᠨ ᠢᠶᠠᠨ ᠵᠡᠬᠦᠨ ᠬᠤᠶᠢᠳᠦ ᠲᠠᠯᠠ ᠳᠤ ᠬᠠᠪᠬᠠ ᠵᠡᠬᠦᠬᠦ ᠲᠤᠬᠢᠶᠠᠯᠳᠤᠯ ᠠᠷᠪᠢᠨ᠃ ᠡᠬᠦᠨ ᠢ ᠦᠨᠦᠷ | ᠲᠠᠯᠪᠢᠵᠤ ᠬᠠᠪᠬᠠ ᠵᠡᠬᠦᠬᠦ ᠭᠡᠳᠡᠭ᠃ ᠦᠨᠦᠷ ᠲᠡᠯᠪᠢᠨ ᠬᠦᠷᠦᠭᠡᠯᠡᠵᠦ ᠰᠤᠷᠤᠭᠰᠠᠨ ᠠᠩᠴᠢᠨ ᠭᠠᠭᠴᠠ | ᠰᠠᠷᠬᠢᠨᠠᠭ ᠢᠶᠠᠷ ᠤᠯᠠᠨ ᠬᠦᠷᠦᠭᠡᠰᠦ ᠪᠠᠷᠢᠵᠤ ᠪᠤᠯᠤᠨᠠ᠃ ᠦᠨᠦᠷ ᠲᠠᠯᠪᠢᠬᠤ | ᠮᠡᠷᠭᠡᠵᠢᠯ ᠳᠤ ᠠᠩᠴᠢᠨ ᠪᠤᠯᠭᠠᠨ ᠴᠠᠭᠠᠷᠠᠭᠰᠠᠨ ᠪᠠᠶᠢᠳᠠᠭ ᠦᠭᠡᠢ ᠯᠠ ᠳ᠋ᠠ᠃ ᠦᠨᠦᠷ | ᠲᠠᠯᠪᠢᠵᠤ ᠬᠠᠪᠬᠠ ᠵᠡᠬᠦᠬᠦ ᠳᠤ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ ᠤᠨᠴᠠ ᠠᠩᠬᠠᠷᠤᠨ ᠵᠡᠭᠡᠷᠡ ᠦᠨᠡᠭᠡ ᠶᠢᠨ | ᠢᠷᠡᠬᠦ ᠵᠠᠮ ᠢ ᠲᠤᠰᠬᠤᠭᠤᠯᠬᠤ᠂ ᠴᠠᠰᠤ ᠰᠢᠭᠤᠷᠭᠠᠨ ᠢ ᠵᠠᠪᠳᠤᠬᠤ᠂ ᠰᠠᠯᠬᠢᠨ ᠤ ᠴᠢᠭᠯᠡᠯ ᠢ ᠡᠵᠡᠮᠳᠡᠬᠦ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ᠃ | ᠦᠨᠦᠷ ᠲᠠᠯᠪᠢᠵᠤ ᠬᠠᠪᠬᠠ ᠵᠡᠬᠦᠭᠰᠡᠨ ᠰᠦᠨᠢ ᠬᠡᠨᠡᠳᠳᠡ ᠰᠠᠯᠬᠢ ᠡᠷᠬᠢᠵᠦ ᠠᠮᠠ ᠪᠠᠨ ᠪᠠᠷᠢᠬᠤ ᠶᠠᠪᠤᠳᠠᠯ ᠴᠦ ᠭᠠᠷᠤᠨᠠ᠃ | ᠬᠡᠰᠡᠨ ᠴᠦ ᠬᠠᠪᠬᠠ ᠵᠡᠬᠦᠵᠦ ᠴᠠᠭᠠᠷᠠᠭᠰᠠᠨ ᠠᠩᠴᠢᠨ ᠲᠡᠭᠷᠢ ᠶᠢᠨ ᠪᠠᠶᠢᠳᠠᠯ ᠢ ᠰᠠᠶᠢᠳᠤᠷ ᠠᠩᠬᠠᠷᠴᠤ᠂ ᠲᠠᠷᠠ | ᠪᠤᠯᠭᠠᠨ ᠠᠮᠠ ᠪᠠᠨ ᠪᠠᠷᠢᠨ ᠬᠤᠭᠤᠰᠤᠳᠠᠭᠠᠳ ᠪᠠᠶᠢᠬᠤ ᠦᠭᠡᠢ ᠯᠠ ᠳ᠋ᠠ᠃ ᠦᠨᠦᠷ ᠲᠤ ᠬᠠᠪᠬᠠ ᠪᠠᠨ ᠤᠨᠤᠴᠠ ᠲᠠᠢ | ᠵᠡᠬᠦᠵᠦ ᠴᠢᠳᠠᠪᠠᠯ ᠵᠡᠭᠡᠷᠡ᠂ ᠠᠷᠭᠠᠯᠢ᠂ ᠴᠢᠨ᠋ᠸᠠ᠂ ᠦᠨᠡᠭᠡ ᠶᠢᠨ ᠠᠯᠢ ᠨᠢ ᠴᠦ ᠭᠠᠨᠵᠤᠭᠠ ᠲᠤᠰᠤᠳᠠᠵᠤ ᠮᠡᠳᠡᠨᠡ᠃ |
ᠬᠦᠮᠦᠨ ᠠᠴᠠ ᠲᠤᠤᠷᠠᠳᠠᠬᠤ ᠦᠭᠡᠢ ᠤᠬᠠᠭᠠᠨ ᠲᠠᠢ ᠠᠮᠢᠳᠠᠨ ᠪᠠᠰᠠ ᠪᠠᠶᠢᠳᠠᠭ ᠯᠠ ᠳ᠋ᠠ᠃ ᠵᠠᠷᠢᠮ ᠦᠨᠡᠭᠡ
| ᠬᠠᠪᠬᠠ ᠮᠠᠯᠳᠠᠵᠤ ᠰᠤᠷᠳᠠᠭ᠃ ᠬᠠᠪᠬᠠ ᠮᠠᠯᠳᠠᠵᠤ ᠰᠤᠷᠤᠭᠰᠠᠨ ᠦᠨᠡᠭᠡ ᠬᠠᠪᠬᠠ ᠶᠢ ᠲᠠᠯᠢᠮ ᠬᠢᠷᠢᠳᠡᠢ | ᠬᠤᠯᠠ ᠠᠴᠠ ᠮᠠᠯᠳᠠᠭᠰᠠᠭᠠᠷ ᠪᠠᠶᠢᠵᠤ ᠭᠡᠷᠵᠡᠶᠢᠳᠡᠯᠡ ᠭᠠᠷᠭᠠᠴᠢᠬᠠᠭᠠᠳ᠂ ᠲᠠᠯᠪᠢᠭᠰᠠᠨ ᠰᠡᠭ ᠰᠡᠪᠡᠰᠦ ᠶᠢ | ᠪᠦᠬᠦᠳᠡ ᠶᠢ ᠨᠢ ᠢᠳᠡᠴᠢᠭᠡᠭᠡᠳ ᠠᠷᠢᠯᠤᠭᠰᠠᠨ ᠪᠠᠶᠢᠳᠠᠭ᠃ ᠬᠠᠪᠬᠠ ᠮᠠᠯᠳᠠᠳᠠᠭ ᠦᠨᠡᠭᠡ ᠶᠢ ᠪᠠᠷᠢᠬᠤ ᠠᠷᠭᠠ ᠪᠠᠰᠠ ᠪᠤᠢ᠃ | ᠦᠨᠡᠭᠡᠨ ᠤ ᠮᠠᠯᠳᠠᠵᠤ ᠭᠠᠷᠭᠠᠭᠰᠠᠨ ᠬᠠᠪᠬᠠᠨ ᠤ ᠦᠯᠢᠢ ᠳᠤ ᠬᠢᠳᠤᠭᠠ ᠪᠤᠶᠤ ᠲᠡᠮᠦᠷ ᠤᠨ ᠵᠦᠢᠯ ᠪᠤᠯᠠᠭᠠᠳ ᠬᠠᠪᠬᠠ ᠪᠠᠨ | ᠵᠢᠭᠠᠬᠠᠨ ᠰᠢᠯᠵᠢᠬᠦᠯᠦᠭᠡᠳ ᠪᠤᠯᠠᠪᠠᠯ ᠦᠨᠡᠭᠡ ᠬᠢᠳᠤᠭᠠ ᠪᠤᠶᠤ ᠲᠠᠮᠤᠷ ᠤᠨ ᠵᠦᠢᠯ ᠢ ᠮᠠᠯᠳᠠᠵᠤ ᠭᠠᠷᠭᠠᠨ | ᠰᠠᠨᠠᠭᠠ ᠨᠢ ᠠᠮᠤᠷᠠᠭᠠᠳ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠦᠶᠦᠵᠦ ᠰᠡᠭ ᠰᠡᠪᠡᠰᠦ ᠢᠳᠡᠨ | ᠬᠠᠪᠬᠠᠨ ᠳᠤ ᠭᠡᠨᠡᠳᠡᠭᠳᠡᠨ ᠤᠷᠤᠳᠠᠭ᠃
ᠦᠮᠡᠬᠡᠢ ᠡᠪᠡᠰᠦ᠂ ᠴᠢᠳᠦᠷ ᠡᠪᠡᠰᠦᠨ ᠳᠤ ᠵᠡᠭᠡᠷᠡ ᠴᠤᠭᠯᠠᠨᠠ᠃ | ᠲᠡᠶᠢᠮᠦ ᠠᠴᠠ ᠦᠮᠡᠬᠡᠢ ᠡᠪᠡᠰᠦ᠂ ᠴᠢᠳᠦᠷ ᠡᠪᠡᠰᠦ ᠡᠯᠪᠡᠭ ᠭᠠᠵᠠᠷ ᠬᠠᠪᠬᠠ ᠵᠡᠬᠦᠵᠦ ᠭᠠᠭᠴᠠ ᠬᠤᠶᠠᠷ ᠵᠡᠬᠡᠷᠡ ᠪᠠᠷᠢᠵᠤ ᠪᠤᠯᠳᠠᠭ᠃ | ᠡᠨᠡ ᠨᠢ ᠠᠩᠴᠢᠳ ᠤᠨ ᠲᠦᠭᠡᠮᠡᠯ ᠭᠡᠷᠡᠭᠯᠡᠬᠦ ᠠᠷᠭᠠ ᠪᠢᠰᠢ᠃
ᠲᠦᠷᠪᠡ᠂ ᠴᠤᠪᠤᠭᠠ ᠳᠤ ᠬᠠᠪᠬᠠ ᠵᠡᠬᠦᠬᠦ
| ᠵᠡᠭᠡᠷᠡ ᠪᠤᠯᠠᠭ ᠱᠠᠩᠳᠠ᠂ ᠨᠠᠭᠤᠷ ᠵᠠᠳᠠᠭᠠᠢ ᠳᠤ ᠬᠦᠶᠦᠬᠦ ᠳᠤ ᠪᠠᠨ ᠦᠷᠬᠦᠯᠵᠢ ᠨᠢᠬᠡ ᠮᠦᠷ ᠢᠶᠠᠷ | ᠴᠤᠪᠤᠵᠤ ᠶᠠᠪᠤᠳᠠᠭ᠃ ᠵᠡᠭᠡᠷᠡ ᠶᠢᠨ ᠴᠤᠪᠤᠭᠠᠨ ᠳᠤ ᠬᠠᠪᠬᠠ ᠵᠡᠬᠦᠵᠦ ᠵᠡᠭᠡᠷᠡ ᠪᠠᠷᠢᠵᠤ ᠪᠤᠯᠤᠨᠠ᠃ | ᠴᠤᠪᠤᠭᠠᠨ ᠤ ᠬᠠᠪᠬᠠᠨ ᠳᠤ ᠪᠠᠷᠤᠭ ᠲᠤ ᠪᠠᠨ ᠰᠢᠷᠠᠭᠴᠢᠨ ᠤᠷᠤᠳᠠᠭ ᠪᠤᠯᠬᠤᠷ ᠢᠨᠵᠠᠭᠠ ᠲᠠᠢ | ᠰᠢᠷᠠᠭᠴᠢᠨ ᠬᠠᠪᠬᠠᠨ ᠳᠤ ᠤᠷᠤᠬᠤ ᠠᠴᠠ ᠭᠡᠷᠰᠡᠦᠯᠡᠨ ᠵᠡᠭᠡᠷᠡ ᠬᠦᠷᠦᠭᠡᠰᠦᠨ ᠤ ᠬᠦᠬᠦᠬᠦᠯ ᠬᠤᠭᠤᠴᠠᠭᠠ | ᠪᠤᠶᠤ ᠭᠡᠭᠡᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠴᠤᠪᠤᠭᠠᠨ ᠳᠤ ᠬᠠᠪᠬᠠ ᠵᠡᠬᠦᠳᠡᠭ ᠦᠭᠡᠢ᠃
ᠲᠠᠪᠤ᠂ ᠴᠠᠰᠤᠨ ᠤ | ᠲᠠᠬᠤᠨ ᠳᠤ ᠬᠠᠪᠬᠠ ᠵᠡᠬᠦᠬᠦ
ᠬᠠᠪᠤᠷ ᠤᠨ ᠲᠠᠷᠴᠢᠭ ᠴᠠᠭ ᠲᠤ ᠮᠢᠬᠠ ᠱᠦᠯᠦ ᠬᠤᠪᠤᠷᠳᠠᠪᠠᠯ ᠡᠷᠭᠢ ᠭᠠᠩᠭᠠ᠂ | ᠭᠤᠤ ᠵᠢᠯᠠᠭᠠ ᠶᠢᠨ ᠮᠤᠬᠤᠷ᠂ ᠤᠷᠪᠤᠭ ᠪᠤᠳᠠᠨ ᠤ ᠨᠦᠮᠦᠷᠢ ᠳᠤ ᠦᠯᠡᠳᠡᠭᠰᠡᠨ ᠴᠠᠰᠤ ᠪᠤᠶᠤ ᠴᠢᠬᠢᠭ ᠲᠠᠢ ᠭᠠᠵᠠᠷ ᠬᠠᠪᠬᠠ | ᠪᠤᠯᠠᠵᠤ ᠭᠠᠭᠴᠠ ᠬᠤᠶᠠᠷ ᠡᠴᠡᠩᠬᠡᠢ ᠵᠡᠭᠡᠷᠡ ᠪᠠᠷᠢᠳᠠᠭ᠃ ᠡᠬᠦᠨ ᠢ ᠴᠠᠰᠤᠨ ᠤ ᠲᠠᠬᠤᠨ ᠳᠤ ᠬᠠᠪᠬᠠ | ᠵᠡᠬᠦᠨᠡ ᠭᠡᠳᠡᠭ᠃ ᠡᠨᠡ ᠨᠢ ᠪᠤᠳᠤᠯᠢᠭᠤ ᠬᠦᠷᠦᠭᠡᠴᠢᠨ ᠤ ᠶᠠᠳᠠᠷᠠᠭᠰᠠᠨ ᠠᠷᠭᠠ ᠯᠠ ᠳ᠋ᠠ᠃ ᠬᠠᠷᠢᠨ | ᠵᠠᠷᠢᠮ ᠨᠠᠮᠤᠷ ᠡᠷᠳᠡ ᠴᠠᠰᠤ ᠤᠷᠤᠵᠤ᠂ ᠲᠠᠷᠠᠭᠠ ᠨᠢ ᠲᠤᠯᠠᠭᠠᠷᠠᠨ ᠲᠠᠯᠠ ᠶᠢᠨ ᠴᠠᠰᠤ ᠬᠠᠶᠢᠯᠵᠤ ᠬᠠᠳᠠᠪᠠᠯ | ᠭᠤᠤ ᠵᠢᠯᠠᠭᠠ᠂ ᠡᠷᠭᠢ ᠪᠤᠳᠠᠨ ᠤ ᠨᠦᠮᠦᠷᠢ ᠳᠠᠬᠢ ᠴᠠᠰᠤᠨ ᠤ ᠲᠠᠬᠤᠨ ᠳᠤ ᠬᠠᠪᠬᠠ ᠵᠡᠬᠦᠵᠦ ᠰᠦᠪᠡᠭᠡ ᠨᠡᠪᠳᠡ | ᠲᠠᠷᠭᠤᠨ ᠤᠭᠤᠨᠤ ᠪᠠᠷᠢᠵᠤ ᠪᠤᠯᠳᠠᠭ᠃
ᠭᠠᠯᠳᠤ ᠫᠤᠤ ᠪᠠᠷ ᠬᠦᠷᠦᠭᠡᠯᠡᠬᠦ
ᠠᠪᠤ ᠮᠢᠨᠢ ᠬᠠᠪᠬᠠ ᠪᠠᠷ ᠬᠦᠷᠦᠭᠡᠯᠡᠨᠡ᠃ | ᠭᠠᠯᠳᠤ ᠫᠤᠤ ᠲᠡᠮᠡᠢ ᠦᠵᠡᠵᠦ ᠬᠠᠷᠠᠵᠤ ᠪᠠᠶᠢᠭᠰᠠᠨ ᠦᠭᠡᠢ ᠪᠢ ᠭᠠᠯᠳᠤ ᠫᠤᠤ ᠶᠢᠨ ᠲᠤᠬᠠᠢ ᠦᠪᠡᠷ ᠤᠨ ᠰᠤᠨᠤᠰᠴᠤ | ᠤᠶᠢᠯᠠᠭᠠᠭᠰᠠᠨ ᠬᠢᠷᠢ ᠪᠠᠷ ᠢᠶᠠᠨ ᠴᠤᠬᠤᠰᠬᠢᠨ ᠲᠤᠷᠠᠳᠤᠶᠠ᠃
ᠲᠡᠷᠢ᠂ ᠰᠤᠮᠤ ᠶᠢ | ᠠᠰᠢᠭᠯᠠᠨ ᠠᠩ ᠠᠮᠢᠳᠠᠨ ᠢ ᠫᠤᠤᠳᠠᠵᠤ ᠠᠯᠠᠳᠠᠭ ᠪᠠᠭᠠᠵᠢ ᠶᠢ ᠭᠠᠯᠳᠤ ᠫᠤᠤ ᠭᠡᠨᠡ᠃ ᠲᠤᠰᠬᠠᠢ ᠭᠡᠪ ᠲᠤ | ᠲᠤᠭᠤᠯᠭᠠ ᠴᠢᠳᠬᠤᠨ ᠭᠠᠯᠳᠤ ᠫᠤᠤ ᠶᠢᠨ ᠰᠤᠮᠤ ᠬᠢᠨᠡ᠃ ᠬᠦᠬᠦᠷ᠂ ᠱᠤ᠂ ᠨᠡᠬᠦᠷᠡᠰᠦ ᠪᠠᠷ ᠲᠡᠷᠢ ᠨᠤᠬᠤᠨᠠ᠃ | ᠫᠤᠤ ᠶᠢᠨ ᠴᠢᠬᠢᠨ ᠤ ᠲᠡᠷᠢ᠂ ᠴᠡᠨᠡᠭ ᠤᠨ ᠲᠡᠷᠢ ᠬᠤᠪᠢ ᠬᠤᠪᠢᠨ ᠳᠤ ᠪᠠᠨ ᠪᠠᠶᠢᠳᠠᠭ᠃ ᠲᠡᠷᠢ ᠶᠢ ᠨᠡᠷᠢᠬᠠᠨ ᠵᠢᠵᠢᠭ ᠴᠠᠭᠠᠨ | ᠪᠦᠰ ᠭᠡᠦᠳᠡᠢ ᠳᠤ ᠬᠢᠵᠦ ᠪᠠᠭᠠ ᠰᠠᠭᠠ ᠠᠷᠢᠬᠢ ᠲᠤᠰᠤᠭᠠᠭᠠᠳ ᠰᠠᠯᠠᠭᠠ ᠲᠠᠢ ᠮᠤᠳᠤᠨ ᠤ ᠠᠴᠠᠨ ᠳᠤ ᠤᠶᠠᠵᠤ | ᠨᠡᠯᠢᠶᠡᠳ ᠤᠷᠳᠤ ᠬᠤᠭᠤᠴᠠᠭᠠ ᠨᠠᠰᠢ ᠴᠠᠰᠢ ᠬᠤᠯᠬᠢᠭᠤᠯᠤᠨ ᠰᠡᠭᠰᠦᠷᠴᠦ ᠬᠤᠨᠤᠭ ᠪᠤᠳᠠᠭᠠ ᠰᠢᠭ᠋ ᠵᠢᠵᠢᠭ | ᠮᠦᠬᠦᠯᠢᠭ ᠪᠤᠯᠭᠠᠬᠤ ᠶᠢ ᠲᠡᠷᠢ ᠤᠮᠠᠰᠢᠯᠠᠬᠤ ᠭᠡᠳᠡᠭ᠃ ᠤᠮᠠᠰᠢᠯᠠᠭᠰᠠᠨ ᠲᠡᠷᠢ ᠶᠢ ᠴᠠᠭᠠᠰᠤᠨ ᠲᠡᠭᠡᠷᠡ ᠲᠠᠯᠪᠢᠨ | ᠠᠰᠠᠭᠠᠬᠤ ᠳᠤ ᠫᠦᠳ ᠬᠢᠨ ᠲᠡᠭᠡᠭᠰᠢ ᠦᠰᠦᠷᠴᠦ᠂ ᠴᠠᠭᠠᠨ ᠴᠠᠭᠠᠷᠢᠭ ᠭᠠᠷᠴᠤ ᠪᠠᠶᠢᠪᠠᠯ ᠴᠢᠨᠠᠷ | ᠰᠠᠶᠢᠨ ᠲᠡᠷᠢ ᠪᠤᠯᠤᠭᠰᠠᠨ ᠢ ᠭᠡᠷᠡᠴᠢᠯᠡᠨᠡ᠃ ᠤᠮᠠᠰᠢᠯᠠᠭᠰᠠᠨ ᠤ ᠲᠠᠷᠠᠭᠠ ᠬᠤᠨᠤᠭ ᠪᠤᠳᠠᠭᠠ ᠰᠢᠭ᠋ ᠵᠢᠵᠢᠭ | ᠮᠦᠬᠦᠯᠢᠭ ᠪᠤᠯᠵᠤ ᠪᠦᠷᠢᠯᠳᠦᠭᠰᠡᠨ ᠲᠡᠷᠢ ᠶᠢ ᠨᠢ ᠴᠡᠨᠡᠭ ᠤᠨ ᠲᠡᠷᠢ ᠭᠡᠵᠤ᠂ ᠬᠡᠦᠳᠡᠢ ᠶᠢᠨ ᠢᠷᠤᠭᠠᠷ ᠲᠤ | ᠦᠯᠡᠳᠡᠭᠰᠡᠨ ᠨᠤᠨᠳᠠᠭ ᠲᠡᠷᠢ ᠶᠢ ᠨᠢ ᠴᠢᠬᠢᠨ ᠤ ᠲᠡᠷᠢ ᠬᠡᠨᠡ᠃
ᠦᠭᠡᠷ ᠤᠨ ᠡᠪᠡᠷ ᠪᠤᠶᠤ | ᠤᠭᠤᠨᠤ ᠶᠢᠨ ᠡᠪᠡᠷ ᠢᠶᠠᠷ ᠬᠢᠭᠰᠡᠨ ᠰᠠᠪᠠᠨ ᠳᠤ ᠴᠡᠨᠡᠭ ᠤᠨ ᠲᠡᠷᠢ ᠪᠠᠨ ᠰᠠᠪᠠᠯᠠᠳᠠᠭ᠃ ᠦᠭᠡᠷ ᠤᠨ | ᠡᠪᠡᠷ ᠤᠨ ᠨᠠᠷᠢᠨ ᠦᠵᠦᠬᠦᠷ ᠲᠤ ᠤᠭᠵᠢᠨ ᠤ ᠬᠦᠬᠦ ᠰᠢᠭ ᠵᠢᠵᠢᠭᠭᠡᠨ ᠢᠯᠬᠢ ᠶᠢ ᠲᠠᠭᠠᠷᠠᠭᠤᠯᠤᠨ ᠤᠶᠤᠵᠤ᠂ | ᠢᠯᠬᠢᠨ ᠲᠤᠯᠤᠮ ᠤᠨ ᠦᠵᠦᠬᠦᠷ ᠲᠤ ᠨᠢ ᠢᠷᠤᠭᠠᠷ ᠢ ᠨᠢ ᠠᠪᠤᠭᠰᠠᠨ ᠰᠤᠮᠤᠨ ᠤ ᠬᠤᠩᠬᠢᠶᠠ ᠲᠠᠭᠠᠷᠠᠭᠤᠯᠵᠤ᠂ ᠵᠢᠵᠢᠭᠭᠡᠨ | ᠮᠤᠳᠤ ᠶᠢ ᠰᠤᠮᠤ ᠰᠢᠭ᠋ ᠬᠦᠭᠡᠷᠦᠬᠦᠨ ᠵᠤᠷᠭᠤᠭᠠᠳ ᠰᠤᠮᠤᠨ ᠤ ᠬᠤᠩᠬᠢᠶᠠ ᠪᠠᠨ ᠪᠦᠭᠯᠡᠨᠡ᠃ ᠦᠬᠡᠷ ᠤᠨ | ᠡᠪᠡᠷ ᠤᠨ ᠪᠦᠳᠦᠬᠦᠨ ᠦᠵᠦᠬᠦᠷ ᠢ ᠲᠤᠭᠤᠢ ᠮᠤᠳᠤ ᠵᠤᠷᠭᠤᠨ ᠲᠠᠭᠯᠠᠳᠠᠭ᠃ ᠫᠤᠤ ᠴᠡᠨᠡᠭᠯᠡᠬᠦ ᠲᠡᠷᠢ ᠶᠢᠨ | ᠭᠡᠮᠵᠢᠶᠡ ᠨᠢ ᠫᠤᠤ ᠶᠢᠨ ᠲᠤᠰᠤᠯᠳᠠ ᠶᠢ ᠰᠢᠭᠤᠳ ᠨᠦᠯᠦᠬᠡᠯᠡᠳᠡᠭ ᠠᠴᠠ ᠰᠤᠮᠤᠨ ᠤ | ᠬᠤᠩᠬᠢᠶᠠ ᠪᠠᠷ ᠲᠡᠷᠢ ᠶᠢᠨ ᠶᠡᠭᠡ ᠪᠠᠭᠠ ᠶᠢ ᠪᠠᠷᠢᠮᠵᠢᠶᠠᠯᠠᠵᠤ ᠭᠠᠯᠳᠤ ᠫᠤᠤ ᠪᠠᠨ ᠴᠡᠨᠡᠭᠯᠡᠨᠡ᠃ |
ᠵᠡᠭᠡᠷᠡ ᠶᠢᠨ ᠴᠢᠮᠦᠭᠡ ᠪᠠᠷ ᠭᠠᠯᠳᠤ ᠫᠤᠤ ᠶᠢ ᠦᠷᠬᠦᠯᠵᠢ ᠲᠤᠰᠤᠯᠠᠵᠤ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠭᠠᠯᠳᠤ ᠫᠤᠤ
| ᠲᠤᠰᠤᠯᠠᠬᠤ ᠳᠤ ᠮᠤᠳᠤᠨ ᠰᠦᠮᠪᠦ ᠭᠡᠷᠡᠭᠯᠡᠨᠡ᠃ ᠭᠠᠯᠳᠤ ᠫᠤᠤ ᠶᠢ ᠴᠡᠨᠡᠭᠯᠡᠬᠦ ᠳᠤ ᠤᠷᠢᠳᠠᠪᠠᠷ | ᠫᠤᠤ ᠶᠢᠨ ᠠᠮᠠ ᠪᠠᠷ ᠲᠡᠷᠢ ᠬᠢᠵᠦ᠂ ᠲᠠᠬᠢᠨ ᠬᠢᠭᠰᠡᠨ ᠲᠡᠷᠢ ᠳᠤ ᠪᠠᠨ ᠬᠦᠷᠭᠡᠯ ᠦᠭᠡᠢ ᠫᠤᠤ ᠪᠠᠨ | ᠰᠦᠮᠪᠤᠳᠠᠵᠤ ᠲᠤᠰᠤᠯᠠᠭᠠᠳ ᠲᠤᠭᠤᠯᠭᠠᠨ ᠰᠤᠮᠤ ᠪᠠᠨ ᠬᠢᠵᠦ ᠤᠷᠤᠭᠤᠯᠤᠨᠠ᠃
ᠭᠠᠯᠳᠤ | ᠫᠤᠤ ᠶᠢᠨ ᠰᠤᠮᠤᠨ ᠤ ᠰᠠᠪᠠ᠂ ᠲᠡᠷᠢ ᠶᠢᠨ ᠰᠠᠪᠠ᠂ ᠴᠢᠬᠢᠨ ᠤ ᠲᠡᠷᠢ᠂ ᠲᠤᠰᠤᠯᠠᠭᠤᠷ ᠤᠨ ᠰᠠᠪᠠ ᠵᠡᠷᠭᠡ ᠶᠢ | ᠨᠠᠷᠢᠬᠠᠨ ᠰᠤᠷ ᠢᠶᠠᠷ ᠭᠡᠯᠬᠢᠳᠡᠭ᠃ ᠡᠬᠦᠨ ᠢ ᠪᠠᠨ ᠶᠡᠷᠦᠩᠬᠡᠶᠢᠯᠡᠭᠡᠳ ᠬᠤᠳᠠ ᠴᠡᠨᠡᠭ ᠭᠡᠨᠡ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠡ | ᠲᠠᠯᠠᠭᠠᠳ ᠤᠨ ᠪᠤᠯᠳᠠᠯᠠ ᠮᠠᠨ ᠤ ᠤᠷᠠᠳᠴᠤᠳ ᠲᠡᠪᠡᠯ ᠲᠡᠷᠯᠢᠭ ᠡᠮᠦᠰᠳᠡᠭ ᠠᠴᠠ ᠠᠩᠴᠢᠳ ᠬᠤᠳᠠ | ᠴᠡᠨᠡᠭ ᠢᠶᠠᠨ ᠲᠤᠰᠬᠠᠢ ᠪᠤᠭᠴᠤ ᠰᠠᠪᠠᠨ ᠳᠤ ᠬᠢᠬᠦ ᠦᠭᠡᠢ ᠬᠠᠷᠢᠨ ᠡᠪᠦᠷᠳᠦᠯᠡᠨᠡ᠃
| ᠪᠢᠴᠢᠬᠠᠨ ᠨᠠᠶᠢᠵᠠ ᠨᠠᠷ ᠮᠢᠨᠢ ᠠᠮᠤᠷ ᠲᠦᠪᠰᠢᠨ ᠢ ᠲᠡᠷᠢᠬᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠵᠤ᠂ ᠫᠤᠤ᠂ ᠰᠤᠮᠤ᠂ | ᠲᠡᠷᠢ ᠠᠴᠠ ᠬᠤᠯᠠ ᠪᠠᠶᠢᠭᠠᠷᠠᠢ︕
ᠲᠡᠮᠡᠭᠡ ᠲᠦᠯᠬᠢᠵᠦ ᠫᠤᠤ ᠪᠠᠷ ᠬᠦᠷᠦᠭᠡᠯᠡᠬᠦ
ᠲᠡᠮᠡᠭᠡ | ᠤᠯᠠᠨ ᠲᠠᠢ ᠤᠷᠠᠳ ᠭᠤᠪᠢᠴᠦᠳ ᠲᠡᠮᠡᠭᠡ ᠶᠢ ᠠᠩ ᠳᠤ ᠲᠦᠯᠬᠢᠵᠦ ᠰᠤᠷᠭᠠᠨᠠ᠃ ᠠᠷᠤ ᠦᠪᠦᠷ᠂ | ᠵᠦᠪ ᠪᠤᠷᠤᠭᠤ ᠠᠯᠢ ᠲᠠᠯᠠ ᠳᠤ ᠨᠢ ᠭᠠᠷᠤᠭᠰᠠᠨ ᠴᠦ ᠲᠡᠶᠢᠷᠴᠦ ᠲᠡᠪᠰᠡᠳᠡᠭ ᠦᠭᠡᠢ᠂ ᠪᠤᠷᠠᠨᠳᠠᠭ ᠢ ᠨᠢ ᠴᠢᠷᠦᠬᠦᠯᠦᠨ | ᠤᠷᠬᠢᠭᠰᠠᠨ ᠴᠦ ᠲᠤᠳᠠᠭᠠᠳᠠᠭ ᠦᠭᠡᠢ᠂ ᠠᠴᠢᠵᠤ ᠲᠡᠩᠨᠡᠬᠦ ᠳᠤ ᠨᠤᠮᠤᠬᠠᠨ᠂ ᠰᠡᠪᠡᠰᠦᠯᠡᠵᠦ ᠲᠤᠤᠭᠠᠷᠳᠠᠭ | ᠦᠭᠡᠢ ᠨᠤᠮᠤᠬᠠᠨ ᠲᠡᠮᠡᠭᠡ ᠶᠢ ᠠᠩ ᠳᠤ ᠲᠦᠯᠬᠢᠵᠦ ᠰᠤᠷᠭᠠᠨᠠ᠃
ᠲᠦᠯᠬᠢᠵᠦ ᠰᠤᠷᠤᠭᠰᠠᠨ ᠲᠡᠮᠡᠭᠡ ᠫᠤᠤ ᠡᠬᠦᠷᠦᠭᠡᠳ | ᠮᠤᠷᠳᠠᠬᠤ ᠳᠤ ᠠᠩ ᠳᠤ ᠭᠠᠷᠬᠤ ᠨᠢ ᠭᠡᠳᠡᠭ ᠢ ᠮᠡᠳᠡᠵᠦ᠂ ᠲᠤᠯᠤᠭᠠᠢ ᠪᠠᠨ ᠦᠯᠢᠢᠯᠬᠡᠨ ᠴᠢᠬᠢ ᠪᠠᠨ ᠰᠡᠷᠳᠡᠯᠵᠡᠬᠦᠯᠵᠦ᠂ | ᠠᠯᠤᠰ ᠲᠤ ᠬᠠᠷᠠᠭᠠ ᠪᠡᠯᠴᠢᠭᠡᠨᠡ᠃ ᠠᠩ ᠬᠦᠷᠦᠭᠡᠰᠦᠨ ᠤ ᠪᠠᠷᠠ ᠬᠠᠷᠠᠪᠠᠯ ᠰᠢᠭᠤᠳ ᠴᠢᠭᠯᠡᠨᠡ᠃ | ᠵᠡᠭᠡᠷᠡ ᠬᠦᠷᠦᠭᠡᠰᠦ ᠲᠤᠭᠳᠠᠪᠦᠷᠢ ᠲᠠᠢ ᠢᠳᠡᠰᠢᠯᠡᠵᠦ ᠪᠠᠶᠢᠪᠠᠯ ᠲᠦᠷᠭᠡᠨ ᠲᠦᠷᠭᠡᠨ ᠠᠯᠬᠤᠯᠠᠵᠤ᠂ | ᠵᠡᠭᠡᠷᠡ ᠬᠦᠷᠦᠭᠡᠰᠦ ᠡᠰᠢ ᠲᠡᠰᠢ ᠬᠠᠷᠠᠬᠤ ᠪᠤᠶᠤ ᠦᠬᠡᠳᠡ ᠠᠴᠠ ᠨᠢ ᠬᠠᠷᠠᠪᠠᠯ ᠢᠳᠡᠰᠢᠯᠡᠵᠦ | ᠪᠠᠶᠢᠬᠤ ᠪᠠᠷ ᠤᠪᠯᠠᠨ ᠡᠪᠡᠰᠦ ᠪᠤᠳᠠᠨ ᠤ ᠲᠤᠯᠤᠭᠠᠢ ᠰᠢᠬᠦᠷᠦᠨᠡ᠃ ᠲᠦᠯᠬᠢᠵᠦ ᠰᠤᠷᠤᠭᠰᠠᠨ | ᠲᠡᠮᠡᠭᠡ ᠠᠩ ᠬᠦᠷᠦᠭᠡᠰᠦᠨ ᠤ ᠪᠠᠷᠠ ᠬᠠᠷᠠᠪᠠᠯ ᠡᠪᠡᠰᠦ ᠪᠤᠳᠠ ᠢᠳᠡᠬᠦ ᠭᠡᠵᠤ ᠶᠠᠭᠠᠷᠠᠬᠤ ᠦᠭᠡᠢ ᠬᠠᠷᠢᠨ | ᠠᠯᠢ ᠪᠤᠯᠬᠤ ᠪᠠᠷ ᠬᠤᠷᠳᠤᠬᠠᠨ ᠠᠩ ᠠᠮᠢᠳᠠᠨ ᠳᠤ ᠤᠶᠢᠷᠠᠳᠬᠤ ᠭᠡᠵᠤ ᠰᠢᠮᠳᠠᠨᠠ᠃ ᠲᠡᠮᠡᠭᠡ ᠶᠢ ᠠᠳᠤᠭᠤᠰᠤ ᠭᠡᠵᠤ | ᠪᠠᠰᠤᠬᠤ ᠶᠢᠨ ᠠᠷᠭᠠ ᠦᠭᠡᠢ ᠮᠡᠷᠭᠡᠨ ᠠᠮᠢᠳᠠᠨ ᠯᠠ ᠳ᠋ᠠ᠃ ᠲᠡᠮᠡᠭᠡ ᠵᠡᠭᠡᠷᠡ ᠬᠦᠷᠦᠭᠡᠰᠦᠨ ᠳᠤ | ᠤᠶᠢᠷᠠᠳᠬᠤ ᠲᠤᠳᠤᠮ ᠡᠪᠡᠰᠦ ᠪᠤᠳᠠ ᠢᠳᠡᠬᠦ ᠳᠤ ᠪᠠᠨ ᠲᠤᠯᠤᠭᠠᠢ ᠬᠦᠵᠦᠬᠦᠦ ᠪᠠᠷ ᠢᠶᠠᠨ ᠡᠵᠡᠨ ᠢᠶᠠᠨ ᠬᠠᠯᠬᠠᠯᠠᠨᠠ᠃ | ᠵᠡᠭᠡᠷᠡ ᠬᠦᠷᠦᠭᠡᠰᠦᠨ ᠳᠤ ᠫᠤᠤᠳᠠᠵᠤ ᠪᠤᠯᠬᠤᠶᠢᠴᠠ ᠤᠶᠢᠷᠠᠳᠤᠮᠠᠭᠴᠠ ᠵᠤᠷᠢᠭᠤᠳᠠ ᠦᠨᠳᠦᠷᠭᠡᠨ ᠤᠷᠪᠤᠭ ᠪᠤᠳᠠᠨ ᠤ | ᠲᠡᠷᠭᠡᠳᠡᠬᠦᠷ ᠦᠩᠭᠡᠷᠡᠨᠡ᠃ ᠲᠡᠮᠡᠭᠡ ᠲᠦᠯᠬᠢᠨ ᠠᠪᠠᠯᠠᠵᠤ ᠰᠤᠷᠤᠭᠰᠠᠨ ᠠᠩᠴᠢᠨ ᠤᠷᠪᠤᠭ | ᠪᠤᠳᠠᠨ ᠤ ᠠᠷᠤ ᠳᠤ ᠪᠡᠶᠡ ᠲᠠᠯᠳᠠᠯᠠᠨ ᠬᠤᠴᠤᠷᠤᠭᠠᠳ ᠤᠪᠤᠭᠠ ᠬᠠᠷᠠᠭᠠ ᠪᠠᠨ ᠨᠡᠶᠢᠯᠡᠬᠦᠯᠦᠨ ᠫᠤᠤᠳᠠᠵᠤ | ᠭᠠᠨᠵᠤᠭᠠ ᠮᠢᠯᠢᠶᠠᠨᠠ᠃ ᠪᠠᠶᠠ ᠲᠠᠯᠳᠠᠯᠠᠬᠤ ᠪᠠᠷ ᠤᠷᠪᠤᠭ ᠪᠤᠳᠠ ᠲᠠᠭᠠᠷᠠᠬᠤ ᠦᠭᠡᠢ ᠪᠤᠯ ᠲᠡᠮᠡᠬᠡᠨ ᠤ | ᠡᠭᠡᠮ ᠪᠤᠶᠤ ᠲᠦᠷᠪᠡᠨ ᠬᠦᠯ ᠲᠤᠤᠭᠤᠷ ᠫᠤᠤᠳᠠᠵᠤ ᠪᠤᠯᠤᠨᠠ᠃ ᠬᠡᠬᠦ ᠳᠤ ᠪᠠᠨ ᠫᠤᠤ ᠶᠢᠨ ᠢᠶᠠᠨ ᠠᠮᠠ ᠶᠢ ᠲᠡᠮᠡᠭᠡᠨ ᠤ | ᠪᠡᠶᠡᠨ ᠠᠴᠠ ᠰᠠᠶᠢᠨ ᠦᠩᠬᠡᠷᠡᠭᠡᠵᠦ ᠪᠠᠶᠢᠵᠤ ᠫᠤᠤᠳᠠᠬᠤ ᠦᠭᠡᠢ ᠪᠤᠯ ᠵᠡᠭᠡᠷᠡ ᠪᠢᠰᠢ ᠲᠡᠮᠡᠭᠡ ᠪᠠᠨ | ᠠᠩᠨᠠᠴᠢᠬᠠᠭᠰᠠᠨ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ ᠲᠦᠯᠬᠢᠵᠦ ᠰᠤᠷᠤᠭᠰᠠᠨ ᠲᠡᠮᠡᠭᠡ ᠠᠩ ᠳᠤ | ᠬᠤᠷᠤᠬᠠᠢ ᠲᠠᠢ ᠪᠤᠯᠤᠨᠠ᠃ ᠤᠪᠤᠭᠠ ᠬᠠᠷᠠᠭᠠ ᠮᠠᠭᠤ ᠨᠠᠶᠢᠯᠠᠵᠤ ᠰᠤᠮᠤ ᠲᠡᠭᠡᠬᠦ ᠪᠤᠶᠤ | ᠭᠠᠵᠠᠷᠳᠠᠨ ᠤᠯᠠᠨ ᠲᠠᠬᠢᠨ ᠬᠤᠭᠤᠰᠤᠳᠠᠪᠠᠯ ᠡᠭᠡᠮ ᠢᠶᠠᠷ ᠢᠶᠠᠨ ᠨᠤᠳᠤᠷᠬᠤ᠂ ᠰᠡᠪᠡᠰᠦᠯᠡᠬᠦ᠂ ᠡᠰᠡᠬᠦᠯᠡ | ᠠᠩ ᠬᠦᠷᠦᠭᠡᠰᠦ ᠦᠵᠡᠯᠡ ᠴᠦ ᠭᠡᠰᠡᠨ ᠶᠠᠪᠤ ᠶᠠᠳᠠᠨ ᠬᠠᠱᠠᠩᠨᠠᠨᠠ᠃
ᠵᠡᠭᠡᠷᠡ ᠶᠢ ᠴᠠᠴᠠᠯᠤᠨ ᠲᠡᠮᠡᠭᠡᠨ ᠤ ᠡᠮᠦᠨᠡ | ᠪᠦᠬᠦᠨ ᠠᠴᠠ ᠡᠯᠬᠦᠨᠡ᠃ ᠬᠤᠶᠠᠷ ᠭᠤᠷᠪᠠ ᠪᠠᠷ ᠠᠯᠠᠪᠠᠯ ᠲᠡᠮᠡᠭᠡᠨ ᠳᠤ ᠲᠡᠩᠨᠡᠨᠡ᠃ ᠭᠡᠰᠡᠨ ᠴᠦ | ᠠᠩ ᠠᠮᠢᠳᠠᠨ ᠢ ᠤᠯᠠᠨ ᠲᠤᠭᠠ ᠪᠠᠷ ᠤᠯᠠᠩᠭᠠᠰᠤᠨ ᠬᠢᠳᠤᠬᠤ ᠶᠢ ᠤᠨᠴᠠ ᠴᠡᠭᠡᠷᠯᠡᠵᠤ᠂ ᠠᠩ ᠬᠦᠷᠦᠭᠡᠨ ᠤ | ᠬᠤᠭᠤᠴᠠᠭᠠᠨ ᠳᠤ ᠬᠠᠮᠢᠭᠠᠨᠠ ᠴᠠᠭᠠᠨᠠ ᠭᠠᠭᠴᠠ ᠨᠢᠬᠡ ᠶᠢ ᠬᠤᠷᠤᠭᠠᠵᠤ ᠭᠠᠨᠵᠤᠭᠠ ᠪᠠᠨ | ᠲᠤᠰᠤᠳᠠᠨ ᠲᠡᠭᠷᠢ ᠶᠢᠨ ᠭᠡᠰᠢᠭ ᠭᠡᠮᠡᠨ ᠵᠠᠯᠪᠠᠷᠢᠳᠠᠭ ᠮᠤᠩᠭᠤᠯᠴᠤᠳ — ᠵᠡᠭᠡᠷᠡ ᠬᠦᠷᠦᠭᠡᠰᠦ ᠶᠢ | ᠲᠡᠮᠡᠭᠡᠨ ᠳᠤ ᠲᠡᠩᠨᠡᠬᠦ ᠪᠠᠷ ᠤᠯᠠᠨ ᠲᠤᠭᠠ ᠪᠠᠷ ᠠᠯᠠᠵᠤ ᠬᠤᠷᠤᠭᠠᠬᠤ ᠨᠢ ᠲᠤᠩ ᠬᠤᠪᠤᠷ᠃
| ᠤᠷᠠᠳ ᠮᠤᠩᠭᠤᠯᠴᠤᠳ ᠤᠨ ᠢᠶᠠᠨ ᠠᠩ ᠬᠦᠷᠦᠭᠡᠨ ᠤ ᠲᠤᠬᠠᠢ ᠠᠳᠡ ᠬᠦᠷᠳᠡᠯᠡ ᠲᠠᠨᠢᠯᠴᠠᠭᠤᠯᠤᠯᠠ᠃ ᠠᠩ ᠠᠮᠢᠳᠠᠨ ᠢ | ᠠᠯᠠᠵᠤ ᠬᠤᠷᠤᠭᠠᠵᠤ ᠪᠠᠢ ᠭᠡᠮᠡᠨ ᠠᠷᠭᠠ ᠵᠠᠮ ᠢ ᠨᠢ ᠵᠢᠭᠠᠵᠤ ᠪᠠᠶᠢᠭᠠ ᠪᠤᠰᠤ ᠬᠠᠷᠢᠨ ᠨᠡᠬᠦᠳᠡᠯᠴᠢᠨ | ᠮᠤᠩᠭᠤᠯᠴᠤᠳ ᠤᠨ ᠢᠶᠠᠨ ᠠᠩ ᠤᠨ ᠰᠤᠶᠤᠯ ᠢ ᠪᠠᠭᠠ ᠴᠦ ᠪᠤᠯᠤᠭᠰᠠᠨ | ᠤᠶᠢᠯᠠᠭᠠᠵᠤ ᠮᠡᠳᠡᠭᠡᠰᠡᠢ ᠭᠡᠰᠡᠨ ᠰᠠᠨᠠᠭᠠ ᠪᠢᠯᠡ︕ |