ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠡᠬᠡ ᠮᠤᠩᠭᠤᠯ ᠬᠡᠯᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/5/20
  ᠡᠬᠡ ᠮᠤᠩᠭᠤᠯ ᠬᠡᠯᠡ︵ᠬᠦᠲᠦᠯᠦᠭᠡ ᠭᠤᠷᠪᠠ︶        ᠭᠠᠯᠪᠠ ᠶᠢᠷᠲᠢᠨᠴᠦ ᠲᠤᠭᠲᠠᠨᠢᠬᠤ ᠶᠢᠨ ᠦᠶ᠎ᠡ ᠳᠤ      ᠭᠠᠭᠴᠠᠬᠠᠨ ᠠᠮᠢᠯᠠᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ      ᠭᠠᠳᠠᠭᠠᠳᠤ ᠲᠤᠳᠤᠭᠠᠳᠤ ᠶᠢ ᠨᠢᠭᠡᠳᠬᠡᠨ ᠳᠠᠭᠠᠭᠤᠯᠤᠭᠰᠠᠨ        ᠭᠠᠶᠢᠬᠠᠮᠰᠢᠭᠲᠦ ᠲᠡᠮᠦᠵᠢᠨ ᠤ ᠪᠤᠰᠤᠭ᠎ᠠ ᠪᠢᠴᠢᠭ ᠮᠢᠨᠢ        ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠰᠤᠷᠭᠠᠯ ᠲᠠᠢ        ᠡᠭᠡᠰᠢᠭ ᠢᠷᠠᠭᠤ ᠡᠬᠡ ᠬᠡᠯᠡ ᠮᠢᠨᠢ        ᠪᠤᠮ ᠰᠠᠶ᠎ᠠ ᠤᠭᠰᠠᠭ᠎ᠠ ᠶᠠᠰᠤᠲᠠᠨ ᠢ        ᠪᠤᠶᠠᠨᠰᠠᠭ ᠨᠢᠭᠲᠠᠷᠠᠭᠤᠯᠤᠭᠰᠠᠨ ᠠᠭᠤᠤ ᠬᠡᠯᠡ        ᠪᠤᠯᠪᠠᠰᠤᠨ ᠴᠠᠭ ᠤᠨ ᠰᠠᠶᠢᠬᠠᠨ ᠰᠤᠷᠲᠠᠯ ᠢ        ᠪᠦᠮᠪᠦᠷᠴᠡᠭ ᠲᠤ ᠮᠦᠩᠬᠡᠯᠡᠭᠰᠡᠨ ᠳᠠᠷᠬᠠᠨ ᠬᠡᠯᠡ        ᠤᠳᠤᠮ ᠵᠠᠯᠭᠠᠨ ᠦᠪᠯᠡᠵᠦ ᠢᠷᠡᠭᠰᠡᠨ        ᠤᠵᠠᠭᠤᠷ ᠲᠠᠩᠰᠤᠭ ᠡᠬᠡ ᠬᠡᠯᠡ ᠮᠢᠨᠢ        ᠠᠯᠤᠨ ᠡᠬᠡ ᠶᠢᠨ ᠨᠠᠨᠳᠢᠨ ᠰᠤᠷᠭᠠᠯ ᠎ ᠲᠠᠢ        ᠠᠶᠠᠯᠭᠤ ᠲᠤᠳᠤᠬᠠᠨ ᠲᠦᠷᠦᠯᠬᠢ ᠬᠡᠯᠡ        ᠠᠴᠢᠷ ᠦᠷᠡᠰ ᠢᠶᠠᠨ ᠬᠦᠮᠦᠵᠢᠭᠦᠯᠬᠦ        ᠠᠪᠢᠶ᠎ᠠ ᠪᠠᠷᠢᠮᠵᠢᠶ᠎ᠠ ᠲᠠᠢ ᠴᠡᠪᠡᠷᠬᠡᠨ ᠬᠡᠯᠡ        ᠦᠶ᠎ᠡ ᠶᠢᠨ ᠦᠶ᠎ᠡ ᠳᠤ ᠳᠡᠭᠡᠳᠦᠯᠡᠨ ᠶᠠᠪᠤᠬᠤ        ᠦᠨᠢᠷ ᠪᠠᠶᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ᠃                ᠲᠠᠯ᠎ᠠ ᠨᠤᠲᠤᠭ ᠤᠨ ᠦᠯᠢᠭᠡᠷ                ᠲᠠᠯ᠎ᠠ ᠨᠤᠲᠤᠭ ᠎ ᠤᠨ ᠦᠯᠢᠭᠡᠷ        ᠲᠠᠰᠤᠷᠠᠰᠢ ᠦᠭᠡᠢ ᠦᠷᠭᠦᠯᠵᠢᠯᠡᠨ᠎ᠡ        ᠲᠠᠪᠤᠨ ᠲᠢᠪ ᠤᠨ ᠴᠠᠭᠠᠨ᠎ᠠ        ᠲᠠᠪᠤᠨ ᠦᠩᠭᠡ ᠪᠠᠷ ᠰᠤᠯᠤᠩᠭᠠᠷᠠᠨ᠎ᠠ        ᠲᠡᠤᠬᠡ ᠶᠢᠨ ᠤᠷᠲᠤ ᠠᠶᠠᠨ ᠳᠤ        ᠲᠦᠭ ᠲᠦᠮᠡᠨ ᠢ ᠤᠷᠠᠶᠢᠯᠠᠨ᠎ᠠ        ᠲᠠᠩᠰᠤᠭ ᠰᠤᠶᠤᠯ ᠤᠨ ᠦᠪ ᠢ        ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠪᠢᠰᠢᠷᠡᠨ᠎ᠡ        ᠲᠠᠩᠬᠢᠯ ᠢᠷᠠᠭᠤ ᠬᠡᠯᠡᠨ ᠤ        ᠳᠠᠯᠠᠢ ᠪᠠᠶᠠᠨ ᠢ ᠪᠠᠭ᠋ᠠᠳᠤᠨ᠎ᠠ        ᠳᠡᠯᠭᠡᠷ ᠬᠠᠩᠭᠠᠢ ᠨᠤᠲᠤᠭ ᠤᠨ        ᠲᠦᠭᠡᠮᠡᠯ ᠡᠯᠪᠡᠭ ᠢ ᠱᠠᠭᠰᠢᠨ᠎ᠠ        ᠲᠡᠮᠡᠤᠯᠦᠨ ᠲᠡᠮᠡᠤᠯᠦᠨ ᠬᠦᠷᠬᠦ        ᠲᠤᠳᠤᠭᠠᠳᠤ ᠰᠢᠳᠢ ᠶᠢ ᠪᠠᠭ᠋ᠠᠷᠬᠠᠨ᠎ᠠ        ᠳᠠᠶᠠᠩ ᠶᠢᠷᠲᠢᠨᠴᠦ ᠳᠤ ᠬᠤᠪᠤᠷᠬᠠᠨ        ᠳᠠᠯᠳᠠ ᠨᠢᠭᠤᠴᠠ ᠶᠢ ᠭᠠᠶᠢᠬᠠᠯᠳᠤᠨ᠎ᠠ        ᠲᠡᠷᠡ ᠬᠤᠯᠠ ᠠᠴᠠ ᠦᠪᠯᠡᠭᠰᠡᠨ        ᠳᠠᠷᠬᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ        ᠳᠠᠷᠤᠯᠠᠯ ᠮᠦᠯᠵᠢᠯ ᠤᠨ ᠳᠤᠮᠳᠠ ᠠᠴᠠ        ᠳᠠᠬᠢᠨ ᠠᠮᠢᠯᠠᠭᠰᠠᠨ ᠰᠢᠲᠦᠭᠡᠨ ᠮᠢᠨᠢ        ᠲᠠᠲᠠᠳᠤᠩᠭ᠎ᠠ ᠨᠠᠷ ᠤᠨ ᠪᠦᠲᠦᠭᠡᠭᠰᠡᠨ        ᠳᠠᠶᠢᠴᠢᠨ ᠢᠷᠠᠭᠤ ᠤᠶᠠᠩᠭ᠎ᠠ ᠮᠢᠨᠢ        ᠳᠠᠬᠢᠨ ᠳᠠᠬᠢᠨ ᠤᠩᠰᠢᠬᠤ ᠳᠤ        ᠳᠠᠩᠳᠠ ᠪᠠᠨ ᠳᠤᠭᠳᠤᠯᠬᠤ ᠡᠭᠡᠰᠢᠭ ᠮᠢᠨᠢ        ᠳᠠᠬᠢᠯᠲᠠ ᠵᠠᠭᠤᠨ ᠢ ᠡᠯᠡᠭᠡᠭᠰᠡᠨ         ᠲᠡᠤᠬᠡ ᠶᠢᠨ ᠠᠭᠤᠤ ᠬᠠᠭᠤᠳᠠᠰᠤ ᠮᠢᠨᠢ        ᠳᠡᠭᠡᠷ᠎ᠡ ᠨᠢ ᠦᠯᠢᠭᠡᠷ ᠎ ᠢᠶᠠᠨ ᠪᠢᠴᠢᠬᠦ        ᠳᠠᠭᠤᠷᠢᠰᠬᠤ ᠠᠯᠳᠠᠷ ᠤᠨ ᠲᠠᠮᠠᠭ᠎ᠠ ᠮᠢᠨᠢ        ᠳᠡᠮᠡᠴᠡᠵᠦ ᠪᠤᠰᠤᠯᠴᠠᠭᠰᠠᠨ ᠦᠯᠢᠭᠡᠷ ᠤᠨ        ᠲᠦᠮᠡ ᠪᠤᠮᠠᠨ ᠭᠤᠭᠴᠤᠭ᠎ᠠ ᠶᠤᠮ        ᠳᠦᠷᠢᠮᠡᠬᠡᠢ ᠶᠤᠰᠤᠨ ᠢ ᠳᠠᠭᠠᠷᠢᠭᠰᠠᠨ        ᠲᠦᠪ ᠦᠨᠡᠨ ᠭᠡᠷᠡᠴᠢ ᠶᠤᠮ        ᠲᠦᠪᠰᠢᠨ ᠵᠢᠷᠭᠠᠯᠲᠦ ᠠᠮᠢᠳᠤᠷᠠᠯ ᠤᠨ        ᠲᠦᠯᠬᠢᠭᠦᠷ ᠪᠤᠯᠤᠭᠰᠠᠨ ᠰᠢᠳᠢ ᠶᠤᠮ        ᠲᠤᠮᠤᠭᠠᠵᠢᠵᠤ ᠦᠰᠬᠦ ᠬᠡᠤᠬᠡᠳ ᠤᠨ        ᠲᠦᠬᠦᠭᠡᠷᠴᠦ ᠮᠡᠳᠡᠬᠦ ᠤᠴᠢᠷ ᠶᠤᠮ        ᠲᠠᠨᠠᠨ ᠴᠠᠭᠠᠨ ᠭᠡᠷ ᠎ ᠤᠨ ᠮᠢᠨᠢ        ᠳᠡᠭᠡᠪᠦᠷ ᠢ ᠬᠡᠯᠬᠢᠬᠦ ᠵᠦᠢ ᠶᠤᠮ        ᠲᠠᠯ᠎ᠠ ᠶᠢᠨ ᠠᠭᠤᠳᠠᠮ ᠢ ᠬᠠᠷᠠᠬᠤ        ᠲᠤᠭᠤᠷᠭ᠎ᠠ ᠎ ᠶᠢᠨ ᠶᠡᠭᠡ ᠴᠤᠩᠬᠤ ᠶᠤᠮ        ᠲᠤᠯᠭ᠎ᠠ ᠶᠢᠨ ᠭᠠᠯ ᠢᠶᠠᠨ ᠬᠦᠭᠵᠢᠭᠡᠬᠦ        ᠲᠤᠲᠤᠭᠤ ᠶᠢᠨ ᠨᠠᠮᠵᠢᠭᠤᠨ ᠴᠢᠮᠡᠭᠡ ᠶᠤᠮ        ᠲᠤᠭᠤᠨᠤ ᠶᠢᠨ ᠭᠡᠷᠡᠯ ᠢ ᠬᠠᠷᠠᠬᠤ        ᠲᠤᠳᠤᠬᠠᠨ ᠮᠤᠩᠭᠤᠯ ᠤᠯᠠᠮᠵᠢᠯᠠᠯ ᠶᠤᠮ        ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠪᠠᠨ        ᠳᠤᠳᠤᠮᠳᠠᠵᠤ ᠦᠰᠭᠡᠭᠰᠡᠨ ᠲᠣᠤᠯᠢ ᠶᠤᠮ        ᠲᠠᠷᠠᠭ ᠠᠶᠢᠷᠠᠭ ᠴᠠᠭᠠᠨ ᠢᠳᠡᠭᠡᠨ ᠢ        ᠳᠡᠭᠡᠳᠦᠯᠡᠵᠦ ᠢᠷᠡᠭᠰᠡᠨ ᠠᠮᠢᠳᠤᠷᠠᠯ ᠶᠤᠮ        ᠲᠠᠯ᠎ᠠ ᠨᠤᠲᠤᠭ ᠤᠨ ᠦᠯᠢᠭᠡᠷ        ᠲᠠᠪᠤᠨ ᠲᠢᠪ ᠲᠤ ᠬᠠᠩᠭᠢᠨᠠᠨ᠎ᠠ        ᠲᠠᠩᠰᠤᠭ ᠢᠷᠠᠭᠤ ᠬᠡᠯᠡ ᠮᠢᠨᠢ        ᠳᠤᠯᠤᠭᠠᠨ ᠡᠭᠡᠰᠢᠭ ᠢᠶᠠᠷ ᠦᠪᠯᠡᠨ᠎ᠡ        ᠲᠦᠮᠡᠨ ᠠᠭᠲᠠ ᠶᠢᠨ ᠳᠠᠪᠬᠢᠯᠲᠠ        ᠳᠤᠮᠤᠭ ᠬᠦᠤᠷᠨᠢᠭᠰᠡᠨ ᠲᠠᠯ᠎ᠠ        ᠲᠡᠭᠷᠢ ᠶᠢᠨ ᠵᠢᠭᠦᠷᠲᠦ ᠬᠦᠯᠦᠭ        ᠳᠡᠭᠦᠯᠢᠨ ᠨᠢᠰᠦᠭᠰᠡᠨ ᠦᠯᠢᠭᠡᠷ        ᠲᠦᠭᠦᠨ ᠲᠦᠭᠦᠨ ᠢᠷᠡᠬᠦ        ᠲᠦᠷᠦᠯᠬᠢ ᠨᠤᠲᠤᠭ ᠤᠨ ᠰᠤᠳᠤᠷ        ᠳᠦᠷᠢᠮᠡᠬᠡᠢ ᠬᠦᠴᠦᠨ ᠢ ᠢᠯᠠᠭᠰᠠᠨ        ᠲᠤᠭ ᠨᠠᠮᠢᠷᠠᠭᠰᠠᠨ ᠳᠠᠭᠤᠯᠠᠯ        ᠲᠦᠢᠳᠬᠡᠷ ᠰᠠᠮᠠᠭᠤᠨ ᠢ ᠳᠠᠷᠤᠭᠰᠠᠨ        ᠳᠠᠶᠢᠴᠢᠨ ᠬᠦᠴᠦᠨ ᠤ ᠣᠮᠣᠭᠰᠢᠯ        ᠳᠠᠪᠰᠢᠨ ᠳᠠᠪᠰᠢᠨ ᠤᠷᠤᠭᠰᠢᠯᠠᠬᠤ        ᠳᠠᠷᠬᠠᠨ ᠰᠦᠯᠳᠡ ᠶᠢᠨ ᠭᠢᠯᠪᠠᠭ᠎ᠠ        ᠳᠠᠷᠠᠭᠠᠯᠠᠨ ᠳᠠᠷᠠᠭᠠᠯᠠᠨ ᠦᠪᠯᠡᠬᠦ        ᠲᠠᠯ᠎ᠠ ᠨᠤᠲᠤᠭ ᠤᠨ ᠦᠯᠢᠭᠡᠷ        ᠳᠠᠬᠢᠨ ᠳᠠᠬᠢᠨ ᠤᠩᠰᠢᠬᠤ        ᠲᠠᠯ᠎ᠠ ᠨᠤᠲᠤᠭ ᠤᠨ ᠳᠤᠮᠤᠭ︕                        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ                ᠳᠡᠯᠭᠡᠷ ᠮᠤᠩᠭᠤᠯ ᠬᠡᠯᠡ ᠮᠢᠨᠢ        ᠳᠡᠭᠡᠳᠦ ᠠᠴᠠ ᠦᠪᠯᠡᠭᠰᠡᠨ ᠰᠤᠶᠤᠯ        ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠬᠠᠩᠭᠢᠨᠠᠭᠰᠠᠨ        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ                ᠲᠦᠮᠡ ᠪᠤᠮᠠᠨ ᠬᠡᠯᠡᠲᠡᠨ ᠳᠤ        ᠲᠤᠩᠬᠠᠭ ᠪᠤᠯᠤᠭᠰᠠᠨ ᠰᠤᠶᠤᠯ        ᠲᠡᠤᠬᠡ ᠶᠢᠨ ᠬᠠᠭᠤᠳᠠᠰᠤᠨ ᠳᠤ ᠭᠢᠯᠠᠯᠵᠠᠬᠤ        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ                ᠳᠠᠶᠠᠭᠠᠷ ᠶᠠᠰᠤᠲᠠᠨ ᠢ ᠡᠶᠡᠰᠡᠭᠦᠯᠬᠦ        ᠳᠠᠯᠠᠢ ᠪᠤᠶᠠᠨᠲᠦ ᠰᠢᠲᠦᠭᠡᠨ ᠮᠢᠨᠤ        ᠲᠠᠪᠤᠨ ᠲᠢᠪ ᠲᠤ ᠳᠠᠭᠤᠷᠢᠰᠬᠤ        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ                ᠲᠠᠵᠢ ᠦᠷᠭᠡᠨ ᠨᠤᠲᠤᠭ ᠤᠨ        ᠲᠠᠩᠰᠤᠭ ᠪᠠᠶᠠᠨ ᠢ ᠲᠡᠮᠳᠡᠭᠯᠡᠭᠰᠡᠨ        ᠳᠠᠶᠠᠩ ᠤᠨ ᠰᠤᠨᠤᠷ ᠲᠤ ᠴᠣᠤᠷᠠᠶᠢᠯᠠᠬᠤ        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ                ᠳᠦᠷᠦᠭᠡ ᠦᠨᠳᠡᠶᠢᠬᠦ ᠪᠠᠭᠠᠲᠤᠳ ᠤᠨ        ᠳᠠᠶᠢᠴᠢᠨ ᠭᠠᠪᠢᠶ᠎ᠠ ᠶᠢ ᠪᠢᠴᠢᠭᠯᠡᠭᠰᠡᠨ        ᠳᠠᠭᠤᠰᠤᠰᠢ ᠦᠭᠡᠢ ᠤᠷᠠᠶᠢᠯᠠᠬᠤ        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ                ᠳᠤᠮᠤᠭ ᠲᠤᠤᠯᠢ ᠶᠢᠨ ᠡᠭᠡᠰᠢᠭ ᠎ ᠲᠠᠢ        ᠲᠡᠭᠷᠢ ᠶᠢᠨ ᠢᠷᠠᠭᠤ ᠠᠶᠠᠯᠭᠤ        ᠳᠠᠯᠠᠯᠤᠨ ᠳᠠᠯᠠᠯᠤᠨ ᠤᠷᠮᠠᠰᠢᠭᠤᠯᠬᠤ        ᠲᠠᠯ᠎ᠠ ᠨᠤᠲᠤᠭ ᠎ ᠤᠨ ᠰᠠᠬᠢᠭᠤᠰᠤ                ᠳᠡᠭᠡᠳᠦᠯᠡᠨ ᠡᠷᠬᠢᠮᠯᠡᠬᠦ ᠶᠤᠰᠤ ᠲᠠᠢ        ᠲᠡᠤᠬᠡ ᠶᠢᠨ ᠰᠢᠲᠦᠭᠡᠨ ᠡᠷᠳᠡᠨᠢ        ᠳᠡᠭᠵᠢᠨ ᠮᠠᠨᠳᠤᠬᠤ ᠬᠤᠷᠤᠢ        ᠲᠠᠯ᠎ᠠ ᠨᠤᠲᠤᠭ ᠤᠨ ᠰᠠᠬᠢᠭᠤᠰᠤ︕                                                        ᠲᠠᠯ᠎ᠠ ᠨᠤᠲᠤᠭ ᠤᠨ ᠲᠡᠮᠳᠡᠭᠯᠡᠯ                ᠲᠦᠷᠦᠭᠰᠡᠨ ᠨᠤᠲᠤᠭ ᠤᠨ ᠮᠢᠨᠢ ᠦᠵᠡᠮᠵᠢ        ᠲᠦᠰᠢᠵᠦ ᠪᠤᠰᠤᠭᠰᠠᠨ ᠠᠭᠤᠯᠠ ᠬᠠᠶᠢᠷᠬᠠᠨ        ᠲᠡᠮᠡᠤᠯᠦᠯ ᠵᠢᠳᠬᠦᠯ ᠤᠨ ᠤᠯᠠ ᠮᠦᠷ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ                ᠳᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠨᠡᠭᠦᠳᠡᠯᠯᠡᠬᠦ        ᠲᠡᠤᠬᠡᠲᠦ ᠠᠮᠢᠳᠤᠷᠠᠯ ᠤᠨ ᠪᠠᠭᠤᠴᠠ        ᠲᠡᠨᠢᠭᠦᠬᠡᠨ ᠬᠦᠳᠡᠭᠡ ᠶᠢᠨ ᠢᠪᠡᠭᠡᠯ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ                ᠲᠡᠤᠬᠡ ᠶᠢᠨ ᠤᠯᠪᠠᠭ᠎ᠠ ᠰᠢᠩᠭᠡᠭᠰᠡᠨ        ᠲᠠᠰᠤᠷᠠᠰᠢ ᠦᠭᠡᠢ ᠦᠷᠭᠦᠯᠵᠢᠯᠡᠯ ᠎ ᠲᠠᠢ        ᠳᠡᠭᠵᠢᠷᠡᠯ ᠪᠠᠭᠤᠷᠠᠯ ᠢ ᠭᠡᠷᠡᠴᠢᠯᠡᠬᠦ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ                ᠳᠠᠭᠤᠰᠣᠰᠢ ᠦᠭᠡᠢ ᠰᠣᠨᠣᠯᠵᠠᠬᠤ        ᠲᠡᠭᠦᠰᠭᠡᠯ ᠦᠭᠡᠢ ᠠᠶᠠᠨ ᠤ ᠴᠡᠭ        ᠲᠠᠯᠬᠢᠭᠳᠠᠯ ᠠᠮᠢᠯᠠᠯ ᠢ ᠲᠠᠮᠠᠭᠠᠯᠠᠭᠰᠠᠨ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ                ᠳᠡᠷᠲᠡᠭᠡ ᠵᠠᠭᠤᠨ ᠠᠴᠠ ᠢᠷᠡᠭᠰᠡᠨ        ᠲᠠᠩᠰᠤᠭ ᠬᠦᠳᠡᠭᠡ ᠶᠢᠨ ᠦᠵᠡᠰᠭᠦᠯᠡᠩ        ᠳᠠᠶᠠᠩ ᠤᠨ ᠬᠠᠷᠠᠭᠠᠨ ᠳᠤ ᠰᠦᠮᠡᠯᠵᠡᠬᠦ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ                ᠳᠠᠬᠢᠨ ᠳᠠᠬᠢᠨ ᠤᠩᠰᠢᠬᠤ ᠳᠤ        ᠲᠡᠤᠬᠡ ᠶᠢᠨ ᠬᠤᠩᠬ᠎ᠠ ᠬᠠᠩᠭᠢᠨᠠᠨ᠎ᠠ        ᠳᠠᠶᠠᠭᠠᠷ ᠲᠦᠮᠡᠨ ᠢ ᠰᠡᠭᠡᠭᠡᠷᠡᠭᠦᠯᠬᠦ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ                ᠳᠡᠯᠭᠡᠨ ᠳᠡᠯᠭᠡᠨ ᠦᠵᠡᠬᠦ ᠳᠤ        ᠳᠡᠯᠡᠬᠡᠢ ᠡᠵᠢ ᠮᠢᠨᠢ ᠭᠠᠩᠰᠠᠷᠠᠨ᠎ᠠ        ᠳᠡᠷᠭᠡᠲᠡᠬᠢ ᠬᠦᠮᠦᠰ ᠢ ᠤᠶᠠᠷᠠᠭᠤᠯᠬᠤ        ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠢᠨᠢ ᠲᠡᠮᠳᠡᠭᠯᠡᠯ︕              
​       ​​​​​       ​​​​​​​​​​​        ​        
​​​​​​​​​​​​​​        ​​        ​​​        ​                        ​​​​​​​​​​​​​​​​​​                                                                                                                                          
                                                                                                                                                                                                                                                                                                                                                                                                                                                                                                                                                                     ​                                                                                                          
᠁
  
ᠢᠷᠡᠯᠲᠡ᠄ ᠠᠷᠠᠳ ᠤᠨ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号