| 2017 ᠤᠨ ᠤ 11 ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠶᠡᠷᠦᠩᠭᠡᠢ ᠱᠦᠵᠢ ᠰᠢ ᠶᠢᠨ ᠫᠢᠡᠭ ᠰᠢᠯᠢ ᠶᠢᠨ ᠭᠤᠤᠯ | ᠠᠶᠢᠮᠠᠬ ᠤᠨ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠡᠰᠢᠬᠦᠳ ᠲᠤ ᠬᠠᠷᠢᠭᠤ | ᠵᠠᠬᠢᠳᠠᠯ ᠢᠷᠡᠬᠦᠯᠦᠭᠰᠡᠨ ᠢᠶᠠᠷ᠂ ᠦᠪᠦᠷ ᠮᠤᠩᠭᠤᠯ ᠪᠤᠯᠤᠨ ᠪᠦᠬᠦ ᠤᠯᠤᠰ ᠤᠨ ᠤᠳᠬᠠ ᠤᠷᠠᠯᠢᠬ ᠤᠨ | ᠡᠳᠡᠬᠡᠳ ᠤᠨ ᠬᠢᠨ ᠳᠤ ᠤᠯᠠᠭᠠᠨᠮᠦ᠋ᠴᠢᠷ ᠠᠴᠠ ᠰᠤᠷᠤᠯᠴᠠᠬᠤ ᠬᠠᠯᠠᠭᠤᠨ ᠦᠷᠨᠢᠯᠳᠡ | ᠭᠠᠷᠴᠤ᠂ ᠡᠬᠦᠨ ᠢ ᠲᠠᠭᠠᠯᠳᠤᠨ ᠤᠯᠠᠨ ᠠᠷᠪᠢᠨ ᠶᠠᠷᠢᠶᠠ ᠪᠤᠯᠤᠨ ᠵᠤᠬᠢᠶᠠᠯ ᠨᠡᠶᠢᠳᠡᠯᠡᠭᠳᠡᠵᠦ᠂ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | ᠬᠠᠮᠢᠶᠠ ᠲᠠᠢ ᠠᠰᠠᠭᠤᠳᠠᠯ ᠤᠨ ᠲᠤᠬᠠᠢ ᠵᠠᠳᠠᠯᠵᠤ ᠰᠤᠳᠤᠯᠤᠬᠰᠠᠨ ᠨᠢ ᠮᠠᠰᠢ ᠬᠦᠨᠵᠡᠬᠡᠢ | ᠪᠦᠬᠡᠳ ᠤᠨᠤᠪᠴᠢᠳᠠᠢ ᠪᠤᠯᠵᠤ ᠴᠢᠳᠠᠪᠠ᠃ ᠡᠶᠢᠮᠦ ᠪᠤᠯᠬᠤᠷ ᠲᠤᠰ ᠵᠤᠬᠢᠶᠠᠯ ᠳᠠᠭᠠᠨ ᠪᠢ ᠲᠡᠶᠢᠮᠦ ᠤᠯᠠᠨ ᠶᠤᠰᠤ | ᠤᠴᠢᠷ ᠢ ᠶᠠᠷᠢᠬᠤ ᠦᠬᠡᠢ᠂ ᠬᠠᠷᠢᠨ ᠮᠠᠨ ᠤ ᠠᠬᠠᠮᠠᠳ ᠦᠶᠠ ᠶᠢᠨ ᠤᠳᠬᠠ ᠤᠷᠠᠯᠢᠬ ᠤᠨ ᠠᠵᠢᠯᠳᠠᠳ ᠲᠤ | ᠠᠪᠴᠤ ᠬᠡᠯᠡᠪᠡᠯ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠦᠵᠡᠭᠳᠡᠯ ᠪᠤᠯᠤᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠰᠤᠶᠤᠯ ᠨᠢ ᠪᠢᠳᠡᠨ ᠤ ᠬᠦᠮᠦᠨ ᠪᠦᠬᠦᠨ ᠲᠠᠢ | ᠰᠢᠭᠤᠳ ᠪᠤᠶᠤ ᠲᠠᠮ ᠤᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠳᠠᠬ ᠢ ᠦᠬᠦᠯᠡᠬᠦ ᠬᠡᠰᠡᠨ ᠶᠤᠮ᠃ | ᠤᠯᠠᠭᠠᠨᠮᠦ᠋ᠴᠢᠷ ᠨᠢ ᠶᠠᠬ ᠯᠡ ᠦᠨᠳᠤᠷ ᠰᠦᠷᠯᠢᠭ ᠬᠠᠨ ᠠᠭᠤᠯᠠ ᠰᠢᠬ ᠢᠶᠠᠨ | ᠰᠡᠬᠦ᠋ᠢᠨ ᠰᠦᠨᠳᠡᠷᠯᠡᠵᠤ᠂ ᠦᠵᠡᠬᠦ ᠲᠤᠰᠤᠮ ᠢᠶᠠᠨ ᠡᠬᠡᠯᠢᠳᠡᠢ᠂ ᠡᠷᠬᠢᠴᠡᠬᠦᠯᠬᠦ ᠲᠤᠳᠤᠮ ᠢᠶᠠᠨ | ᠬᠠᠶᠢᠷᠠᠯᠠᠯᠳᠠᠢ ᠰᠠᠨᠠᠬᠳᠠᠨᠠ ᠪᠢᠯᠡ᠃
ᠮᠠᠷᠳᠠᠬᠳᠠᠰᠢ ᠦᠬᠡᠢ ᠲᠡᠷᠡ ᠰᠦᠨᠢ
| ᠪᠢ ᠠᠩᠬᠠ ᠤᠳᠠᠭᠠ ᠪᠠᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠬᠯᠠᠯᠳᠠ ᠶᠢ ᠰᠤᠨᠢᠷᠬᠠᠬᠰᠠᠨ ᠨᠢ ᠤᠳᠤ ᠠᠴᠠ 53 ᠵᠢᠯ ᠤᠨ | ᠡᠮᠦᠨᠡᠬᠢ ᠤᠴᠢᠷ ᠪᠠᠶᠢᠵᠤ ᠮᠠᠷᠳᠠᠬᠳᠠᠰᠢ ᠦᠬᠡᠢ ᠲᠤᠷᠠᠳᠬᠠᠯ ᠪᠤᠯᠵᠤ ᠰᠡᠳᠬᠢᠯ ᠳᠤ ᠬᠤᠨᠤᠬᠰᠢᠵᠠᠢ᠃ | 1965 ᠤᠨ ᠤ ᠨᠠᠮᠤᠷ᠂ ᠪᠢ ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠭᠤᠤ | ᠬᠦᠭᠵᠢᠮ ᠤᠨ ᠤᠨᠤᠯ ᠤᠨ ᠰᠠᠯᠪᠤᠷᠢ ᠠᠴᠠ ᠲᠡᠬᠦᠰᠦᠨ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠦᠯᠡᠳᠡᠨ ᠠᠵᠢᠯᠯᠠᠪᠠ᠃ | ᠦᠪᠦᠷ ᠮᠤᠩᠭᠤᠯ ᠤᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠭᠤᠷᠢᠨ ᠲᠤᠬᠯᠠᠯᠳᠠ ᠤᠳᠠᠯ ᠦᠬᠡᠢ ᠪᠡᠬᠡᠵᠢᠩ ᠳᠤ ᠢᠷᠡᠵᠤ | ᠲᠤᠬᠯᠠᠯᠳᠠ ᠭᠠᠷᠭᠠᠬᠤ ᠴᠢᠮᠡᠭᠡ ᠨᠢ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠮᠠᠰᠢ ᠶᠡᠭᠡ ᠰᠤᠨᠢᠨ ᠮᠡᠳᠡᠭᠡ ᠪᠤᠯᠵᠤ | ᠪᠡᠬᠡᠵᠢᠩ ᠳᠤ ᠪᠠᠶᠢᠭᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ ᠬᠠᠯᠠᠭᠤᠨ ᠲᠤᠰᠬᠠᠯ ᠭᠠᠷᠪᠠ᠃ ᠬᠦᠮᠦᠰ | ᠬᠤᠭᠤᠷᠤ ᠵᠠᠭᠤᠷᠠ ᠪᠠᠨ ᠴᠢᠮᠡᠭᠡ ᠦᠭᠴᠤ ᠬᠤᠨᠤᠬ ᠲᠤᠭᠠᠯᠠᠨ ᠬᠦᠯᠢᠶᠡᠵᠤ᠂ ᠨᠡᠶᠢᠰᠯᠡᠯ ᠤᠨ ᠤᠷᠠᠯᠢᠬ ᠤᠨ | ᠲᠠᠶᠢᠰᠠᠨ ᠳᠤ ᠨᠤᠳᠤᠭ ᠤᠨ ᠢᠶᠠᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠭᠤᠴᠤ ᠲᠤᠬᠯᠠᠯᠳᠠ ᠶᠢ ᠰᠤᠨᠢᠷᠬᠠᠬᠤ ᠪᠠᠷ | ᠬᠦᠰᠡᠵᠤ ᠪᠠᠶᠢᠪᠠ᠃ ᠬᠦᠯᠢᠶᠡᠭᠰᠡᠭᠡᠷ ᠪᠠᠶᠢᠵᠦ ᠡᠨᠡ ᠡᠳᠦᠷ ᠦᠨᠡᠬᠡᠷ ᠬᠦᠷᠴᠤ ᠢᠷᠡᠯᠠ᠂ ᠪᠢ ᠴᠢᠷᠮᠠᠶᠢᠵᠤ | ᠪᠠᠶᠢᠭᠠᠳ ᠬᠤᠶᠠᠷ ᠪᠢᠯᠧᠲ ᠤᠯᠵᠤ᠂ ᠲᠠᠭᠤᠤ ᠬᠦᠭᠵᠢᠮ ᠤᠨ ᠤᠨᠤᠯ ᠤᠨ ᠰᠠᠯᠪᠤᠷᠢ ᠶᠢᠨ ᠤᠶᠤᠳᠠᠨ | ᠮᠠᠨᠳᠤᠬᠤ ᠲᠠᠢ ᠬᠠᠮᠳᠦ ᠬᠠᠢ ᠳ᠋ᠢᠶᠠᠨ ᠵᠦᠴᠦᠬᠡ ᠶᠢᠨ ᠲᠠᠯᠠᠪᠠᠢ ᠳᠤ ᠬᠦᠷᠦᠭᠰᠡᠨ ᠶᠤᠮ᠃
| ᠢᠷᠠᠭᠤ ᠬᠦᠭᠵᠢᠮ ᠴᠤᠤᠷᠢᠶᠠᠳᠤᠵᠤ᠂ ᠲᠤᠷᠭᠠᠨ ᠬᠦᠰᠢᠬᠡ ᠰᠡᠬᠦᠭᠳᠡᠵᠤ᠂ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠬᠯᠠᠯᠳᠠ ᠡᠬᠢᠯᠡᠯᠠ᠃ | ᠪᠦᠬᠦ ᠠᠩᠬᠢ ᠶᠢᠨ 12 ᠲᠤᠬᠯᠠᠬᠴᠢ ᠡᠬᠡᠯᠵᠢᠯᠡᠨ ᠲᠠᠶᠢᠰᠠᠨ ᠳᠤ ᠭᠠᠷᠴᠤ᠂ ᠨᠡᠶᠢᠳᠡ 17 ᠲᠤᠬᠯᠠᠯᠳᠠ ᠭᠠᠷᠭᠠᠪᠠ᠃ | ᠪᠦᠬᠦ ᠲᠤᠬᠯᠠᠯᠳᠠ ᠨᠢ ᠤᠬᠤᠷ ᠠᠪᠰᠠᠷ ᠭᠤᠴᠤ ᠰᠠᠶᠢᠬᠠᠨ᠂ ᠬᠡᠯᠪᠡᠷᠢ ᠨᠢ ᠤᠯᠠᠨ ᠶᠠᠩᠵᠤ ᠶᠢᠨ ᠠᠮᠢᠳᠤ ᠴᠤᠪᠤᠭᠤᠯᠢᠬ᠃ | ᠭᠤᠴᠤᠯᠠᠯ ᠲᠠᠭᠤᠤ᠂ ᠭᠤᠴᠤᠯᠠᠯ ᠬᠦᠭᠵᠢᠮ᠂ ᠭᠤᠴᠤᠯᠠᠯ ᠪᠦᠵᠢᠭ᠂ ᠬᠤᠯᠪᠤᠭᠠ᠂ ᠡᠯᠬᠦᠯᠴᠡᠭᠡ ᠪᠠᠶᠢᠬᠤ ᠪᠦᠬᠡᠳ ᠪᠠᠰᠠ | ᠪᠠᠭᠠ ᠨᠠᠶᠢᠷᠠᠯ ᠲᠠᠭᠤᠤ᠂ ᠬᠠᠮᠳᠤ ᠶᠢᠨ ᠬᠦᠭᠵᠢᠮ᠂ ᠬᠠᠮᠳᠤ ᠶᠢᠨ ᠪᠦᠵᠢᠭ ᠪᠠᠶᠢᠵᠤ᠂ ᠠᠭᠤᠯᠭᠠ ᠨᠢ | ᠪᠤᠳᠠᠳᠠᠢ ᠲᠠᠢ ᠤᠢᠢᠷᠠᠳᠤᠵᠤ᠂ ᠲᠠᠯᠠ ᠨᠤᠳᠤᠭ ᠤᠨ ᠠᠮᠢᠳᠤᠷᠠᠯ ᠤᠨ ᠦᠨᠦᠷ ᠠᠮᠳᠠ ᠪᠠᠷ | ᠪᠢᠯᠬᠠᠵᠤ ᠪᠠᠶᠢᠪᠠ᠃ ᠲᠤᠬᠯᠬᠠᠴᠢᠳ ᠤᠨ ᠲᠤᠬᠯᠠᠯᠳᠠ ᠨᠢ ᠪᠤᠷᠤᠬᠵᠢᠭᠤᠨ ᠰᠠᠶᠢᠬᠠᠨ᠂ ᠰᠡᠳᠬᠢᠯᠬᠡ ᠤᠷᠬᠢᠯᠤᠮᠠ᠂ | ᠢᠳᠡᠬᠡᠯ ᠲᠡᠬᠦᠯᠳᠡᠷ ᠪᠠᠶᠢᠵᠤ ᠪᠦᠬᠦ ᠲᠠᠯᠠᠪᠠᠢ ᠶᠢᠨ ᠦᠵᠡᠭᠴᠢᠳ ᠦᠶᠠ ᠦᠶᠠ ᠠᠯᠠᠭᠠ ᠲᠠᠰᠢᠨ ︽ᠰᠠᠶᠢᠨ᠂ ᠰᠠᠶᠢᠨ︾ | ᠬᠡᠵᠤ ᠤᠤᠬᠠᠢ ᠬᠠᠰᠬᠢᠷᠴᠤ᠂ ᠲᠠᠯᠠᠪᠠᠢ ᠲᠠᠶᠠᠭᠠᠷ ᠬᠠᠯᠠᠭᠤᠨ ᠬᠦᠭᠵᠢᠶᠡᠨ ᠪᠢᠯᠬᠠᠵᠠᠢ᠃
ᠲᠠᠶᠢᠰᠠᠨ ᠲᠡᠬᠡᠷᠡᠬᠢ ᠬᠡᠳᠦᠨ | ᠮᠤᠩᠭᠤᠯ ᠭᠤᠤᠯ ᠲᠤᠬᠯᠠᠬᠴᠢ ᠶᠢᠨ ᠤᠯᠠᠩᠬᠢ ᠨᠢ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠠᠴᠠ ᠢᠷᠡᠭᠰᠡᠨ ᠶᠤᠮ᠃ ᠵᠢᠱᠢᠶᠠᠯᠠᠪᠠᠯ | ᠮᠦᠯᠠᠨ ᠪᠤᠯ ᠲᠤᠰ ᠠᠩᠬᠢ ᠶᠢᠨ ᠭᠤᠴᠤᠯᠠᠯ ᠲᠠᠭᠤᠴᠢᠨ ᠪᠠᠶᠢᠵᠤ ᠲᠤᠬᠠᠢ ᠶᠢᠨ ᠵᠢᠯ ᠰᠠᠶ᠋ᠢ ᠬᠤᠷᠢᠨ ᠬᠤᠶᠠᠷᠳᠠᠢ ᠪᠠᠶᠢᠪᠠ᠃ | ᠲᠡᠷᠡ ︽ᠦᠪᠦᠷ ᠮᠤᠩᠭᠤᠯ ᠰᠠᠶᠢᠬᠠᠨ︾᠂ ︽ᠲᠠᠯᠠ ᠨᠤᠳᠤᠭ ᠤᠨ ᠡᠵᠡᠨ︾ ᠵᠡᠷᠭᠡ ᠲᠠᠭᠤᠤ ᠶᠢ ᠲᠠᠭᠤᠯᠠᠪᠠ᠃ | ᠲᠡᠬᠦᠨ ᠤ ᠲᠠᠭᠤᠨ ᠤ ᠦᠡᠭᠭᠡ ᠴᠡᠪᠡᠷ ᠲᠤᠩᠭᠠᠯᠠᠬ᠂ ᠢᠷᠠᠭᠤ ᠤᠶᠠᠩᠭᠠᠯᠢᠬ ᠪᠦᠬᠡᠳ ᠰᠤᠬᠳᠠᠭᠠ | ᠰᠠᠶᠢᠬᠠᠨ ᠪᠠᠶᠠ ᠭᠠᠯᠪᠢᠷ᠂ ᠭᠤᠶᠤ ᠦᠵᠡᠰᠬᠦᠯᠡᠩ ᠦᠡᠭᠭᠡ ᠵᠢᠰᠦ ᠠᠴᠠ ᠨᠢ ᠬᠤᠪᠤᠷ ᠤᠯᠳᠠᠬᠤ ᠰᠠᠶᠢᠨ | ᠲᠤᠬᠯᠠᠬᠴᠢ ᠬᠡᠳᠡᠭ ᠨᠢ ᠮᠡᠳᠡᠭᠳᠡᠵᠤ ᠪᠠᠶᠢᠪᠠ᠃ ᠮᠤᠷᠢᠨ ᠬᠤᠭᠤᠷ ᠤᠨ ᠭᠤᠴᠤᠯᠠᠯ ᠬᠦᠭᠵᠢᠮᠴᠢᠨ ᠲᠠᠷᠮᠠ | ᠦᠬᠡᠷᠡᠴᠢᠯᠡᠨ ᠨᠠᠶᠢᠷᠠᠭᠤᠯᠤᠬᠰᠠᠨ ︽ᠴᠡᠴᠡᠭ ᠲᠤ ᠰᠤᠬᠳᠤᠭᠤᠷᠠᠬᠰᠠᠨ ᠡᠷᠪᠡᠬᠡᠢ︾᠂ | ︽ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠠᠴᠢ ᠨᠠᠪᠴᠢᠮᠠ︾ ᠵᠡᠷᠭᠡ ᠶᠢ ᠤᠷᠤᠰᠤᠮᠠ ᠰᠠᠶᠢᠬᠠᠨ | ᠬᠦᠭᠵᠢᠮᠳᠡᠵᠤ ᠦᠪᠡᠷ ᠤᠨ ᠬᠡᠮᠵᠢᠶᠡᠯᠡᠰᠢ ᠦᠬᠡᠢ ᠠᠯᠤᠰ ᠢᠷᠡᠬᠡᠳᠦᠢ ᠲᠠᠢ ᠬᠡᠳᠡᠭ ᠢᠶᠠᠨ | ᠢᠯᠡᠷᠡᠬᠦᠯᠵᠤ ᠪᠠᠶᠢᠪᠠ᠃ ᠷᠠᠰᠢᠠᠤᠤᠨᠼᠡᠷ ︽ᠪᠠᠭᠠᠳᠤᠷ ᠠᠳᠤᠭᠤᠴᠢᠨ︾ ᠬᠡᠳᠡᠭ ᠬᠤᠯᠪᠤᠭᠠ ᠶᠢ | ᠲᠠᠭᠠᠭᠤᠯᠤᠨ ᠲᠠᠭᠤᠯᠠᠵᠤ᠂ ᠤᠯᠠᠮᠵᠢᠯᠠᠯᠳᠤ ᠲᠠᠭᠤᠤᠷᠢᠯᠢᠬ ᠤᠨ ᠬᠡᠯᠪᠡᠷᠢ ᠪᠠᠷ ᠮᠠᠯᠴᠢᠨ ᠲᠦᠮᠡᠨ ᠤ | ᠬᠦᠳᠡᠯᠮᠦᠷᠢ ᠦᠢᠯᠡᠳᠪᠦᠷᠢᠯᠡᠯ ᠢ ᠠᠮᠢᠳᠤᠯᠢᠬ ᠢᠯᠡᠷᠡᠬᠦᠯᠵᠤ᠂ ᠱᠤᠬ ᠶᠦᠮᠦᠷᠯᠢᠭ ᠬᠦᠡᠭᠭᠡᠨ ᠢᠯᠭᠤᠮ | ᠪᠠᠶᠢᠵᠤ ᠬᠦᠮᠦᠰ ᠤᠨ ᠤᠷᠮᠠ ᠪᠠᠬᠠ ᠶᠢ ᠲᠠᠳᠠᠵᠤ ᠪᠠᠶᠢᠪᠠ᠃ ᠪᠠᠰᠠ ᠡᠮᠡᠭᠳᠡᠢ ᠶᠢᠨ ᠭᠤᠴᠤᠯᠠᠯ ᠪᠦᠵᠢᠭ ︽ᠠᠶᠠᠭᠠᠨ | ᠪᠦᠵᠢᠭ︾᠂ ᠬᠠᠮᠳᠤ ᠶᠢᠨ ᠪᠦᠵᠢᠭ ︽ᠲᠠᠯᠠ ᠨᠤᠳᠤᠭ ᠤᠨ ᠡᠷᠦᠬᠡ ᠶᠢᠨ ᠴᠡᠷᠢᠭ︾᠂ ᠨᠠᠶᠢᠷᠠᠯ ᠬᠦᠭᠵᠢᠮ | ︽ᠨᠢᠬᠡᠳᠦᠯ ᠤᠨ ᠠᠳᠤᠭᠤᠨ ᠰᠦᠷᠦᠭ︾ ᠵᠡᠷᠭᠡ ᠲᠤᠬᠯᠠᠯᠳᠠ ᠨᠢ ᠮᠠᠰᠢ ᠭᠤᠶᠤ ᠪᠠᠶᠢᠯᠠ᠃
| ᠨᠡᠶᠢᠰᠯᠡᠯ ᠳᠤ ᠤᠷᠤᠵᠤ ᠲᠤᠬᠯᠠᠯᠳᠠ ᠭᠠᠷᠭᠠᠬᠰᠠᠨ ᠲᠤᠰ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠡᠰᠢᠬᠦᠳ ᠨᠢ ᠮᠤᠩᠭᠤᠯ᠂ ᠬᠢᠳᠡᠳ᠂ ᠲᠠᠭᠤᠷ᠂ | ᠡᠸᠠᠩᠬᠢ ᠵᠡᠷᠭᠡ ᠲᠦᠷᠪᠡᠨ ᠦᠨᠳᠤᠰᠤᠳᠠᠨ ᠤ ᠲᠤᠬᠯᠠᠬᠴᠢᠳ ᠢᠶᠠᠷ ᠪᠦᠷᠢᠯᠳᠦᠵᠤ᠂ ᠦᠨᠳᠤᠰᠤᠳᠠᠨ ᠤ ᠪᠦᠯᠬᠦᠮᠳᠡᠯ ᠤᠨ | ᠡᠩᠨᠡᠭᠡ ᠪᠤᠯᠤᠬᠰᠠᠨ ᠪᠠᠶᠢᠯᠠ᠃ ᠰᠡᠬᠦᠯᠡᠷ ᠨᠢ ᠡᠨᠡ ᠬᠦ ᠡᠩᠨᠡᠭᠡ ᠠᠴᠠ ᠬᠡᠳᠦᠨ ᠠᠯᠳᠠᠷᠳᠤ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠷᠠᠯᠢᠬᠴᠢᠨ ᠴᠤᠯᠭᠤᠷᠠᠨ ᠭᠠᠷᠤᠬᠰᠠᠨ ᠶᠤᠮ᠃ ᠡᠬᠦᠨ ᠳᠤ᠂ | ᠠᠯᠳᠠᠷᠳᠤ ᠲᠠᠭᠤᠴᠢᠨ ᠮᠦᠯᠠᠨ᠂ ᠮᠤᠷᠢᠨ ᠬᠤᠭᠤᠷᠴᠢᠨ ᠲᠠᠷᠮᠠ᠂ ᠲᠠᠭᠤᠤᠷᠢᠯᠢᠬ ᠤᠨ ᠤᠷᠠᠯᠢᠬᠴᠢᠨ ᠷᠠᠰᠢᠠᠤᠳᠼᠡᠷ᠂ | ᠬᠦᠭᠵᠢᠮ ᠤᠨ ᠵᠤᠬᠢᠶᠠᠯᠴᠢ ᠦᠨᠡᠨᠴᠢ ᠵᠡᠷᠭᠡ ᠪᠠᠶᠢᠯᠴᠠᠨᠠ᠃
ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠬᠯᠠᠯᠳᠠ ᠨᠢ ᠮᠢᠨᠦ ᠤᠷᠮᠠ | ᠰᠡᠳᠬᠢᠯᠬᠡ ᠶᠢ ᠤᠷᠢᠳᠤ ᠭᠠᠷᠤᠭᠠ ᠦᠬᠡᠢ ᠤᠷᠬᠢᠯᠤᠭᠤᠯᠵᠤ᠂ ᠪᠠᠭᠠ ᠨᠠᠰᠤ ᠪᠠᠨ ᠡᠷᠬᠡ | ᠦᠬᠡᠢ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠯᠠ᠃ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠪᠢ ︽ᠬᠡᠷᠪᠡ ᠪᠢ ᠲᠦᠪ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ | ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠨ ᠤᠷᠤᠬᠰᠠᠨ ᠦᠬᠡᠢ ᠪᠤᠯ | ᠯᠠᠪᠳᠠᠢ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠤᠷᠤᠨᠠ︾ ᠬᠡᠵᠤ ᠪᠤᠳᠤᠯᠠ᠃ ᠪᠠᠭᠠ ᠳᠠᠭᠠᠨ ᠪᠢ ᠠᠶᠢᠯ ᠲᠤᠰᠬᠤᠨ | ᠲᠤᠭᠤᠷᠢᠵᠤ ᠬᠤᠭᠤᠷ ᠲᠠᠳᠠᠨ ᠦᠯᠢᠬᠡᠷ ᠬᠡᠯᠡᠳᠡᠭ ᠬᠤᠭᠤᠷᠴᠢ ᠪᠤᠯᠤᠶᠠ ᠬᠡᠰᠡᠨ ᠬᠦᠰᠡᠯ ᠲᠠᠢ ᠪᠠᠶᠢᠵᠠᠢ᠃ | ᠶᠠᠬ ᠯᠡ ᠡᠨᠡ ᠤᠷᠤᠢ ᠲᠤᠬᠯᠠᠯᠳᠠ ᠭᠠᠷᠭᠠᠬᠰᠠᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠯᠠᠩᠬᠢ ᠬᠡᠰᠢᠬᠦᠨ ᠲᠠᠢ ᠠᠳᠠᠯᠢ ᠪᠠᠷ ᠪᠢ ᠪᠠᠰᠠ | ᠬᠤᠷᠴᠢᠨ ᠨᠤᠳᠤᠭ ᠤᠨ ᠬᠦᠳᠡᠭᠡ ᠲᠤᠰᠬᠤᠨ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠬᠰᠠᠨ ᠶᠤᠮ᠃ ᠮᠢᠨᠦ ᠡᠵᠢ ᠪᠤᠯ | ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠷᠤᠨ ᠤ ᠪᠠᠨ ᠨᠡᠷᠡᠳᠤ ᠠᠷᠠᠳ ᠤᠨ ᠲᠠᠭᠤᠴᠢᠨ ᠪᠠᠶᠢᠬᠰᠠᠨ ᠢᠶᠠᠷ ᠪᠢ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠡᠷ ᠪᠦᠯᠢ ᠶᠢᠨ ᠨᠦᠯᠦᠬᠡ ᠶᠢ ᠬᠦᠷᠳᠡᠵᠤ ᠠᠷᠠᠳ ᠤᠨ ᠲᠠᠭᠤᠤ ᠬᠦᠭᠵᠢᠮ ᠳᠤ | ᠠᠷᠭᠠ ᠦᠬᠡᠢ ᠲᠤᠷᠠ ᠪᠠᠭ᠋ᠠᠳᠠᠢ ᠪᠤᠯᠵᠠᠢ᠃ ᠲᠡᠬᠡᠬᠡᠳ ᠠᠷᠪᠠᠭᠠᠳ ᠨᠠᠰᠤᠨ ᠳᠠᠭᠠᠨ ᠠᠷᠠᠳ ᠤᠨ ᠲᠠᠭᠤᠤ ᠲᠠᠭᠤᠯᠠᠨ᠂ | ᠬᠤᠯᠪᠤᠭᠠ ᠬᠡᠯᠡᠵᠤ ᠴᠢᠨᠠᠬᠰᠢᠯᠠᠨ ᠬᠤᠭᠤᠷᠴᠢ ᠶᠢ ᠲᠠᠭᠤᠷᠢᠶᠠᠨ ᠬᠤᠭᠤᠷ ᠤᠨ ᠦᠯᠢᠬᠡᠷ ᠬᠡᠯᠠᠳᠡᠭ ᠪᠠᠶᠢᠪᠠ᠃ ᠦᠨᠡᠨ ᠳᠡᠭᠡᠨ | ᠲᠡᠷᠡ ᠦᠶᠡᠰ ᠪᠢ ᠨᠢᠬᠡᠨᠳᠡ ᠪᠢᠴᠢᠬᠠᠨ ᠬᠤᠭᠤᠷᠴᠢ ᠪᠤᠯᠵᠤ᠂ ᠤᠪᠤᠶᠢᠨ ᠳᠤ ᠦᠬᠡᠢ ᠪᠠᠷ ᠠᠷᠠᠳ ᠤᠨ ᠤᠷᠠᠯᠢᠬᠴᠢᠨ ᠤ | ᠵᠠᠮ ᠢᠶᠠᠷ ᠠᠯᠬᠤᠵᠤ ᠪᠠᠶᠢᠪᠠ᠃ ᠠᠶᠢᠯ ᠤᠨ ᠡᠪᠦᠭᠡ ᠡᠮᠡᠬᠡᠳ ᠨᠠᠮᠠᠢᠢ ᠲᠤᠰᠬᠠᠢᠢᠯᠠᠨ ᠬᠡᠷ ᠲᠡᠭᠡᠨ | ᠲᠠᠭᠤᠳᠠᠵᠤ ᠠᠪᠠᠴᠢᠭᠠᠳ ᠠᠷᠠᠳ ᠤᠨ ᠲᠠᠭᠤᠤ ᠲᠠᠭᠤᠯᠠᠭᠤᠯᠬᠤ ᠪᠤᠶᠦ ᠦᠯᠢᠬᠡᠷ ᠬᠤᠯᠪᠤᠭᠠ | ᠬᠡᠯᠡᠬᠦᠯᠬᠦ ᠳᠡᠭᠡᠨ ᠠᠮᠳᠠᠷᠬᠠᠨ ᠰᠤᠨᠤᠰᠴᠤ ᠰᠠᠭᠤᠬᠰᠠᠨ ᠲᠡᠳᠡᠨ ᠤ ᠵᠠᠷᠢᠮᠠᠳ ᠨᠢ | ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠵᠤ ᠪᠠᠶᠢᠳᠠᠭ᠃ ᠮᠠᠨ ᠤ ᠠᠶᠢᠯ ᠤᠨ ᠮᠤᠩᠭᠤᠯᠴᠤᠳ ᠦᠯᠢᠬᠡᠷ ᠬᠤᠯᠪᠤᠭᠠ | ᠰᠤᠨᠤᠰᠬᠤ ᠲᠤᠷᠠᠳᠠᠢ ᠨᠢ ᠦᠨᠡᠨ᠃ ᠡᠪᠦᠯ ᠤᠷᠤᠬᠤ ᠪᠤᠯᠭᠠᠨ ᠭᠠᠳᠠᠨᠠ ᠭᠠᠵᠠᠷ ᠠᠴᠠ ᠬᠤᠭᠤᠷᠴᠢ | ᠵᠠᠯᠠᠬᠤ ᠳᠤ ᠮᠠᠰᠢ ᠲᠦᠬᠦᠮ ᠦᠬᠡᠢ ᠪᠤᠯᠬᠤᠷ ᠠᠶᠢᠯ ᠤᠨ ᠠᠬᠠᠮᠠᠳᠴᠤᠤᠯ ᠵᠦᠪᠯᠡᠵᠤ ᠨᠠᠮᠠᠢᠢ | ᠠᠶᠢᠯ ᠤᠨ ᠲᠤᠰᠬᠠᠢ ᠬᠤᠭᠤᠷᠴᠢ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠪᠠᠷ ᠲᠤᠭᠳᠠᠪᠠ᠃ ᠠᠶᠢᠯ ᠤᠨ ᠠᠯᠳᠠᠷ ᠬᠦᠨᠳᠤᠳᠠᠢ | ︽ᠤ ᠡᠪᠦᠭᠡ︾ ᠲᠡᠷᠬᠡᠨ ᠤ ᠬᠤᠭᠤᠷᠬᠠᠢ ᠬᠦᠷᠳᠤ ᠠᠴᠠ ᠨᠢᠬᠡ ᠬᠡᠰᠡᠭ ᠬᠠᠳᠠᠭᠤ ᠮᠤᠳᠤ ᠶᠢ ᠬᠢᠷᠦᠬᠡᠳᠦᠵᠤ ᠠᠪᠤᠭᠠᠳ | ᠨᠠᠳᠠᠳᠤ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠬᠢᠵᠤ ᠦᠭᠬᠦ ᠪᠠᠷ ᠪᠡᠯᠡᠳᠬᠡᠵᠤ ᠪᠠᠶᠢᠪᠠ᠃
1951 | ᠤᠨ ᠤ ᠬᠠᠪᠤᠷ᠂ ᠲᠡᠷᠡ ᠲᠦᠷᠪᠠᠨ ᠤᠳᠠᠰᠤᠳᠤ ᠬᠤᠭᠤᠷ ᠢ ᠬᠢᠵᠦ ᠲᠠᠭᠤᠰᠬᠤ ᠠᠴᠠ ᠡᠮᠦᠨᠠ ᠪᠢ ᠬᠡᠷ | ᠨᠤᠳᠤᠭ ᠠᠴᠠ ᠪᠠᠨ ᠰᠠᠯᠬᠤ ᠪᠤᠯᠪᠠ᠃ ᠮᠢᠨᠦ ᠡᠬᠡᠴᠢ ᠰᠡᠴᠡᠨᠳᠠᠷᠢᠬᠢ ᠪᠤᠯ ᠦᠪᠦᠷ | ᠮᠤᠩᠭᠤᠯ ᠤᠨ ᠲᠠᠭᠤᠤ ᠪᠦᠵᠢᠭ ᠤᠨ ᠪᠦᠯᠬᠦᠮ ᠤᠨ ᠪᠦᠵᠢᠭᠴᠢᠨ ᠶᠤᠮ᠃ ᠲᠡᠷᠡ ᠨᠠᠮᠠ ᠶᠢ ᠲᠤᠰᠴᠤ | ᠠᠪᠠᠴᠢᠭᠠᠳ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠬᠡᠨ ᠪᠢᠴᠢᠭ ᠦᠵᠡᠬᠦᠯᠵᠤ᠂ | ᠲᠠᠷᠠᠭᠠ ᠵᠢᠯ ᠳᠤᠨᠢ ᠰᠤᠷᠭᠠᠭᠤᠯᠢ ᠪᠠᠨ ᠲᠠᠭᠠᠭᠠᠳ ᠬᠦᠬᠡᠬᠤᠳᠠ ᠳᠤ ᠨᠡᠬᠦᠵᠤ ᠢᠷᠡᠵᠡᠢ᠃ ᠢᠡᠭᠬᠢᠬᠡᠳ | ᠮᠢᠨᠦ ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠤ ᠠᠰᠤᠷᠤ ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠴᠤ᠂ ᠪᠠᠭᠠ ᠨᠠᠰᠤᠨ ᠤ ᠬᠤᠭᠤᠷᠴᠢ ᠪᠤᠯᠬᠤ | ᠬᠦᠰᠡᠯ ᠴᠤ ᠢᠡᠭᠬᠢᠬᠡᠳ ᠲᠡᠬᠦᠰᠴᠠᠢ᠃ 1953 ᠤᠨ ᠤ ᠨᠠᠮᠤᠷ᠂ ᠪᠢ ᠲᠦᠪ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ | ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠬᠳᠠᠨ ᠤᠷᠤᠪᠠ᠃ | ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠠᠴᠠ ᠡᠮᠦᠨᠠ ᠤᠷᠤᠢ ᠨᠢ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠬᠦᠮᠤᠵᠢᠯᠳᠦ | ᠨᠠᠳᠠᠳᠤ ᠬᠠᠪᠰᠤᠷᠤᠨ ᠬᠤᠪᠴᠠᠰᠤ ᠶᠢ ᠤᠬᠢᠶᠠᠵᠤ ᠦᠭᠪᠠ᠃ ᠬᠤᠳᠳᠤᠭ ᠤᠨ ᠬᠠᠵᠠᠭᠤᠳᠠ ᠬᠤᠶᠠᠭᠤᠯᠠ | ᠤᠴᠦ᠋ᠢᠨ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠳᠠᠭᠠᠨ ᠤᠳᠠᠳᠠᠯᠠ ᠦᠬᠡ ᠲᠠᠭᠤᠨ ᠦᠬᠡᠢ ᠪᠠᠶᠢᠬᠰᠠᠨ ᠢᠶᠠᠨ ᠪᠢ ᠲᠡᠰᠬᠡᠯ | ᠦᠬᠡᠢ ᠤᠬᠢᠯᠠᠪᠠ᠃ ᠬᠦᠮᠤᠵᠢᠯᠳᠤ᠄ ︽ᠴᠢ ᠲᠡᠶᠢᠮᠦ ᠰᠠᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠨ ᠤᠷᠤᠬᠰᠠᠨ ᠴᠢᠨᠢ ᠰᠠᠶᠢᠨ | ᠤᠴᠢᠷ ᠰᠢᠦ᠂ ᠶᠠᠭᠤᠨ ᠳᠤ ᠤᠬᠢᠯᠠᠬᠤ ᠶᠤᠮ︾ ᠬᠡᠵᠤ ᠬᠡᠯᠡᠭᠰᠡᠨ ᠪᠤᠯᠪᠠᠴᠤ ᠲᠡᠷᠡ ᠦᠪᠡᠷ ᠢᠶᠠᠨ ᠴᠤ ᠲᠡᠰᠬᠡᠯ | ᠦᠬᠡᠢ ᠤᠬᠢᠯᠠᠴᠢᠬᠠᠪᠠ᠃
1957 ᠤᠨ ᠤ 6 ᠰᠠᠷᠠ ᠳᠤ᠂ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠬ ᠤᠨ ᠰᠦᠨᠢᠳ | ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠠᠩᠬᠠᠳᠠᠬᠴᠢ ᠤᠯᠠᠭᠠᠨᠮᠦ᠋ᠴᠢᠷ ᠪᠠᠶᠢᠭᠤᠯᠤᠬᠳᠠᠵᠤ ᠬᠦᠮᠦᠵᠢᠯᠳᠤ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠡᠰᠢᠬᠦᠨ ᠪᠤᠯᠵᠤ ᠰᠡᠬᠦᠯᠳᠡᠵᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠩᠬᠢ ᠶᠢᠨ | ᠲᠠᠷᠤᠭᠠ ᠪᠤᠯᠵᠤ ᠲᠡᠪᠰᠢᠵᠠᠢ᠃ ᠲᠤᠷᠠᠳᠤᠭᠤᠰᠢᠳᠠᠢ ᠨᠢ ᠬᠡᠪᠡᠯ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠮᠢᠨᠦ | ᠲᠠᠨᠢᠯ ᠪᠠᠰᠠ ᠨᠢᠬᠡ ᠪᠠᠶᠢᠬᠰᠠᠨ ᠨᠢ ᠦᠯᠵᠡᠶᠢᠳᠤᠬᠳᠠᠬᠤ ᠪᠤᠯᠤᠨᠠ᠃ ᠲᠡᠷᠡ ᠪᠤᠯ ᠬᠠᠷᠠᠮᠦ᠋ᠷᠠᠨ ᠮᠤᠵᠢ ᠶᠢᠨ ᠲᠦᠷᠪᠡᠳ | ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠰᠢᠶᠠᠨ ᠤ ᠬᠦᠮᠦᠨ᠃ ᠮᠢᠨᠦ ᠪᠦᠯᠦ ᠠᠬᠠ ᠶᠢᠨ | ᠰᠠᠳᠤᠨ ᠨᠢ ᠪᠦᠬᠡᠳ ᠮᠠᠨ ᠤ ᠬᠤᠯᠠ ᠶᠢᠨ ᠰᠠᠳᠤᠨ ᠪᠤᠯᠬᠤᠷ ᠦᠷᠬᠦᠯᠵᠢ ᠮᠠᠨ ᠤ ᠠᠶᠢᠯ ᠳᠤ | ᠲᠤᠭᠤᠷᠢᠬᠤ ᠪᠠᠷ ᠢᠷᠡᠳᠡᠭ᠃ ᠦᠯᠵᠡᠶᠢᠳᠤᠬᠳᠠᠬᠤ ᠪᠠᠭᠠ ᠳᠠᠭᠠᠨ ᠰᠦᠮᠠ ᠬᠡᠶᠢᠳ ᠤᠨ | ᠬᠡᠬᠡᠨ ᠪᠠᠶᠢᠵᠤ ᠲᠡᠬᠦᠨ ᠤ ᠲᠤᠬᠠᠢ ᠲᠤᠮᠤᠬᠯᠢᠬ ᠦᠯᠢᠬᠡᠷ ᠢ ᠪᠢ ᠪᠠᠭᠠ ᠳᠠᠭᠠᠨ ᠴᠦᠬᠡᠨ ᠪᠤᠰᠤ ᠰᠤᠨᠤᠰᠴᠤ | ᠪᠠᠶᠢᠬᠰᠠᠨ ᠶᠤᠮ᠃ ᠲᠡᠷᠡ ᠲᠠᠭᠤᠤ ᠬᠦᠭᠵᠢᠮ ᠳᠤ ᠲᠤᠩ ᠲᠤᠷᠠ ᠪᠠᠭ᠋ᠠᠳᠠᠢ᠂ ᠬᠠᠷᠠᠬᠠᠨ | ᠪᠠᠭᠠ ᠠᠴᠠ ᠪᠠᠨ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠲᠠᠳᠠᠵᠤ᠂ ᠠᠷᠠᠳ ᠤᠨ ᠲᠠᠭᠤᠤ ᠲᠠᠭᠤᠯᠠᠵᠤ᠂ | ᠬᠤᠯᠪᠤᠭᠠ ᠬᠡᠯᠡᠳᠡᠭ ᠪᠠᠶᠢᠪᠠ᠃ ᠰᠦᠮᠠ ᠳᠤ ᠰᠠᠭᠤᠵᠤ ᠬᠡᠬᠡᠨ ᠪᠤᠯᠤᠬᠰᠠᠨ ᠢᠶᠠᠷ ᠬᠠᠷᠠᠬᠠᠨ ᠪᠠᠭᠠ ᠳᠠᠭᠠᠨ ᠶᠠᠫᠤᠨ ᠳᠤ | ᠲᠦᠷᠪᠡᠨ ᠵᠢᠯ ᠰᠤᠷᠤᠯᠴᠠᠵᠤ᠂ ᠮᠤᠩᠭᠤᠯ ᠬᠢᠳᠡᠳ ᠲᠦᠪᠡᠳ ᠶᠠᠫᠤᠨ ᠲᠦᠷᠪᠡᠨ ᠬᠡᠯᠡ ᠶᠢ ᠡᠵᠡᠮᠰᠢᠭᠰᠡᠨ ᠪᠠᠶᠢᠪᠠ᠃ | ᠬᠤᠵᠢᠮ ᠨᠢ ᠰᠦᠮᠠ ᠠᠴᠠ ᠰᠠᠯᠤᠭᠠᠳ ᠴᠡᠷᠢᠭ ᠲᠤ ᠤᠷᠤᠵᠤ᠂ ᠰᠤᠯᠤᠩᠭᠤᠰ ᠲᠤ ᠬᠦᠷᠴᠤ ᠠᠮᠧᠷᠢᠺᠠ ᠶᠢ ᠡᠰᠡᠷᠬᠦᠴᠡᠨ | ᠰᠤᠯᠤᠩᠭᠤᠰ ᠢ ᠲᠤᠰᠠᠯᠠᠬᠤ ᠲᠠᠶᠢᠨ ᠳᠤ ᠤᠷᠤᠯᠴᠠᠵᠤ᠂ ᠴᠡᠷᠢᠭ ᠠᠴᠠ ᠬᠠᠯᠠᠬᠳᠠᠬᠰᠠᠨ ᠤ ᠲᠠᠷᠠᠭᠠ | ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠯᠠᠨ ᠲᠦᠮᠡᠨ ᠤ ᠰᠤᠶᠤᠯ ᠤᠨ ᠤᠷᠳᠤᠨ ᠳᠤ ᠠᠵᠢᠯᠯᠠᠨ᠂ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠩᠬᠠᠨ ᠤ ᠲᠠᠷᠤᠭᠠ ᠪᠠᠷ ᠲᠤᠮᠢᠯᠠᠬᠳᠠᠬᠰᠠᠨ ᠪᠢᠯᠡ᠃ | ᠬᠤᠵᠢᠮ ᠨᠢ ᠲᠡᠷᠡ ᠦᠪᠡᠷ ᠢᠶᠠᠨ ᠤᠯᠠᠭᠠᠨᠮᠦ᠋ᠴᠢᠷ ᠠᠴᠠ ᠠᠵᠢᠯ ᠰᠢᠯᠵᠢᠭᠰᠡᠨ ᠪᠤᠯᠪᠠᠴᠤ ᠬᠡᠦᠬᠡᠨ | ᠬᠠᠰ ᠢᠶᠠᠨ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠤᠷᠤᠭᠤᠯᠦᠨ ᠬᠦᠮᠦᠵᠢᠬᠦᠯᠵᠡᠢ᠃ ᠦᠬᠡᠷᠡᠴᠢᠯᠡᠯᠳᠡ ᠨᠡᠬᠡᠬᠡᠯᠳᠡ | ᠬᠢᠭᠰᠡᠨ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠳᠤ ᠦᠯᠵᠠᠶᠢᠳᠤᠬᠳᠠᠬᠤ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠯᠤᠰ | ᠲᠦᠷᠦ ᠶᠢᠨ ᠵᠦᠪᠯᠡᠯᠬᠡᠨ ᠤ ᠬᠡᠰᠢᠬᠦᠨ ᠪᠤᠯᠵᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠦᠭᠵᠢᠯᠳᠡ ᠲᠠᠪᠰᠢᠯᠳᠠ ᠶᠢ ᠮᠦᠨ | ᠠᠩᠬᠠᠷᠤᠨ ᠬᠠᠯᠠᠮᠵᠢᠯᠠᠵᠤ ᠪᠠᠶᠢᠪᠠ᠃
︽ᠬᠠᠷᠠ ᠠᠪᠳᠠᠷᠠ︾ ᠶᠢᠨ ᠰᠡᠩᠭᠡᠷᠡᠬᠦᠯᠦᠯ
| ︽ᠡᠨᠡ ᠭᠤᠷᠪᠠᠨ ᠬᠠᠭᠤᠳᠠᠰᠤ ᠶᠠᠭᠠᠨ ᠦᠡᠭᠬᠡᠳᠡᠢ ᠴᠠᠭᠠᠰᠤᠨ ᠤ ᠲᠤᠬᠯᠠᠯᠳᠠ ᠶᠢᠨ ᠫᠷᠦᠭᠷᠡᠮ ᠢ ᠲᠤᠬᠠᠢ ᠶᠢᠨ | ᠵᠢᠯ ᠳᠤ ᠪᠡᠬᠡᠵᠢᠩ ᠳᠤ ᠲᠤᠬᠯᠠᠯᠳᠠ ᠭᠠᠷᠭᠠᠬᠤ ᠳᠠᠭᠠᠨ ᠬᠡᠷᠡᠭᠯᠡᠭᠰᠡᠨ ᠰᠢᠦ︾ ᠬᠡᠮᠡᠨ ᠰᠠᠶᠢᠨ ᠨᠠᠶᠢᠵᠠ | ᠷᠠᠰᠢᠠᠤᠳᠼᠡᠷ ᠮᠢᠨᠢ ᠨᠠᠳᠠ ᠳᠠᠭᠠᠨ ᠭᠤᠪᠢᠭᠤᠯᠵᠤ ᠦᠭᠬᠦᠭᠰᠡᠨ ᠶᠤᠮ᠃ ᠫᠷᠦᠭᠷᠡᠮ ᠤᠨ | ᠬᠠᠭᠤᠳᠠᠰᠤᠨ ᠤ ᠡᠮᠦᠨᠠ ᠨᠢᠭᠤᠷ ᠲᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠬᠠᠢ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᠶᠢ | ᠢᠡᠭᠬᠢᠵᠤ ᠪᠢᠴᠢᠵᠤ ᠪᠠᠶᠢᠯᠠ᠄ ᠤᠯᠠᠭᠠᠨᠮᠦ᠋ᠴᠢᠷ ᠪᠤᠯ ᠨᠢᠬᠡ ᠵᠦᠢᠯ ᠤᠨ ᠶᠡᠷᠦᠩᠭᠡᠶᠢᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠤᠶᠤᠯ ᠤᠨ ᠨᠢᠬᠡᠴᠢ ᠪᠠᠶᠢᠵᠤ᠂ | ᠤᠯᠠᠩᠬᠢ ᠳᠠᠭᠠᠨ 12 ᠬᠦᠮᠦᠨ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃ ᠲᠤᠬᠯᠠᠯᠳᠠ ᠭᠠᠷᠭᠠᠬᠤ᠂ ᠬᠠᠪᠰᠤᠷᠤᠨ ᠵᠢᠯᠤᠭᠤᠳᠬᠤ᠂ | ᠤᠬᠠᠭᠤᠯᠭᠠ ᠬᠢᠬᠦ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯ ᠤᠨ ᠬᠡᠯᠪᠡᠷᠢ ᠪᠠᠷ ᠲᠠᠮᠵᠢᠭᠤᠯᠤᠨ ᠦᠷᠬᠡᠨ ᠠᠭᠤᠳᠠᠮ | ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨ ᠳᠤ ᠨᠡᠶᠢᠬᠡᠮ ᠵᠢᠷᠤᠮ ᠤᠨ ᠰᠢᠨᠠ ᠤᠳᠬᠠ ᠤᠷᠠᠯᠢᠬ ᠢ ᠬᠦᠷᠬᠡᠵᠤ᠂ | ᠨᠡᠶᠢᠬᠡᠮ ᠵᠢᠷᠤᠮ ᠤᠨ ᠰᠢᠨᠠ ᠰᠤᠶᠤᠯ ᠢ ᠲᠦᠬᠡᠮᠡᠯᠵᠢᠬᠦᠯᠵᠤ᠂ ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨ ᠤ ᠨᠡᠶᠢᠬᠡᠮ | ᠵᠢᠷᠤᠮ ᠤᠨ ᠵᠢᠬᠰᠠᠭᠠᠯ ᠤᠨ ᠭᠠᠵᠠᠷ ᠢ ᠡᠵᠡᠯᠡᠨ ᠪᠠᠬᠢᠵᠢᠬᠦᠯᠬᠦ ᠳᠤ ᠢᠳᠡᠪᠬᠢᠳᠡᠢ ᠴᠢᠷᠮᠠᠶᠢᠯᠭᠠ ᠭᠠᠷᠭᠠᠵᠠᠢ | ᠬᠡᠰᠡᠨ ᠪᠢᠴᠢᠬᠡᠰᠦᠳᠡᠢ ᠪᠠᠶᠢᠪᠠ᠃
ᠪᠢ ᠲᠦᠪ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ᠂ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠬᠰᠠᠨ | ᠬᠤᠭᠤᠴᠠᠭᠠᠨ ᠳᠠᠭᠠᠨ ᠪᠠᠷᠤᠬ ᠵᠢᠯ ᠪᠤᠯᠭᠠᠨ ᠬᠦᠳᠡᠭᠡ ᠪᠠᠭᠤᠵᠤ ᠬᠦᠳᠡᠯᠮᠦᠷᠢ ᠳᠤ | ᠤᠷᠤᠯᠴᠠᠬᠤ ᠪᠤᠶᠤ ᠵᠤᠬᠢᠶᠠᠨ ᠪᠦᠲᠦᠬᠡᠯᠬᠡ ᠬᠢᠳᠡᠭ᠃ ᠵᠠᠷᠢᠮ ᠳᠠᠭᠠᠨ ᠤᠳᠬᠠ ᠤᠷᠠᠯᠢᠬ ᠤᠨ | ᠤᠬᠠᠭᠤᠯᠬᠤ ᠠᠩᠬᠢ ᠳᠤ ᠤᠷᠤᠯᠴᠠᠨ ᠵᠤᠬᠢᠶᠠᠨ ᠪᠦᠲᠦᠬᠡᠬᠦ ᠡᠬᠦᠷᠬᠡ ᠬᠦᠢᠴᠡᠳᠬᠡᠬᠦ ᠶᠢᠨ ᠲᠠᠭᠠᠤ ᠳᠠᠭᠠᠨ | ᠪᠠᠰᠠ ᠲᠠᠶᠢᠰᠠᠨ ᠳᠤ ᠭᠠᠷᠴᠤ ᠲᠤᠬᠯᠠᠯᠳᠠ ᠭᠠᠷᠭᠠᠳᠠᠬ᠃ ᠦᠨᠡᠨ ᠢ ᠬᠡᠯᠡᠬᠦ ᠳᠤ᠂ ᠲᠡᠬᠡᠷᠠ ᠵᠠᠭᠤᠨ ᠤ ᠵᠢᠷᠠᠭᠠᠳ | ᠤᠨ ᠤ ᠦᠶᠠ ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠳᠤ 12 ᠲᠤᠬᠯᠠᠬᠴᠢ ᠨᠢᠬᠡ ᠲᠠᠶᠢᠰᠠ | ᠲᠤᠬᠯᠠᠯᠳᠠ ᠭᠠᠷᠭᠠᠬᠤ ᠬᠡᠭᠴᠢ ᠦᠨᠡᠬᠡᠷ ᠬᠢᠯᠪᠠᠷ ᠪᠤᠰᠤ ᠶᠠᠪᠤᠳᠠᠯ ᠶᠤᠮ᠃
ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠦᠮᠦᠨ ᠤ ᠲᠤᠭᠠ ᠴᠦᠬᠡᠨ᠃ | ᠲᠡᠳᠡ ᠬᠦᠬᠡ ᠲᠡᠭᠷᠢ ᠪᠠᠷ ᠬᠦᠰᠢᠬᠡ ᠪᠤᠯᠭᠠᠵᠤ᠂ ᠬᠦᠷᠦᠰᠦᠳᠦ ᠲᠡᠯᠡᠬᠡᠢ ᠪᠠᠷ ᠲᠠᠶᠢᠰᠠ ᠪᠤᠯᠭᠠᠳᠠᠬ ᠢᠶᠠᠷ ᠲᠤᠬᠯᠠᠯᠳᠠ | ᠭᠠᠷᠭᠠᠬᠤ ᠳᠤ ᠮᠠᠰᠢ ᠲᠦᠬᠦᠮ ᠪᠠᠶᠢᠳᠠᠬ᠃ ᠤᠬᠤᠷ ᠠᠪᠰᠠᠷᠬᠠᠨ ᠭᠤᠴᠤ ᠰᠠᠶᠢᠬᠠᠨ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠭᠯᠠᠯᠳᠠ ᠨᠢ ᠬᠤᠭᠤᠰᠤᠨ ᠭᠠᠵᠠᠷ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠪᠢᠰᠢ᠂ | ᠬᠠᠷᠢᠨ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠠᠷᠠᠳ ᠤᠨ ᠤᠷᠠᠯᠢᠬ ᠤᠨ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯ ᠠᠴᠠ ᠡᠬᠦᠰᠦᠯ ᠲᠠᠢ ᠶᠤᠮ᠃ | 1953 ᠤᠨ ᠤ ᠨᠠᠮᠤᠷ᠂ ᠪᠢ ᠲᠦᠪ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠳᠤ ᠲᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠬᠤ ᠪᠠᠷ ᠤᠴᠢᠬᠤ ᠠᠴᠠ ᠡᠮᠦᠨᠡᠬᠡᠨ ᠮᠢᠨᠦ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ | ᠸᠴᠢᠷ ᠨᠠᠮᠠᠢᠢ ᠡᠷᠢᠵᠤ ᠢᠷᠡᠬᠡᠳ ᠲᠡᠬᠦᠨ ᠤ ᠡᠪᠦᠭᠡ ᠰᠧᠷᠠᠰᠢ ᠨᠠᠰᠤᠳᠠᠨ ᠨᠠᠮᠠᠢᠢ ᠬᠡᠷ ᠲᠡᠭᠡᠨ ᠲᠠᠭᠤᠳᠠᠵᠤ ᠴᠠᠢ | ᠤᠤᠭᠤᠯᠭᠠᠬᠤ ᠬᠡᠵᠤ ᠪᠠᠶᠢᠨᠠ ᠬᠡᠪᠡ᠃
ᠪᠢᠳᠡ ᠬᠦᠬᠡ ᠴᠠᠢ ᠤᠤᠭᠤᠬᠤ ᠶᠢᠨ ᠲᠠᠭᠠᠤ ᠨᠠᠰᠤᠳᠠᠨ ᠤ | ᠬᠤᠭᠤᠷᠳᠠᠬᠤ ᠶᠢ ᠬᠢᠴᠢᠶᠠᠨ ᠰᠤᠨᠤᠰᠤᠨᠠ᠃ ᠰᠧᠷᠠᠰᠢ ᠨᠠᠰᠤᠳᠠᠨ᠄ ︽ᠰᠤᠨᠤᠰᠬᠤᠯᠠ ᠴᠢ | ᠲᠦᠪ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠳᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ | ᠰᠢᠯᠭᠠᠬᠳᠠᠨ ᠤᠷᠤᠬᠰᠠᠨ ᠬᠡᠨᠠ᠃ ᠦᠨᠡᠬᠡᠷ ᠪᠤᠯᠵᠤ ᠪᠠᠶᠢᠨᠠ᠃ ᠲᠡᠬᠡᠬᠡᠳ ᠰᠤᠷᠭᠠᠭᠤᠯᠢ ᠳᠤ | ᠤᠷᠤᠭᠠᠳ ᠶᠠᠮᠠᠷ ᠬᠦᠭᠵᠢᠮ ᠰᠤᠷᠤᠶᠠ ᠬᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ ᠪᠤᠢ︖︾ ᠬᠡᠵᠤ ᠲᠦᠪ ᠶᠡᠬᠡᠮᠰᠦᠭ ᠢᠶᠠᠷ | ᠠᠰᠠᠭᠤᠬᠤ ᠳᠤᠨᠢ ᠪᠢ ᠶᠠᠭᠤ ᠬᠡᠯᠡᠬᠦ ᠪᠠᠨ ᠤᠯᠵᠤ ᠶᠠᠳᠠᠪᠠ᠃ ᠨᠠᠰᠤᠳᠠᠨ ᠮᠢᠨᠦ ᠪᠠᠶᠢᠳᠠᠯ ᠢ | ᠦᠵᠡᠬᠡᠳ ᠢᠨᠢᠶᠡᠮᠰᠦᠭᠯᠡᠨ ᠭᠠᠷ ᠤᠨ ᠬᠤᠷᠤᠭᠤ ᠶᠢ ᠪᠠᠭ᠋ᠠᠨ ᠰᠢᠨᠵᠢᠬᠡᠳ᠄ ︽ᠮᠠᠨ ᠤ ᠮᠤᠩᠭᠤᠯ ᠬᠡᠦᠬᠡᠳ | ᠡᠨᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠵᠤ ᠤᠷᠤᠬᠤ ᠬᠡᠭᠴᠢ ᠬᠢᠯᠪᠠᠷ ᠪᠤᠰᠤ᠂ ᠬᠡᠪᠡᠴᠤ ᠴᠢ ᠶᠠᠭᠠᠬᠢᠬᠰᠠᠨ ᠴᠤ ᠦᠨᠦ ᠬᠠᠷᠠ | ᠠᠪᠳᠠᠷᠠ ᠠᠴᠠ ᠰᠤᠷᠴᠤ ᠪᠤᠯᠬᠤ ᠦᠬᠡᠢ ᠰᠢᠦ︾ ᠬᠡᠪᠡ᠃ ᠤᠤᠯ ᠨᠢ ᠰᠧᠷᠠᠰᠢ ᠨᠠᠰᠤᠳᠠᠨ ᠤ | ᠬᠡᠯᠡᠵᠤ ᠪᠠᠶᠢᠭᠠ ᠬᠠᠷᠠ ᠠᠪᠳᠠᠷᠠ ᠬᠡᠳᠡᠭ ᠨᠢ ᠲᠡᠬᠦᠯᠳᠠᠷ ᠬᠤᠭᠤᠷ ᠢ ᠵᠢᠭᠠᠵᠤ ᠪᠠᠶᠢᠭᠠ ᠠᠵᠢ᠃ | ︽ᠲᠡᠬᠦᠯᠳᠡᠷ ᠬᠤᠭᠤᠷ ᠬᠡᠵᠦ ᠰᠠᠶᠢᠨ ᠨᠢ ᠰᠠᠶᠢᠨ ᠪᠤᠯᠪᠠᠴᠤ ᠬᠡᠳᠦᠷᠬᠡᠢ ᠲᠤᠮᠤ ᠬᠡᠳᠦᠷᠬᠡᠢ ᠬᠦᠨᠳᠤ᠂ ᠶᠠᠬ | ᠯᠠ ᠬᠠᠷᠠ ᠠᠪᠳᠠᠷᠠ ᠰᠢᠬ ᠪᠠᠶᠢᠵᠤ᠂ ᠮᠤᠷᠢᠨ ᠲᠡᠷᠬᠡ ᠪᠠᠷ ᠲᠡᠬᠡᠬᠡᠵᠤ ᠶᠠᠪᠤᠬᠤ ᠳᠤ ᠲᠦᠬᠦᠮ ᠦᠬᠡᠢ᠃ ᠮᠠᠰᠢᠨ ᠲᠡᠷᠬᠡᠨ | ᠲᠡᠬᠡᠷᠠ ᠰᠠᠶ᠋ᠢ ᠲᠡᠬᠡᠬᠡᠵᠤ ᠪᠤᠯᠤᠨᠠ᠂ ᠬᠡᠷᠪᠡ ᠴᠢ ᠲᠡᠬᠦᠯᠳᠡᠷ ᠬᠤᠭᠤᠷ ᠰᠤᠷᠪᠠᠯ ᠬᠡᠷᠬᠢᠨ ᠬᠦᠳᠡᠭᠡ | ᠪᠠᠭᠤᠵᠤ ᠮᠠᠯᠴᠢᠳ ᠲᠤ ᠲᠤᠬᠯᠠᠯᠳᠠ ᠭᠠᠷᠭᠠᠵᠤ ᠦᠭᠳᠡᠭ ᠪᠢᠯᠡ︾ ᠬᠡᠵᠦ ᠨᠠᠰᠤᠳᠠᠨ ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠯᠠ᠃ | ᠰᠧᠷᠠᠰᠢ ᠨᠠᠰᠤᠳᠠᠨ ᠪᠤᠯ ᠬᠡᠳᠦᠨ ᠠᠷᠪᠠᠨ ᠵᠢᠯ ᠤᠨ ᠲᠤᠷᠰᠢ ᠠᠶᠢᠯ ᠲᠤᠰᠬᠤᠨ ᠢᠶᠠᠷ ᠲᠤᠭᠤᠷᠢᠨ᠂ ᠮᠠᠯᠴᠢᠨ | ᠲᠠᠷᠢᠶᠠᠴᠢᠨ ᠳᠤ ᠲᠠᠭᠤᠤ ᠲᠠᠭᠤᠯᠠᠨ ᠬᠦᠭᠵᠢᠮ ᠰᠤᠨᠤᠰᠬᠠᠨ ᠶᠠᠪᠤᠬᠰᠠᠠ ᠠᠷᠠᠳ ᠤᠨ | ᠤᠷᠠᠯᠢᠬᠴᠢᠨ ᠬᠦᠮᠦᠨ᠃ ᠲᠡᠷᠡ ᠦᠪᠡᠷ ᠤᠨ ᠦᠢᠯᠡᠳᠦᠯᠬᠡ ᠪᠠᠷ ᠢᠶᠠᠨ ᠡᠶᠢᠮᠦ ᠨᠢᠬᠡᠨ ᠶᠤᠰᠤ | ᠤᠴᠢᠷ ᠢ ᠤᠬᠠᠮᠵᠢᠯᠠᠬᠰᠠᠨ ᠠᠵᠢ᠄ ᠬᠦᠳᠡᠭᠡ ᠨᠤᠳᠤᠬ ᠲᠤ ᠲᠤᠬᠯᠠᠯᠳᠠ ᠭᠠᠷᠭᠠᠬᠤ ᠬᠦᠮᠦᠨ ᠵᠠᠪᠠᠯ ᠬᠦᠡᠭᠭᠡᠨ | ᠭᠠᠪᠰᠢᠭᠠᠢ ᠠᠮᠢᠳᠤ ᠴᠤᠪᠤᠭᠤᠯᠢᠬ ᠪᠠᠶᠢᠵᠤ᠂ ᠦᠷᠬᠡᠨ ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠲᠦᠯᠦᠬᠡ | ᠪᠤᠳᠤᠯᠬᠢᠯᠠᠬᠤ ᠬᠡᠷᠡᠭᠳᠡᠢ᠃ ᠢᠡᠭᠬᠢᠬᠡᠳ ᠪᠢ ᠰᠧᠷᠠᠰᠢ ᠨᠠᠰᠤᠳᠠᠨ ᠤ ᠰᠤᠷᠭᠠᠯ ᠵᠠᠬᠢᠶᠠ ᠶᠢ | ᠴᠡᠬᠡᠵᠢᠯᠡᠨ ᠰᠠᠨᠠᠭᠠᠴᠢᠯᠠᠭᠠ ᠠᠴᠠ ᠪᠠᠨ ᠲᠠᠬᠦᠯᠳᠡᠷ ᠬᠤᠭᠤᠷ ᠰᠤᠷᠬᠤ ᠦᠬᠡᠢ ᠬᠡᠵᠤ | ᠰᠤᠷᠭᠠᠭᠤᠯᠢ ᠳᠠᠭᠠᠨ ᠭᠤᠶᠤᠴᠢᠯᠠᠬᠰᠠᠨ ᠶᠤᠮ᠃
ᠤᠷᠠᠯᠢᠬ ᠤᠨ | ᠲᠤᠬᠯᠠᠯᠳᠠ ᠶᠢᠨ ᠬᠡᠯᠪᠡᠷᠢ ᠶᠢ ︽ᠲᠤᠮᠤ᠂ ᠲᠤᠮᠳᠠ᠂ ᠪᠠᠭᠠ︾ ᠬᠡᠵᠤ ᠬᠤᠪᠢᠶᠠᠳᠠᠭ᠃ | ᠮᠤᠩᠭᠤᠯᠴᠤᠳ ᠴᠤ ᠡᠶᠢᠮᠦ ᠪᠠᠶᠢᠳᠠᠬ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ ᠤᠷᠳᠤᠨ ᠤ ᠲᠠᠭᠤᠤ ᠬᠦᠭᠵᠢᠮ ᠪᠤᠯᠤᠨ | ᠱᠠᠰᠢᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠤᠯᠠᠩᠬᠢ ᠨᠢ ᠲᠤᠮᠤ ᠬᠡᠯᠪᠡᠷᠢ ᠶᠢᠨ ᠲᠤᠬᠯᠠᠯᠳᠠ ᠳᠤ ᠤᠷᠤᠳᠠᠬ᠃ ᠲᠡᠦᠬᠡᠨ | ᠮᠠᠲ᠋ᠧᠷᠢᠶᠠᠯ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠂ ᠶᠤᠸᠠᠨ ᠤᠯᠤᠰ ᠤᠨ ᠦᠶᠠ ᠶᠢᠨ ᠤᠷᠳᠤᠨ ᠤ | ᠲᠠᠭᠤᠤ ᠬᠦᠭᠵᠢᠮ ᠳᠤ ᠬᠡᠳᠦᠨ ᠵᠠᠭᠤᠨ ᠬᠦᠮᠦᠨ ᠤᠷᠤᠯᠴᠠᠳᠠᠬ᠃ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠦᠶᠠ ᠶᠢᠨ | ᠤᠷᠳᠤᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠬᠦᠷᠢᠶᠠ ᠬᠡᠪᠴᠢᠶᠠ ᠨᠢ ᠬᠠᠷᠢᠨ ᠪᠠᠭᠠᠰᠤᠭᠠᠳ ᠬᠦᠭᠵᠢᠮ ᠤᠨ ᠠᠩᠬᠢ ᠨᠢ | ᠵᠦᠪᠬᠡᠨ 15 ᠬᠦᠮᠦᠨ ᠤᠷᠴᠢᠮ ᠯᠡ ᠪᠤᠯᠤᠬᠰᠠᠨ ᠪᠠᠶᠢᠪᠠ᠃ ᠰᠦᠮᠠ ᠶᠢᠨ ᠬᠤᠷᠠᠯ ᠳᠤ ᠯᠠᠮᠠ ᠨᠠᠷ ᠴᠠᠮ ᠬᠠᠷᠠᠶᠢᠬᠤ ᠳᠤ | ᠬᠠᠮᠤᠭ ᠠᠷᠪᠢᠨ ᠳᠠᠭᠠᠨ 60 ᠬᠦᠮᠦᠨ ᠬᠦᠷᠳᠡᠭ ᠪᠠᠶᠢᠪᠠ᠃ ᠬᠠᠷᠢᠨ ᠠᠷᠠᠳ ᠤᠨ ᠲᠠᠭᠤᠤ ᠬᠦᠭᠵᠢᠮ ᠨᠢ ᠪᠠᠭᠠ | ᠬᠡᠯᠪᠡᠷᠢ ᠶᠢᠨ ᠲᠤᠬᠯᠠᠯᠳᠠ ᠪᠠᠷ ᠭᠤᠤᠯ ᠪᠤᠯᠭᠠᠳᠠᠬ᠃ ᠲᠤᠤᠯᠢ᠂ ᠬᠦᠬᠡᠮᠠᠢ᠂ ᠠᠷᠠᠳ ᠤᠨ ᠲᠠᠭᠤᠤ᠂ ᠮᠤᠷᠢᠨ ᠬᠤᠭᠤᠷ ᠪᠤᠶᠤ | ᠡᠰᠡᠬᠦᠯᠠ ᠦᠯᠢᠬᠡᠷ᠂ ᠬᠤᠯᠪᠤᠭᠠ ᠶᠢᠨ ᠠᠯᠢ ᠶᠢ ᠴᠤ ᠬᠡᠳ ᠭᠤᠴᠤᠯᠠᠯ ᠲᠠᠭᠤᠤ ᠪᠤᠶᠤ ᠭᠤᠴᠤᠯᠠᠯ | ᠬᠦᠭᠵᠢᠮ ᠢᠶᠠᠷ ᠲᠠᠭᠤᠯᠠᠨ ᠲᠤᠭᠯᠠᠳᠠᠭ ᠪᠠᠶᠢᠵᠠᠢ᠃ ᠦᠨᠡᠨ ᠳᠡᠭᠡᠨ ᠬᠦᠬᠡᠮᠠᠢ ᠨᠢ ᠭᠠᠭᠴᠠ | ᠬᠤᠭᠤᠯᠠᠢ ᠪᠠᠷ ᠲᠡᠭᠷᠢᠯᠢᠭ ᠡᠭᠡᠰᠢᠭᠯᠡᠩ ᠢ ᠴᠢᠪᠠᠭᠳᠠᠨ᠂ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠤᠶᠠᠩᠭᠠ | ᠰᠢᠷᠤᠩᠬᠠᠢᠢᠯᠠᠯ ᠨᠢ ᠠᠭᠠᠷ ᠮᠠᠨᠳᠤᠯ ᠳᠤ ᠴᠤᠤᠷᠢᠶᠠᠳᠤᠨ᠂ ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ | ᠴᠢᠪᠬᠠᠳᠠᠬᠤ ᠬᠡᠮᠵᠢᠶᠠ ᠨᠢ ᠶᠠᠮᠠᠷ ᠴᠤ ᠲᠤᠮᠤ ᠶᠡᠭᠡ ᠰᠢᠮᠫᠤᠨᠢ ᠬᠦᠭᠵᠢᠮ ᠤᠨ ᠠᠩᠬᠢ ᠪᠤᠶᠤ ᠨᠠᠶᠢᠷᠠᠯ | ᠲᠠᠭᠤᠤ ᠶᠢᠨ ᠪᠦᠯᠬᠦᠮ ᠠᠴᠠ ᠲᠤᠤᠷᠠᠳᠠᠬᠤ ᠦᠬᠡᠢ ᠶᠤᠮ᠃ ᠡᠬᠦᠨ ᠤ ᠡᠰᠡᠷᠬᠦ ᠪᠠᠷ ᠰᠡᠳᠦᠪ | ᠮᠠᠲ᠋ᠧᠷᠢᠶᠠᠯ ᠠᠭᠤᠯᠭᠠ ᠶᠢᠨ ᠬᠤᠪᠢ ᠳᠤ ᠠᠪᠴᠤ ᠦᠵᠡᠪᠡᠯ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ | ᠤᠷᠠᠯᠢᠬ ᠨᠢ ᠪᠠᠭᠠ ᠪᠠᠷ ᠶᠡᠭᠡ ᠶᠢ ᠬᠠᠷᠠᠭᠤᠯᠬᠤ ᠳᠠᠭᠠᠨ ᠴᠢᠳᠠᠮᠠᠭᠠᠢ ᠪᠠᠶᠢᠵᠤ᠂ ᠲᠠᠪᠠᠯᠭᠠᠨ ᠲᠤᠯᠬᠢᠶᠠᠨ | ᠰᠦᠷ ᠭᠠᠶᠢᠬᠠᠮᠰᠢᠬᠳᠠᠢ ᠨᠡᠶᠢᠬᠡᠮ ᠠᠬᠤᠢ ᠶᠢ ᠠᠮᠢᠳᠤᠯᠢᠭ ᠢᠶᠠᠷ ᠢᠯᠡᠷᠡᠬᠦᠯᠵᠤ ᠴᠢᠳᠠᠬᠰᠠᠨ ᠪᠠᠶᠢᠳᠠᠬ᠃
| ᠤᠯᠠᠭᠠᠨᠮᠦ᠋ᠴᠢᠷ ᠤᠨ 12 ᠬᠦᠮᠦᠨ ᠤ ᠲᠤᠬᠯᠠᠯᠳᠠ ᠶᠢᠨ ᠠᠩᠬᠢ ᠳᠤ ᠬᠤᠶᠠᠷ | ᠮᠤᠩᠭᠤᠯ ᠬᠡᠷ ᠲᠠᠢ ᠪᠤᠯ ᠬᠠᠨᠭ᠍ᠭᠠᠮᠵᠢᠳᠡᠢ᠃ ᠰᠧᠷᠠᠰᠢ ᠨᠠᠰᠤᠳᠠᠨ ᠤ ᠬᠡᠯᠡᠭᠰᠡᠨ ᠬᠠᠷᠠ ᠠᠪᠳᠠᠷᠠ ᠪᠤᠯᠬᠤ | ᠲᠡᠬᠦᠯᠳᠡᠷ ᠬᠤᠭᠤᠷ ᠢ ᠦᠨᠦᠳᠦᠷ ᠪᠤᠯᠤᠬᠰᠠᠨ ᠴᠤ ᠬᠦᠳᠡᠭᠡ ᠠᠪᠴᠤ ᠪᠠᠭᠤᠭᠠᠳ ᠲᠤᠭᠤᠷᠢᠨ | ᠲᠤᠬᠯᠠᠬᠤ ᠳᠤ ᠬᠦᠴᠢᠷ ᠲᠠᠢ ᠶᠤᠮ᠃ ᠲᠡᠶᠢᠮᠦ ᠠᠴᠠ ᠪᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠭᠤᠤ | ᠬᠦᠭᠵᠢᠮ ᠤᠨ ᠪᠦᠯᠬᠦᠮ ᠨᠢ ᠬᠦᠳᠡᠭᠡ ᠪᠠᠭᠤᠵᠤ ᠲᠤᠬᠯᠠᠯᠳᠠ ᠭᠠᠷᠭᠠᠬᠤ ᠳᠠᠭᠠᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | ᠮᠠᠶ᠋ᠢᠬ ᠤᠨ ᠠᠷᠭᠠ ᠠᠪᠴᠤ᠂ ᠬᠡᠳᠦᠨ ᠲᠤᠭᠤᠢᠢᠯᠠᠩ ᠬᠤᠪᠢᠶᠠᠨ ᠪᠠᠭᠠ ᠲᠤᠬᠯᠠᠯᠳᠠ ᠪᠡᠯᠡᠳᠬᠡᠵᠤ᠂ | ᠵᠠᠮ ᠬᠤᠪᠢᠶᠠᠨ ᠲᠤᠬᠯᠠᠯᠳᠠ ᠭᠠᠷᠭᠠᠳᠠᠬ᠃ ᠢᠡᠭᠬᠢᠬᠡᠳ ᠦᠵᠡᠪᠡᠯ ᠲᠠᠯᠠ ᠨᠤᠳᠤᠭ ᠲᠤ ᠤᠯᠠᠭᠠᠨᠮᠦ᠋ᠴᠢᠷ | ᠮᠡᠨᠳᠦᠯᠡᠭᠰᠡᠨ ᠨᠢ ᠵᠦᠪᠬᠡᠨ ᠮᠠᠯᠵᠢᠬᠤ ᠤᠷᠤᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠠᠴᠠ ᠯᠡ | ᠪᠤᠯᠤᠬᠰᠠᠨ ᠪᠢᠰᠢ᠂ ᠬᠠᠷᠢᠨ ᠤᠯᠠᠮᠵᠢᠯᠠᠯᠳᠤ ᠰᠢᠯᠢᠳᠡᠭ ᠤᠷᠠᠯᠢᠬ ᠤᠨ ᠲᠤᠬᠯᠠᠯᠳᠠ ᠶᠢᠨ ᠬᠡᠯᠪᠡᠷᠢ ᠪᠠᠨ | ᠪᠦᠲᠦᠬᠡᠯᠴᠢ ᠪᠠᠷ ᠵᠠᠯᠭᠠᠮᠵᠢᠯᠠᠵᠤ᠂ ᠦᠨᠳᠤᠰᠤᠳᠠᠨ ᠤ ᠤᠷᠠᠯᠢᠬ ᠤᠨ ᠬᠦᠭᠵᠢᠯᠳᠡ ᠶᠢᠨ | ᠵᠢᠮᠠ ᠶᠤᠰᠤᠨ ᠳᠤ ᠨᠡᠶᠢᠴᠡᠭᠰᠡᠨ᠂ ᠦᠷᠬᠡᠨ ᠤᠯᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠰᠤᠶᠤᠯ ᠤᠷᠠᠯᠢᠬ ᠤᠨ | ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠨᠭ᠍ᠭᠠᠬᠤ ᠰᠠᠶᠢᠨ ᠬᠡᠯᠪᠡᠷᠢ ᠪᠤᠯᠬᠤ ᠤᠯᠠᠭᠠᠨᠮᠦ᠋ᠴᠢᠷ ᠢᠶᠠᠨ ᠡᠷᠢᠵᠤ | ᠤᠯᠤᠬᠰᠠᠨ ᠳᠠᠭᠠᠨ ᠶᠤᠮ᠃
ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠳᠡ ᠪᠤᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ | ᠮᠡᠷᠭᠡᠵᠢᠯ ᠤᠨ ᠲᠠᠪᠰᠢᠯᠳᠠ ᠶᠢ ᠲᠠᠭᠠᠯᠳᠤᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠡᠩᠨᠡᠭᠡ ᠨᠢ ᠲᠤᠮᠤ᠂ | ᠲᠤᠰᠬᠠᠢᠢᠵᠢᠬᠤ ᠵᠦᠭ ᠬᠦᠭᠵᠢᠬᠦ ᠪᠤᠯᠪᠠ ᠤᠤ︖ ᠬᠡᠪᠡᠯ ᠬᠡᠯᠡᠯᠬᠡᠨ ᠦᠬᠡᠢ ᠡᠶᠢᠮᠦ ᠪᠢᠰᠢ ᠶᠤᠮ᠃ | ᠬᠠᠷᠢᠨ ᠡᠬᠦᠨ ᠲᠠᠢ ᠡᠰᠡᠷᠬᠦ ᠪᠠᠷ ᠨᠡᠶᠢᠬᠡᠮ ᠬᠡᠳᠦᠢ ᠬᠦᠭᠵᠢᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯ ᠬᠡᠳᠦᠢ ᠲᠠᠪᠰᠢᠬᠤ ᠲᠤᠳᠤᠮ | ᠬᠦᠮᠦᠨ ᠤ ᠬᠡᠪ ᠴᠢᠨᠠᠷ ᠪᠤᠯᠤᠨ ᠡᠷᠳᠡᠮ ᠴᠢᠳᠠᠪᠤᠷᠢ ᠤᠯᠠᠮ ᠲᠡᠭᠡᠭᠰᠢᠯᠡᠵᠤ᠂ ᠤᠷᠠᠯᠢᠬ ᠤᠨ ᠲᠤᠬᠯᠠᠯᠳᠠ ᠶᠢᠨ ᠪᠦᠯᠬᠦᠮ ᠤᠯᠠᠮ | ᠪᠠᠭᠠ ᠬᠡᠯᠪᠡᠷᠢ ᠶᠢᠨ᠂ ᠦᠪᠡᠷᠮᠢᠴᠡ ᠰᠢᠨᠵᠢ ᠲᠠᠢ ᠪᠤᠯᠬᠤ ᠶᠤᠮ᠃ ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ | ᠹᠷᠦᠨᠲ ᠲᠤ ᠡᠯᠠ ᠵᠦᠢᠯ ᠤᠨ ᠬᠠᠮᠳᠤᠯᠢᠬ ᠬᠤᠷᠠ ᠶᠢᠨ ᠲᠠᠷᠠᠭᠠᠬᠢ ᠬᠤᠯᠤᠰᠤᠨ ᠰᠦᠶᠠ ᠮᠡᠳᠦ | ᠴᠤᠯᠭᠤᠷᠠᠨ ᠭᠠᠷᠴᠤ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠤᠷᠠᠯᠢᠬ ᠤᠨ ᠲᠠᠶᠢᠰᠠᠨ ᠳᠤ ᠢᠯᠡᠷᠡᠵᠤ | ᠪᠠᠶᠢᠭᠠ ᠪᠤᠯ ᠡᠬᠦᠨ ᠤ ᠪᠤᠳᠠᠳᠦ ᠬᠡᠷᠡᠴᠢ ᠶᠤᠮ᠃ ᠵᠢᠱᠢᠶᠠᠯᠠᠵᠤ ᠬᠡᠯᠡᠪᠡᠯ ︽ᠠᠨᠳᠠ ᠬᠠᠮᠳᠤᠯᠢᠬ︾᠂ | ︽ᠬᠠᠨᠭ᠍ᠭᠠᠢ ᠬᠠᠮᠳᠤᠯᠢᠬ︾ ᠬᠡᠬᠦ ᠮᠡᠳᠦ᠂ ᠤᠯᠠᠩᠬᠢ ᠨᠢ ᠲᠠᠪᠤ ᠵᠢᠷᠭᠤᠭᠠᠨ ᠬᠦᠮᠦᠨ ᠢᠶᠠᠷ ᠪᠦᠷᠢᠯᠳᠦᠵᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | 12 ᠬᠦᠮᠦᠨ ᠤ ᠤᠷᠤᠨ ᠲᠤᠭᠠ ᠶᠢᠨ ᠭᠤᠷᠪᠠᠨ ᠤ ᠨᠢᠬᠡ ᠶᠢ ᠯᠡ ᠡᠵᠡᠯᠡᠵᠤ ᠪᠠᠶᠢᠨᠠ᠃ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ | ᠤᠯᠠᠭᠠᠨᠮᠦ᠋ᠴᠢᠷ ᠨᠢ ᠴᠠᠬ ᠦᠶᠠ ᠯᠦᠭᠡ ᠵᠡᠷᠭᠡ ᠪᠠᠷ ᠤᠷᠤᠬᠰᠢᠯᠠᠵᠤ᠂ ᠰᠢᠨᠠ ᠴᠠᠬ | ᠦᠶᠠ ᠶᠢᠨ ᠱᠠᠭᠠᠷᠳᠠᠯᠭᠠ ᠳᠤ ᠨᠡᠶᠢᠴᠡᠬᠦᠯᠦᠨ᠂ ᠬᠦᠷᠢᠶᠠ ᠬᠡᠪᠴᠢᠶᠠ ᠪᠠᠨ ᠴᠤᠮᠬᠠᠳᠬᠠᠨ ᠲᠤᠬᠯᠠᠯᠳᠠ ᠪᠠᠨ ᠰᠢᠯᠢᠳᠡᠭᠵᠢᠬᠦᠯᠬᠦ | ᠦᠬᠡᠢ ᠪᠤᠯ ᠴᠠᠬ ᠦᠶᠠ ᠠᠴᠠ ᠬᠤᠴᠤᠷᠴᠤ ︽ᠬᠠᠮᠳᠤᠯᠢᠬ︾ ᠤᠨ ᠬᠡᠯᠪᠡᠷᠢ ᠪᠠᠷ ᠤᠷᠤᠯᠠᠭᠤᠯᠤᠬᠳᠠᠵᠤ ᠮᠡᠳᠡᠨᠠ᠃ |
︽ᠰᠠᠷᠠᠨᠠ ᠴᠡᠴᠡᠭ ᠤᠯᠠᠯᠵᠠᠨ ᠲᠡᠯᠬᠡᠷᠡᠨᠠ︾
ᠵᠢᠷᠠᠭᠠᠳ ᠵᠢᠯ ᠤᠨ ᠲᠤᠷᠰᠢᠬᠢ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | ᠠᠮᠵᠢᠯᠳᠠ ᠪᠦᠲᠦᠮᠵᠢ ᠶᠢ ᠵᠠᠪᠠᠯ ᠦᠨᠡᠯᠡᠬᠦ ᠴᠢᠬᠤᠯᠠᠳᠠᠢ ᠶᠤᠮ᠃ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠮᠵᠢᠯᠳᠠ | ᠪᠦᠲᠦᠮᠵᠢ ᠶᠢ ᠭᠤᠤᠯᠳᠠᠭᠤ ᠰᠢᠯᠢᠳᠡᠭ ᠪᠦᠲᠦᠬᠡᠯ᠂ ᠤᠷᠠᠯᠢᠬ ᠤᠨ ᠴᠢᠳᠠᠪᠤᠷᠢᠳᠠᠨ ᠪᠤᠯᠤᠨ ᠦᠵᠡᠯ | ᠰᠠᠨᠠᠭᠠ ᠤᠪᠤᠷ ᠰᠤᠷᠳᠠᠯ ᠬᠡᠬᠦ ᠭᠤᠷᠪᠠᠨ ᠲᠠᠯᠠ ᠪᠠᠷ ᠮᠠᠭᠠᠳᠯᠠᠵᠦ ᠪᠤᠯᠤᠨᠠ᠃
ᠡᠩ ᠲᠡᠷᠢᠬᠦᠨ ᠳᠤ᠂ | ᠦᠯᠡᠮᠵᠢ ᠤᠯᠠᠨ ᠰᠢᠯᠢᠳᠡᠭ ᠤᠷᠠᠯᠢᠬ ᠤᠨ ᠪᠦᠲᠦᠬᠡᠯ ᠢ ᠵᠤᠬᠢᠶᠠᠨ ᠪᠦᠲᠦᠬᠡᠵᠤ ᠲᠤᠬᠯᠠᠬᠰᠠᠨ ᠶᠠᠪᠤᠳᠠᠯ ᠪᠤᠯ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠴᠢᠬᠤᠯᠡ ᠨᠢᠬᠡᠨ ᠬᠤᠪᠢ ᠨᠡᠮᠡᠷᠢ ᠪᠤᠯᠤᠨᠠ᠃ ᠳᠡᠳᠡᠨ ᠤ ᠮᠠᠰᠢ | ᠤᠯᠠᠨ ᠰᠤᠩᠭᠤᠳᠠᠬ ᠪᠦᠲᠦᠬᠡᠯ ᠨᠢ ᠦᠨᠳᠤᠰᠤᠳᠠᠨ ᠤ ᠤᠷᠠᠯᠢᠬ ᠤᠨ ᠡᠷᠳᠡᠨᠢᠰ ᠤᠨ ᠰᠠᠩ ᠤᠨ ᠬᠤᠪᠤᠷ ᠨᠠᠨᠳᠢᠨ | ᠦᠪ ᠬᠦᠷᠦᠩᠭᠡ ᠪᠤᠯᠤᠬᠰᠠᠨ ᠪᠠᠶᠢᠳᠠᠬ᠃ ᠡᠳᠡᠬᠡᠷ ᠲᠤᠬᠯᠠᠯᠳᠠ ᠶᠢᠨ ᠬᠠᠮᠳᠤ ᠶᠢᠨ ᠤᠨᠴᠠᠯᠢᠬ ᠬᠡᠪᠡᠯ ᠮᠠᠯᠴᠢᠨ | ᠲᠠᠷᠢᠶᠠᠴᠢᠨ ᠤ ᠠᠮᠢᠳᠤᠷᠠᠯ ᠢ ᠲᠤᠰᠬᠠᠵᠤ᠂ ᠪᠤᠳᠠᠳᠠᠢ ᠲᠠᠢ ᠤᠢᠢᠷᠠᠳᠤᠵᠤ᠂ ᠤᠯᠠᠨ ᠲᠦᠮᠡᠨ ᠲᠠᠢ ᠤᠢᠢᠷᠠᠳᠤᠵᠤ᠂ | ᠬᠡᠯᠪᠡᠷᠢ ᠮᠠᠶ᠋ᠢᠬ ᠨᠢ ᠤᠯᠠᠨ ᠶᠠᠩᠵᠤ ᠶᠢᠨ᠂ ᠠᠮᠢᠳᠤ ᠴᠤᠪᠤᠭᠤᠯᠢᠬ᠂ ᠤᠷᠤᠨ ᠨᠤᠳᠤᠬ ᠤᠨ ᠦᠨᠦᠷ ᠠᠮᠳᠠ ᠪᠠᠷ ᠪᠢᠯᠬᠠᠮᠠ ᠪᠠᠶᠢᠳᠠᠬ᠃ | ︽ᠰᠠᠷᠠᠨᠠ ᠴᠡᠴᠡᠭ ᠤᠯᠠᠯᠵᠠᠨ ᠲᠡᠯᠬᠡᠷᠡᠨᠠ︾ ᠬᠡᠳᠡᠭ ᠲᠠᠭᠤᠤ ᠶᠢᠨ ᠨᠡᠷᠠ ᠪᠠᠷ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠷᠠᠯᠢᠬ ᠤᠨ | ᠵᠤᠬᠢᠶᠠᠨ ᠪᠦᠲᠦᠬᠡᠯᠬᠡ ᠶᠢᠨ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠢ ᠵᠦᠢᠷᠯᠡᠬᠦ ᠳᠤ ᠮᠠᠰᠢ ᠵᠤᠬᠢᠮᠵᠢᠳᠠᠢ ᠪᠢᠯᠡ᠃
| ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠵᠤᠬᠢᠶᠠᠨ ᠪᠦᠲᠦᠬᠡᠭᠰᠡᠨ ᠲᠠᠭᠤᠤ ᠨᠤᠭᠤᠳ ᠨᠢ ᠢᠷᠠᠭᠤ | ᠤᠶᠠᠩᠭᠠᠯᠢᠬ ᠭᠤᠶᠤ ᠰᠠᠶᠢᠬᠠᠨ᠂ ᠰᠡᠳᠬᠢᠯᠬᠡ ᠤᠷᠬᠢᠯᠤᠮᠠ ᠪᠢᠯᠬᠠᠮᠠ ᠪᠠᠶᠢᠵᠤ ᠢᠯᠭᠤᠮ ᠲᠤᠳᠤ | ᠦᠨᠳᠤᠰᠤᠳᠠᠨ ᠤ ᠬᠡᠪ ᠨᠠᠮᠪᠠ ᠪᠤᠯᠤᠨ ᠤᠷᠤᠨ ᠨᠤᠳᠤᠬ ᠤᠨ ᠤᠨᠴᠠᠯᠢᠬ ᠢᠶᠠᠷ ᠢᠶᠠᠨ ᠤᠷᠤᠨ ᠤ | ᠲᠤᠳᠤᠨᠠ ᠭᠠᠳᠠᠨᠠ ᠦᠷᠬᠡᠨ ᠲᠡᠯᠬᠡᠷ ᠲᠠᠷᠬᠠᠨ ᠲᠡᠯᠬᠡᠷᠡᠵᠤ᠂ ᠦᠨᠳᠤᠰᠤᠳᠠᠨ ᠨᠦᠭᠦᠳ ᠤᠨ | ᠰᠤᠨᠤᠰᠤᠬᠴᠢᠳ ᠤᠨ ᠪᠠᠭ᠋ᠠᠷᠦᠯ ᠬᠦᠷᠢᠶᠡᠯᠡᠯ ᠢ ᠤᠯᠤᠬᠰᠠᠨ ᠪᠠᠶᠢᠳᠠᠬ᠃ ᠲᠦᠯᠦᠬᠡᠯᠡᠭᠴᠢ | ᠪᠦᠲᠦᠬᠡᠯ ᠤᠳ ᠠᠴᠠ ᠲᠤᠷᠠᠳᠪᠠᠯ᠂ ︽ᠮᠠᠤ ᠲᠡᠷᠢᠬᠦᠯᠡᠭᠴᠢ ᠡ᠂ ᠲᠠᠯᠠ ᠨᠤᠳᠤᠭ ᠤᠨ | ᠠᠷᠠᠳ ᠲᠦᠮᠡᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠨᠠ︾᠂ ︽ᠲᠠᠯᠠ ᠨᠤᠳᠤᠭ ᠲᠤ ᠮᠦᠡᠭᠭᠡ ᠶᠢᠨ ᠨᠠᠷᠠᠨ ᠰᠠᠴᠤᠷᠠᠨ | ᠮᠠᠨᠳᠤᠯᠠ︾᠂ ︽ᠦᠨᠢᠷ ᠲᠠᠩᠰᠤᠬ ᠦᠵᠡᠰᠬᠦᠯᠡᠩᠳᠤ ᠰᠠᠶᠢᠬᠠᠨ ᠦᠪᠦᠷ ᠮᠤᠩᠭᠤᠯ︾᠂ | ︽ᠮᠠᠯᠴᠢᠨ ᠲᠦᠮᠡᠨ ᠨᠠᠮ ᠢᠶᠠᠨ ᠲᠠᠭᠤᠯᠠᠨᠠ︾᠂ ︽ᠰᠠᠷᠠᠨᠠ ᠴᠡᠴᠡᠭ ᠤᠯᠠᠯᠵᠠᠨ ᠲᠡᠯᠬᠡᠷᠡᠨᠠ︾᠂ | ︽ᠤᠮᠠᠷᠠᠳᠤ ᠬᠢᠯᠢ ᠶᠢᠨ ᠮᠠᠬᠳᠠᠭᠠᠯ ᠲᠠᠭᠤᠤ︾᠂ ︽ᠰᠡᠳᠬᠢᠯ ᠤᠨ ᠬᠠᠶᠢᠷᠠᠳᠤ ᠬᠤᠪᠢᠰ ᠢᠶᠠᠨ ᠬᠦᠭᠵᠢᠮᠳᠡᠶᠠ︾᠂ ︽ᠵᠸᠦ | ᠶᠡᠷᠦᠩᠭᠡᠢ ᠰᠠᠶᠢᠳ ᠮᠢᠨᠢ ᠮᠤᠷᠢᠨ ᠬᠤᠭᠤᠷ ᠰᠤᠨᠤᠰᠬᠤ ᠲᠤᠷᠠᠳᠠᠢ︾᠂ ︽ᠤᠭᠠᠯᠵᠠ ᠰᠡᠶᠢᠯᠦᠭᠰᠡᠨ ᠡᠮᠡᠬᠡᠯ︾ ᠵᠡᠷᠭᠡ ᠪᠤᠢ᠃ |
ᠲᠠᠭᠤᠤ ᠶᠢᠨ ᠪᠦᠲᠦᠬᠡᠯ ᠠᠴᠠ ᠭᠠᠳᠠᠨᠠ ᠭᠤᠴᠤᠯᠠᠯ ᠪᠦᠵᠢᠭ᠂ ᠲᠠᠭᠤᠤᠷᠢᠯᠢᠬ ᠤᠷᠠᠯᠢᠬ ᠪᠠ ᠪᠠᠭᠠ ᠲᠠᠭᠤᠯᠠᠯᠳᠤ | ᠵᠦᠴᠦᠬᠡ ᠵᠡᠷᠭᠡ ᠲᠠᠯᠠ ᠪᠠᠷ ᠴᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠢᠨ ᠪᠠᠭᠠ ᠪᠤᠰᠤ ᠰᠤᠳᠤᠨ ᠪᠦᠲᠦᠬᠡᠯ ᠵᠤᠬᠢᠶᠠᠨ | ᠪᠦᠲᠦᠭᠡᠵᠤ ᠢᠯᠡᠷᠬᠡᠢ ᠠᠮᠵᠢᠯᠳᠠ ᠤᠯᠵᠠᠢ᠃ ᠲᠦᠯᠦᠬᠡᠯᠡᠭᠴᠢ ᠪᠦᠲᠦᠬᠡᠯ ᠬᠡᠪᠡᠯ᠂ ᠭᠤᠴᠤᠯᠠᠯ ᠪᠦᠵᠢᠭ | ︽ᠮᠠᠯᠴᠢᠳ ᠤᠨ ᠪᠠᠶᠠᠰᠤᠯ︾᠂ ︽ᠰᠠᠪᠬᠠᠨ ᠪᠦᠵᠢᠭ︾᠂ ︽ᠤᠰᠤ ᠨᠠᠭᠠᠳᠤᠬᠴᠢ ᠬᠡᠦᠬᠡᠨ︾᠂ ︽ᠬᠠᠷᠢ ᠳᠤ | ᠮᠤᠷᠳᠠᠬᠤ ᠠᠴᠠ ᠡᠮᠦᠨᠡᠬᠡᠨ︾ ᠵᠡᠷᠭᠡ ᠪᠤᠢ᠃ ᠤᠯᠠᠨ ᠬᠦᠮᠦᠨ ᠤ ᠪᠦᠵᠢᠭ ︽ᠰᠤᠯᠤᠩᠭᠠ︾᠂ | ︽ᠰᠦᠨᠢ ᠶᠢᠨ ᠮᠠᠨᠠᠭᠠ︾ ︽ᠮᠦᠡᠭᠭᠡᠵᠤᠯᠠ︾᠂ ︽ᠲᠠᠯᠠᠯᠭᠠᠨ ᠪᠠᠶᠠᠷ︾ ᠪᠤᠢ᠃ ᠶᠤᠰᠦ ᠵᠠᠩᠰᠢᠯ ᠤᠨ ᠰᠡᠳᠦᠪᠳᠦ | ᠲᠠᠭᠤᠤ ᠪᠦᠵᠢᠭ ︽ᠭᠠᠨᠭ᠌ ᠲᠤᠯᠭᠠ︾᠂ ︽ᠤᠷᠳᠤᠰ ᠬᠤᠷᠢᠮ︾ ᠵᠡᠷᠭᠡ ᠪᠤᠢ᠃ ᠬᠤᠯᠪᠤᠭᠠ ᠪᠤᠯᠤᠨ | ᠲᠠᠭᠤᠤᠷᠢᠯᠢᠬ ᠤᠷᠠᠯᠢᠬ ᠲᠤ ︽ᠠᠳᠤᠭᠤᠴᠢᠨ ᠪᠠᠭᠠᠳᠤᠷ︾᠂ ︽ᠠᠭᠤᠯᠠᠨ ᠳᠤ ᠭᠠᠷᠴᠤ ᠪᠠᠷᠰ ᠢ | ᠴᠤᠬᠢᠬᠰᠠᠨ︾ ᠪᠤᠢ᠃ ᠪᠠᠭᠠ ᠲᠠᠭᠤᠯᠠᠯᠳᠤ ᠵᠦᠴᠦᠬᠡ ᠳᠤ᠂ ︽ᠤᠷᠢᠯᠭᠠ︾᠂ ︽ᠠᠯᠤᠰ ᠠᠴᠠ ᠢᠷᠡᠭᠰᠡᠨ ᠵᠠᠬᠢᠳᠠᠯ︾᠂ | ︽ᠬᠦᠭᠰᠢᠨ ᠬᠠᠶᠢᠯᠠᠰᠦ︾ ᠵᠡᠷᠭᠡ ᠪᠤᠢ᠃
ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ | ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠠᠴᠠ ᠨᠠᠭᠠᠰᠢ᠂ ᠲᠠᠭᠤᠤ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠨ | ᠪᠦᠲᠦᠬᠡᠯᠬᠡ ᠢᠯᠡᠷᠬᠡᠢ ᠬᠦᠭᠵᠢᠵᠤ ᠯᠤᠳᠤ ᠶᠡᠭᠡ ᠠᠮᠵᠢᠯᠳᠠ ᠤᠯᠵᠠᠢ᠃ ᠡᠳᠡᠬᠡᠷ ᠲᠠᠭᠤᠤ | ᠬᠦᠭᠵᠢᠮ ᠤᠨ ᠬᠡᠯᠪᠡᠷᠢ ᠨᠢ ᠤᠯᠠᠨ ᠶᠠᠩᠵᠤ ᠶᠢᠨ᠂ ᠬᠡᠪ ᠨᠠᠮᠪᠠ ᠨᠢ ᠰᠤᠳᠤᠨ ᠰᠠᠶᠢᠬᠠᠨ ᠪᠠᠶᠢᠵᠤ | ᠭᠤᠴᠤᠯᠠᠯ ᠲᠠᠭᠤᠤ᠂ ᠡᠯᠬᠦᠬᠡ ᠲᠠᠭᠤᠤ᠂ ᠲᠤᠬᠯᠠᠯᠳᠠ ᠶᠢᠨ ᠲᠠᠭᠤᠤ ᠪᠠᠶᠢᠬᠤ ᠪᠦᠬᠡᠳ ᠪᠠᠰᠠ | ᠬᠦᠭᠵᠢᠮ ᠤᠨ ᠬᠠᠪᠰᠤᠷᠤᠯ ᠦᠬᠡᠢ ᠨᠠᠶᠢᠷᠠᠯ ᠲᠠᠭᠤᠤ᠂ ᠰᠢᠮᠫᠤᠨᠢ ᠨᠠᠶᠢᠷᠠᠯ ᠲᠠᠭᠤᠤ ᠵᠡᠷᠭᠡ ᠮᠦᠴᠡᠯᠬᠡ | ᠲᠠᠭᠤᠤ ᠪᠠᠶᠢᠯᠴᠠᠵᠤ᠂ ᠦᠨᠢᠷ ᠴᠡᠴᠡᠭ ᠰᠢᠭ ᠮᠢᠷᠠᠯᠵᠠᠵᠤ᠂ ᠦᠡᠭᠭᠡ ᠬᠢᠯᠪᠠᠭᠠ ᠪᠦᠷᠢᠳᠦᠭᠰᠡᠨ ᠪᠠᠶᠢᠳᠠᠬ᠃ | ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠦᠬᠡ ᠶᠢᠨ ᠬᠠᠷᠠᠭᠠᠰᠤ ᠠᠴᠠ ᠠᠪᠴᠤ ᠬᠡᠯᠡᠪᠡᠯ ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠭᠤᠤ | ᠬᠦᠭᠵᠢᠮ ᠤᠨ ᠵᠤᠬᠢᠶᠠᠨ ᠪᠦᠳᠦᠬᠡᠯᠬᠡ ᠨᠢ ᠶᠡᠭᠡ ᠲᠦᠯᠦᠪ ᠭᠤᠷᠪᠠ ᠤᠳᠠᠭᠠ ᠶᠢᠨ ᠬᠦᠭᠵᠢᠯᠳᠡ ᠶᠢᠨ | ᠤᠷᠬᠢᠯ ᠳᠤ ᠬᠦᠷᠦᠭᠰᠡᠨ ᠪᠢᠯᠡ᠃
︵ᠨᠢᠬᠡ︶ ᠤᠯᠠᠨ ᠲᠦᠮᠡᠨ ᠤ ᠲᠠᠭᠤᠤ᠂ ᠺᠢᠨᠣ᠋ ᠶᠢᠨ | ᠲᠠᠭᠤᠤ ᠶᠢᠨ ᠴᠠᠬ ᠬᠤᠭᠤᠴᠠᠭᠠ — ᠲᠡᠬᠡᠷᠠ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠠᠴᠠ ᠨᠠᠭᠠᠰᠢ ᠦᠪᠦᠷ | ᠮᠤᠩᠭᠤᠯ ᠤᠨ ᠲᠠᠭᠤᠤ ᠪᠦᠵᠢᠭ ᠤᠨ ᠪᠦᠯᠬᠦᠮ ᠨᠢ ᠲᠠᠭᠤᠤ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠨ ᠪᠦᠳᠦᠬᠡᠯᠬᠡ ᠶᠢᠨ | ᠭᠤᠤᠯ ᠴᠤᠬᠴᠠ ᠪᠤᠯᠤᠬᠰᠠᠨ ᠶᠤᠮ᠃ ᠲᠦᠡᠭᠹᠦ᠋᠂ ᠮᠧᠯᠴᠡᠭ᠂ ᠮᠡᠷᠭᠡᠵᠢᠬᠦ ᠵᠡᠷᠭᠡ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠯᠴᠢ ᠨᠡᠷ | ︽ᠤᠪᠤᠭᠠᠨ ᠳᠠᠬᠢ ᠠᠭᠤᠯᠵᠠᠯᠳᠠ︾᠂ ︽ᠲᠤᠬᠤᠨᠢᠭᠤᠯᠬᠤ ᠤᠭᠤᠳᠠ︾᠂ ︽ᠲᠠᠯᠠ ᠨᠤᠳᠤᠭ ᠲᠤ ᠮᠦᠡᠭᠭᠡ ᠶᠢᠨ ᠨᠠᠷᠠᠨ | ᠰᠠᠴᠤᠷᠠᠨ ᠮᠠᠨᠳᠤᠯᠠ︾᠂ ︽ᠲᠠᠯᠠ ᠨᠤᠳᠤᠭ ᠤᠨ ᠦᠷᠯᠦᠬᠡ ᠶᠢᠨ ᠤᠶᠠᠩᠭᠠ︾᠂ ︽ᠮᠦᠡᠭᠬᠦᠨ ᠭᠤᠤᠯ︾᠂ | ︽ᠦᠪᠦᠷ ᠮᠤᠩᠭᠤᠯ ᠰᠠᠶᠢᠬᠠᠨ︾᠂ ︽ᠱᠠᠩᠬᠠᠢ ᠬᠢᠴᠡᠳᠡᠢ ᠪᠠᠨᠳᠤᠤᠲ᠋ᠢ︾ ᠵᠡᠷᠭᠡ ᠲᠠᠭᠤᠤ ᠶᠢ ᠵᠤᠬᠢᠶᠠᠨ ᠪᠦᠲᠦᠬᠡᠵᠤ᠂ | ᠤᠷᠤᠨ ᠤᠯᠤᠰ ᠴᠢᠨᠡᠬᠰᠢᠯᠠᠭᠠᠳ ᠲᠠᠶᠠᠩ ᠲᠡᠯᠡᠬᠡᠢ ᠳᠤ ᠲᠠᠭᠤᠷᠢᠰᠤᠬᠰᠠᠨ ᠪᠢᠯᠡ᠃ ᠴᠠᠬ ᠤᠨ ᠲᠠᠯᠠ ᠠᠴᠠ ᠦᠵᠡᠪᠡᠯ | ᠲᠡᠬᠡᠷᠠ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠲᠤᠮᠳᠠᠴᠢ ᠬᠤᠭᠤᠴᠠᠭᠠ ᠪᠤᠯᠳᠠᠯᠠ ᠡᠨᠡ ᠬᠦ ᠱᠠᠳᠤ ᠨᠢ 20 | ᠭᠠᠷᠤᠢ ᠵᠢᠯ ᠦᠷᠬᠦᠯᠵᠢᠯᠡᠭᠰᠡᠨ ᠪᠠᠶᠢᠨᠠ᠃
︵ᠬᠤᠶᠠᠷ︶ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ | ᠴᠠᠬ ᠬᠤᠭᠤᠴᠠᠭᠠ — ᠲᠡᠬᠡᠷᠠ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠲᠤᠮᠳᠠᠴᠢ ᠬᠤᠭᠤᠴᠠᠭᠠ ᠠᠴᠠ ᠨᠠᠭᠠᠰᠢ ᠤᠯᠠᠭᠠᠨᠮᠦ᠋ᠴᠢᠷ ᠨᠢ | ᠲᠠᠭᠤᠤ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠨ ᠪᠦᠲᠦᠬᠡᠯᠬᠡ ᠶᠢᠨ ᠭᠤᠤᠯ ᠴᠤᠬᠴᠠ ᠪᠤᠯᠪᠠ᠃ ᠲᠤᠯᠭᠠᠭᠤᠷᠢ᠂ ᠰᠠᠩᠵᠠᠢ᠂ ᠲᠤᠤ · ᠰᠠᠩᠵᠠᠢ᠂ | ᠪᠤᠤ ᠬᠦᠢ᠂ ᠲᠤᠷᠵᠢ᠂ ᠦᠨᠡᠨᠴᠢ ᠵᠡᠷᠭᠡ ᠵᠠᠯᠠᠭᠤ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠯᠴᠢ ᠨᠠᠷ ᠨᠢᠬᠡ ᠪᠦᠯᠦᠭ ᠰᠢᠯᠢᠳᠡᠭ ᠲᠠᠭᠤᠤ ᠶᠢ | ᠵᠤᠬᠢᠶᠠᠨ ᠪᠦᠲᠦᠬᠡᠪᠡ᠃ ᠮᠦᠯᠠᠨ᠂ ᠵᠢᠩᠬᠤᠸᠠᠷ᠂ ᠯᡁᠠᠰᠦ᠋ᠷᠦᠩ᠂ ᠨᠠᠰᠤᠨ ᠵᠡᠷᠭᠡ ᠠᠯᠳᠠᠷᠳᠤ | ᠲᠠᠭᠤᠴᠢᠳ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠳᠤ ᠠᠯᠳᠠᠷ ᠮᠠᠨᠳᠤᠵᠠᠢ᠃ 1964 ᠤᠨ ᠠᠴᠠ 1965 | ᠤᠨ ᠪᠤᠯᠳᠠᠯᠠ᠂ ᠵᠸᠦ ᠶᠡᠷᠦᠩᠭᠡᠢ ᠰᠠᠶᠢᠳ ᠤᠨ ᠲᠤᠳᠤᠨᠤ ᠬᠠᠶᠢᠷᠠ ᠬᠠᠯᠠᠮᠵᠢᠯᠠᠯ ᠲᠤᠤᠷᠠ ᠤᠯᠠᠭᠠᠨᠮᠦ᠋ᠴᠢᠷ ᠪᠦᠬᠦ ᠤᠯᠤᠰ ᠤᠨ | ᠤᠳᠬᠠ ᠤᠷᠠᠯᠢᠬ ᠤᠨ ᠹᠷᠦᠨᠲ ᠤᠨ ᠨᠢᠬᠡᠨ ᠲᠤᠬ ᠬᠡᠵᠤ ᠦᠨᠡᠯᠡᠭᠳᠡᠪᠡ᠃ ᠤᠯᠠᠨ ᠤ ᠮᠡᠳᠡᠬᠡᠵᠢ ᠪᠠᠷ᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠲᠠᠭᠤᠤ ᠪᠦᠵᠢᠭ ᠤᠨ ᠪᠦᠯᠬᠦᠮ ᠪᠤᠯᠤᠨ ᠪᠤᠰᠤᠳ ᠠᠶᠢᠮᠠᠬ ᠬᠤᠳᠠ ᠶᠢᠨ ᠱᠠᠳᠤᠨ ᠤ | ᠤᠷᠠᠯᠢᠬ ᠤᠨ ᠪᠦᠯᠬᠦᠮ ᠨᠢ ᠨᠢᠬᠡᠨ ᠦᠶᠠ ᠲᠠᠮᠫᠤᠷᠠᠬᠤ ᠪᠠᠶᠢᠳᠠᠯ ᠳᠤ ᠤᠷᠤᠵᠤ᠂ ᠬᠡᠪ ᠤᠨ ᠵᠤᠬᠢᠶᠠᠨ | ᠪᠦᠲᠦᠬᠡᠵᠤ ᠲᠤᠬᠯᠠᠬᠤ ᠠᠵᠢᠯᠯᠠᠭᠠ ᠪᠠᠨ ᠪᠡᠶᠡᠯᠡᠬᠦᠯᠵᠦ ᠲᠡᠶᠢᠯᠬᠦ ᠦᠬᠡᠢ ᠪᠤᠯᠪᠠ᠃ ᠵᠤᠯ ᠢᠶᠠᠷ | ᠤᠯᠠᠭᠠᠨᠮᠦ᠋ᠴᠢᠷ ᠬᠡᠪ ᠤᠨ ᠵᠤᠬᠢᠶᠠᠨ ᠪᠦᠲᠦᠬᠡᠬᠦ ᠪᠠ ᠲᠤᠬᠯᠠᠬᠤ ᠠᠵᠢᠯᠯᠠᠭᠠ ᠪᠠᠨ ᠪᠠᠷᠢᠮᠳᠠᠯᠠᠵᠤ᠂ | ᠦᠷᠬᠡᠨ ᠤᠯᠠᠨ ᠲᠦᠮᠡᠨ ᠤ ᠰᠤᠶᠤᠯ ᠤᠷᠠᠯᠢᠬ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠬᠵᠢᠭᠤᠯᠵᠤ ᠢᠷᠡᠵᠡᠢ᠃ ᠴᠠᠬ ᠤᠨ ᠲᠠᠯᠠ ᠪᠠᠷ | ᠠᠪᠴᠤ ᠦᠵᠡᠪᠡᠯ ᠲᠡᠬᠡᠷᠠ ᠵᠠᠭᠤᠨ ᠤ ᠶᠡᠷᠡᠬᠡᠳ ᠤᠨ ᠤ ᠲᠤᠮᠳᠠᠴᠢ ᠪᠤᠯᠳᠠᠯᠠ ᠡᠨᠡ ᠬᠦ ᠱᠠᠳᠤ ᠦᠶᠠ ᠨᠢ 30 ᠵᠢᠯ | ᠰᠢᠬᠠᠮ ᠦᠷᠬᠦᠯᠵᠢᠯᠡᠪᠡ᠃
ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠠᠭᠤᠤ ᠶᠢᠨ ᠠᠶᠢᠵᠠᠮ ᠬᠦᠭ ᠨᠢ ᠢᠷᠠᠭᠤ ᠰᠤᠨᠤᠰᠬᠤᠯᠠᠩ ᠪᠦᠬᠡᠳ | ᠦᠨᠳᠤᠰᠤᠳᠠᠨ ᠤ ᠬᠡᠪ ᠨᠠᠮᠪᠠ ᠪᠠᠷ ᠦᠳᠬᠡᠨ᠂ ᠤᠷᠠᠯᠢᠬᠴᠢ ᠴᠢᠨᠠᠷ ᠢᠶᠠᠷ ᠴᠢᠩᠭᠠ ᠪᠦᠬᠡᠳ ᠦᠵᠠᠯ ᠰᠠᠨᠠᠭᠠ | ᠠᠭᠤᠯᠭᠠ ᠨᠢ ᠵᠦᠪ ᠡᠷᠡᠬᠦᠯ ᠪᠠᠶᠢᠵᠤ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠠᠷᠠᠳ ᠲᠦᠮᠡᠨ ᠤ ᠰᠠᠶᠢᠨ | ᠰᠠᠶᠢᠬᠠᠨ ᠬᠠᠶᠢᠷᠠ ᠰᠡᠳᠬᠢᠯᠬᠡ ᠶᠢ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠶᠢᠳᠠᠬ᠃ ᠤᠳᠤ ᠪᠤᠯᠳᠠᠯᠠ ︽ᠮᠠᠯᠴᠢᠨ ᠲᠦᠮᠡᠨ | ᠨᠠᠮ ᠢᠶᠠᠨ ᠲᠠᠭᠤᠯᠠᠨᠠ︾᠂ ︽ᠰᠠᠷᠠᠨᠠ ᠴᠡᠴᠡᠭ ᠤᠯᠠᠯᠵᠠᠨ ᠲᠡᠯᠬᠡᠷᠡᠨᠠ︾ ᠵᠡᠷᠭᠡ ᠲᠠᠭᠤᠤ ᠨᠤᠭᠤᠳ ᠨᠢ ᠤᠯᠠᠨ ᠤ | ᠲᠤᠮᠳᠠ ᠦᠷᠬᠡᠨ ᠢᠶᠠᠷ ᠲᠠᠷᠬᠠᠵᠤ ᠬᠡᠵᠢᠶᠠ ᠰᠤᠨᠤᠰᠤᠬᠰᠠᠨ ᠴᠤ ᠬᠡᠮᠵᠢᠶᠠᠯᠠᠰᠢ ᠦᠬᠡᠢ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ | ᠪᠢᠯᠬᠠᠵᠤ ᠪᠠᠶᠢᠳᠠᠬ᠃
ᠠᠳᠡ ᠬᠦᠷᠳᠡᠯᠠ ᠶᠡᠷᠢᠬᠤ ᠳᠤ ᠡᠶᠢᠮᠦ ᠨᠢᠬᠡ ᠦᠯᠢᠬᠡᠷ ᠪᠤᠳᠤᠬᠳᠠᠯᠠ᠄ ︽ᠠᠷᠪᠠᠨ | ᠵᠢᠯ ᠤᠨ ᠰᠠᠮᠠᠭᠤᠷᠠᠯ︾ ᠲᠠᠭᠤᠰᠤᠭᠠᠳ ᠤᠳᠠᠭᠠᠳᠤᠢ ᠪᠠᠶᠢᠬᠰᠠᠨ ᠲᠡᠷᠡ ᠨᠢᠬᠡᠨ ᠵᠢᠯ᠂ ᠪᠢ ᠨᠢᠬᠡ | ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠺᠠᠳ᠋ᠷ ᠲᠠᠢ ᠵᠤᠭᠤᠬᠳᠠᠬᠤ ᠳᠤ ᠲᠡᠷᠡ ᠨᠠᠳᠠ ᠳᠤ ︽ᠮᠦᠯᠠᠨ ᠮᠢᠨᠦ ᠠᠮᠢ ᠶᠢ | ᠠᠪᠤᠷᠠᠬᠰᠠᠨ ᠰᠢᠦ︾ ᠬᠡᠵᠦ ᠶᠠᠷᠢᠬᠰᠠᠨ ᠪᠢᠯᠡ᠃ ᠤᠤᠯ ᠨᠢ ᠲᠡᠷᠡ ᠬᠤᠷᠢᠬᠳᠠᠵᠤ ᠪᠠᠶᠢᠬᠰᠠᠨ | ᠬᠤᠭᠤᠴᠠᠭᠠᠨ ᠳᠤ ᠲᠠᠮᠤᠯᠠᠯ ᠲᠠᠷᠴᠢᠯᠠᠭᠠᠯ ᠢ ᠲᠡᠰᠪᠦᠷᠢᠯᠡᠵᠤ ᠲᠠᠶᠢᠯᠬᠦ ᠦᠬᠡᠢ ᠪᠤᠯᠵᠦ᠂ | ᠠᠮᠢᠳᠤᠷᠠᠯ ᠳᠤ ᠢᠳᠡᠬᠡᠯ ᠠᠯᠳᠠᠨ ᠠᠮᠢ ᠪᠠᠨ ᠬᠤᠤᠷᠯᠠᠬᠤ ᠪᠠᠷ ᠰᠢᠢᠳᠴᠠᠢ᠃ ᠲᠡᠬᠡᠳᠡᠯᠠ | ᠬᠡᠨᠡᠳᠳᠡ ᠲᠤᠮᠤ ᠯᠠᠪᠠᠷ ᠠᠴᠠ ᠮᠤᠩᠭᠤᠯ ᠲᠠᠭᠤᠤ ᠰᠤᠨᠤᠰᠳᠠᠵᠤ ᠢᠷᠠᠭᠤ ᠴᠡᠬᠡᠯᠬᠡᠨ ᠠᠶᠠ ᠬᠦᠭ ᠲᠤᠨᠢ | ᠤᠷᠬᠢᠯᠤᠮᠠ ᠰᠡᠳᠬᠢᠯᠬᠡ ᠠᠭᠤᠯᠵᠤ ᠪᠠᠶᠢᠬᠰᠠᠨ ᠢᠶᠠᠷ ᠲᠡᠷᠡ ᠲᠡᠰᠬᠡᠯ ᠦᠬᠡᠢ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠪᠠ᠃ | ᠲᠡᠷᠡ ᠨᠢ ᠶᠠᠬ ᠮᠦᠯᠠᠨ ᠤ ᠲᠠᠭᠤᠯᠠᠬᠰᠠᠨ ︽ᠮᠠᠤ ᠲᠡᠷᠢᠬᠦᠯᠡᠭᠴᠢ ᠡ᠂ ᠲᠠᠯᠠ ᠨᠤᠳᠤᠭ ᠤᠨ ᠠᠷᠠᠳ ᠲᠦᠮᠡᠨ ᠲᠠᠨ ᠢ ᠪᠠᠨ | ᠬᠠᠶᠢᠷᠠᠯᠠᠨᠠ︾ ᠬᠡᠰᠡᠨ ᠲᠠᠭᠤᠤ ᠪᠠᠶᠢᠪᠠ ᠬᠡᠨᠠ᠃ ᠲᠤᠮᠤ ᠯᠠᠪᠠᠷ ᠲᠤ ᠦᠷᠯᠦᠬᠡ ᠪᠤᠯᠭᠠᠨ ︽ᠪᠠᠭᠤᠵᠤ ᠦᠭ︾ ᠬᠡᠵᠤ | ᠰᠢᠬᠠᠮᠳᠠᠭᠤᠯᠬᠤ ᠪᠤᠶᠤ ᠪᠤᠷᠤᠭᠤᠰᠢᠶᠠᠨ ᠰᠢᠬᠦᠮᠵᠢᠯᠡᠬᠦ ᠲᠡᠮᠡᠴᠡᠯ ᠢᠶᠠᠷ ᠲᠦᠬᠦᠷᠴᠤ ᠪᠠᠶᠢᠬᠰᠠᠨ | ᠴᠢᠨᠢ ᠦᠨᠦᠳᠦᠷ ᠶᠠᠭᠠᠬᠢᠭᠠᠳ ᠮᠤᠩᠭᠤᠯ ᠲᠠᠭᠤᠤ ᠲᠠᠯᠪᠢᠴᠢᠬᠠᠬᠰᠠᠨ ᠶᠤᠮ ᠬᠡᠵᠤ ᠲᠡᠷᠡ ᠪᠤᠳᠤᠵᠤ ᠦᠵᠡᠬᠡᠳ᠂ | ᠤᠯᠤᠰ ᠲᠦᠷᠦ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠳᠤ ᠤᠳᠠᠯ ᠦᠬᠡᠢ ᠬᠤᠪᠢᠷᠠᠯᠳᠠ ᠭᠠᠷᠬᠤ ᠪᠠᠶᠢᠬᠠ ᠬᠡᠳᠡᠭ ᠢ ᠰᠡᠷᠭᠡᠭ ᠢᠶᠠᠷ | ᠲᠠᠨᠢᠵᠠᠢ᠃ ᠢᠡᠭᠬᠢᠬᠡᠳ ᠲᠡᠷᠡ ᠤᠷᠢᠳᠠᠪᠠᠷ ᠵᠢᠭᠠᠬᠠᠨ ᠬᠦᠯᠢᠶᠠᠵᠤ᠂ ᠪᠠᠶᠢᠳᠠᠯ ᠢ ᠦᠵᠡᠵᠤ ᠪᠠᠶᠢᠭᠠᠳ ᠮᠡᠳᠡᠶᠠ ᠬᠡᠵᠤ | ᠪᠠᠶᠠ ᠪᠠᠨ ᠬᠤᠷᠢᠬᠯᠠᠬᠰᠠᠨ ᠬᠡᠨᠠ᠃ ᠦᠨᠡᠬᠡᠷ ᠴᠤ ᠲᠡᠬᠦᠨ ᠤ ᠵᠢᠱᠢᠭᠰᠡᠨ ᠢᠶᠠᠷ ᠨᠠᠮ ᠤᠨ | ᠶᠢᠰᠤᠳᠦᠬᠡᠷ ᠶᠡᠭᠡ ᠬᠤᠷᠠᠯ ᠬᠤᠷᠠᠯᠳᠤᠵᠦ᠂ ᠮᠠᠤ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠵᠢᠭᠠᠪᠤᠷᠢ ᠶᠤᠰᠤᠭᠠᠷ ᠠᠬᠠᠮᠠᠳ | ᠺᠠᠳ᠋ᠷ ᠢ ᠴᠢᠯᠦᠬᠡᠯᠡᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠪᠠ᠃ ᠤᠳᠠᠯ ᠦᠬᠡᠢ ᠲᠡᠷᠡ ᠴᠤ ᠴᠢᠯᠦᠬᠡᠯᠡᠭᠳᠡᠵᠤ ᠬᠤᠪᠢ | ᠵᠠᠶᠠᠭᠠᠨ ᠤ ᠬᠠᠳᠠᠭᠤ ᠲᠠᠪᠠᠭᠠᠨ ᠠᠴᠠ ᠮᠤᠯᠳᠤᠷᠠᠵᠠᠢ᠃
ᠤᠨᠴᠠ ᠠᠩᠬᠠᠷᠤᠭᠤᠰᠢᠳᠠᠢ ᠨᠢ ᠬᠡᠪᠡᠯ᠂ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠳᠠᠢ ᠲᠠᠭᠤᠤ ᠨᠢ ᠤᠷᠢᠶᠠ ᠯᠤᠽᠦ᠋ᠡᠭ ᠮᠠᠶ᠋ᠢᠬ ᠤᠨ ᠪᠤᠶᠤ ᠤᠷᠢᠯᠠᠵᠤ ᠬᠠᠰᠬᠢᠷᠠᠬᠤ | ᠬᠡᠬᠦ ᠮᠡᠳᠦ ᠶᠢᠨ ᠲᠤᠬᠠᠢ ᠶᠢᠨ ᠤᠨᠴᠠᠭᠠᠢ ᠴᠠᠬ ᠦᠶᠠ ᠶᠢᠨ ᠨᠦᠯᠦᠬᠡ ᠶᠢ ᠲᠡᠮᠡᠢ ᠬᠦᠷᠳᠡᠭᠰᠡᠨ ᠦᠬᠡᠢ ᠶᠤᠮ᠃ | ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠶᠠᠯᠭᠤ ᠵᠤᠬᠢᠶᠠᠬᠴᠢᠳ ᠨᠢ ᠵᠠᠯᠠᠭᠤᠴᠤᠳ ᠢᠶᠠᠷ | ᠭᠤᠤᠯᠯᠠᠵᠦ ᠪᠠᠶᠢᠬᠰᠠᠨ ᠠᠳᠠᠯᠠ ᠪᠠᠨ ᠦᠵᠡᠯ ᠰᠠᠨᠠᠭᠠ ᠪᠤᠯᠤᠨ ᠤᠷᠠᠯᠢᠬ ᠤᠨ ᠲᠠᠯᠠ ᠪᠠᠷ ᠬᠡᠷᠬᠢᠨ | ᠢᠡᠭᠬᠢᠵᠤ ᠪᠤᠯᠪᠠᠰᠤᠷᠠᠩᠭᠤᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠤ ᠲᠡᠶᠢᠯᠦᠭᠰᠡᠨ ᠪᠤᠢ︖ ᠬᠡᠳᠡᠭ ᠤᠨ ᠦᠨᠳᠤᠰᠤ | ᠰᠢᠯᠳᠠᠭᠠᠨ ᠨᠢ ᠬᠠᠰᠢᠯᠠ ᠡᠳᠡᠬᠡᠷ ᠵᠠᠯᠠᠭᠤ ᠠᠶᠠᠯᠭᠤ ᠵᠤᠬᠢᠶᠠᠯᠴᠢ ᠨᠠᠷ ᠤᠯᠠᠨ ᠲᠦᠮᠡᠨ ᠤ | ᠲᠤᠮᠳᠠ ᠬᠦᠨᠵᠡᠬᠡᠶᠢᠷᠡᠨ᠂ ᠠᠮᠢᠳᠤᠷᠠᠯ ᠲᠠᠢ ᠤᠢᠢᠷᠠᠳᠤᠵᠤ᠂ ᠦᠷᠬᠡᠨ ᠤᠯᠠᠨ ᠲᠦᠮᠡᠨ ᠤ ᠪᠠᠶᠠᠷ ᠪᠠᠶᠠᠰᠤᠯ | ᠭᠤᠨᠢᠬ ᠵᠤᠪᠠᠨᠢᠯ ᠢ ᠤᠢᠢᠯᠠᠭᠠᠵᠤ᠂ ᠲᠡᠳᠡᠨ ᠤ ᠬᠦᠰᠡᠯ ᠪᠤᠳᠤᠯ ᠢ ᠢᠯᠡᠷᠡᠬᠦᠯᠦᠭᠰᠡᠨ ᠳᠡᠭᠡᠨ ᠪᠠᠶᠢᠭᠠ ᠶᠤᠮ᠃ | ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠲᠡᠶᠢᠮᠦᠷᠬᠦᠤ ᠤᠷᠢᠶᠠ ᠯᠤᠽᠦ᠋ᠡᠭ ᠮᠠᠶ᠋ᠢᠬ ᠤᠨ ᠤᠷᠢᠯᠠᠵᠤ ᠬᠠᠰᠬᠢᠷᠬᠤ ᠬᠡᠯᠪᠡᠷᠢ ᠶᠢᠨ | ᠲᠠᠭᠤᠤ ᠳᠤ ᠲᠤᠷᠠ ᠦᠬᠡᠢ ᠭᠡᠳᠡᠭ ᠢ ᠲᠡᠳᠡᠨᠤᠰ ᠮᠡᠳᠡᠵᠦ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠭᠤᠸᠠ | ᠲᠠᠭᠠᠰᠢᠶᠠᠯ ᠤᠨ ᠤᠢᠢᠯᠠᠭᠠᠬᠳᠠᠬᠤᠨ ᠠᠴᠠ ᠡᠬᠦᠰᠴᠤ᠂ ᠴᠠᠬ ᠦᠶᠠ ᠶᠢᠨ ᠰᠢᠯᠭᠠᠯᠳᠠ ᠶᠢ | ᠲᠠᠭᠠᠭᠠᠵᠤ ᠴᠢᠳᠠᠬᠰᠠᠨ ᠰᠠᠶᠢᠨ ᠪᠦᠲᠦᠬᠡᠯ ᠢ ᠵᠤᠬᠢᠶᠠᠨ ᠪᠦᠲᠦᠬᠡᠭᠰᠡᠨ ᠳᠤ ᠪᠠᠶᠢᠭᠠ ᠶᠤᠮ᠃
| ︵ᠭᠤᠷᠪᠠ︶ ᠲᠠᠯᠠ ᠨᠤᠳᠤᠭ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠴᠠᠬ ᠬᠤᠭᠤᠴᠠᠭᠠ — ᠲᠡᠬᠡᠷᠠ ᠵᠠᠭᠤᠨ ᠤ ᠶᠡᠷᠡᠬᠡᠳ ᠤᠨ ᠤ | ᠲᠤᠮᠳᠠᠴᠢ ᠬᠤᠭᠤᠴᠠᠭᠠ ᠠᠴᠠ ᠨᠠᠭᠠᠰᠢ᠂ ᠲᠠᠭᠤᠤ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠨ ᠪᠦᠲᠦᠬᠡᠯᠬᠡ ᠳᠤ ᠤᠯᠠᠨ ᠡᠰᠢᠴᠢᠯᠡᠭᠰᠡᠨ᠂ | ᠦᠪᠡᠷᠮᠢᠴᠡ ᠤᠨᠴᠠᠯᠢᠬ ᠲᠠᠢ ᠪᠠᠶᠢᠳᠠᠯ ᠢᠯᠡᠷᠡᠪᠡ᠃ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠯᠴᠢ᠂ ᠲᠠᠭᠤᠤ ᠶᠢᠨ ᠦᠬᠡ | ᠵᠤᠬᠢᠶᠠᠬᠴᠢ ᠪᠤᠯᠤᠨ ᠲᠠᠭᠤᠴᠢᠨ ᠨᠢ ᠴᠢᠯᠦᠬᠡᠳᠡᠢ ᠪᠠᠷ ᠬᠠᠮᠳᠤᠷᠠᠨ᠂ ᠰᠢᠯᠢᠳᠡᠭ ᠲᠠᠭᠤᠤ ᠵᠤᠬᠢᠶᠠᠨ | ᠪᠦᠳᠦᠬᠡᠬᠦ ᠨᠢ ᠢᠳᠡᠭ ᠢᠳᠡᠭ ᠢᠶᠠᠷ ᠨᠢᠬᠡ ᠵᠦᠢᠯ ᠤᠨ ᠬᠡᠪᠰᠢᠯ ᠪᠤᠯᠵᠤ ᠪᠦᠷᠢᠯᠳᠦᠪᠠ᠃ ᠲᠠᠯᠠ | ᠨᠤᠳᠤᠭ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠳᠠᠢ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠯᠴᠢ ᠳᠤ ᠤᠯᠠᠭᠠᠨᠲᠤᠬ᠂ ᠰ᠊ · ᠡᠩᠭᠡᠪᠠᠶᠠᠷ᠂ | ᠰᠡᠴᠡᠨᠴᠤᠬᠳᠤ᠂ ᠷᠢᠸᠠᠳᠢ᠂ ᠲᠠᠭᠤᠤ ᠶᠢᠨ ᠦᠬᠡ ᠵᠤᠬᠢᠶᠠᠬᠴᠢ ᠺᠧ ᠮᠢᠩ ᠨᠠᠷ ᠪᠠᠶᠢᠨᠠ᠃ ᠲᠦᠯᠦᠬᠡᠯᠡᠭᠦ ᠴᠢᠨᠠᠷᠳᠠᠢ ᠪᠦᠲᠦᠬᠡᠯ ᠨᠢ᠂ | ︽ᠬᠦᠯᠦᠨ ᠪᠤᠶᠢᠷ ᠤᠨ ᠲᠠᠯᠠ ᠨᠤᠳᠤᠭ︾᠂ ︽ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ︾᠂ ︽ᠬᠡᠷ ᠲᠡᠭᠡᠨ ᠬᠠᠷᠢᠶᠠ︾᠂ ︽ᠠᠪᠤ | ᠡᠵᠢ ᠶᠢᠨ ᠨᠤᠳᠤᠬ ᠤᠰᠤᠨ︾᠂ ︽ᠬᠠᠨ ᠲᠡᠭᠷᠢ ᠠᠯᠠᠱᠠ︾᠂ ︽ᠪᠢ ᠲᠠᠯᠠ ᠨᠤᠳᠤᠭ ᠲᠠᠢ ᠪᠠᠨ | ᠪᠤᠯᠵᠤᠭᠠ ᠲᠠᠢ︾᠂ ︽ᠬᠦᠬᠡ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ︾᠂ ︽ᠴᠢᠨᠳᠠᠭᠠᠨ ᠴᠠᠭᠠᠨ | ᠦᠷᠦᠬᠡ︾ ᠵᠡᠷᠭᠡ ᠪᠤᠢ᠃ ᠴᠠᠬ ᠤᠨ ᠲᠠᠯᠠ ᠠᠴᠠ ᠠᠪᠴᠤ ᠦᠵᠡᠪᠡᠯ ᠲᠤᠰ ᠱᠠᠳᠤ ᠨᠢ ᠨᠢᠬᠡᠨᠳᠡ 20 ᠭᠠᠷᠤᠢ ᠵᠢᠯ | ᠦᠷᠬᠦᠯᠵᠢᠯᠡᠵᠤ ᠤᠳᠤ ᠪᠠᠰᠠ ᠬᠦᠭᠵᠢᠭᠰᠡᠬᠡᠷ ᠪᠠᠶᠢᠨᠠ᠃
ᠠᠳᠡ ᠲᠤᠳᠤᠷᠬᠠᠢᠢᠯᠠᠬᠤ | ᠴᠢᠬᠤᠯᠠ ᠲᠠᠢ ᠵᠦᠢᠯ ᠬᠡᠪᠡᠯ᠂ ︽ᠤᠯᠠᠨ ᠲᠦᠮᠡᠨ ᠤ ᠲᠠᠭᠤᠤ᠂ ᠺᠢᠨᠣ᠋ ᠶᠢᠨ ᠲᠠᠭᠤᠤ — | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠠᠭᠤᠤ — ᠲᠠᠯᠠ ᠨᠤᠳᠤᠭ ᠤᠨ ᠲᠠᠭᠤᠤ︾ ᠬᠡᠵᠤ ᠲᠦᠷᠦᠯ | ᠠᠩᠬᠢᠯᠠᠬᠰᠠᠨ ᠨᠢ ᠬᠠᠷᠢᠴᠠᠩᠭᠤᠢ ᠪᠠᠶᠢᠳᠠᠬ᠃ ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠭᠤᠤ | ᠬᠦᠭᠵᠢᠮ ᠤᠨ ᠵᠤᠬᠢᠶᠠᠨ ᠪᠦᠲᠦᠬᠡᠯᠬᠡ ᠶᠢᠨ ᠪᠦᠬᠦ ᠪᠠᠶᠢᠳᠠᠯ ᠢ ᠬᠤᠷᠢᠶᠠᠩᠭᠤᠢᠢᠯᠠᠬᠰᠠᠨ ᠪᠢᠰᠢ᠃ | ᠵᠢᠱᠢᠶᠠᠯᠠᠪᠠᠯ ᠶᠦᠡᠭᠷᠦᠪ᠂ ᠠᠯᠳ᠋ᠬᠠᠠᠭᠤᠯᠠ᠂ ᠬᠦᠭᠵᠢᠬᠦ ᠨᠠᠷ ᠤᠨ ᠤᠶᠠᠩᠭᠠ ᠶᠢᠨ ᠲᠠᠭᠤᠤ | ᠵᠢᠴᠢ ᠰ᠊ · ᠡᠩᠭᠡᠪᠡᠶᠠᠷ ᠤᠨ ᠬᠦᠭᠵᠢᠮ ᠤᠨ ᠬᠠᠪᠰᠤᠷᠤᠯ ᠦᠬᠡᠢ ᠨᠠᠶᠢᠷᠠᠯ ᠲᠠᠭᠤᠤ ᠵᠡᠷᠭᠡ ᠨᠢ ᠪᠦᠷ | ᠰᠤᠩᠭᠤᠳᠠᠬ ᠪᠦᠲᠦᠬᠡᠯ ᠪᠤᠯᠬᠤ ᠶᠤᠮ᠃ ᠠᠳᠡ ᠶᠠᠷᠢᠵᠤ ᠪᠠᠶᠢᠭᠠ ᠪᠤᠯ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠠᠭᠤᠤ ᠶᠢᠨ | ᠵᠤᠬᠢᠶᠠᠨ ᠪᠦᠲᠦᠬᠡᠯᠬᠡ ᠪᠤᠯᠬᠤᠷ ᠠᠳᠡ ᠵᠢᠬᠰᠠᠭᠠᠨ ᠤᠷᠤᠭᠤᠯᠤᠬᠰᠠᠨ ᠦᠬᠡᠢ ᠶᠢ ᠲᠤᠳᠤᠷᠬᠠᠢᠢᠯᠠᠶᠠ᠃
| ︵ᠤᠯᠠᠯᠵᠢ᠄ 1938 ᠤᠨ —᠂ ᠤᠭ ᠨᠠᠷᠠ ᠨᠢ ᠵᠡᠮᠰᠦ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠂ ᠬᠢᠷᠢᠨ | ᠮᠤᠵᠢ ᠶᠢᠨ ᠬᠦᠮᠦᠨ᠃ ᠲᠦᠪ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠳᠤᠯᠤᠬᠴᠢ᠂ | ᠲᠤᠮᠳᠠᠳᠦ ᠤᠯᠤᠰ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠤᠨᠴᠠ ᠤᠷᠢᠬᠰᠠᠨ | ᠳ᠋ᠤᠺᠲ᠋ᠤᠷᠠᠨᠲ ᠤᠨ ᠵᠢᠯᠤᠭᠤᠳᠤᠭᠴᠢ ᠪᠠᠭᠰᠢ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠠᠯᠢᠭ ᠤᠨ | ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠤᠨᠴᠠ ᠤᠷᠢᠬᠰᠠᠨ ᠫᠷᠤᠹᠧᠰᠰᠤᠷ︶ |