| ᠡᠷᠡᠭᠳᠠᠶᠢᠴᠤᠳ ᠤᠨ ᠳᠡᠪᠡᠯ ᠲᠡᠷᠯᠢᠭ ᠨᠢ ᠶᠡᠷᠦ ᠨᠢ ᠣᠷᠴᠢᠨ ᠲᠣᠭᠤᠷᠢᠨ ᠪᠠ ᠠᠵᠢᠯ ᠲᠦᠷᠦᠯ ᠳᠤᠨᠢ | ᠵᠣᠬᠢᠴᠠᠭᠤᠯᠵᠦ᠂ ᠢᠯᠠᠩᠭᠤᠶᠠ ᠡᠷᠡ ᠬᠦᠮᠦᠨ ᠤ ᠬᠡᠪ ᠨᠠᠮᠪᠠ᠂ ᠬᠦᠳᠡᠯᠦᠯ ᠪᠠᠶᠢᠳᠠᠯ ᠳᠤ ᠵᠣᠬᠢᠴᠠᠭᠤᠯᠵᠦ ᠡᠯᠪᠡᠭ | ᠠᠭᠤᠵᠢᠮ ᠬᠢᠳᠡᠭ᠃ ᠡᠨᠡ ᠲᠣᠬᠠᠢ᠄ 《 ᠤᠷᠭᠠ ᠶᠢᠨ ᠤᠷᠳᠤ ᠶᠢ ᠪᠠᠷᠢᠨᠠ ᠭᠡᠵᠦ \ ᠠᠭᠤᠵᠢᠮ ᠰᠤᠭᠤ ᠲᠠᠯᠪᠢᠯᠠ \ | ᠠᠭᠤᠯᠠᠨ ᠤ ᠵᠢᠪᠡᠷ ᠤᠨᠠᠨᠠ ᠭᠡᠵᠦ ᠤᠨᠠᠭᠠᠨ ᠲᠤᠭᠤᠷᠠᠢ ᠨᠢᠳᠤᠷᠭᠠ ᠲᠠᠯᠪᠢᠯᠠ \ ᠡᠷᠭᠢᠴᠡᠭᠡ ᠮᠣᠷᠢᠨ ᠤ ᠡᠷᠭᠢᠭᠡ ᠶᠢ | ᠪᠣᠳᠤᠵᠦ \ ᠡᠯᠪᠡᠭ ᠰᠠᠶᠢᠬᠠᠨ ᠲᠠᠰᠢᠶᠠ ᠲᠠᠯᠪᠢᠯᠠ 》 ᠭᠡᠰᠡᠨ ᠰᠢᠯᠦᠭ ᠪᠠᠶᠢᠳᠠᠭ᠃ ᠡᠷᠡᠭᠳᠠᠶᠢᠴᠤᠳ ᠤᠨ ᠳᠡᠪᠡᠯ | ᠲᠡᠷᠯᠢᠭ ᠨᠢ ᠮᠦᠨ ᠲᠡᠳᠡ ᠨᠠᠷ ᠤᠨ ᠮᠠᠯᠠᠭᠠᠢ ᠠᠯᠴᠢᠭᠤᠷ ᠲᠠᠢ ᠠᠳᠠᠯᠢ ᠪᠠᠷ ᠡᠷᠡ ᠬᠦᠮᠦᠨ ᠤ ᠡᠷᠡᠯᠬᠡᠭ ᠪᠠᠭᠠᠳᠤᠷ | ᠣᠮᠤᠭ ᠵᠣᠷᠢᠭ᠂ ᠡᠯᠢᠭᠡᠰᠡᠭ ᠵᠣᠴᠢᠨᠰᠠᠭ ᠵᠠᠩ ᠴᠢᠨᠠᠷ᠂ ᠠᠭᠤᠳᠠᠮ ᠲᠡᠨᠢᠭᠦᠨ ᠰᠠᠨᠠᠭᠠ ᠰᠡᠳᠭᠢᠯ᠂ ᠤᠷᠠᠨ ᠰᠠᠮᠪᠠᠭᠠ | ᠪᠦᠬᠦᠢ ᠤᠬᠠᠭᠠᠨ ᠪᠣᠳᠤᠯᠭᠠ ᠶᠢ ᠲᠣᠳᠤᠷᠬᠠᠢ ᠬᠠᠷᠠᠭᠤᠯᠵᠦ ᠪᠠᠶᠢᠳᠠᠭ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ 《 ᠬᠦᠮᠦᠨ ᠳᠤ | ᠲᠦᠷᠦᠭᠦᠦ ᠲᠠᠢ᠂ ᠬᠤᠪᠴᠠᠰᠤᠨ ᠳᠤ ᠵᠠᠭᠠᠮᠠ ᠲᠠᠢ 》 ᠭᠡᠳᠡᠭᠴᠢᠯᠡᠨ ᠳᠡᠪᠡᠯ ᠲᠡᠷᠯᠢᠭ ᠤᠨ ᠵᠠᠭᠠᠮᠠ ︵ᠵᠠᠬᠠ︶ ᠶᠢ | ᠮᠦᠨ ᠬᠦᠮᠦᠨ ᠤ ᠬᠡᠶᠢᠮᠤᠷᠢ᠂ ᠰᠦᠷ ᠰᠦᠯᠳᠡ ᠲᠠᠢ ᠬᠤᠯᠪᠤᠨ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠳᠡᠪᠡᠯ ᠴᠠᠮᠴᠠ | ᠬᠠᠨᠵᠢᠶᠠᠷ ᠬᠠᠨᠳᠠᠭᠠᠵᠠ ᠶᠢᠨ ᠵᠠᠭᠠᠮᠠ ᠶᠢ ᠳᠣᠷᠤᠭᠰᠢ ᠬᠠᠨᠳᠤᠭᠤᠯᠬᠤ ᠦᠭᠡᠢ᠂ ᠵᠠᠭᠠᠮᠠ ᠳᠡᠭᠡᠷᠡ ᠭᠢᠰᠬᠢᠬᠦ ᠦᠭᠡᠢ᠂ | ᠵᠠᠭᠠᠮᠠ ᠦᠭᠡᠢ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠳᠡᠭ ᠦᠭᠡᠢ ᠪᠦᠭᠡᠳ ᠬᠠᠭᠤᠴᠢᠷᠠᠭᠰᠠᠨ ᠨᠡᠪᠳᠡᠷᠬᠠᠢ ᠳᠡᠪᠡᠯ ᠲᠡᠷᠯᠢᠭ ᠤᠨ | ᠵᠠᠭᠠᠮᠠ ᠶᠢ ᠳᠤᠷᠠ ᠪᠠᠷ ᠬᠠᠶᠠᠬᠤ ᠦᠭᠡᠢ ᠤᠳᠠᠷᠴᠦ ᠠᠪᠤᠭᠠᠳ ᠭᠠᠯ ᠳᠤ ᠲᠦᠯᠡᠳᠡᠭ᠃ ᠢᠯᠠᠩᠭᠤᠶᠠ ᠦᠷᠦᠭᠡᠯ | ᠪᠣᠰᠤᠳ ᠢ ᠵᠠᠭᠠᠮᠠᠳᠠᠬᠤ ᠶᠢ ᠣᠨᠴᠠ ᠴᠡᠭᠡᠷᠯᠡᠳᠡᠭ᠃ ᠡᠩᠭᠡᠷ ᠵᠠᠭᠠᠮᠠ ᠪᠠᠨ ᠰᠤᠯᠠ ᠵᠠᠳᠠᠭᠠᠢ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠰᠤᠯᠠ ᠵᠠᠳᠠᠭᠠᠢ ᠪᠠᠶᠢᠯᠭᠠᠬᠤ ᠨᠢ ᠪᠡᠯᠪᠡᠰᠦᠷᠡᠭᠰᠡᠨ ᠤ ᠰᠢᠨᠵᠢ ᠭᠡᠳᠡᠭ᠃ ᠡᠨᠡ ᠨᠢ ᠲᠡᠭᠦᠨ ᠢ ᠲᠦᠢᠯ ᠢᠶᠠᠷ | ᠳᠣᠷᠤᠮᠵᠢᠯᠠᠭᠰᠠᠨ ᠶᠠᠪᠤᠳᠠᠯ ᠭᠡᠵᠦ ᠦᠵᠡᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠲᠤ ᠳᠣᠷᠤᠭᠤ ᠲᠠᠢ ᠪᠠ ᠳᠣᠷᠤᠭᠤ ᠦᠭᠡᠢ ᠳᠡᠪᠡᠯ | ᠲᠡᠷᠯᠢᠭ ᠭᠡᠵᠦ ᠭᠡᠵᠦ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠳᠤᠷᠤᠭᠤ ᠬᠦᠢᠳᠡᠨ ᠤᠯᠠᠷᠢᠯ ᠳᠤ ᠭᠠᠷ | ᠳᠤᠯᠠᠭᠠᠯᠠᠬᠤ ᠪᠣᠶᠤ ᠶᠠᠭᠤᠮᠠ ᠶᠢ ᠵᠢᠬᠢᠷᠢᠭᠯᠡᠵᠦ ᠪᠠᠷᠢᠬᠤ ᠳᠤ ᠲᠤᠰᠠᠳᠠᠢ᠃ ᠪᠠᠶᠠᠷ ᠶᠣᠰᠤᠯᠠᠯ ᠤᠨ ᠲᠠᠯᠠᠪᠤᠷ ᠲᠤ ᠵᠠᠪᠠᠯ | ᠳᠤᠷᠤᠭᠤ ᠲᠠᠢ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠳᠡᠭ᠃ ᠳᠣᠷᠤᠭᠤ ᠦᠭᠡᠢ ᠳᠡᠪᠡᠯ ᠲᠡᠷᠯᠢᠭ ᠢ ᠭᠡᠷ ᠵᠠᠭᠤᠷᠠ ᠪᠠᠨ ᠡᠮᠦᠰᠳᠡᠭ᠃ | ᠳᠡᠪᠡᠯ ᠲᠡᠷᠯᠢᠭ ᠤᠨ ᠳᠣᠷᠤᠭᠤ ᠳᠡᠭᠡᠷᠡ ᠦᠶᠡ ᠳᠤ ᠵᠢᠵᠢᠭ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ ᠣᠯᠠᠮ | ᠲᠣᠮᠤ ᠬᠠᠯᠪᠠᠭᠠᠷ ᠪᠣᠯᠪᠠ᠃ ᠡᠶᠢᠮᠦ ᠠᠴᠠ ᠡᠩ ᠤᠨ ᠶᠠᠷᠢᠶᠠᠨ ᠳᠤ 《 ᠬᠠᠨᠴᠤᠢ ᠪᠠᠨ ᠳᠠᠭᠠᠭᠠᠪᠠᠯ ᠨᠢᠳᠤᠷᠭᠠ ᠪᠠᠨ | ᠶᠡᠭᠡ ᠬᠢ᠂ ᠲᠣᠭᠤᠨᠤ ᠪᠠᠨ ᠳᠠᠭᠠᠭᠠᠪᠠᠯ ᠡᠷᠦᠬᠡ ᠪᠠᠨ ᠶᠡᠭᠡ ᠬᠢ 》 ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ | ᠳᠣᠷᠤᠭᠤ ᠶᠢᠨ ᠳᠡᠭᠡᠷᠡ ᠬᠡᠰᠡᠭ ᠢ ᠣᠮᠤᠭ ᠭᠡᠳᠡᠭ᠃ ᠲᠡᠭᠦᠨ ᠢ ᠪᠠᠰᠠ ᠡᠷᠡ ᠬᠦᠮᠦᠨ ᠤ ᠰᠦᠷ ᠰᠦᠯᠳᠡ᠂ ᠬᠡᠶᠢᠮᠤᠷᠢ | ᠲᠠᠢ ᠬᠤᠯᠪᠤᠭᠳᠠᠭᠤᠯᠤᠨ ᠦᠵᠡᠳᠡᠭ᠃ ᠳᠣᠷᠤᠭᠤ ᠶᠢ ᠲᠡᠷᠡ ᠲᠠᠢ ᠲᠡᠷᠡ ᠦᠭᠡᠢ ᠪᠠᠭᠤᠯᠭᠠᠵᠦ ᠪᠣᠯᠬᠤ ᠦᠭᠡᠢ᠃ | ᠭᠠᠰᠢᠭᠤ ᠪᠡᠯᠪᠡᠰᠦᠷᠡᠯ ᠪᠣᠯᠪᠠᠯ ᠰᠠᠶ᠋ᠢ ᠪᠠᠭᠤᠯᠭᠠᠳᠠᠭ᠃ ᠨᠠᠰᠦ ᠨᠦᠭᠴᠢᠭᠰᠡᠳ ᠤᠨ ᠭᠡᠷ ᠲᠤ ᠣᠷᠤᠬᠤ ᠳᠤ ᠲᠦᠰᠢᠭᠯᠡᠬᠦ | ᠲᠦᠰᠢᠭ ᠦᠭᠡᠢ ᠪᠣᠯᠪᠠ ᠭᠡᠵᠦ ᠳᠣᠷᠤᠭᠤ ᠪᠠᠨ ᠪᠠᠭᠤᠯᠭᠠᠵᠦ ᠣᠷᠤᠳᠠᠭ᠃ ᠡᠩ ᠤᠨ ᠶᠠᠷᠢᠶᠠᠨ ᠳᠤ 《 ᠲᠦᠷᠦᠭᠦᠦ | ᠨᠢ ᠬᠠᠮᠢᠭᠠᠰᠢ ᠪᠠᠨ ᠪᠤᠯ ᠳᠣᠷᠤᠭᠤ ᠨᠢ ᠲᠡᠰᠢ ᠪᠠᠨ 》 ᠭᠡᠳᠡᠭ ᠵᠦᠢᠷ ᠦᠭᠡ ᠪᠠᠶᠢᠳᠠᠭ᠃ ᠬᠦᠳᠡᠭᠡ ᠭᠠᠳᠠᠭᠠ | ᠬᠦᠢᠳᠡᠨ ᠳᠤ ᠳᠣᠷᠤᠭᠤ ᠪᠠᠨ ᠪᠠᠭᠤᠯᠭᠠᠵᠦ ᠶᠠᠪᠤᠵᠦ ᠪᠠᠶᠢᠭᠰᠠᠨ ᠪᠣᠯ ᠠᠶᠢᠯ ᠳᠤ ᠣᠷᠤᠬᠤ ᠦᠶᠡᠰ ᠳᠣᠷᠤᠭᠤ ᠪᠠᠨ | ᠵᠠᠪᠠᠯ ᠰᠡᠭᠦᠵᠦ ᠣᠷᠤᠳᠠᠭ᠃ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ᠂ ᠮᠢᠬᠠ ᠰᠢᠭᠦᠰᠦ ᠶᠢ ᠠᠮᠰᠠᠵᠦ ᠢᠳᠡᠬᠦ ᠦᠶᠡ ᠳᠤ | ᠳᠣᠷᠤᠭᠤ ᠪᠠᠨ ᠳᠣᠳᠤᠭᠰᠢ ᠨᠤᠭᠤᠯᠳᠠᠭ᠃ | ᠳᠡᠪᠡᠯ ᠲᠡᠷᠯᠢᠭ ᠢ ᠡᠮᠦᠰᠴᠦ ᠲᠠᠶᠢᠯᠠᠬᠤ ᠳᠤ ᠪᠠᠰᠠ ᠵᠣᠬᠢᠬᠤ ᠶᠣᠰᠤ ᠭᠤᠷᠢᠮ ᠲᠠᠢ ᠪᠠᠶᠢᠳᠠᠭ᠃ ᠳᠡᠪᠡᠯ | ᠲᠡᠷᠯᠢᠭ ᠢ ᠡᠮᠦᠰᠬᠦ ᠠᠴᠠ ᠡᠮᠦᠨᠡ ᠡᠩᠭᠡᠷ ᠢ ᠨᠢ ᠪᠡᠶᠡ ᠵᠦᠭ ᠢᠶᠠᠨ ᠬᠠᠨᠳᠤᠭᠤᠯᠵᠦ ᠬᠤᠶᠠᠷ ᠮᠦᠷᠦᠨ ᠠᠴᠠ ᠨᠢ | ᠪᠠᠷᠢᠵᠦ ᠬᠦᠩᠭᠡᠬᠡᠨ ᠰᠡᠭᠰᠦᠷᠡᠭᠡᠳ ᠨᠦᠮᠦᠷᠦᠭᠰᠡᠨ ᠤ ᠳᠠᠷᠠᠭᠠ᠂ ᠤᠷᠢᠳᠠ ᠪᠠᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠬᠠᠨᠴᠤᠶᠢᠯᠠᠵᠦ᠂ | ᠳᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠡᠩᠭᠡᠷ ᠢ ᠨᠢ ᠪᠠᠷᠢᠵᠦ ᠵᠡᠭᠦᠨ ᠭᠠᠷ ᠢᠶᠠᠨ ᠬᠠᠨᠴᠤᠶᠢᠯᠠᠳᠠᠭ᠃ ᠳᠡᠪᠡᠯ | ᠲᠡᠷᠯᠢᠭ ᠢ ᠲᠣᠪᠴᠢᠯᠠᠬᠤ ᠳᠤ ᠤᠷᠢᠳᠠᠪᠠᠷ ᠵᠡᠭᠦᠨ ᠭᠠᠷ ᠤᠨ ᠳᠤᠮᠳᠠ᠂ ᠳᠣᠯᠤᠪᠤᠷᠢ᠂ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠷ | ᠡᠩᠭᠡᠷ ᠤᠨ ᠲᠣᠪᠴᠢ ᠶᠢ ᠲᠣᠪᠴᠢᠯᠠᠵᠦ᠂ ᠳᠠᠷᠠᠭᠠ ᠨᠢ ᠰᠤᠭᠤ᠂ ᠲᠠᠰᠢᠶᠠ ᠶᠢᠨ ᠲᠣᠪᠴᠢ ᠶᠢ᠂ ᠬᠠᠮᠤᠭ ᠰᠡᠭᠦᠯ ᠳᠤᠨᠢ | ᠬᠤᠭᠤᠯᠠᠪᠴᠢ ᠶᠢᠨ ᠲᠣᠪᠴᠢ ᠶᠢ ᠲᠣᠪᠴᠢᠯᠠᠳᠠᠭ᠃ ᠵᠠᠷᠢᠮ ᠨᠤᠳᠤᠭ ᠳᠤ ᠵᠡᠭᠦᠨ ᠭᠠᠷ ᠢᠶᠠᠨ ᠬᠠᠨᠴᠤᠶᠢᠯᠠᠬᠤ ᠠᠴᠠ | ᠡᠮᠦᠨᠡ ᠲᠠᠰᠢᠶᠠ᠂ ᠰᠤᠭᠤ ᠶᠢᠨ ᠲᠤᠪᠴᠢ ᠶᠢ ᠲᠣᠪᠴᠢᠯᠠᠬᠤ ᠴᠦ ᠪᠠᠶᠢᠳᠠᠭ᠃ ᠡᠮᠦᠰᠦᠭᠰᠡᠨ ᠳᠡᠪᠡᠯ ᠲᠡᠷᠯᠢᠭ ᠢ | ᠲᠠᠶᠢᠯᠠᠬᠤ ᠦᠶᠡ ᠳᠤ ᠤᠷᠢᠳᠠ ᠪᠠᠷ ᠪᠦᠰᠡ ᠪᠠᠨ ᠨᠠᠷᠠ ᠪᠣᠷᠤᠭᠤ ᠡᠷᠭᠢᠭᠦᠯᠦᠨ ᠲᠠᠶᠢᠯᠠᠵᠦ᠂ ᠳᠠᠷᠠᠭᠠ ᠨᠢ ᠳᠡᠪᠡᠯ | ᠲᠡᠷᠯᠢᠭ ᠤᠨ ᠵᠠᠭᠠᠮᠠ᠂ ᠡᠩᠭᠡᠷ᠂ ᠰᠤᠭᠤ᠂ ᠲᠠᠰᠢᠶᠠᠨ ᠤ ᠲᠣᠪᠴᠢ ᠶᠢ ᠳᠠᠷᠠᠭᠠᠯᠠᠨ ᠠᠯᠳᠠᠷᠭᠠᠵᠦ᠂ ᠤᠷᠢᠳᠠ ᠪᠠᠷ | ᠵᠡᠭᠦᠨ ᠬᠠᠨᠴᠤᠢ ᠪᠠᠨ ᠲᠠᠶᠢᠯᠵᠦ᠂ ᠳᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠬᠠᠨᠴᠤᠢ ᠪᠠᠨ ᠲᠠᠶᠢᠯᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ | ᠲᠠᠶᠢᠯᠤᠭᠰᠠᠨ ᠤ ᠳᠠᠷᠠᠭᠠ ᠵᠦᠪ ᠡᠪᠬᠡᠵᠦ ᠵᠠᠭᠠᠮᠠ ᠶᠢ ᠨᠢ ᠬᠤᠶᠢᠰᠢ ᠬᠠᠷᠠᠭᠤᠯᠤᠨ ᠲᠠᠯᠪᠢᠳᠠᠭ᠃ ᠰᠢᠨᠡ ᠳᠡᠪᠡᠯ | ᠲᠡᠷᠯᠢᠭ ᠢ ᠰᠡᠭᠰᠦᠷᠴᠦ ᠡᠮᠦᠰᠳᠡᠭ ᠦᠭᠡᠢ᠂ ᠠᠩᠬᠠ ᠡᠮᠦᠰᠬᠦ ᠳᠡᠭᠡᠨ ᠪᠡᠯᠬᠡ ᠳᠡᠮᠪᠡᠷᠢᠯ ᠲᠠᠢ ᠡᠳᠦᠷ ᠭᠡᠭᠳᠡᠳᠡᠭ ᠫᠦᠷᠪᠦ᠂ | ᠪᠠᠰᠠᠩ ᠭᠠᠷᠠᠭ ᠢ ᠰᠤᠩᠭᠤᠵᠦ ᠡᠮᠦᠰᠳᠡᠭ᠃ ᠵᠠᠷᠢᠮ ᠬᠤᠰᠢᠭᠤ ᠨᠤᠳᠤᠭ ᠲᠤ ᠰᠢᠨᠡ ᠳᠡᠪᠡᠯ ᠲᠡᠷᠯᠢᠭ ᠢ ᠡᠵᠡᠨ ᠨᠢ | ᠤᠷᠢᠳᠠ ᠪᠠᠷ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠵᠠᠪᠠᠯ ᠡᠮᠦᠰᠬᠦ ᠴᠢᠬᠤᠯᠠ ᠲᠠᠢ ᠪᠣᠯ 《 ᠡᠨᠡ ᠮᠢᠨᠦᠬᠢ ᠪᠢᠰᠢ 》 ᠭᠡᠵᠦ | ᠰᠢᠪᠡᠨᠡᠭᠰᠡᠨ ᠤ ᠳᠠᠷᠠᠭᠠ ᠡᠮᠦᠰᠳᠡᠭ᠃ ᠤᠴᠢᠷ ᠨᠢ ᠬᠦᠮᠦᠨ ᠤ ᠨᠠᠰᠦᠨ ᠲᠣᠷᠰᠢ ᠡᠮᠦᠰᠬᠦ ᠬᠤᠪᠴᠠᠰᠦ ᠲᠣᠭᠳᠠᠭᠰᠠᠨ | ᠲᠤᠭᠠ ᠲᠠᠢ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠳᠤᠳᠠᠭᠤ ᠨᠢᠭᠡ ᠵᠠᠬᠠ ᠬᠤᠪᠴᠠᠰᠦ ᠡᠮᠦᠰᠬᠦ ᠶᠢ ᠬᠡᠴᠢᠶᠡᠵᠦ ᠢᠩᠭᠢᠵᠦ | ᠰᠢᠪᠡᠨᠡᠳᠡᠭ ᠭᠡᠳᠡᠭ᠃ ᠡᠷᠡᠭᠳᠠᠶᠢᠴᠤᠳ ᠨᠦᠮᠦᠭᠡᠨ ᠢᠶᠠᠷ ᠭᠡᠷ ᠠᠴᠠ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠵᠠᠪᠠᠯ ᠪᠦᠰᠡ | ᠪᠦᠰᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠭᠡᠷ ᠠᠴᠠ ᠭᠠᠷᠳᠠᠭ᠃ ᠯᠠᠮᠠ ᠬᠤᠸᠠᠷᠠᠭ ᠤᠨ ᠡᠮᠦᠰᠴᠦ ᠪᠠᠶᠢᠭᠰᠠᠨ ᠳᠡᠪᠡᠯ ᠲᠡᠷᠯᠢᠭ ᠢ | ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠲᠡᠳᠡᠨ ᠤ ᠳᠡᠪᠡᠯ ᠲᠡᠷᠯᠢᠭ ᠢ ᠡᠮᠦᠰᠪᠡᠯ ᠠᠯᠳᠠᠰᠢ ᠭᠠᠷᠤᠨᠠ᠂ ᠪᠣᠶᠠᠨ ᠨᠢ ᠳᠠᠭᠠᠭᠠᠬᠤ | ᠦᠭᠡᠢ ᠳᠣᠷᠤᠶᠢᠳᠠᠨᠠ ᠭᠡᠳᠡᠭ᠃ ᠰᠢᠷᠠ ᠦᠩᠭᠡ ᠶᠢᠨ ᠡᠳ᠋ ᠢᠶᠠᠷ ᠳᠡᠪᠡᠯ ᠲᠡᠷᠯᠢᠭ ᠭᠠᠳᠠᠷᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ | ᠰᠢᠷᠠ ᠦᠩᠭᠡ ᠪᠣᠯ ᠯᠠᠮᠠ ᠭᠡᠭᠡᠨᠴᠤᠤᠯ ᠤᠨ ᠡᠳ᠋ᠯᠡᠬᠦ ᠡᠷᠬᠢᠮ ᠦᠩᠭᠡ ᠪᠣᠯᠬᠤᠷ ᠡᠩ ᠤᠨ ᠬᠦᠮᠦᠨ ᠡᠳ᠋ᠯᠡᠪᠡᠯ ᠪᠣᠶᠠᠨ | ᠪᠠᠭᠤᠷᠠᠨᠠ ᠭᠡᠳᠡᠭ᠃ ᠮᠣᠩᠭᠤᠯᠴᠤᠳ ᠳᠡᠪᠡᠯ ᠲᠡᠷᠯᠢᠭ ᠢ ᠤᠬᠢᠶᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠢ | ᠤᠬᠢᠶᠠᠵᠦ ᠭᠠᠳᠠᠨᠠ ᠡᠯᠭᠦᠵᠦ ᠬᠠᠳᠠᠭᠠᠪᠠᠯ ᠲᠡᠩᠷᠢ ᠨᠢᠷᠭᠢᠨᠡ᠂ ᠬᠡᠰᠢᠭ ᠪᠣᠶᠠᠨ ᠢᠶᠠᠨ ᠤᠬᠢᠶᠠᠭᠠᠳ ᠪᠠᠷᠭᠠᠴᠢᠬᠠᠨᠠ | ᠭᠡᠳᠡᠭ᠃ ᠭᠡᠪᠡᠴᠦ ᠮᠣᠩᠭᠤᠯᠴᠤᠳ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠭᠠᠳᠠᠨᠠ ᠡᠯᠭᠦᠵᠦ ᠨᠠᠷᠠ ᠰᠠᠯᠬᠢᠨ ᠠᠪᠤᠭᠤᠯᠤᠨ ᠦᠰᠦ ᠶᠢ | ᠨᠢ ᠪᠣᠰᠬᠠᠬᠤ ᠶᠢ ᠶᠡᠭᠡ ᠡᠷᠬᠢᠮᠯᠡᠳᠡᠭ᠃ ᠡᠪᠦᠯ ᠤᠨ ᠭᠠᠯ ᠲᠠᠬᠢᠬᠤ ᠠᠴᠠ ᠡᠮᠦᠨᠡ ᠨᠢᠭᠡ ᠡᠳᠦᠷ ᠪᠣᠶᠤ ᠪᠢᠳᠡᠭᠦᠨ ᠤ | ᠡᠳᠦᠷ ᠳᠡᠪᠡᠯ ᠵᠤᠪᠴᠠᠭᠠ ᠪᠠᠨ ᠭᠠᠳᠠᠨᠠ ᠵᠠᠯᠠ ᠲᠠᠳᠠᠨ ᠦᠰᠦ ᠶᠢ ᠨᠢ ᠭᠠᠳᠠᠭᠰᠢ ᠪᠠᠨ ᠬᠠᠨᠳᠤᠭᠤᠯᠤᠨ ᠡᠯᠭᠦᠵᠦ | ᠨᠠᠷᠠ ᠰᠠᠯᠬᠢᠨ ᠠᠪᠤᠭᠤᠯᠵᠦ᠂ ᠮᠠᠭᠤ ᠤᠬᠢᠶᠠᠬᠤ ᠪᠠᠷ ᠰᠠᠶᠢᠨ ᠰᠡᠭᠰᠦᠷ ᠭᠡᠵᠦ ᠬᠠᠭᠤᠴᠢᠨ ᠵᠢᠯ ᠤᠨ ᠲᠣᠭᠤᠰᠤ ᠶᠢ ᠨᠢ | ᠰᠠᠶᠢᠳᠤᠷ ᠰᠢᠪᠰᠢᠭᠠᠷᠳᠠᠨ ᠬᠦᠪᠰᠢᠳᠡᠭ᠃ ᠪᠠᠰᠠ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠨᠠᠷᠠᠰᠢᠭᠤᠯᠤᠨᠠ ᠭᠡᠵᠦ ᠵᠢᠷᠭᠤᠭᠠᠨ | ᠰᠠᠷᠠ ᠶᠢᠨ ᠦᠳᠡ ᠶᠢᠨ ᠨᠠᠷᠠᠨ ᠳᠤ ᠭᠠᠷᠭᠠᠵᠦ ᠡᠯᠭᠦᠨ ᠰᠢᠷᠠᠳᠠᠭ᠃ ᠡᠭᠦᠨ ᠢᠶᠠᠨ ᠳᠡᠪᠡᠯ ᠲᠡᠷᠯᠢᠭ ᠤᠨ ᠴᠢᠬᠢᠭ ᠪᠡ | ᠮᠠᠭᠤᠬᠠᠢ ᠦᠨᠦᠷ ᠢ ᠨᠢ ᠭᠠᠷᠭᠠᠨᠠ ᠭᠡᠳᠡᠭ᠃ ᠮᠣᠩᠭᠤᠯᠴᠤᠳ ᠵᠤᠨ ᠨᠠᠮᠦᠷ ᠤᠨ ᠤᠯᠠᠷᠢᠯ ᠳᠤ ᠦᠰᠦ ᠲᠠᠢ | ᠬᠤᠪᠴᠠᠰᠦ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠲᠡᠩᠷᠢ ᠮᠠᠭᠤᠬᠠᠶᠢᠷᠠᠨᠠ ᠭᠡᠳᠡᠭ᠃ ᠳᠡᠪᠡᠯ ᠤ ᠵᠠᠭᠠᠮᠠ ᠶᠢ ᠳᠣᠳᠤᠭᠰᠢ ᠪᠠᠨ | ᠨᠤᠭᠤᠯᠵᠦ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠵᠣᠳᠤᠯᠳᠤᠬᠤ ᠶᠢᠨ ᠲᠡᠮᠳᠡᠭ ᠭᠡᠳᠡᠭ᠃ ᠡᠩᠭᠡᠷ ᠵᠠᠭᠠᠮᠠ ᠪᠠᠨ ᠵᠠᠳᠠᠭᠠᠶᠢᠯᠠᠵᠦ | ᠠᠶᠢᠯ ᠳᠤ ᠣᠷᠤᠵᠦ ᠬᠦᠮᠦᠨ ᠲᠠᠢ ᠠᠭᠤᠯᠵᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠪᠣᠰᠤᠳ ᠢ ᠬᠦᠨᠳᠦᠳᠭᠡᠬᠦ ᠦᠭᠡᠢ ᠪᠠᠶᠢᠨᠠ ᠭᠡᠳᠡᠭ | ᠃ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠬᠦ ᠦᠶᠡ ᠳᠤ ᠡᠩᠭᠡᠷ ᠶᠢ ᠨᠢ ᠬᠠᠵᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠡᠴᠢᠭᠡ ᠡᠬᠡ ᠳᠡᠭᠡᠨ ᠬᠠᠵᠢᠷ | ᠭᠡᠳᠡᠭ᠃ ᠬᠠᠯᠬᠠ ᠨᠤᠳᠤᠭ ᠲᠤ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠬᠦᠴᠦ ᠰᠠᠨᠠᠭᠠ ᠶᠢᠨ ᠪᠡᠯᠭᠡᠳᠡᠯ ᠭᠡᠵᠦ ᠦᠵᠡᠳᠡᠭ | ᠲᠤᠯᠠ ᠲᠠᠶᠢᠯᠵᠦ ᠲᠠᠯᠪᠢᠬᠤ ᠦᠶᠡ ᠳᠤ ᠬᠠᠨᠴᠤᠢ ᠶᠢ ᠨᠢ ᠪᠦᠰᠡ ᠪᠠᠷ ᠢᠶᠠᠨ ᠤᠶᠠᠵᠦ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ | ᠪᠠᠶᠢᠵᠠᠢ᠃ ᠡᠨᠡ ᠨᠢ ᠬᠠᠨᠴᠤᠢ ᠶᠢ ᠨᠢ ᠬᠤᠭᠤᠰᠤᠨ ᠪᠠᠶᠢᠯᠭᠠᠬᠤ ᠶᠢ ᠴᠡᠭᠡᠷᠯᠡᠭᠰᠡᠨ ᠬᠡᠷᠡᠭ᠃ ᠪᠦᠬᠡᠴᠢᠳ ᠪᠠᠷᠢᠯᠳᠤᠵᠦ | ᠪᠠᠶᠢᠬᠤ ᠦᠶᠡ ᠳᠤ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠨᠢ ᠮᠣᠰᠬᠢᠳᠠᠭ ᠨᠢ ᠮᠦᠨ ᠡᠶᠢᠮᠦ ᠤᠴᠢᠷ ᠲᠠᠢ᠃ ᠵᠠᠷᠢᠮ | ᠬᠤᠰᠢᠭᠤ ᠨᠤᠳᠤᠭ ᠲᠤ ᠳᠡᠪᠡᠯ ᠤᠨ ᠬᠠᠨᠴᠤᠢ ᠶᠢ ᠳᠣᠳᠤᠭᠰᠢ ᠨᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠤᠴᠢᠷ ᠨᠢ | ᠨᠦᠭᠴᠢᠭᠰᠡᠳ ᠤᠨ ᠶᠠᠰᠤ ᠶᠢ ᠪᠠᠷᠢᠬᠤ ᠦᠶᠡ ᠳᠤ ᠰᠠᠶ᠋ᠢ ᠬᠠᠨᠴᠤᠢ ᠪᠠᠨ ᠳᠣᠳᠤᠭᠰᠢ ᠨᠤᠭᠤᠯᠳᠠᠭ᠃ ᠳᠡᠪᠡᠯ | ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠳᠤᠳᠤᠭᠰᠢ ᠨᠤᠭᠤᠯᠪᠠᠯ ᠪᠠᠰᠠ ᠵᠣᠳᠤᠯᠳᠤᠬᠤ ᠳᠦᠷᠢ ᠭᠠᠷᠭᠠᠵᠦ ᠪᠠᠶᠢᠨᠠ ᠭᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠠᠶᠢᠯ ᠳᠤ ᠣᠷᠤᠬᠤ ᠦᠶᠡ ᠳᠤ ᠲᠤᠪᠴᠢ ᠪᠠᠨ ᠪᠦᠷᠢᠨ ᠲᠤᠪᠴᠢᠯᠠᠵᠦ᠂ ᠬᠤᠷᠮᠤᠢ ᠪᠠᠨ ᠰᠢᠭᠤᠵᠦ | ᠪᠠᠶᠢᠭᠰᠠᠨ ᠪᠣᠯ ᠪᠠᠭᠤᠯᠭᠠᠵᠦ᠂ ᠬᠡᠳᠡ ᠬᠢᠳᠤᠭᠠ ᠪᠠᠨ ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠵᠦ ᠪᠠᠶᠢᠭᠰᠠᠨ ᠪᠣᠯ | ᠪᠠᠭᠤᠯᠭᠠᠭᠠᠳ ᠳᠡᠷᠢ ᠲᠡᠭᠰᠢ ᠲᠦᠪᠯᠡᠭᠦᠨ ᠵᠢᠪᠬᠤᠭᠠᠳᠠᠢ ᠤᠷᠤᠳᠠᠭ᠃ ᠲᠣᠪᠴᠢ ᠰᠢᠯᠪᠢ ᠦᠭᠡᠢ ᠬᠤᠪᠴᠠᠰᠦ ᠶᠢ | ᠪᠣᠰᠤᠳ ᠲᠤ ᠪᠡᠯᠡᠭ ᠪᠣᠯᠭᠠᠨ ᠦᠭᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠦᠭᠪᠡᠯ ᠪᠣᠰᠤᠳ ᠳᠤ 《 ᠡᠩᠭᠡᠷ ᠡᠯᠢᠭᠡ ᠦᠭᠡᠢ ᠬᠦᠮᠦᠨ | ᠪᠠᠶᠢᠨᠠ 》 ᠭᠡᠵᠦ ᠪᠣᠷᠤᠭᠤᠰᠢᠶᠠᠭᠳᠠᠳᠠᠭ᠃ ᠪᠡᠯᠪᠡᠰᠦᠷᠡᠯ ᠭᠠᠰᠢᠭᠤᠳᠠᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠲᠣᠪᠴᠢ ᠦᠭᠡᠢ | ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠬᠦ ᠪᠣᠶᠤ ᠨᠦᠭᠴᠢᠭᠰᠡᠳ ᠲᠤ ᠡᠮᠦᠰᠦᠭᠦᠯᠬᠦ ᠳᠡᠪᠡᠯ ᠲᠡᠷᠯᠢᠭ ᠲᠤ ᠲᠤᠪᠴᠢ ᠰᠢᠯᠪᠢ ᠦᠭᠡᠢ | ᠪᠠᠶᠢᠳᠠᠭ᠃ | ᠡᠷᠡᠭᠳᠠᠶᠢᠴᠤᠳ ᠪᠣᠷᠬᠠᠨ ᠲᠡᠩᠷᠢ ᠳᠤ ᠰᠦᠭᠦᠳᠴᠦ ᠮᠦᠷᠭᠦᠬᠦ ᠪᠣᠶᠤ ᠠᠪᠦ ᠡᠵᠢ᠂ ᠠᠬᠠᠮᠠᠳ ᠨᠠᠰᠤᠳᠠᠨ ᠳᠤ | ᠰᠦᠭᠦᠳᠴᠦ ᠮᠦᠷᠭᠦᠬᠦ ᠦᠶᠡ ᠳᠤ ᠡᠮᠦᠨᠡ ᠬᠤᠷᠮᠤᠢ ᠪᠠᠨ ᠳᠡᠪᠢᠰᠴᠦ ᠮᠦᠷᠭᠦᠳᠡᠭ᠃ ᠠᠶᠢᠯ ᠳᠤ ᠣᠷᠤᠵᠦ ᠬᠤᠷᠮᠦᠢ | ᠨᠢ ᠰᠠᠭᠤᠬᠤ ᠦᠶᠡ ᠳᠤ ᠬᠤᠷᠮᠤᠢ ᠪᠠᠷ ᠢᠶᠠᠨ ᠡᠪᠦᠳᠦᠭ ᠢᠶᠠᠨ ᠬᠠᠯᠬᠠᠯᠠᠵᠦ ᠵᠠᠪᠢᠯᠠᠵᠦ ᠰᠠᠭᠤᠳᠠᠭ᠃ ᠪᠣᠰᠴᠦ ᠭᠠᠷᠬᠤ | ᠦᠶᠡ ᠳᠡᠭᠡᠨ ᠬᠤᠷᠮᠤᠢ ᠪᠠᠨ ᠠᠶᠢᠯ ᠤᠨ ᠠᠶᠠᠭᠠ ᠰᠢᠷᠡᠭᠡ ᠲᠣᠭᠤᠭᠠ ᠰᠢᠨᠠᠭᠠᠨ ᠳᠡᠭᠡᠭᠦᠷ ᠭᠠᠷᠭᠠᠬᠤ ᠶᠢ ᠤᠨᠴᠠ | ᠬᠢᠴᠢᠶᠡᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠡᠮᠵᠢᠶᠡᠷᠢ ᠬᠦᠪᠦᠭᠡ᠂ ᠲᠣᠪᠴᠢ ᠰᠢᠯᠪᠢ ᠶᠢ ᠳᠡᠪᠡᠯ ᠲᠡᠷᠯᠢᠭ ᠤᠨ ᠭᠠᠳᠠᠷ ᠲᠠᠢ | ᠵᠠᠪᠠᠯ ᠦᠩᠭᠡ ᠬᠠᠷᠰᠢᠭᠤᠯᠤᠨ ᠬᠢᠳᠡᠭ ᠪᠦᠭᠡᠳ ᠪᠦᠰᠡᠨ ᠤ ᠦᠩᠭᠡ ᠲᠠᠢ ᠠᠯᠢ ᠪᠤᠯᠬᠤ ᠪᠠᠷ ᠦᠩᠭᠡ ᠲᠠᠭᠠᠷᠠᠭᠤᠯᠳᠠᠭ | ᠃ ᠳᠡᠪᠡᠯ ᠲᠡᠷᠯᠢᠭ ᠢ ᠦᠩᠭᠡ ᠬᠠᠷᠰᠢᠭᠤᠯᠤᠨ ᠴᠢᠮᠡᠵᠦ ᠪᠠᠬᠢᠯᠡᠬᠦ ᠶᠢ ᠵᠠᠷᠢᠮ ᠨᠤᠳᠤᠭ ᠳᠤ 《 ᠳᠡᠪᠡᠯ ᠲᠡᠷᠯᠢᠭ | ᠭᠡᠭᠡᠷᠡᠭᠦᠯᠦᠨᠡ 》 ᠭᠡᠵᠦ᠂ ᠵᠠᠷᠢᠮ ᠨᠤᠳᠤᠭ ᠳᠤ 《 ᠳᠡᠪᠡᠯ ᠲᠡᠷᠯᠢᠭ ᠲᠣᠳᠤᠷᠠᠭᠤᠯᠤᠨᠠ 》 ᠭᠡᠳᠡᠭ᠃ ᠡᠨᠡ ᠨᠢ | ᠵᠦᠪᠬᠡᠨ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠦᠪᠦᠭᠡ᠂ ᠵᠠᠬᠠ᠂ ᠬᠤᠷᠮᠤᠢ ᠶᠢ ᠪᠠᠬᠢᠯᠡᠬᠦ ᠶᠢᠨ ᠲᠡᠳᠦᠢ ᠪᠢᠰᠢ᠂ ᠨᠡᠩ ᠴᠢᠬᠤᠯᠠ ᠨᠢ | ᠳᠡᠪᠡᠯ ᠲᠡᠷᠯᠢᠭ ᠤᠨ ᠡᠳ᠋ ᠬᠦᠷᠦᠩᠭᠡ᠂ ᠬᠡᠪ ᠶᠤᠤᠵᠠ᠂ ᠡᠮᠦᠰᠦᠭᠰᠡᠨ ᠡᠵᠡᠨ ᠤ ᠬᠢᠨᠢ ᠳᠦᠷᠬᠦ ᠪᠠᠶᠢᠳᠠᠯ᠂᠂ ᠬᠡᠪ | ᠨᠠᠮᠪᠠ ᠶᠢ ᠤᠯᠠᠮ ᠳᠤᠪᠤᠶᠢᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠶᠤᠮ᠃ ᠮᠣᠩᠭᠤᠯᠴᠤᠳ ᠬᠠᠷᠠ ᠦᠩᠭᠡ ᠶᠢ ᠮᠠᠭᠤ ᠦᠩᠭᠡ᠂ | ᠴᠠᠭᠠᠨ ᠦᠩᠭᠡ ᠶᠢ ᠰᠠᠶᠢᠨ ᠦᠩᠭᠡ ᠭᠡᠳᠡᠭ ᠤᠴᠢᠷ ᠬᠠᠷᠠ ᠦᠩᠭᠡ ᠶᠢᠨ ᠪᠦᠰ ᠪᠠᠷᠠᠭᠠ ᠪᠠᠷ ᠳᠡᠪᠡᠯ ᠬᠤᠪᠴᠠᠰᠦ | ᠬᠢᠬᠦ ᠶᠢ ᠲᠠᠭᠠᠰᠢᠶᠠᠳᠠᠭ ᠦᠭᠡᠢ᠃ ᠬᠠᠯᠬᠠ ᠨᠤᠳᠤᠭ ᠳᠤ ᠰᠢᠨᠡ ᠬᠦᠷᠭᠡᠨ ᠬᠡᠤᠬᠡᠨ ᠣᠷᠤ ᠬᠠᠮᠳᠤᠳᠬᠠᠵᠦ ᠳᠡᠷᠡ | ᠨᠢᠭᠡᠳᠭᠡᠬᠦ ᠶᠢ 《 ᠡᠩᠭᠡᠷ ᠵᠦᠷᠢᠭᠦᠯᠬᠦ 》 ᠭᠡᠳᠡᠭ᠃ ᠡᠨᠡ ᠨᠢ ᠳᠡᠭᠡᠷᠡ ᠦᠶᠡ ᠳᠤ ᠮᠣᠩᠭᠤᠯᠴᠤᠳ ᠲᠤ ᠲᠤᠰᠬᠠᠢ | ᠨᠦᠮᠦᠷᠬᠦ ᠬᠦᠨᠵᠢᠯᠡ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠦ ᠪᠣᠢ᠃ ᠡᠨᠡ ᠲᠣᠬᠠᠢ ᠡᠷᠳᠡᠮᠳᠡᠨ ᠯᠤᠪᠰᠠᠩᠴᠤᠶᠢᠳᠠᠨ᠄ 《 ᠪᠠᠶᠠᠯᠢᠭ | ᠭᠡᠷᠦᠨ ᠬᠦᠮᠦᠨ ᠬᠤᠨᠤᠭ ᠤᠨ ᠳᠡᠪᠡᠯ ᠬᠡᠮᠡᠵᠦ ᠠᠰᠳᠠᠭᠠᠨ ᠬᠢᠵᠦ ᠦᠳᠡᠰᠢ ᠶᠢᠨ ᠴᠠᠭ ᠨᠦᠮᠦᠷᠴᠦ ᠤᠨᠳᠠᠮᠦᠢ᠃ | ᠡᠶᠢᠮᠦ ᠨᠦᠮᠦᠷᠬᠦ ᠳᠡᠪᠡᠯ ᠪᠣᠯᠪᠠᠰᠦ ᠶᠡᠷᠦ ᠶᠢᠨ ᠬᠤᠪᠴᠠᠰᠦ ᠠᠴᠠ ᠦᠭᠡᠷᠡ ᠮᠠᠶ᠋ᠢᠭ ᠲᠠᠢ᠃ ᠳᠡᠪᠡᠯ ᠤᠨ ᠪᠡᠶᠡ ᠤᠷᠳᠤ | ᠪᠦᠭᠡᠳ ᠬᠤᠶᠠᠷ ᠬᠠᠨᠴᠦᠢ ᠲᠠᠢ᠂ ᠦᠰᠦ ᠲᠠᠢ ᠳᠡᠪᠡᠯ ᠪᠣᠶᠤ ᠬᠦᠪᠦᠩ ᠲᠠᠢ ᠡᠶᠢᠮᠦ ᠪᠠᠷ ᠬᠢᠮᠦᠢ᠃ ᠡᠨᠡ ᠶᠠᠩᠵᠦ ᠪᠠᠷ | ᠬᠤᠨᠤᠬᠤ ᠪᠦᠷᠭᠡ ᠭᠡᠷ ᠤᠨ ᠠᠭᠠᠯᠢ ᠪᠣᠢ 》 ᠭᠡᠵᠦ 《 ᠮᠣᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠦᠢᠯᠡᠪᠦᠷᠢ 》 ᠳᠠᠭᠠᠨ | ᠲᠣᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ ᠬᠡᠷᠪᠡ ᠡᠮᠦᠰᠦᠭᠰᠡᠨ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠬᠤᠴᠢᠵᠦ ᠤᠨᠳᠠᠬᠤ ᠴᠢᠬᠤᠯᠠ | ᠲᠠᠢ ᠪᠣᠯ ᠵᠠᠭᠠᠮᠠ ᠶᠢ ᠨᠢ ᠴᠡᠭᠡᠵᠢᠨ ᠪᠡᠶᠡ ᠠᠴᠠ ᠳᠣᠷᠤᠭᠰᠢ ᠪᠠᠭᠤᠯᠭᠠᠵᠦ ᠪᠣᠯᠬᠤ ᠦᠭᠡᠢ᠃ ᠦᠭᠡᠯᠵᠢᠨ ᠪᠣᠶᠤ ᠯᠤᠤ | ᠰᠠᠷᠠ ᠶᠢᠨ ᠬᠤᠷᠢᠨ ᠳᠣᠯᠤᠭᠠᠨ ᠳᠤ ᠬᠤᠪᠴᠠᠰᠦ ᠬᠤᠨᠠᠷ ᠢᠶᠠᠨ ᠭᠠᠳᠠᠭᠠ ᠬᠤᠨᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ | ᠬᠤᠨᠤᠭᠤᠯᠪᠠᠯ ᠴᠢᠳᠭᠦᠷ ᠡᠵᠡᠯᠡᠨᠡ ᠭᠡᠳᠡᠭ᠃ | | | ᠦᠪᠦᠷ ᠮᠣᠩᠭᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠩᠨᠢᠭ ᠮᠡᠷᠭᠡᠵᠢᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠠᠴᠠ | ᠬᠡᠪᠯᠡᠭᠰᠡᠨ ᠮᠣᠩᠭᠤᠯ ᠵᠠᠩ ᠦᠢᠯᠡ ᠶᠢᠨ ᠨᠡᠪᠳᠡᠷᠬᠡᠢ ᠲᠣᠯᠢ — ᠤᠶᠤᠨ ᠤ ᠪᠣᠳᠢ ᠠᠴᠠ ᠠᠪᠤᠪᠠ |