| ᠮᠢᠨᠦ ᠮᠤᠷᠢᠳᠠᠢ ᠪᠠᠭᠰᠢ | ᠪᠠ᠊ · ᠪᠠᠯᠵᠤᠣᠷ | ᠮᠢᠨᠤ ᠪᠠᠭᠰᠢ ᠮᠤᠷᠢᠳᠠᠢ ᠪᠠᠭᠰᠢ᠃ ᠮᠠᠩᠬᠠᠨ ᠨᠤᠳᠤᠭ ᠲᠠᠭᠠᠨ ᠨᠠᠷᠠ ᠲᠠᠢ ᠤᠷᠤᠯᠳᠤᠨ ᠰᠠᠷᠠ ᠲᠠᠢ ᠮᠦᠴᠡᠭᠡᠷᠭᠡᠨ | ᠮᠤᠷᠢ ᠪᠠᠨ ᠤᠨᠤᠵᠤ ᠮᠠᠯᠴᠢᠨ ᠠᠶᠢᠯ ᠢᠶᠠᠷ ᠡᠳᠦᠷ ᠪᠤᠯᠭᠠᠨ ᠶᠠᠪᠤᠳᠠᠭ᠃ ᠠᠶᠢᠯ ᠠᠶᠢᠮᠠᠭ ᠤᠨ ᠬᠡᠦᠬᠡᠳ ᠤᠳ ᠲᠤ | ᠨᠤᠮ ᠪᠢᠴᠢᠭ ᠵᠢᠭᠠᠬᠤ ᠪᠠᠷ ᠡᠪᠦᠯ ᠤᠨ ᠶᠠᠰᠤ ᠶᠠᠩᠭᠢᠨᠠᠮᠠ ᠬᠦᠢᠳᠡᠨ ᠰᠢᠭᠤᠷᠭᠠᠨ ᠳᠤ ᠪᠡᠭᠡᠷᠡᠵᠦ᠂ ᠵᠤᠨ ᠤ ᠵᠤᠯᠠᠢ | ᠲᠦᠭᠡᠨᠡᠭᠰᠡᠨ ᠨᠠᠷᠠᠨ ᠳᠤ ᠰᠢᠷᠬᠠᠳᠠᠨ᠂ ᠬᠠᠭᠠᠰ ᠲᠠᠢ ᠬᠤᠭᠤᠰ ᠲᠠᠢ ᠬᠠᠪᠤᠷ ᠤᠨ ᠰᠠᠯᠬᠢᠨ ᠳᠤ ᠨᠢᠭᠤᠷ ᠨᠢᠳᠦ ᠦᠭᠡᠢ | ᠭᠤᠶᠠᠳᠠᠭᠤᠯᠵᠤ᠂ ᠬᠠᠯᠢᠭᠤᠨ ᠨᠠᠮᠤᠷ ᠤᠨ ᠬᠠᠯᠠᠭᠤᠨ ᠴᠠᠭ ᠲᠤ ᠴᠦ ᠦᠪᠡᠷ ᠤᠨ ᠠᠯᠢᠪᠠ ᠪᠠᠨ ᠮᠠᠷᠳᠠᠨ ᠶᠠᠪᠤᠳᠠᠭ | ᠰᠠᠨ᠃ ︽ᠯᠠ︾ ᠶᠢᠨ ᠭᠡᠷᠡᠯ ︽ᠤ ᠶᠢᠨ ᠪᠢᠷ︾ ᠰᠢᠭ ᠢᠶᠠᠨ ᠤᠶᠤᠨ ᠲᠠᠷᠢᠬᠢ᠂ ᠤᠬᠠᠭᠠᠨ ᠲᠠᠮᠢᠷ ᠢᠶᠠᠨ | ᠦᠷᠡᠭᠳᠡᠭᠦᠯᠵᠦ᠂ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡᠨ ᠲᠡᠭᠡᠷᠡ ᠪᠤᠷᠤᠭᠠᠨ ᠳᠤ ᠨᠤᠷᠴᠤ᠂ ᠨᠠᠷᠠ ᠰᠠᠯᠬᠢᠨ ᠳᠤ ᠪᠤᠷᠤᠯᠠᠵᠤ | ᠶᠠᠪᠤᠬᠤ ᠳᠠᠭᠠᠨ ᠪᠠᠭᠰᠢ ᠮᠢᠨᠢ ᠨᠢᠭᠤᠷ ᠲᠡᠭᠡᠨ ᠭᠠᠯ ᠲᠠᠢ ᠨᠢᠳᠦᠨ ᠳᠡᠭᠡᠨ ᠴᠤᠭ ᠲᠠᠢ ᠮᠠᠯᠴᠢᠨ ᠠᠷᠠᠳ ᠤᠨ ᠢᠶᠠᠨ | ᠦᠷᠡ ᠬᠤᠶᠢᠴᠢᠰ ᠤᠨ ᠢᠷᠡᠭᠡᠳᠦᠢ ᠶᠢᠨ ᠲᠦᠯᠦᠭᠡ ᠰᠤᠶᠤᠯ ᠡᠷᠳᠡᠮ ᠢᠶᠠᠨ ᠬᠠᠷᠠᠮ ᠦᠭᠡᠢ ᠶᠡᠭᠦᠯᠡᠵᠦ ᠬᠡᠳᠦᠨ | ᠦᠶᠡ ᠶᠢᠨ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠲᠠᠢ ᠬᠦᠮᠦᠰ ᠢ ᠬᠦᠮᠦᠵᠢᠭᠦᠯᠵᠦ ᠢᠷᠡᠭᠰᠡᠨ ᠪᠢᠯᠡ᠃ | ᠮᠤᠷᠢᠳᠠᠢ ᠪᠠᠭᠰᠢ ᠮᠢᠨᠢ᠂ ᠡᠬᠡ ᠤᠯᠤᠰ ᠲᠠᠭᠠᠨ ᠰᠤᠶᠤᠯ ᠮᠡᠳᠡᠯᠭᠡ ᠲᠠᠢ᠂ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠤ ᠬᠡᠷᠡᠭᠴᠡᠭᠡ ᠲᠠᠢ | ᠦᠢ ᠤᠯᠠᠨ ᠬᠦᠮᠦᠰ ᠢ ᠬᠦᠮᠦᠵᠢᠬᠦᠯᠬᠦ ᠳᠡᠭᠡᠨ ᠦᠷᠭᠡᠨ ᠤᠯᠠᠨ ᠭᠡᠷ ᠤᠨ ᠠᠬᠠᠮᠠᠳ᠂ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠠᠭᠠᠨ | ᠭᠠᠪᠢᠶᠠ ᠲᠤᠭᠠᠴᠢᠵᠤ᠂ ᠠᠴᠢ ᠬᠠᠷᠢᠭᠤᠯᠳᠠ ᠬᠦᠰᠡᠭᠡ ᠦᠭᠡᠢ᠂ ᠬᠠᠷᠢᠨ ᠠᠷᠠᠯ ᠤᠨ ᠱᠠᠷ ᠰᠢᠭ ᠶᠠᠪᠤᠭᠰᠠᠨ ᠪᠢᠯᠡ᠃ | ᠪᠢᠳᠡᠲ᠋ᠦ᠋ᠷᠦᠭᠦᠤ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠰᠡᠭᠦᠯᠴᠢ ᠪᠠᠷ ᠮᠤᠷᠢᠳᠠᠢ ᠪᠠᠭᠰᠢ ᠶᠢᠨ ᠰᠤᠷᠤᠭᠴᠢ ᠪᠤᠯᠵᠤ ︽ᠠ︾ | ᠦᠰᠦᠭ ᠤᠨ ᠠᠷᠠᠭᠠ ᠰᠢᠳᠦ ᠶᠢ ᠨᠡᠶᠢᠯᠡᠭᠦᠯᠵᠦ ᠦᠰᠦᠭ ᠨᠢᠳᠦᠯᠡᠵᠦ᠂ ᠠᠷᠠᠪ ᠲᠤᠭᠠ ᠶᠢᠨ ᠲᠦᠷᠪᠡᠨ ᠤᠶᠢᠯᠡᠳᠦᠯ ᠢ | ᠪᠤᠳᠤᠵᠤ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠶᠠᠭᠤ ᠭᠡᠳᠡᠭ ᠢ ᠤᠬᠠᠭᠠᠷᠠᠵᠤ ᠡᠬᠢᠯᠡᠭᠰᠡᠨ ᠶᠤᠮ ᠰᠠᠨ᠃ ᠲᠡᠷᠡ ᠦᠶᠡ ᠠᠴᠠ | ᠮᠤᠷᠢᠳᠠᠢ ᠪᠠᠭᠰᠢ ᠨᠠᠷ ᠤᠶᠤᠨ ᠤ ᠬᠤᠷᠠ ᠪᠠᠷ ᠤᠭᠤᠷᠠᠭ ᠲᠠᠷᠢᠬᠢ ᠶᠢ ᠮᠢᠨᠢ ᠤᠮᠳᠠᠯᠠᠵᠤ᠂ ᠰᠤᠶᠤᠯ ᠤᠨ ᠠᠯᠳᠠᠨ | ᠵᠢᠯᠤᠭᠤ ᠶᠢ ᠠᠳᠬᠤᠭᠤᠯᠵᠤ᠂ ᠡᠷᠳᠡᠮ ᠤᠨ ᠭᠠᠩ ᠲᠦᠷᠦᠭᠡ ᠶᠢ ᠢᠰᠬᠦᠯᠦᠬᠦᠯᠦᠨ ᠬᠦᠳᠡᠭᠡ ᠨᠤᠳᠤᠭ ᠲᠤ | ᠰᠤᠶᠤᠯ ᠤᠨ ᠦᠷᠡ ᠶᠢ ᠰᠠᠴᠤᠬᠰᠠᠨ ᠢᠶᠠᠷ᠂ ᠬᠦᠭᠡᠷᠦᠬᠦᠨ ᠴᠤᠪᠤᠭᠤ ᠬᠡᠦᠬᠡᠳ ᠤᠳ ᠠᠯᠤᠰ ᠤᠨ ᠬᠦᠰᠡᠯ ᠵᠦᠭ | ᠵᠢᠭᠦᠷ ᠢᠶᠠᠨ ᠲᠡᠯᠭᠡᠭᠰᠡᠨ ᠶᠤᠮ᠃ | ᠪᠢᠳᠡᠨ ᠤ ᠲᠡᠷᠡ ᠦᠶᠡ ᠭᠡᠵᠦ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠶᠠᠳᠠᠭᠤᠬᠠᠨ ᠠᠮᠢᠳᠤᠷᠠᠯ ᠲᠠᠢ᠂ ᠢᠮᠠᠭᠠᠨ ᠠᠷᠠᠰᠤᠨ | ᠬᠦᠨᠵᠢᠯᠡ ᠲᠠᠢ᠂ ᠲᠤᠬᠤᠢ ᠨᠢ ᠰᠡᠮᠡᠷᠬᠡᠢ᠂ ᠡᠪᠦᠳᠦᠭ ᠨᠢ ᠴᠤᠭᠤᠷᠬᠠᠢ᠂ ᠰᠢᠰᠢ ᠶᠢᠨ ᠪᠤᠳᠠᠭᠠ᠂ ᠰᠠᠭᠠᠭ ᠤᠨ ᠭᠤᠯᠢᠷ | ᠭᠤᠣᠯᠳᠠᠢ ᠢᠳᠡᠵᠦ ᠪᠠᠶᠢᠭᠰᠠᠨ ᠴᠠᠭ ᠶᠤᠮ᠃ ᠤᠯᠠᠩᠭᠢ ᠠᠶᠢᠯ ᠤᠨ ᠬᠡᠦᠬᠡᠳ ᠤᠳ ᠰᠤᠶᠤᠯ ᠤᠨ ᠮᠦᠷ ᠢ ᠬᠦᠭᠡᠭᠡᠵᠦ | ᠂ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡ ᠶᠢ ᠠᠯᠬᠤᠬᠤ ᠨᠦᠬᠦᠴᠡᠯ ᠦᠭᠡᠢ ᠪᠠᠶᠢᠭᠰᠠᠨ ᠭᠡᠵᠦ ᠬᠡᠯᠡᠬᠦ ᠳᠤ ᠠᠭᠳᠠᠮᠠᠷ ᠦᠭᠡᠢ ᠴᠠᠭ | ᠦᠶᠡ᠃ᠭᠡᠪᠡᠴᠦ ᠮᠤᠷᠢᠳᠠᠢ ᠪᠠᠭᠰᠢ ᠮᠢᠨᠢ ᠨᠤᠮ ᠤᠨ ᠪᠤᠭᠴᠤ ᠪᠠᠨ ᠡᠭᠦᠷᠴᠦ᠂ ᠪᠢᠳᠡᠨ ᠳᠤ ᠰᠢᠨᠡ ᠰᠠᠶᠢᠬᠠᠨ | ᠬᠢᠴᠢᠶᠡᠯ ᠤᠨ ᠨᠤᠮ ᠠᠪᠴᠢᠷᠠᠨ ᠵᠢᠭᠠᠬᠤ ᠳᠠᠭᠠᠨ ᠬᠠᠯᠠᠰᠢᠷᠠᠬᠤ ᠶᠢ ᠮᠡᠳᠡᠳᠡᠭ ᠦᠭᠡᠢ᠃ ᠶᠠᠳᠠᠷᠠᠬᠤ ᠪᠠᠨ ᠴᠦ | ᠬᠠᠮᠢᠶᠠᠷᠤᠯ ᠦᠭᠡᠢ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠰᠡᠳᠭᠢᠯᠭᠡ ᠪᠠᠷ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠬᠦᠯᠳᠡᠭ᠃ ᠨᠢᠭᠡ ᠡᠳᠦᠷ ᠨᠢᠭᠡ | ᠴᠠᠭ ᠢ ᠴᠤ ᠠᠯᠳᠠ ᠠᠴᠠ ᠢᠯᠡᠭᠦᠤ ᠦᠵᠡᠵᠦ᠂ ᠬᠡᠦᠬᠡᠳ ᠤᠨ ᠲᠦᠯᠦᠭᠡ ᠶᠠᠮᠠᠷ ᠴᠤ ᠦᠷᠡᠭᠳᠡᠯ ᠭᠠᠷᠭᠠᠬᠤ ᠠᠴᠠ | ᠪᠤᠴᠠᠳᠠᠭ ᠦᠭᠡᠢ ᠵᠤᠷᠢᠭ ᠰᠦᠰᠦ ᠲᠠᠢ ᠪᠠᠶᠢᠳᠠᠭ᠃ | ᠮᠢᠨᠦ ᠮᠤᠷᠢᠳᠠᠢ ᠪᠠᠭᠰᠢ᠂ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠲᠤᠭᠤᠷᠢᠨ ᠶᠠᠪᠤᠵᠤ ᠬᠢᠴᠢᠶᠡᠯ ᠢᠶᠠᠨ ᠵᠢᠭᠠᠬᠤ ᠳᠠᠭᠠᠨ | ᠡᠪᠦᠯ ᠬᠠᠪᠤᠷ ᠵᠤᠨ ᠨᠠᠮᠤᠷ ᠭᠡᠵᠦ ᠤᠯᠠᠷᠢᠯ ᠬᠤᠪᠢᠶᠠᠨ ᠮᠠᠯᠵᠢᠯ ᠠᠮᠢᠳᠤᠷᠠᠯ ᠤᠨ ᠲᠤᠬᠠᠢ ᠴᠤ ᠵᠢᠭᠠᠳᠠᠭ᠃ ᠨᠤᠮ | ᠪᠢᠴᠢᠭ ᠲᠤ ᠪᠠᠶᠢᠬᠤ ᠦᠭᠡᠢ ᠵᠦᠢᠯ ᠢ ᠤᠶᠢᠯᠡᠳᠦᠯᠭᠡ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠤ ᠢᠯᠡᠭᠦᠤ | ᠤᠶᠢᠷᠠᠳᠤᠭᠤᠯᠳᠠᠭ᠃ ᠡᠪᠦᠯ ᠪᠤᠯ ᠬᠤᠷᠤᠭᠠ ᠬᠠᠰᠢᠶᠠ ᠱᠦᠭᠦᠷᠳᠡᠬᠦ᠂ ᠬᠤᠨᠢ ᠲᠡᠵᠢᠭᠡᠬᠦ ᠵᠡᠷᠭᠡ ᠪᠠᠷ ᠪᠡᠶᠡ ᠶᠢᠨ | ᠴᠢᠳᠠᠯ ᠳᠤᠨᠢ ᠲᠤᠬᠢᠷᠠᠭᠤᠯᠳᠠᠭ᠃ ᠬᠠᠪᠤᠷ ᠤᠨ ᠲᠦᠯ ᠲᠤᠰᠬᠤ ᠦᠶᠡ ᠪᠠᠷ ᠶᠡᠬᠡᠰ ᠢᠶᠠᠨ ᠲᠠᠭᠠᠵᠤ ᠬᠤᠷᠠᠭᠠ ᠢᠰᠢᠭᠡ | ᠲᠠᠯᠪᠢᠵᠤ ᠬᠠᠷᠢᠭᠤᠯᠬᠤ᠂ ᠵᠤᠨ ᠤ ᠴᠠᠭ ᠢᠶᠠᠷ ᠲᠤᠭᠤᠯ ᠬᠤᠷᠠᠭᠠ ᠬᠠᠷᠢᠭᠤᠯᠬᠤ᠂ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠡᠪᠡᠰᠦ | ᠨᠤᠮᠤᠯᠠᠬᠤ ᠵᠡᠷᠭᠡ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠮᠠᠯᠵᠢᠯ ᠰᠤᠶᠤᠯ ᠤᠨ ᠬᠢᠴᠢᠶᠡᠯ ᠢ ᠪᠡᠶᠡ ᠪᠠᠷ ᠨᠢ ᠬᠢᠯᠭᠡᠵᠦ ᠰᠤᠷᠭᠠᠳᠠᠭ᠃ | ᠲᠡᠷᠡ ᠦᠶᠡ ᠶᠢᠨ ᠬᠡᠦᠬᠡᠳ ᠤᠳ ᠨᠤᠮ ᠪᠢᠴᠢᠭ ᠠᠴᠠ ᠰᠤᠷᠴᠤ ᠲᠡᠶᠢᠯᠬᠦ ᠦᠭᠡᠢ ᠡᠷᠬᠢᠮ ᠨᠠᠨᠳᠢᠨ ᠤᠯᠠᠮᠵᠢᠯᠠᠯᠳᠤ | ᠰᠤᠶᠤᠯ ᠢᠶᠠᠨ ᠠᠪᠤ ᠡᠵᠢ ᠠᠬᠠᠮᠠᠳ ᠨᠠᠷ ᠠᠴᠠ ᠪᠠᠨ ᠨᠡᠯᠢᠶᠡᠳ ᠰᠢᠰᠲ᠋ᠧᠮ ᠲᠠᠢ ᠮᠦᠷᠳᠡᠭᠡᠨ ᠪᠤᠯᠪᠠᠰᠤᠷᠠᠩᠭᠤᠢ | ᠡᠵᠡᠮᠰᠢᠳᠡᠭ ᠨᠢ ᠮᠠᠨ ᠤ ᠮᠤᠷᠢᠳᠠᠢ ᠪᠠᠭᠰᠢ ᠶᠢᠨ ᠬᠠᠯᠠᠰᠢᠷᠠᠯ ᠦᠭᠡᠢ ᠵᠢᠳᠭᠦᠯ ᠤᠨ ᠠᠴᠢ ᠭᠠᠪᠢᠶᠠ ᠪᠠᠶᠢᠵᠤ ᠲᠠᠭᠠᠷᠠᠨᠠ | ᠃ | ᠮᠤᠷᠢ ᠲᠠᠢ ᠪᠠᠭᠰᠢ ᠨᠠᠷ ᠵᠦᠪᠬᠡᠨ ᠮᠤᠷᠢ ᠤᠨᠤᠵᠤ ᠠᠶᠢᠯ ᠬᠤᠳᠠ ᠪᠠᠷ ᠭᠡᠰᠦᠳᠡᠭ ᠤᠯᠤᠰ ᠪᠢᠰᠢ᠂ ᠬᠠᠷᠢᠨ ᠤᠯᠤᠰ | ᠦᠨᠳᠦᠰᠦᠳᠡᠨ ᠤ ᠪᠠᠨ ᠠᠯᠤᠰ ᠢᠷᠡᠭᠡᠳᠦᠢ ᠳᠤ ᠦᠪᠡᠷ ᠤᠨ ᠠᠯᠢᠪᠠ ᠪᠠᠨ ᠵᠤᠷᠢᠭᠤᠯᠵᠤ ᠶᠠᠪᠤᠭᠰᠠᠨ ᠰᠤᠶᠤᠯ | ᠭᠡᠭᠡᠷᠡᠯ ᠤᠨ ᠶᠡᠭᠡ ᠵᠢᠳᠭᠦᠯᠳᠡᠨ ᠪᠠᠶᠢᠵᠤ᠂ ᠨᠠᠰᠤᠨ ᠲᠤᠷᠰᠢᠳᠠ ᠪᠠᠨ ᠤᠶᠤᠨ ᠤᠬᠠᠭᠠᠨ ᠤᠭᠤᠷᠠᠭ ᠲᠠᠷᠢᠬᠢ ᠪᠠᠨ | ᠬᠦᠮᠦᠨ ᠤ ᠡᠮᠦᠨᠡ ᠠᠴᠠ ᠰᠢᠪᠬᠠᠵᠤ ᠢᠷᠡᠭᠰᠡᠨ ᠨᠡᠷᠡ ᠬᠦᠨᠳᠦᠳᠦ ᠬᠦᠮᠦᠰ ᠭᠡᠬᠦ ᠳᠤ ᠠᠭᠠᠳᠠᠬᠤ ᠤᠴᠢᠷ ᠦᠭᠡᠢ ᠰᠠᠨ | ᠃ ᠲᠡᠳᠡ ᠪᠤᠯ ᠦᠨᠡᠨ ᠤ ᠲᠦᠯᠦᠭᠡ᠂ ᠦᠭᠡᠷ ᠲᠡᠷᠭᠡ ᠪᠠᠷ ᠲᠠᠦᠯᠠᠢ ᠶᠢ ᠬᠦᠢᠴᠡᠬᠦ ᠵᠤᠷᠢᠭ ᠰᠠᠨᠠᠭᠠ ᠶᠢ ᠪᠠᠳᠠᠷᠠᠭᠤᠯᠵᠤ᠂ | ᠡᠬᠡ ᠰᠤᠶᠤᠯ ᠤᠨ ᠦᠨᠢᠳᠡ ᠪᠠᠯᠠᠷᠠᠰᠢ ᠦᠭᠡᠢ ᠦᠨᠢ ᠮᠦᠩᠭᠡ ᠶᠢᠨ ᠬᠦᠰᠢᠶᠡ ᠲᠤᠷᠠᠰᠬᠠᠯ ᠪᠠᠶᠢᠬᠤ ᠶᠤᠰᠤᠳᠠᠢ᠃ | ᠮᠤᠷᠢᠳᠠᠢ ᠪᠠᠭᠰᠢ ᠠᠴᠠ ᠪᠠᠨ ᠡᠷᠳᠡᠮ ᠤᠨ ᠰᠢᠮᠡ ᠶᠢ ᠬᠦᠷᠳᠡᠵᠦ ᠦᠰᠦᠭᠰᠡᠨ᠂ ᠪᠢᠳᠡ ᠬᠡᠳᠦ᠋ᠪᠡᠷ ᠰᠢᠷᠡ ᠭᠤᠯᠢᠷ ᠤᠨ | ᠢᠰᠭᠡᠭᠦᠷ᠂ ᠰᠢᠰᠢ ᠶᠢᠨ ᠪᠤᠳᠠᠭᠠᠨ ᠤ ᠱᠦᠯᠦ ᠢᠳᠡᠵᠦ ᠤᠣᠭᠤᠵᠤ ᠪᠠᠶᠢᠭᠰᠠᠨ ᠴᠦ ᠰᠡᠳᠭᠢᠯ ᠰᠠᠨᠠᠭᠠ ᠲᠡᠨᠢᠭᠦᠨ | ᠪᠠᠶᠢᠭᠰᠠᠨ ᠰᠠᠨ᠃ ᠨᠡᠶᠢᠭᠡᠮ ᠬᠦᠭᠵᠢᠬᠡ ᠦᠭᠡᠢ ᠦᠶᠡ ᠳᠤ ᠬᠦᠮᠦᠰ ᠤᠨ ᠠᠮᠢᠳᠤᠷᠠᠯ ᠤᠨ ᠬᠢᠷᠢ ᠲᠦᠪᠰᠢᠨ ᠲᠤᠣᠷᠠ | ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠬᠡᠦᠬᠡᠳ ᠤᠳ ᠤᠨ ᠰᠤᠷᠤᠯᠴᠬᠠᠤ ᠤᠷᠮᠠ ᠵᠤᠷᠢᠭ ᠰᠠᠶᠢᠨ ᠪᠠᠶᠢᠵᠤ᠂ ᠪᠠᠭᠰᠢ ᠶᠢᠨ ᠵᠢᠭᠠᠨ | ᠰᠤᠷᠭᠠᠯᠳᠠ ᠶᠢᠨ ᠶᠠᠰᠤ ᠴᠢᠨᠠᠷ᠂ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠶᠢᠨ ᠬᠢᠷᠢ ᠬᠡᠮᠵᠢᠶᠡ ᠨᠢ ᠰᠠᠶᠢᠨ᠂ ᠨᠡᠶᠢᠭᠡᠮ ᠨᠡᠶᠢᠳᠡ ᠶᠢᠨ | ᠬᠦᠮᠦᠰ ᠪᠠ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠠᠷᠢᠴᠠᠭᠠ ᠰᠠᠶᠢᠨ ᠪᠠᠶᠢᠵᠤ᠂ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠦᠨᠳᠦᠳᠭᠡᠯ | ᠪᠢᠰᠢᠷᠡᠯ ᠢ ᠤᠯᠵᠤ᠂ ᠪᠠᠭᠰᠢ ᠪᠠᠨ ᠬᠦᠨᠳᠦᠳᠭᠡᠵᠦ᠂ ᠪᠠᠭᠰᠢ ᠨᠠᠷ ᠴᠦ ᠪᠢᠳᠡᠨ ᠢ ᠲᠦᠷᠦᠭᠰᠡᠨ ᠬᠡᠦᠬᠡᠳ ᠢᠶᠠᠨ ᠰᠢᠭ | ᠬᠠᠶᠢᠷᠠᠯᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ᠪᠠᠭᠰᠢ ᠬᠦᠮᠦᠨ ᠭᠡᠵᠦ ᠦᠨᠡᠨ ᠳᠡᠭᠡᠨ ᠠᠭᠤᠣ ᠶᠡᠭᠡ ᠶᠤᠮ᠃ ᠲᠡᠳᠡᠨ ᠤ ᠬᠦᠮᠦᠨ | ᠮᠦᠰᠦ᠂ ᠠᠭᠤᠣ ᠶᠡᠭᠡ ᠰᠦᠷ ᠬᠦᠴᠦᠨ᠂ ᠠᠤᠭᠠ ᠵᠠᠩ ᠴᠢᠨᠠᠷ ᠰᠤᠷᠤᠭᠴᠢᠳ ᠢᠶᠠᠨ ᠨᠠᠰᠤ ᠪᠠᠷ ᠨᠢ ᠳᠠᠭᠠᠭᠤᠯᠤᠨ | ᠳᠠᠶᠢᠴᠢᠯᠠᠳᠠᠭ᠃ ᠲᠡᠳᠡ ᠪᠤᠯ ᠲᠦᠭ ᠲᠦᠮᠡᠨ ᠬᠡᠦᠬᠡᠳ ᠢ ᠰᠤᠶᠤᠯ ᠤᠨ ᠰᠢᠮᠡ ᠪᠠᠷ ᠤᠭᠵᠢᠵᠤ ᠶᠠᠪᠤᠭᠰᠠᠨ ᠮᠤᠨᠳᠠᠭ | ᠬᠦᠮᠦᠰ ᠶᠤᠮ᠃ | ᠲᠡᠶᠢᠮᠦ ᠡ᠂ ᠨᠠᠬᠢᠶᠠ ᠶᠢ ᠠᠰᠬᠠᠷᠠᠭᠤᠯᠬᠤ ᠬᠦᠯᠦᠰᠦ ᠪᠠᠷ ᠢᠶᠠᠨ ᠠᠷᠢᠭᠤᠨ ᠰᠤᠶᠤᠯ ᠤᠨ ᠰᠢᠮᠡᠳᠦ ᠬᠦᠷᠦᠰᠦ ᠶᠢ | ᠤᠮᠳᠠᠯᠠᠨ ᠲᠤᠭᠠ ᠲᠤᠮᠰᠢ ᠦᠭᠡᠢ ᠰᠤᠶᠤᠯ ᠤᠨ ᠨᠠᠬᠢᠶᠠ ᠶᠢ ᠪᠤᠶᠢᠵᠢᠭᠤᠯᠵᠤ᠂ ᠡᠬᠡ ᠤᠯᠤᠰ ᠤᠨ | ᠦᠨᠳᠦᠰᠦᠳᠡᠨ ᠤ ᠪᠠᠨ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠶᠢᠨ ᠲᠦᠯᠦᠭᠡ ᠤᠶᠢᠭᠠ ᠦᠭᠡᠢ ᠶᠡᠭᠡ ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠭᠦᠵᠦ | ᠶᠠᠪᠤᠭᠰᠠᠨ ᠮᠤᠷᠢᠳᠠᠢ ᠪᠠᠭᠰᠢ ᠮᠢᠨᠢ᠂ ᠡᠯᠡᠰᠦ ᠮᠠᠩᠬᠠᠨ ᠤ ᠡᠬᠡ ᠨᠤᠳᠤᠭ ᠲᠠᠭᠠᠨ ᠦᠨᠢ ᠮᠦᠩᠭᠡ ᠰᠦᠨᠳᠡᠷᠯᠡᠬᠦ | ᠮᠦᠩᠭᠡ ᠶᠢᠨ ᠬᠦᠰᠢᠶᠡ ᠪᠢᠯᠡ᠃ |