| ᠵᠦᠩ ᠤᠨ ᠬᠤᠷᠤᠭᠠ | ᠪᠠ᠊ · ᠵᠢᠷᠤᠮᠳᠥ | ᠨᠢᠳᠤᠨᠤᠨ ᠮᠠᠨ ᠤ ᠬᠢᠨ ᠳᠤ ᠬᠠᠪᠤᠷ ᠤᠨ ᠴᠢᠬᠢᠭ ᠶᠡᠭᠡ᠃ | ᠵᠤᠨ ᠨᠢ ᠶᠡᠭᠡ ᠪᠤᠷᠤᠭᠠᠨ ᠤᠰᠤ ᠲᠠᠢ ᠵᠢᠯ ᠪᠤᠯᠤᠭᠰᠠᠨ ᠶᠤᠮ᠃ ᠵᠤᠨ ᠤ ᠰᠡᠬᠦᠯ ᠰᠠᠷᠠ ᠶᠢᠨ ᠨᠢᠭᠡ ᠤᠳᠠᠭᠠᠨ ᠤ | ᠠᠭᠠᠳᠠᠷ ᠪᠤᠷᠤᠭᠠᠨ ᠳᠤ ᠠᠭᠤᠯᠠ ᠶᠢᠨ ᠤᠰᠤ ᠪᠠᠭᠤᠵᠤ ᠭᠤᠤᠯ ᠰᠦᠷᠳᠡᠢ ᠦᠶᠡᠷᠯᠡᠨ᠂ ᠭᠡᠷ ᠪᠠᠶᠢᠰᠢᠩ ᠬᠤᠷᠤᠭᠠ | ᠬᠤᠳᠠ ᠶᠢᠨ ᠲᠤᠮᠳᠠᠭᠤᠷ ᠨᠡᠶᠢᠳᠡᠮ ᠦᠶᠡᠷ᠂ ᠬᠠᠮᠢᠭᠠᠰᠢ ᠪᠠᠨ ᠬᠠᠷᠠᠭᠰᠠᠨ ᠴᠦ ᠤᠰᠤ᠂ ᠤᠷᠦ᠋ᠢᠬᠠᠨ ᠪᠤᠷᠤᠭᠠᠨ | ᠨᠠᠮᠳᠠᠬᠤ ᠰᠢᠭ᠋ ᠪᠤᠯᠤᠭᠰᠠᠨ ᠴᠦ ᠡᠬᠦᠯᠡ ᠮᠥᠨ ᠯᠠ ᠨᠡᠳᠦ᠋ᠢᠭᠰᠡᠨ ᠬᠡᠪ ᠢᠶᠠᠷ ᠢᠶᠠᠨ᠂ ᠰᠠᠶ᠋ᠢ ᠯᠠ ᠵᠢᠷᠭᠤᠭᠠ ᠪᠤᠯᠵᠤ | ᠪᠠᠶᠢᠭᠠ ᠪᠤᠯᠪᠠᠴᠤ ᠭᠠᠳᠠᠨᠠ ᠲᠦᠨᠡᠷ ᠬᠠᠷᠠᠩᠭᠤᠢ᠃ ᠬᠤᠳᠠ ᠠᠴᠠ ᠢᠷᠡᠭᠰᠡᠨ ᠵᠢᠬᠡ ᠮᠢᠨᠢ ᠤᠰᠤᠨ ᠳᠤ ᠲᠤᠷᠠᠯᠠᠭᠠᠳ | ᠪᠤᠯᠳᠠᠭ ᠦᠭᠡᠢ᠃ | — ᠨᠠᠭᠠᠴᠤ ᠡ᠂ ᠪᠢ ᠤᠰᠤ ᠪᠠᠷ ᠨᠠᠭᠠᠳᠤᠨᠠ᠃ | — ᠨᠠᠭᠠᠴᠤ ᠡ᠂ ᠪᠢ ᠤᠰᠤᠨ ᠳᠤ ᠤᠩᠭᠤᠴᠠ ᠬᠦᠪᠦᠭᠦᠯᠦᠨᠡ ᠭᠡᠳ ᠠᠮᠤᠷ ᠰᠠᠭᠤᠯᠭᠠᠬᠤ ᠦᠭᠡᠢ᠃ | — ᠮᠢᠨᠤ ᠬᠦᠤ ᠪᠤᠯᠬᠤ ᠦᠭᠡᠢ᠂ ᠡᠨᠡ ᠤᠰᠤ ᠲᠠᠨ ᠤ ᠬᠤᠳᠠ ᠶᠢᠨ ᠤᠰᠤ ᠲᠠᠢ ᠲᠠᠭᠠᠷᠠᠬᠤ ᠦᠭᠡᠢ᠂ ᠴᠢ ᠲᠡᠷᠡ | ᠲᠠᠭᠤ ᠱᠤᠤᠭᠢᠶᠠᠨ᠂ ᠤᠷᠤᠰᠴᠤ ᠪᠠᠶᠢᠭᠠ ᠬᠦᠴᠦ ᠶᠢ ᠨᠢ ᠬᠠᠷᠠᠬᠤ ᠦᠭᠡᠢ ᠤᠤ᠂ ᠴᠢ ᠲᠡᠷᠡ ᠡᠬᠦᠯᠡ ᠶᠢ ᠬᠠᠷᠠ᠂ | ᠲᠡᠰ ᠬᠠᠷᠠ ᠮᠦᠷᠳᠡᠭᠡᠨ ᠮᠤᠰᠭᠢᠷᠠᠨ ᠬᠤᠶᠢᠯᠠᠷᠠᠭᠠᠳ ᠠᠶᠢᠳᠠᠰ ᠲᠠᠢ ᠪᠠᠶᠢᠭᠠ ᠪᠢᠰᠢ ᠤᠤ᠂ ᠪᠠᠷᠤᠭ ᠭᠡᠷ ᠤᠨ ᠤᠷᠤᠢ | ᠲᠡᠭᠡᠷᠡ ᠠᠴᠠ ᠲᠠᠷᠤᠯᠠ᠃ | ᠨᠠᠭᠠᠴᠤ ᠵᠢᠭᠡ ᠬᠤᠶᠠᠭᠤᠯᠠ ᠨᠡᠯᠢᠶᠡᠳ ᠪᠤᠳᠤᠯᠢᠵᠤ ᠪᠠᠶᠢᠵᠤ ᠡᠪ ᠳᠦᠢ ᠪᠠᠨ ᠤᠯᠤᠯᠠ᠃ | ᠲᠡᠷᠡ ᠰᠦᠨᠢ ᠦᠶᠡ ᠦᠶᠡ ᠭᠡᠷ ᠲᠤᠳᠤᠷᠠᠬᠢ ᠶᠢ ᠡᠳᠤᠷ ᠮᠡᠳᠤ ᠭᠡᠷᠡᠯᠳᠦᠬᠦᠯᠦᠨ ᠠᠶᠤᠩᠭᠠ ᠨᠢᠵᠢᠬᠢᠨᠡᠨ ᠪᠠᠶᠢᠵᠤ | ᠵᠠᠯᠭᠠᠭᠠᠳ ᠪᠤᠷᠤᠭᠠᠨ ᠬᠦᠴᠦᠳᠡᠢ ᠱᠠᠭᠢᠨ ᠤᠷᠤᠯᠠ᠃ ᠰᠠᠶ᠋ᠢ ᠲᠦᠷᠦᠭᠰᠡᠨ ᠲᠤᠭᠤᠯ ᠪᠠᠷᠰ ᠠᠴᠠ ᠠᠶᠤᠳᠠᠭ ᠦᠭᠡᠢ | ᠭᠡᠳᠡᠭᠴᠢᠯᠡᠨ ᠵᠢᠬᠡ ᠮᠢᠨᠢ ᠡᠨᠡ ᠶᠡᠭᠡ ᠪᠤᠷᠤᠭᠠᠨ ᠳᠤ ᠭᠠᠷᠴᠤ ᠠᠶᠤᠩᠭᠠ ᠴᠠᠬᠢᠯᠬᠤ ᠶᠢ ᠦᠵᠡᠨᠡ᠂ ᠭᠡᠷᠡᠯ ᠭᠠᠷᠬᠤ ᠶᠢ | ᠦᠵᠡᠨᠡ ᠭᠡᠳ ᠲᠠᠬᠢᠨ ᠨᠠᠮᠠᠶᠢ ᠱᠠᠯᠠᠭᠠᠵᠤ ᠭᠠᠷᠤᠯᠠ᠃ ᠪᠢ ᠶᠤᠰᠤᠳᠠᠢ ᠨᠢᠯᠬᠠ ᠠᠮᠢᠳᠠᠨ ᠢ ᠪᠤᠷᠬᠠᠨ ᠤ ᠪᠠᠨ | ᠤᠷᠤᠨ ᠳᠤ ᠲᠠᠬᠢᠮᠠᠷ ᠪᠤᠯᠵᠤ ᠪᠠᠶᠢᠵᠤ ᠳᠦᠩᠭᠡᠵᠦ ᠤᠨᠳᠠᠭᠤᠯᠤᠯᠠ᠃ ᠠᠶᠤᠩᠭᠠ ᠶᠢᠨ ᠲᠠᠭᠤ ᠪᠤᠷᠤᠭᠠᠨ ᠤ ᠲᠠᠭᠤ ᠶᠢ | ᠴᠢᠩᠨᠠᠨ ᠪᠢ ᠨᠦᠢᠷ ᠬᠤᠯᠵᠢᠪᠠ᠃ ᠡᠨᠡ ᠪᠤᠷᠤᠭᠠᠨ ᠤᠳᠤ ᠮᠠᠨ ᠤ ᠬᠢᠨ ᠤ ᠶᠠᠭᠤ ᠶᠠᠭᠤ ᠶᠢ ᠨᠢ ᠠᠪᠤᠭᠠᠳ ᠶᠠᠪᠤᠳᠠᠭ | ᠶᠤᠮ ᠮᠡᠳᠡᠬᠦ ᠦᠭᠡᠢ᠂ ᠬᠡᠳᠤᠨ ᠡᠳᠤᠷ ᠴᠦ ᠦᠷᠬᠦᠯᠵᠢᠯᠡᠳᠡᠭ ᠶᠤᠮ ᠳ᠋ᠠ᠃ ᠬᠡᠬᠦ ᠳᠤ ᠪᠠᠨ ᠵᠤᠭᠰᠤᠬᠤ ᠡᠳᠤᠷ ᠪᠤᠢ᠂ | ᠨᠠᠷᠠ ᠭᠠᠷᠬᠤ ᠪᠠᠷ ᠯᠠ ᠭᠠᠷᠤᠨᠠ ᠭᠡᠵᠤ ᠡᠯᠳᠡᠪ ᠶᠠᠭᠤᠮᠠ ᠪᠤᠳᠤᠵᠤ ᠭᠡᠪᠳᠡᠭᠰᠡᠬᠡᠷ ᠪᠢ ᠴᠦ ᠤᠨᠳᠠᠭᠠᠳ ᠦᠭᠴᠡᠢ᠃ | ᠮᠠᠷᠭᠠᠰᠢ ᠨᠢ ᠲᠡᠭᠷᠢ ᠰᠢᠷᠭᠡᠭ ᠡᠬᠦᠯᠡ ᠦᠭᠡᠢ ᠲᠤᠩᠭᠠᠯᠠᠭ᠃ ᠪᠢ ᠵᠢᠬᠡ ᠪᠠᠨ ᠢᠳᠡᠬᠦᠯᠵᠦ ᠤᠤᠭᠤᠯᠭᠠᠵᠤ ᠪᠠᠷᠠᠭᠠᠳ | ᠤᠰᠤᠨ ᠭᠤᠳᠤᠯ ᠢ ᠨᠢ ᠡᠮᠦᠰᠦᠬᠦᠯᠦᠭᠡᠳ ᠬᠤᠳᠠᠨ ᠠᠴᠠ ᠭᠠᠷᠴᠤ ᠬᠦᠳᠦᠯᠦᠨ ᠠᠯᠬᠤᠯᠠ᠃ ᠨᠠᠷᠠ ᠲᠡᠭᠡᠷᠡ | ᠬᠦᠭᠡᠷᠦᠬᠡᠳ᠂ ᠲᠤᠬᠤᠨ ᠲᠡᠭᠡᠷᠡ ᠠᠴᠠ ᠬᠠᠯᠠᠭᠤᠨ ᠢᠯᠴᠢ ᠰᠢᠷᠠᠵᠤ ᠡᠭᠡᠭᠡ ᠯᠠ ᠦᠴᠦᠭᠡᠳᠦᠷ ᠤᠨ ᠲᠡᠭᠷᠢ ᠪᠢᠰᠢ | ᠰᠢᠭ᠃ ᠡᠨᠡ ᠪᠤᠷᠤᠭᠠᠨ ᠦᠷᠬᠦᠯᠵᠢᠯᠡᠭᠰᠡᠨ ᠦᠭᠡᠢ ᠲᠠᠭᠤᠰᠤᠭᠰᠠᠨ ᠳᠤ ᠨᠢ ᠪᠢ ᠵᠠᠯᠪᠠᠷᠢᠯᠠ᠃ ᠬᠤᠷᠤᠭᠠ ᠬᠤᠳᠠᠨ ᠤ | ᠵᠠᠪᠰᠠᠷ ᠵᠠᠭᠠᠯᠢᠬᠠᠢ ᠶᠢᠨ ᠤᠰᠤ ᠲᠠᠳᠠᠷᠠᠭᠰᠠᠨ ᠴᠦ ᠭᠤᠤᠯ ᠮᠥᠨ ᠯᠠ ᠦᠶᠡᠷᠯᠡᠭᠰᠡᠭᠡᠷ᠃ ᠪᠦᠬᠦ ᠬᠤᠳᠠ ᠤᠰᠤᠨ ᠤ | ᠬᠦᠮᠦᠰ ᠭᠠᠷᠴᠤ ᠢᠷᠡᠭᠡᠳ ᠬᠦᠷᠵᠡ ᠰᠠᠪᠠ ᠪᠠᠷᠢᠵᠠᠭᠠᠨ ᠡᠶᠢᠰᠢ ᠳᠡᠶᠢᠰᠢ ᠤᠰᠤ ᠵᠠᠯᠠᠨ ᠭᠤᠤᠯ ᠤᠨ ᠬᠤᠶᠠᠷ | ᠲᠠᠯᠠ ᠠᠴᠠ ᠨᠢᠬᠡ ᠨᠢᠬᠡᠨ ᠢᠶᠠᠨ ᠲᠠᠭᠤᠳᠠᠯᠴᠠᠨ᠂ ᠬᠦᠬᠡ᠂ ᠨᠤᠭᠤᠭᠠᠨ᠂ ᠶᠠᠭᠠᠨ᠂ ᠬᠠᠷᠠ ᠤᠰᠤᠨ ᠭᠤᠳᠤᠯ ᠤᠳ | ᠵᠦᠷᠢᠯᠳᠤᠨ᠂ ᠬᠦᠭᠡᠷᠴᠦ ᠭᠠᠷᠤᠭᠰᠠᠨ ᠬᠤᠷᠴᠠ ᠨᠠᠷᠠᠨ ᠤ ᠲᠤᠤᠷᠠ ᠤᠭᠢᠶᠠᠭᠳᠠᠭᠰᠠᠨ ᠪᠠᠶᠢᠰᠢᠩ ᠪᠠᠷᠢᠯᠭᠠ ᠲᠠᠢ | ᠨᠡᠶᠢᠯᠡᠭᠡᠳ ᠲᠡᠭᠡᠷᠡ ᠨᠢ ᠬᠦᠭᠡ ᠲᠡᠭᠷᠢ ᠮᠡᠯᠴᠡᠶᠢᠨ ᠶᠤᠰᠤᠳᠠᠢ ᠯᠠ ᠲᠤᠰᠤᠨ ᠪᠤᠳᠤᠭ ᠤᠨ ᠵᠢᠷᠤᠭ ᠰᠢᠭ᠋ ᠬᠠᠷᠠᠭᠳᠠᠨᠠ᠃ | ᠢᠮᠠᠭᠠᠳ ᠰᠦᠷᠦᠭ ᠲᠠᠭᠠᠭᠤᠯᠤᠨ ᠠᠭᠤᠯᠠ ᠠᠪᠠᠷᠢᠭᠠᠳ ᠲᠡᠷᠡ ᠬᠤᠶᠢᠰᠢ ᠪᠠᠨ ᠵᠡᠭᠡᠷᠭᠡᠨᠡ ᠶᠢᠨ ᠰᠢᠷᠡᠭᠡ ᠶᠢ | ᠲᠠᠪᠠᠭᠠᠳ ᠨᠡᠬᠦᠳᠡᠯᠯᠡᠵᠦ ᠪᠠᠶᠢᠭᠠ ᠡᠬᠦᠯᠡᠰ ᠰᠢᠭ ᠯᠠ ᠠᠯᠠᠭᠠ ᠪᠤᠯᠤᠯᠠ᠃ | ᠵᠢᠭᠡ ᠪᠢᠳᠡ ᠬᠤᠶᠠᠷ ᠤᠰᠤ ᠰᠢᠪᠠᠷ ᠲᠤᠮᠳᠠᠭᠤᠷ ᠬᠦᠳᠦᠯᠦᠯᠴᠡᠨ ᠠᠯᠬᠤᠪᠠ᠃ ᠨᠡᠯᠢᠶᠡᠳ ᠬᠠᠶᠠᠭᠳᠠᠮᠠᠯ ᠬᠤᠳᠠ | ᠰᠠᠭᠤᠷᠢᠨ ᠦᠶᠡᠷ ᠲᠤ ᠤᠷᠤᠰᠤᠭᠠᠳ ᠠᠯᠠᠭᠠ ᠪᠤᠯᠵᠠᠢ᠃ ᠪᠢᠳᠡ ᠬᠤᠶᠠᠷ ᠦᠶᠡᠷ ᠢ ᠦᠭᠰᠦᠨ ᠲᠡᠭᠡᠭᠰᠢ ᠠᠯᠬᠤᠯᠠ᠃ | ᠬᠤᠳᠳᠤᠭ ᠤᠨ ᠲᠡᠷᠭᠡᠳᠡᠭᠦᠷ ᠭᠠᠷᠬᠤ ᠳᠤ ᠪᠤᠳᠠᠨ ᠲᠡᠭᠡᠷᠡ ᠪᠠᠶᠢᠭᠰᠠᠨ ᠬᠤᠪᠤᠭᠤ ᠠᠯᠠᠭᠠ ᠪᠤᠯᠵᠠᠢ᠃ ᠮᠠᠨ ᠤ ᠬᠤᠳᠠ | ᠤᠰᠤ ᠪᠠᠷ ᠢᠶᠠᠨ ᠬᠡᠳᠤᠨ ᠦᠶᠡ ᠪᠠᠷ ᠢᠶᠠᠨ ᠵᠠᠷᠤᠵᠤ ᠪᠠᠶᠢᠭᠠ ᠰᠠᠶᠢᠨ ᠬᠤᠪᠤᠭᠤ ᠶᠤᠮ ᠰᠠᠨ᠂ ᠬᠠᠶᠢᠷᠠᠨ ᠁ | ᠤᠳᠤ ᠤᠯᠬᠤ ᠠᠴᠠ ᠦᠩᠭᠡᠷᠡᠭᠰᠡᠨ᠂ ᠬᠠᠪᠳᠠᠭᠠᠢ ᠶᠢᠨ ᠨᠠᠭᠤᠷ ᠠᠴᠠ ᠲᠡᠬᠦᠨ ᠢ ᠱᠦᠬᠦᠨᠡ ᠭᠡᠳᠡᠭ ᠴᠢᠨᠢ ᠶᠤᠰᠤᠳᠠᠢ | ᠠᠯᠠᠭᠠᠨ ᠤ ᠬᠤᠩᠬᠤᠷ ᠢ ᠬᠠᠵᠠᠬᠤ ᠲᠠᠢ ᠠᠳᠠᠯᠢ᠃ ᠡᠷᠬᠢ ᠪᠠᠭᠠ ᠦᠭᠡᠢ ᠰᠡᠳᠡᠷᠡᠵᠡᠢ᠃ ᠡᠷᠬᠢᠨ ᠠᠴᠠ ᠪᠠᠷᠤᠭ | ᠠᠷᠪᠠᠭᠠᠳ ᠠᠯᠬᠤᠮ ᠤᠨ ᠵᠠᠶᠢᠳᠠᠢ ᠪᠠᠶᠢᠳᠠᠭ ᠠᠵᠢᠶᠠ ᠵᠠᠯᠠᠨ ᠤ ᠡᠪᠤᠯᠵᠢᠶᠡᠨ ᠤ ᠦᠨᠦᠴᠢᠨ ᠤᠶᠠᠭᠠ ᠶᠢ ᠴᠦ | ᠠᠪᠤᠭᠠᠳ ᠶᠠᠪᠤᠴᠢᠬᠠᠵᠠᠢ᠃ ᠬᠡᠤᠬᠡᠳ ᠤᠳ ᠭᠠᠳᠠᠨᠠ ᠪᠠᠨ ᠠᠪᠴᠢᠷᠠᠵᠤ ᠪᠤᠯᠠᠨᠠ ᠭᠡᠳ ᠪᠤᠯᠳᠠᠭ ᠦᠭᠡᠢ᠃ ᠬᠠᠷᠢᠨ | ᠪᠢ ᠲᠠᠰᠤ ᠰᠡᠭᠰᠦᠷᠳᠡᠭ ᠪᠠᠶᠢᠯᠠ᠃ ᠡᠨᠡ ᠤᠶᠠᠭᠠ ᠶᠢ ᠠᠪᠤᠭᠠᠳ ᠬᠠᠶᠠᠴᠢᠬᠠᠪᠠᠯ ᠬᠤᠵᠢᠮ ᠠᠵᠢᠶᠠ ᠵᠠᠯᠠᠨ ᠤ | ᠪᠠᠭᠤᠷᠢ ᠶᠢᠨ ᠲᠤᠮᠵᠢᠶᠠ ᠶᠢ ᠮᠡᠳᠡᠬᠦ ᠬᠦᠮᠦᠨ ᠠᠯᠠᠭᠠ ᠪᠤᠯᠤᠨᠠ᠃ ᠤᠶᠠᠭᠠ ᠶᠠᠪᠤᠭᠰᠠᠨ ᠪᠠᠶᠢᠬᠤ ᠳᠤ ᠶᠡᠭᠡ ᠶᠠᠭᠤᠮᠠ | ᠲᠠᠭᠠᠭᠠᠳ ᠶᠠᠪᠤᠭᠰᠠᠨ ᠳ᠋ᠡ ᠭᠡᠳ ᠪᠢ ᠬᠠᠯᠠᠭᠯᠠᠨ ᠱᠤᠭᠰᠢᠷᠠᠪᠠ᠃ | — ᠨᠠᠭᠠᠴᠤ ᠡ᠂ ᠠᠳᠡ ᠪᠤᠯᠠᠭᠠᠳᠠᠢ ᠪᠠᠶᠢᠭᠰᠠᠨ ᠮᠤᠳᠤ ᠶᠠᠭᠠᠬᠢᠴᠢᠬᠠᠵᠤ ᠪᠤᠢ ᠭᠡᠵᠤ ᠵᠢᠭᠡ ᠶᠢᠨ ᠠᠰᠠᠭᠤᠭᠰᠠᠨ ᠢ | ᠨᠠᠳᠠᠳᠤ ᠬᠠᠷᠢᠭᠤᠯᠬᠤ ᠰᠡᠬᠡᠬᠡ ᠪᠠᠶᠢᠭᠠ ᠦᠭᠡᠢ᠃ | ᠪᠢᠳᠡ ᠬᠤᠶᠠᠷ ᠦᠷᠬᠦᠯᠵᠢᠯᠡᠨ ᠲᠡᠭᠡᠭᠰᠢ ᠶᠠᠪᠤᠯᠠ᠃ ᠬᠠᠮᠳᠤ ᠶᠢᠨ ᠦᠶᠡ ᠶᠢᠨ ᠲᠤᠮᠤ ᠵᠠᠳᠠᠭᠠᠢ ᠬᠤᠷᠤᠭᠠ ᠠᠯᠠᠭᠠ | ᠪᠤᠯᠵᠠᠢ᠃ ᠪᠠᠷᠢᠭᠠᠳᠠ ᠶᠢᠨ ᠦᠶᠡ ᠶᠢᠨ ᠰᠢᠪᠠᠷ᠂ ᠴᠢᠯᠠᠭᠤ᠂ ᠵᠦᠩ ᠵᠡᠷᠭᠡ ᠶᠠᠩᠵᠤ ᠶᠢᠨ ᠶᠠᠭᠤᠮᠠ ᠪᠠᠷ ᠵᠡᠷᠭᠡᠯᠡᠵᠦ | ᠪᠠᠷᠢᠭᠰᠠᠨ ᠨᠢᠭᠡ ᠲᠤᠮᠤ ᠬᠤᠷᠤᠭᠠ ᠶᠢ ᠮᠠᠨ ᠤ ᠬᠢᠨ ᠬᠤᠳᠠ ᠪᠠᠷ ᠢᠶᠠᠨ ᠬᠠᠮᠵᠢᠵᠤ ᠭᠠᠳᠠᠭᠤᠷ ᠨᠢ ᠲᠤᠭᠤᠰᠬᠠ ᠪᠠᠷ | ᠪᠦᠷᠢᠭᠡᠳ ᠠᠳᠤᠭᠤ ᠲᠡᠯᠯᠡᠬᠦ᠂ ᠦᠷᠢᠶᠡ ᠬᠠᠭᠠᠷᠢᠬᠤ᠂ ᠲᠡᠮᠡᠭᠡ ᠤᠭᠢᠶᠠᠬᠤ ᠵᠡᠷᠭᠡ ᠲᠤᠮᠤ ᠠᠵᠢᠯ ᠳᠤ ᠵᠠᠷᠤᠳᠠᠭ | ᠪᠠᠶᠢᠭᠰᠠᠨ ᠶᠤᠮ᠃ ᠤᠳᠤ ᠪᠠᠶᠢᠬᠤ ᠦᠭᠡᠢ ᠪᠤᠯᠵᠠᠢ᠃ ᠲᠡᠷᠡ ᠵᠡᠬᠦᠨ ᠬᠡᠷᠡᠮ ᠤᠨ ᠬᠢᠨᠢ ᠨᠢᠭᠡ ᠭᠡᠰᠡᠭ ᠬᠡᠳᠤᠨ ᠠᠯᠳᠠ | ᠶᠠᠭᠤᠮᠠ ᠬᠠᠷᠢᠨ ᠵᠦᠪ ᠵᠦᠬᠡᠷ ᠬᠤᠴᠤᠷᠴᠢᠬᠠᠭᠰᠠᠨ ᠪᠠᠶᠢᠪᠠ᠃ ᠤᠴᠢᠭᠠᠳ ᠦᠵᠡᠭᠰᠡᠨ ᠴᠢᠨᠢ ᠬᠡᠳᠤᠨ ᠠᠯᠳᠠ ᠶᠢᠨ | ᠵᠦᠩ ᠬᠡᠷᠡᠮ ᠯᠠ ᠪᠠᠶᠢᠨᠠ᠃ ᠪᠢ ᠲᠡᠪᠳᠦᠵᠦ ᠨᠢᠯᠴᠠᠭᠠᠢ ᠪᠤᠯᠤᠭᠰᠠᠨ ᠵᠦᠩ ᠤᠨ ᠰᠢᠪᠠᠷ ᠠᠴᠠ ᠴᠢᠮᠬᠢᠵᠦ ᠠᠪᠤᠭᠠᠳ | ᠢᠮᠡᠷᠴᠦ ᠦᠵᠡᠪᠡ᠃ ᠡᠨᠡ ᠬᠡᠤᠬᠡᠳ ᠤᠨ ᠬᠦᠯᠬᠦᠳᠡᠭ ᠬᠦᠭᠡᠰᠤᠨ ᠰᠢᠬᠢᠷ ᠤᠨ ᠨᠢᠯᠴᠠᠭᠠᠢ ᠰᠢᠬ ᠶᠠᠭᠤᠮᠠ ᠭᠠᠷ ᠲᠤ | ᠢᠮᠡᠷᠦᠭᠳᠡᠪᠡ᠃ | — ᠨᠠᠭᠠᠴᠤ ᠡ᠂ ᠡᠨᠡ ᠶᠠᠭᠠᠬᠢᠭᠠᠳ ᠦᠶᠡᠷ ᠲᠤ ᠤᠷᠤᠰᠤᠭᠰᠠᠨ ᠦᠭᠡᠢ ᠪᠤᠢ︖ | — ᠮᠢᠨᠤ ᠬᠦᠤ᠂ ᠡᠨᠡ ᠬᠡᠷᠡᠮ ᠢ ᠵᠦᠩ ᠬᠡᠷᠡᠮ ᠭᠡᠳᠡᠭ ᠶᠤᠮ᠂ ᠵᠦᠯᠭᠡᠳᠤ ᠭᠠᠵᠠᠷ ᠤᠨ ᠴᠢᠩᠭᠠ ᠬᠠᠳᠠᠭᠤ ᠨᠠᠩᠬᠢ | ᠰᠢᠷᠤᠢ ᠶᠢ ᠬᠢᠰᠬᠢᠵᠤ ᠲᠠᠯᠪᠢᠭᠠᠳ ᠪᠠᠷᠢᠭᠰᠠᠨ ᠪᠤᠯᠬᠤᠷ ᠶᠠᠮᠠᠷ ᠴᠤ ᠤᠰᠤ ᠦᠶᠡᠷ ᠠᠴᠠ ᠠᠶᠤᠳᠠᠭ ᠦᠭᠡᠢ ᠶᠤᠮ᠃ | — ᠶᠠᠭᠠᠬᠢᠭᠠᠳ︖ | ᠵᠢᠭᠡ ᠪᠢᠳᠡ ᠬᠤᠶᠠᠷ ᠤᠨ ᠠᠰᠠᠭᠤᠯᠳᠠ ᠬᠠᠷᠢᠭᠤᠯᠳᠠ ᠤᠶᠢᠯᠠᠭᠠᠬᠤ ᠤᠶᠢᠯᠠᠭᠠᠬᠤ ᠦᠭᠡᠢ ᠶᠢᠨ ᠬᠤᠭᠤᠷᠤᠨᠳᠤ | ᠶᠠᠪᠤᠭᠳᠠᠭᠰᠠᠭᠠᠷ ᠪᠠᠶᠢᠯᠠ᠃ ᠤᠷᠢᠳᠤ ᠮᠠᠨ ᠤ ᠬᠢᠨ ᠨᠠᠭᠤᠷ ᠪᠦᠷᠢᠳᠦ ᠶᠢᠨ ᠨᠤᠭᠤ ᠰᠠᠪᠠ ᠭᠠᠵᠠᠷ ᠤᠨ ᠵᠦᠯᠭᠡᠳᠤ | ᠭᠠᠵᠠᠷ ᠢ ᠬᠦᠷᠵᠡ ᠪᠠᠷ ᠲᠦᠷᠪᠡᠯᠵᠢᠨ ᠬᠢᠰᠬᠢᠵᠦ ᠠᠪᠤᠭᠠᠳ ᠬᠤᠷᠤᠭᠠ ᠪᠠᠶᠢᠰᠢᠩ ᠪᠠᠷᠢᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ | ᠵᠠᠪᠰᠠᠷ ᠵᠠᠭᠠᠯᠢᠬᠠᠢ ᠪᠠᠷ ᠨᠢ ᠶᠠᠮᠠᠷ ᠴᠤ ᠨᠠᠭᠠᠯᠳᠠ ᠰᠢᠪᠠᠷ ᠭᠡᠵᠤ ᠵᠠᠷᠤᠳᠠᠭ ᠦᠭᠡᠢ᠂ ᠵᠦᠬᠡᠷ ᠯᠠ ᠪᠡᠶᠡᠨ ᠠᠴᠠ ᠨᠢ | ᠱᠦᠬᠦᠷᠡᠭᠰᠡᠨ ᠴᠢᠭᠢᠭ ᠢᠶᠠᠷ ᠨᠢ ᠨᠠᠭᠠᠯᠳᠤᠭᠤᠯᠤᠭᠠᠳ ᠲᠠᠷᠤᠵᠤ ᠲᠠᠷᠤᠭᠠᠳ ᠰᠢᠬᠠᠭᠠᠳ ᠲᠠᠯᠪᠢᠴᠢᠬᠠᠳᠠᠭ ᠶᠤᠮ᠃ | ᠬᠠᠳᠠᠪᠠᠯ ᠬᠤᠭᠤᠷᠤᠨᠳᠤ ᠪᠠᠨ ᠴᠤᠬᠤᠢ ᠰᠢᠭ᠋ ᠵᠢᠭᠤᠷᠠᠭᠠᠳ ᠪᠠᠷᠢᠯᠳᠤᠴᠢᠬᠠᠨᠠ᠃ ᠵᠦᠩ ᠤᠨ ᠬᠤᠩᠬᠤᠷ ᠭᠡᠳ | ᠵᠢᠵᠢᠭᠭᠡᠨ ᠬᠤᠩᠬᠤᠷ ᠤᠳ ᠠᠳᠡ ᠲᠡᠨᠳᠡ ᠦᠭᠡᠢ ᠪᠠᠶᠢᠳᠠᠭ ᠶᠤᠮ᠃ ᠮᠠᠯᠳᠠᠭᠰᠠᠨ ᠪᠢᠰᠢ ᠭᠡᠷᠴᠢᠵᠦ ᠠᠪᠤᠭᠰᠠᠨ | ᠪᠤᠯᠬᠤᠷ ᠬᠦᠷᠦᠰᠦ ᠲᠤᠤᠷᠠᠬᠠᠨ ᠢᠶᠠᠨ ᠡᠳᠡᠭᠡᠨᠡ᠃ ᠮᠠᠨ ᠤ ᠨᠤᠳᠤᠭ ᠤᠨ ᠪᠠᠷᠢᠯᠭᠠ ᠪᠠᠶᠢᠰᠢᠩ ᠤᠨ ᠡᠬᠢ | ᠰᠤᠷᠪᠤᠯᠵᠢ ᠨᠢ ᠴᠦ ᠬᠦᠷᠦᠰᠦ ᠰᠢᠷᠦᠢ ᠳᠤ ᠪᠠᠨ ᠪᠠᠶᠢᠳᠠᠭ ᠶᠤᠮ᠃ ᠦᠨᠦᠴᠢᠨ ᠬᠡᠷᠡᠮ ᠢ ᠨᠡᠯᠢᠶᠡᠳ ᠬᠠᠷᠠᠭᠠᠳ ᠪᠢ | ᠵᠢᠭᠡ ᠪᠠᠨ ᠬᠦᠳᠦᠯᠦᠨ ᠪᠤᠴᠠᠪᠠ᠃ ᠵᠢᠭᠡ ᠪᠠᠶᠢᠨ ᠪᠠᠶᠢᠨ ᠡᠷᠬᠢᠨ ᠬᠠᠷᠠᠨᠠ᠃ ᠪᠢ ᠵᠢᠬᠡ ᠶᠢᠨ ᠢᠶᠠᠨ ᠲᠤᠯᠤᠭᠠᠢ ᠶᠢ | ᠢᠯᠪᠢᠭᠡᠳ ᠦᠬᠡᠳᠡ ᠠᠴᠠ ᠨᠢ ᠬᠠᠷᠠᠪᠠ᠃ ᠪᠢᠳᠠ ᠬᠤᠶᠠᠷ ᠤᠨ ᠬᠠᠷᠠᠴᠠ ᠮᠦᠷᠬᠦᠯᠳᠦᠪᠡ᠃ ᠦᠬᠡᠳᠡ ᠪᠠᠨ | ᠰᠢᠷᠳᠡᠯᠴᠡᠭᠰᠡᠨ ᠲᠦᠷᠪᠡᠨ ᠨᠢᠳᠤ ᠡᠨᠡ ᠰᠠᠶᠢᠬᠠᠨ ᠨᠤᠳᠤᠭ ᠤᠨ ᠲᠠᠶᠢᠯᠤᠭᠳᠠᠰᠢ ᠦᠭᠡᠢ ᠤᠯᠠᠨ ᠨᠢᠭᠤᠴᠠ | ᠭᠠᠶᠢᠬᠠᠮᠰᠢᠭᠳᠤ ᠷᠢᠳᠢ ᠰᠢᠳᠢ ᠶᠢ ᠪᠡᠶᠡ ᠪᠡᠶᠡᠨ ᠳᠤ ᠪᠠᠨ ᠠᠭᠤᠰᠬᠠᠬᠤ ᠰᠢᠭ᠋ ᠶᠡᠭᠡ ᠤᠳᠠᠭᠠᠨ ᠰᠢᠷᠳᠡᠯᠴᠡᠯᠡ᠃ | |