| ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠬᠢᠴᠢᠶᠡᠯ | ᠠ᠊ · ᠳ᠋ᠠᠦᠲ᠋ᠠᠢ | ᠲᠡᠷᠡ ᠥᠷᠯᠥᠭᠡ ᠪᠢ᠂ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠲᠤᠩ ᠶᠡᠭᠡ ᠬᠤᠵᠢᠳᠠᠵᠤ ᠣᠴᠢᠭᠰᠠᠨ ᠲᠤᠯᠠ ᠪᠠᠭᠰᠢ | ᠬᠠᠮᠧᠯ ᠳᠤ ᠵᠢᠮᠡᠯᠡᠭᠳᠡᠬᠦ ᠠᠴᠠ ᠪᠠᠨ ᠤᠬᠠᠭᠠᠨ ᠥᠭᠡᠢ ᠠᠶᠤᠭᠰᠠᠨ ᠪᠢᠯᠡ᠃ ᠲᠡᠷᠡ ᠡᠳᠦᠷ ᠥᠨᠥᠬᠢ ᠦᠢᠯᠡ ᠦᠭᠡ | ᠶᠢᠨ ᠬᠤᠪᠢᠯᠤᠯ ᠢᠶᠠᠨ ᠪᠢᠳᠡᠨ ᠠᠴᠠ ᠠᠰᠠᠭᠤᠬᠤ ᠭᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠪᠢ ᠶᠠᠳᠠᠬᠤ ᠳᠤ ᠪᠠᠨ ᠲᠡᠭᠦᠨ ᠠᠴᠠ ᠨᠢ | ᠨᠢᠭᠡ ᠶᠢ ᠴᠦ ᠣᠯᠢᠭᠳᠠᠢᠬᠠᠨ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠲᠤᠯᠠ ᠰᠤᠷᠭᠠᠭᠤᠯᠢ ᠳᠤ ᠣᠴᠢᠬᠤ ᠶᠢᠨ ᠣᠷᠣᠨ ᠳᠤ | ᠭᠠᠳᠠᠭᠤᠷ ᠶᠠᠪᠤᠵᠤ ᠵᠤᠭᠠᠴᠠᠮᠠᠷ ᠰᠠᠨᠠᠭᠳᠠᠯᠠ᠃ | ᠲᠡᠷᠡ ᠡᠳᠦᠷ ᠤᠨ ᠴᠡᠯᠮᠡᠭ ᠪᠥᠭᠡᠳ ᠳᠤᠯᠠᠭᠠᠬᠠᠨ ᠴᠤ ᠭᠡᠵᠦ ᠡ︕ ᠶᠡᠭᠡ ᠠᠯᠠᠭ ᠪᠢᠯᠵᠤᠤᠳᠬᠠᠶ ᠨᠤᠭᠤᠳ | ᠮᠣᠳᠣᠳ ᠲᠤ ᠪᠠᠨ ᠳᠣᠩᠭᠤᠳᠬᠤ ᠨᠢ ᠶᠠᠭᠤᠲᠠᠶ ᠰᠠᠶᠢᠬᠠᠨ ᠠᠵᠢ᠂ ᠮᠣᠳᠣ ᠵᠦᠰᠦᠬᠦ ᠦᠢᠯᠡᠳᠪᠦᠷᠢ ᠶᠢᠨ ᠠᠷᠤ ᠶᠢᠨ | ᠵᠦᠯᠭᠡᠨ ᠳᠡᠭᠡᠷᠡ ᠪᠠᠰᠠ ᠫᠷᠥ᠋ᠰᠰᠢ ᠶᠢᠨ ᠴᠡᠷᠢᠭ ᠪᠣᠯᠪᠠᠰᠤᠷᠠᠯ ᠬᠢᠵᠦ ᠪᠠᠶᠢᠯᠠ᠃ ᠡᠳᠡᠭᠡᠷ ᠪᠦᠬᠦᠨ ᠨᠢ ᠨᠠᠳᠠ ᠦᠢᠯᠡ | ᠦᠭᠡ ᠶᠢᠨ ᠬᠤᠪᠢᠯᠤᠯ ᠠᠴᠠ ᠬᠠᠪᠢ ᠥᠭᠡᠢ ᠲᠠᠭᠠᠲᠠᠶ ᠰᠠᠨᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠪᠡᠶᠡ ᠪᠠᠨ ᠪᠠᠷᠢᠵᠤ ᠰᠤᠷᠭᠠᠭᠤᠯᠢ | ᠤᠷᠤᠭᠤ ᠪᠠᠨ ᠶᠠᠭᠠᠷᠠᠨ ᠭᠦᠶᠦᠵᠦ ᠪᠢᠯᠡ᠃ | ᠲᠣᠰᠬᠤᠨ ᠤ ᠵᠠᠬᠢᠷᠭᠠ ᠶᠢᠨ ᠬᠠᠵᠠᠭᠤ ᠪᠠᠷ ᠭᠠᠷᠬᠤ ᠳᠤ ᠵᠠᠷᠯᠠᠯ ᠤᠨ ᠰᠠᠮᠪᠠᠷᠠ ᠶᠢᠨ ᠳᠡᠷᠭᠡᠳᠡ ᠪᠠᠭ᠋ᠠᠨ ᠤᠯᠤᠰ | ᠪᠣᠵᠢᠭᠢᠨᠠᠯᠳᠤᠵᠦ ᠪᠠᠶᠢᠯᠠ᠃ ᠣᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠠᠴᠠ ᠮᠠᠨ ᠤ ᠲᠣᠰᠬᠤᠨ ᠳᠤ ᠲᠠᠷᠬᠠᠭᠳᠠᠭᠰᠠᠨ᠄ ᠳᠠᠶᠢᠨ ᠳᠤ | ᠢᠯᠠᠭᠳᠠᠯᠠ᠂ ᠴᠡᠷᠢᠭ ᠲᠤ ᠮᠣᠷᠳᠠᠯᠠ ᠭᠡᠬᠦ ᠮᠡᠲᠦᠴᠢᠯᠡᠨ ᠴᠡᠷᠢᠭ ᠤᠨ ᠱᠲ᠋ᠠᠪ ᠤᠨ ᠬᠢᠨ ᠤ ᠶᠠᠩᠵᠤ ᠪᠦᠷᠢ ᠶᠢᠨ | ᠥᠯᠵᠡᠶ ᠪᠤᠰᠤ ᠶᠢᠨ ᠵᠠᠷᠯᠠᠯ ᠮᠡᠳᠡᠭᠡ ᠨᠦᠭᠦᠳ ᠴᠥᠮ ᠠᠳᠡ ᠠᠴᠠ ᠡᠭᠦᠰᠳᠡᠭ ᠶᠤᠮ᠃ | ᠪᠢ ᠠᠯᠬᠤᠬᠤ ᠵᠠᠭᠤᠷᠠ ᠪᠠᠨ᠄ ︽ᠵᠠ᠂ ᠪᠠᠰᠠ ᠶᠠᠭᠤ ᠪᠣᠯᠬᠤ ᠭᠡᠵᠦ ᠪᠠᠶᠢᠭᠠ ᠪᠣᠯ ᠳ᠋ᠠ︖︾ ᠭᠡᠵᠦ | ᠪᠣᠳᠣᠵᠤ ᠶᠠᠪᠤᠯᠠ᠃ | ᠲᠡᠮᠦᠷ ᠤᠨ ᠳᠠᠷᠬᠠᠨ ᠸᠠᠱᠢᠲ ᠭᠤᠸᠠᠶ ᠱᠠᠪᠢ ᠨᠠᠷ ᠤᠨ ᠢᠶᠠᠨ ᠬᠠᠮᠲᠤ ᠣᠯᠠᠨ ᠤ ᠳᠣᠲᠣᠷᠠ ᠰᠢᠬᠠᠴᠠᠯᠳᠤᠵᠤ | ᠵᠠᠷᠯᠠᠯ ᠦᠵᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠮᠢᠨᠦ ᠭᠦᠶᠦᠵᠦ ᠶᠠᠪᠤᠭᠠ ᠶᠢ ᠬᠠᠷᠠᠩᠭᠤᠳᠠ᠄ ︽ᠪᠢᠲᠡᠭᠡᠶ ᠶᠠᠭᠠᠷᠠ ᠬᠦᠦ ᠮᠢᠨᠢ᠂ | ᠴᠢ ᠶᠠᠭᠠᠬᠢᠯᠠ ᠴᠤ ᠭᠡᠰᠡᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠡᠷᠲᠡ ᠬᠦᠷᠦᠨᠡ︕︾ ᠭᠡᠵᠦ ᠬᠠᠰᠬᠢᠷᠤᠯᠠ᠃ | ᠪᠢ ᠲᠡᠭᠦᠨ ᠢ ᠨᠠᠳᠠ ᠪᠠᠷ ᠲᠣᠭᠯᠠᠵᠤ ᠪᠠᠶᠢᠭᠠ ᠪᠠᠶᠢᠯ ᠥᠬᠡᠶ ᠶᠠᠭᠠᠬᠢᠬᠤ ᠪᠤᠢ ᠭᠡᠵᠦ ᠰᠠᠨᠠᠭᠠᠳ ᠪᠥᠭᠯᠡᠷᠡᠵᠦ | ᠦᠬᠦᠮᠡᠷ ᠭᠦᠶᠦᠭᠰᠡᠭᠡᠷ ᠬᠠᠮᠧᠯ ᠪᠠᠭᠰᠢ ᠶᠢᠨ ᠵᠢᠵᠢᠭ᠌ᠬᠡᠨ ᠬᠠᠰᠢᠶᠠ ᠤᠷᠤᠭᠤ ᠨᠢ ᠤᠷᠤᠭᠰᠠᠨ ᠪᠠᠶᠢᠯᠠ᠃ | ᠮᠠᠨ ᠤ ᠬᠢᠨ ᠶᠡᠷᠦ ᠳᠤ ᠪᠠᠨ ᠬᠢᠴᠢᠶᠡᠯ ᠡᠬᠢᠯᠡᠭᠰᠡᠭᠡᠷ ᠶᠡᠭᠡ ᠯᠡ ᠦᠢᠮᠡᠵᠦ ᠱᠤᠤᠭᠢᠳᠠᠭ ᠪᠥᠭᠡᠳ ᠡᠨᠡ ᠨᠢ | ᠭᠤᠳᠤᠮᠵᠢᠨ ᠳᠤ ᠬᠦᠷᠲᠡᠯᠡ ᠢᠯᠡᠭᠡᠨ ᠰᠣᠨᠣᠰᠳᠠᠳᠠᠭ ᠪᠢᠯᠡ᠃ ᠮᠠᠨ ᠤ ᠨᠥᠬᠦᠳ ᠤᠨ ᠪᠢᠴᠢᠭ ᠤᠨ ᠰᠢᠷᠡᠭᠡᠨ ᠤ | ᠰᠢᠷᠭᠤᠭᠤᠯ ᠢᠶᠠᠨ ᠨᠡᠭᠡᠭᠡᠵᠦ ᠬᠠᠭᠠᠬᠤ ᠴᠢᠮᠡᠭᠡ᠂ ᠪᠢᠴᠢᠭ ᠢᠶᠠᠷ ᠢᠶᠠᠨ ᠴᠢᠬᠢ ᠪᠠᠨ ᠲᠠᠭᠯᠠᠵᠤ ᠳᠡᠭᠡᠷᠡ ᠳᠠᠭᠤᠨ ᠢᠶᠠᠷ | ᠴᠡᠭᠡᠵᠢ ᠪᠠᠷ ᠤᠩᠰᠢᠬᠤ ᠴᠢᠮᠡᠭᠡ ᠁ ᠪᠠᠰᠠ ᠪᠠᠭᠰᠢ ᠶᠢᠨ ᠮᠢᠨᠢ ᠥᠨᠥᠬᠢ ᠪᠦᠳᠦᠭᠦᠨ ᠲᠡᠮᠦᠷ ᠱᠤᠭᠤᠮ ᠢᠶᠠᠷ | ᠢᠶᠠᠨ ᠰᠢᠷᠡᠭᠡ ᠶᠢ ᠳᠡᠰ ᠨᠢᠰ ᠬᠢᠲᠡᠯᠡ ᠪᠠᠯᠪᠡᠵᠤ ︽ᠪᠢᠲᠡᠭᠡᠶ ᠱᠤᠤᠭᠢ︕ ᠪᠢᠲᠡᠭᠡ ᠱᠤᠤᠭᠢ ᠁︾ ᠭᠡᠬᠦ ᠳᠠᠭᠤ | ᠵᠡᠷᠭᠡ ᠪᠠᠷ ᠳᠤᠭᠤᠯᠳᠠᠵᠤ ᠶᠡᠭᠡ ᠯᠡ ᠦᠢᠮᠡᠭᠡᠨ ᠲᠠᠢ ᠪᠠᠶᠢᠳᠠᠭ ᠰᠠᠨ᠃ | ᠡᠨᠡ ᠡᠳᠦᠷ ᠪᠢ ᠡᠨᠡ ᠬᠦ ᠱᠤᠤᠬᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠭᠤᠯᠭᠤᠨ ᠣᠷᠣᠵᠤ ᠠᠮᠵᠢᠬᠤ ᠭᠡᠰᠡᠨ ᠶᠤᠮ᠃ | ᠭᠡᠲᠡᠯᠡ ᠡᠨᠡ ᠡᠳᠦᠷ ᠠᠩᠭᠢ ᠮᠠᠨᠢ ᠬᠠᠷᠢᠨ ᠠᠮᠠᠷᠠᠯᠲᠠ ᠶᠢᠨ ᠡᠳᠦᠷ ᠤᠨ ᠥᠷᠯᠥᠭᠡ ᠰᠢᠭ ᠴᠢᠪ ᠴᠢᠮᠡᠭᠡ ᠦᠭᠡᠢ | ᠪᠠᠶᠢᠪᠠ᠃ ᠭᠠᠶᠢᠬᠠᠬᠤ ᠳᠤ ᠪᠠᠨ ᠪᠢ ᠨᠡᠭᠡᠭᠡᠯᠲᠡᠲᠡᠶ ᠴᠣᠩᠬᠤ ᠪᠠᠷ ᠨᠢ ᠳᠣᠲᠣᠭᠰᠢ ᠱᠠᠭᠠᠶᠢᠭᠰᠠᠨ ᠴᠢᠨᠢ ᠰᠤᠷᠤᠭᠴᠢᠳ | ᠴᠥᠮ ᠥᠪᠡᠷ ᠥᠪᠡᠷ ᠤᠨ ᠰᠠᠭᠤᠳᠠᠯ ᠳᠤ ᠪᠠᠨ ᠰᠠᠭᠤᠴᠢᠬᠠᠭᠠᠳ ᠪᠠᠭᠰᠢ ᠬᠠᠮᠧᠯ᠂ ᠥᠨᠥᠬᠢ ᠠᠶᠢᠬᠤᠪᠲᠤᠷ ᠲᠣᠮᠣ | ᠡᠳ᠋ ᠢᠶᠠᠨ ᠰᠤᠭᠤᠨ ᠳᠤ ᠪᠠᠨ ᠬᠠᠪᠴᠢᠵᠤ ᠨᠠᠭᠠᠰᠢ ᠴᠠᠭᠠᠰᠢ ᠪᠠᠨ ᠠᠯᠬᠤᠯᠠᠵᠤ ᠪᠠᠶᠢᠯᠠ᠃ ᠪᠢ ᠬᠠᠭᠠᠯᠭᠠ ᠶᠢ ᠨᠢ | ᠠᠶᠠᠷᠬᠠᠨ ᠲᠠᠲᠠᠵᠤ ᠨᠥᠬᠦᠳ ᠤᠨ ᠨᠢᠭᠤᠷ ᠲᠠᠯᠠ ᠠᠴᠠ ᠦᠢᠮᠡᠭᠦᠯᠦᠯ ᠥᠭᠡᠢ ᠪᠠᠷ ᠠᠶᠠᠲᠠᠶᠢᠬᠠᠨ ᠣᠷᠣᠵᠤ | ᠰᠠᠭᠤᠬᠤ ᠠᠴᠠ ᠥᠭᠡᠷᠡ ᠠᠷᠭᠠ ᠠᠯᠠᠭᠠ ᠪᠣᠯᠵᠠᠶ᠃ ᠲᠡᠷᠡ ᠦᠶᠡ ᠳᠤ ᠮᠢᠨᠦ ᠵᠢᠰᠦ ᠴᠢᠷᠠᠶ ᠶᠡᠷᠦ ᠨᠢ ᠶᠠᠮᠠᠷ | ᠶᠠᠩᠵᠤ ᠲᠠᠢ ᠪᠠᠶᠢᠭᠰᠠᠨ ᠭᠡᠵᠦ ᠰᠠᠨᠠᠨᠠ ᠪᠤᠢ ᠲᠠ︖ ᠨᠢᠭᠤᠷ ᠮᠢᠨᠢ ᠴᠢᠰ ᠤᠯᠠᠭᠠᠨ ᠪᠣᠯᠵᠤ ᠵᠢᠷᠦᠬᠡ ᠠᠮᠠ ᠪᠠᠷ | ᠭᠠᠷᠴᠢᠬᠠᠬᠤ ᠰᠢᠬᠠᠵᠠᠶ︕ | ᠭᠡᠲᠡᠯᠡ ᠶᠠᠭᠠᠬᠢᠭᠰᠠᠨ ᠴᠤ ᠥᠬᠡᠶ᠃ ᠪᠠᠭᠰᠢ ᠬᠠᠮᠧᠯ ᠨᠠᠮᠠ ᠶᠢ ᠦᠵᠡᠭᠡᠳ᠄ ︽ᠪᠢᠴᠢᠬᠠᠨ ᠹᠷᠠᠩᠱ ᠮᠢᠨᠢ | ᠪᠤᠰᠢᠭᠤᠬᠠᠨ ᠣᠷᠣᠨ ᠳᠤ ᠪᠠᠨ ᠰᠠᠭᠤᠭᠠᠷᠠᠶ᠂ ᠴᠢᠮᠠ ᠶᠢ ᠪᠢᠳᠡ ᠬᠦᠯᠢᠶᠡᠬᠦ ᠥᠭᠡᠢ ᠰᠢᠤ᠂ ᠬᠢᠴᠢᠶᠡᠯ ᠢᠶᠠᠨ | ᠡᠬᠢᠯᠡᠴᠢᠬᠡᠨᠡ︾ ᠭᠡᠵᠦ ᠶᠡᠷᠦ ᠪᠤᠰᠤ ᠶᠢᠨ ᠡᠶᠡᠯᠳᠡᠩᠬᠡᠨ ᠳᠤᠤᠭᠠᠷᠪᠠ᠃ | ᠪᠢ ᠰᠡᠩᠳᠡ ᠮᠡᠩᠳᠡ ᠣᠷᠣᠨ ᠳᠤ ᠪᠠᠨ ᠣᠴᠢᠵᠤ ᠰᠠᠨᠳᠠᠯᠢ ᠳᠡᠭᠡᠷᠡ ᠪᠠᠨ ᠰᠠᠭᠤᠯᠠ᠃ ᠡᠨᠡ ᠦᠶᠡ ᠳᠤ ᠮᠢᠨᠦ | ᠵᠢᠷᠦᠬᠡᠨ ᠤ ᠯᠤᠭᠰᠢᠯᠲᠠ ᠪᠠᠭ᠋ᠠᠨ ᠨᠠᠮᠳᠠᠵᠤ ᠡᠨᠡ ᠡᠳᠦᠷ ᠪᠠᠭᠰᠢ ᠶᠢᠨ ᠢᠶᠠᠨ ᠶᠣᠰᠣᠯᠠᠯ ᠤᠨ ᠭᠤᠶᠤ ᠨᠣᠭᠤᠭᠠᠨ | ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠡᠳ ᠬᠡ ᠤᠭᠠᠯᠵᠠ ᠲᠠᠢ ᠭᠠᠯᠰᠲ᠋ᠦ᠋ᠺ ᠢᠶᠠᠨ ᠵᠡᠭᠦᠵᠦ ᠥᠨᠥᠬᠢ ᠬᠠᠳᠬᠤᠮᠠᠯ ᠡᠮᠵᠢᠶᠡᠷᠢ ᠲᠠᠢ | ᠬᠠᠷᠠ ᠲᠣᠷᠭᠠᠨ ᠲᠣᠭᠤᠷᠴᠤᠭ ᠢᠶᠠᠨ ᠴᠤ ᠡᠮᠦᠰᠴᠢᠭᠡᠭᠰᠡᠨ ᠢ ᠬᠠᠷᠠᠯᠠ᠃ ᠪᠠᠭᠰᠢ ᠮᠠᠨᠢ ᠡᠨᠡ ᠬᠦ ᠳᠡᠪᠡᠯ ᠮᠠᠯᠠᠭᠠᠶ ᠪᠠᠨ | ᠵᠥᠪᠬᠡᠨ ᠪᠠᠶᠢᠴᠠᠭᠠᠭᠴᠢ ᠲᠦᠰᠢᠮᠡᠯ ᠢᠷᠡᠬᠦ ᠪᠤᠶᠤ ᠱᠠᠩᠨᠠᠯ ᠣᠯᠭᠤᠬᠤ ᠡᠳᠦᠷ ᠤᠳ ᠲᠤ ᠯᠡ ᠡᠮᠦᠰᠳᠡᠭ ᠶᠤᠮ᠃ | ᠡᠭᠦᠨ ᠢᠶᠠᠷ ᠴᠦ ᠦᠯᠥ ᠪᠠᠷᠠᠨ ᠡᠨᠡ ᠡᠳᠦᠷ ᠬᠢᠴᠢᠶᠡᠯ ᠤᠨ ᠭᠡᠷ ᠶᠡᠷᠦ ᠪᠤᠰᠤ ᠶᠢᠨ ᠲᠥᠪᠯᠡᠭᠦᠨ ᠪᠠᠶᠢᠪᠠ᠃ ᠪᠢ ᠠᠷᠤ | ᠲᠠᠯᠠ ᠶᠢᠨ ᠬᠡᠳᠦᠨ ᠮᠥᠷ ᠢᠯᠡᠭᠦᠦ ᠰᠠᠨᠳᠠᠯᠢ ᠳᠡᠭᠡᠷᠡ ᠲᠣᠰᠬᠤᠨ ᠤ ᠬᠢᠨ ᠤ ᠨᠡᠯᠢᠶᠡᠳ ᠤᠯᠤᠰ ᠢᠷᠡᠵᠦ ᠪᠢᠳᠡᠨ ᠲᠠᠢ | ᠠᠳᠠᠯᠢ ᠲᠣᠪ ᠳᠤᠭᠤᠶ ᠰᠠᠭᠤᠵᠠᠭᠠᠵᠤ ᠪᠠᠶᠢᠭᠠ ᠶᠢ ᠦᠵᠡᠭᠡᠳ ᠮᠠᠰᠢ ᠶᠡᠭᠡ ᠭᠠᠶᠢᠬᠠᠯᠠ᠂ ᠡᠭᠦᠨ ᠳᠤ ᠭᠤᠷᠪᠠᠯᠵᠢᠨ | ᠮᠠᠯᠠᠭᠠᠶ ᠲᠠᠢ ᠡᠪᠦᠭᠡᠨ ᠬᠠᠤᠰᠦ᠋᠂ ᠤᠷᠢᠳᠤ ᠶᠢᠨ ᠲᠣᠰᠬᠤᠨ ᠤ ᠳᠠᠷᠤᠭᠠ᠂ ᠤᠷᠢᠳᠤ ᠶᠢᠨ ᠰᠢᠤᠳᠠᠨ ᠤ ᠤᠯᠠᠭᠠᠴᠢ | ᠵᠡᠷᠭᠡ ᠨᠡᠯᠢᠶᠡᠳ ᠬᠥᠮᠦᠰ ᠪᠠᠶᠢᠯᠴᠠᠪᠠ᠃ ᠡᠳᠡ ᠴᠥᠮ ᠢᠶᠠᠷ ᠢᠶᠠᠨ ᠵᠣᠪᠠᠨᠢᠩᠭᠤᠶ ᠴᠢᠷᠠᠶ ᠲᠠᠢ ᠰᠠᠭᠤᠵᠠᠭᠠᠨᠠ᠃ | ᠬᠠᠰᠦ᠋ ᠭᠤᠸᠠᠶ ᠡᠪᠦᠳᠦᠭ ᠳᠡᠭᠡᠷᠡ ᠪᠠᠨ ᠡᠯᠡᠭᠳᠡᠵᠦ ᠬᠠᠭᠤᠴᠢᠷᠬᠠᠭᠰᠠᠨ ᠠᠩᠬᠠ ᠵᠡᠷᠭᠡ ᠶᠢᠨ ᠰᠤᠷᠬᠤ ᠪᠢᠴᠢᠭ | ᠳᠡᠯᠭᠡᠵᠦ ᠳᠡᠭᠡᠷᠡ ᠨᠢ ᠪᠠᠰᠠ ᠥᠨᠥᠬᠢ ᠪᠥᠭᠡᠯᠢᠭ ᠲᠣᠮᠣ ᠭᠠᠯ ᠰᠢᠯ ᠢᠶᠠᠨ ᠲᠠᠯᠪᠢᠵᠠᠶ᠃ | ᠪᠢ ᠡᠳᠡᠭᠡᠷ ᠰᠣᠨᠢᠷᠬᠠᠯᠲᠠᠶ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠵᠤ ᠭᠠᠶᠢᠬᠠᠨ ᠠᠳᠠᠯᠠ ᠪᠠᠭᠰᠢ ᠬᠠᠮᠧᠯ ᠰᠠᠨᠳᠠᠯᠢ ᠳᠡᠭᠡᠷᠡ ᠪᠠᠨ | ᠰᠠᠭᠤᠭᠠᠳ ᠰᠠᠶᠢᠬᠠᠨ ᠨᠠᠳᠠ ᠶᠠᠷᠢᠭᠰᠠᠨ ᠲᠠᠢ ᠪᠠᠨ ᠠᠳᠠᠯᠢ ᠪᠢᠳᠡᠨ ᠤᠷᠤᠭᠤ ᠡᠶᠡᠯᠳᠡᠭ ᠲᠥᠪᠯᠡᠭᠦᠨ ᠢᠶᠠᠷ᠄ | ︽ᠬᠡᠦᠬᠡᠳ ᠤᠳ ᠡ︕ ᠡᠨᠡ ᠪᠣᠯ ᠪᠠᠭᠰᠢ ᠶᠢᠨ ᠴᠢᠨᠢ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠨᠢᠭᠡ ᠬᠢᠴᠢᠶᠡᠯ᠂ | ᠪᠧᠷᠯᠢᠨ ᠠᠴᠠ ᠨᠢᠭᠡᠨᠲᠡ ᠠᠯᠰᠠᠰ ᠬᠢᠭᠡᠳ ᠯᠣᠲ᠋ᠠᠷᠢᠨᠬᠢ ᠶᠢᠨ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠤ ᠵᠥᠪᠬᠡᠨ ᠭᠧᠷᠮᠠᠨ ᠬᠡᠯᠡ | ᠵᠢᠭᠠᠬᠤ ᠬᠡᠷᠡᠭᠲᠡᠶ ᠭᠡᠳᠡᠭ ᠲᠤᠰᠢᠶᠠᠯ ᠢᠷᠡᠵᠡᠢ᠃ ᠰᠢᠨᠡ ᠪᠠᠭᠰᠢ ᠴᠢᠨᠢ ᠮᠠᠷᠭᠠᠰᠢ ᠢᠷᠡᠨᠡ᠃ ᠡᠨᠡ ᠡᠳᠦᠷ ᠪᠣᠯ | ᠹᠷᠠᠨᠼᠢ ᠬᠡᠯᠡᠨ ᠤ ᠲᠤᠬᠠᠶ ᠲᠠ ᠨᠠᠷ ᠤᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠬᠢᠴᠢᠶᠡᠯ ᠪᠣᠯᠬᠤ ᠲᠤᠯᠠ ᠢᠯᠡᠭᠦᠬᠡᠨ | ᠠᠩᠬᠠᠷᠬᠤ ᠶᠢ ᠬᠦᠰᠡᠶᠡ︾ ᠭᠡᠪᠡ᠃ | ᠪᠠᠭᠰᠢ ᠶᠢᠨ ᠢᠶᠠᠨ ᠡᠨᠡ ᠬᠡᠳᠦᠨ ᠦᠭᠡ ᠶᠢ ᠰᠣᠨᠣᠰᠤᠭᠠᠳ ᠡᠯᠢᠭᠡ ᠵᠢᠷᠦᠬᠡ ᠮᠢᠨᠢ ᠰᠢᠮᠰᠢᠷᠡᠵᠦ ᠪᠢᠯᠡ᠃ ᠠ᠂ | ᠵᠣᠯᠢᠭ ᠤᠳ ᠣᠣᠬᠠᠢ︕ ᠲᠡᠳᠡ ᠲᠣᠰᠬᠤᠨ ᠤ ᠵᠠᠬᠢᠷᠭᠠ ᠶᠢᠨ ᠵᠠᠷᠯᠠᠯ ᠤᠨ ᠰᠠᠮᠪᠠᠷᠠ ᠳᠤ ᠶᠠᠭᠤᠮᠠ ᠨᠠᠭᠠᠵᠤ | ᠪᠠᠶᠢᠭᠰᠠᠨ ᠴᠢᠨᠢ ᠡᠨᠡ ᠤᠴᠢᠷ ᠶᠤᠮ ᠰᠠᠨᠵᠠᠶ᠃ | ᠮᠢᠨᠦ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠹᠷᠠᠨᠼᠢ ᠬᠡᠯᠡᠨ ᠤ ᠬᠢᠴᠢᠶᠡᠯ ᠡ︕ | ᠪᠢ ᠣᠳᠣᠬᠠᠨ᠂ ᠥᠭᠦᠯᠡᠪᠦᠷᠢ ᠨᠠᠶᠢᠷᠠᠭᠤᠯᠵᠤ ᠪᠢᠴᠢᠵᠦ ᠴᠤ ᠴᠢᠳᠠᠭᠠᠳᠤᠶ ᠪᠠᠶᠢᠬᠤ ᠳᠤ ᠹᠷᠠᠨᠼᠢ ᠬᠡᠯᠡ ᠪᠠᠨ | ᠳᠠᠬᠢᠨ ᠣᠯᠵᠤ ᠰᠤᠷᠬᠤ ᠦᠭᠡᠶ ᠨᠢ ᠡ︕ ᠡᠭᠦᠨ ᠤ ᠤᠷᠢᠳ ᠪᠢ ᠬᠢᠴᠢᠶᠡᠯ ᠢᠶᠠᠨ ᠣᠷᠬᠢᠵᠤ ᠰᠢᠪᠠᠭᠤᠨ ᠤ ᠡᠭᠦᠷ | ᠠᠭᠤᠳᠠᠯᠬᠤ᠂ ᠰᠠᠷ ᠭᠤᠤᠯ ᠤᠨ ᠮᠥᠰᠥᠨ ᠳᠡᠭᠡᠷᠡ ᠲᠡᠰᠢᠬᠦ ᠵᠡᠷᠭᠡ ᠪᠠᠷ ᠳᠠᠩᠴᠤ ᠤᠬᠠᠭᠠᠨ ᠥᠬᠡᠶ ᠰᠤᠷᠤᠯᠴᠠᠵᠤ ᠳ᠋ᠠ | ᠁ ᠶᠠᠭᠤᠲᠠᠶ ᠴᠤ ᠬᠠᠷᠠᠮᠰᠠᠯᠲᠠᠶ ᠠᠵᠢ︕ ᠡᠳᠡᠭᠡᠷ ᠬᠡᠯᠡ ᠵᠦᠶ᠂ ᠲᠡᠦᠬᠡ ᠵᠡᠷᠭᠡ ᠬᠢᠴᠢᠶᠡᠯ ᠤᠳ ᠤᠨ ᠰᠤᠷᠬᠤ | ᠪᠢᠴᠢᠭ ᠨᠠᠳᠠ ᠥᠴᠥᠭᠡᠳᠦᠷᠬᠡᠨ ᠬᠦᠷᠲᠡᠯᠡ ᠠᠪᠴᠤ ᠶᠠᠪᠤᠬᠤ ᠳᠤ ᠬᠦᠨᠳᠦ ᠪᠥᠭᠡᠳ ᠰᠤᠷᠬᠤ ᠳᠤ ᠲᠤᠩ ᠬᠡᠴᠡᠭᠦᠦ | ᠰᠠᠨᠠᠭᠳᠠᠨ ᠠᠳᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠨᠢ ᠡᠳᠦᠭᠡ ᠬᠠᠷᠢᠨ ᠳᠣᠲᠣᠨᠣ ᠶᠢᠨ ᠬᠠᠯᠠᠮᠵᠢᠲᠤ ᠰᠠᠶᠢᠨ ᠨᠥᠬᠦᠷ ᠰᠢᠭ | ᠪᠣᠯᠣᠭᠠᠳ ᠰᠠᠯᠵᠤ ᠶᠠᠳᠠᠮᠠ ᠪᠣᠯᠴᠢᠬᠠᠯᠠ᠃ ᠪᠠᠭᠰᠢ ᠮᠢᠨᠢ ᠴᠦ ᠪᠠᠰᠠ ᠨᠣᠮ ᠲᠠᠢ ᠮᠢᠨᠢ ᠠᠳᠠᠯᠢ ᠪᠠᠷ ᠢᠩᠭᠢᠵᠦ | ᠰᠠᠨᠠᠭᠳᠠᠭᠠᠳ ᠶᠠᠪᠤᠴᠢᠬᠠᠯᠠ᠃ ᠪᠠᠭᠰᠢ ᠮᠢᠨᠢ ᠪᠢᠳᠡᠨ ᠠᠴᠠ ᠪᠠᠨ ᠰᠠᠯᠤᠯᠠ᠂ ᠳᠠᠬᠢᠨ ᠠᠭᠤᠯᠵᠠᠬᠤ ᠦᠭᠡᠢ ᠨᠢ ᠡ︕ | ᠡᠳᠡᠭᠡᠷ ᠪᠦᠬᠦᠨ ᠢ ᠪᠣᠳᠣᠬᠤ ᠳᠤ ᠪᠠᠭᠰᠢ ᠶᠢᠨ ᠮᠢᠨᠢ ᠨᠠᠮᠠ ᠶᠢ ᠶᠠᠯᠠᠲᠠᠨ ᠰᠢᠢᠳᠬᠡᠬᠦ ᠲᠡᠮᠦᠷ ᠱᠤᠭᠤᠮ ᠢᠶᠠᠷ ᠢᠶᠠᠨ | ᠵᠣᠳᠣᠳᠠᠭ ᠨᠢ ᠬᠦᠷᠲᠡᠯᠡ ᠴᠥᠮ ᠮᠠᠷᠲᠠᠭᠳᠠᠭᠰᠠᠨ ᠪᠠᠶᠢᠯᠠ᠃ | ᠳᠠᠩᠴᠤ ᠬᠥᠭᠡᠷᠦᠬᠦᠶ︕ | ᠪᠠᠭᠰᠢ ᠮᠢᠨᠢ ᠡᠨᠡ ᠬᠦ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠬᠢᠴᠢᠶᠡᠯ ᠢᠶᠠᠨ ᠳᠤᠷᠠᠰᠬᠠᠨ ᠲᠡᠮᠳᠡᠭᠯᠡᠬᠦ ᠶᠢᠨ ᠲᠤᠯᠠᠳᠠ | ᠶᠣᠰᠣᠯᠠᠯ ᠤᠨ ᠭᠤᠶᠣ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠰᠡᠨ ᠶᠤᠮ ᠪᠠᠶᠢᠵᠤ ᠯᠠ ᠳ᠋ᠠ︕ ᠠᠷᠤ ᠲᠠᠯᠠ ᠪᠠᠷ ᠰᠠᠭᠤᠵᠠᠭᠠᠵᠤ | ᠪᠠᠶᠢᠭᠰᠠᠨ ᠨᠠᠰᠤᠲᠠᠳ ᠤᠨ ᠢᠷᠡᠭᠰᠡᠨ ᠰᠢᠯᠲᠠᠭᠠᠨ ᠢ ᠴᠤ ᠪᠢ ᠤᠬᠠᠵᠤ ᠮᠡᠳᠡᠯᠡ᠃ ᠮᠥᠨ ᠲᠡᠳᠡ ᠠᠩᠬᠠᠨ ᠳᠤ ᠪᠠᠨ | ᠰᠤᠷᠭᠠᠭᠤᠯᠢ ᠳᠤ ᠳᠡᠮᠡᠶ ᠢᠷᠡᠳᠡᠭ ᠥᠬᠡᠶ ᠳᠤ ᠪᠠᠨ ᠬᠠᠷᠠᠮᠰᠠᠨ ᠭᠤᠲᠤᠷᠠᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠰᠠᠨᠠᠭᠲᠠᠯᠠ᠃ | ᠲᠡᠳᠡ ᠮᠠᠨ ᠤ ᠪᠠᠭᠰᠢ ᠶᠢᠨ ᠳᠥᠴᠢᠭᠡᠳ ᠵᠢᠯ ᠢᠩᠭᠢᠵᠦ ᠦᠨᠡᠨᠴᠢ ᠪᠠᠷ ᠠᠵᠢᠯᠯᠠᠭᠰᠠᠨ ᠶᠠᠪᠤᠳᠠᠯ ᠳᠤ ᠲᠠᠯᠠᠷᠬᠠᠵᠤ | ᠪᠠᠶᠢᠭᠠ ᠪᠠᠨ᠂ ᠪᠤᠰᠤᠳ ᠤᠨ ᠭᠠᠷ ᠲᠤ ᠣᠷᠣᠬᠤ ᠭᠡᠵᠦ ᠪᠠᠶᠢᠭᠠ ᠡᠬᠡ ᠣᠷᠣᠨ ᠤ ᠪᠠᠨ ᠨᠤᠲᠤᠭ ᠤᠰᠤᠨ ᠳᠤ | ᠬᠠᠶᠢᠷᠠ ᠬᠦᠨᠳᠦᠳᠬᠡᠯ ᠲᠠᠢ ᠪᠠᠶᠢᠭᠠ ᠪᠠᠨ ᠢᠯᠡᠷᠬᠡᠶᠢᠯᠡᠵᠦ ᠪᠠᠶᠢᠭᠠ ᠨᠢ ᠲᠣᠳᠣᠬᠠᠨ ᠪᠠᠶᠢᠯᠠ᠃ | ᠪᠢ ᠡᠳᠡᠭᠡᠷ ᠢ ᠪᠣᠳᠣᠵᠤ ᠰᠠᠭᠤᠲᠠᠯᠠ ᠪᠠᠭᠰᠢ ᠭᠡᠨᠡᠳᠲᠡ ᠮᠢᠨᠦ ᠨᠡᠷᠡ ᠶᠢ ᠳᠠᠭᠤᠳᠠᠬᠤ ᠨᠢ ᠰᠣᠨᠣᠰᠳᠠᠪᠠ᠃ | ᠨᠣᠮ ᠢᠶᠠᠨ ᠴᠡᠭᠡᠵᠢ ᠪᠠᠷ ᠤᠩᠰᠢᠬᠤ ᠮᠢᠨᠦ ᠡᠭᠡᠯᠵᠢ ᠪᠣᠯᠤᠭᠰᠠᠨ ᠶᠤᠮ ᠰᠠᠨᠵᠠᠶ᠃ ᠠᠶ ᠪᠣᠭᠳᠠ ᠮᠢᠨᠢ︕ ᠪᠢ ᠬᠡᠷᠪᠡ | ᠡᠨᠡ ᠮᠡᠲᠦ ᠶᠢᠨ ᠰᠤᠷᠬᠤ ᠳᠤ ᠬᠡᠴᠡᠭᠦᠦ ᠭᠡᠵᠦ ᠣᠯᠠᠨ ᠳᠤ ᠠᠯᠳᠠᠷᠰᠢᠭᠰᠠᠨ᠂ ᠦᠢᠯᠡ ᠦᠭᠡ ᠶᠢᠨ ᠬᠤᠪᠢᠷᠠᠯ ᠤᠨ | ᠬᠡᠷᠡᠭᠯᠡᠬᠦ ᠵᠢᠱᠢᠶᠡ ᠨᠦᠭᠦᠳ ᠢ ᠡᠬᠢᠨ ᠠᠴᠠ ᠨᠢ ᠠᠳᠠᠭ ᠲᠤ ᠨᠢ ᠬᠦᠷᠲᠡᠯᠡ ᠨᠢᠭᠡᠳ ᠨᠢᠭᠡ ᠦᠭᠡᠶ ᠢᠷᠠᠭᠤ ᠲᠣᠳᠣ᠂ | ᠥᠴᠦᠬᠡᠨ ᠴᠦ ᠠᠯᠳᠠᠭᠠ ᠮᠠᠳᠠᠭ ᠦᠭᠡᠢ ᠶᠠᠷᠢᠭᠠᠳ ᠴᠢᠳᠠᠴᠢᠬᠠᠪᠠᠯ ᠶᠠᠮᠠᠷ ᠦᠨᠡ ᠥᠷᠲᠡᠭ ᠭᠠᠷᠭᠠᠭᠰᠠᠨ ᠴᠤ ᠪᠢ | ᠪᠦᠷ ᠳᠤᠷᠠᠲᠠᠶ᠃ ᠭᠡᠲᠡᠯᠡ ᠪᠢ ᠲᠡᠭᠦᠨ ᠤ ᠡᠬᠢᠨ ᠤ ᠬᠢᠨᠢ ᠬᠡᠳᠦᠨ ᠦᠭᠡ ᠦᠰᠦᠭ ᠳᠡᠭᠡᠷᠡ ᠣᠴᠢᠭᠠᠳ ᠪᠠᠯᠠᠷᠠᠵᠤ | ᠡᠬᠢᠯᠡᠭᠰᠡᠨ ᠲᠤᠯᠠ ᠳᠣᠲᠣᠷᠠ ᠮᠢᠨᠢ ᠶᠠᠭᠠᠬᠢᠯᠠ ᠳ᠋ᠠ ᠭᠡᠮᠡᠷ ᠲᠤᠩ ᠡᠪ ᠬᠠᠪᠤ ᠥᠬᠡᠶ ᠰᠠᠨᠠᠭᠳᠠᠨ ᠲᠣᠯᠣᠭᠠᠶ ᠪᠠᠨ ᠴᠤ | ᠡᠷᠭᠦᠵᠦ ᠴᠢᠳᠠᠬᠤ ᠥᠬᠡᠶ ᠬᠤᠯᠮᠠᠯᠵᠠᠨ ᠵᠣᠭᠰᠣᠵᠤ ᠪᠠᠶᠢᠲᠠᠯᠠ ᠪᠠᠭᠰᠢ ᠨᠠᠳᠠ ᠤᠷᠤᠭᠤ ᠬᠠᠷᠠᠭᠠᠳ᠄ | ︽ᠪᠢᠴᠢᠬᠠᠨ ᠹᠷᠠᠩᠱ ᠮᠢᠨᠢ᠂ ᠪᠠᠭᠰᠢ ᠨᠢ ᠴᠢᠮᠠ ᠶᠢ ᠵᠢᠮᠡᠯᠡᠬᠦ ᠦᠭᠡᠢ᠂ ᠴᠢ ᠥᠪᠡᠷ ᠢᠶᠠᠨ ᠰᠦᠷᠡᠬᠡᠶ | ᠭᠡᠮᠰᠢᠵᠦ ᠪᠠᠶᠢᠭᠠ ᠪᠣᠯᠤᠯᠲᠠᠶ᠃ ᠡᠶᠢᠮᠦ ᠯᠡ ᠪᠠᠶᠢᠬᠤ ᠶᠣᠰᠣᠲᠠᠶ ᠳ᠋ᠠ︕ ᠲᠠ ᠨᠠᠷ ᠦᠷᠭᠦᠯᠵᠢ ᠯᠡ᠄ ︿ᠵᠠ︕ | ᠪᠤᠯᠢᠶᠠ᠂ ᠴᠠᠭ ᠭᠡᠭᠴᠢ ᠪᠠᠶᠢᠬᠤ ᠯᠠ᠂ ᠮᠠᠷᠭᠠᠰᠢ ᠰᠣᠷᠣᠭᠰᠠᠨ ᠴᠤ ᠤᠷᠣᠶᠢᠲᠠᠬᠤ ᠶᠤᠮ ᠪᠢᠰᠢ﹀ ᠭᠡᠵᠡᠬᠡᠳᠡᠭ ᠪᠢᠯᠡ | ᠦᠦ᠃ ᠣᠳᠣ ᠪᠢᠳᠡᠨ ᠤ ᠡᠴᠦᠰ ᠤᠨ ᠣᠶᠢᠷᠠ ᠳ᠋ᠦᠩ ᠢᠶᠠᠨ ᠦᠵᠡᠬᠦ ᠦᠭᠡᠢ ᠦᠦ᠃ ᠡ ᠳ᠋ᠠ᠂ ᠲᠠ ᠨᠠᠷ ᠮᠢᠨᠢ︕ | ᠰᠤᠷᠤᠯᠭᠠ ᠪᠠᠨ ᠦᠷᠭᠦᠯᠵᠢ ᠬᠤᠶᠢᠰᠢ ᠪᠠᠨ ᠲᠦᠯᠬᠢᠭᠡᠳ ᠪᠠᠶᠢᠳᠠᠭ ᠨᠢ ᠠᠯᠰᠠᠰ ᠬᠥᠮᠦᠨ ᠳᠤ ᠪᠠᠶᠢᠵᠤ ᠪᠣᠯᠤᠰᠢ | ᠦᠭᠡᠢ ᠬᠠᠮᠤᠭ ᠤᠨ ᠵᠣᠯ ᠪᠤᠰᠤ ᠶᠠᠪᠤᠳᠠᠯ ᠶᠤᠮ᠃ ᠬᠡᠦᠬᠡᠳ ᠤᠳ ᠡ︕ ᠣᠳᠣ ᠲᠡᠷᠡ ᠮᠣᠨᠳᠢ ᠨᠤᠭᠤᠳ᠄ ︽ | ᠶᠠᠮᠠᠷ ᠪᠣᠢ︖ ᠲᠠ ᠨᠠᠷ ᠥᠪᠡᠷ ᠤᠨ ᠢᠶᠠᠨ ᠦᠭᠡ ᠬᠡᠯᠡ ᠶᠢ ᠴᠦ ᠮᠡᠳᠡᠬᠦ ᠦᠭᠡᠢ᠂ ᠪᠢᠴᠢᠵᠦ ᠴᠦ ᠴᠢᠳᠠᠬᠤ ᠦᠭᠡᠢ ᠁ | ᠪᠠᠶᠢᠵᠤ ᠪᠡᠶᠡ ᠪᠠᠨ ᠶᠠᠭᠠᠬᠢᠵᠤ ᠹᠷᠠᠨᠼᠢ ᠬᠥᠮᠦᠨ ᠭᠡᠬᠦ ᠪᠣᠢ ᠳ᠋ᠠ﹀ ᠭᠡᠵᠦ ᠠᠮᠠ ᠶᠢ ᠴᠢᠨᠢ ᠠᠪᠬᠤ ᠰᠢᠯᠲᠠᠭ ᠲᠠᠢ | ᠪᠣᠯᠵᠤ ᠳ᠋ᠠ᠃ ᠭᠡᠪᠡᠴᠦ ᠬᠥᠭᠡᠷᠦᠬᠦᠶ ᠵᠠᠶᠢᠯᠠᠭᠤᠯ᠂ ᠪᠢᠴᠢᠬᠠᠨ ᠹᠷᠠᠩᠱ ᠮᠢᠨᠢ᠂ ᠭᠠᠭᠴᠠ ᠴᠢᠨᠦ ᠪᠤᠷᠤᠭᠤ ᠴᠤ ᠪᠢᠰᠢ | ᠳ᠋ᠡ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠠᠨ ᠨᠡᠯᠢᠶᠡᠳ ᠵᠦᠢᠯ ᠳᠡᠭᠡᠷᠡ ᠪᠡᠶᠡ ᠪᠠᠨ ᠪᠤᠷᠤᠭᠤᠰᠢᠶᠠᠬᠤ ᠬᠡᠷᠡᠭᠲᠡᠶ ᠶᠤᠮ︾ ᠭᠡᠳ | ᠴᠢᠨᠠᠭᠰᠢ ᠦᠷᠭᠦᠯᠵᠢᠯᠡᠨ᠄ ︽ᠡᠴᠢᠭᠡ ᠡᠬᠡ ᠴᠢᠨᠢ ᠲᠠ ᠨᠠᠷ ᠤᠨ ᠰᠤᠷᠤᠯᠭᠠ ᠶᠢ ᠶᠡᠷᠦ ᠨᠢ ᠬᠠᠶᠢᠬᠤᠷᠬᠤ ᠥᠬᠡᠶ᠂ | ᠪᠠᠭᠠ ᠰᠠᠭᠠ ᠮᠥᠩᠭᠦ ᠵᠣᠭᠤᠰ ᠣᠯᠬᠤ ᠶᠢᠨ ᠲᠥᠯᠥᠭᠡ ᠲᠠᠷᠢᠶᠠᠨ ᠳᠡᠭᠡᠷᠡ ᠶᠠᠪᠤᠭᠤᠯᠬᠤ ᠪᠤᠶᠤ ᠨᠡᠬᠡᠮᠡᠯ ᠤᠨ | ᠦᠢᠯᠡᠳᠪᠦᠷᠢ ᠳᠤ ᠣᠷᠣᠭᠤᠯᠵᠤ ᠠᠵᠢᠯ ᠬᠢᠯᠭᠡᠳᠡᠭ ᠪᠢᠯᠡ ᠦᠦ︖ ᠲᠡᠭᠡᠪᠡᠯ ᠨᠠᠳᠠ ᠳᠤ ᠪᠠᠰᠠ ᠪᠡᠶᠡ ᠪᠠᠨ ᠵᠢᠮᠡᠯᠡᠬᠦ | ᠶᠠᠪᠤᠳᠠᠯ ᠣᠭᠲᠣ ᠦᠭᠡᠢ ᠦᠦ︖ ᠭᠡᠪᠡᠯ ᠪᠠᠶᠢᠨᠠ᠃ ᠵᠥᠩᠳᠡᠭᠡᠨ ᠪᠠᠶᠢᠨᠠ᠂ ᠪᠠᠶᠢᠨ ᠪᠠᠶᠢᠨ ᠬᠢᠴᠢᠶᠡᠯ ᠢ ᠴᠢᠨᠢ | ᠲᠠᠰᠤᠯᠳᠠᠭᠤᠯᠵᠤ ᠴᠡᠴᠡᠭ ᠢᠶᠠᠨ ᠤᠰᠤᠯᠠᠭᠤᠯᠳᠠᠭ᠂ ᠵᠢᠭᠠᠰᠤᠨ ᠳᠤ ᠶᠠᠪᠤᠨᠠ ᠭᠡᠪᠡᠯ ᠡᠳᠦᠷᠵᠢᠨ ᠴᠢᠯᠥᠭᠡ ᠲᠠᠯᠪᠢᠵᠤ | ᠲᠠ ᠨᠠᠷ ᠢᠶᠠᠨ ᠵᠦᠭᠡᠷ ᠰᠠᠭᠤᠯᠭᠠᠳᠠᠭ ᠪᠢᠰᠢ ᠦᠦ︖︾ ᠭᠡᠪᠡ᠃ | ᠲᠡᠭᠡᠭᠡᠳ ᠪᠠᠭᠰᠢ ᠮᠢᠨᠢ ᠡᠨᠡ ᠲᠡᠷᠡ ᠶᠢ ᠶᠠᠷᠢᠭᠰᠠᠭᠠᠷ ᠪᠠᠶᠢᠭᠠᠳ ᠹᠷᠠᠨᠼᠢ ᠬᠡᠯᠡᠨ ᠤ ᠲᠤᠬᠠᠶ ᠶᠠᠷᠢᠵᠤ ᠡᠬᠢᠯᠡᠪᠡ | ᠃ ︽ᠹᠷᠠᠨᠼᠢ ᠬᠡᠯᠡ ᠪᠣᠯ ᠳᠡᠯᠡᠬᠡᠶ ᠲᠡᠭᠡᠷᠡ ᠬᠠᠮᠤᠭ ᠤᠨ ᠢᠷᠠᠭᠤ ᠰᠠᠶᠢᠬᠠᠨ ᠬᠡᠯᠡ ᠪᠥᠭᠡᠳ ᠲᠣᠪᠴᠢ ᠲᠣᠳᠣᠷᠬᠠᠶ | ᠬᠡᠯᠡ ᠶᠤᠮ᠃ ᠪᠢᠳᠡ ᠡᠭᠦᠨ ᠢ ᠪᠠᠨ ᠡᠭᠦᠷᠢᠳᠡ ᠮᠠᠷᠲᠠᠯ ᠥᠬᠡᠶ ᠴᠡᠭᠡᠵᠢᠯᠡᠵᠦ ᠶᠠᠪᠤᠪᠠᠯ ᠵᠣᠬᠢᠨᠠ᠃ ᠲᠥᠷᠥ ᠤᠯᠤᠰ | ᠨᠢ ᠮᠥᠬᠦᠭᠡᠳ ᠪᠤᠰᠤᠳ ᠲᠤ ᠪᠣᠭᠤᠯᠴᠢᠯᠠᠭᠳᠠᠭᠰᠠᠨ ᠠᠷᠠᠳ ᠲᠦᠮᠡᠨ ᠬᠡᠷᠪᠡ ᠲᠥᠷᠥᠯᠬᠢ ᠦᠭᠡ ᠬᠡᠯᠡ ᠪᠠᠨ | ᠮᠠᠷᠲᠠᠭᠠᠳᠤᠶ ᠪᠠᠲᠤ ᠴᠡᠭᠡᠵᠢᠯᠡᠵᠦ ᠪᠠᠶᠢᠭᠠ ᠴᠠᠭ ᠲᠤ ᠱᠣᠷᠣᠩ ᠤᠨ ᠡᠭᠦᠳᠡᠨ ᠤ ᠲᠦᠯᠬᠢᠭᠦᠷ ᠠᠳᠬᠤᠵᠤ ᠪᠠᠶᠢᠭᠠ ᠲᠠᠢ | ᠠᠳᠠᠯᠢ ᠶᠤᠮ ᠰᠢᠤ︾ ᠭᠡᠳ ᠴᠢᠨᠠᠭᠰᠢ ᠨᠢ ᠬᠡᠯᠡᠨ ᠤ ᠵᠦᠶ ᠪᠠᠨ ᠵᠢᠭᠠᠯᠠ᠃ ᠶᠠᠭᠠᠬᠢᠭᠰᠠᠨ ᠵᠢᠭᠲᠡᠶᠢᠬᠡᠨ ᠶᠤᠮ ᠪᠣᠢ︕ | ᠪᠢ ᠡᠨᠡ ᠡᠳᠦᠷ ᠤᠨ ᠵᠢᠭᠠᠭᠰᠠᠨ ᠢ ᠠᠯᠳᠠᠯ ᠦᠭᠡᠢ ᠰᠠᠶᠢᠬᠠᠨ ᠣᠶᠢᠯᠠᠭᠠᠴᠢᠬᠠᠯᠠ︕ ᠡᠨᠡ ᠡᠳᠦᠷ ᠤᠨ ᠵᠢᠭᠠᠭᠰᠠᠨ | ᠨᠢ ᠬᠢᠯᠪᠠᠷᠬᠠᠨ ᠴᠤ ᠶᠤᠮ ᠰᠢᠭ᠋᠃ ᠪᠢ ᠶᠡᠷᠦ ᠨᠢ ᠬᠢᠴᠢᠶᠡᠯ ᠢ ᠢᠩᠭᠢᠵᠦ ᠠᠩᠬᠠᠷᠤᠯᠲᠠᠶ ᠰᠣᠨᠣᠰᠳᠠᠭ ᠦᠭᠡᠢ ᠰᠠᠨ᠃ | ᠪᠠᠭᠰᠢ ᠮᠢᠨᠢ ᠴᠦ ᠶᠡᠷᠦ ᠨᠢ ᠢᠩᠭᠢᠵᠦ ᠲᠣᠳᠣ ᠰᠠᠶᠢᠬᠠᠨ ᠵᠢᠭᠠᠳᠠᠭ ᠥᠬᠡᠶ ᠰᠢᠭ ᠰᠠᠨᠠᠭᠳᠠᠭᠰᠠᠨ ᠪᠢᠯᠡ᠃ ᠬᠠᠶᠢᠷᠠᠲᠤ | ᠪᠠᠭᠰᠢ ᠮᠢᠨᠢ ᠬᠥᠭᠡᠷᠦᠬᠦᠶ᠂ ᠪᠠᠭᠰᠢ ᠠᠴᠠ ᠪᠠᠨ ᠰᠠᠯᠬᠤ ᠶᠢᠨ ᠤᠷᠢᠳ ᠥᠪᠡᠷ ᠤᠨ ᠢᠶᠠᠨ ᠪᠤᠢ ᠪᠦᠬᠦᠢ ᠮᠡᠳᠡᠯᠭᠡ ᠪᠠᠨ | ᠴᠥᠮ ᠢ ᠨᠢ ᠵᠢᠭᠠᠵᠤ ᠥᠯᠥ ᠴᠢᠳᠠᠬᠤ ᠳᠤ ᠪᠠᠨ ᠭᠤᠲᠤᠷᠠᠵᠤ ᠪᠠᠶᠢᠭᠠ ᠪᠣᠯᠤᠯᠲᠠᠶ᠃ | ᠬᠡᠯᠡᠨ ᠤ ᠵᠦᠶ ᠶᠢᠨ ᠬᠢᠴᠢᠶᠡᠯ ᠤᠨ ᠳᠠᠷᠠᠭᠠ ᠪᠢᠳᠡᠨ ᠳᠤ ᠪᠠᠰᠠ ᠴᠡᠪᠡᠷ ᠪᠢᠴᠢᠯᠭᠡ ᠶᠢᠨ ᠬᠢᠴᠢᠶᠡᠯ ᠬᠢᠪᠡ᠃ | ᠮᠥᠨ ᠡᠨᠡ ᠬᠢᠴᠢᠶᠡᠯ ᠳᠡᠭᠡᠷᠡ ᠪᠠᠭᠰᠢ ᠪᠢᠳᠡᠨ ᠳᠤ ᠦᠰᠦᠭ ᠪᠢᠴᠢᠯᠭᠡ ᠶᠢᠨ ᠰᠢᠨᠡ ᠰᠤᠷᠬᠤ ᠪᠢᠴᠢᠭ ᠲᠦᠭᠡᠭᠡᠵᠦ | ᠥᠭᠪᠡ᠃ ᠲᠡᠷᠡ ᠬᠦ ᠰᠤᠷᠬᠤ ᠪᠢᠴᠢᠭ ᠲᠤ ︽ᠹᠷᠠᠨᠼᠢ︾᠂ ︽ᠠᠯᠰᠠᠰ︾᠂ ︽ᠹᠷᠠᠨᠼᠢ︾᠂ ︽ᠠᠯᠰᠠᠰ︾ | ᠭᠡᠰᠡᠨ ᠲᠥᠭᠦᠷᠢᠭ ᠭᠤᠶᠣᠬᠠᠨ ᠦᠰᠦᠭ ᠤᠳ ᠪᠢᠴᠢᠭᠡᠰᠦᠲᠡᠶ ᠪᠠᠶᠢᠯᠠ᠃ ᠡᠳᠡᠭᠡᠷ ᠰᠤᠷᠬᠤ ᠪᠢᠴᠢᠭ ᠤᠳ ᠢ ᠪᠢᠳᠡᠨ | ᠤ ᠪᠢᠴᠢᠭ ᠤᠨ ᠰᠢᠷᠡᠭᠡᠨ ᠤ ᠬᠥᠨᠳᠡᠯᠡᠨ ᠲᠡᠮᠦᠷ ᠳᠣᠲᠣᠷᠠ ᠳᠠᠷᠤᠵᠤ ᠲᠠᠯᠪᠢᠭᠰᠠᠨ ᠨᠢ ᠶᠠᠭ ᠯᠠ ᠵᠢᠵᠢᠭ | ᠲᠠᠯᠪᠠᠭᠠ ᠨᠤᠭᠤᠳ ᠢ ᠬᠢᠴᠢᠶᠡᠯ ᠤᠨ ᠭᠡᠷ ᠲᠤ ᠨᠠᠮᠢᠷᠠᠭᠤᠯᠤᠨ ᠬᠠᠳᠬᠤᠭᠰᠠᠨ ᠶᠤᠮ ᠰᠢᠭ᠋ ᠬᠠᠷᠠᠭᠳᠠᠨᠠ᠃ ᠮᠠᠨ ᠤ | ᠬᠢᠨ ᠤ ᠬᠥᠮᠦᠨ ᠪᠦᠬᠦᠨ ᠰᠡᠳᠬᠢᠯ ᠲᠠᠯᠪᠢᠵᠤ ᠮᠠᠰᠢ ᠠᠩᠬᠠᠷᠤᠯᠲᠠᠶ ᠬᠢᠴᠢᠶᠡᠯᠯᠡᠵᠦ ᠪᠠᠶᠢᠭᠠ ᠠᠴᠠ ᠠᠩᠭᠢ ᠳᠤ | ᠴᠠᠭᠠᠰᠤ ᠱᠠᠷᠴᠢᠭᠢᠨᠠᠬᠤ ᠠᠴᠠ ᠥᠭᠡᠷᠡ ᠴᠢᠮᠡᠭᠡ ᠠᠨᠢᠷ ᠣᠭᠲᠣ ᠦᠭᠡᠢ ᠪᠠᠶᠢᠪᠠ᠃ ᠡᠨᠡ ᠦᠶᠡ ᠳᠤ ᠪᠠᠭ᠋ᠠᠨ ᠠᠯᠲᠠᠨ | ᠴᠣᠬᠤ ᠨᠢᠰᠦᠨ ᠣᠷᠣᠵᠤ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠲᠡᠭᠦᠨ ᠳᠤ ᠠᠩᠬᠠᠷᠤᠯ ᠲᠠᠲᠠᠭᠳᠠᠬᠤ ᠬᠥᠮᠦᠨ ᠥᠭᠡᠢ ᠪᠠᠶᠢᠯᠠ᠃ | ᠬᠠᠮᠤᠭ ᠤᠨ ᠵᠢᠭᠠᠬᠠᠨ ᠬᠡᠦᠬᠡᠳ ᠤᠳ ᠬᠦᠷᠲᠡᠯᠡ ᠰᠡᠳᠬᠢᠯ ᠠᠯᠭᠠᠰᠠᠬᠤ ᠥᠬᠡᠶ ᠪᠠᠷ ᠳᠡᠪᠲᠡᠷ ᠲᠤ ᠪᠠᠨ ᠲᠠᠰᠢᠭᠤ | ᠵᠢᠷᠤᠭᠠᠰᠤ ᠨᠤᠭᠤᠳ ᠢ ᠹᠷᠠᠨᠼᠢ ᠦᠰᠦᠭ ᠢᠶᠠᠨ ᠰᠢᠭ ᠬᠦᠨᠳᠦᠳᠬᠡᠵᠦ ᠰᠢᠮᠳᠠᠨ ᠱᠤᠭᠤᠮᠳᠠᠵᠠᠭᠠᠵᠤ ᠪᠠᠶᠢᠯᠠ᠃ | ᠪᠠᠶᠢᠰᠢᠩ ᠤᠨ ᠣᠷᠣᠢ ᠪᠠᠷ ᠪᠠᠶᠢᠭᠠ ᠲᠠᠭᠲᠠᠭᠠ ᠨᠤᠭᠤᠳ ᠤᠨ ᠬᠥᠬᠦᠭᠯᠡᠨ ᠳᠤᠤᠭᠠᠷᠴᠠᠭᠠᠬᠤ ᠶᠢ ᠰᠣᠨᠣᠰᠤᠭᠠᠳ ᠪᠢ | ︽ᠲᠡᠳᠡ᠂ ᠲᠠᠭᠲᠠᠭᠠ ᠶᠢ ᠪᠠᠰᠠ ᠭᠧᠷᠮᠠᠨ ᠬᠡᠯᠡ ᠪᠠᠷ ᠠᠯᠪᠠᠲᠠᠨ ᠳᠤᠤᠭᠠᠷᠭᠠᠬᠤ ᠶᠤᠮ ᠪᠣᠯᠪᠠ ᠦᠦ︖᠁︾ | ᠭᠡᠵᠦ ᠪᠣᠳᠤᠯᠠ᠃ | ᠪᠢ ᠬᠠᠷᠠᠬᠤ ᠪᠦᠷᠢ ᠳᠤ ᠯᠡ ᠪᠠᠭᠰᠢ ᠮᠢᠨᠢ ᠰᠠᠨᠳᠠᠯᠢ ᠳᠡᠭᠡᠷᠡ ᠪᠠᠨ ᠬᠥᠳᠡᠯᠦᠯ ᠦᠭᠡᠢ ᠰᠠᠭᠤᠵᠤ ᠡᠨᠡ | ᠵᠢᠵᠢᠭᠬᠡᠨ ᠲᠠᠰᠤᠯᠭᠠᠨ ᠤ ᠠᠯᠢᠪᠠ ᠶᠢ ᠨᠢᠳᠦᠨ ᠳᠤ ᠪᠠᠨ ᠰᠢᠩᠭᠡᠭᠡᠵᠦ ᠠᠪᠤᠭᠠᠳ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠭᠠ ᠶᠤᠮ ᠰᠢᠭ᠋ | ᠡᠷᠭᠢᠨ ᠲᠣᠭᠤᠷᠢᠨ ᠢ ᠰᠢᠨᠤᠨ ᠰᠢᠷᠲᠡᠵᠦ ᠪᠠᠶᠢᠯᠠ᠃ ᠪᠣᠳᠣᠬᠤ ᠳᠤ ᠮᠠᠨ ᠤ ᠪᠠᠭᠰᠢ ᠳᠥᠴᠢᠨ ᠵᠢᠯ ᠤᠨ ᠲᠤᠷᠰᠢ | ᠠᠳᠡ ᠠᠴᠠ ᠰᠠᠯᠤᠭᠠᠳᠤᠶ ᠪᠠᠷ ᠦᠯᠥ ᠪᠠᠷᠠᠨ ᠴᠣᠩᠬᠤᠨ ᠤ ᠬᠠᠵᠠᠭᠤᠬᠠᠨ ᠳᠤ ᠲᠡᠭᠦᠨ ᠤ ᠵᠢᠵᠢᠭᠬᠡᠨ ᠬᠠᠰᠢᠶᠠ ᠨᠢ | ᠪᠠᠶᠢᠨᠠ᠂ ᠡᠮᠦᠨᠡ ᠨᠢ ᠰᠤᠷᠤᠭᠴᠢᠳ ᠰᠠᠭᠤᠵᠠᠭᠠᠨᠠ᠂ ᠮᠥᠨ ᠤᠳᠠᠭᠠᠨ ᠵᠢᠯ ᠢᠶᠠᠷ ᠬᠡᠷᠡᠭᠯᠡᠭᠰᠡᠨ ᠰᠢᠷᠡᠭᠡ | ᠰᠠᠨᠳᠠᠯᠢ ᠨᠤᠭᠤᠳ ᠤᠨ ᠡᠯᠡᠭᠳᠡᠬᠦ ᠨᠢ ᠡᠯᠡᠭᠳᠡᠵᠦ᠂ ᠡᠪᠳᠡᠷᠡᠬᠦ ᠨᠢ ᠡᠪᠳᠡᠷᠡᠭᠡᠳ ᠪᠠᠶᠢᠭᠠ ᠨᠢ ᠬᠠᠷᠠᠭᠳᠠᠨᠠ᠃ | ᠬᠠᠰᠢᠶᠠᠨ ᠤ ᠬᠤᠰᠢᠭᠠ ᠶᠢᠨ ᠮᠣᠳᠣ ᠥᠨᠳᠥᠷ ᠲᠣᠮᠣ ᠪᠣᠯᠵᠠᠶ᠂ ᠥᠪᠡᠷ ᠤᠨ ᠬᠢᠨᠢ ᠭᠠᠷ ᠢᠶᠠᠷ ᠲᠠᠷᠢᠭᠰᠠᠨ | ᠣᠷᠢᠶᠠᠩᠭᠤ ᠨᠢ ᠡᠳᠦᠭᠡ ᠴᠣᠩᠬᠤ ᠶᠢ ᠣᠷᠢᠶᠠᠵᠤ ᠪᠠᠶᠢᠰᠢᠩ ᠤᠨ ᠣᠷᠣᠢ ᠳᠤ ᠬᠥᠷᠪᠡ᠃ ᠬᠥᠭᠡᠷᠦᠬᠦᠶ ᠵᠠᠶᠢᠯᠠᠭᠤᠯ | ᠪᠠᠭᠰᠢ ᠮᠢᠨᠢ᠂ ᠡᠨᠡ ᠪᠦᠬᠦᠨ ᠠᠴᠠ ᠪᠠᠨ ᠬᠠᠭᠠᠴᠠᠬᠤ ᠭᠡᠵᠦ ᠪᠠᠶᠢᠭᠠ ᠲᠤᠯᠠ ᠡᠯᠢᠭᠡ ᠡᠮᠲᠡᠷᠡᠬᠦ ᠥᠭᠡᠢ ᠪᠠᠶᠢᠵᠤ | ᠬᠡᠷᠬᠢᠨ ᠴᠢᠳᠠᠬᠤ ᠪᠢᠯᠡ︕ ᠮᠥᠨ ᠥᠬᠢᠨ ᠳᠡᠭᠦᠦ ᠨᠢ ᠠᠰᠠᠷ ᠤᠨ ᠳᠡᠭᠡᠷᠡ ᠢᠰᠢ ᠲᠡᠶᠢᠰᠢ ᠶᠠᠪᠤᠵᠤ ᠡᠳ᠋ᠯᠡᠯ | ᠬᠥᠷᠥᠩᠭᠡ ᠶᠢ ᠨᠢ ᠬᠤᠷᠢᠶᠠᠬᠤ ᠴᠢᠮᠡᠭᠡ ᠳᠤᠭᠤᠯᠳᠠᠬᠤ ᠶᠢ ᠶᠠᠭᠤᠨ ᠥᠭᠦᠯᠡᠬᠦ ᠠᠵᠢ︕ ᠲᠡᠳᠡ ᠮᠠᠨᠢ ᠮᠠᠷᠭᠠᠰᠢ | ᠠᠳᠡ ᠠᠴᠠ ᠡᠭᠦᠷᠢᠳᠡ ᠠᠩᠭᠢᠵᠢᠷᠠᠬᠤ ᠨᠢ ᠡ︕ | ᠭᠡᠪᠡᠴᠦ ᠪᠠᠭᠰᠢ ᠳᠤ ᠮᠠᠨᠢ ᠡᠨᠡ ᠡᠳᠦᠷ ᠤᠨ ᠢᠶᠠᠨ ᠬᠢᠴᠢᠶᠡᠯ ᠢ ᠪᠦᠷᠢᠨ ᠵᠢᠭᠠᠬᠤ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠠᠶᠢᠯᠠ | ᠃ ᠡᠨᠡ ᠬᠢᠴᠢᠶᠡᠯ ᠤᠨ ᠳᠠᠷᠠᠭᠠ ᠪᠠᠰᠠ ᠨᠢᠭᠡ ᠴᠠᠭ ᠲᠡᠦᠬᠡ ᠵᠢᠭᠠᠯᠠ᠃ ᠴᠢᠩᠭᠢᠭᠡᠳ ᠪᠠᠰᠠ ᠠᠩᠬᠠ ᠵᠡᠷᠭᠡ ᠶᠢᠨ | ᠠᠩᠭᠢ ᠳᠤ ba. be. bi. bo. bu ᠭᠡᠵᠦ ᠠᠪᠢᠶᠠ ᠵᠢᠭᠠᠪᠠ᠃ ᠠᠷᠤ ᠳᠤ ᠰᠠᠭᠤᠭᠰᠠᠨ ᠬᠠᠤᠰᠦ᠋ ᠭᠤᠸᠠᠶ | ᠬᠡᠵᠢᠶᠡᠨ ᠤ ᠭᠠᠯ ᠰᠢᠯ ᠢᠶᠠᠨ ᠵᠡᠭᠦᠵᠦ ᠨᠥᠬᠦᠭᠡ ᠨᠣᠮ ᠢᠶᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠵᠠᠶᠢᠲᠠᠶᠢᠬᠠᠨ ᠪᠠᠷᠢᠵᠤ ᠲᠡᠳᠡᠨ | ᠤ ᠬᠠᠮᠲᠤ ᠦᠰᠦᠭ ᠬᠤᠯᠪᠣᠵᠤ ᠰᠠᠭᠤᠨᠠ᠃ ᠲᠡᠭᠦᠨ ᠤ ᠰᠡᠳᠬᠢᠯ ᠬᠥᠳᠡᠯᠦᠭᠰᠡᠨ ᠪᠣᠯᠤᠯᠲᠠᠶ᠂ ᠬᠤᠭᠤᠯᠠᠶ ᠨᠢ | ᠴᠡᠴᠡᠷᠬᠢᠯᠡᠵᠦ ᠪᠠᠶᠢᠯᠠ᠃ ᠲᠡᠭᠦᠨ ᠤ ᠵᠢᠭᠲᠡᠶ ᠳᠠᠭᠤ ᠶᠢ ᠰᠣᠨᠣᠰᠤᠭᠠᠳ ᠪᠢ ᠢᠨᠢᠶᠡᠳᠦ ᠬᠦᠷᠬᠦ ᠰᠢᠭ ᠪᠠᠶᠢᠭᠰᠠᠨ | ᠪᠣᠯᠪᠠᠴᠤ ᠪᠠᠰᠠ ᠡᠯᠢᠭᠡ ᠡᠮᠳᠡᠷᠡᠬᠦ ᠰᠢᠭ ᠪᠠᠶᠢᠯᠠ᠃ ᠪᠢ ᠡᠨᠡ ᠬᠦ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠬᠢᠴᠢᠶᠡᠯ ᠢᠶᠠᠨ | ᠶᠠᠭᠠᠬᠢᠭᠰᠠᠨ ᠴᠤ ᠮᠠᠷᠲᠠᠬᠤ ᠥᠬᠡᠶ ᠳ᠋ᠡ︕ | ᠭᠡᠨᠡᠳᠲᠡ ᠾᠷᠢᠰᠲ᠋ᠣᠰ ᠤᠨ ᠰᠦᠮᠡ ᠶᠢᠨ ᠵᠢᠩ ᠠᠷᠪᠠᠨ ᠬᠤᠶᠠᠷ ᠴᠣᠬᠢᠯᠠ᠃ ᠮᠥᠷᠭᠦᠯ ᠤᠨ ᠵᠢᠩ ᠴ᠊ ᠤ | ᠲᠤᠤᠭᠠᠷᠤᠯᠠ᠃ ᠭᠠᠳᠠᠨᠠ ᠫᠷᠥ᠋ᠰᠰᠢ ᠶᠢᠨ ᠴᠡᠷᠢᠭ ᠤᠨ ᠪᠦᠷᠢᠶᠡᠨ ᠤ ᠳᠠᠭᠤᠨ ᠬᠠᠩᠭᠢᠨᠠᠨᠠ᠃ ᠲᠡᠳᠡᠨ ᠤ | ᠪᠣᠯᠪᠠᠰᠤᠷᠠᠯ ᠴᠤ ᠳᠠᠭᠤᠰᠤᠭᠰᠠᠨ ᠪᠣᠯᠤᠯᠲᠠᠶ᠃ ᠪᠠᠭᠰᠢ ᠮᠠᠨᠢ ᠴᠦ ᠴᠢᠷᠠᠶ ᠨᠢ ᠵᠢᠪᠡᠬᠡᠶᠢᠷᠡᠨ ᠪᠣᠰᠤᠯᠠ᠂ ᠪᠠᠭᠰᠢ ᠮᠢᠨᠢ | ᠨᠠᠳᠠ ᠶᠡᠷᠦ ᠠᠴᠠ ᠪᠠᠨ ᠡᠶᠢᠮᠦ ᠬᠠᠨᠠᠭᠠᠷ ᠰᠠᠶᠢᠬᠠᠨ ᠲᠣᠮᠣ ᠪᠡᠶᠡ ᠲᠠᠢ ᠪᠠᠶᠢᠭᠠ ᠦᠭᠡᠶ ᠶᠤᠮ ᠰᠢᠭ᠋ ᠪᠣᠳᠣᠭᠲᠠᠯᠠ᠃ | ︽ᠮᠢᠨᠦ ᠨᠥᠬᠦᠳ ᠨᠠᠶᠢᠵᠠ ᠨᠠᠷ ᠡ︕ ᠪᠢ -︾ ᠭᠡᠳ ᠪᠠᠭᠰᠢ ᠮᠠᠨᠢ ᠳᠤᠤᠭᠠᠷᠴᠦ ᠴᠢᠳᠠᠬᠤ ᠦᠭᠡᠢ | ᠪᠣᠯᠤᠭᠰᠠᠨ ᠢᠶᠠᠨ ᠰᠠᠮᠪᠠᠷᠠ ᠤᠷᠤᠭᠤ ᠬᠠᠨᠳᠤᠵᠤ ᠤ ᠶᠢᠨ ᠪᠢᠷ ᠠᠪᠤᠭᠠᠳ ᠪᠠᠶᠢᠳᠠᠭ ᠴᠢᠳᠠᠯ ᠢᠶᠠᠷ ᠢᠶᠠᠨ ︽ᠹᠷᠠᠨᠼᠢ | ᠮᠠᠨᠳᠤᠲᠤᠭᠠᠶ︾ ᠭᠡᠰᠡᠨ ᠬᠤᠶᠠᠷᠬᠠᠨ ᠲᠣᠮᠣ ᠦᠰᠦᠭ ᠢ ᠪᠢᠴᠢᠵᠦ ᠣᠷᠭᠢᠯᠠ᠃ ᠢᠩᠭᠢᠭᠡᠳ ᠦᠭᠡ ᠪᠠᠨ ᠬᠡᠯᠡᠵᠦ | ᠭᠠᠷᠬᠤ ᠥᠬᠡᠶ ᠬᠠᠨᠠ ᠳᠦᠰᠢᠨ ᠪᠠᠭ᠋ᠠᠨ ᠬᠦᠯᠢᠷᠡᠨ ᠵᠣᠭᠰᠣᠭᠰᠠᠨ ᠢᠶᠠᠨ᠄ | ︽ᠰᠤᠷᠭᠠᠭᠤᠯᠢ ᠴᠤ ᠲᠠᠷᠬᠠᠯᠠ - ᠲᠠ ᠨᠠᠷ ᠬᠠᠷᠢᠵᠠᠭᠠ ᠳ᠋ᠠ︕︾ ᠭᠡᠰᠡᠨ ᠤᠳᠬᠠ ᠲᠠᠢ ᠳᠣᠬᠢᠶᠠ ᠥᠭᠪᠡ | ᠃ |