| ᠠᠳᠤᠭᠤᠨ ᠤ ᠠᠵᠤ ᠦᠢᠯᠡᠰ ᠤᠨ ᠬᠦᠭᠵᠢᠬᠦᠯᠦᠯᠳᠡ ᠶᠢᠨ ᠳᠤᠳᠤᠷᠬᠠᠢ ᠨᠢᠭᠡᠨ ᠦᠡᠭᠭᠡ | — ᠮᠠᠨ ᠤ ᠠᠶᠢᠮᠠᠭ ᠲᠠᠶᠠᠭᠠᠷ ᠲᠤ ᠬᠤᠷᠳᠤᠨ ᠬᠥᠯᠥᠭ | ᠪᠤᠶᠢᠵᠢᠭᠤᠯᠬᠤ ᠬᠠᠯᠠᠮᠰᠢᠯ ᠥᠷᠨᠢᠵᠦ ᠪᠠᠶᠢᠬᠤ ᠲᠤᠬᠠᠢ ᠲᠠᠳᠠᠯᠠᠯ | ︽ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ︾︕ ᠲᠥᠷᠦ ᠶᠢᠨ ᠥᠨᠳᠦᠷᠯᠢᠭ ᠤᠨ ᠲᠠᠶᠢᠴᠢᠨ ᠤᠷᠢᠶᠠ᠂ ᠲᠥᠭ | ᠲᠥᠮᠡᠨ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠤ ᠬᠠᠮᠳᠤ ᠶᠢᠨ ᠴᠤᠭᠴᠠ ᠶᠢᠨ ᠤᠬᠠᠮᠰᠠᠷ ᠠᠴᠠ ᠬᠢᠯᠠᠯᠵᠠᠬᠤ | ᠤᠷᠤᠭᠰᠢᠯᠠᠯᠳᠠ ᠶᠢᠨ ᠪᠥᠷᠢᠶᠡ ᠶᠤᠮ᠃ | ᠰᠢᠯᠢ ᠨᠤᠳᠤᠭ ᠮᠠᠨᠢ ᠠᠵᠢᠨᠠᠢ ᠬᠦᠯᠥᠭ ᠲᠡᠭᠦᠯᠢᠬᠦ ᠵᠦᠯᠭᠡ ᠨᠤᠭᠤᠭᠠᠨ ᠲᠡᠪᠵᠢᠶᠡ ᠶᠤᠮ᠃ ᠭᠡᠬᠦ ᠳᠡᠭᠡᠨ | ᠡᠨᠡ ᠨᠢ ᠵᠥᠪᠬᠡᠨ ᠰᠢᠯᠢ ᠶᠢᠨ ᠬᠤᠳᠠ ᠤᠷᠤᠨ ᠢ ᠯᠡ ᠵᠢᠭᠠᠭᠰᠠᠨ ᠪᠢᠰᠢ᠂ ᠰᠢᠯᠢ ᠶᠢᠨ ᠬᠤᠳᠠ ᠯᠤᠭᠠ | ᠤᠶᠢᠷᠠᠯᠴᠠᠭᠠᠬᠢ ᠡᠯᠡ ᠬᠤᠰᠢᠭᠤ ᠰᠢᠶᠠᠨ ᠬᠤᠳᠠ ᠶᠢ ᠪᠠᠭᠳᠠᠭᠠᠭᠰᠠᠨ ᠢᠶᠠᠷ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠢ ᠵᠢᠭᠠᠭᠰᠠᠨ | ᠲᠡᠯᠡᠴᠡ ᠲᠠᠢ᠃ ᠶᠠᠭ ᠡᠶᠢᠮᠦ ᠶᠡᠭᠡ ᠠᠭᠤᠷ ᠠᠮᠢᠰᠬᠤᠯ ᠲᠤᠮᠳᠠ᠂ ᠮᠠᠨ ᠤ ᠠᠶᠢᠮᠠᠭ ᠲᠠᠶᠠᠭᠠᠷ ᠲᠤ ᠬᠤᠷᠳᠤᠨ | ᠬᠥᠯᠥᠭ ᠪᠤᠶᠢᠵᠢᠭᠤᠯᠬᠤ ᠨᠢᠭᠡᠨ ᠬᠠᠯᠠᠮᠰᠢᠯ ᠲᠤᠯᠭᠠ ᠶᠢᠨ ᠭᠠᠯ ᠰᠢᠭ ᠲᠦᠷᠡᠯᠵᠡᠵᠦ ᠡᠬᠢᠯᠡᠵᠡᠢ᠃ ᠤᠳᠤᠬᠠᠨ ᠳᠤ᠂ | ᠪᠥᠬᠦ ᠠᠶᠢᠮᠠᠭ ᠤᠨ ᠪᠤᠶᠢᠵᠢᠭᠤᠯᠤᠨ ᠭᠠᠷᠭᠠᠭᠰᠠᠨ ᠬᠤᠷᠳᠤᠨ ᠬᠥᠯᠥᠭ ᠴᠤᠬᠤᠮ ᠬᠡᠳᠦᠢ ᠪᠠᠶᠢᠬᠤ ᠭᠡᠳᠡᠭ ᠲᠤ | ᠪᠥᠷᠢᠳᠭᠡᠭᠳᠡᠵᠦ ᠭᠠᠷᠴᠤ ᠢᠷᠡᠭᠰᠡᠨ ᠲᠤᠭᠠ ᠪᠠᠷᠢᠮᠳᠠ ᠭᠠᠷᠴᠤ ᠢᠷᠡᠭᠡ ᠦᠭᠡᠢ ᠪᠠᠶᠢᠭᠠ ᠴᠤ᠂ ᠰᠢᠯᠢ ᠶᠢᠨ ᠬᠤᠳᠠ | ᠤᠷᠤᠨ ᠤ ᠪᠤᠶᠢᠵᠢᠭᠤᠯᠤᠨ ᠭᠠᠷᠭᠠᠭᠰᠠᠨ ᠬᠤᠷᠳᠤᠨ ᠬᠥᠯᠥᠭ 1500 ᠤᠷᠴᠢᠮ ᠪᠠᠶᠢᠭᠠᠳ ᠪᠥᠬᠦ ᠠᠶᠢᠮᠠᠭ ᠲᠤ | ᠬᠤᠰᠢᠭᠤᠴᠢᠯᠠᠵᠤ ᠪᠠᠶᠢᠭᠠ ᠲᠤᠭᠠ ᠪᠠᠷᠢᠮᠳᠠ ᠲᠤᠳᠤᠷᠬᠠᠢ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃ ᠡᠭᠦᠨ ᠤ ᠲᠠᠭᠠᠤ ᠳᠤ᠂ ᠪᠤᠰᠤᠳ | ᠬᠤᠰᠢᠭᠤ ᠰᠢᠶᠠᠨ ᠬᠤᠳᠠ ᠶᠢᠨ ᠬᠢᠨ ᠴᠤ᠂ ᠤᠨᠴᠠᠯᠢᠭ ᠤᠨᠴᠠᠯᠢᠭ ᠢᠶᠠᠨ ᠪᠠᠷᠢᠨ ᠬᠤᠷᠳᠤᠨ ᠬᠥᠯᠥᠭ ᠪᠤᠶᠢᠵᠢᠭᠤᠯᠬᠤ | ᠠᠵᠢᠯ ᠢ ᠭᠠᠷᠳᠠᠨ ᠠᠳᠬᠤᠭᠰᠠᠭᠠᠷ ᠪᠠᠶᠢᠭᠠ ᠶᠢ ᠬᠠᠷᠠᠭᠤᠰᠢᠳᠠᠢ᠃ | ︽ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ︾ ᠪᠤᠯ ᠨᠢᠭᠡ ᠶᠤᠰᠤᠨ ᠤ ᠬᠤᠷᠳᠤ ᠶᠤᠮ᠃ ᠨᠡᠶᠢᠭᠡᠮ ᠨᠡᠶᠢᠳᠡ ᠶᠢᠨ | ᠬᠥᠭᠵᠢᠯ ᠴᠤ᠂ ᠬᠤᠷᠳᠤ ᠲᠡᠭᠡᠷᠡ ᠶᠠᠷᠢᠭᠳᠠᠨᠠ᠃ ᠬᠤᠷᠳᠤ ᠶᠢ ᠡᠷᠬᠢᠮᠯᠡᠳᠡᠭ ᠬᠦᠮᠦᠰ ᠯᠡ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠡᠭᠡᠨ | ᠨᠡᠩ ᠶᠡᠭᠡ ᠬᠤᠪᠢ ᠨᠡᠮᠡᠷᠢ ᠡᠷᠭᠦᠵᠦ ᠴᠢᠳᠠᠨᠠ᠃ ᠬᠤᠷᠳᠤ ᠲᠠᠢ ᠮᠤᠩᠭᠤᠯ ᠮᠤᠷᠢ ᠪᠤᠶᠢᠵᠢᠭᠤᠯᠵᠤ ᠭᠠᠷᠭᠠᠳᠠᠭ ᠬᠦᠮᠦᠰ | ᠯᠡ ︽ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ︾ ᠶᠢ ᠲᠤᠭ ᠰᠢᠭ ᠡᠷᠭᠦᠵᠦ ᠶᠠᠪᠤᠵᠤ ᠴᠢᠳᠠᠨᠠ᠃ ᠲᠡᠭᠡᠪᠡᠯ᠂ | ᠬᠤᠷᠳᠤ ᠲᠠᠢ ᠮᠤᠩᠭᠤᠯ ᠮᠤᠷᠢ ᠶᠢ ᠭᠠᠷᠭᠠᠬᠤ ᠦᠨᠡᠨ ᠬᠥᠷᠦᠩᠭᠡ ᠨᠢ ᠶᠠᠭᠤ ᠪᠤᠢ ᠭᠡᠪᠡᠯ᠂ ︽ᠰᠢᠯᠢ ᠶᠢᠨ ᠭᠤᠤᠯ | ᠠᠳᠤᠭᠤ︾᠂ ᠦᠵᠦᠮᠦᠴᠢᠨ ᠴᠠᠭᠠᠨ ᠠᠳᠤᠭᠤ᠂ ᠦᠵᠦᠮᠦᠴᠢᠨ ᠰᠢᠷᠭᠠ ᠠᠳᠤᠭᠤ᠂ ᠠᠪᠠᠭᠠ ᠬᠠᠷᠠ ᠠᠳᠤᠭᠤ᠂ | ᠰᠥᠨᠢᠳ ᠠᠳᠤᠭᠤ ᠵᠡᠷᠭᠡ ᠤᠷᠤᠨ ᠨᠤᠳᠤᠭ ᠤᠨ ᠰᠤᠩᠭᠤᠳᠠᠭ ᠠᠳᠤᠭᠤᠨ ᠤ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠤᠯᠳᠠ | ᠶᠠᠷᠢᠭᠳᠠᠨᠠ᠃ ᠡᠳᠡᠭᠡᠷ ᠰᠤᠩᠭᠤᠳᠠᠭ ᠡᠭᠦᠯᠳᠡᠷ ᠢ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠬᠤ ᠠᠵᠢᠯ ᠤᠨ ᠵᠠᠷᠢᠮ ᠨᠢ ᠮᠠᠨ ᠤ | ᠠᠶᠢᠮᠠᠭ ᠲᠤ ᠲᠡᠭᠡᠳᠦ ᠵᠠᠭᠤᠨ ᠤ ᠶᠡᠷᠡᠭᠡᠳ ᠤᠨ ᠠᠴᠠ ᠲᠤᠰᠬᠠᠢ ᠲᠥᠷᠦᠯ ᠵᠦᠢᠯ ᠤᠨ ᠬᠡᠯᠪᠡᠷᠢ ᠪᠠᠷ ᠶᠠᠪᠤᠭᠳᠠᠵᠤ | ᠡᠬᠢᠯᠡᠭᠰᠡᠨ ᠭᠡᠬᠦ ᠳᠤ᠂ ᠵᠠᠷᠢᠮ ᠨᠢ ᠰᠢᠨᠡ ᠵᠠᠭᠤᠨ ᠤ ᠡᠬᠢᠨ ᠠᠴᠠ ᠶᠠᠪᠤᠭᠳᠠᠭᠰᠠᠨ ᠪᠠᠶᠢᠪᠠ᠃ ᠵᠢᠱᠢᠶᠡᠯᠡᠪᠡᠯ᠂ | ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠠᠷ ᠲᠥᠪᠯᠡᠭᠰᠡᠨ ︽ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ︾ ᠶᠢᠨ ᠰᠤᠩᠭᠤᠨ | ᠪᠤᠶᠢᠵᠢᠭᠤᠯᠬᠤ ᠠᠵᠢᠯ ᠲᠡᠭᠡᠳᠦ ᠵᠠᠭᠤᠨ ᠤ ᠶᠡᠷᠡᠭᠡᠳ ᠤᠨ ᠠᠴᠠ ᠡᠷᠴᠢᠮᠳᠡᠢ ᠥᠷᠨᠢᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃ | ᠤᠤᠯ ᠠᠴᠠ ᠪᠠᠨ᠂ ᠪᠠᠶᠠᠨᠰᠢᠯᠢ ᠶᠢᠨ ᠬᠤᠷᠳᠤᠨ ᠬᠥᠯᠥᠭ ᠭᠡᠭᠴᠢ ᠬᠤᠯᠠ ᠤᠶᠢᠷᠠ ᠳᠠᠭᠠᠨ ᠠᠯᠳᠠᠷᠳᠠᠢ ᠲᠡᠭᠡᠷᠡ ᠪᠠᠨ | 1982 ᠤᠨ ᠤ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠲᠠᠯᠠᠢ ᠶᠡᠭᠡ ᠨᠠᠶᠢᠷ ᠲᠡᠭᠡᠷᠡ ᠠᠯᠤᠰ ᠤᠨ ᠮᠤᠷᠢᠨ ᠤ | ᠤᠷᠤᠯᠳᠤᠭᠠᠨ ᠳᠤ ᠪᠠᠶᠠᠨᠰᠢᠯᠢ ᠶᠢᠨ ᠤᠯᠠᠭᠠᠨ ᠪᠤᠷᠤ ᠮᠤᠷᠢ ᠲᠡᠷᠢᠭᠦᠯᠡᠵᠦ ᠢᠷᠡᠭᠰᠡᠨ ᠨᠢ ᠪᠠᠶᠠᠨᠰᠢᠯᠢ ᠶᠢᠨ ᠬᠤᠷᠳᠤᠨ | ᠬᠥᠯᠥᠭ ᠢ ᠲᠠᠶᠠᠩ ᠳᠤ ᠠᠯᠳᠠᠷᠰᠢᠭᠤᠯᠤᠭᠰᠠᠨ ᠶᠤᠮ᠃ | ᠡᠶᠢᠨᠬᠦ᠂ ᠤᠤᠯ ᠠᠴᠠ ᠪᠠᠨ ᠬᠤᠷᠳᠤᠨ ᠬᠥᠯᠥᠭ ᠰᠠᠶᠢᠳᠠᠢ ᠰᠠᠭᠤᠷᠢᠨ ᠲᠡᠭᠡᠷᠡ᠂ ︽ᠰᠢᠯᠢ ᠶᠢᠨ ᠭᠤᠤᠯ | ᠠᠳᠤᠭᠤ︾ ᠬᠡᠮᠡᠬᠦ ᠲᠤᠰᠬᠠᠢ ᠲᠥᠷᠦᠯ ᠵᠦᠢᠯ ᠤᠨ ᠪᠠᠶᠢᠭᠤᠯᠤᠯᠳᠠ ᠥᠷᠨᠢᠭᠰᠡᠨ ᠨᠢ ᠪᠠᠶᠠᠨᠰᠢᠯᠢ ᠶᠢᠨ ᠬᠥᠯᠥᠭ | ᠮᠤᠷᠢᠳ ᠲᠤ ᠵᠢᠭᠦᠷ ᠤᠷᠭᠤᠭᠤᠯᠤᠭᠰᠠᠨ ᠮᠡᠳᠦ ᠦᠢᠯᠡᠳᠦᠯ ᠳᠤ ᠬᠦᠷᠭᠡᠭᠰᠡᠨ ᠶᠤᠮ᠃ 2020 ᠤᠨ ᠳᠤ ᠳᠤᠮᠳᠠᠳᠤ | ᠤᠯᠤᠰ ᠤᠨ ᠠᠳᠤᠭᠤᠨ ᠤ ᠦᠢᠯᠡᠰ ᠤᠨ ᠨᠡᠶᠢᠭᠡᠮᠯᠢᠭ ᠠᠴᠠ ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢ ︽ᠳᠤᠮᠳᠠᠳᠤ | ᠤᠯᠤᠰ ᠤᠨ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠠᠳᠤᠭᠤ ᠥᠰᠭᠡᠨ ᠦᠷᠡᠵᠢᠭᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ︾ ᠢᠶᠠᠷ ᠨᠡᠷᠡᠶᠢᠳᠦᠭᠰᠡᠨ | ᠪᠠᠶᠢᠨᠠ᠃ ᠤᠳᠤᠬᠠᠨ ᠳᠤ ᠲᠤᠰ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠠᠳᠤᠭᠤ ᠮᠠᠯᠵᠢᠵᠦ ᠪᠠᠶᠢᠭᠠ ᠡᠷᠦᠬᠡ 147 ᠪᠠᠶᠢᠵᠦ᠂ | ᠤᠯᠠᠩᠭᠢ ᠡᠷᠦᠬᠡ ᠨᠢ ᠬᠤᠷᠳᠤᠨ ᠤ ᠴᠢᠭᠯᠡᠯ ᠢᠶᠠᠷ ᠪᠤᠶᠢᠵᠢᠭᠤᠯᠵᠤ ᠪᠠᠶᠢᠳᠠᠭ ᠶᠤᠮ᠃ ᠪᠠᠶᠠᠡᠰᠢᠯᠢ ᠶᠢᠨ ᠨᠠᠷᠠᠨ | ᠲᠠᠮᠠᠭᠠᠳᠤ ᠠᠳᠤᠭᠤ ᠨᠠᠭᠠᠳᠤᠮ ᠤᠨ ᠮᠠᠩᠯᠠᠢ ᠳᠤ ᠬᠤᠷᠳᠤᠯᠠᠳᠠᠭ ᠢᠶᠠᠷ ᠢᠶᠠᠨ ᠬᠤᠯᠠ ᠤᠶᠢᠷᠠ ᠳᠠᠭᠠᠨ ᠠᠯᠳᠠᠷᠳᠠᠢ | ᠪᠠᠶᠢᠳᠠᠭ᠃ ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠤᠰᠤᠨ ᠲᠦᠷᠦᠭᠦᠦ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠶᠢᠨ ᠬᠠᠰᠢᠷ | ᠠᠳᠤᠭᠤᠴᠢᠨ ᠵᠢᠶᠠᠨ ᠫᠢᠡᠭ ᠭᠤᠴᠢ ᠭᠠᠷᠤᠢ ᠵᠢᠯ ᠠᠳᠤᠭᠤ ᠮᠠᠯᠵᠢᠬᠤ ᠳᠠᠭᠠᠨ ᠤᠯᠤᠰ ᠤᠷᠤᠨ ᠳᠤ ᠨᠥᠯᠥᠭᠡ ᠲᠠᠢ | ᠪᠠᠭᠠ ᠨᠠᠷᠠᠨ ᠲᠠᠮᠠᠭᠠᠳᠤ ᠬᠤᠷᠳᠤᠨ ᠤ ᠴᠢᠭᠯᠡᠯ ᠲᠠᠢ ᠠᠳᠤᠭᠤ ᠶᠢ ᠠᠮᠵᠢᠯᠳᠠ ᠲᠠᠢ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠵᠦ᠂ | ᠠᠯᠳᠠᠷ ᠨᠡᠷᠡ ᠪᠤᠯᠤᠨ ᠠᠰᠢᠭ ᠤᠷᠤᠯᠭᠠ ᠶᠢ ᠵᠡᠷᠭᠡᠪᠡᠷ ᠬᠦᠷᠳᠡᠵᠦ ᠶᠠᠪᠤᠭᠠ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ 50 ᠭᠠᠷᠤᠢ | ᠠᠶᠢᠷᠠᠭ ᠲᠤ ᠬᠤᠷᠳᠤᠯᠠᠭᠤᠯᠤᠭᠰᠠᠨ ᠤᠶᠠᠭᠠᠴᠢ ᠪᠠᠶᠢᠯᠠ᠃ 2020 ᠤᠨ ᠤ 10 ᠰᠠᠷᠠ ᠶᠢᠨ 16 ᠤ ᠡᠳᠦᠷ᠂ | ᠠᠳᠤᠭᠤᠴᠢᠨ ᠵᠢᠶᠠᠨ ᠫᠢᠡᠭ ᠤᠨ ᠠᠳᠤᠭᠤᠨ ᠤ ᠤᠨᠠᠭᠠᠨ ᠲᠠᠮᠠᠭᠠᠨ ᠳᠡᠭᠡᠷᠡ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠡᠯᠡ | ᠬᠤᠰᠢᠭᠤᠨ ᠤ ᠲᠠᠪᠢ ᠰᠢᠬᠠᠮ ᠤᠶᠠᠭᠠᠴᠢ ᠢᠷᠡᠵᠡᠭᠡᠵᠦ᠂ ᠠᠳᠤᠭᠤᠨ ᠰᠥᠷᠥᠭ ᠠᠴᠠ ᠨᠢ ᠬᠤᠷᠳᠤᠨ ᠤᠳᠤᠮ ᠤᠨ | 40 ᠭᠠᠷᠤᠢ ᠡᠷᠡ ᠤᠨᠠᠭᠠ ᠶᠢ ᠪᠤᠯᠢᠶᠠᠯᠴᠠᠵᠤ ᠠᠪᠤᠭᠰᠠᠨ ᠢᠶᠠᠷ ᠤᠨᠠᠭᠠ ᠬᠤᠳᠠᠯᠳᠤᠭᠰᠠᠨ ᠤᠷᠤᠯᠭᠠ ᠨᠢ ᠲᠠᠪᠤᠬᠠᠨ | ᠴᠠᠭ ᠲᠤ 100 ᠲᠦᠮᠡᠨ ᠲᠦᠭᠦᠷᠢᠭ ᠢ ᠳᠠᠪᠠᠭᠰᠠᠨ ᠪᠠᠶᠢᠵᠦ ᠪᠢᠯᠡ᠃ ᠵᠢᠶᠠᠨ ᠫᠢᠡᠭ ᠵᠢᠯ ᠪᠤᠯᠭᠠᠨ ᠬᠤᠷᠳᠤᠨ | ᠤᠳᠤᠮ ᠤᠨ ᠤᠨᠠᠭᠠ ᠬᠤᠳᠠᠯᠳᠤᠭᠠᠳ 12 ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ ᠪᠤᠢ᠃ ︽ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ︾ | ᠬᠡᠮᠡᠬᠦ ᠰᠢᠨᠡ ᠡᠭᠦᠯᠳᠡᠷ ᠤᠨ ᠬᠤᠷᠳᠤᠨ ᠤ ᠴᠢᠭᠯᠡᠯ ᠢᠶᠠᠷ ᠪᠤᠶᠢᠵᠢᠭᠤᠯᠤᠭᠰᠠᠨ ᠨᠢ ᠮᠤᠩᠭᠤᠯ ᠠᠳᠤᠭᠤᠨ ᠤ ᠴᠢᠰᠤᠨ | ᠤᠳᠤᠮᠯᠠᠯ ᠳᠤ ᠬᠤᠯᠢᠭᠠ ᠤᠷᠤᠭᠤᠯᠤᠭᠰᠠᠨ ᠤᠨᠴᠠᠯᠢᠭ ᠢᠶᠠᠷ ᠶᠠᠷᠢᠭᠳᠠᠳᠠᠭ ᠪᠠᠶᠢᠭᠰᠠᠨ ᠪᠤᠯ᠂ ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ | ᠂ ᠰᠢᠯᠢ ᠶᠢᠨ ᠬᠤᠳᠠ ᠨᠢ ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ ᠵᠡᠷᠭᠡ ᠤᠷᠤᠨ ᠨᠤᠳᠤᠭ ᠤᠨ ᠡᠭᠦᠯᠳᠡᠷ ᠢ ᠬᠠᠮᠠᠭᠠᠯᠠᠬᠤ | ᠢᠨᠵᠸᠨ᠋ᠸᠷᠢᠩ ᠢ ᠡᠬᠢᠯᠡᠭᠦᠯᠦᠨ᠂ ᠤᠷᠤᠨ ᠨᠤᠳᠤᠭ ᠤᠨ ᠡᠭᠦᠯᠳᠡᠷ ᠤᠳᠤᠮᠯᠠᠯ ᠤᠨ ᠡᠬᠢ | ᠪᠠᠶᠠᠯᠢᠭ ᠢ ᠬᠠᠮᠠᠭᠠᠯᠠᠵᠤ᠂ ᠰᠤᠬᠤᠷ ᠪᠠᠯᠠᠢ ᠪᠠᠷ ᠡᠷᠯᠢᠰᠡᠵᠢᠭᠦᠯᠦᠨ ᠤᠷᠤᠨ ᠨᠤᠳᠤᠭ ᠤᠨ ᠰᠤᠩᠭᠤᠳᠠᠭ ᠡᠭᠦᠯᠳᠡᠷ ᠤᠨ | ᠡᠬᠢ ᠪᠠᠶᠠᠯᠢᠭ ᠪᠠᠯᠠᠷᠠᠬᠤ ᠦᠵᠡᠭᠳᠡᠯ ᠢ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ ᠠᠪᠴᠠᠯ ᠢ ᠠᠪᠴᠤ᠂ ᠠᠳᠤᠭᠤᠨ ᠤ ᠦᠢᠯᠡᠰ ᠢ | ᠬᠥᠭᠵᠢᠭᠦᠯᠬᠦ ᠲᠤᠬᠠᠢ ᠮᠠᠰᠢ ᠤᠯᠠᠨ ᠨᠠᠷᠢᠨ ᠪᠤᠳᠠᠳᠠᠢ ᠠᠵᠢᠯᠯᠠᠭᠠ ᠠᠪᠴᠤ ᠪᠠᠶᠢᠬᠤ ᠪᠠᠷ ᠶᠠᠷᠢᠭᠳᠠᠬᠤ ᠪᠤᠯᠵᠠᠢ᠃ | ᠤᠳᠤᠬᠠᠨ ᠳᠤ᠂ ᠰᠢᠯᠢ ᠶᠢᠨ ᠬᠤᠳᠠ ᠨᠢ ᠬᠤᠷᠳᠤᠨ ᠬᠥᠯᠥᠭ ᠪᠤᠶᠢᠵᠢᠭᠤᠯᠬᠤ ᠲᠠᠯᠠ ᠪᠠᠷ ᠪᠥᠬᠦ ᠠᠶᠢᠮᠠᠭ ᠲᠤ | ᠬᠤᠰᠢᠭᠤᠴᠢᠯᠠᠬᠤ ᠦᠢᠯᠡᠳᠦᠯ ᠭᠠᠷᠭᠠᠵᠤ ᠪᠠᠶᠢᠭᠠ ᠨᠢ ᠶᠠᠭ ᠡᠭᠦᠨ ᠲᠠᠢ ᠨᠢᠭᠳᠠ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠭᠠ ᠠᠵᠢ᠃ | ᠮᠢᠩᠭᠠ ᠮᠢᠩᠭᠠᠨ ᠵᠢᠯ ᠤᠨ ᠲᠡᠷᠳᠡᠭᠡ ᠠᠴᠠ ᠢᠷᠡᠯᠳᠡ ᠲᠠᠢ ᠡᠳᠡᠭᠡᠷ ᠰᠤᠩᠭᠤᠳᠠᠭ ᠡᠭᠦᠯᠳᠡᠷ ᠢ ᠪᠤᠶᠢᠵᠢᠭᠤᠯᠬᠤ | ᠠᠵᠢᠯ ᠢ ᠪᠤᠳᠠᠳᠠᠢ ᠭᠠᠷᠳᠠᠨ ᠬᠢᠭᠰᠡᠨ ᠶᠠᠪᠤᠳᠠᠯ ᠰᠡᠬᠦᠭᠳᠡᠬᠦ ᠳᠤ ᠮᠠᠯᠴᠢᠳ ᠲᠡᠷᠢᠭᠦᠨ ᠳᠤᠨᠢ ᠶᠠᠷᠢᠭᠳᠠᠨᠠ᠃ ᠪᠥᠬᠦ | ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠰᠠᠶᠢᠨ ᠪᠥᠬᠡ ᠬᠢᠭᠡᠳ ᠰᠠᠶᠢᠨ ᠤᠶᠠᠭᠠᠴᠢᠨ ᠤ ᠲᠤᠭᠠ ᠠᠯᠢ ᠨᠢ ᠠᠯᠢᠨ ᠳᠠᠭᠠᠨ ᠠᠪᠳᠠᠬᠤ | ᠦᠭᠡᠢ ᠪᠠᠶᠢᠵᠤ ᠮᠡᠳᠡᠨᠡ᠃ ᠤᠶᠠᠭᠠᠴᠢ ᠶᠢᠨ ᠭᠠᠷ ᠲᠠᠮᠵᠢᠬᠤ ᠦᠭᠡᠢ ᠪᠠᠷ ᠬᠤᠷᠳᠤᠨ ᠬᠥᠯᠥᠭ ᠭᠠᠷᠤᠨᠠ ᠭᠡᠳᠡᠭ ᠪᠤᠯ | ᠬᠤᠳᠠᠯ ᠦᠭᠡ᠃ ᠤᠶᠠᠭᠠᠴᠢ ᠶᠢᠨ ᠤᠷᠠ ᠤᠬᠠᠭᠠ ᠪᠤᠯ ᠬᠦᠮᠦᠨ ᠮᠤᠷᠢ ᠪᠠᠶᠢᠭᠠᠯᠢ ᠤᠶᠠᠯᠳᠤᠭᠰᠠᠨ ᠬᠦᠨ ᠤᠬᠠᠭᠠ | ᠪᠤᠯᠬᠤᠷ᠂ ᠰᠠᠶᠢᠨ ᠬᠥᠯᠥᠭ ᠢ ᠵᠢᠭᠦᠷ ᠤᠷᠭᠤᠭᠤᠯᠤᠭᠰᠠᠨ ᠰᠢᠭ ᠬᠦᠶᠦᠯᠭᠡᠵᠦ᠂ ᠠᠨᠠᠢ ᠬᠦᠯᠦᠭ ᠢ ᠴᠤ ︽ᠠᠮᠠᠨ | ᠬᠦᠵᠦᠭᠦᠨ︾ ᠳᠤ ᠭᠦᠶᠦᠯᠭᠡᠴᠢᠬᠡᠳᠡᠭ᠃ ︽ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ︾ ᠶᠢ ᠡᠷᠬᠢᠮᠯᠡᠭᠰᠡᠨ ᠡᠳᠦᠭᠡ | ᠡᠷᠢᠨ ᠳᠤ᠂ ᠲᠦᠷᠦ ᠶᠢᠨ ᠥᠨᠳᠦᠷᠯᠢᠭ ᠤᠨ ᠤᠷᠢᠶᠠᠯᠠᠭᠠ ᠬᠢᠭᠡᠳ ᠤᠶᠠᠭᠠᠴᠢᠳ ᠤᠨ ᠰᠠᠨᠠᠭᠠ ᠴᠠᠢ ᠰᠦ ᠬᠤᠶᠠᠷ | ᠰᠢᠭ ᠠᠭᠤᠰᠤᠯᠴᠠᠯᠠ ᠭᠡᠵᠦ ᠪᠤᠯᠤᠨᠠ᠃ ᠬᠤᠷᠢᠨ ᠲᠥᠮᠡ ᠭᠠᠷᠤᠢ ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠦᠷᠭᠡᠨ | ᠵᠠᠶᠢᠴᠠ ᠲᠠᠢ ᠰᠠᠷᠠᠭᠤᠯ ᠠᠭᠤᠳᠠᠮ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠬᠡᠳᠦᠨ ᠮᠢᠩᠭᠠᠨ | ᠲᠠᠯᠠᠪᠠᠢ ᠶᠡᠭᠡ ᠪᠠᠭᠠ ᠨᠠᠶᠢᠷ ᠶᠠᠪᠤᠭᠳᠠᠵᠤ᠂ ᠨᠠᠶᠢᠷ ᠪᠤᠯᠭᠠᠨ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠢᠶᠠᠷ ᠲᠤᠳᠠᠳᠠᠭ ᠦᠭᠡᠢ᠃ | ᠨᠠᠶᠢᠷ ᠨᠢ ᠬᠡᠳᠦᠨ ᠮᠢᠩᠭᠠᠨ ᠲᠠᠯᠠᠪᠠᠢ ᠪᠠᠷ ᠶᠠᠷᠢᠭᠳᠠᠳᠠᠭ ᠭᠠᠵᠠᠷ ᠬᠡᠳᠦᠨ ᠲᠥᠮᠡᠨ ︵ᠤᠳᠠᠭᠠ︶ ᠮᠤᠷᠢ ᠲᠠᠪᠬᠢᠯᠠ | ᠭᠡᠵᠦ ᠬᠡᠯᠡᠬᠦ ᠪᠢᠯᠡ᠃ ᠭᠢᠨᠢᠰ ᠤᠨ ᠲᠡᠮᠳᠡᠭᠯᠡᠯ ᠬᠠᠮᠢᠭᠠ ᠪᠠᠶᠢᠨᠠ ᠪᠤᠢ ᠭᠡᠵᠦ ᠶᠠᠷᠢᠬᠤ ᠤᠴᠢᠷ᠃ ᠡᠨᠡ ᠤᠴᠢᠷ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠳᠤ ᠪᠤᠯᠤᠭᠰᠠᠨ 800 ᠠᠵᠢᠨᠠᠢ ᠶᠢᠨ ᠤᠷᠤᠯᠳᠤᠭᠠᠨ ᠢᠶᠠᠷ ᠦᠨᠡᠨ ᠶᠠᠷᠢᠭᠳᠠᠵᠤ | ᠴᠤ ᠥᠡᠭᠭᠡᠷᠡᠭᠰᠡᠨ᠃ ᠰᠢᠯᠢ ᠶᠢᠨ ᠮᠢᠩᠭᠠᠨ ᠨᠠᠶᠢᠷ ᠤᠨ ᠮᠤᠷᠢᠳ ᠪᠤᠯ ᠤᠨᠤᠴᠢᠳᠠᠢ ᠪᠥᠷᠢᠳᠭᠡᠬᠦ ᠳᠤ ᠪᠡᠷᠬᠡ ᠨᠢᠭᠡᠨ | ᠲᠤᠭᠠ ᠭᠡᠳᠡᠭ ᠴᠤ᠂ ᠡᠨᠡ ᠲᠤᠭᠠ ᠠᠴᠠ ᠬᠤᠷᠳᠤᠨ ᠬᠥᠯᠥᠭ ᠲᠥᠷᠦᠬᠦ ᠦᠭᠡᠢ ᠭᠡᠵᠦ ᠬᠡᠨ ᠬᠡᠯᠡᠬᠦ ᠪᠢᠯᠡ᠃ | ᠰᠥᠨᠢᠳ ᠨᠤᠳᠤᠭ ᠤᠨ ᠬᠤᠷᠳᠤᠨ ᠬᠥᠯᠥᠭ ᠡᠷᠳᠡ ᠦᠶᠡ ᠠᠴᠠ ᠠᠯᠳᠠᠷᠳᠠᠢ᠃ ᠠᠯᠢ ᠡᠷᠳᠡ ᠨᠡᠶᠢᠳᠡ | ᠲᠠᠶᠠᠭᠠᠷ ᠲᠤ ᠤᠯᠠᠨ ᠬᠤᠪᠢᠯᠪᠤᠷᠢ ᠪᠠᠷ ᠲᠡᠯᠭᠡᠷᠡᠭᠰᠡᠨ ︽ᠬᠥᠭᠰᠢᠨ ᠬᠤᠤᠬᠠᠩ︾ ᠭᠡᠳᠡᠭ ᠠᠷᠠᠳ ᠤᠨ ᠲᠠᠭᠤᠤ ᠶᠢ | ᠰᠥᠨᠢᠳᠴᠤᠤᠯ ᠰᠥᠨᠢᠳ ᠠᠷᠠᠳ ᠤᠨ ᠲᠠᠭᠤᠤ ᠭᠡᠮᠡᠨ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠨᠡᠷᠡ ᠶᠢ ᠤᠷᠤᠭᠤᠯᠤᠨ ᠥᠮᠴᠢᠷᠬᠡᠨ | ᠲᠠᠭᠤᠯᠠᠵᠠᠭᠠᠳᠠᠭ᠃ ᠠᠷᠠᠳ ᠤᠨ ᠲᠠᠭᠤᠤ ᠯᠠ ᠪᠤᠯᠬᠤᠷ᠂ ᠭᠠᠵᠠᠷ ᠭᠠᠵᠠᠷ ᠤᠨ ᠬᠦᠮᠦᠰ ᠥᠮᠴᠢᠷᠬᠡᠨ ᠲᠠᠭᠤᠯᠠᠬᠤ | ᠦᠵᠡᠭᠳᠡᠯ ᠵᠥᠡᠭᠳᠡᠭᠡᠨ ᠯᠡ ᠪᠠᠶᠢᠳᠠᠭ᠃ ᠭᠡᠬᠦ ᠳᠡᠭᠡᠨ ᠰᠥᠨᠢᠳᠴᠤᠤᠯ ︽ᠬᠥᠭᠰᠢᠨ ᠬᠤᠤᠬᠠᠡᠭ︾ ᠢ ᠵᠥᠪᠬᠡᠨ | ᠲᠠᠭᠤᠤ ᠲᠡᠳᠦᠢ ᠲᠠᠭᠤᠯᠠᠵᠠᠭᠠᠭᠰᠠᠨ ᠪᠤᠰᠤ᠂ ᠬᠠᠷᠢᠨ ᠬᠤᠷᠳᠤ ᠶᠢ ᠡᠷᠬᠢᠮᠯᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ ᠪᠤᠯᠭᠠᠨ ᠦᠶᠡ | ᠲᠠᠮᠵᠢᠨ ᠲᠠᠭᠤᠯᠠᠵᠠᠭᠠᠵᠤ ᠢᠷᠡᠭᠰᠡᠨ ᠨᠢ ᠡᠳᠦᠭᠡ ᠡᠷᠢᠨᠡ ᠲᠤᠳᠤᠷᠠᠵᠤ ᠢᠷᠡᠬᠦ ᠰᠢᠦ ᠶᠤᠮ᠃ ᠦᠶᠡ ᠦᠶᠡ ᠶᠢᠨ | ᠰᠦᠨᠢᠳᠴᠤᠤᠯ ︽ᠬᠥᠭᠰᠢᠨ ᠬᠤᠤᠬᠠᠩ︾ ᠢᠶᠠᠷ ᠰᠢᠷᠤᠩᠬᠠᠶᠢᠯᠠᠨᠠ᠂ ᠴᠠᠭ ᠴᠠᠭ ᠤᠨ ᠬᠤᠷᠳᠤᠨ ᠬᠥᠯᠥᠭ ᠰᠥᠨᠢᠳ | ᠨᠤᠳᠤᠭ ᠠᠴᠠ ᠲᠤᠳᠤᠷᠠᠭᠰᠠᠭᠠᠷ ᠦᠨᠡᠭᠡᠷ ᠴᠤ ᠨᠢᠭᠡ ᠠᠷᠠᠳ ᠤᠨ ᠲᠠᠭᠤᠤ ᠠᠵᠢᠨᠠᠢ ᠬᠥᠯᠥᠭ ᠪᠤᠯᠵᠤ ᠠᠮᠢᠯᠠᠭᠰᠠᠨ | ᠤᠷᠤᠨ ᠭᠡᠵᠦ ᠪᠤᠯᠤᠮᠠᠷ ᠪᠤᠯᠵᠠᠢ᠃ ᠤᠨ ᠵᠢᠯ ᠤᠨ ᠲᠤᠭᠠᠯᠠᠩ ︽2016︾ ᠭᠡᠬᠦ ᠳᠤ ᠯᠡ ᠰᠥᠨᠢᠳ ᠪᠠᠷᠠᠭᠤᠨ | ᠬᠤᠰᠢᠭᠤ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠠᠯᠠ ᠨᠤᠳᠤᠭ ᠤᠨ ᠬᠤᠷᠳᠤᠨ ᠬᠥᠯᠥᠭ ᠤᠨ ᠨᠤᠳᠤᠭ︾ ᠭᠡᠮᠡᠨ | ᠨᠡᠷᠡᠶᠢᠳᠦᠭᠳᠡᠭᠰᠡᠨ ᠪᠠᠶᠢᠨᠠ᠃ ᠤᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠰᠥᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ 20 ᠠᠴᠠ ᠳᠡᠭᠡᠭᠰᠢ | ᠠᠳᠤᠭᠤ ᠮᠠᠯᠵᠢᠵᠦ ᠪᠠᠶᠢᠭᠠ ᠡᠷᠦᠬᠡ 300 ᠭᠠᠷᠤᠢ ᠪᠠᠶᠢᠳᠠᠭ ᠠᠵᠢ᠃ ᠮᠡᠷᠭᠡᠨᠳᠤ ᠪᠤᠯ ᠰᠦᠨᠢᠳ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠦᠷᠭᠡᠨᠳᠡᠯᠠ ᠪᠠᠯᠭᠠᠰᠤᠨ ᠤ ᠴᠠᠩᠳᠤᠰᠢᠯᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠂ ᠤᠯᠠᠨ ᠨᠠᠶᠢᠷ ᠨᠠᠭᠠᠳᠤᠮ ᠢᠶᠠᠷ | ᠮᠤᠷᠢ ᠪᠠᠨ ᠤᠷᠤᠯᠳᠤᠭᠤᠯᠵᠦ ᠤᠳᠤ ᠬᠡᠶᠢᠮᠦᠷᠢ ᠲᠠᠢ ᠲᠠᠪᠬᠢᠭᠤᠯᠵᠦ ᠶᠠᠪᠤᠭᠰᠠᠨ ᠰᠠᠶᠢᠨ ᠤᠨᠤᠭᠠᠴᠢ ᠤᠶᠠᠭᠠᠴᠢ ᠪᠢᠯᠡ᠃ | ᠡᠳᠡᠨ ᠤ ᠬᠢ 160 ᠠᠳᠤᠭᠤ ᠮᠠᠯᠵᠢᠵᠦ᠂ ᠡᠭᠦᠨ ᠳᠤ ᠳᠠᠯᠠᠭᠠᠳ ᠮᠤᠩᠭᠤᠯ ᠠᠳᠤᠭᠤ ᠪᠤᠢ᠃ ᠡᠳᠡᠨ ᠤ | ᠠᠳᠤᠭᠤᠨ ᠤ ᠤᠳᠤᠮ ᠤᠭᠰᠠᠭᠠ ᠨᠢ ᠴᠡᠪᠡᠷ᠂ ᠪᠡᠶᠡ ᠪᠢᠯᠳᠡᠷ ᠨᠢ ᠴᠢᠬᠢᠷᠠᠭ ᠪᠠᠶᠢᠵᠦ᠂ ᠰᠦᠨᠢᠳ ᠨᠤᠲᠤᠭ ᠤᠨ | ᠮᠤᠩᠭᠤᠯ ᠠᠳᠤᠭᠤᠨ ᠤ ᠪᠡᠶᠡ ᠭᠠᠯᠪᠢᠷ᠂ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠲᠡᠷᠡ ᠬᠡᠪ ᠢᠶᠠᠷ ᠨᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠳᠠᠭ᠃ | ᠮᠡᠷᠭᠡᠨᠳᠦ ᠭᠠᠴᠠᠭᠠᠨ ᠤ ᠪᠠᠨ 5 ᠮᠠᠯᠴᠢᠨ ᠡᠷᠤᠬᠡ ᠲᠠᠢ ᠬᠤᠯᠪᠤᠭᠠᠯᠠᠨ ᠪᠠᠯᠠ ᠮᠥᠩᠭᠦ ᠭᠠᠷᠭᠠᠵᠤ᠂ ᠬᠤᠰᠢᠭᠤᠨ ᠤ | ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠲᠡᠮᠵᠢᠯᠭᠡ ᠲᠤᠤᠷᠠ 2016 ᠤᠨ ᠳᠤ ︽ᠳᠠᠮᠠᠴᠢ ᠠᠵᠢᠨᠠᠢ︾ ᠠᠳᠤᠭᠤᠨ ᠤ ᠦᠢᠯᠡᠰ ᠤᠨ | ᠲᠤᠰᠬᠠᠶ ᠬᠤᠷᠰᠢᠶᠠᠵᠢᠯ ᠪᠠᠶᠢᠭᠤᠯᠵᠤ᠂ 700 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠤᠳ᠋ᠷ ᠤᠨ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠮᠤᠷᠢᠨ ᠤ | ᠬᠠᠰᠢᠶᠠ ᠪᠠᠶᠢᠭᠤᠯᠤᠨ᠂ ᠠᠳᠤᠭᠤ ᠶᠢ ᠭᠡᠪᠴᠢᠶᠠᠵᠢᠬᠦᠯᠦᠨ ᠮᠠᠯᠵᠢᠬᠤ ᠪᠠ ᠡᠬᠦᠯᠲᠡᠷ ᠰᠢᠯᠢᠳᠡᠭᠵᠢᠬᠦᠯᠬᠦ ᠠᠵᠢᠯ ᠢ ᠬᠢᠵᠤ᠂ | ᠠᠳᠤᠭᠤᠨ ᠤ ᠠᠵᠤ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠵᠠᠢ᠃ | ᠰᠤᠨᠢᠨ ᠰᠡᠳᠭᠦᠯ ᠭᠡᠳᠡᠭ ᠪᠤᠳᠠᠳᠠᠢ ᠲᠤᠭᠠ ᠪᠠᠷᠢᠮᠳᠠ ᠪᠠᠷ ᠦᠭᠡ ᠬᠡᠯᠡᠬᠦ ᠶᠢ ᠡᠷᠬᠢᠮᠯᠡᠬᠦ ᠠᠴᠠ ᠪᠢᠰᠢ᠂ | ᠪᠤᠳᠠᠳᠠᠢ ᠲᠤᠭᠠ ᠪᠠᠷᠢᠮᠳᠠ ᠠᠴᠠ ᠴᠠᠭᠠᠰᠢ ᠪᠤᠳᠠᠳᠠᠢ ᠤᠴᠢᠷ ᠢᠶᠠᠷ ᠶᠠᠷᠢᠪᠠᠯ᠂ ᠬᠤᠷᠳᠤᠨ ᠬᠥᠯᠥᠭ ᠪᠤᠶᠢᠵᠢᠭᠤᠯᠬᠤ | ᠭᠡᠳᠡᠭ ᠪᠤᠯ᠂ ᠵᠠᠰᠠᠭ ᠲᠥᠷᠦ ᠵᠢᠭᠠᠪᠤᠷᠢ ᠪᠠᠨ ᠥᠭᠴᠢᠬᠡᠪᠡᠯ᠂ ᠮᠠᠯᠴᠢᠨ ᠠᠷᠠᠳ ᠶᠠᠮᠠᠷ ᠱᠠᠯᠠᠭᠠ ᠦᠭᠡᠢ ᠪᠠᠷ | ᠬᠦᠢᠴᠡᠳᠭᠡᠬᠦ ᠠᠶᠠᠨᠳᠠᠭᠠᠨ ᠤ ᠠᠵᠢᠯ ᠭᠡᠳ ᠤᠶᠢᠯᠠᠭᠠᠴᠢᠬᠠᠪᠠᠯ ᠤᠨᠤᠴᠢ ᠶᠢ ᠨᠢ ᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ | ᠤᠴᠢᠷ ᠨᠢ᠂ ᠬᠤᠷᠳᠤ ᠲᠠᠢ ᠬᠥᠯᠥᠭ ᠮᠠᠯᠵᠢᠨᠠ ᠭᠡᠬᠦ ᠰᠢᠭ ᠪᠠᠭᠠᠳᠠᠢ ᠠᠵᠢᠯ ᠪᠤᠯ ᠲᠡᠳᠡᠨ ᠤ ᠬᠦᠰᠡᠭᠡᠳ ᠤᠯᠬᠤ | ᠦᠭᠡᠢ ᠪᠠᠶᠢᠭᠰᠠᠨ ᠠᠵᠢᠯ ᠤᠨ ᠨᠢᠭᠡ ᠶᠤᠮ᠃ ᠶᠠᠭ ᠡᠶᠢᠮᠦ ᠳᠡᠭᠡᠨ᠂ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠲᠤᠷᠭᠠᠨ ᠬᠥᠷᠦᠰᠦᠨ | ᠲᠡᠭᠡᠷᠡ ᠬᠤᠷᠳᠤᠨ ᠬᠥᠯᠥᠭ ᠪᠤᠶᠢᠵᠢᠭᠤᠯᠬᠤ ᠠᠵᠢᠯ ᠬᠤᠷᠠ ᠬᠦᠰᠡᠭᠰᠡᠨ ᠰᠢᠯᠢ ᠳᠤ ᠷᠠᠰᠢᠶᠠᠨ ᠪᠠᠭᠤᠭᠰᠠᠨ ᠮᠡᠳᠦ | ᠪᠤᠯᠤᠭᠰᠠᠨ ᠶᠤᠮ᠃ ᠲᠦᠷᠦ ᠶᠢᠨ ᠵᠢᠭᠠᠪᠤᠷᠢ ᠲᠦᠮᠡᠨ ᠤ ᠰᠠᠨᠠᠭᠠ ᠨᠡᠪᠳᠡ ᠠᠭᠤᠰᠤᠯᠴᠠᠭᠰᠠᠨ ᠴᠠᠭ ᠲᠤ ᠶᠠᠮᠠᠷ ᠠᠵᠢᠯ | ᠪᠥᠳᠦᠬᠦ ᠦᠭᠡᠢ ᠭᠡᠬᠦ ᠪᠢᠯᠡ᠃ | ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠢᠪᠡᠭᠡᠯ |