| ᠰᠠᠷᠠᠨᠮᠠᠨᠳᠤᠬᠤ ᠪᠤᠯ ᠰᠢᠯᠢ ᠶᠢᠨ ᠬᠤᠲᠠ ᠶᠢᠨ ᠴᠤᠭᠠᠠᠭᠤᠯᠠ ᠰᠤᠮᠤᠨ ᠤ ᠴᠠᠭᠠᠨᠨᠠᠭᠤᠷ ᠭᠠᠴᠠᠭᠠ ᠪᠠᠷ ᠨᠣᠲᠤᠭᠲᠠᠢ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠵᠦ ᠦᠢᠯᠡᠳᠪᠦᠷᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠤᠮ᠃ ᠲᠡᠷᠡ ᠠᠵᠢᠯ ᠤᠨ | ᠴᠢᠯᠦᠬᠡ ᠪᠠᠷ ᠢᠶᠠᠨ ᠴᠢᠩᠬᠤᠸᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠠᠬᠠᠯᠠᠭᠴᠢ ᠳ᠋ᠣᠺᠲ᠋ᠣᠷ ᠢᠶᠠᠷ ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠵᠤ ᠪᠠᠶᠢᠨᠠ᠃ | ᠴᠠᠭᠠᠨ ᠰᠠᠷᠠ ᠪᠠᠷ ᠠᠷᠤ ᠭᠡᠷ ᠲᠡᠭᠡᠨ ᠢᠷᠡᠵᠦ ᠰᠢᠨᠡᠯᠡᠬᠦ ᠳᠡᠭᠡᠨ ᠳᠡᠭᠦᠤ ᠮᠢᠳᠠᠭᠮᠡ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠩᠬᠠ ᠭᠠᠷ ᠢ ᠨᠢ | ᠭᠠᠨᠵᠤᠭᠠᠨ ᠳᠤ ᠬᠥᠯ ᠢ ᠨᠢ ᠳᠦᠷᠦᠭᠡᠨ ᠳᠤ ᠬᠦᠷᠭᠡᠭᠰᠡᠨ ᠬᠠᠶᠢᠷᠠᠲᠠᠢ ᠲᠤᠯᠢᠨ ᠰᠠᠷᠠᠲᠠᠢ ᠬᠤᠤᠨ ᠮᠤᠷᠢᠨ ᠤ ᠪᠠᠨ ᠬᠤᠷᠢᠨ | ᠲᠠᠪᠤᠨ ᠨᠠᠰᠤᠨ ᠤ ᠵᠢᠯ ᠢ ᠨᠢ ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠮᠤᠷᠢᠨ ᠳᠠᠭᠠᠨ ᠬᠠᠳᠠᠭ ᠤᠨ ᠭᠤᠤᠯ ᠲᠠᠢ ᠲᠠᠪᠤᠨ ᠥᠩᠭᠡ ᠶᠢᠨ | ᠲᠤᠷᠭᠠᠨ ᠰᠠᠴᠤᠭ ᠲᠠᠢ ᠵᠠᠩᠭᠢᠶᠠ ᠵᠡᠭᠦᠯᠭᠡᠵᠦ᠂ ᠨᠠᠮᠲᠠᠷ ᠲᠡᠤᠬᠡ ᠶᠢ ᠨᠢ ᠲᠤᠷᠠᠰᠴᠤ ᠵᠢᠯ ᠢ ᠨᠢ ᠤᠷᠤᠭᠤᠯᠤᠭᠰᠠᠨ ᠪᠢᠴᠢᠯᠭᠡ | ᠬᠤᠯᠪᠤᠭᠠ ᠰᠦᠯᠵᠢᠶᠡ ᠪᠠᠷ ᠲᠠᠮᠵᠢᠭᠲᠠᠨ ᠦᠵᠡᠭᠰᠡᠨ ᠪᠦᠭᠦᠨ ᠤ ᠠᠩᠬᠠᠷᠤᠯ ᠢ ᠶᠡᠬᠡᠳᠡ ᠳᠠᠲᠠᠯᠠ᠃ | | ᠲᠡᠳᠡᠨ ᠤ ᠬᠢ 2000 ᠤᠨ ᠳᠤ ᠠᠳᠤᠭᠤᠨ ᠤ ᠪᠠᠨ ᠤᠯᠠᠩᠭᠢ ᠶᠢ ᠨᠢ ᠬᠤᠳᠠᠯᠳᠤᠬᠤ ᠳᠤ ᠤᠳᠤᠮ ᠰᠠᠶᠢᠲᠠᠢ | ᠬᠦᠶᠦᠳᠡᠭ ᠮᠤᠷᠢ ᠪᠤᠯᠤᠨᠠ ᠭᠡᠵᠦ ᠬᠡᠳᠦᠨ ᠤᠨᠤᠭᠠᠷᠢ ᠶᠢᠨ ᠮᠤᠷᠢ ᠲᠠᠢ ᠪᠠᠨ ᠬᠠᠮᠲᠤ ᠭᠠᠭᠴᠠᠬᠠᠨ ᠰᠠᠷᠪᠠ ᠠᠪᠴᠤ | ᠦᠯᠡᠳᠡᠭᠰᠡᠨ ᠨᠢ ᠡᠨᠡ ᠬᠤᠸᠠ ᠮᠤᠷᠢ ᠪᠢᠯᠡ᠃ ᠨᠢᠭᠡ ᠡᠪᠤᠯ ᠡᠪᠡᠰᠦᠯᠡᠨ ᠲᠡᠵᠢᠭᠡᠵᠦ ᠬᠦᠮᠦᠨ ᠪᠦᠬᠦᠳᠡ ᠥᠬᠦᠭᠡᠷᠳᠡᠨ | ᠨᠤᠤᠯᠠᠵᠤ ᠤᠨᠳᠤᠷᠤᠭᠤᠯᠤᠭᠰᠠᠨ ᠢᠶᠠᠨ ᠳᠠᠷᠠᠭᠠ ᠬᠠᠪᠤᠷ ᠨᠢ ᠤᠨᠤᠵᠤ ᠰᠤᠷᠭᠠᠭᠰᠠᠨ ᠠᠵᠢ᠃ ᠢᠡᠭᠬᠢᠭᠡᠳ ᠳᠤᠯᠢᠨ ᠰᠠᠷᠠᠳᠠᠢ | ᠬᠤᠸᠠ ᠮᠤᠷᠢ ᠬᠡᠨ ᠴᠤ ᠬᠠᠮᠢᠶᠠ ᠦᠭᠡᠢ ᠬᠡᠭᠡᠷᠡ ᠲᠠᠯᠠ ᠠᠴᠠ ᠴᠤ ᠰᠤᠯᠠ ᠪᠠᠷᠢᠴᠢᠬᠠᠳᠠᠭ᠂ ᠤᠨᠤᠵᠤ ᠡᠳ᠋ᠯᠡᠬᠦ ᠳᠤ ᠨᠣᠮᠤᠬᠠᠨ | ᠂ ᠦᠷᠭᠦᠵᠦ ᠰᠤᠴᠢᠬᠤ ᠡᠯᠳᠡᠪ ᠡᠰᠡᠨ ᠤ ᠵᠠᠩ ᠠᠭᠠᠰᠢ ᠦᠭᠡᠢ᠂ ᠮᠧᠲᠷ ᠭᠤᠴᠢ ᠭᠠᠷᠦ᠋ᠢᠬᠠᠨ ᠪᠡᠶᠡ ᠲᠠᠢ᠂ ᠨᠢᠭᠡ | ᠪᠦᠯᠢ ᠶᠢᠨ ᠭᠤᠷᠪᠠᠨ ᠦᠶᠡ ᠶᠢᠨ ᠬᠢᠨ ᠤ ᠬᠠᠶᠢᠷᠠ ᠡᠨᠡᠷᠢᠯ ᠰᠢᠩᠭᠡᠭᠰᠡᠨ ᠬᠠᠪᠤᠲᠠᠢ ᠨᠣᠮᠤᠬᠠᠨ ᠮᠤᠷᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | | ᠰᠠᠷᠠᠨᠮᠠᠨᠳᠤᠬᠤ ᠶᠢᠨ ᠠᠪᠤ ᠨᠢ ᠮᠤᠷᠢ ᠤᠶᠠᠵᠤ ᠬᠤᠷᠳᠤᠯᠠᠭᠤᠯᠬᠤ ᠳᠤ ᠲᠤᠷᠠᠲᠠᠢ ᠬᠦᠮᠦᠨ ᠪᠤᠯᠬᠤᠷ ᠬᠤᠸᠠ ᠮᠤᠷᠢ ᠪᠠᠨ | ᠨᠠᠰᠤ ᠪᠡᠶᠡ ᠨᠢ ᠬᠦᠢᠴᠡᠭᠡᠳ ᠢᠷᠡᠬᠦᠯᠡᠷ ᠤᠶᠠᠵᠦ ᠰᠦᠢᠬᠤ ᠭᠡᠰᠡᠨ ᠶᠤᠮ ᠪᠠᠶᠢᠨᠠ᠃ ︽ᠡᠵᠢ ᠪᠢᠳᠡ ᠭᠤᠷᠪᠠ ᠤᠳᠤ | ᠮᠤᠷᠢᠨ ᠤ ᠡᠳ᠋ᠯᠡᠭᠡ ᠤᠨᠤᠯᠭᠠ ᠴᠥᠭᠡᠷᠡᠭᠰᠡᠨ ᠴᠠᠭ ᠲᠤ ᠡᠶᠢᠮᠦ ᠨᠢᠭᠡ ᠬᠠᠪᠤᠲᠠᠢ ᠨᠤᠮᠤᠬᠠᠨ ᠮᠤᠷᠢ ᠭᠠᠷᠣᠭᠠᠳ ᠢᠷᠡᠭᠦᠯᠡᠷ | ᠤᠶᠠᠵᠤ ᠰᠦᠢᠨᠠ ᠭᠡᠳ ᠶᠠᠭᠠᠬᠢᠬᠤ ᠪᠤᠢ︾ ᠭᠡᠵᠦ ᠤᠭᠲᠤ ᠵᠥᠪᠰᠢᠶᠡᠷᠡᠭᠰᠡᠨ ᠦᠭᠡᠢ ᠭᠡᠵᠦ ᠲᠡᠬᠦᠦ ᠮᠢᠳᠠᠭᠮᠡ ᠨᠢ ᠢᠨᠢᠶᠡᠨ | ᠶᠡᠷᠢᠨᠠ᠃ | | ᠮᠢᠳᠠᠭᠮᠠ᠄ ︽ᠮᠠᠨ ᠤ ᠠᠪᠤ ᠡᠵᠢ ᠬᠡᠳᠦ ᠬᠡᠳᠦᠨ ᠬᠤᠨᠢᠨ ᠤ ᠠᠷᠪᠠᠨ ᠭᠤᠷᠪᠠ ᠶᠢ ᠨᠢ ᠤᠷᠤᠭᠤᠯᠤᠭᠰᠠᠨ᠂ ᠬᠤᠤᠨ | ᠬᠦᠵᠦᠭᠦᠲᠦ ᠭᠡᠳᠡᠭ ᠬᠤᠨᠢᠨ ᠤ ᠪᠠᠨ ᠠᠷᠪᠠᠨ ᠭᠤᠷᠪᠠ ᠶᠢ ᠤᠷᠤᠭᠤᠯᠤᠭᠠᠳ ᠲᠡᠷᠡ ᠬᠤᠨᠢ ᠠᠷᠪᠠᠨ ᠵᠢᠷᠭᠤᠭᠠ ᠬᠦᠷᠦᠭᠡᠳ | ᠨᠣᠲᠤᠭ ᠲᠠᠭᠠᠨ ᠵᠢᠰᠢᠭᠰᠡᠨ᠃ ᠡᠪᠦᠭᠡ ᠲᠡᠭᠡᠳᠦᠰ ᠠᠴᠠ ᠪᠠᠨ ᠤᠯᠠᠮᠵᠢᠯᠠᠭᠰᠠᠨ ᠶᠤᠰᠤ ᠵᠠᠩᠰᠢᠯ ᠢᠶᠠᠷ ᠮᠠᠨ ᠤ ᠠᠬᠠ ᠲᠡᠭᠦᠤ | ᠬᠤᠶᠠᠭᠤᠯᠠ ᠲᠤᠯᠢᠨ ᠰᠠᠷᠠᠲᠠᠢ ᠬᠤᠸᠠ ᠮᠤᠷᠢᠨ ᠤ ᠪᠠᠨ ᠵᠢᠯ ᠢ ᠤᠷᠤᠭᠤᠯᠤᠭᠰᠠᠨ ᠶᠤᠮ᠃ ᠬᠤᠤᠨ ᠮᠤᠷᠢ ᠮᠢᠨᠢ ᠠᠪᠤ ᠡᠵᠢ᠂ | ᠮᠠᠨ ᠤ ᠠᠬᠠ ᠲᠡᠭᠦᠤ ᠬᠤᠶᠠᠷ᠂ ᠬᠡᠤᠬᠡᠳ ᠤᠳ᠂ ᠮᠠᠨ ᠤ ᠭᠤᠷᠪᠠᠨ ᠦᠶᠡ ᠪᠠᠷ ᠢᠶᠠᠨ ᠤᠨᠤᠵᠤ ᠡᠳ᠋ᠯᠡᠵᠦ ᠢᠷᠡᠭᠰᠡᠨ | ᠬᠠᠶᠢᠷᠠᠲᠠᠢ ᠬᠥᠯᠥᠭ ᠪᠤᠯᠬᠤᠷ ᠮᠠᠨ ᠤ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠵᠦᠪᠳᠡᠯᠴᠡᠵᠦ᠂ ᠪᠤᠲᠠ ᠮᠠᠯ ᠢ ᠵᠦᠨᠦᠳᠡᠭᠡᠵᠦ ᠦᠬᠦᠭᠦᠯᠳᠡᠭ | ᠦᠭᠡᠢ ᠭᠡᠳᠡᠭ ᠲᠡᠭᠡᠳᠦᠰ ᠤᠨ ᠢᠶᠠᠨ ᠶᠤᠰᠤ ᠵᠢᠷᠤᠮ ᠢ ᠡᠪᠳᠡᠵᠦ ᠨᠣᠲᠤᠭ ᠲᠤ ᠨᠢ ᠵᠢᠰᠢᠭᠦᠯᠬᠦ ᠪᠠᠷ ᠲᠤᠭᠳᠠᠭᠰᠠᠨ︾ ᠭᠡᠵᠦ | ᠪᠠᠶᠢᠯᠠ᠃ | | ᠬᠤᠸᠠ ᠮᠤᠷᠢ ᠳᠠᠰᠤᠭᠰᠠᠨ ᠡᠵᠡᠨ ᠳᠡᠭᠡᠨ ᠨᠤᠪ ᠨᠤᠮᠤᠬᠠᠨ ᠪᠤᠯᠪᠠᠴᠤ ᠤᠨᠳᠤᠤ ᠬᠦᠮᠦᠨ ᠳᠤ ᠪᠤᠯ ᠲᠠᠶᠢᠮᠦ ᠠᠮᠠᠷᠬᠠᠨ | ᠪᠠᠷᠢᠭᠳᠠᠬᠤ ᠦᠭᠡᠢ ᠮᠦᠷᠲᠡᠭᠡᠨ ᠬᠤᠷ ᠬᠠᠷ ᠭᠡᠳ ᠬᠡᠷᠡᠮ ᠬᠠᠰᠢᠶᠠᠨ ᠳᠤ ᠴᠤ ᠤᠷᠤᠬᠤ ᠦᠭᠡᠢ ᠪᠤᠷᠤᠭᠤᠯᠠᠳᠠᠭ ᠶᠤᠮ | ᠪᠠᠶᠢᠨᠠ᠃ ᠬᠤᠸᠠ ᠮᠤᠷᠢ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠲᠡᠷᠡ ᠵᠢᠯ ᠳᠡᠭᠡᠨ ᠪᠤᠰᠤᠳ ᠤᠨ ᠠᠳᠤᠭᠤ ᠮᠠᠯ ᠢ ᠲᠠᠭᠠᠵᠦ ᠶᠠᠪᠤᠭᠰᠠᠨ | ᠶᠤᠮ ᠦᠦ ᠪᠣᠤ ᠮᠡᠳᠡ᠂ ᠭᠡᠨᠡᠳᠲᠡ ᠠᠯᠠᠭᠠ ᠪᠤᠯᠵᠤ ᠬᠡᠳᠦᠨ ᠰᠠᠷᠠ ᠪᠠᠷ ᠡᠷᠢᠯ ᠲᠠᠯᠪᠢᠭᠰᠠᠨ ᠴᠤ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ | ᠬᠦᠮᠦᠨ ᠦᠭᠡᠢ ᠰᠤᠷᠠᠭ ᠳᠠᠰᠤᠷᠠᠵᠠᠢ᠃ ᠭᠡᠷ ᠢᠶᠠᠷ ᠢᠶᠠᠨ ᠰᠠᠨᠠᠭᠠ ᠪᠤᠯᠵᠦ᠂ ᠬᠤᠸᠠ ᠮᠤᠷᠢ ᠲᠠᠢ ᠪᠠᠨ ᠬᠤᠪᠢ ᠢᠷᠦᠭᠡᠯ | ᠳᠠᠭᠤᠰᠤᠭᠰᠠᠨ ᠪᠤᠯᠤᠯᠲᠠᠢ ᠭᠡᠵᠦ ᠪᠤᠳᠤᠭᠰᠠᠨ ᠠᠵᠢ᠃ ᠭᠠᠷ ᠢᠶᠠᠨ ᠨᠤᠬᠤᠯᠠᠨ ᠭᠠᠴᠢᠭᠳᠠᠵᠤ ᠪᠠᠶᠢᠬᠤ ᠳᠤ ᠨᠢᠭᠡ ᠡᠳᠦᠷ | ᠭᠡᠳᠡᠰᠦ ᠵᠣ ᠨᠢ ᠡᠩ ᠢᠶᠠᠷ ᠢᠶᠠᠨ ᠠᠳᠡ ᠲᠡᠨᠳᠡ ᠦᠭᠡᠢ ᠬᠡᠭᠵᠡᠷᠡᠴᠢᠬᠡᠭᠰᠡᠨ᠂ ᠤᠯᠠᠭᠠᠨ ᠵᠠᠭᠠᠯ ᠪᠤᠯᠴᠢᠬᠠᠭᠰᠠᠨ ᠠᠮᠢᠳᠠᠨ | ᠭᠦᠶᠦᠵᠦ ᠬᠠᠷᠢᠪᠠ᠃ ᠳᠤᠤᠷ ᠲᠤ ᠬᠠᠰᠢᠭᠳᠠᠵᠤ ᠳᠡᠭᠡᠭᠦᠷ ᠨᠢ ᠬᠦᠷᠪᠡᠭᠡᠵᠦ ᠭᠠᠷᠬᠤ ᠳᠠᠭᠠᠨ ᠱᠦᠷᠦᠭ ᠲᠠᠢ ᠤᠳᠠᠰᠤᠨ ᠳᠤ | ᠪᠡᠶᠡ ᠪᠠᠨ ᠤᠷᠠᠭᠰᠠᠨ ᠪᠠᠶᠢᠬᠠ ᠭᠡᠵᠦ ᠲᠡᠳᠡ ᠶᠡᠬᠡᠯᠡ ᠦᠷᠦᠪᠳᠦᠭᠰᠡᠨ ᠬᠡᠳᠡᠭ᠃ | | ᠬᠤᠸᠠ ᠮᠤᠷᠢ ᠭᠡᠷᠰᠡᠭ᠂ ᠡᠵᠡᠨ ᠳᠡᠭᠡᠨ ᠶᠡᠭᠡ ᠡᠭᠡᠯᠢᠲᠡᠢ ᠮᠤᠷᠢ᠃ ᠬᠡᠳᠦ᠋ᠪᠡᠷ ᠬᠤᠷᠢᠨ ᠲᠠᠪᠤ ᠬᠦᠷᠴᠢᠬᠡᠭᠰᠡᠨ | ᠪᠤᠯᠪᠠᠴᠤ ᠭᠠᠳᠠᠷ ᠪᠠᠶᠢᠳᠠᠯ ᠠᠴᠠ ᠪᠠᠨ ᠵᠢᠭᠠᠬᠠᠨ ᠴᠤ ᠬᠥᠭᠰᠢᠷᠡᠭᠰᠡᠨ ᠶᠠᠩᠵᠦ ᠦᠭᠡᠢ᠂ ᠪᠠᠷᠤᠭ ᠭᠤᠴᠢᠨ ᠳᠤᠯᠤᠭᠠ ᠪᠠᠨ | ᠤᠷᠤᠭᠤᠯᠵᠤ ᠮᠡᠳᠡᠨᠡ ᠭᠡᠵᠦ ᠡᠵᠡᠨ ᠨᠢ ᠦᠬᠦᠬᠡᠷᠳᠡᠨ ᠶᠠᠷᠢᠨᠠ᠃ | | ᠤᠨᠴᠡ ᠤᠷᠢᠭᠰᠠᠨ ᠴᠢᠮᠡᠭᠡᠯᠡᠭᠴᠢ ᠳᠤᠩᠷᠤᠪᠰᠡᠷᠡᠩ |