| — ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ ᠪᠤᠶᠤ ᠨᠠᠷᠠᠨ ᠲᠠᠮᠠᠭᠠᠳᠤ ᠬᠤᠷᠳᠤᠨ ᠠᠳᠤᠭᠤᠨ ᠤ ᠲᠤᠭᠤᠷᠢᠨ ᠳᠠᠬᠢ ᠬᠦᠤᠷᠨᠢᠯ | ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠰᠤᠳᠦᠪᠢᠯᠢᠭ | ᠭᠡᠶᠢᠮᠤᠷᠢᠳᠦ ᠶᠡᠭᠡ ᠰᠢᠯᠢ ᠶᠢᠨ ᠨᠤᠳᠤᠭ ᠤᠨ ᠠᠭᠤᠳᠠᠮ ᠳᠤ ᠲᠠᠪᠬᠢᠯᠳᠤᠭᠰᠠᠨ ᠦᠢ ᠲᠦᠮᠡᠨ ᠠᠳᠤᠭᠤᠳ ᠤᠨ | ᠦᠯᠢᠭᠡᠷ ᠲᠡᠤᠭᠡ ᠬᠦᠷᠦᠰᠦᠯᠢᠭ ᠬᠦᠳᠡᠯᠮᠤᠷᠢᠴᠢ ᠮᠠᠯᠴᠢᠨ ᠠᠪᠤ ᠨᠠᠷ ᠤᠨ ᠬᠠᠶᠢᠷᠠᠳᠠᠢ ᠬᠦᠯᠦᠭ ᠮᠤᠷᠢᠳ ᠠᠴᠠ ᠡᠬᠢᠯᠡᠳᠡᠭ | ᠪᠠᠶᠢᠬᠠ᠃ ᠲᠠᠶᠢᠮᠦ ᠡ︕ ᠮᠤᠩᠭᠤᠯ ᠮᠤᠷᠢᠨ ᠤ ᠮᠤᠬᠤᠰᠢ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ ᠶᠢ ᠪᠠᠳᠠᠷᠠᠭᠤᠯᠤᠭᠰᠠᠨ᠂ ᠮᠤᠩᠳᠡᠰᠢ | ᠦᠭᠡᠢ ᠶᠡᠭᠡ ᠠᠳᠤᠭᠤᠨ ᠰᠤᠶᠤᠯ ᠲᠡᠤᠭᠡ ᠶᠢᠨ ᠬᠦᠨ ᠵᠤᠵᠠᠭᠠᠨ ᠬᠦᠷᠦᠰᠤ ᠲᠠᠢ ᠦᠵᠡᠰᠬᠦᠯᠡᠩᠳᠦ ᠡᠨᠡ ᠨᠤᠳᠤᠭ ᠲᠤ | ᠠᠳᠤᠭᠤ ᠪᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠭᠰᠠᠨ᠂ ᠠᠳᠤᠭᠤᠨ ᠤ ᠠᠵᠤ ᠤᠶᠢᠯᠡᠰ ᠢᠶᠠᠨ ᠬᠦᠭᠵᠢᠬᠦᠯᠦᠭᠰᠡᠨ ᠦᠯᠢᠭᠡᠷ ᠵᠤᠭᠤᠭ ᠤᠯᠠᠨ ᠠᠴᠠ | ᠤᠯᠠᠨ᠃ ᠶᠠᠭ ᠡᠶᠢᠮᠦ ᠪᠠᠶᠢᠳᠠᠭ ᠠᠴᠠ 2010 ᠤᠨ ᠳᠤ ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠳᠤᠭᠤᠨ ᠤ ᠠᠵᠤ ᠤᠶᠢᠯᠡᠰ ᠤᠨ | ᠨᠡᠶᠢᠭᠡᠮᠯᠢᠭ ᠠᠴᠠ ᠰᠢᠯᠢ ᠶᠢᠨ ᠬᠤᠳᠠ ᠪᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠢ ︽ᠲᠤᠮᠳᠠᠳᠤ ᠤᠯᠤᠰ ᠤᠨ | ᠠᠳᠤᠭᠤᠨ ᠰᠤᠶᠤᠯ ᠤᠨ ᠲᠦᠪ︾ ᠢᠶᠠᠷ ᠨᠠᠷᠠᠶᠢᠳᠦᠭᠰᠡᠨ ᠪᠠᠶᠢᠭᠠ ᠶᠤᠮ᠃ | ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠪᠤᠯ ᠦᠵᠦᠮᠦᠴᠢᠨ ᠴᠠᠭᠠᠨ ᠠᠳᠤᠭᠤ᠂ ᠠᠪᠠᠭᠠ ᠬᠠᠷᠠ ᠠᠳᠤᠭᠤ᠂ ᠦᠵᠦᠮᠦᠴᠢᠨ | ᠰᠢᠷᠭᠠ ᠠᠳᠤᠭᠤ᠂ ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ ᠠᠴᠠ ᠭᠠᠳᠠᠨᠠ ᠪᠠᠰᠠ ᠭᠠᠳᠠᠨᠠ ᠠᠴᠠ ᠤᠷᠤᠭᠤᠯᠤᠭᠰᠠᠨ ᠴᠡᠪᠡᠷ ᠴᠢᠰᠤᠨ | ᠤᠳᠤᠮ ᠤᠨ ᠠᠳᠤᠭᠤ ᠵᠡᠷᠬᠡ ᠤᠯᠠᠨ ᠡᠭᠦᠯᠳᠡᠷ ᠤᠨ ᠠᠳᠤᠭᠤᠳ ᠲᠠᠷᠬᠠᠨ ᠪᠡᠯᠴᠢᠭᠰᠡᠨ ᠪᠠᠶᠠᠯᠢᠭ ᠨᠤᠳᠤᠭ ᠶᠤᠮ᠃ ᠲᠡᠷᠡ | ᠲᠤᠮᠳᠠ ᠪᠠᠨ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠤᠯ ᠬᠤᠷᠳᠤᠨ ᠤ ᠴᠢᠭᠯᠡᠯ ᠤᠨ ᠰᠢᠯᠢ ᠶᠢᠨ ᠭᠤᠤᠯ | ᠠᠳᠤᠭᠤ ᠶᠢ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠤᠭᠰᠠᠨ ᠢᠶᠠᠷ ᠢᠶᠠᠨ ᠶᠡᠭᠡ ᠠᠯᠳᠠᠷᠳᠠᠢ ᠪᠦᠭᠡᠳ ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤᠨ ᠤ | ᠴᠡᠭᠡ ᠶᠢ ᠴᠠᠯᠬᠢᠭᠤᠯᠤᠨ ᠠᠵᠤ ᠤᠶᠢᠯᠡᠰᠵᠢᠬᠦᠯᠦᠭᠰᠡᠨ ᠭᠡᠶᠢᠮᠤᠷᠢᠳᠦ ᠨᠤᠳᠤᠭ ᠪᠢᠯᠡ᠃ ᠲᠠᠶᠢᠨᠬᠦ ᠲᠤᠰ ᠨᠤᠳᠤᠭ ᠨᠢ ︽ | ᠠᠵᠢᠨᠠᠢ ᠬᠦᠯᠦᠭ ᠤᠨ ᠨᠤᠳᠤᠭ ᠬᠤᠷᠳᠤᠨ ᠬᠦᠯᠦᠭ ᠤᠨ ᠦᠯᠦᠭᠡᠢ︾ ᠭᠡᠰᠡᠨ ᠰᠠᠶᠢᠬᠠᠨ ᠠᠯᠳᠠᠷ ᠲᠠᠢ᠃ 2020 ᠤᠨ ᠳᠤ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠳᠤᠭᠤᠨ ᠤ ᠤᠶᠢᠯᠡᠰ ᠤᠨ ᠨᠡᠶᠢᠭᠡᠮᠯᠢᠭ ᠠᠴᠠ ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢ ︽ᠲᠤᠮᠳᠠᠳᠤ | ᠤᠯᠤᠰ ᠤᠨ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠠᠳᠤᠭᠤ ᠦᠰᠭᠡᠨ ᠦᠷᠡᠵᠢᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ︾ ᠢᠶᠠᠷ ᠨᠠᠷᠡᠶᠢᠳᠦᠭᠰᠡᠨ ᠪᠠᠶᠢᠨᠠ | ᠃ ᠤᠳᠤ ᠡᠨᠡ ᠨᠤᠳᠤᠭ ᠲᠤ 147 ᠡᠷᠦᠬᠡ ᠠᠳᠤᠭᠤ ᠮᠠᠯᠵᠢᠵᠤ᠂ 100 ᠠᠴᠠ ᠳᠡᠭᠡᠭᠰᠢ ᠠᠳᠤᠭᠤ ᠲᠠᠢ ᠠᠶᠢᠯ 29᠂ | 50 ᠠᠴᠠ ᠳᠡᠭᠡᠭᠰᠢ ᠠᠳᠤᠭᠤ ᠲᠠᠢ ᠠᠶᠢᠯ 89 ᠪᠠᠶᠢᠵᠤ᠂ ᠠᠳᠤᠭᠤ ᠪᠠᠷ ᠭᠠᠨᠭ᠍ᠭᠠᠷᠠᠨ ᠴᠡᠭᠡ ᠪᠠᠷ ᠤᠮᠳᠠᠯᠠᠭᠰᠠᠨ | ᠤᠶᠢᠯᠡᠰ ᠢᠶᠠᠨ ᠦᠷᠭᠡᠨ ᠵᠠᠬᠠ ᠲᠠᠢ ᠬᠠᠶᠠᠭᠠ ᠨᠡᠶᠢᠯᠡᠬᠦᠯᠦᠨ ᠬᠦᠭᠵᠢᠬᠦᠯᠵᠤ ᠶᠠᠪᠤᠨᠠ᠃ | ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤᠨ ᠤ ᠬᠤᠷᠳᠤᠨ ᠢ ᠭᠡᠷᠡᠴᠢᠯᠡᠬᠦ ᠳᠤ ᠬᠠᠰᠢᠯᠠ ᠨᠠᠷᠠᠨ ᠲᠠᠮᠠᠭᠠᠳᠤ ᠠᠳᠤᠭᠤᠳ | ᠲᠤᠷᠠᠳᠤᠭᠳᠠᠨᠠ᠃ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠤᠰᠤᠨ ᠲᠦᠷᠦᠬᠦᠤ ᠬᠤᠪᠢᠶᠠᠷᠢ | ᠲᠠᠯᠠᠪᠠᠢ ᠶᠢᠨ ᠬᠠᠰᠢᠷ ᠠᠳᠤᠭᠤᠴᠢᠨ ᠵᠢᠶᠠᠨ ᠫᠢᠡᠭ ᠭᠤᠴᠢ ᠭᠠᠷᠤᠢ ᠵᠢᠯ ᠠᠳᠤᠭᠤ ᠮᠠᠯᠵᠢᠬᠤ ᠳᠠᠭᠠᠨ ᠤᠯᠤᠰ ᠤᠷᠤᠨ ᠳᠤ | ᠨᠦᠯᠦᠭᠡ ᠲᠠᠢ ︽ᠪᠠᠭᠠ ᠨᠠᠷᠠᠨ ᠲᠠᠮᠠᠭᠠᠳᠤ︾ ᠬᠤᠷᠳᠤᠨ ᠤ ᠴᠢᠭᠯᠡᠯ ᠤᠨ ᠠᠳᠤᠭᠤ ᠶᠢ ᠠᠮᠵᠢᠯᠳᠠ ᠲᠠᠢ ᠰᠤᠩᠭᠤᠨ | ᠪᠤᠶᠢᠵᠢᠭᠤᠯᠵᠤ᠂ ᠠᠯᠳᠠᠷ ᠨᠠᠷᠠ ᠪᠤᠯᠤᠨ ᠠᠰᠢᠭ ᠤᠷᠤᠯᠭᠠ ᠶᠢ ᠵᠡᠷᠬᠡᠪᠡᠷ ᠬᠦᠷᠳᠡᠵᠤ ᠶᠠᠪᠤᠭᠠ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ | 50 ᠭᠠᠷᠤᠢ ᠮᠤᠷᠢ ᠠᠶᠢᠷᠠᠭ ᠲᠤ ᠬᠤᠷᠳᠤᠯᠠᠭᠤᠯᠤᠭᠰᠠᠨ ᠰᠠᠶᠢᠨ ᠤᠶᠠᠭᠠᠴᠢ ᠪᠠᠶᠢᠯᠠ᠃ ᠤᠳᠤ ᠪᠤᠯᠬᠤ ᠳᠤ ᠲᠡᠭᠦᠨ ᠤ | ᠠᠳᠤᠭᠤᠨ ᠠᠴᠠ ᠦᠪᠡᠷ ᠤᠨ ᠬᠢᠨᠢ ᠬᠠᠮᠠᠷ ᠬᠠᠯᠵᠠᠨ ᠬᠠᠯᠳᠠᠷ ᠠᠴᠠ ᠭᠠᠳᠠᠨᠠ ᠭᠡᠭᠡᠷᠡᠯᠳᠦ ᠢᠢᠨ ᠰᠢᠷᠠ ᠭᠡᠭᠡᠷ᠂ | ᠴᠤᠭᠯᠠ ᠶᠢᠨ ᠭᠡᠭᠡᠷ᠂ ᠰᠢ ᠫᠢᠡᠭ ᠤᠨ ᠬᠦᠷᠠᠩ ᠬᠠᠯᠵᠠᠨ᠂ ᠳ᠋ᠠᠨᠽᠠᠨᠵᠠᠨᠠ ᠶᠢᠨ ᠠᠲ᠋ᠠᠮᠠᠨ ᠬᠠᠯᠳᠠᠷ᠂ ᠲᠠᠪᠰᠢᠯᠳᠦ ᠶᠢᠨ ᠭᠡᠭᠡᠷ | ᠵᠡᠷᠬᠡ ᠤᠯᠤᠰ ᠤᠷᠤᠨ ᠳᠠᠭᠠᠨ ᠠᠯᠳᠠᠷᠳᠠᠢ ᠬᠤᠷᠳᠤᠨ ᠮᠤᠷᠢ ᠤᠯᠠᠨ ᠭᠠᠷᠴᠦ ᠪᠠᠶᠢᠨᠠ᠃ 2022 ᠤᠨ ᠤ 10 ᠰᠠᠷᠠ ᠶᠢᠨ | 16 ᠤ ᠡᠳᠦᠷ᠂ ᠠᠳᠤᠭᠤᠴᠢᠨ ᠵᠢᠶᠠᠨ ᠫᠢᠡᠭ ᠤᠨ ᠠᠳᠤᠭᠤᠨ ᠤ ᠤᠨᠠᠭᠠᠨ ᠲᠠᠮᠠᠭᠠᠨ ᠳᠡᠭᠡᠷᠠ ᠰᠢᠯᠢ ᠶᠢᠨ ᠭᠤᠤᠯ | ᠠᠶᠢᠮᠠᠭ ᠤᠨ ᠡᠯᠠ ᠬᠤᠰᠢᠭᠤᠳ ᠤᠨ ᠲᠠᠪᠢ ᠰᠢᠬᠠᠮ ᠤᠶᠠᠭᠠᠴᠢ ᠢᠷᠡᠵᠡᠭᠡᠵᠤ᠂ ᠠᠵᠢᠯ ᠳᠤᠨᠢ ᠬᠠᠮᠵᠢᠬᠤ ᠢᠢᠨ ᠳᠠᠭᠠᠤ | ᠠᠳᠤᠭᠤᠨ ᠰᠦᠷᠦᠭ ᠠᠴᠠ ᠨᠢ ᠬᠤᠷᠳᠤᠨ ᠤᠳᠤᠮ ᠤᠨ 40 ᠭᠠᠷᠤᠢ ᠡᠷᠠ ᠤᠨᠠᠭᠠ ᠶᠢ ᠪᠤᠯᠢᠶᠠᠯᠴᠠᠵᠤ ᠠᠪᠤᠭᠰᠠᠨ ᠢᠶᠠᠷ | ᠤᠨᠠᠭᠠ ᠬᠤᠳᠠᠯᠳᠤᠭᠰᠠᠨ ᠤᠷᠤᠯᠭᠠ ᠨᠢ ᠲᠠᠪᠤᠬᠠᠨ ᠴᠠᠭ ᠲᠤ 100 ᠲᠦᠮᠡᠨ ᠲᠦᠭᠦᠷᠢᠭ ᠢ ᠳᠠᠪᠠᠭᠰᠠᠨ ᠪᠠᠶᠢᠵᠤ ᠪᠢᠯᠡ᠃ | ᠡᠨᠡ ᠤᠳᠠᠭᠠᠨ ᠤ ᠲᠠᠮᠠᠭᠠᠨ ᠳᠡᠭᠡᠷᠠ ᠲᠡᠷᠡ 5 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠨᠠᠭᠠ 3᠂ 3 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠨᠠᠭᠠ | 12᠂ 2 ᠲᠦᠮᠡ 5000 ᠲᠦᠭᠦᠷᠢᠭ ᠤᠨ ᠤᠨᠠᠭᠠ 27 ᠶᠢ ᠬᠤᠳᠠᠯᠳᠤᠵᠠᠢ᠃ | ᠵᠢᠶᠠᠨ ᠫᠢᠡᠭ ᠬᠤᠷᠢ ᠰᠢᠬᠠᠮ ᠨᠠᠰᠤᠨ ᠠᠴᠠ ᠪᠠᠨ ᠡᠬᠢᠯᠡᠨ ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ ᠮᠠᠯᠵᠢᠵᠤ᠂ 2003 | ᠤᠨ ᠳᠤ ᠨᠤᠳᠤᠭ ᠪᠡᠯᠴᠢᠭᠡᠷ ᠢ ᠡᠷᠦᠬᠡ ᠳᠤ ᠬᠤᠪᠢᠶᠠᠭᠰᠠᠨ ᠠᠴᠠ ᠠᠳᠤᠭᠤ ᠪᠠᠨ ᠴᠦᠭᠡᠴᠢᠯᠡᠬᠦ ᠢᠢᠨ ᠳᠠᠭᠠᠤ | ᠰᠢᠯᠢᠳᠡᠭᠵᠢᠬᠦᠯᠤᠨ ᠮᠠᠯᠵᠢᠬᠤ ᠵᠠᠮ ᠢ ᠰᠤᠩᠭᠤᠭᠠᠳ ᠤᠳᠤ ᠨᠢᠭᠡᠨᠳᠡ ᠬᠤᠷᠳᠤᠨ ᠤᠳᠤᠮ ᠤᠨ ᠬᠢ ᠪᠠᠷ ᠭᠤᠤᠯᠳᠠᠭᠰᠠᠨ 200 | ᠠᠳᠤᠭᠤ ᠲᠠᠢ ᠪᠤᠯᠵᠠᠢ᠃ 2007 ᠤᠨ ᠠᠴᠠ ᠡᠬᠢᠯᠡᠨ ᠪᠠᠭᠠ ᠨᠠᠷᠠᠨ ᠲᠠᠮᠠᠭᠠ ᠲᠠᠢ ᠬᠤᠷᠳᠤᠨ ᠤᠳᠤᠮ ᠤᠨ ᠠᠳᠤᠭᠤ | ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠬᠤ ᠵᠤᠷᠢᠯᠭᠠ ᠪᠠᠷ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠠᠴᠠ ᠰᠠᠶᠢᠨ ᠴᠢᠰᠤᠨ ᠤᠳᠤᠮ ᠤᠨ | ᠠᠵᠢᠷᠭᠠ ᠪᠤᠯᠤᠨ ᠭᠡᠬᠦᠤ ᠤᠷᠤᠭᠤᠯᠪᠠ᠃ ᠤᠨᠠᠭᠠ ᠨᠢ ᠴᠡᠪᠡᠷ ᠴᠢᠰᠤᠨ ᠤᠳᠤᠮ ᠤᠨ ᠬᠤᠷᠳᠤᠨ ᠠᠵᠢᠷᠭᠠ ᠪᠤᠯᠤᠨ | ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠭᠡᠬᠦᠳ ᠤᠨ ᠲᠦᠯ ᠤᠴᠢᠷ ᠠᠴᠠ ᠦᠨᠠ ᠨᠢ ᠦᠨᠳᠦᠷ ᠪᠠᠶᠢᠳᠠᠭ ᠴᠦ ᠤᠶᠠᠭᠠᠴᠢᠳ ᠠᠪᠬᠤ | ᠲᠤᠷᠠᠳᠠᠢ ᠪᠠᠶᠢᠳᠠᠭ᠃ ᠵᠢᠶᠠᠨ ᠫᠢᠡᠭ 2012 ᠤᠨ ᠠᠴᠠ ᠨᠠᠭᠠᠰᠢ᠂ ᠬᠤᠷᠳᠤᠨ ᠤᠳᠤᠮ ᠤᠨ ᠤᠨᠠᠭᠠ ᠪᠠᠨ ᠵᠢᠯ ᠪᠤᠯᠭᠠᠨ ᠤ | ᠡᠨᠡ ᠦᠶᠠ ᠪᠤᠯᠪᠠᠯ ᠬᠤᠳᠠᠯᠳᠤᠭᠠᠳ ᠪᠠᠷᠠᠴᠢᠬᠠᠳᠠᠭ᠃ ᠤᠨᠠᠭᠠ ᠪᠠᠨ ︽ᠠᠩᠭ᠍ᠯᠢ ᠴᠡᠪᠡᠷ ᠴᠢᠰᠤᠨ ᠤᠳᠤᠮ ᠤᠨ ᠬᠠᠷᠠ | ᠠᠵᠢᠷᠭᠠ ᠪᠤᠯᠤᠨ ᠠᠷᠠᠪ ᠭᠡᠬᠦᠤ ᠶᠢᠨ ᠤᠨᠠᠭᠠ︾᠂ ︽ᠠᠩᠭ᠍ᠯᠢ ᠴᠡᠪᠡᠷ ᠴᠢᠰᠤᠨ ᠤᠳᠤᠮ ᠤᠨ ᠬᠠᠷᠠ ᠠᠵᠢᠷᠭᠠ ᠪᠤᠯᠤᠨ | ᠰᠢᠯᠢ ᠶᠢᠨ ᠭᠤᠤᠯ ᠭᠡᠬᠦᠤ ᠶᠢᠨ ᠤᠨᠠᠭᠠ︾᠂ ︽ᠴᠡᠪᠡᠷ ᠴᠢᠰᠤᠨ ᠤᠳᠤᠮ ᠤᠨ ᠪᠤᠰᠤᠳ ᠠᠵᠢᠷᠭᠠ ᠪᠤᠯᠤᠨ ᠰᠢᠯᠢ ᠶᠢᠨ | ᠭᠤᠤᠯ ᠭᠡᠬᠦᠤ ᠶᠢᠨ ᠤᠨᠠᠭᠠ︾ ᠭᠡᠵᠤ ᠭᠤᠷᠪᠠᠨ ᠲᠠᠰ ᠬᠤᠪᠢᠶᠠᠵᠤ᠂ ᠦᠨᠠ ᠶᠢ ᠨᠢ ᠠᠩᠭ᠍ᠯᠢ ᠬᠠᠷᠠ ᠠᠵᠢᠷᠭᠠ ᠪᠤᠯᠤᠨ | ᠠᠷᠠᠪ ᠭᠡᠬᠦᠤ ᠶᠢᠨ ᠤᠨᠠᠭᠠ 5 ᠲᠦᠮᠡᠨ ᠲᠦᠭᠦᠷᠢᠭ᠂ ᠠᠩᠭ᠍ᠯᠢ ᠬᠠᠷᠠ ᠠᠵᠢᠷᠭᠠ ᠪᠤᠯᠤᠨ ᠰᠢᠯᠢ ᠶᠢᠨ ᠭᠤᠤᠯ ᠭᠡᠬᠦᠤ ᠶᠢᠨ | ᠤᠨᠠᠭᠠ 3 ᠲᠦᠮᠡᠨ ᠲᠦᠭᠦᠷᠢᠭ᠂ ᠪᠤᠰᠤᠳ ᠠᠵᠢᠷᠭᠠ ᠪᠤᠯᠤᠨ ᠰᠢᠯᠢ ᠶᠢᠨ ᠭᠤᠤᠯ ᠭᠡᠬᠦᠤ ᠶᠢᠨ ᠤᠨᠠᠭᠠ ᠨᠢ 2 ᠲᠦᠮᠡ | 5000 ᠲᠦᠭᠦᠷᠢᠭ ᠭᠡᠵᠤ ᠲᠤᠭᠳᠠᠭᠠᠭᠰᠠᠨ ᠠᠴᠠ ᠤᠶᠠᠭᠠᠴᠢᠳ ᠲᠡᠭᠦᠨ ᠲᠠᠢ ᠦᠨᠠ ᠬᠠᠶᠠᠯᠴᠠᠬᠤ ᠤᠴᠢᠷ ᠦᠭᠡᠢ ᠪᠠᠶᠢᠳᠠᠭ | ᠃ | ᠪᠠᠶᠠᠨᠰᠢᠯᠢ ᠶᠢᠨ ᠮᠠᠯᠴᠢᠳ ᠴᠡᠭᠡ ᠶᠢᠨ ᠠᠵᠤ ᠤᠶᠢᠯᠡᠰ ᠪᠠ ᠴᠡᠭᠡ ᠶᠢᠨ ᠪᠦᠲᠦᠭᠡᠭᠳᠡᠭᠦᠨ ᠢ ᠨᠡᠭᠡᠭᠡᠨ ᠬᠦᠭᠵᠢᠭᠦᠯᠵᠦ᠂ | ᠨᠡᠮᠡᠯᠲᠡ ᠦᠷᠲᠡᠭ ᠢ ᠨᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠠᠷ ᠵᠤᠷᠢᠵᠥ ᠠᠵᠢᠯᠯᠠᠭᠠᠳ ᠨᠡᠯᠢᠶᠡᠳ ᠵᠢᠯ ᠪᠤᠯᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠤᠳᠤᠬᠠᠨ | ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠴᠡᠭᠡ ᠶᠢᠨ ᠤᠶᠢᠯᠡᠰ ᠢᠶᠠᠷ ᠲᠤᠰᠬᠠᠶᠢᠵᠢᠭᠰᠠᠨ 40 ᠡᠷᠦᠬᠡ ᠪᠠᠶᠢᠳᠠᠭ᠃ ᠲᠡᠳᠡᠨ ᠤ | ᠤᠯᠠᠩᠬᠢ ᠨᠢ ᠲᠦᠷᠪᠠᠨ ᠤᠯᠠᠷᠢᠯ ᠤᠨ ᠴᠡᠭᠡ ᠭᠠᠷᠭᠠᠵᠤ ᠪᠤᠷᠤᠯᠠᠭᠤᠯᠳᠠᠭ᠃ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ | ᠲᠠᠯᠠᠪᠠᠢ ᠶᠢᠨ ᠬᠤᠩᠭᠤᠷᠱᠡᠤᠳᠦ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠶᠢᠨ ᠮᠠᠯᠴᠢᠨ ᠰᠤᠷᠳᠠᠯᠳᠦ ᠶᠢᠨ ᠬᠢ ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ | ᠲᠤᠰᠬᠠᠶᠢᠵᠢᠭᠤᠯᠵᠤ ᠮᠠᠯᠵᠢᠭᠠᠳ ᠨᠢᠭᠡᠨᠳᠡ 15 ᠵᠢᠯ ᠪᠤᠯᠴᠢᠬᠠᠵᠠᠢ᠃ ᠡᠭᠦᠨ ᠠᠴᠠ ᠡᠮᠦᠨᠡ ᠬᠤᠨᠢ ᠦᠭᠡᠷ ᠮᠠᠯᠵᠢᠵᠤ | ᠪᠠᠶᠢᠭᠰᠠᠨ ᠴᠦ ᠦᠨᠠ ᠬᠠᠩᠰᠢ ᠲᠤᠤᠷᠠ ᠪᠠᠶᠢᠳᠠᠯ ᠨᠢ ᠰᠤᠷᠳᠠᠯᠳᠦ ᠶᠢ ᠮᠠᠯ ᠮᠠᠯᠵᠢᠯ ᠳᠡᠭᠡᠷᠠ ᠪᠠᠨ ᠰᠢᠨᠠ ᠰᠤᠩᠭᠤᠯᠳᠠ | ᠬᠢᠯᠭᠡᠭᠰᠡᠨ ᠨᠢ ᠳᠠᠷᠤᠢ ᠠᠳᠤᠭᠤ ᠮᠠᠯᠵᠢᠵᠤ᠂ ᠴᠡᠭᠡ ᠭᠠᠷᠭᠠᠨ ᠬᠤᠳᠠᠯᠳᠤᠭᠰᠠᠨ ᠶᠠᠪᠤᠳᠠᠯ ᠪᠠᠶᠢᠵᠤ ᠪᠢᠯᠡ᠃ ᠲᠡᠷᠡ ᠦᠶᠡ ᠳᠤ | ᠴᠡᠭᠡ ᠶᠢ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠ ᠳᠤ ᠦᠷᠭᠡᠨ ᠭᠡᠷᠡᠭᠯᠡᠬᠦ᠂ ᠬᠦᠮᠦᠰ ᠡᠳᠦᠷ ᠲᠤᠳᠤᠮ ᠳᠠᠭᠠᠨ ᠤᠤᠭᠤᠬᠤ ᠁ ᠰᠢᠨᠠ | ᠬᠠᠨᠳᠤᠰᠢ ᠡᠬᠢᠯᠡᠵᠤ ᠪᠠᠶᠢᠭᠰᠠᠨ ᠢ ᠰᠡᠷᠭᠡᠭ ᠠᠵᠢᠵᠤ ᠮᠡᠳᠡᠭᠰᠡᠨ ᠰᠤᠷᠳᠠᠯᠳᠤ 2007 ᠤᠨ ᠳᠤ 30 ᠭᠠᠷᠤᠢ ᠭᠡᠭᠦᠦ᠂ | 2008 ᠤᠨ ᠳᠤ 100 ᠭᠠᠷᠤᠢ ᠭᠡᠬᠦᠤ ᠲᠦᠷᠢᠶᠡᠰᠤᠯᠡᠵᠤ ᠰᠠᠭᠠᠵᠠᠢ᠃ ᠲᠡᠷᠡ ᠬᠤᠶᠠᠷ ᠵᠢᠯ ᠳᠡᠭᠡᠨ 7 — 9 ᠰᠠᠷᠠ | ᠪᠤᠯᠳᠠᠯᠠ ᠰᠠᠭᠠᠭᠰᠠᠨ ᠴᠦ ᠪᠤᠷᠤᠯᠠᠭᠤᠯᠭᠠ ᠶᠢᠨ ᠵᠠᠮ ᠮᠦᠷ ᠢᠶᠠᠨ ᠤᠯᠤᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠢᠶᠠᠷ ᠴᠡᠭᠡ ᠪᠠᠨ | ᠬᠤᠳᠠᠯᠳᠤᠵᠤ ᠳᠠᠶᠢᠯᠬᠦ ᠦᠭᠡᠢ ᠭᠠᠴᠢᠭᠳᠠᠵᠤ᠂ ᠰᠡᠬᠦᠯ ᠳᠤᠨᠢ ᠲᠠᠨᠢᠯ ᠢᠶᠠᠷ ᠢᠶᠠᠨ ᠲᠠᠮᠵᠢᠭᠠᠳ ᠪᠠᠶᠢᠭᠤᠯᠭᠠ ᠳᠤ ᠪᠦᠭᠡᠮ ᠢᠶᠠᠷ | ᠦᠭᠬᠦᠭᠰᠡᠨ ᠪᠤᠯᠪᠠᠴᠤ ᠤᠷᠤᠯᠭᠠ ᠦᠭᠡᠢ ᠦᠷᠢᠳᠦᠭᠰᠡᠨ ᠬᠦᠳᠡᠯᠮᠤᠷᠢ ᠪᠠᠷ ᠬᠤᠶᠠᠷ ᠵᠢᠯ ᠢ ᠠᠷᠤ ᠳᠠᠭᠠᠨ ᠤᠷᠬᠢᠵᠠᠢ᠃ | ᠠᠯᠳᠠᠭᠠ ᠤᠨᠤᠭᠠᠨ ᠠᠴᠠ ᠪᠠᠨ ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠰᠤᠷᠳᠠᠯᠳᠦ 2009 ᠤᠨ ᠳᠤ ᠦᠪᠡᠷ ᠢᠶᠠᠨ | ᠴᠦᠭᠡᠨ ᠭᠡᠳᠦᠨ ᠰᠠᠭᠠᠯᠢ ᠶᠢᠨ ᠭᠡᠬᠦᠤ ᠬᠤᠳᠠᠯᠳᠤᠵᠤ ᠠᠪᠤᠭᠠᠳ ᠰᠠᠭᠠᠭᠰᠠᠨ ᠨᠢ ᠬᠠᠷᠢᠨ ᠤᠷᠤᠯᠭᠠ ᠨᠢ ᠵᠦᠭᠡᠷ ᠪᠠᠶᠢᠯᠠ᠃ | ᠡᠨᠡ ᠮᠡᠳᠦ ᠪᠠᠷ ᠴᠡᠭᠡ ᠭᠠᠷᠭᠠᠵᠤ ᠬᠤᠳᠠᠯᠳᠤᠬᠤ ᠶᠢ ᠳᠠᠭᠠᠯᠳᠤᠨ᠂ ᠭᠡᠷᠡᠭᠯᠡᠭᠴᠢᠳ ᠪᠠ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠤ | ᠠᠭᠠᠵᠢᠮ ᠳᠠᠭᠠᠨ ᠮᠡᠳᠡᠷᠡᠭᠳᠡᠵᠦ ᠡᠬᠢᠯᠡᠪᠡ᠃ ᠤᠳᠤ ᠡᠳᠡᠨ ᠤ ᠬᠢ ᠪᠦᠬᠦ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠭᠡᠪᠴᠢᠶᠠᠨ ᠳᠤ | ᠮᠡᠳᠡᠷᠡᠭᠳᠡᠭᠰᠡᠨ ᠴᠡᠭᠡ ᠰᠠᠶᠢᠳᠠᠢ ᠠᠶᠢᠯ ᠪᠤᠯᠤᠭᠰᠠᠨ ᠢᠶᠠᠷ ᠴᠡᠭᠡ ᠶᠢᠨ ᠭᠠᠷᠭᠠᠯᠳᠠ ᠶᠢᠨ ᠲᠠᠯᠠ ᠳᠤ ᠰᠠᠨᠠᠭᠠᠰᠢᠷᠠᠬᠤ ᠶᠠᠪᠤᠳᠠᠯ | ᠦᠭᠡᠢ ᠪᠤᠯᠵᠠᠢ᠃ ᠬᠦᠮᠦᠰ ᠴᠡᠭᠡ ᠶᠢᠨ ᠤᠶᠢᠯᠡᠳᠦᠯ ᠭᠡᠷᠡᠭᠴᠡᠭᠡ ᠶᠢ ᠤᠯᠠᠮ ᠰᠠᠶᠢᠨ ᠮᠡᠳᠡᠷᠡᠬᠦ ᠲᠤᠰᠤᠮ ᠭᠡᠷᠡᠭᠯᠡᠭᠡ ᠨᠢ ᠤᠯᠠᠮ | ᠨᠡᠮᠡᠭᠳᠡᠭᠰᠡᠨ ᠨᠢ ᠴᠡᠭᠡᠴᠢᠨ ᠠᠶᠢᠯ ᠤᠳ ᠤᠨ ᠬᠤᠪᠢ ᠳᠤ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠠᠵᠠ ᠵᠠᠪᠰᠢᠶᠠᠨ ᠪᠠᠶᠢᠭᠰᠠᠨ ᠢ | ᠰᠤᠷᠳᠠᠯᠳᠦ ᠭᠡᠷᠬᠢᠨ ᠠᠨᠳᠠᠬᠤ ᠪᠢᠯᠡ︕ 2015 ᠤᠨ ᠠᠴᠠ ᠡᠳᠡᠨ ᠤ ᠬᠢ ᠵᠢᠯ ᠤᠨ ᠲᠦᠷᠪᠠᠨ ᠤᠯᠠᠷᠢᠯ ᠢᠶᠠᠷ ᠰᠠᠭᠠᠵᠤ | ᠡᠬᠢᠯᠡᠪᠡ᠃ 6 — 9 ᠰᠠᠷᠠ ᠪᠤᠯᠳᠠᠯᠠ ᠡᠳᠦᠷ ᠤᠨ 300 — 400 ᠵᠢᠩ ᠰᠠᠭᠠᠵᠤ᠂ 10 ᠰᠠᠷᠠ ᠠᠴᠠ ᠳᠠᠷᠠᠭᠠ | ᠵᠢᠯ ᠤᠨ ᠬᠢᠨᠢ 5 ᠰᠠᠷᠠ ᠪᠤᠯᠳᠠᠯᠠ ᠡᠳᠦᠷ ᠤᠨ 80 ᠵᠢᠩ ᠰᠠᠭᠠᠳᠠᠭ᠃ ᠵᠤᠨ ᠳᠠᠭᠠᠨ 2 ᠴᠠᠭ ᠲᠤ ᠨᠢᠭᠡ ᠤᠳᠠᠭᠠ᠂ | ᠨᠠᠮᠤᠷ ᠲᠠᠭᠠᠨ 3 ᠴᠠᠭ ᠲᠤ ᠨᠢᠭᠡ ᠤᠳᠠᠭᠠ᠂ ᠡᠪᠦᠯ ᠳᠡᠭᠡᠨ 4 ᠴᠠᠭ ᠲᠤ ᠨᠢᠭᠡ ᠤᠳᠠᠭᠠ ᠰᠠᠭᠠᠳᠠᠭ᠃ ᠵᠤᠨ ᠤ | ᠤᠯᠠᠷᠢᠯ ᠳᠤ ᠴᠡᠭᠡ ᠪᠠᠨ ᠵᠢᠩ ᠪᠦᠷᠢ ᠳᠤᠨᠢ 12 ᠲᠦᠭᠦᠷᠢᠭ᠂ ᠰᠡᠷᠢᠬᠦᠤ ᠤᠷᠤᠪᠠᠯ ᠵᠢᠩ ᠪᠦᠷᠢ ᠳᠤᠨᠢ 15 — 18 | ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠳᠠᠭ᠃ ᠬᠤᠳᠠᠯᠳᠤᠵᠤ ᠭᠠᠷᠬᠤ ᠦᠭᠡᠢ ᠤᠳᠠᠭᠰᠠᠨ ᠴᠡᠭᠡ ᠪᠠᠨ ᠬᠤᠷᠠᠮᠳᠤᠭᠤᠯᠤᠭᠠᠳ ᠠᠷᠢᠬᠢ | ᠨᠡᠷᠡᠵᠤ᠂ ᠵᠢᠩ ᠳᠡᠭᠡᠨ 100 ᠲᠦᠭᠦᠷᠢᠭ ᠢᠶᠠᠷ ᠵᠢᠯ ᠳᠡᠭᠡᠨ 50 ᠰᠢᠬᠠᠮ ᠵᠢᠩ ᠬᠤᠳᠠᠯᠳᠤᠳᠠᠭ ᠪᠠᠶᠢᠯᠠ᠃ ᠡᠭᠦᠨ ᠠᠴᠠ | ᠦᠵᠡᠬᠦ ᠳᠤ ᠡᠳᠡᠨ ᠤ ᠬᠢ ᠪᠦᠬᠦᠯᠢ ᠵᠢᠯ ᠢᠶᠠᠷ ᠭᠡᠬᠦᠤ ᠰᠠᠭᠠᠭᠰᠠᠨ ᠠᠴᠠ ᠨᠠᠭᠠᠰᠢ ᠵᠢᠯ ᠤᠨ ᠴᠡᠭᠡ ᠬᠤᠳᠠᠯᠳᠤᠭᠰᠠᠨ | ᠤᠷᠤᠯᠭᠠ ᠨᠢ 50 ᠲᠦᠮᠡᠨ ᠲᠦᠭᠦᠷᠢᠭ ᠠᠴᠠ ᠳᠡᠭᠡᠭᠰᠢ ᠪᠠᠨ ᠲᠤᠭᠠᠴᠠᠯᠠᠭᠳᠠᠵᠤ ᠪᠠᠶᠢᠯᠠ᠃ ︽ᠠᠩᠬᠠ ᠡᠬᠢᠯᠡᠵᠤ ᠴᠡᠭᠡ | ᠬᠤᠳᠠᠯᠳᠤᠵᠤ ᠪᠠᠶᠢᠬᠤ ᠳᠤ ᠵᠢᠩ ᠪᠦᠷᠢ ᠳᠡᠭᠡᠨ 2.5 ᠲᠦᠭᠦᠷᠢᠭ ᠪᠠᠶᠢᠭᠰᠠᠨ ᠶᠤᠮ᠂ 2015 ᠤᠨ ᠠᠴᠠ ᠨᠠᠭᠠᠰᠢ | ᠵᠢᠩ ᠳᠡᠭᠡᠨ 12 ᠲᠦᠭᠦᠷᠢᠭ ᠬᠦᠷᠦᠭᠰᠡᠨ ᠰᠢᠤ᠂ ᠴᠡᠭᠡᠨ ᠤ ᠦᠨᠠ ᠦᠰᠦᠭᠰᠡᠨ ᠢᠶᠠᠷ ᠮᠠᠨ ᠤ ᠤᠷᠤᠯᠭᠠ ᠶᠡᠭᠡ ᠨᠡᠮᠡᠭᠳᠡᠵᠦ᠂ | ᠴᠡᠭᠡ ᠶᠢᠨ ᠤᠶᠢᠯᠡᠰ ᠲᠡᠭᠡᠨ ᠤᠯᠠᠮ ᠤᠷᠮᠠ ᠲᠠᠢ ᠪᠤᠯᠤᠭᠰᠠᠨ︾ ᠭᠡᠵᠤ ᠰᠤᠷᠳᠠᠯᠳᠦ ᠪᠠᠶᠠᠷᠳᠠᠶᠢᠬᠠᠨ ᠤᠴᠢᠷᠯᠠᠨᠠ᠃ | ᠭᠡᠶᠢᠮᠤᠷᠢᠳᠦ ᠰᠦᠷᠦᠭ ᠤᠨ ᠳᠠᠯᠠᠯᠭᠠ ᠲᠠᠢ ᠪᠠᠶᠠᠨᠰᠢᠯᠢ ᠨᠤᠳᠤᠭ ᠦᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠤᠰᠤ ᠲᠠᠢ ᠪᠤᠯᠪᠠᠴᠤ | ᠠᠶᠢᠯ ᠪᠦᠷᠢ ᠳᠤ ᠨᠤᠭᠳᠠᠬᠤ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠲᠠᠯᠠᠪᠠᠢ ᠨᠢ ᠪᠠᠭᠠ ᠪᠤᠯᠬᠤᠷ ᠡᠨᠡ ᠨᠤᠳᠤᠭ ᠤᠨ ᠮᠠᠯᠴᠢᠳ | ᠠᠳᠤᠭᠤ ᠪᠠᠷ ᠢᠶᠠᠨ ᠠᠯᠳᠠᠷᠳᠠᠢ ᠨᠤᠳᠤᠭ ᠤᠨ ᠳᠠᠪᠠᠭᠤᠯᠢᠭ ᠲᠠᠭᠠᠨ ᠲᠦᠰᠢᠭᠯᠡᠨ᠂ ᠴᠢᠨᠠᠷ ᠰᠠᠶᠢᠳᠠᠢ ᠠᠳᠤᠭᠤᠨ ᠤ ᠠᠵᠤ | ᠤᠶᠢᠯᠡᠰ ᠢ ᠬᠦᠭᠵᠢᠬᠦᠯᠬᠦ ᠵᠠᠮ ᠢᠶᠠᠷ ᠵᠠᠮᠨᠠᠭᠠᠳ ᠤᠯᠠᠨ ᠵᠢᠯ ᠪᠤᠯᠵᠤ ᠪᠠᠶᠢᠨᠠ᠃ ᠰᠤᠷᠳᠠᠯᠳᠦ ᠶᠢᠨ ᠬᠢ ᠤᠳᠤ ᠦᠪᠡᠷ ᠤᠨ | 2000 ᠮᠦ᠂ ᠪᠤᠰᠤᠳ ᠠᠴᠠ ᠲᠦᠷᠢᠶᠡᠰᠦᠯᠡᠭᠰᠡᠨ 2000 ᠮᠦ ᠪᠡᠯᠴᠢᠭᠡᠷ ᠳᠡᠭᠡᠷᠠ ᠲᠠᠪᠢᠭᠠᠳ ᠲᠤᠭᠠᠨ ᠤ ᠰᠢᠯᠢ ᠢᠢᠨ | ᠭᠤᠤᠯ ᠠᠳᠤᠭᠤ ᠡᠪᠤᠯᠵᠢᠬᠦᠯᠦᠨᠠ᠃ ᠵᠢᠯ ᠳᠡᠭᠡᠨ ᠭᠤᠴᠢᠭᠠᠳ ᠭᠡᠬᠦᠤ ᠤᠨᠠᠭᠠᠯᠠᠵᠤ᠂ ᠤᠨᠠᠭᠠ ᠬᠤᠳᠠᠯᠳᠤᠭᠰᠠᠨ | ᠤᠷᠤᠯᠭᠠ ᠨᠢ ᠮᠠᠯᠵᠢᠬᠤ ᠤᠶᠢᠯᠡᠳᠪᠤᠷᠢᠯᠡᠯ ᠤᠨ ᠪᠦᠬᠦ ᠵᠠᠷᠤᠳᠠᠯ ᠳᠠᠭᠠᠨ ᠬᠦᠷᠴᠢᠭᠡᠳᠡᠭ ᠪᠤᠯᠬᠤᠷ ᠴᠡᠭᠡ ᠬᠤᠳᠠᠯᠳᠤᠭᠰᠠᠨ | ᠤᠷᠤᠯᠭᠠ ᠨᠢ ᠴᠡᠪᠡᠷ ᠤᠷᠤᠳᠠᠭ ᠪᠠᠶᠢᠯᠠ᠃ | ᠪᠠᠶᠠᠨᠰᠢᠯᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠠᠷᠠᠭᠠ ᠠᠯᠬᠤᠮ ᠳᠤ᠂ ᠠᠮᠢ ᠠᠬᠤᠢ ᠪᠠ ᠠᠳᠤᠭᠤᠨ ᠰᠤᠶᠤᠯ ᠤᠨ ᠵᠢᠭᠤᠯᠴᠢᠯᠠᠯ ᠢ | ᠬᠦᠭᠵᠢᠬᠦᠯᠬᠦ ᠪᠠᠷ ᠳᠠᠮᠵᠢᠨ᠂ ᠡᠨᠡ ᠰᠠᠶᠢᠬᠠᠨ ᠠᠳᠤᠭᠤᠳᠤ ᠨᠤᠳᠤᠭ ᠢᠶᠠᠨ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠰᠠᠭᠤᠭᠠᠯᠢ ᠠᠷᠠᠳ ᠤᠨ | ᠭᠠᠷᠠᠭ ᠤᠨ ᠰᠡᠬᠦᠯᠴᠢ ᠶᠢᠨ ᠰᠡᠯᠡᠬᠦᠴᠡᠯ ᠤᠨ ᠭᠠᠵᠠᠷ᠂ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠵᠢᠭᠤᠯᠴᠢᠯᠠᠭᠰᠠᠳ ᠤᠨ | ᠰᠢᠯᠢ ᠶᠢᠨ ᠬᠤᠳᠠ ᠳᠤ ᠵᠤᠭᠠᠴᠠᠬᠤ ᠲᠠᠷᠢᠬᠦᠨ ᠦᠷᠳᠡᠭᠡ᠂ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠶᠢᠨ ᠨᠠᠷᠠ ᠠᠯᠳᠠᠷ ᠲᠠᠢ ᠲᠠᠯᠠ | ᠨᠤᠳᠤᠭ ᠤᠨ ᠠᠮᠢ ᠠᠬᠤᠢ ᠪᠤᠯᠤᠨ ᠠᠳᠤᠭᠤᠨ ᠰᠤᠶᠤᠯ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠬᠦᠰᠡᠨ ᠬᠦᠷᠬᠦ ᠭᠠᠵᠠᠷ᠂ ᠮᠤᠩᠭᠤᠯ | ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠤᠳᠬᠠ ᠵᠤᠬᠢᠶᠠᠯ ᠤᠷᠠᠯᠢᠭ ᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠬᠦ ᠰᠠᠭᠤᠷᠢᠨ ᠪᠤᠯᠭᠠᠨ ᠪᠦᠳᠦᠭᠡᠨ | ᠪᠠᠶᠢᠭᠤᠯᠬᠤ ᠲᠥᠯᠥᠪᠯᠡᠭᠡ ᠪᠠᠷ ᠠᠵᠢᠯᠯᠠᠵᠥ ᠪᠠᠶᠢᠭᠠ ᠪᠢᠯᠡ᠃ |