| — ᠮᠠᠨ ᠤ ᠠᠶᠢᠮᠠᠭ ᠤᠨ ᠵᠢᠯ ᠪᠦᠷᠢ ᠤᠯᠠᠨ ᠠᠳᠤᠭᠤ ᠪᠤᠷᠤᠯᠠᠭᠤᠯᠳᠠᠭ ᠭᠡᠰᠡᠭ ᠮᠠᠯᠴᠢᠨ ᠠᠶᠢᠯ ᠢ ᠰᠤᠷᠪᠤᠯᠵᠢᠯᠠᠭᠠᠳ | ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠪᠠᠶᠠᠨᠴᠡᠴᠡᠭ | ᠠᠳᠤᠭᠤᠨ ᠰᠤᠶᠤᠯ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠷᠳᠡ ᠲᠡᠬᠡᠳᠦ ᠠᠴᠠ ᠪᠠᠨ ᠦᠪᠯᠡᠵᠦ ᠢᠷᠡᠭᠰᠡᠨ ᠰᠤᠶᠤᠯ | ᠪᠢᠯᠡ᠃ ᠡᠷᠳᠡ ᠳᠡᠭᠡᠳᠦ ᠠᠴᠠ ᠪᠠᠨ ᠠᠳᠤᠭᠤᠳᠤ ᠨᠤᠲᠤᠭ ᠬᠡᠮᠡᠬᠦ ᠰᠠᠶᠢᠬᠠᠨ ᠠᠯᠳᠠᠷ ᠳ᠋ᠠᠢ ᠮᠠᠨ ᠤ ᠠᠶᠢᠮᠠᠭ ᠠᠳᠤᠭᠤᠨ ᠤ | ᠠᠵᠤ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠬᠦ ᠳᠠᠯᠠ ᠪᠠᠷ ᠵᠢᠯ ᠠᠴᠠ ᠵᠢᠯ ᠢᠳᠡᠪᠬᠢᠳᠡᠢ ᠠᠵᠢᠯᠯᠠᠵᠦ ᠪᠠᠶᠢᠭᠠ ᠪᠢᠯᠡ᠃ ᠠᠳᠤᠭᠤᠨ ᠤ ᠠᠵᠦ | ᠦᠢᠯᠡᠰᠵᠢᠯᠳᠡ ᠶᠢᠨ ᠤᠯᠠᠨ ᠠᠷᠭᠠ ᠠᠪᠴᠠᠯ ᠤᠨ ᠳᠤᠮᠳᠠ ᠮᠢᠬᠠᠨ ᠤ ᠠᠳᠤᠭᠤ ᠮᠠᠯᠵᠢᠵᠦ᠂ ᠵᠢᠯ ᠪᠤᠯᠭᠠᠨ ᠤᠯᠠᠨ | ᠳᠤᠭᠠ ᠪᠠᠷ ᠭᠠᠳᠠᠭᠰᠢ ᠪᠤᠷᠤᠯᠠᠭᠤᠯᠬᠤ ᠪᠤᠯ ᠨᠢᠭᠡᠨ ᠭᠠᠷᠬᠤ ᠵᠠᠮ ᠶᠤᠮ᠃ ᠤᠳᠤᠬᠠᠨ ᠳᠤ ᠮᠠᠨ ᠤ ᠠᠶᠢᠮᠠᠭ ᠳᠡᠳᠦᠢ ᠦᠭᠡᠢ᠂ | ᠪᠦᠬᠦ ᠤᠷᠤᠨ ᠳᠤ ᠴᠤ ᠠᠳᠤᠭᠤᠨ ᠤ ᠮᠢᠬᠠ ᠪᠠᠷ ᠪᠦᠳᠦᠭᠡᠭᠳᠡᠬᠦᠨ ᠬᠢᠵᠦ ᠪᠠᠶᠢᠭᠠ ᠭᠠᠵᠠᠷ ᠪᠠᠶᠢᠬᠤ ᠦᠭᠡᠢ ᠶᠤᠮ ᠪᠠᠶᠢᠨᠠ᠃ | ᠠᠳᠤᠭᠤ ᠤᠯᠠᠨ ᠪᠤᠷᠤᠯᠠᠭᠤᠯᠳᠠᠭ ᠮᠠᠯᠴᠢᠳ ᠮᠠᠨᠢ ᠡᠾᠧᠪᠸᠢ᠂ ᠡᠾᠧᠨᠠᠨ ᠵᠡᠷᠭᠡ ᠭᠠᠳᠠᠷ ᠮᠤᠵᠢ ᠬᠤᠳᠠ ᠶᠢᠨ | ᠠᠷᠠᠯᠵᠢᠶᠠᠴᠢᠨ ᠳᠤ ᠠᠳᠤᠭᠤ ᠪᠠᠨ ᠬᠤᠳᠠᠯᠳᠤᠵᠦ ᠠᠳᠤᠭᠤᠨ ᠤ ᠮᠢᠬᠠᠨ ᠤ ᠪᠦᠳᠦᠭᠡᠭᠳᠡᠬᠦᠨ ᠬᠢᠬᠦ ᠳᠤᠨᠢ ᠤᠭ ᠮᠠᠲᠤᠷᠢᠶᠠᠯ | ᠬᠠᠨᠭ᠍ᠭᠠᠵᠦ ᠪᠠᠶᠢᠭᠠ ᠶᠤᠮ᠃ ᠳᠡᠭᠡᠪᠡᠯ ᠵᠢᠯ ᠪᠤᠯᠭᠠᠨ ᠤᠯᠠᠨ ᠠᠳᠤᠭᠤ ᠪᠤᠷᠤᠯᠠᠭᠤᠯᠳᠠᠭ ᠮᠠᠯᠴᠢᠨ ᠠᠶᠢᠯ ᠨᠢ ᠮᠢᠬᠠᠨ ᠤ | ᠴᠢᠭᠯᠡᠯ ᠢᠶᠠᠷ ᠠᠳᠤᠭᠤ ᠮᠠᠯᠵᠢᠵᠦ ᠪᠠᠶᠢᠨᠠ ᠭᠡᠰᠡᠨ ᠦᠭᠡ᠃ ᠬᠤᠳᠠᠯᠳᠤᠭᠰᠠᠨ ᠠᠳᠤᠭᠤ ᠨᠢ ᠪᠦᠷ ᠭᠠᠳᠠᠨᠠ ᠮᠤᠵᠢ | ᠬᠤᠳᠠ ᠶᠢᠨ ᠬᠤᠭᠤᠯᠠᠨ ᠭᠡᠷ ᠪᠤᠶᠤ ᠤᠯᠠᠭᠠᠨ ᠢᠳᠡᠭᠡᠨ ᠤ ᠺᠤᠮᠫᠠᠨᠢ ᠶᠢᠨ ᠠᠳᠤᠭᠤᠨ ᠤ ᠮᠢᠬᠠᠨ ᠤ ᠪᠦᠳᠦᠭᠡᠭᠳᠡᠬᠦᠨ ᠬᠢᠬᠦ | ᠨᠦᠬᠦᠴᠡᠯ ᠢ ᠪᠦᠷᠢᠯᠳᠦᠬᠦᠯᠵᠦ ᠪᠠᠶᠢᠳᠠᠭ᠃ ᠠᠳᠤᠭᠤᠨ ᠤ ᠮᠢᠬᠠ ᠪᠠᠷ ᠬᠢᠭᠰᠡᠨ ᠪᠦᠳᠦᠭᠡᠭᠳᠡᠬᠦᠨ ᠴᠦᠭᠡᠨ ᠪᠤᠶᠤ ᠪᠠᠶᠢᠬᠤ | ᠦᠭᠡᠢ ᠪᠠᠶᠢᠭᠠ ᠨᠢ ᠬᠦᠭᠵᠢᠯᠳᠡ ᠶᠢᠨ ᠨᠢᠭᠡᠨ ᠤᠷᠤᠨ ᠵᠠᠢ ᠶᠢ ᠮᠡᠳᠡᠷᠡᠬᠦᠯᠵᠦ᠂ ᠬᠢᠵᠦ ᠪᠦᠳᠦᠭᠡᠵᠦ ᠴᠢᠳᠠᠬᠤ ᠬᠦᠮᠦᠰ ᠤᠨ | ᠬᠤᠪᠢ ᠳᠤ ᠠᠪᠴᠦ ᠬᠡᠯᠡᠪᠡᠯ ᠴᠢᠬᠤᠯᠠ ᠨᠢᠭᠡᠨ ᠭᠠᠷᠬᠤ ᠵᠠᠮ ᠪᠤᠯᠵᠦ ᠪᠠᠶᠢᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ | ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠱᠠᠩᠳᠤ ᠪᠠᠯᠭᠠᠰᠤᠨ ᠤ ᠢᠷᠠᠯᠵᠠᠬᠤ ᠭᠠᠴᠠᠭᠠᠨ ᠤ ᠬᠠᠰᠴᠢᠯᠠᠭᠤ ᠶᠢᠨ ᠬᠢ ᠤᠯᠠᠨ | ᠠᠳᠤᠭᠤ ᠮᠠᠯᠵᠢᠳᠠᠭ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠳᠤᠭᠤᠨ ᠳᠤ ᠪᠠᠭ᠋ᠠᠳᠠᠢ ᠬᠠᠰᠴᠢᠯᠠᠭᠤ 2005 ᠤᠨ ᠤ ᠦᠶᠡ ᠪᠠᠷ | 15000 ᠲᠦᠭᠦᠷᠢᠭ ᠢᠶᠠᠷ ᠤᠶᠢᠷᠠ ᠬᠠᠪᠢ ᠠᠴᠠ ᠪᠠᠨ ᠠᠷᠪᠠᠭᠠᠳ ᠤᠨᠠᠭᠠ ᠬᠤᠳᠠᠯᠳᠤᠨ ᠠᠪᠴᠤ ᠠᠳᠤᠭᠤ ᠮᠠᠯᠵᠢᠵᠤ | ᠡᠬᠢᠯᠡᠭᠰᠡᠨ ᠭᠡᠳᠡᠭ᠃ ᠲᠡᠬᠦᠨ ᠤ ᠠᠳᠤᠭᠤ ᠮᠠᠯᠵᠢᠭᠰᠠᠨ ᠭᠤᠤᠯ ᠵᠤᠷᠢᠯᠭᠠ ᠨᠢ ᠨᠤᠳᠤᠭ ᠠᠳᠤᠭᠤᠨ ᠤ ᠪᠠᠨ ᠦᠨᠡ | ᠴᠡᠨᠡ ᠶᠢ ᠭᠠᠷᠭᠠᠵᠤ᠂ ᠦᠰᠭᠡᠨ ᠦᠷᠡᠵᠢᠬᠦᠯᠬᠦ ᠶᠢᠨ ᠲᠦᠯᠦᠬᠡ ᠶᠤᠮ᠃ 2018 ᠤᠨ ᠪᠤᠯᠬᠤ ᠳᠤ ᠲᠡᠷᠡ 300 ᠭᠠᠷᠤᠢ | ᠠᠳᠤᠭᠤ ᠲᠠᠢ ᠪᠤᠯᠵᠤ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠮᠤᠭ ᠤᠯᠠᠨ ᠠᠳᠤᠭᠤ ᠲᠠᠢ ᠠᠶᠢᠯ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠬᠠᠰᠴᠢᠯᠠᠭᠤ ᠶᠢᠨ ᠮᠠᠯᠵᠢᠵᠤ ᠪᠠᠶᠢᠭᠠ ᠠᠳᠤᠭᠤ ᠨᠢ ᠰᠢᠨᠵᠢᠶᠠᠩ ᠤᠨ ᠪᠠᠶᠠᠨᠪᠤᠯᠠᠭ ᠤᠨ ᠲᠠᠯᠠ ᠨᠤᠳᠤᠭ ᠤᠨ ᠤᠨᠴᠠᠭᠠᠢ | ᠡᠬᠦᠯᠳᠡᠷ ᠪᠤᠯᠬᠤ ᠭᠤᠷᠪᠠᠨ ᠭᠤᠤᠯ ᠤᠨ ᠠᠳᠤᠭᠤ ᠪᠤᠯᠤᠨ ᠨᠤᠳᠤᠭ ᠤᠨ ᠠᠳᠤᠭᠤ ᠲᠠᠢ ᠡᠷᠯᠢᠰᠡᠵᠢᠬᠦᠯᠦᠭᠰᠡᠨ ᠠᠳᠤᠭᠤ | ᠪᠤᠯᠬᠤᠷ ᠶᠠᠰᠦ ᠰᠠᠶᠢᠳᠠᠢ᠂ ᠨᠢᠷᠤᠭᠤ ᠤᠷᠳᠤ᠂ ᠬᠦᠢᠳᠡᠨ ᠳᠤ ᠲᠡᠰᠪᠦᠷᠢᠳᠡᠢ ᠵᠡᠷᠭᠡ ᠲᠠᠪᠠᠭᠤᠯᠢᠭ ᠤᠨᠴᠠᠯᠢᠭ ᠲᠠᠢ ᠶᠤᠮ᠃ | ᠡᠨᠡ ᠵᠢᠯ ᠡᠳᠡᠨ ᠤ ᠬᠢ ᠭᠠᠳᠠᠨᠠ ᠶᠢᠨ ᠠᠷᠠᠯᠵᠢᠶᠠᠴᠢᠨ ᠳᠤ ᠳᠡᠭᠰᠢᠳᠭᠡᠭᠡᠳ 4000 ᠭᠠᠷᠤᠢ ᠲᠦᠭᠦᠷᠢᠭ ᠢᠶᠠᠷ ᠭᠤᠴᠢᠭᠠᠳ | ᠲᠠᠭᠠ ᠪᠤᠷᠤᠯᠠᠭᠤᠯᠵᠠᠢ᠃ ᠤᠶᠢᠯᠠᠭᠠᠭᠰᠠᠨ ᠢᠶᠠᠷ ᠨᠢᠳᠤᠨᠤᠨ ᠪᠠᠰᠠ ᠭᠤᠴᠢᠭᠠᠳ ᠢ ᠪᠤᠷᠤᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠠᠵᠠᠷ | ᠨᠤᠳᠤᠭ ᠪᠠᠭᠠ ᠲᠠᠢ ᠡᠳᠡᠨ ᠤ ᠬᠢᠨ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠠᠳᠤᠭᠤ ᠮᠠᠯᠵᠢᠬᠤ ᠬᠡᠴᠡᠬᠦᠦ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠠᠳᠤᠭᠤ | ᠭᠡᠳᠡᠭ ᠠᠮᠢᠳᠠᠨ ᠬᠠᠷᠢᠴᠠᠩᠭᠤᠢ ᠪᠠᠷ ᠠᠷᠠᠴᠢᠯᠠᠭᠠ ᠳᠤᠳᠤᠮᠳᠠᠯᠭᠠ ᠪᠠᠭᠠ ᠤᠷᠤᠳᠠᠭ ᠪᠤᠯᠬᠤᠷ ᠵᠠᠷᠤᠳᠠᠯ ᠪᠠᠭᠠᠳᠠᠢ᠂ ᠵᠢᠯ ᠤᠨ | ᠵᠢᠯ ᠭᠠᠳᠠᠭᠰᠢ ᠪᠤᠷᠤᠯᠠᠭᠤᠯᠤᠭᠠᠳ ᠪᠠᠶᠢᠪᠠᠯ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠤ ᠴᠤ ᠳᠠᠷᠤᠭᠠᠰᠤ ᠦᠭᠡᠢ ᠪᠤᠯᠬᠤᠷ ᠡᠨᠡ ᠵᠠᠮ ᠢᠶᠠᠨ | ᠪᠠᠷᠢᠮᠳᠠᠯᠠᠵᠦ ᠶᠠᠪᠤᠭᠠ ᠠᠵᠢ᠃ ᠠᠳᠤᠭᠤᠨ ᠤ ᠮᠢᠬᠠ ᠪᠠᠷ ᠶᠠᠮᠠᠷ ᠨᠢᠭᠡᠨ ᠪᠦᠳᠦᠭᠡᠭᠳᠡᠬᠦᠨ ᠬᠢᠬᠦ ᠪᠤᠯᠤᠮᠵᠢ ᠦᠭᠡᠢ ᠪᠠᠶᠢᠭᠠ | ᠪᠤᠯᠪᠠᠴᠦ ᠵᠢᠯ ᠵᠢᠯ ᠨᠡᠯᠢᠶᠡᠳ ᠤᠯᠠᠨ ᠳᠤᠭᠠ ᠪᠠᠷ ᠭᠠᠳᠠᠭᠰᠢ ᠪᠤᠷᠤᠯᠠᠭᠤᠯᠵᠦ ᠪᠠᠶᠢᠭᠠ ᠨᠢ ᠮᠢᠬᠠᠨ ᠤ ᠪᠦᠳᠦᠭᠡᠭᠳᠡᠬᠦᠨ | ᠬᠢᠬᠦ ᠳᠤ ᠮᠠᠲᠤᠷᠢᠶᠠᠯ ᠬᠠᠨᠭ᠍ᠭᠠᠵᠦ ᠪᠠᠶᠢᠭᠠ ᠤᠴᠢᠷ ᠶᠤᠮ᠃ | ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠯᠢᠶᠠᠰᠦᠳᠠᠢ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠭᠤᠪᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ | ᠰᠤᠶᠤᠯᠳᠤ ᠶᠢᠨ ᠬᠢ 1992 ᠤᠨ ᠠᠴᠠ ᠡᠬᠢᠯᠡᠨ ᠦᠪᠡᠷ ᠤᠨ 5000 ᠭᠠᠷᠤᠢ ᠮᠤ᠋ ᠨᠤᠳᠤᠭ ᠲᠠᠭᠠᠨ ᠠᠳᠤᠭᠤ ᠮᠠᠯᠵᠢᠵᠤ | ᠡᠬᠢᠯᠡᠵᠡᠢ᠃ ᠤᠳᠤ ᠪᠤᠯᠬᠤ ᠳᠤ ᠰᠤᠶᠤᠯᠳᠤ ᠶᠢᠨ ᠬᠢᠨ ᠨᠢᠬᠡᠨᠳᠡ ᠭᠤᠴᠢᠭᠠᠳ ᠵᠢᠯ ᠠᠳᠤᠭᠤ ᠮᠠᠯᠵᠢᠵᠤ᠂ ᠵᠢᠯ ᠪᠤᠯᠭᠠᠨ | 100 ᠭᠠᠷᠤᠢ ᠠᠳᠤᠭᠤ ᠦᠯᠡᠳᠡᠬᠡᠵᠦ ᠡᠪᠦᠯᠵᠢᠬᠦᠯᠬᠦ ᠪᠠᠨ ᠪᠠᠷᠢᠮᠳᠠᠯᠠᠨ᠂ ᠦᠯᠡᠳᠡᠭᠰᠡᠨ ᠢ ᠨᠢ ᠪᠤᠷᠤᠯᠠᠭᠤᠯᠳᠠᠭ ᠪᠠᠶᠢᠨᠠ᠃ | ᠵᠢᠯ ᠳᠡᠭᠡᠨ ᠬᠤᠷᠢᠭᠠᠳ ᠨᠤᠳᠤᠭ ᠤᠨ ᠲᠠᠭᠠ ᠶᠢ 6000 ᠲᠦᠬᠦᠷᠢᠭ ᠢᠶᠠᠷ᠂ ᠬᠡᠬᠦᠦ ᠪᠠᠨ 9000 ᠲᠦᠭᠦᠷᠢᠭ ᠤᠨ | ᠤᠷᠴᠢᠮ ᠢᠶᠠᠷ ᠪᠤᠷᠤᠯᠠᠭᠤᠯᠵᠤ᠂ ᠵᠢᠯ ᠳᠡᠭᠡᠨ ᠠᠳᠤᠭᠤᠨ ᠤ ᠤᠷᠤᠯᠭᠠ ᠨᠢ ᠬᠤᠷᠢᠭᠠᠳ ᠲᠦᠮᠡᠡ ᠲᠦᠬᠦᠷᠢᠭ ᠭᠠᠷᠳᠠᠭ ᠪᠠᠶᠢᠨᠠ | ᠃ ᠡᠳᠡᠨ ᠤ ᠬᠢ ᠵᠤᠨ ᠳᠠᠭᠠᠨ ᠦᠪᠡᠷ ᠤᠨ ᠨᠤᠳᠤᠭ ᠲᠠᠭᠠᠨ ᠮᠠᠯᠵᠢᠵᠤ᠂ ᠡᠪᠦᠯ ᠪᠤᠯᠪᠠᠯ ᠪᠠᠰᠠ ᠠᠶᠢᠯ ᠤᠨ ᠨᠤᠳᠤᠭ ᠳᠠᠮᠵᠢᠨ | ᠤᠳᠤᠷ ᠶᠠᠪᠤᠳᠠᠭ ᠶᠤᠮ ᠪᠠᠶᠢᠨᠠ᠃ ᠵᠢᠯ ᠳᠡᠭᠡᠨ ᠦᠬᠢᠨ ᠤᠨᠠᠭᠠ ᠪᠠᠨ ᠦᠯᠡᠳᠡᠬᠡᠵᠦ᠂ ᠬᠦᠭᠰᠢᠨ ᠬᠡᠬᠦᠦ ᠪᠤᠯᠤᠨ ᠡᠷᠡ | ᠤᠨᠠᠭᠠ ᠪᠠᠨ ᠪᠤᠷᠤᠯᠠᠭᠤᠯᠳᠠᠭ ᠪᠠᠶᠢᠨᠠ᠃ ᠡᠳᠡᠨ ᠤ ᠠᠳᠤᠭᠤᠨ ᠤ ᠤᠷᠤᠯᠭᠠ ᠮᠦᠨ ᠯᠡ ᠬᠤᠳᠠᠯᠳᠤᠬᠤ ᠪᠠᠷ ᠭᠤᠤᠯᠳᠠᠵᠦ | ᠪᠠᠶᠢᠭᠠ ᠪᠤᠯᠬᠤᠷ ᠮᠢᠬᠠᠨ ᠤ ᠴᠢᠭᠯᠡᠯ ᠢᠶᠠᠷ ᠤᠷᠤᠯᠭᠠ ᠡᠬᠦᠳᠴᠦ ᠪᠠᠶᠢᠭᠠ ᠳᠤ ᠳᠤᠭᠠᠴᠢᠵᠦ ᠪᠤᠯᠤᠨᠠ᠃ | ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠷᠠᠰᠢᠶᠠᠨᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠨᠭᠤᠤᠯ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠠᠯᠳ᠋ᠬᠠᠤᠳᠤ ᠪᠠᠰᠠ | ᠠᠳᠤᠭᠤ ᠪᠠᠨ ᠮᠢᠬᠠᠨ ᠤ ᠴᠢᠭᠯᠡᠯ ᠢᠶᠠᠷ ᠪᠤᠷᠤᠯᠠᠭᠤᠯᠳᠠᠭ ᠶᠤᠮ ᠪᠠᠶᠢᠨᠠ᠃ ᠲᠡᠳᠡᠨ ᠤ ᠬᠢᠨ ᠲᠡᠭᠡᠳᠦ ᠠᠴᠠ ᠪᠠᠨ ᠦᠶᠡ | ᠤᠯᠠᠮᠵᠢᠯᠠᠨ ᠠᠳᠤᠭᠤ ᠪᠠᠨ ᠮᠠᠯᠵᠢᠭᠰᠠᠭᠠᠷ ᠢᠷᠡᠭᠰᠡᠨ ᠪᠦᠭᠡᠳ ᠠᠳᠤᠭᠤᠨ ᠠᠴᠠ ᠪᠠᠨ ᠬᠡᠷᠬᠢᠨ ᠠᠰᠢᠭ ᠬᠦᠷᠳᠡᠬᠦ ᠳᠤᠬᠠᠢ | ᠤᠯᠠᠨ ᠵᠢᠯ ᠠᠷᠭᠠ ᠵᠠᠮ ᠬᠠᠶᠢᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠴᠠᠭ ᠦᠶᠡ ᠶᠢᠨ ᠬᠦᠭᠵᠢᠯᠳᠡ ᠶᠢ ᠳᠠᠭᠠᠭᠠᠳ ᠶᠠᠮᠠᠷ ᠨᠢᠭᠡᠨ ᠠᠷᠭᠠ | ᠵᠠᠮ ᠬᠠᠶᠢᠵᠦ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠪᠤᠯ ᠱᠠᠭᠠᠷᠳᠠᠯᠭᠠ ᠶᠤᠮ᠃ ᠠᠯᠳ᠋ᠬᠠᠤᠳᠤ ᠶᠢᠨ ᠬᠤᠪᠢ ᠳᠤ ᠮᠢᠬᠠᠨ ᠤ | ᠴᠢᠭᠯᠡᠯ ᠢᠶᠠᠷ ᠮᠠᠯᠵᠢᠬᠤ ᠪᠤᠯ ᠨᠢᠭᠡᠨ ᠰᠤᠩᠭᠤᠯᠳᠠ ᠪᠤᠯᠤᠭᠰᠠᠨ ᠶᠤᠮ᠃ ᠲᠡᠷᠡ ᠨᠤᠳᠤᠭ ᠠᠳᠤᠭᠤ ᠪᠠᠨ | ᠪᠠᠶᠢᠭᠠᠯᠢᠯᠢᠭ ᠢᠶᠠᠷ ᠢᠶᠠᠨ ᠪᠡᠯᠴᠢᠬᠡᠷᠯᠡᠬᠦᠯᠵᠦ ᠮᠠᠯᠵᠢᠬᠤ ᠪᠠᠷ ᠭᠤᠤᠯᠯᠠᠵᠤ᠂ ᠵᠢᠯ ᠳᠡᠭᠡᠨ ᠡᠷᠡ ᠤᠨᠠᠭᠠ ᠪᠠᠨ ᠪᠤᠷᠤᠯᠠᠭᠤᠯᠳᠠᠭ᠃ | ᠨᠢᠳᠤᠨᠤᠨ ᠢᠶᠠᠷ ᠵᠢᠱᠢᠶᠡᠯᠡᠬᠦ ᠳᠤ᠂ 10 ᠤᠨᠠᠭᠠ ᠪᠠᠨ 5000 ᠲᠦᠭᠦᠷᠢᠭ ᠢᠶᠠᠷ ᠲᠡᠭᠰᠢᠳᠬᠡᠨ ᠪᠤᠷᠤᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠬᠡᠷᠪᠡ ᠤᠨᠠᠭᠠᠨ ᠲᠡᠭᠡᠷᠡ ᠪᠠᠨ ᠦᠨᠡ ᠬᠦᠷᠬᠦ ᠦᠬᠡᠢ ᠪᠤᠯ ᠨᠢᠬᠡ ᠵᠢᠯ ᠦᠨᠵᠢᠬᠡᠬᠡᠳ᠂ ᠲᠠᠭᠠᠨ ᠲᠡᠭᠡᠷᠡ ᠨᠢ ᠪᠤᠷᠤᠯᠠᠭᠤᠯᠳᠠᠭ | ᠃ ᠤᠨᠠᠭᠠ ᠲᠠᠢ ᠬᠡᠬᠦᠦ ᠪᠠᠨ 12000 ᠲᠦᠬᠦᠷᠢᠭ ᠤᠷᠴᠢᠮ᠂ ᠪᠦᠳᠦᠬᠦᠨ ᠮᠤᠷᠢ ᠪᠠᠨ 12000 ᠲᠦᠬᠦᠷᠢᠭ | ᠤᠷᠴᠢᠮ ᠢᠶᠠᠷ ᠪᠤᠷᠤᠯᠠᠭᠤᠯᠳᠠᠭ ᠪᠠᠶᠢᠵᠦ᠂ ᠵᠢᠯ ᠪᠤᠯᠭᠠᠨ ᠨᠡᠯᠢᠶᠡᠳ ᠤᠯᠠᠨ ᠳᠤᠭᠠ ᠪᠠᠷ ᠠᠳᠤᠭᠤ ᠬᠤᠳᠠᠯᠳᠤᠳᠠᠭ ᠪᠤᠯᠬᠤᠷ | ᠠᠷᠠᠯᠵᠢᠶᠠᠴᠢᠳ ᠴᠤ ᠦᠪᠡᠷᠰᠡᠳ ᠢᠶᠠᠨ ᠡᠷᠢᠵᠦ ᠢᠷᠡᠭᠡᠳ ᠠᠳᠤᠭᠤ ᠶᠢ ᠨᠢ ᠬᠤᠳᠠᠯᠳᠤᠵᠦ ᠠᠪᠳᠠᠭ ᠪᠤᠯᠵᠠᠢ᠃ | ᠠᠯᠳ᠋ᠬᠠᠤᠳᠤ ᠴᠠᠭ ᠦᠶᠡ ᠶᠢᠨ ᠤᠷᠤᠰᠠᠬᠠᠯ ᠢ ᠲᠠᠭᠠᠵᠤ᠂ ᠬᠤᠷᠳᠤᠨ ᠤ ᠴᠢᠭᠯᠡᠯ ᠤᠨ ᠠᠳᠤᠭᠤ ᠮᠠᠯᠵᠢᠵᠦ ᠦᠵᠡᠭᠰᠡᠨ | ᠪᠢᠯᠡ᠃ ᠶᠠᠰᠦ ᠨᠠᠷᠢᠨ᠂ ᠪᠡᠶᠡ ᠦᠨᠳᠦᠷ ᠠᠳᠤᠭᠤᠳ ᠡᠪᠦᠯ ᠳᠤ ᠲᠠᠭᠠᠭᠠᠴᠠ ᠦᠬᠡᠢ᠂ ᠶᠡᠭᠡ ᠠᠷᠠᠴᠢᠯᠠᠭᠠ ᠤᠷᠤᠳᠠᠭ ᠠᠴᠠ | ᠲᠡᠷᠡ ᠬᠠᠰᠢᠯᠠ ᠨᠤᠳᠤᠭ ᠠᠳᠤᠭᠤ ᠪᠠᠨ ᠮᠢᠬᠠᠨ ᠤ ᠴᠢᠭᠯᠡᠯ ᠢᠶᠠᠷ ᠮᠠᠯᠵᠢᠬᠤ ᠵᠠᠮ ᠢ ᠬᠠᠶᠢᠯᠠ᠃ ᠬᠦᠮᠦᠨ ᠬᠦᠮᠦᠨ ᠤ | ᠨᠦᠬᠦᠴᠡᠯ ᠪᠠᠶᠢᠳᠠᠯ ᠤᠨᠳᠤᠤ ᠪᠤᠯᠬᠤᠷ ᠦᠪᠡᠷ ᠤᠨ ᠢᠶᠠᠨ ᠪᠠᠶᠢᠳᠠᠯ ᠳᠤ ᠳᠤᠬᠢᠷᠠᠭᠤᠯᠤᠨ ᠰᠤᠩᠭᠤᠯᠳᠠ ᠬᠢᠬᠦ | ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠶᠢᠳᠠᠭ᠃ ᠮᠢᠬᠠᠨ ᠤ ᠠᠳᠤᠭᠤ ᠨᠢ ᠪᠡᠶᠡ ᠪᠦᠳᠦᠬᠦᠨ᠂ ᠶᠠᠰᠦ ᠲᠤᠮᠤ᠂ ᠮᠢᠬᠠᠯᠠᠭᠤᠨ | ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠡᠳᠡᠨ ᠤ ᠠᠳᠤᠭᠤᠨ ᠰᠦᠷᠦᠭ ᠲᠤ ᠬᠦᠮᠦᠰ ᠰᠠᠶᠢᠨ ᠦᠨᠡᠯᠡᠯᠳᠡ ᠦᠭᠳᠡᠭ᠃ ᠪᠠᠰᠠ ᠠᠵᠢᠷᠭᠠ | ᠲᠠᠯᠪᠢᠬᠤ ᠪᠠᠷ ᠭᠤᠶᠤᠴᠢᠯᠠᠵᠤ ᠢᠷᠡᠳᠡᠭ ᠬᠦᠮᠦᠨ ᠴᠤ ᠪᠤᠢ᠃ ᠲᠡᠷᠡ᠄ ︽ᠮᠢᠬᠠᠨ ᠤ ᠠᠳᠤᠭᠤ ᠮᠠᠨ ᠤ ᠨᠤᠳᠤᠭ | ᠠᠳᠤᠭᠤ ᠲᠠᠢ ᠲᠦᠰᠦᠭᠡᠳᠡᠢ᠂ ᠶᠡᠭᠡ ᠲᠠᠭᠠᠭᠠᠴᠠᠳᠠᠢ ᠪᠤᠯᠬᠤᠷ ᠲᠦᠡᠭᠯᠢᠶᠤᠤ ᠬᠤᠳᠠ ᠠᠴᠠ ᠨᠢᠬᠡ ᠮᠢᠬᠠᠨ ᠤ ᠡᠬᠦᠯᠳᠡᠷ ᠤᠨ | ᠠᠵᠢᠷᠭᠠ ᠠᠪᠴᠢᠷᠠᠭᠰᠠᠨ ᠶᠤᠮ᠃ ᠨᠤᠲᠤᠭ ᠤᠨ ᠬᠡᠬᠦᠦ ᠳᠡᠭᠡᠨ ᠮᠢᠬᠠᠨ ᠤ ᠠᠵᠢᠷᠭᠠ ᠳᠠᠯᠪᠢᠭᠠᠳ ᠤᠯᠠᠮ ᠠᠴᠠ ᠤᠯᠠᠮ | ᠮᠢᠬᠠᠨ ᠤ ᠬᠡᠷᠡᠭᠴᠡᠭᠡ ᠶᠢ ᠬᠠᠨᠭ᠍ᠭᠠᠬᠤ ᠴᠢᠭᠯᠡᠯ ᠢᠶᠠᠷ ᠮᠠᠯᠵᠢᠬᠤ ᠰᠠᠨᠠᠭᠠᠳᠠᠢ︾ ᠬᠡᠵᠦ ᠶᠠᠷᠢᠨᠠ᠃ ᠠᠷᠭᠠ ᠪᠦᠬᠦᠨ ᠢ | ᠰᠦᠪᠡᠭᠴᠢᠯᠡᠵᠦ᠂ ᠠᠳᠤᠭᠤ ᠪᠠᠨ ᠶᠠᠭᠠᠬᠢᠵᠤ ᠴᠠᠭ ᠦᠶᠡ ᠲᠠᠢ ᠵᠤᠬᠢᠴᠠᠭᠤᠯᠤᠨ᠂ ᠲᠤᠭᠠ ᠶᠢ ᠬᠦᠬᠡᠬᠡᠴᠡᠯᠳᠦᠬᠦ ᠦᠬᠡᠢ | ᠮᠦᠷᠳᠡᠬᠡᠨ ᠠᠰᠢᠭ ᠦᠨᠳᠦᠷ ᠪᠤᠯᠭᠠᠬᠤ ᠲᠤᠬᠠᠢ ᠲᠡᠷᠡ ᠪᠤᠳᠤᠯᠬᠢᠯᠠᠭᠰᠠᠭᠠᠷ ᠪᠠᠶᠢᠯᠠ᠃ ᠨᠤᠳᠤᠭ ᠬᠡᠬᠦᠦ ᠳᠡᠭᠡᠨ ᠮᠢᠬᠠᠨ ᠤ | ᠠᠵᠢᠷᠭᠠ ᠲᠠᠯᠪᠢᠬᠤ ᠨᠢ ᠬᠤᠶᠢᠰᠢᠳᠠ ᠮᠢᠬᠠᠨ ᠤ ᠴᠢᠭᠯᠡᠯ ᠢᠶᠠᠷ ᠠᠳᠤᠭᠤ ᠪᠠᠨ ᠪᠤᠷᠤᠯᠠᠭᠤᠯᠬᠤ ᠵᠠᠮ ᠳᠤᠨᠢ ᠨᠢᠬᠡᠨ ᠲᠡᠪᠢᠰᠭᠡᠷ | ᠪᠤᠯᠵᠤ ᠴᠢᠳᠠᠭᠰᠠᠨ ᠪᠠᠶᠢᠯᠠ᠃ ᠢᠡᠭᠬᠢᠭᠰᠡᠨ ᠠᠴᠠ ᠲᠡᠬᠦᠨ ᠤ ᠠᠳᠤᠭᠤᠳ ᠶᠡᠭᠡ ᠲᠡᠵᠢᠭᠡᠯᠭᠡ ᠠᠷᠠᠴᠢᠯᠠᠭᠠ ᠤᠷᠤᠬᠤ ᠦᠬᠡᠢ᠂ | ᠲᠤᠯᠠᠭᠠᠨ ᠬᠠᠰᠢᠶᠠ ᠬᠦᠷᠢᠶᠡ ᠱᠠᠭᠠᠷᠳᠠᠭᠳᠠᠬᠤ ᠦᠬᠡᠢ ᠪᠠᠷ ᠪᠠᠶᠢᠭᠠᠯᠢᠯᠢᠭ ᠮᠠᠯᠵᠢᠬᠤ ᠪᠤᠳᠤᠯ ᠨᠢ ᠪᠡᠶᠡᠯᠡᠭᠳᠡᠵᠦ᠂ ᠠᠰᠢᠭ | ᠤᠯᠬᠤ ᠵᠠᠮ ᠨᠢ ᠳᠡᠪᠢᠰᠦᠭᠳᠡᠭᠰᠡᠨ ᠪᠠᠶᠢᠨᠠ᠃ | ᠡᠷᠳᠡ ᠢᠵᠠᠭᠤᠷ ᠠᠴᠠ ᠪᠠᠨ ᠠᠳᠤᠭᠤᠳᠤ ᠨᠤᠲᠤᠭ ᠬᠡᠮᠡᠬᠦ ᠰᠠᠶᠢᠬᠠᠨ ᠠᠯᠳᠠᠷ ᠢᠶᠠᠨ ᠡᠷᠬᠦᠵᠦ ᠢᠷᠡᠭᠰᠡᠨ ᠮᠠᠨ ᠤ | ᠠᠶᠢᠮᠠᠭ ᠲᠤ ᠤᠳᠤ ᠨᠡᠶᠢᠳᠡ 18 ᠲᠦᠮᠡ ᠭᠠᠷᠤᠢ ᠠᠳᠤᠭᠤ ᠮᠠᠯᠵᠢᠵᠤ ᠪᠠᠶᠢᠭᠠ ᠪᠢᠯᠡ᠃ ᠤᠯᠤᠰ ᠤᠨ ᠲᠤᠭᠠ | ᠪᠦᠷᠢᠳᠬᠡᠯ ᠤᠨ ᠲᠤᠪᠴᠢᠶᠠᠨ ᠤ ᠰᠢᠯᠢ ᠶᠢᠨ ᠭᠤᠤᠯ ᠳᠠᠬᠢ ᠪᠠᠶᠢᠴᠠᠭᠠᠬᠤ ᠠᠩᠬᠢ ᠶᠢᠨ ᠪᠦᠷᠢᠳᠬᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ | ᠨᠢᠳᠤᠨᠤᠨ ᠮᠠᠨ ᠤ ᠠᠶᠢᠮᠠᠭ ᠤᠨ ᠠᠳᠤᠭᠤᠨ ᠤ ᠵᠠᠷᠤᠴᠠᠭᠤᠯᠤᠯᠳᠠ ᠶᠢᠨ ᠲᠤᠭᠠ ᠨᠢ 7 ᠲᠦᠮᠡ ᠶᠢ ᠲᠠᠪᠠᠭᠰᠠᠨ ᠪᠠᠶᠢᠨᠠ᠃ | ᠲᠡᠭᠡᠪᠡᠯ ᠡᠨᠡ ᠵᠠᠷᠤᠴᠠᠭᠤᠯᠤᠯᠳᠠ ᠶᠢᠨ ᠳᠤᠭᠠ ᠪᠠᠷᠢᠮᠳᠠ ᠶᠢ ᠨᠢᠭᠳᠠᠯᠠᠵᠦ ᠯᠠᠪᠯᠠᠪᠠᠯ ᠤᠯᠠᠩᠬᠢ ᠨᠢ ᠾᠧᠪᠡᠢ᠂ ᠡᠾᠧᠨᠠᠨ ᠵᠡᠷᠭᠡ | ᠭᠠᠳᠠᠷ ᠮᠤᠵᠢ ᠬᠤᠳᠠ ᠶᠢᠨ ᠠᠷᠠᠯᠵᠢᠶᠠᠴᠢᠨ ᠤ ᠠᠳᠤᠭᠤᠨ ᠤ ᠮᠢᠬᠠᠨ ᠤ ᠪᠦᠳᠦᠭᠡᠭᠳᠡᠬᠦᠨ ᠬᠢᠬᠦ ᠳᠤᠨᠢ ᠤᠭ ᠮᠠᠲᠤᠷᠢᠶᠠᠯ | ᠬᠠᠨᠭ᠍ᠭᠠᠵᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠠᠳᠤᠭᠤᠳᠤ ᠨᠤᠳᠤᠭ ᠤᠨ ᠠᠯᠳᠠᠷ ᠢ ᠡᠷᠬᠦᠵᠦ᠂ ᠠᠳᠤᠭᠤᠨ ᠤ ᠠᠵᠦ ᠦᠢᠯᠡᠰ ᠢ | ᠬᠦᠭᠵᠢᠬᠦᠯᠬᠦ ᠵᠠᠮ ᠳᠤ ᠬᠦᠴᠦ ᠪᠠᠨ ᠡᠷᠬᠦᠵᠦ ᠪᠠᠶᠢᠭᠠ ᠮᠠᠯᠴᠢᠳ ᠡᠳᠦ᠋ᠬᠡᠨ ᠢᠶᠠᠷ ᠲᠤᠭᠳᠠᠬᠤ ᠦᠬᠡᠢ ᠶᠤᠮ ᠃ |