| ᠵᠠᠭᠤᠨ ᠵᠢᠯ ᠤᠨ ᠡᠷᠲᠡᠨ ᠤ ᠰᠦᠮᠡ ᠪᠡᠶᠢᠰᠡ ᠶᠢᠨ ᠰᠦᠮᠡ ᠰᠢᠯᠢ ᠶᠢᠨ ᠬᠤᠲᠠ ᠶᠢᠨ ᠡᠷᠳᠡᠨᠢ ᠣᠪᠣᠭᠠ | ᠶᠢᠨ ᠡᠮᠦᠨᠡ ᠬᠤᠷᠮᠣᠢ ᠳᠤ ᠪᠠᠶᠢᠷᠢᠯᠠᠳᠠᠭ᠂ ᠰᠠᠬᠢᠯ ᠤᠨ ᠨᠡᠷᠡ ᠨᠢ ︽ᠠᠷᠣᠶᠠ᠂ ᠵᠠᠩ ᠯᠦᠩ ᠂ ᠪᠠᠨᠳᠢᠳᠠ᠂ | ᠭᠡᠭᠡᠨ ᠡᠾᠧᠢ ᠳ᠋ᠧ︾᠂ ᠴᠢᠩ ᠤᠯᠤᠰ ᠤᠨ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠦᠶᠡ ᠳᠤ ᠬᠢᠲᠠᠳ ᠨᠡᠷᠡ ᠨᠢ ︽ᠴᠥᠩ | ᠱᠠᠨ ᠰᠧ︾ ᠃ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠠᠯᠳᠠᠷᠲᠤ ᠪᠣᠷᠬᠠᠨ ᠱᠠᠰᠢᠨ ᠤ ᠰᠤᠷᠭᠠᠭᠤᠯᠢ ᠪᠠ ᠥᠪᠥᠷ ᠮᠣᠩᠭᠤᠯ ᠤᠨ | ᠳᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠳᠦᠷᠪᠡᠨ ᠶᠡᠭᠡ ᠲᠥᠪᠡᠳ ᠠᠴᠠ ᠣᠯᠠᠮᠵᠢᠯᠠᠭᠳᠠᠭᠰᠠᠨ ᠪᠣᠷᠬᠠᠨ ᠤ ᠱᠠᠰᠢᠨ ᠤ ᠰᠦᠮᠡ | ᠬᠡᠶᠢᠳ ᠤᠨ ᠨᠢᠭᠡ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ 2006 ᠣᠨ ᠳᠤ ᠲᠦᠷᠦ ᠶᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠ ᠳᠤ ᠪᠦᠬᠦ | ᠤᠯᠤᠰ ᠤᠨ ᠭᠤᠣᠯᠳᠠᠯᠭᠠ ᠲᠠᠢ ᠲᠡᠦᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠭᠡᠴᠡ ᠪᠠᠷ | ᠵᠢᠭᠰᠠᠭᠠᠭᠳᠠᠵᠤ᠂ 2008 ᠣᠨ ᠳᠤ ᠤᠯᠤᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠲᠣᠪᠴᠢᠶᠠ ᠳᠤ 4A ᠳᠡᠰ ᠤᠨ | ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢ ᠶᠢᠨ ᠣᠷᠣᠨ ᠢᠶᠠᠷ ᠵᠥᠪᠰᠢᠶᠡᠷᠡᠭᠳᠡᠪᠡ᠃ ᠪᠡᠶᠢᠰᠡ ᠶᠢᠨ ᠰᠦᠮᠡ ᠨᠢ ᠥᠨᠢ | ᠤᠳᠠᠭᠠᠨ ᠲᠡᠦᠬᠡ ᠲᠠᠢ᠂ ᠠᠤᠭᠠ ᠰᠦᠷᠯᠢᠭ ᠂ ᠥᠪᠡᠷᠮᠢᠴᠡ ᠪᠠᠷᠢᠯᠭᠠ ᠶᠢᠨ ᠪᠦᠲᠦᠴᠡ᠂ ᠨᠠᠷᠢᠯᠢᠭ ᠰᠠᠶᠢᠬᠠᠨ | ᠪᠠᠷᠢᠯᠭᠠ ᠶᠢᠨ ᠤᠷᠠᠯᠢᠭ ᠪᠠ ᠡᠯᠪᠡᠭ ᠪᠠᠶᠠᠯᠢᠭ ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠠᠯᠠ | ᠨᠤᠲᠤᠭ ᠲᠤ ᠠᠯᠳᠠᠷᠰᠢᠭᠰᠠᠨ ᠶᠤᠮ᠃ ᠪᠡᠶᠢᠰᠡ ᠶᠢᠨ ᠰᠦᠮᠡ ᠪᠣᠯ ᠰᠢᠯᠢ ᠶᠢᠨ ᠬᠤᠲᠠ ᠶᠢᠨ ᠡᠷᠲᠡᠨ ᠤ | ᠪᠠᠷᠢᠯᠭᠠ ᠶᠢᠨ ᠲᠡᠦᠬᠡᠨ ᠳᠠᠬᠢ ᠨᠢᠭᠡᠨ ᠬᠡᠷᠡᠯᠳᠦ ᠰᠤᠪᠤᠳ ᠮᠥᠨ᠂ ᠦᠨᠳᠦᠰᠦᠲᠡᠨ ᠤ ᠱᠠᠰᠢᠨ ᠰᠤᠷᠲᠠᠬᠤᠨ ᠤ | ᠰᠣᠶᠣᠯ ᠤᠨ ᠥᠪ᠂ ᠲᠡᠦᠬᠡ ᠰᠣᠶᠣᠯ ᠤᠨ ᠦᠨᠡ ᠴᠡᠨᠡ ᠲᠠᠢ ᠠᠮᠢᠳᠤ ᠦᠯᠢᠭᠡᠷ ᠬᠡᠪ ᠮᠥᠨ᠃ | ᠪᠡᠶᠢᠰᠡ ᠶᠢᠨ ᠰᠦᠮᠡ ᠶᠢ ᠴᠢᠩ ᠤᠯᠤᠰ ᠤᠨ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠨᠠᠢᠮᠠᠳᠤᠭᠠᠷ ᠣᠨ ︵ᠣᠨ | ᠲᠣᠭᠠᠯᠠᠯ ᠤᠨ 1743 ᠣᠨ︶ ᠳᠤ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ᠂ ᠳᠣᠯᠣᠭᠠᠨ ᠦᠶᠡ ᠶᠢᠨ ᠭᠡᠭᠡᠨ ᠲᠠᠰᠤᠷᠠᠯᠲᠠ ᠦᠭᠡᠢ | ᠵᠠᠰᠠᠨ ᠰᠡᠯᠪᠢᠪᠡ᠃ ᠪᠦᠬᠦ᠋ᠢᠯᠡ ᠪᠠᠷᠢᠯᠭᠠ ᠨᠤᠭᠤᠳ ᠨᠢ ᠴᠣᠭᠴᠢᠨ ᠲᠣᠭᠠᠩ ︵ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠢᠴᠢᠶᠡᠯ | ᠬᠥᠮᠦᠵᠢᠯ ᠤᠨ ᠬᠡᠯᠲᠡᠰ︶᠂ ᠮᠢᠩᠭᠠᠨ ᠲᠣᠭᠠᠩ ︵ᠣᠷᠴᠢᠭᠤᠯᠭᠠ ᠬᠡᠪᠯᠡᠯ ᠤᠨ ᠬᠡᠯᠲᠡᠰ︶᠂ ᠴᠣᠶᠢᠷᠸᠠ ᠶᠢᠨ | ᠲᠣᠭᠠᠩ ︵ᠰᠢᠶᠠᠨ ᠽᠥᠩ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠡᠯᠲᠡᠰ︶ ᠵᠡᠷᠭᠡ ᠭᠤᠷᠪᠠᠨ ᠶᠡᠭᠡ ᠰᠦᠮᠡ ᠪᠠᠷ ᠲᠥᠪ ᠪᠤᠯᠭᠠᠵᠣ | ᠂ ᠡᠭᠦᠨ ᠳᠤ ᠵᠦᠳᠤᠪᠠ ᠲᠣᠭᠠᠩ ︵ᠨᠢᠭᠤᠴᠠ ᠬᠥᠯᠭᠡ ᠶᠢᠨ ᠰᠢᠨᠵᠢᠯᠡᠭᠡᠨ ᠤ ᠬᠡᠯᠲᠡᠰ︶᠂ ᠮᠠᠨᠪᠠ ᠲᠣᠭᠠᠩ ︵ | ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠬᠡᠯᠲᠡᠰ︶᠂ ᠽᠦᠩᠺᠠᠪᠠ ᠲᠣᠭᠠᠩ᠂ ᠳ᠋ᠢᠩ ᠺᠧ ᠡᠯ ᠲᠣᠭᠠᠩ ︵ᠣᠳᠣᠨ ᠣᠷᠣᠨ ᠤ | ᠲᠣᠭᠠᠨ ᠤ ᠤᠬᠠᠭᠠᠨ ᠤ ᠬᠡᠯᠲᠡᠰ︶᠂ ᠰᠢᠨᠡ ᠯᠠᠪᠷᠣᠩ ᠲᠣᠭᠠᠩ ︵ᠭᠡᠭᠡᠨ ᠤ ᠣᠷᠳᠣᠨ︶ ᠵᠡᠷᠭᠡ ᠨᠠᠢᠮᠠᠨ ᠲᠣᠮᠣ | ᠬᠠᠷᠰᠢ ᠪᠠᠭᠲᠠᠨᠠ᠂ ᠮᠠᠰᠢ ᠣᠯᠠᠨ ᠰᠦᠮᠡ ᠬᠡᠶᠢᠳ ᠵᠢᠴᠢ ᠵᠢᠷᠭᠤᠭᠠᠨ ᠪᠣᠷᠬᠠᠨ ᠤ ᠰᠤᠪᠤᠷᠭᠠ ᠨᠢ 1.2 ᠲᠡᠭᠰᠢ | ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠲᠠᠯᠠᠪᠠᠶ ᠪᠦᠬᠦᠢ ᠠᠪᠤᠷᠭᠤ ᠲᠣᠮᠣ ᠪᠠᠷᠢᠯᠭᠠ ᠶᠢᠨ ᠴᠣᠭᠯᠠᠷᠠᠯ ᠢ ᠪᠣᠶ ᠪᠣᠯᠭᠠᠵᠤ᠂ ᠪᠠᠳᠠᠷᠠᠨ | ᠬᠥᠭᠵᠢᠭᠰᠡᠨ ᠦᠶᠡ ᠳᠤ ᠯᠠᠮᠠ ᠬᠤᠸᠠᠷᠠᠭ 1200 ᠭᠠᠷᠤᠢ ᠬᠥᠮᠥᠨ ᠪᠠᠶᠢᠪᠠ᠃ | ᠪᠡᠶᠢᠰᠡ ᠶᠢᠨ ᠰᠦᠮᠡ ᠶᠢᠨ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠨᠢ ᠣᠯᠠᠨ ᠪᠦᠭᠡᠳ ᠰᠡᠳᠦᠪᠯᠡᠬᠦᠨ | ᠪᠠᠶᠠᠯᠢᠭ᠂ ᠂ ᠡᠯᠡ ᠰᠤᠳᠤᠷ ᠤᠨ ᠲᠠᠩᠬᠢᠮ ᠳᠤ ᠣᠯᠠᠨ ᠶᠠᠩᠵᠤ ᠶᠢᠨ ᠪᠤᠷᠬᠠᠨ ᠤ ᠬᠥᠷᠥᠭ ᠢ ᠱᠤᠭᠤᠵᠤ᠂ ᠲᠤᠭᠠ | ᠲᠣᠮᠰᠢ ᠦᠭᠡᠢ ᠣᠯᠠᠨ ᠲᠥᠷᠥᠯ ᠵᠦᠢᠯ ᠪᠠᠶᠢᠳᠠᠭ᠃ ᠱᠠᠭᠵᠠ ᠶᠢᠨ ᠬᠥᠷᠥᠭ ᠢᠶᠠᠷ ᠭᠤᠣᠯ ᠪᠣᠯᠭᠠᠭᠰᠠᠨ | ᠵᠢᠷᠤᠭ ᠤᠨ ᠱᠤᠭᠤᠮᠠᠯ᠂ ᠰᠢᠪᠠᠷ ᠱᠤᠭᠤᠮᠠᠯ᠂ ᠵᠡᠰ ᠮᠣᠳᠣᠨ ᠤ ᠪᠤᠷᠬᠠᠨ ᠤ ᠬᠥᠷᠥᠭ ᠬᠡᠳᠦᠨ ᠮᠢᠩᠭᠠ ᠪᠠᠶᠢᠵᠣ᠂ | ᠴᠥᠭᠡᠨ ᠪᠤᠰᠤ ᠴᠤᠯᠤ ᠠᠯᠲᠠ ᠮᠥᠩᠭᠦ ᠪᠠ ᠠᠯᠲᠠ ᠮᠥᠩᠭᠦ ᠪᠠᠷ ᠴᠢᠮᠡᠭᠯᠡᠭᠰᠡᠨ ᠪᠤᠷᠬᠠᠨ ᠤ ᠬᠥᠷᠥᠭ ᠪᠠᠶᠢᠵᠣ᠂ | ᠣᠯᠠᠩᠬᠢ ᠨᠢ ᠵᠡᠰ ᠪᠤᠷᠬᠠᠨ ᠤ ᠬᠥᠷᠥᠭ ᠪᠣᠯᠣᠨᠠ᠃ ᠲᠤᠰ ᠰᠦᠮᠡ ᠶᠢᠨ ᠡᠯᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠡᠯᠲᠡᠰ ᠲᠤ | ᠡᠯᠪᠡᠭ ᠪᠠᠶᠠᠯᠢᠭ ᠨᠣᠮ ᠰᠤᠳᠤᠷ ᠲᠠᠢ᠃ ᠲᠡᠭᠦᠨ ᠤ ᠡᠷᠬᠢᠮ ᠨᠠᠨᠳᠢᠨ ᠨᠣᠮ ᠰᠤᠳᠤᠷ ᠲᠤ ︽ᠭᠠᠨᠵᠤᠤᠷ︾᠂ ︽ | ᠳ᠋ᠠᠨᠵᠤᠤᠷ ︾ ᠤᠨ ᠬᠤᠶᠠᠳᠤᠭᠠᠷ ᠢᠵᠢ ᠵᠢᠴᠢ ︽ᠽᠦᠩᠺᠠᠪᠠ ᠶᠢᠨ ᠪᠦᠷᠢᠨ ᠵᠣᠬᠢᠶᠠᠯ︾᠂ ︽ᠪᠤᠷᠬᠠᠨ ᠤ ᠰᠤᠷᠭᠠᠯ ᠤᠨ | ᠴᠢᠬᠤᠯᠠ ᠤᠳᠬᠠ︾᠂ ︽ᠰᠤᠳᠤᠷ ᠲᠠᠷᠨᠢ︾ ᠵᠡᠷᠭᠡ ᠪᠤᠢ᠂ ᠪᠠᠰᠠ ᠲᠥᠪᠡᠳ ᠬᠡᠯᠡᠨ ᠠᠴᠠ ᠣᠷᠴᠢᠭᠤᠯᠣᠭᠰᠠᠨ | ᠮᠣᠩᠭᠤᠯ ᠬᠡᠯᠡᠨ ᠤ ᠨᠣᠮ ᠰᠤᠳᠤᠷ ᠤᠳ ᠪᠤᠢ᠂ ᠨᠡᠶᠢᠳᠠ ᠲᠦᠷᠪᠡᠨ ᠮᠢᠩᠭᠠ ᠭᠠᠷᠤᠢ ᠪᠣᠳᠢ ᠪᠠᠶᠢᠳᠠᠭ᠃ | ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠨᠡᠶᠢᠭᠡᠮ ᠤᠯᠤᠰ ᠲᠥᠷᠥ᠂ ᠬᠤᠳᠠᠯᠳᠤᠭᠠ ᠠᠵᠤ ᠠᠬᠤᠢ᠂ ᠱᠠᠰᠢᠨ ᠰᠤᠷᠲᠠᠬᠤᠨ | ᠰᠣᠶᠣᠯ᠂ ᠮᠣᠩᠭᠤᠯ ᠲᠥᠪᠡᠳ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠨ ᠵᠡᠷᠭᠡ ᠠᠵᠢᠯᠯᠠᠭᠠ ᠨᠢ ᠴᠥᠮ ᠪᠡᠶᠢᠰᠡ ᠶᠢᠨ | ᠰᠦᠮᠡ ᠪᠠᠷ ᠲᠡᠦᠬᠡ ᠶᠢᠨ ᠡᠬᠢ ᠰᠤᠷᠪᠤᠯᠵᠢ ᠪᠣᠯᠭᠠᠵᠤ᠂ ᠪᠡᠶᠢᠰᠡ ᠶᠢᠨ ᠰᠦᠮᠡ ᠨᠢ ᠨᠢᠭᠡᠨᠲᠡ ᠰᠢᠯᠢ ᠶᠢᠨ ᠬᠤᠲᠠ | ᠵᠢᠴᠢ ᠡᠷᠬᠢᠨ ᠲᠣᠭᠤᠷᠢᠨ ᠤ ᠭᠠᠵᠠᠷ ᠣᠷᠣᠨ ᠤ ᠲᠡᠦᠬᠡ ᠰᠣᠶᠣᠯ ᠤᠨ ᠰᠤᠳᠠᠰᠤ ᠶᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ | ᠭᠤᠣᠯ ᠠᠴᠢᠶᠠᠯᠠᠪᠤᠷᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ |