ᠶᠠᠰᠤ ᠭᠡᠬᠦ ᠪᠠᠷ ᠨᠢᠭᠡ ᠦᠶᠠ ᠬᠠᠶᠠᠭᠳᠠᠮᠠᠯ ᠤᠨ ᠳᠤᠭᠠᠨ ᠳᠤ ᠤᠷᠤᠭᠠᠳ ᠶᠠᠪᠤᠵᠦ ᠪᠠᠶᠢᠭᠰᠠᠨ ᠵᠦᠢᠯ ᠭᠡᠳᠡᠭ ᠢ ᠳᠠ | ᠪᠢᠳᠡ ᠠᠨᠳᠠᠬᠤ ᠦᠭᠡᠢ᠃ ᠶᠠᠭ ᠶᠤᠰᠤᠨ ᠳᠠᠭᠠᠨ ᠶᠠᠮᠠᠷᠴᠤ ᠬᠠᠶᠠᠭᠳᠠᠮᠠᠯ ᠦᠭᠡᠢ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠤᠨ | ᠤᠭ ᠤᠨᠴᠠᠯᠢᠭ ᠢ ᠮᠦᠷᠳᠡᠬᠦ ᠶᠤᠮ ᠪᠤᠯ ᠶᠠᠰᠤ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠮᠠᠰᠢ ᠴᠢᠬᠤᠯᠠ ᠦᠢᠯᠡᠳᠦᠯ | ᠭᠡᠷᠡᠭᠴᠡᠭᠡ ᠪᠠᠨ ᠪᠠᠳᠠᠷᠠᠭᠤᠯᠵᠦ ᠪᠠᠶᠢᠭᠰᠠᠨ ᠶᠤᠮᠰᠠᠨ᠃ ᠲᠠᠮᠢᠷ ᠳᠡᠩᠭᠡᠭᠡ ᠮᠠᠭᠤᠳᠠᠭᠰᠠᠨ ᠬᠦᠮᠦᠨ ᠳᠡᠭᠡᠨ ᠶᠠᠰᠤᠨ ᠤ | ᠱᠦᠯᠦ ᠤᠤᠭᠤᠯᠭᠠᠬᠤ ᠳᠤ ᠭᠠᠶᠢᠬᠠᠮᠰᠢᠭᠳᠠᠢ ᠦᠷᠡ ᠳ᠋ᠦᠡᠭ ᠲᠠᠢ ᠪᠠᠶᠢᠳᠠᠭ ᠢ ᠰᠢᠨᠠ ᠴᠠᠭ ᠤᠨ ᠵᠠᠯᠠᠭᠤᠴᠤᠳ ᠮᠡᠳᠡᠬᠦ | ᠦᠭᠡᠢ ᠭᠡᠬᠦ ᠠᠴᠠ ᠪᠢᠰᠢ᠂ ᠠᠬᠠᠮᠠᠳ ᠤᠳ ᠪᠤᠯ ᠰᠠᠶᠢᠨ ᠮᠡᠳᠡᠬᠦ ᠨᠢ ᠮᠡᠳᠡᠭᠡᠵᠢ᠃ ᠬᠦᠭᠰᠢᠨ ᠨᠠᠰᠤᠳᠠᠢ ᠬᠦᠮᠦᠰ ᠪᠤᠶᠤ | ᠬᠦᠯ ᠬᠦᠨᠳᠦ ᠪᠦᠰᠡᠬᠦ᠋ᠢᠴᠤᠳ᠂ ᠴᠢᠨᠠᠭᠰᠢᠯᠠᠪᠠᠯ ᠶᠠᠰᠤᠨ ᠤ ᠪᠠᠷᠳᠠᠯ ᠬᠤᠭᠤᠷᠠᠯ ᠲᠠᠢ ᠬᠦᠮᠦᠰ ᠲᠤ ᠶᠠᠰᠤᠨ ᠤ | ᠱᠦᠯᠦ ᠤᠤᠭᠤᠯᠭᠠᠪᠠᠯ ᠬᠦᠴᠦ ᠳᠠᠮᠢᠷ ᠨᠦᠬᠦᠵᠦ᠂ ᠴᠤᠭ ᠵᠤᠯᠪᠤᠭᠠ ᠨᠢ ᠪᠠᠳᠠᠷᠠᠳᠠᠭ ᠪᠢᠯᠡ᠃ ᠮᠤᠩᠭᠤᠯ ᠠᠨᠠᠭᠠᠬᠤ | ᠤᠬᠠᠭᠠᠨ ᠳᠤ ᠴᠤ ᠶᠠᠰᠤᠨ ᠤ ᠱᠦᠯᠦ ᠶᠢᠨ ᠬᠦᠯᠭᠡ ᠲᠠᠢ ᠡᠮ ᠢ ᠤᠳᠤ ᠳᠤ ᠬᠦᠷᠳᠡᠯᠡ ᠭᠡᠷᠡᠭᠯᠡᠭᠰᠡᠭᠡᠷ ᠪᠠᠶᠢᠭᠠ | ᠶᠤᠮᠰᠠᠨ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠶᠠᠰᠤ ᠪᠠᠷ ᠬᠢᠳᠤᠭᠠᠨ ᠤ ᠬᠤᠢ ᠬᠢᠬᠦ᠂ ᠴᠢᠳᠤᠷ ᠤᠨ ᠴᠢᠭᠳᠠ᠂ ᠶᠠᠰᠤᠨ ᠰᠠᠪᠬᠠ | ᠬᠢᠬᠦ ᠵᠡᠷᠭᠡ ᠤᠯᠠᠨ ᠳᠠᠯᠠ ᠳᠤ ᠠᠰᠢᠭᠯᠠᠵᠦ ᠪᠠᠶᠢᠭᠰᠠᠨ ᠪᠢᠯᠡ᠃ ᠬᠦᠳᠡᠭᠡ ᠨᠤᠲᠤᠭ ᠢᠶᠠᠷ ᠰᠤᠷᠪᠤᠯᠵᠢᠯᠠᠵᠦ | ᠶᠠᠪᠤᠬᠤ ᠳᠤ ᠨᠢᠭᠡ ᠮᠠᠯᠴᠢᠨ᠄ ︽ᠡᠨᠡ ᠶᠠᠭᠤᠨ ᠤ ᠳᠤᠰᠤ ᠪᠤᠢ︖︾ ᠭᠡᠵᠦ ᠨᠠᠳᠠ ᠠᠴᠠ ᠠᠰᠠᠭᠤᠯᠠ᠃ ︽ᠰᠢᠷᠠ | ᠳᠤᠰᠤ ᠪᠠᠶᠢᠨᠠ ᠰᠢᠳᠡ︾ ᠭᠡᠬᠦ ᠳᠤ᠄ ︽ᠪᠢ ᠪᠠᠰᠠ ᠠᠨᠳᠠᠭᠤᠷᠠᠭᠠᠳ ᠪᠠᠶᠢᠳᠠᠭ ᠶᠤᠮ ᠴᠢᠨᠢ ᠳᠠ ᠠᠨᠳᠠᠭᠤᠷᠠᠬᠤ ᠨᠢ | ᠳᠦᠮᠡᠨ ᠵᠦᠪ︾ ᠭᠡᠰᠡᠨ ᠪᠢᠯᠡ᠃ ᠳᠡᠷᠡ ᠶᠠᠰᠤᠨ ᠤ ᠳᠤᠰᠤ ᠪᠠᠶᠢᠭᠰᠠᠨ ᠠᠵᠢ᠃ ᠰᠢᠷᠠ ᠳᠤᠰᠤ ᠰᠢᠭ᠋ ᠨᠤᠯ ᠰᠢᠷᠠ | ᠦᠡᠭᠭᠡ ᠲᠠᠢ᠃ ᠠᠮᠳᠠ ᠨᠢ ᠠᠷᠠᠢ ᠵᠢᠭᠠᠬᠠᠨ ᠤᠨᠳᠤᠤ ᠠᠴᠠ ᠪᠢᠰᠢ ᠦᠭᠡᠷᠡ ᠶᠠᠮᠠᠷᠴᠤ ᠢᠯᠭᠠᠭᠠ ᠦᠭᠡᠢ ᠪᠠᠶᠢᠪᠠ᠃ | ︽ᠡᠬᠦᠨ ᠢᠶᠠᠷ ᠳᠤᠰᠤᠨ ᠤᠷᠢᠶᠠᠮᠠᠭ ᠬᠢᠭᠡᠳ ᠢᠳᠡᠬᠦ ᠶᠤᠮ ᠪᠤᠯ ᠴᠢᠬᠢ ᠶᠢ ᠴᠢᠨᠢ ᠤᠭᠳᠤᠯᠤᠭᠰᠠᠨ ᠴᠤ ᠮᠡᠳᠡᠬᠦ | ᠦᠭᠡᠢ︾ ᠭᠡᠰᠡᠨ ᠮᠠᠯᠴᠢᠨ ᠤ ᠶᠠᠷᠢᠶᠠ ᠶᠠᠰᠤᠨ ᠤ ᠳᠤᠰᠤᠨ ᠤ ᠦᠨᠡ ᠴᠠᠨᠠ᠂ ᠤᠬᠢ ᠰᠢᠮᠡ ᠶᠢ ᠪᠤᠳᠤᠯ ᠳᠤ | ᠮᠦᠡᠭᠭᠡᠷᠡᠬᠦᠯᠵᠦ ᠦᠯᠡᠳᠡᠭᠡᠵᠡᠢ᠃ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ᠂ ᠳᠡᠤᠬᠡ ᠶᠢᠨ ᠰᠢᠯᠳᠠᠭᠠᠨ ᠵᠢᠴᠢ ᠠᠮᠢᠳᠤᠷᠠᠯ ᠤᠨ | ᠭᠡᠷᠡᠭᠯᠡᠭᠡᠨ ᠳᠤ ᠠᠰᠢᠭᠯᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠵᠡᠷᠭᠡ ᠳᠠᠯᠠ ᠳᠠᠯᠠ ᠶᠢᠨ ᠰᠢᠯᠳᠠᠭᠠᠨ ᠢᠶᠠᠷ ᠶᠠᠰᠤ ᠪᠠᠰᠠ ᠨᠢᠭᠡ ᠦᠶᠡ | ᠬᠠᠶᠠᠭᠳᠠᠮᠠᠯ ᠤᠨ ᠳᠤᠭᠠᠨ ᠳᠤ ᠤᠷᠤᠵᠦ᠂ ᠤᠨ ᠴᠠᠭ ᠤᠨ ᠳᠤᠮᠳᠠ ᠤᠷᠤᠰᠢᠯ ᠤᠨ ᠦᠨᠡ ᠦᠷᠳᠡᠭ ᠢᠶᠠᠨ | ᠠᠯᠳᠠᠬᠤ ᠳᠤ ᠬᠦᠷᠴᠤ᠂ ᠪᠠᠷᠤᠭ ᠯᠡ ᠬᠠ ᠭᠤᠶᠡ ᠶᠢᠨ ᠶᠠᠰᠤ ᠶᠢ ᠴᠤ ᠢᠯᠭᠠᠬᠤ ᠦᠭᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ | ᠶᠤᠮ᠃ ᠦᠪᠡᠷ ᠤᠨ ᠢᠶᠠᠨ ᠶᠠᠭᠤᠮᠠ ᠶᠢ ᠦᠪᠡᠷ ᠢᠶᠠᠨ ᠢᠡᠭᠬᠢᠵᠦ ᠭᠡᠭᠡᠵᠦ ᠤᠷᠬᠢᠵᠦ ᠪᠠᠶᠢᠬᠤ ᠬᠦᠮᠦᠰ ᠪᠠᠶᠢᠨᠠ | ᠭᠡᠬᠦ ᠳᠤ ᠳᠡᠬᠦᠨ ᠤ ᠦᠨᠠ ᠴᠠᠨᠠ ᠶᠢ ᠮᠡᠳᠡᠷᠡᠵᠦ᠂ ᠪᠦᠷ ᠶᠡᠭᠡ ᠪᠠᠷ ᠳᠡᠭᠡᠳᠦᠯᠡᠨ ᠠᠰᠢᠭᠯᠠᠵᠦ ᠪᠠᠶᠢᠬᠤ ᠬᠦᠮᠦᠨ ᠴᠤ | ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ᠃ ᠳᠡᠳᠡ ᠪᠤᠯ ᠴᠠᠭ ᠳᠦᠷᠦ ᠶᠢᠨ ᠬᠦᠭᠵᠢᠯᠳᠡ ᠶᠢᠨ ᠤᠨᠴᠠᠯᠢᠭ ᠢ ᠠᠳᠬᠤᠵᠦ ᠴᠢᠳᠠᠭᠰᠠᠨ | ᠬᠦᠮᠦᠰ᠃ ᠵᠠᠬᠠ ᠳᠡᠯᠭᠡᠬᠦᠷ ᠤᠨ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠡ ᠶᠢᠨ ᠠᠶᠢᠵᠠᠮ ᠢ ᠳᠠᠭᠠᠭᠠᠳ ᠰᠤᠶᠤᠯ | ᠵᠤᠭᠠᠴᠠᠯ ᠢᠶᠠᠷ ᠭᠠᠵᠠᠷ ᠤᠷᠤᠨ ᠤ ᠠᠵᠤ ᠠᠬᠤᠢ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠳᠦᠯᠬᠢᠨ ᠠᠬᠢᠭᠤᠯᠬᠤ ᠳᠦᠷᠦ ᠶᠢᠨ | ᠪᠤᠳᠤᠯᠭᠠ ᠶᠢᠨ ᠬᠦᠭ ᠠᠶᠠᠰ ᠲᠤ ᠦᠪᠡᠷ ᠤᠨ ᠢᠶᠠᠨ ᠠᠶᠠᠯᠭᠤ ᠶᠢ ᠨᠡᠮᠡᠵᠦ ᠦᠭᠴᠦ ᠴᠢᠳᠠᠭᠰᠠᠨ ᠬᠦᠮᠦᠰ ᠪᠢᠯᠡ᠃ | ᠰᠤᠶᠤᠯ ᠵᠤᠭᠠᠴᠠᠯ ᠤᠨ ᠬᠦᠭᠵᠢᠯᠳᠡ ᠲᠠᠢ ᠵᠤᠬᠢᠴᠠᠭᠤᠯᠤᠨ ᠶᠠᠰᠤᠨ ᠤᠷᠠᠯᠠᠯ ᠢ ᠬᠦᠭᠵᠢᠬᠦᠯᠦᠭᠰᠡᠨ ᠢᠶᠠᠷ ᠶᠠᠰᠤ | ᠳᠠᠬᠢᠭᠠᠳ ᠯᠡ ᠦᠪᠡᠷ ᠤᠨ ᠦᠨᠡ ᠦᠷᠳᠡᠭ ᠢᠶᠠᠨ ᠤᠯᠤᠭᠰᠠᠨ ᠪᠤᠶᠤ ᠤᠭ ᠤᠨ ᠬᠢ ᠠᠴᠠ ᠪᠠᠨ ᠴᠤ ᠦᠨᠡᠳᠡᠢ | ᠳᠦᠪᠰᠢᠨ ᠳᠤ ᠬᠦᠷᠦᠭᠰᠡᠨ ᠳ᠋ᠡᠭ᠃ | ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠠᠰᠢᠭ ᠰᠢᠮᠠ ᠶᠢ ᠳᠠᠩᠰᠤᠭᠯᠠᠨ ᠡᠳ᠋ᠯᠡᠵᠦ ᠢᠷᠡᠭᠰᠡᠨ ᠮᠤᠩᠭᠤᠯᠴᠤᠳ ᠮᠠᠯ ᠤᠨ | ᠮᠢᠬᠠ ᠪᠠᠨ ᠡᠳ᠋ᠰᠢᠬᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠤᠭᠠᠳ ᠠᠮᠢᠳᠤᠷᠠᠯ ᠤᠨ ᠭᠡᠷᠡᠭᠴᠡᠭᠡ ᠪᠠᠨ ᠬᠠᠨᠭ᠍ᠭᠠᠵᠦ ᠢᠷᠡᠭᠰᠡᠨ | ᠤᠯᠠᠮᠵᠢᠯᠠᠯ ᠲᠠᠢ᠃ ᠳᠡᠷᠡ ᠳᠤᠮᠳᠠ ᠶᠠᠰᠤ ᠶᠠᠭᠠᠬᠢᠯᠳᠠ ᠴᠤ ᠦᠭᠡᠢ ᠭᠠᠷᠴᠤ ᠢᠷᠡᠨᠡ᠃ ᠳᠡᠬᠦᠨ ᠤ ᠦᠨᠡ | ᠴᠠᠨᠠ ᠶᠢ ᠮᠡᠳᠡᠷᠡᠵᠦ᠂ ᠨᠡᠩ ᠴᠢᠨᠠᠭᠰᠢᠯᠠᠨ ᠰᠤᠶᠤᠯ ᠤᠷᠠᠯᠢᠭ᠂ ᠰᠤᠶᠤᠯ ᠵᠤᠭᠠᠴᠠᠯ ᠲᠠᠢ ᠬᠤᠯᠪᠤᠭᠳᠠᠭᠤᠯᠤᠨ | ᠬᠦᠭᠵᠢᠬᠦᠯᠬᠦ ᠤᠷᠠ ᠤᠬᠠᠭᠠᠨ ᠪᠠᠰᠠᠯᠠ ᠮᠠᠩᠯᠠᠢ ᠤᠬᠠᠭᠠᠨ ᠭᠡᠭᠳᠡᠭᠰᠡᠨ ᠮᠠᠯᠴᠢᠨ ᠤᠬᠠᠭᠠᠨ ᠠᠴᠠ ᠰᠠᠯᠵᠦ ᠴᠢᠳᠠᠰᠢ | ᠦᠭᠡᠢ᠃ ᠮᠠᠨᠳᠤᠬᠤ ᠭᠡᠭᠴᠢ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠠᠷ ᠨᠤᠲᠤᠭᠳᠠᠢ ᠨᠢᠭᠡᠨ ᠭᠠᠷ ᠤᠷᠠᠯᠢᠭᠴᠢᠨ ᠪᠤᠢ᠃ | ᠳᠡᠷᠡ ᠳᠡᠮᠡᠭᠡᠨ ᠤ ᠪᠤᠭᠳᠤᠰ ᠪᠤᠯᠤᠨ ᠬᠦᠵᠦᠬᠦᠨ ᠤ ᠶᠠᠰᠤ ᠪᠠᠷ ᠰᠠᠷᠠ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠯᠤᠤ | ᠤᠷᠠᠯᠠᠭᠠᠳ 30 ᠳᠦᠮᠡᠨ ᠳᠦᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠦ ᠪᠠᠶᠢᠭᠰᠠᠨ ᠭᠡᠪᠡᠯ ᠳᠠ ᠪᠦᠬᠦᠨ ᠭᠠᠶᠢᠬᠠᠬᠤ ᠪᠠᠶᠢᠬᠠ᠃ | ᠶᠠᠰᠤ ᠶᠢ ᠶᠠᠨᠳᠠᠰᠢ ᠦᠭᠡᠢ ᠦᠨᠡ ᠳᠤ ᠬᠦᠷᠭᠡᠭᠰᠡᠨ ᠨᠢ ᠡᠨᠡ ᠨᠢᠭᠡ ᠯᠡ ᠪᠦᠳᠦᠭᠡᠭᠳᠡᠬᠦᠨ ᠪᠢᠰᠢ᠂ ᠦᠭᠡᠷ ᠤᠨ | ᠳᠠᠯᠤᠨ ᠳᠡᠭᠡᠷᠡ ᠰᠡᠶᠢᠯᠪᠤᠷᠢᠯᠡᠭᠰᠡᠨ ᠶᠠᠰᠤᠨ ᠤᠷᠠᠯᠠᠯ ᠤᠨ ᠪᠦᠳᠦᠭᠡᠭᠳᠡᠬᠦᠨ ᠢᠶᠠᠨ ᠤᠯᠠᠩᠬᠢ ᠳᠠᠭᠠᠨ 1000 ᠭᠠᠷᠤᠢ | ᠳᠦᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠳᠠᠭ ᠠᠵᠢ᠃ ᠮᠠᠨᠳᠤᠬᠤ ᠪᠠᠰᠠ ᠨᠢᠭᠡ ᠬᠤᠨᠢᠨ ᠤ ᠳᠤᠯᠤᠭᠠᠢ ᠠᠴᠠ ᠡᠬᠢᠯᠡᠭᠡᠳ | ᠰᠡᠬᠦᠯ ᠳᠤᠨᠢ ᠭᠦᠷᠳᠡᠯᠡᠭᠢ ᠪᠦᠬᠦ ᠶᠠᠰᠤ ᠪᠠᠷ ᠭᠠᠷ ᠤᠷᠠᠯᠠᠯ ᠤᠨ ᠪᠦᠳᠦᠭᠡᠭᠳᠡᠬᠦᠨ ᠤᠷᠠᠯᠠᠭᠠᠳ 6000 | ᠳᠦᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠦ ᠪᠠᠶᠢᠭᠰᠠᠨ ᠳᠡᠤᠬᠡ ᠲᠠᠢ ᠠᠵᠢ᠃ ᠡᠨᠡ ᠪᠦᠳᠦᠭᠡᠭᠳᠡᠬᠦᠨ ᠢ ᠬᠢᠬᠦ ᠳᠤ ᠮᠠᠨᠳᠤᠬᠤ | ᠬᠤᠶᠠᠷ ᠵᠢᠯ ᠭᠠᠷᠤᠢ ᠶᠢᠨ ᠴᠠᠭ ᠬᠡᠷᠡᠭᠰᠡᠭᠰᠡᠨ ᠭᠡᠳᠡᠭ᠃ ᠪᠦᠬᠦ ᠶᠠᠰᠤ ᠶᠢ ᠴᠤᠭᠯᠠᠭᠤᠯᠬᠤ ᠭᠡᠳᠡᠭ ᠴᠠᠭ ᠤᠷᠤᠬᠤ | ᠠᠵᠢᠯ᠃ ᠭᠡᠬᠦ ᠳᠡᠭᠡᠨ ᠮᠠᠨᠳᠤᠬᠤ ᠶᠠᠭᠤ ᠭᠡᠵᠦ ᠵᠠᠪᠠᠯ ᠮᠠᠯ ᠤᠨ ᠪᠦᠬᠦᠯᠢ ᠪᠦᠳᠦᠨ ᠶᠠᠰᠤ ᠶᠢ ᠤᠷᠠᠯᠠᠬᠤ ᠭᠡᠰᠡᠨ ᠶᠤᠮ | ᠪᠤᠢ ᠭᠡᠪᠡᠯ ᠪᠠᠰᠠᠯᠠ ᠨᠦᠬᠦᠭᠡ ᠰᠤᠶᠤᠯ ᠳᠡᠤᠬᠡ ᠪᠠᠨ ᠪᠦᠷᠢᠨ ᠪᠦᠳᠦᠨ ᠢᠶᠠᠷ ᠨᠢ ᠠᠪᠴᠤ ᠦᠯᠡᠳᠡᠬᠦ ᠭᠡᠰᠡᠨ | ᠵᠤᠷᠢᠯᠳᠠ ᠶᠢᠨ ᠢᠶᠠᠨ ᠳᠦᠯᠦᠭᠡ ᠪᠠᠶᠢᠯᠠ᠃ ᠮᠠᠯ ᠤᠨ ᠶᠠᠰᠤ ᠪᠠᠨ ᠴᠤ ᠪᠦᠷᠢᠨ ᠪᠦᠳᠦᠨ ᠨᠡᠷᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ | ᠪᠤᠯᠤᠭᠰᠠᠨ ᠨᠢ ᠶᠠᠰᠤ ᠬᠠᠶᠠᠭᠳᠠᠮᠠᠯ ᠤᠨ ᠳᠤᠭᠠᠨ ᠳᠤ ᠤᠷᠤᠬᠤ ᠶᠢ ᠳᠠᠭᠠᠯᠳᠤᠭᠠᠳ ᠭᠠᠷᠴᠤ ᠢᠷᠡᠭᠰᠡᠨ ᠨᠡᠩ ᠳᠤᠮᠤ | ᠠᠶᠤᠮᠰᠢᠭ ᠪᠢᠯᠡ᠃ ᠶᠠᠰᠤᠨ ᠤᠷᠠᠯᠠᠯ ᠬᠢᠬᠦ ᠶᠢᠨ ᠯᠡ ᠳᠦᠯᠦᠭᠡ ᠪᠢᠰᠢ᠂ ᠶᠠᠰᠤ ᠲᠠᠢ ᠬᠤᠯᠪᠤᠭᠠ ᠲᠠᠢ ᠰᠤᠶᠤᠯ | ᠳᠡᠤᠬᠡ᠂ ᠵᠠᠩ ᠵᠠᠩᠰᠢᠯ᠂ ᠴᠡᠭᠡᠷ ᠶᠤᠰᠤᠨ ᠢ ᠤᠯᠠᠮᠵᠢᠯᠠᠬᠤ ᠯᠡ ᠭᠡᠵᠦ ᠴᠢᠷᠮᠠᠶᠢᠭᠰᠠᠭᠠᠷ ᠯᠡ ᠪᠠᠶᠢᠬᠤ ᠨᠢ ᠪᠠᠰᠠ ᠨᠢᠭᠡ | ᠳᠠᠯᠠ ᠶᠢᠨ ᠦᠨᠠ ᠴᠠᠨᠠ ᠪᠢᠯᠡ᠃ ᠬᠤᠨᠢᠨ ᠤ ᠪᠦᠬᠦ᠋ᠢᠯᠡ ᠶᠠᠰᠤ ᠶᠢ ᠤᠷᠠᠯᠠᠬᠤ ᠭᠡᠰᠡᠨ ᠳᠡᠭᠡᠨ ᠬᠦᠷᠴᠦ ᠳᠡᠷᠡᠪᠡᠷ | ᠰᠡᠬᠦᠯ ᠤᠨ ᠦᠶᠡ ᠶᠢᠨ ᠶᠠᠰᠤᠨ ᠳᠤ ᠬᠦᠷᠳᠡᠯᠡ ᠭᠤᠴᠤ ᠤᠷᠠᠯᠠᠭᠰᠠᠨ ᠪᠠᠶᠢᠪᠠ᠃ ᠳᠡᠬᠦᠨ ᠤ ᠶᠠᠰᠤᠨ ᠤᠷᠠᠯᠠᠯ ᠤᠨ | ᠪᠤᠰᠤᠳ ᠠᠴᠠ ᠢᠯᠭᠠᠭᠳᠠᠬᠤ ᠨᠢᠭᠡᠨ ᠤᠨᠴᠠᠯᠢᠭ ᠭᠡᠪᠡᠯ ᠶᠠᠰᠤᠨ ᠤ ᠤᠭ ᠳᠦᠷᠰᠦ ᠬᠡᠯᠪᠡᠷᠢ ᠶᠢ ᠬᠤᠪᠢᠷᠠᠭᠠᠬᠤ ᠦᠭᠡᠢ | ᠰᠠᠭᠤᠷᠢᠨ ᠳᠡᠭᠡᠷᠡ ᠤᠷᠠᠯᠠᠳᠠᠭ ᠠᠵᠢ᠃ ᠡᠨᠡ ᠨᠢ ᠶᠠᠰᠤᠨ ᠤ ᠤᠤᠭᠠᠯ ᠳᠦᠯᠦᠪ ᠢ ᠠᠯᠳᠠᠭᠳᠠᠭᠤᠯᠬᠤ ᠦᠭᠡᠢ ᠬᠡᠰᠡᠨ | ᠪᠠᠷᠢᠮᠳᠠᠯᠠᠯ ᠶᠤᠮ᠃ ᠮᠠᠨᠳᠤᠬᠤ ᠠᠷᠪᠠᠭᠠᠳ ᠵᠢᠯ ᠬᠠᠳᠠᠭᠠᠯᠠᠭᠰᠠᠨ ᠠᠷᠬᠢᠯ ᠠᠳᠠᠨ ᠳᠡᠮᠡᠭᠡᠨ ᠤ ᠳᠠᠯᠤᠨ ᠤ ᠳᠡᠭᠰᠢ ᠳᠠᠯᠠ | ᠳᠡᠭᠡᠷᠡ ᠨᠢ ᠳᠠᠯᠠᠨ ᠤᠷᠤᠯᠳᠤᠭᠠᠨ ᠮᠤᠷᠢ ᠰᠡᠶᠢᠯᠪᠤᠷᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠳᠠᠯᠤᠨ ᠤ ᠨᠢᠭᠡᠯᠡ ᠳᠠᠯᠠ ᠳᠡᠭᠡᠷᠡ ᠳᠠᠯᠠᠨ | ᠤᠷᠤᠯᠳᠤᠭᠠᠨ ᠮᠤᠷᠢ ᠶᠢ ᠪᠠᠭᠳᠠᠭᠠᠵᠦ ᠵᠢᠷᠤᠬᠤ ᠭᠡᠳᠡᠭ ᠶᠡᠭᠡ ᠤᠬᠠᠭᠠᠨ ᠶᠤᠮᠰᠠᠨ᠃ ᠡᠨᠡᠭᠡᠨ ᠬᠤᠷᠤᠮ ᠳᠤ ︽ | ᠬᠤᠷᠤᠭᠤ ᠳᠠᠷᠤᠮᠠ ᠵᠠᠢ ᠳᠤ ᠮᠢᠩᠭᠠᠨ ᠵᠠᠭᠠᠨ︾ ᠭᠡᠬᠦ ᠨᠡᠷᠡᠳᠦ ᠵᠤᠬᠢᠶᠠᠯ ᠤᠨ ᠮᠦᠷ ᠤᠳ ᠨᠢᠳᠦᠨ ᠳᠤ ᠳᠤᠳᠤᠷᠠᠵᠦ᠂ | ᠳᠡᠷᠡ ᠠᠭᠤᠤ ᠰᠡᠳᠬᠢᠮᠵᠢ ᠡᠨᠡ ᠳᠠᠯᠤᠨ ᠶᠠᠰᠤᠨ ᠤ ᠰᠡᠶᠢᠯᠦᠮᠡᠯ ᠳᠤ ᠠᠳᠠᠯᠢᠬᠠᠨ ᠶᠠᠪᠤᠵᠦ ᠪᠠᠶᠢᠬᠤ ᠶᠢ ᠮᠡᠳᠡᠷᠡᠪᠡ᠃ | ᠳᠡᠭᠡᠬᠦ ᠮᠦᠷᠳᠡᠭᠡᠨ ᠪᠦᠬᠦᠳᠡ ᠨᠢᠭᠡᠯᠡ ᠬᠡᠯᠪᠡᠷᠢ ᠶᠢᠨ ᠵᠢᠷᠤᠭ ᠪᠢᠰᠢ᠂ ᠳᠡᠪᠡᠯ ᠭᠤᠳᠤᠯ ᠲᠠᠢ ᠤᠨᠤᠭᠠᠴᠢᠨ ᠬᠡᠤᠬᠡᠳ | ᠤᠷᠤᠯᠳᠤᠭᠠᠨ ᠮᠤᠷᠢ ᠤᠨᠤᠭᠠᠳ ᠳᠠᠪᠬᠢᠵᠦ ᠪᠠᠶᠢᠬᠤ ᠪᠠᠷ ᠵᠢᠷᠤᠭᠰᠠᠨ ᠪᠦᠭᠡᠳ ᠤᠷᠤᠯᠳᠤᠭᠠᠨ ᠮᠤᠷᠢᠨ ᠤ ᠳᠠᠪᠬᠢᠳᠠᠭ᠂ | ᠡᠪᠭᠡᠷᠡᠳᠡᠭ᠂ ᠰᠤᠨᠤᠳᠠᠭ᠂ ᠬᠠᠷᠠᠶᠢᠳᠠᠭ᠂ ᠬᠠᠳᠠᠷᠢᠳᠠᠭ ᠁ ᠤᠯᠠᠨ ᠳᠦᠷᠰᠦ ᠪᠠᠶᠢᠳᠠᠯ ᠢ ᠬᠠᠷᠠᠭᠤᠯᠬᠤ ᠶᠢ | ᠬᠢᠴᠢᠶᠡᠵᠡᠢ᠃ ᠡᠨᠡ ᠬᠡᠴᠢᠨᠡᠨ ᠨᠠᠷᠢᠨ ᠰᠢᠷᠢᠨ ᠬᠦᠳᠡᠯᠮᠦᠷᠢ ᠠᠵᠢ᠃ ᠳᠡᠷᠡᠪᠡᠷ ᠡᠨᠡᠬᠦ ᠪᠦᠳᠦᠭᠡᠯ ᠢᠶᠠᠨ ᠦᠪᠦᠷ | ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠳᠠᠯᠠᠨ ᠵᠢᠯ ᠤᠨ ᠤᠢ ᠳᠤ ᠵᠤᠷᠢᠭᠤᠯᠵᠦ | ᠪᠠᠯᠡᠳᠭᠡᠭᠰᠡᠨ ᠪᠦᠭᠡᠳ ᠳᠠᠯᠤᠨ ᠤ ᠳᠡᠭᠡᠷᠡᠬᠢ ᠬᠦᠳᠦᠬᠦᠷ ᠢ ᠤᠪᠤᠭᠠ ᠪᠤᠯᠭᠠᠨ ᠤᠷᠠᠯᠠᠵᠦ᠂ ᠰᠠᠩ ᠤᠨ ᠤᠳᠤᠭᠠ | ᠤᠭᠤᠬᠢᠭᠤᠯᠵᠦ ᠪᠠᠶᠢᠬᠤ ᠪᠠᠷ ᠵᠢᠷᠤᠵᠠᠢ᠃ ᠳᠠᠯᠤᠨ ᠤ ᠬᠦᠵᠦᠬᠦᠨ ᠳᠡᠭᠡᠷᠡ ᠳᠡᠭᠡᠳᠦ ᠳᠦᠷᠪᠡ ᠶᠢᠨ ᠪᠦᠭᠡ | ᠪᠠᠷᠢᠯᠳᠤᠵᠦ ᠪᠠᠶᠢᠬᠤ ᠵᠢᠷᠤᠭ ᠲᠠᠢ᠂ ᠳᠠᠯᠤᠨ ᠤ ᠳᠤᠭᠤᠭᠠᠨ ᠳᠤᠳᠤᠷᠠ ᠨᠢ ᠨᠤᠮᠤ ᠰᠤᠮᠤ ᠬᠠᠷᠪᠤᠵᠦ ᠪᠠᠶᠢᠬᠤ | ᠵᠢᠷᠤᠭ ᠲᠠᠢ᠃ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠦ ᠤᠪᠤᠭᠠᠨ ᠳᠠᠬᠢᠯᠭᠠ᠂ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ | ᠭᠠᠭᠴᠠᠬᠠᠨ ᠳᠠᠯᠤᠨ ᠳᠡᠭᠡᠷᠡ ᠢᠡᠭᠬᠢᠵᠦ ᠤᠷᠠᠯᠢᠭ ᠤᠨ ᠠᠮᠢ ᠨᠠᠰᠤ ᠪᠠᠨ ᠤᠯᠵᠠᠢ᠃ ᠳᠠᠯᠤᠨ ᠤ ᠠᠮᠤᠰᠤᠨ ︵ᠠᠷᠤ | ᠳᠠᠯᠠ︶ ᠳᠤ ᠬᠡᠶᠢᠮᠦᠷᠢ ᠳᠠᠯᠠᠯᠤᠭᠰᠠᠨ 70 ᠵᠢᠯ ᠭᠡᠬᠦ ᠪᠤᠰᠤᠭᠠ ᠦᠰᠦᠭ ᠤᠨ ᠳᠤᠤᠭᠤᠷ ᠰᠠᠩ ᠤᠨ ᠤᠳᠤᠭᠠ | ᠰᠤᠭᠤᠨᠠᠭᠯᠠᠨ᠂ ᠡᠬᠦᠯᠨ ᠪᠤᠯᠤᠨ ᠡᠪᠭᠡᠷᠡᠯᠳᠦᠭᠡᠳ᠂ ᠡᠬᠦᠯᠡᠨ ᠳᠤᠯᠤᠭᠠᠢ ᠳᠤ ᠰᠠᠮᠪᠠᠢ ᠬᠠᠳᠠᠭ ᠳᠡᠯᠭᠡᠵᠦ ᠪᠠᠷᠢᠭᠰᠠᠨ | ᠵᠢᠷᠤᠭ ᠲᠠᠢ᠃ ᠠᠯᠳᠠᠨ ᠨᠠᠷᠠ ᠠᠭᠠᠷ ᠳᠡᠭᠷᠢ ᠳᠡᠭᠡᠨ ᠬᠡᠷᠡᠯᠳᠦᠵᠦ᠂ ᠬᠦᠪᠤᠡᠭ ᠴᠠᠭᠠᠨ ᠡᠬᠦᠯᠡ ᠨᠢ ᠬᠦᠪᠪᠦᠭᠡᠳ᠂ | ᠬᠦᠳᠡᠭᠡ ᠳᠠᠯᠠ ᠳᠠᠭᠠᠨ ᠠᠳᠤᠭᠤ ᠮᠠᠯ ᠨᠢ ᠪᠡᠯᠴᠢᠭᠰᠡᠨ᠂ ᠳᠠᠨᠠᠨ ᠴᠠᠭᠠᠨ ᠮᠤᠩᠭᠤᠯ ᠭᠡᠷ᠂ ᠠᠷᠠᠯᠳᠦ ᠳᠡᠷᠭᠡ᠂ ᠠᠷᠤᠭ | ᠰᠠᠪᠠᠷ ᠁ ᠭᠠᠭᠴᠠᠬᠠᠨ ᠳᠠᠯᠤᠨ ᠳᠡᠭᠡᠷᠡ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠤᠨ ᠪᠦᠬᠦ᠋ᠢᠯᠡ ᠵᠢᠷᠤᠭ ᠰᠡᠶᠢᠯᠦᠭᠡᠰᠦᠳᠠᠢ᠃ | ᠪᠠᠰᠠ ᠦᠨᠳᠦᠷ ᠳᠠᠷᠤᠯᠳᠠᠳᠤ ᠴᠠᠬᠢᠯᠭᠠᠨ᠂ ᠦᠷᠭᠡᠨ ᠵᠠᠮ᠂ ᠮᠠᠰᠢᠨ ᠮᠧᠬᠠᠨᠢᠭ᠂ ᠨᠢᠰᠭᠡᠯ ᠳᠤ ᠬᠦᠷᠳᠡᠯᠡ ᠵᠢᠷᠤᠭᠯᠠᠨ | ᠪᠦᠳᠦᠭᠡᠭᠰᠡᠨ ᠢᠶᠠᠷ ᠢᠶᠠᠨ ᠰᠢᠨᠡ ᠬᠦᠳᠡᠭᠡ ᠳᠤᠰᠬᠤᠨ ᠤ ᠦᠡᠭᠭᠡ ᠳᠦᠷᠬᠦ ᠠᠳᠡ ᠳᠤᠳᠤᠷᠬᠠᠢ ᠬᠠᠷᠠᠭᠳᠠᠨᠠ ᠠᠵᠢ᠃ | ᠭᠠᠭᠴᠠᠬᠠᠨ ᠳᠠᠯᠤᠨ ᠳᠡᠭᠡᠷᠡ ᠳᠠᠯᠠᠨ ᠵᠢᠯ ᠤᠨ ᠳᠡᠤᠬᠡ ᠪᠢᠴᠢᠭᠯᠡᠭᠳᠡᠭᠰᠡᠨ ᠪᠠᠶᠢᠨᠠ ᠭᠡᠳᠡᠭ ᠠᠭᠤᠤ ᠳᠤᠮᠤ ᠪᠠᠭᠳᠠᠭᠠᠮᠵᠢ | ᠂ ᠠᠳᠠᠪᠠᠰᠢ ᠭᠠᠶᠢᠬᠠᠮᠰᠢᠭᠳᠤ ᠤᠬᠠᠭᠠᠨ ᠪᠠᠶᠢᠯᠬᠦᠢ ᠶᠠᠭᠠᠬᠢᠬᠤᠪ᠃ ᠳᠡᠷᠡ ᠳᠠᠯᠤᠨ ᠤᠷᠠᠯᠠᠯ ᠢᠶᠠᠷ ᠢᠶᠠᠨ ᠳᠠᠯᠠᠨ | ᠵᠢᠯ ᠤᠨ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ᠂ ᠤᠨᠴᠠᠭᠠᠢᠢᠯᠠᠨ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡ ᠶᠢᠨ ᠦᠡᠭᠭᠡ ᠬᠢᠯᠪᠠᠭᠠ ᠶᠢ | ᠬᠠᠷᠠᠭᠤᠯᠵᠦ ᠴᠢᠳᠠᠭᠰᠠᠨ ᠢᠶᠠᠷ ᠢᠶᠠᠨ ᠦᠵᠡᠭᠰᠡᠨ ᠪᠦᠬᠦᠳᠡ ᠶᠢ ᠭᠠᠶᠢᠬᠠᠰᠢᠷᠠᠭᠤᠯᠵᠦ ᠴᠢᠳᠠᠭᠰᠠᠨ ᠪᠠᠶᠢᠳᠠᠭ ᠪᠢᠯᠡ᠃ | ᠳᠡᠬᠦᠨ ᠤ ᠡᠨᠡᠬᠦ ︽ᠬᠡᠶᠢᠮᠦᠷᠢ ᠳᠠᠯᠠᠯᠤᠭᠰᠠᠨ 70 ᠵᠢᠯ︾ ᠭᠡᠬᠦ ᠪᠦᠳᠦᠭᠡᠯ 10 ᠳᠦᠮᠡᠨ ᠳᠦᠬᠦᠷᠢᠭ ᠤᠨ ᠦᠨᠳᠦᠷ | ᠦᠨᠡ ᠳᠤ ᠬᠦᠷᠴᠠᠢ᠃ ᠴᠠᠭ ᠦᠶᠡ ᠶᠢᠨ ᠳᠡᠤᠬᠡ ᠱᠠᠰᠳᠢᠷ ᠢ ᠭᠠᠶᠢᠬᠠᠯᠳᠠᠢ ᠳᠡᠮᠳᠡᠭᠯᠡᠭᠰᠡᠨ ᠡᠨᠡ ᠳᠤᠮᠤ ᠤᠬᠠᠭᠠᠨ | ᠦᠭᠡᠷᠡ ᠶᠠᠮᠠᠷ ᠨᠢᠭᠡᠨ ᠳᠤᠮᠤ ᠮᠡᠷᠭᠡᠵᠢᠯᠳᠡᠨ ᠤ ᠬᠢ ᠪᠢᠰᠢ᠂ ᠬᠠᠷᠢᠨ ᠮᠠᠯᠴᠢᠨ ᠤ ᠦᠷᠠ ᠬᠤᠶᠢᠴᠢ ᠶᠢᠨ ᠰᠤᠤ | ᠤᠬᠠᠭᠠᠨ ᠪᠠᠶᠢᠯᠠ᠃ ᠮᠠᠨᠳᠤᠬᠤ 2011 ᠤᠨ ᠳᠤ ᠰᠦᠨᠢᠳ ᠶᠠᠰᠤᠨ ᠤᠷᠠᠯᠠᠯ ᠤᠨ ᠬᠤᠷᠰᠢᠶᠠᠵᠢᠯ ᠢ ᠪᠠᠶᠢᠭᠤᠯᠵᠦ᠂ | ᠤᠷᠢᠳ ᠬᠤᠵᠢᠳ ᠳᠠᠪᠢᠭᠠᠳ ᠶᠠᠰᠤᠨ ᠤᠷᠠᠯᠠᠯ ᠳᠤ ᠳᠤᠷᠠ ᠪᠠᠭ᠋ᠠᠳᠠᠢ ᠬᠦᠮᠦᠰ ᠲᠤ ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠭᠡᠭᠰᠡᠨ | ᠪᠦᠭᠡᠳ 2013 ᠤᠨ ᠠᠴᠠ ᠡᠬᠢᠯᠡᠨ ᠬᠤᠰᠢᠭᠤᠨ ᠤ ᠪᠠᠨ ᠮᠤᠩᠭᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠷᠤᠭᠴᠢᠳ ᠲᠤ ᠶᠠᠰᠤᠨ ᠤᠷᠠᠯᠠᠯ ᠤᠨ ᠬᠢᠴᠢᠶᠡᠯ ᠵᠢᠭᠠᠬᠤ ᠪᠤᠯᠵᠠᠢ᠃ ᠡᠨᠡ ᠪᠤᠯ ᠳᠡᠬᠦᠨ ᠤ ᠶᠠᠰᠤᠨ ᠤᠷᠠᠯᠠᠯ ᠤᠨ | ᠰᠤᠶᠤᠯ ᠢ ᠬᠤᠶᠢᠴᠢ ᠦᠶᠠ ᠶᠢᠨ ᠬᠢᠨ ᠳᠡᠭᠡᠨ ᠤᠯᠠᠮᠵᠢᠯᠠᠬᠤ ᠭᠡᠰᠡᠨ ᠰᠠᠨᠠᠭᠠ᠂ ᠮᠦᠨᠴᠦ ᠠᠶᠢᠮᠠᠭ ᠤᠨ ᠳᠡᠰ ᠤᠨ | ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠤᠯᠠᠮᠵᠢᠯᠠᠭᠴᠢ ᠶᠢᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠨᠢ ᠪᠢᠯᠡ᠃ | ᠰᠢᠯᠢ ᠶᠢᠨ ᠭᠤᠤᠯ ᠨᠤᠲᠤᠭ ᠲᠤ ᠮᠠᠨᠳᠤᠬᠤ ᠠᠴᠠ ᠦᠭᠡᠷᠡ ᠶᠠᠰᠤᠨ ᠤᠷᠠᠯᠠᠯ ᠤᠨ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠵᠠᠮᠨᠠᠵᠦ | ᠶᠠᠪᠤᠭᠠ ᠬᠦᠮᠦᠰ ᠴᠤ ᠤᠯᠠᠨ ᠪᠤᠢ᠃ ᠬᠦᠪᠡᠭᠡᠳᠦ ᠰᠢᠷᠠ ᠬᠤᠰᠢᠭᠤᠨ ᠤ ᠤᠶᠦᠨᠪᠢᠯᠢᠭ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ | ᠡᠷᠳᠡᠨᠢᠪᠠᠭᠠᠳᠤᠷ᠂ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠳᠤᠷᠠᠰᠬᠠᠯᠳᠦ ᠵᠡᠷᠭᠡ ᠵᠠᠯᠠᠭᠤ ᠤᠷᠠᠨ ᠪᠦᠳᠦᠭᠡᠯᠴᠢᠳ ᠴᠤ | ᠶᠠᠰᠤᠨ ᠤᠷᠠᠯᠠᠯ ᠤᠨ ᠴᠠᠷᠠᠭᠠᠨ ᠳᠤ ᠨᠢᠭᠡ ᠶᠤᠰᠤᠨ ᠤ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠤᠯᠵᠦ ᠶᠠᠪᠤᠭᠠ ᠬᠦᠮᠦᠰ ᠪᠢᠯᠡ᠃ | ᠵᠠᠯᠠᠭᠤ ᠶᠠᠰᠤᠨ ᠰᠠᠶᠢᠯᠦᠮᠡᠯᠴᠢᠨ ᠤᠶᠦᠨᠪᠢᠯᠢᠭ ᠠᠷᠪᠠᠭᠠᠳ ᠳᠡᠮᠡᠭᠡᠨ ᠤ ᠴᠢᠮᠦᠭᠡᠨ ᠶᠠᠰᠤ ᠪᠠᠷ ᠴᠤᠯ ᠶᠠᠰᠤᠨ ᠡᠮᠡᠭᠡᠯ | ᠬᠢᠭᠰᠡᠨ ᠨᠢ ᠠᠷᠪᠠᠨ ᠳᠦᠮᠡᠨ ᠳᠦᠬᠦᠷᠢᠭ ᠤᠨ ᠶᠡᠭᠡ ᠦᠨᠡ ᠳᠤ ᠬᠦᠷᠴᠦ ᠪᠢᠯᠡ᠃ ᠳᠡᠮᠡᠭᠡ ᠬᠤᠪᠤᠷᠳᠠᠭᠰᠠᠨ ᠴᠠᠬᠠᠷ | ᠨᠤᠲᠤᠭ ᠲᠤ ᠠᠷᠪᠠᠭᠠᠳ ᠳᠡᠮᠡᠭᠡᠨ ᠤ ᠴᠢᠮᠦᠭᠡᠨ ᠤ ᠶᠠᠰᠤ ᠶᠢ ᠴᠤᠭᠯᠠᠭᠤᠯᠬᠤ ᠭᠡᠳᠡᠭ ᠴᠤ ᠪᠠᠰᠠ ᠨᠢᠭᠡ ᠶᠤᠰᠤᠨ ᠤ | ᠶᠡᠭᠡ ᠬᠦᠳᠡᠯᠮᠦᠷᠢ ᠪᠠᠶᠢᠭᠰᠠᠨ ᠶᠤᠮᠰᠠᠨ᠃ ᠳᠠᠬᠢᠪᠠᠯ ᠶᠠᠰᠤᠨ ᠤᠷᠠᠯᠠᠯ ᠭᠡᠳᠡᠭ ᠦᠭᠡᠷᠡ ᠨᠢᠭᠡ ᠳᠦᠷᠦᠯ ᠤᠨ ᠭᠠᠷ | ᠤᠷᠠᠯᠠᠯ ᠲᠠᠢ ᠳᠠᠭᠠᠷᠠᠬᠤ ᠦᠭᠡᠢ ᠨᠢᠭᠡ ᠤᠨᠴᠠᠯᠢᠭ ᠪᠠᠶᠢᠳᠠᠭ ᠨᠢ ᠤᠭ ᠮᠠᠲ᠋ᠧᠷᠢᠶᠡᠯ ᠤᠨ ᠳᠦᠷᠰᠦ ᠪᠠᠶᠢᠳᠠᠯ ᠢ | ᠬᠤᠪᠢᠷᠠᠭᠤᠯᠬᠤ ᠶᠢᠨ ᠪᠤᠯᠤᠯᠴᠠᠭᠠ ᠦᠭᠡᠢ ᠪᠠᠶᠢᠵᠦ᠂ ᠵᠦᠪᠭᠡᠨ ᠳᠡᠬᠦᠨ ᠤ ᠤᠨᠴᠠᠯᠢᠭ ᠲᠤᠨᠢ ᠳᠤᠬᠢᠷᠠᠭᠤᠯᠤᠨ | ᠠᠵᠢᠯᠯᠠᠬᠤ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠳᠡᠭᠡᠬᠦ ᠮᠦᠷᠳᠡᠭᠡᠨ ᠠᠪ ᠠᠳᠠᠯᠢᠬᠠᠨ ᠵᠢᠰᠦ ᠲᠠᠢ ᠬᠦᠮᠦᠨ ᠪᠠᠶᠢᠳᠠᠭ ᠦᠭᠡᠢ ᠰᠢᠭ | ᠠᠪ ᠠᠳᠠᠯᠢᠬᠠᠨ ᠬᠡᠯᠪᠡᠷᠢ ᠳᠦᠷᠰᠦ ᠲᠠᠢ ᠶᠠᠰᠤ ᠴᠤ ᠪᠠᠶᠢᠳᠠᠭ ᠦᠭᠡᠢ ᠨᠢ ᠨᠢᠭᠡ ᠶᠤᠰᠤᠨ ᠤ ᠬᠦᠴᠢᠷᠳᠡᠯ ᠶᠤᠮᠰᠠᠨ᠃ | ᠵᠦᠪᠭᠡᠨ ᠱᠠᠭᠠ ᠪᠠᠷ ᠠᠪᠴᠤ ᠵᠢᠱᠢᠶᠡᠯᠡᠬᠦ ᠳᠤ ᠴᠤ ᠠᠪ ᠠᠳᠠᠯᠢᠬᠠᠨ ᠬᠤᠶᠠᠷ ᠱᠠᠭᠠ ᠤᠯᠳᠠᠳᠠᠭ ᠦᠭᠡᠢ ᠶᠢ ᠱᠠᠭᠠ | ᠳᠤᠭᠯᠠᠭᠠᠮ ᠨᠠᠭᠠᠳᠴᠤ ᠦᠰᠦᠭᠰᠡᠨ ᠮᠤᠩᠭᠤᠯ ᠬᠦᠮᠦᠰ ᠪᠦᠷ ᠮᠡᠳᠡᠬᠦ ᠯᠡ ᠶᠤᠰᠤᠳᠠᠢ᠃ ᠳᠡᠶᠢᠮᠦ ᠪᠤᠯᠬᠤᠷ ᠠᠷᠪᠠᠭᠠᠳ | ᠳᠡᠮᠡᠭᠡᠨ ᠤ ᠴᠢᠮᠦᠭᠡᠨ ᠶᠠᠰᠤᠨ ᠳᠤ ᠠᠳᠠᠯᠢᠬᠠᠨ ᠶᠠᠰᠤ ᠨᠢᠭᠡᠴᠦ ᠪᠠᠶᠢᠭᠠ ᠦᠭᠡᠢ ᠨᠢ ᠤᠶᠦᠨᠪᠢᠯᠢᠭ ᠲᠤ ᠨᠢᠭᠡ | ᠶᠤᠰᠤᠨ ᠤ ᠬᠦᠴᠢᠷᠳᠡᠯ ᠪᠤᠯᠵᠦ ᠪᠠᠶᠢᠪᠠ᠃ ᠭᠡᠬᠦ ᠳᠡᠭᠡᠨ ᠶᠠᠭᠤ ᠨᠢᠭᠡ ᠶᠢ ᠬᠢᠵᠦ ᠪᠦᠳᠦᠭᠡᠶᠡ ᠭᠡᠳᠡᠭ ᠪᠤᠳᠤᠯ | ᠤᠷᠭᠤᠭᠰᠠᠨ ᠴᠠᠭ ᠠᠴᠠ ᠪᠦᠬᠦ ᠶᠠᠭᠤᠮᠠ ᠠᠶᠠᠨᠳᠠᠭᠠᠨ ᠪᠦᠷᠢᠯᠳᠦᠨ ᠳᠤᠭᠳᠠᠳᠠᠭ ᠨᠢ ᠵᠢᠮᠠ ᠪᠢᠯᠡ᠃ ᠬᠤᠶᠠᠷ ᠵᠢᠯ | ᠭᠠᠷᠤᠢ ᠶᠢᠨ ᠴᠠᠭ ᠬᠤᠭᠤᠴᠠᠭᠠ ᠳᠡᠬᠦᠨ ᠤ ᠬᠢᠵᠦ ᠪᠦᠳᠦᠭᠡᠬᠦ ᠭᠡᠰᠡᠨ ᠤᠷᠠᠨ ᠰᠡᠳᠬᠢᠮᠵᠢ ᠳᠤ ᠪᠤᠯᠤᠮᠵᠢ ᠶᠢᠨ | ᠵᠦᠢᠯᠡᠰ ᠢ ᠨᠢ ᠪᠦᠷᠢᠯᠳᠦᠬᠦᠯᠵᠦ ᠦᠭᠴᠠᠢ᠃ ᠳᠡᠷᠡ ᠡᠨᠡ ᠡᠮᠡᠭᠡᠯ ᠢ ᠭᠤᠤᠯ ᠨᠢ ᠳᠠᠯᠪᠢᠯᠭᠠ ᠵᠠᠰᠠᠯ ᠳᠤ ᠵᠤᠷᠢᠭᠤᠯᠵᠦ | ᠬᠢᠭᠰᠡᠨ ᠪᠦᠭᠡᠳ ᠶᠠᠰᠤ ᠪᠠᠷ ᠬᠢᠭᠰᠡᠨ ᠡᠮᠡᠭᠡᠯ ᠪᠠᠶᠢᠳᠠᠭ ᠦᠭᠡᠢ ᠬᠤᠭᠤᠰᠤᠨ ᠢ ᠨᠦᠬᠦᠬᠦ ᠵᠤᠷᠢᠯᠭᠠ ᠲᠠᠢ ᠪᠠᠶᠢᠭᠰᠠᠨ | ᠠᠵᠢ᠃ ᠭᠡᠬᠦ ᠳᠡᠭᠡᠨ ᠵᠦᠭᠡᠷ ᠯᠡ ᠶᠠᠰᠤ ᠶᠢ ᠬᠤᠭᠤᠷᠤᠨᠳᠦ ᠨᠢ ᠵᠦᠢᠵᠦ ᠨᠠᠭᠠᠭᠠᠳ ᠬᠢᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠶᠠᠰᠤ | ᠪᠤᠯᠭᠠᠨ ᠳᠡᠭᠡᠷᠡ ᠨᠢ ᠲᠦᠷᠪᠡᠨ ᠬᠦᠴᠦᠳᠡᠨ ᠪᠤᠶᠤ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠲᠠᠢ ᠬᠠᠮᠢᠶᠠ ᠪᠦᠬᠦᠢ ᠠᠯᠢ ᠤᠯᠠᠨ ᠵᠢᠷᠤᠭ | ᠰᠡᠶᠢᠯᠪᠤᠷᠢ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠤᠷᠠᠨ ᠰᠡᠳᠬᠢᠮᠵᠢ ᠶᠢᠨ ᠬᠢᠨᠢ ᠦᠨᠡ ᠦᠷᠳᠡᠭ ᠢ ᠦᠨᠳᠦᠷᠳᠦᠭᠡᠵᠡᠢ᠃ 2017 | ᠤᠨ ᠳᠤ ᠨᠢᠭᠡ ᠮᠦᠽᠸᠢ ᠤᠶᠦᠨᠪᠢᠯᠢᠭ ᠠᠴᠠ ᠭᠤᠷᠪᠠᠨ ᠪᠦᠳᠦᠭᠡᠯ ᠢ ᠨᠢ 13 ᠳᠦᠮᠡ 8000 ᠳᠦᠬᠦᠷᠢᠭ ᠢᠶᠠᠷ | ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠠᠵᠢ᠃ ᠡᠨᠡ ᠭᠤᠷᠪᠠᠨ ᠪᠦᠳᠦᠭᠡᠯ ᠨᠢ ᠬᠤᠷᠢᠨ ᠳᠠᠯᠤ ᠶᠢᠨ ᠶᠠᠰᠤᠨ ᠳᠡᠭᠡᠷᠡ ᠪᠦᠬᠦᠯᠢ | ᠪᠦᠳᠦᠨ ᠠᠳᠤᠭᠤᠨ ᠰᠤᠶᠤᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠨᠢᠭᠡ ᠢᠵᠢ ᠪᠦᠳᠦᠭᠡᠯ᠂ ᠮᠤᠷᠢᠨ ᠬᠤᠭᠤᠷ ᠤᠨ ᠡᠬᠦᠰᠦᠯ | ᠳᠤᠮᠤᠭ ᠢᠶᠠᠷ ᠰᠡᠳᠦᠪᠯᠡᠵᠦ ᠠᠳᠤᠭᠤᠨ ᠤ ᠶᠠᠰᠤ ᠪᠠᠷ ᠬᠢᠭᠰᠡᠨ ᠮᠤᠷᠢᠨ ᠬᠤᠭᠤᠷ᠂ ᠤᠰᠤᠨ ᠲᠠᠬᠢ ᠶᠢᠨ ᠳᠤᠯᠤᠭᠠᠢ | ᠳᠡᠭᠡᠷᠡ ᠪᠦᠭᠡ ᠶᠢᠨ ᠰᠤᠶᠤᠯ ᠢ ᠰᠡᠶᠢᠯᠪᠤᠷᠢᠯᠡᠵᠦ ᠬᠠᠷᠠᠭᠤᠯᠤᠭᠰᠠᠨ ︽ᠮᠦᠡᠭᠭᠡ ᠳᠡᠭᠷᠢ ᠶᠢᠨ ᠡᠯᠴᠢ︾ ᠬᠡᠮᠡᠬᠦ | ᠪᠦᠳᠦᠭᠡᠯ ᠵᠡᠷᠭᠡ ᠪᠠᠶᠢᠯᠠ᠃ ᠰᠤᠶᠤᠯ ᠤᠨ ᠦᠨᠡ ᠦᠷᠳᠡᠭ᠂ ᠬᠦᠴᠦ ᠬᠦᠳᠡᠯᠮᠦᠷᠢ᠂ ᠤᠷᠠ ᠤᠬᠠᠭᠠᠨ ᠤ | ᠵᠠᠷᠤᠴᠠᠭᠤᠯᠤᠯᠳᠠ ᠪᠦᠬᠦ ᠵᠦᠢᠯ ᠤᠷᠠᠨ ᠪᠦᠳᠦᠭᠡᠯ ᠤᠨ ᠦᠨᠠ ᠴᠠᠨᠠ ᠶᠢ ᠳᠤᠳᠤᠷᠬᠠᠢᠢᠯᠠᠳᠠᠭ ᠢ ᠤᠶᠦᠨᠪᠢᠯᠢᠭ | ᠢᠡᠭᠬᠢᠵᠦ ᠶᠠᠰᠤᠨ ᠤᠷᠠᠯᠠᠯ ᠢᠶᠠᠷ ᠢᠶᠠᠨ ᠬᠠᠷᠠᠭᠤᠯᠵᠦ ᠴᠢᠳᠠᠵᠠᠢ᠃ ᠭᠡᠭᠡᠭᠳᠡᠮᠡᠯ ᠶᠠᠰᠤ ᠶᠢ ᠭᠡᠯᠡᠵᠦ ᠤᠷᠠᠯᠠᠭᠠᠳ | ᠤᠷᠠᠯᠢᠭ ᠤᠨ ᠪᠦᠳᠦᠭᠡᠯ ᠪᠤᠯᠭᠠᠵᠦ᠂ ᠶᠠᠰᠤᠨ ᠤ ᠦᠨᠡ ᠦᠷᠳᠡᠭ ᠢ ᠰᠡᠳᠬᠢᠰᠢ ᠦᠭᠡᠢ ᠦᠨᠳᠦᠷ ᠲᠤ ᠬᠦᠷᠭᠡᠭᠰᠡᠨ | ᠬᠦᠮᠦᠨ ᠤ ᠳᠤᠳᠤᠷᠠ ᠤᠶᠦᠨᠪᠢᠯᠢᠭ ᠳᠤᠷᠠᠳᠤᠭᠳᠠᠯ ᠦᠭᠡᠢ ᠦᠡᠭᠭᠡᠷᠡᠵᠦ ᠪᠤᠯᠬᠤ ᠦᠭᠡᠢ ᠨᠢ ᠡ᠃ | |