| ︽ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ ᠤᠨ ᠪᠦᠷᠢᠨ ᠡᠮᠬᠢᠳᠬᠡᠯ︾ | ᠬᠡᠪᠯᠡᠭᠳᠡᠯᠠ ᠬᠡᠰᠡᠨ ᠬᠠᠯᠠᠭᠤᠬᠠᠨ ᠰᠤᠷᠠᠭ ᠢᠶᠠᠷ ᠤᠷᠴᠢᠮ ᠰᠤᠷᠪᠤᠯᠵᠢᠯᠠᠬᠴᠢ ᠪᠤᠭᠤᠲᠤ ᠬᠤᠳᠠ ᠶᠢᠨ ᠲᠠᠩᠰᠠ ᠡᠪᠬᠡᠮᠡᠯ ᠤᠨ ᠭᠠᠵᠠᠷ ᠲᠤ ᠬᠦᠷᠴᠦ | ᠰᠤᠷᠪᠤᠯᠵᠢᠯᠠᠭᠠ ᠠᠪᠤᠪᠠ᠃ ᠰᠢᠷᠠ ᠬᠦᠷᠡᠩ ᠦᠩᠬᠡ ᠪᠠᠷ ᠭᠠᠳᠠᠷᠯᠠᠬᠳᠠᠭᠰᠠᠨ ᠨᠠᠶᠢᠳᠠ 17 | ᠪᠤᠳᠢ ᠬᠠᠳᠠᠭᠤ ᠬᠠᠪᠢᠰᠤᠳᠠᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠵᠦᠰᠤᠮ ᠤᠨ ᠨᠤᠮ ᠰᠤᠷᠪᠤᠯᠵᠢᠯᠠᠬᠴᠢ ᠶᠢᠨ ᠬᠠᠷᠠᠭᠠᠨ ᠳᠤ ᠢᠯᠴᠢ ᠲᠦᠭᠡᠭᠡᠨ ᠲᠤᠳᠤᠷᠠᠯᠠ᠃ | ᠪᠠᠳᠺᠡᠷ ᠵᠤᠤ ᠶᠢᠨ 200 ᠵᠢᠯ ᠤᠨ ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ᠦᠨᠤᠳᠤᠷ ᠢᠩᠬᠢᠵᠦ ᠤᠳᠤᠬᠢ ᠬᠡᠪᠯᠡᠯ ᠤᠨ ᠮᠡᠷᠭᠡᠵᠢᠯ ᠢᠶᠠᠷ ᠪᠦᠷᠢᠨ | ᠪᠦᠳᠦᠨ ᠢᠶᠠᠷ ᠢᠶᠠᠨ ᠤᠩᠰᠢᠬᠴᠢᠳ ᠲᠠᠢ ᠵᠤᠯᠭᠠᠯᠠ᠂ ᠦᠩᠬᠡᠷᠡᠭᠰᠡᠨ ᠳᠤ ᠲᠤᠰ ᠰᠦᠮᠠ ᠶᠢᠨ | ᠯᠠᠮᠠ ᠨᠠᠷ ᠤᠨ ᠦᠰᠦᠨ ᠪᠢᠷ ᠢᠶᠠᠷ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨ ᠰᠦᠮᠠ ᠶᠢᠨ ᠦᠢᠯᠡ ᠬᠡᠷᠡᠭ᠂ ᠲᠤᠮᠤ ᠲᠤᠮᠤ ᠬᠡᠷᠡᠭ ᠶᠠᠪᠤᠳᠠᠯ ᠤᠨ ᠲᠡᠮᠳᠡᠭᠯᠡᠯ | ᠦᠨᠤᠳᠤᠷ ᠢᠩᠬᠢᠵᠦ ︽ᠲᠦᠪ ᠤᠨ ᠶᠡᠭᠡ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠯᠡᠭᠡᠢ ᠶᠢᠨ ᠲᠡᠷᠢᠭᠦᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ | ︵ᠰᠢᠨᠵᠢᠯᠡᠭᠡᠨ ᠤ ᠰᠠᠯᠠᠭᠠ︶ ᠶᠢ ᠪᠦᠲᠦᠭᠡᠨ ᠪᠠᠶᠢᠭᠤᠯᠬᠤ ᠪᠤᠯᠤᠨ ᠤᠨᠴᠠᠯᠢᠬᠳᠤ ᠬᠦᠭᠵᠢᠯᠳᠡ ᠶᠢ | ᠵᠢᠯᠤᠭᠤᠳᠬᠤ ᠲᠤᠰᠬᠠᠢ ᠲᠦᠷᠦᠯ ᠤᠨ ᠪᠡᠯᠡ ᠮᠦᠩᠬᠦ ᠶᠢᠨ ᠲᠡᠮᠵᠢᠯᠭᠡ︾ ᠶᠢ ᠬᠦᠷᠳᠡᠵᠦ ᠬᠡᠪᠯᠡᠭᠳᠡᠵᠦ | ᠭᠠᠷᠤᠬᠰᠠᠨ ᠪᠠᠶᠢᠨᠠ᠃ ᠮᠤᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠤᠬᠦᠨ ᠪᠤᠯᠬᠤ ᠰᠦᠮᠠ ᠬᠡᠶᠢᠳ ᠤᠨ | ᠰᠤᠶᠤᠯ ᠤᠨ ᠰᠢᠳᠦᠭᠡᠨ ᠪᠤᠷᠬᠠᠨ ᠦᠷᠦᠰᠢᠶᠡᠭᠰᠡᠨ ᠤ ᠴᠦ ᠪᠤᠯᠪᠠᠤ︖ ᠡᠰᠡᠭᠦᠯ ᠠ ᠪᠡᠳᠺᠠᠷ ᠵᠤᠤ ᠶᠢᠨ ᠪᠤᠷᠬᠠᠨ ᠬᠡᠭᠡᠨ | ᠢᠪᠡᠭᠡᠭᠰᠡᠨ ᠤ ᠴᠦ ᠪᠤᠯᠪᠠᠤ︖ ᠲᠡᠤᠬᠡ ᠶᠢᠨ ᠡᠯᠡᠭᠡᠯᠳᠡ ᠳᠤ ᠪᠠᠷᠤᠭ ᠯᠠ ᠰᠦᠢᠳᠬᠦ ᠳᠡᠭᠡᠨ ᠰᠢᠬᠠᠬᠰᠠᠨ ᠡᠳᠡᠭᠡᠷ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ | ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ᠂ ᠰᠢᠨᠠ ᠴᠠᠭ ᠦᠶᠠ ᠳᠤ ᠢᠩᠬᠢᠵᠦ ᠴᠤ᠋ ᠰᠢᠨᠠ ᠪᠠᠷ ᠮᠡᠨᠳᠤᠯᠡᠯᠠ᠂ ᠴᠤᠭ | ᠰᠦᠯᠳᠠ ᠲᠠᠢ ᠪᠠᠷ ᠠᠮᠢᠯᠠᠯᠠ᠂ ᠰᠢᠨᠠ ᠴᠠᠭ ᠦᠶᠠ ᠶᠢᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠡᠷᠳᠡᠮᠳᠡᠠ ᠤ | ᠬᠢᠷᠠᠬᠠᠢ ᠨᠢᠳᠤ᠂ ᠪᠤᠭᠤᠲᠤ ᠬᠤᠳᠠ ᠶᠢᠨ ᠨᠤᠳᠤᠭ ᠤᠰᠤᠨ ᠤ ᠰᠤᠶᠤᠯ ᠤᠨ ᠨᠠᠨᠳᠢᠨ ᠦᠪ ᠢᠶᠠᠨ ᠬᠡᠰᠡᠨ ᠲᠡᠩᠰᠠ | ᠡᠪᠬᠡᠮᠡᠯ ᠤᠨ ᠭᠠᠵᠠᠷ ᠤᠨ ᠠᠵᠢᠯᠳᠠᠨ ᠤ ᠨᠠᠨᠳᠢᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠲᠡᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ | ᠪᠡᠳᠺᠡᠷ ᠵᠤᠤ ᠶᠢᠨ ᠪᠦᠷᠢᠨ ᠲᠡᠤᠬᠡ ᠢᠩᠬᠢᠵᠦ ᠪᠢᠳᠡᠨ ᠤ ᠡᠮᠦᠨᠠ ᠲᠡᠯᠭᠡᠭᠳᠡᠯᠠ᠃ | | | | | | | ᠪᠠᠳᠺᠡᠷ ᠵᠤᠤ ᠶᠢᠨ ᠭᠠᠳᠠᠷ ᠦᠵᠡᠮᠵᠢ | | | ᠮᠠᠨ ᠤ ᠦᠶᠠ ᠳᠤ ᠬᠦᠷᠳᠡᠯᠠ ᠪᠦᠷᠢᠨ ᠪᠦᠳᠤᠨ ᠢᠶᠠᠷ ᠤᠯᠠᠮᠵᠢᠯᠠᠬᠳᠠᠵᠦ | ᠢᠷᠡᠭᠰᠡᠨ ᠴᠤᠷ ᠤᠨ ᠭᠠᠭᠴᠠ ᠮᠤᠩᠭᠤᠯ ᠰᠦᠮᠠ ᠬᠡᠶᠢᠳ ᠤᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ | ︽ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠠᠴᠠ ᠨᠠᠰᠢ ᠮᠣᠩᠭᠤᠯ ᠭᠠᠵᠠᠷ ᠰᠦᠮᠡ ᠬᠡᠶᠢᠳ ᠣᠯᠠᠰᠢᠷᠠᠵᠤ᠂ ᠲᠥᠪᠡᠳ ᠤᠨ ᠪᠤᠷᠬᠠᠨ ᠤ ᠱᠠᠰᠢᠨ | ᠮᠣᠩᠭᠤᠯ ᠤᠨ ᠨᠡᠶᠢᠭᠡᠮ᠂ ᠰᠣᠶᠣᠯ ᠢ ᠶᠡᠭᠡ ᠪᠠᠷ ᠨᠥᠯᠥᠭᠡᠯᠡᠬᠦ ᠪᠣᠯᠵᠠᠢ᠃ ᠡᠶᠢᠮᠦ ᠠᠴᠠ ᠰᠦᠮᠡ ᠬᠡᠶᠢᠳ ᠲᠤ | ᠬᠤᠯᠪᠣᠭᠳᠠᠬᠤ ᠰᠤᠳᠤᠯᠭᠠ ᠨᠢ ᠮᠣᠩᠭᠤᠯ ᠤᠨ ᠤᠯᠤᠰ ᠲᠥᠷᠥ᠂ ᠨᠡᠶᠢᠭᠡᠮ᠂ ᠰᠣᠶᠣᠯ ᠤᠨ ᠣᠯᠠᠨ ᠠᠰᠠᠭᠤᠳᠠᠯ ᠢ | ᠣᠶᠢᠯᠠᠭᠠᠬᠤ ᠴᠢᠬᠤᠯᠠ ᠠᠷᠭᠠ ᠵᠠᠮ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠬᠠᠷᠢᠨ ᠲᠡᠦᠬᠡᠨ ᠤᠷᠰᠢᠭ ᠢᠶᠠᠷ ᠮᠣᠩᠭᠤᠯ | ᠭᠠᠵᠠᠷ ᠤᠨ ᠰᠦᠮᠡ ᠬᠡᠶᠢᠳ ᠤᠳ ᠤᠨ ᠳᠣᠲᠣᠷᠠ ᠪᠠᠳᠺᠠᠷ ᠵᠤᠤ ᠶᠢᠨ ᠲᠡᠦᠬᠡᠨ ᠳᠠᠩᠰᠠ ᠯᠠ ᠮᠠᠨ ᠤ ᠦᠶᠡ ᠳᠤ | ᠪᠦᠷᠢᠨ ᠪᠦᠲᠦᠨ ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠵᠡᠢ᠃ ᠤᠭ ᠠᠴᠠ ᠪᠠᠨ ᠮᠣᠩᠭᠤᠯ ᠭᠠᠵᠠᠷ ᠤᠨ ᠲᠣᠮᠣᠬᠠᠨ ᠰᠦᠮᠡ ᠪᠥᠭᠡᠳ | ᠠᠯᠳᠠᠷᠲᠤ ᠨᠣᠮ ᠤᠨ ᠰᠦᠮᠡ ᠪᠠᠶᠢᠭᠰᠠᠨ ᠤ ᠳᠡᠭᠡᠷᠡ ᠬᠤᠶᠠᠷ ᠵᠠᠭᠤᠨ ᠵᠢᠯ ᠤᠨ ᠲᠡᠦᠬᠡᠨ ᠶᠠᠪᠤᠴᠠ ᠳᠤ ᠶᠡᠭᠡ ᠬᠡᠮᠵᠢᠶᠡᠨ ᠤ | ᠳᠠᠩᠰᠠ ᠬᠠᠷᠠ ᠪᠣᠢ ᠪᠣᠯᠵᠤ᠂ ᠪᠦᠷᠢᠨ ᠪᠦᠲᠦᠨ ᠢᠶᠠᠷ ᠬᠠᠳᠠᠭᠠᠯᠠᠭᠳᠠᠵᠤ ᠢᠷᠡᠭᠰᠡᠨ ᠲᠤᠯᠠ ᠪᠠᠳᠺᠠᠷ ᠵᠤᠤ ᠶᠢᠨ ᠮᠣᠩᠭᠤᠯ | ᠠᠷᠬᠢᠪ ᠤᠨ ᠲᠡᠦᠬᠡ ᠶᠢᠨ ᠪᠠ ᠰᠤᠳᠤᠯᠭᠠᠨ ᠤ ᠦᠨᠡ ᠴᠡᠨᠡ ᠮᠠᠰᠢ ᠶᠡᠭᠡ ᠪᠣᠯᠵᠠᠢ︾᠃ ᠰᠤᠷᠪᠤᠯᠵᠢᠯᠠᠬᠴᠢ | ︽ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ ᠤᠨ | ᠪᠦᠷᠢᠨ ᠡᠮᠬᠢᠳᠬᠡᠯ︾ ᠤᠨ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠤᠬᠴᠢ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠩᠭᠤᠳᠠᠭ ᠰᠤᠳᠤᠯᠤᠯ ᠤᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ᠂ ᠪᠠᠶᠢᠩᠭᠤ ᠶᠢᠨ ᠲᠡᠳ᠋ ᠵᠠᠬᠢᠷᠤᠯ᠂ ᠰᠤᠷᠭᠠᠨ | ᠬᠦᠮᠦᠵᠢᠯ ᠤᠨ ᠶᠠᠮᠤᠨ ᠤ ᠴᠠᠩ ᠵᠢᠶᠠᠩ ᠡᠷᠳᠡᠮᠳᠡᠨ ᠢᠶᠠᠷ ᠤᠨᠴᠠ ᠤᠷᠢᠬᠰᠠᠨ ᠫᠷᠤᠹᠧᠰᠰᠤᠷ ᠤᠶᠤᠨᠪᠢᠯᠢᠭ᠌ ᠢ | ᠤᠳᠠᠰᠤ ᠪᠠᠷ ᠰᠤᠷᠪᠤᠯᠵᠢᠯᠠᠬᠤ ᠳᠤ ᠲᠡᠷᠡ ᠢᠩᠬᠢᠵᠦ ᠶᠠᠷᠢᠯᠠ᠃ | ᠲᠠᠶᠢᠮᠤ ᠯᠡ ᠳ᠋ᠠ᠂ ᠶᠠᠭ ᠯᠠ ᠡᠨᠡ ᠬᠦ ᠬᠤᠪᠤᠷ ᠨᠠᠨᠳᠢᠨ ᠦᠨᠠ ᠴᠠᠨᠠ ᠪᠠᠷ ᠢᠶᠠᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠨᠢ | 2017 ᠤᠨ ᠳᠤ ᠮᠤᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠳᠤᠯᠤᠯ᠂ ᠮᠠᠨᠵᠤ ᠮᠤᠩᠭᠤᠯ ᠬᠡᠯᠡᠨ ᠤ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠪᠤᠯᠤᠨ ᠰᠤᠷᠪᠤᠯᠵᠢᠰ ᠤᠨ ᠰᠤᠳᠤᠯᠤᠯ᠂ | ᠮᠤᠩᠭᠤᠯ ᠲᠦᠪᠡᠳ ᠤᠨ ᠬᠠᠷᠢᠴᠠᠭᠠᠨ ᠤ ᠰᠤᠳᠤᠯᠤᠯ ᠪᠠ ᠲᠠᠶᠢᠴᠢᠩ ᠬᠦᠷᠦᠨ ᠤ ᠲᠡᠤᠬᠡ ᠶᠢᠨ ᠰᠤᠳᠤᠯᠤᠯ ᠤᠨ ᠴᠢᠭᠯᠡᠯ ᠤᠳ ᠢᠶᠠᠷ ᠭᠤᠤᠯᠳᠠᠭᠤ | ᠠᠵᠢᠯᠯᠠᠳᠠᠭ ᠤᠶᠤᠨᠪᠢᠯᠢᠭ᠌ ᠫᠷᠤᠹᠧᠰᠰᠤᠷ ᠤᠨ ᠬᠠᠷᠠᠭᠠᠨ ᠳᠤ ᠤᠷᠤᠵᠦ᠂ ᠲᠠᠷᠠᠭᠠᠴᠢ ᠪᠠᠷ ᠨᠢ ᠲᠤᠮᠳᠠᠳᠤ ᠤᠯᠤᠰ ᠤᠨ | ᠠᠷᠠᠳ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠩᠭᠤᠳᠠᠭ ᠰᠤᠳᠤᠯᠤᠯ ᠤᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠪᠤᠯᠤᠨ ᠪᠤᠭᠤᠲᠤ ᠬᠤᠳᠠ ᠶᠢᠨ ᠲᠠᠩᠰᠠ ᠡᠪᠬᠡᠮᠡᠯ ᠤᠨ | ᠭᠠᠵᠠᠷ ᠬᠠᠮᠳᠤᠷᠠᠨ ᠲᠤᠰ ᠪᠦᠷᠢᠨ ᠡᠮᠬᠢᠳᠬᠡᠯ ᠢ ᠨᠠᠶᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠠᠭᠤᠯᠭᠠ ᠶᠢᠨ ᠬᠤᠪᠢ ᠳᠤ᠂ ᠨᠡᠶᠢᠳᠡ 17 ᠪᠤᠳᠢ ᠲᠤᠰ ᠡᠮᠬᠢᠳᠬᠡᠯ ᠳᠤ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠤᠨ | ︵1750︶ ᠠᠴᠠ ᠢᠷᠭᠡᠨ ᠤᠯᠤᠰ ᠤᠨ ᠠᠩᠬᠠᠨ ᠤ ᠤᠨ ︵1912︶ ᠪᠤᠯᠳᠠᠯᠠᠬᠢ ᠪᠦᠬᠦᠳᠡ 800 ᠭᠠᠷᠤᠢ | ᠬᠤᠪᠢ ᠪᠠᠷᠢᠮᠳᠠ ᠶᠢ ᠡᠮᠬᠢᠳᠬᠡᠨ ᠤᠷᠤᠭᠤᠯᠵᠠᠢ᠃ ᠡᠳᠡᠭᠡᠷ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠢ ᠪᠡᠳᠺᠡᠷ ᠵᠤᠤ ᠶᠢᠨ ᠰᠦᠮᠠ ᠶᠢᠨ ᠬᠤᠷᠠᠯ ᠷᠠᠰᠠᠩ᠂ | ᠱᠠᠰᠢᠨ ᠤ ᠦᠢᠯᠡ ᠠᠵᠢᠯᠯᠠᠭᠠ᠂ ᠬᠤᠸᠠᠷᠠᠭ ᠤᠳ ᠤᠨ ᠢᠷᠠᠯ ᠭᠠᠷᠤᠯ᠂ ᠬᠠᠷᠢᠶᠠᠳᠤ ᠠᠷᠠᠳ᠂ ᠰᠠᠩ ᠵᠢᠰᠠ᠂ ᠡᠷᠬᠢᠨ | ᠲᠤᠭᠤᠷᠢᠨ ᠤ ᠮᠤᠩᠭᠤᠯ ᠬᠢᠳᠠᠳ ᠢᠷᠭᠡᠨ ᠯᠦᠭᠡ ᠶᠢᠨ ᠬᠠᠷᠢᠯᠴᠠᠭᠠ᠂ ᠮᠤᠩᠭᠤᠯ ᠵᠠᠰᠠᠭ ᠬᠤᠰᠢᠭᠤᠳ ᠯᠤᠭᠠ ᠶᠢᠨ ᠬᠠᠷᠢᠯᠴᠠᠭᠠ᠂ ᠬᠤᠯᠠᠳᠠᠬᠢᠨ ᠢ | ᠠᠮᠤᠷ ᠪᠣᠯᠭᠠᠬᠤ ᠬᠤᠲᠠ ᠶᠢᠨ ᠵᠠᠩᠵᠤᠨ᠂ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠪᠤᠯᠤᠨ ᠢᠷᠭᠡᠨ ᠤᠯᠤᠰ ᠤᠨ | ᠵᠠᠰᠠᠭ ᠤᠨ ᠭᠠᠵᠠᠷ ᠯᠤᠭᠠ ᠶᠢᠨ ᠬᠠᠷᠢᠯᠴᠠᠭᠠ᠂ ᠲᠦᠪᠡᠳ᠂ ᠬᠦᠬᠡᠨᠠᠭᠤᠷ ᠪᠤᠯᠤᠨ ᠮᠤᠩᠭᠤᠯ ᠤᠨ ᠪᠤᠰᠤᠳ ᠰᠦᠮᠠ ᠬᠡᠶᠢᠳ᠂ | ᠶᠡᠬᠡᠰ ᠯᠠᠮᠠ ᠨᠠᠷ ᠯᠤᠭᠠ ᠶᠢᠨ ᠬᠠᠷᠢᠯᠴᠠᠭᠠ ᠬᠡᠬᠦ ᠵᠡᠷᠭᠡ ᠠᠰᠠᠭᠤᠳᠠᠯ ᠤᠳ ᠲᠤ ᠬᠤᠯᠪᠤᠬᠳᠠᠵᠦ ᠪᠠᠶᠢᠭᠠ ᠪᠠᠷ ᠢᠶᠠᠨ ᠲᠠᠶᠢᠴᠢᠩ ᠬᠦᠷᠦᠨ ᠤ | ᠦᠶᠠ ᠶᠢᠨ ᠮᠤᠩᠭᠤᠯ ᠤᠨ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠲᠡᠤᠬᠡ ᠪᠤᠯᠤᠨ ᠰᠦᠮᠠ ᠬᠡᠶᠢᠳ ᠤᠨ ᠲᠡᠤᠬᠡ ᠶᠢ ᠰᠤᠳᠤᠯᠬᠤ ᠳᠤ | ᠬᠤᠪᠤᠷ ᠨᠠᠨᠲᠢᠨ ᠪᠠᠷᠢᠮᠳᠠ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ ᠡᠳᠡᠭᠡᠷ ᠠᠷᠬᠢᠪ ᠤᠨ ᠬᠡᠪᠯᠡᠭᠳᠡᠭᠰᠡᠨ ᠨᠢ ᠮᠤᠩᠭᠤᠯ ᠤᠨ ᠰᠦᠮᠠ | ᠬᠡᠶᠢᠳ ᠤᠨ ᠲᠡᠤᠬᠡ ᠪᠤᠯᠤᠨ ᠰᠤᠶᠤᠯ ᠲᠡᠤᠬᠡ ᠶᠢᠨ ᠰᠤᠳᠤᠯᠭᠠᠨ ᠳᠤ ᠲᠦᠯᠬᠢᠴᠠ ᠦᠢᠯᠡᠲᠦᠯ ᠦᠵᠡᠬᠦᠯᠬᠦ ᠨᠢ ᠯᠠᠪᠳᠠᠢ ᠶᠤᠮ᠃ | ︽ᠵᠠᠩᠵᠠ ᠬᠤᠳᠤᠬᠳᠤ ᠶᠢᠨ ᠬᠠᠷᠢᠶᠠᠳᠤ᠂ ᠠᠬᠤᠤ ᠶᠡᠭᠡ ᠤᠨᠤᠯᠳᠤ ᠰᠦᠮᠠ ᠶᠢᠨ ᠪᠯᠠᠮᠠ ᠨᠡᠷ᠂ ᠬᠡᠪᠬᠦᠢ᠂ ᠱᠠᠩᠵᠤᠤᠳᠪᠠ᠂ ᠤᠮᠪᠤ᠂ ᠨᠢᠷᠪᠠ᠂ | ᠨᠡᠶᠢᠳᠡ ᠤᠯᠠᠨ ᠯᠠᠮᠠ ᠨᠠᠷᠤᠨ ᠬᠢᠴᠢᠶᠡᠩᠬᠦ᠋ᠢᠯᠡᠨ᠂ ᠵᠠᠷᠯᠢᠭ ᠢᠶᠠᠷ ᠵᠠᠷᠤᠬᠰᠠᠨ ᠲᠦᠷᠦ ᠶᠢᠨ ᠶᠡᠭᠡ ᠰᠠᠶᠢᠳ ᠠᠮᠪᠠᠨ ᠨᠤᠶᠠᠨ᠂ ᠴᠢᠬᠤᠯᠬᠠᠨ ᠤ | ᠲᠡᠷᠢᠭᠦᠨ ᠲᠡᠷᠬᠠᠨ ᠪᠠᠶᠢᠯᠠ ᠨᠤᠶᠠᠨ ᠲᠠᠨᠠ ᠡᠷᠬᠦᠨ ᠠᠶᠢᠯᠠᠳᠬᠠᠬᠤ ᠶᠢᠨ ᠤᠴᠢᠷᠠ᠂ ᠮᠠᠨ ᠤ ᠪᠠᠭᠰᠢ ᠤᠷᠢᠳ | ᠲᠦᠷᠤᠯ ᠤᠨ ᠪᠯᠠᠮᠠ ᠲᠦᠢᠩᠬᠦᠷ ᠪᠠᠨᠳᠢᠳᠠ ᠪᠦᠬᠦᠢ ᠴᠠᠭ ᠳᠤᠷ᠂ ᠤᠷᠠᠳ ᠮᠤᠤᠮᠢᠩᠭᠠᠨ ᠬᠤᠰᠢᠬᠤᠨ ᠤ ᠵᠠᠬᠠ ᠶᠢᠨ | ᠤᠢᠢᠷᠠ ᠨᠢᠭᠡᠨ ᠰᠦᠮᠠ ᠪᠠᠶᠢᠬᠤᠯᠵᠦ᠂ ᠵᠠᠩᠵᠠ ᠬᠤᠳᠤᠬᠳᠤ ᠳᠤᠷ ᠡᠷᠭᠦᠨ ᠪᠠᠷᠢᠵᠦ᠂ ᠵᠠᠩᠵᠠ ᠬᠤᠳᠤᠬᠳᠤ ᠶᠢᠨ | ᠬᠠᠵᠠᠷ ᠠᠴᠠ ᠤᠯᠠᠮᠵᠢᠯᠠᠨ ᠵᠤᠷᠬᠠᠨ ᠳᠤᠷ ᠮᠡᠳᠡᠭᠦᠯᠵᠦ᠂ ᠵᠤᠷᠬᠠᠨ ᠠᠴᠠ ᠠᠶᠢᠯᠠᠳᠬᠠᠵᠦ᠂ ᠵᠠᠷᠯᠢᠭ ᠢᠶᠠᠷ ᠨᠡᠷᠠ | ᠱᠠᠩᠨᠠᠬᠰᠠᠨ ᠪᠦᠯᠦᠭᠡ᠂ ᠡᠳᠦᠭᠡ ᠳᠤᠷ ᠬᠦᠷᠳᠡᠯᠡ᠂ ᠮᠠᠨ ᠤ ᠰᠦᠮᠠ ᠶᠢᠨ ᠨᠤᠮ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠩ ᠦᠢᠯᠡ᠂ | ᠰᠦᠮᠠ ᠶᠢᠨ ᠠᠯᠢᠪᠠ ᠬᠡᠷᠡᠭ ᠢ ᠴᠦᠮ ᠵᠠᠩᠬᠢᠶᠠ ᠬᠤᠳᠤᠬᠳᠤ ᠶᠢᠨ ᠬᠠᠵᠠᠷ ᠠᠴᠠ ᠵᠡᠬᠢᠭᠰᠡᠨ ᠲᠠᠬᠠᠵᠦ ᠶᠠᠪᠤᠬᠰᠠᠭᠠᠠᠷ ᠢᠷᠡᠭᠰᠡᠨ᠂ ᠲᠡᠭᠷᠢ ᠶᠢᠨ | ᠲᠡᠳᠬᠦᠭᠰᠡᠨ ᠤ ᠬᠤᠷᠢᠨ ᠲᠦᠷᠪᠡᠳᠦᠭᠡᠷ ᠤᠨ ᠤᠷᠠᠳ ᠮᠤᠤᠮᠢᠩᠭᠠᠨ ᠤ ᠵᠠᠰᠠᠭ ᠨᠤᠶᠠᠳ ᠤᠨ ᠬᠠᠵᠠᠷ ᠠᠴᠠ᠂ ᠮᠠᠨ ᠤ ᠡᠨᠡ ᠰᠦᠮᠠ ᠶᠢᠨ | ᠲᠤᠬᠤᠷᠢᠨ ᠪᠡᠯᠴᠢᠭᠡᠷ ᠤᠨ ᠬᠠᠵᠠᠷ ᠶᠢ ᠨᠢᠭᠡᠮᠰᠦᠨ ᠦᠭᠯᠢᠭᠡ ᠪᠤᠯᠭᠠᠨ ᠦᠭᠴᠦ᠂ ᠯᠠᠮᠠᠨᠠᠷ ᠪᠢᠳᠡᠨ ᠤ ᠭᠠᠷ ᠲᠤ ᠲᠤᠰ | ᠲᠤᠰ ᠤᠨ ᠪᠠᠳᠤᠯᠠᠬᠤ ᠲᠠᠮᠠᠭᠠᠳᠤ ᠪᠢᠴᠢᠭ ᠦᠭᠭᠦᠭᠰᠡᠨ ᠪᠤᠯᠪᠠᠴᠦ᠂ ᠲᠡᠭᠷᠢ ᠶᠢᠨ ᠲᠡᠳᠬᠦᠭᠰᠡᠨ ᠤ ᠬᠤᠴᠢᠨ ᠲᠤᠯᠤᠳᠤᠭᠠᠷ ᠤᠨ ᠳᠤ᠂ | ᠲᠡᠳᠡᠭᠡᠷ ᠤᠨ ᠬᠤᠰᠢᠭᠤᠨ ᠤ ᠲᠤᠤᠷᠠᠳᠤ ᠲᠠᠶᠢᠵᠢᠨᠠᠷ ᠠᠷᠠᠳ ᠲᠡᠮᠡᠴᠡᠯᠳᠤᠨ ᠵᠠᠭᠠᠯᠳᠤᠭᠰᠠᠨ ᠤᠴᠢᠷ ᠲᠤ᠂ ᠵᠠᠷᠯᠢᠭ ᠢᠶᠠᠷ ᠵᠠᠷᠤᠬᠰᠠᠨ ᠪᠠᠶᠢᠰᠠ | ᠬᠤᠳᠤᠷᠠᠩᠭᠠ ᠢᠷᠠᠵᠦ᠂ ᠪᠠᠶᠢᠴᠠᠭᠠᠨ ᠰᠢᠳᠬᠡᠭᠡᠳ᠂ ᠠᠩᠬᠠᠨ ᠳᠤ ᠵᠠᠰᠠᠭ ᠤᠳ ᠤᠨ ᠲᠤᠷᠠᠳᠠᠢ ᠦᠭᠭᠦᠭᠰᠡᠨ | ᠬᠠᠵᠠᠷ ᠢ ᠮᠦᠨ ᠬᠦ ᠶᠤᠰᠤᠭᠠᠷ ᠲᠤᠬᠳᠠᠭᠠᠬᠤ ᠢ ᠠᠶᠢᠯᠠᠳᠬᠠᠪᠠ︾᠃ ᠡᠨᠡ ᠪᠤᠯ ︽ᠲᠠᠶᠢᠴᠢᠩ ᠬᠦᠷᠦᠨ ᠤ | ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ ᠤᠨ ᠪᠦᠷᠢᠨ ᠡᠮᠬᠢᠳᠬᠡᠯ︾ | ᠤᠨ ᠬᠤᠶᠠᠳᠤᠭᠠᠷ ᠪᠤᠳᠢ ᠳᠤ ᠪᠠᠶᠢᠭᠠ 138 ᠨᠤᠮᠧᠷᠳᠤ ᠪᠠᠷᠢᠮᠳᠠ ᠳᠤ ᠪᠢᠴᠢᠭᠳᠡᠭᠰᠡᠨ ᠨᠢᠭᠡ ᠬᠡᠰᠡᠭ ᠠᠭᠤᠯᠭᠠ ᠪᠤᠯᠤᠨᠠ᠃ | ᠡᠨᠡ ᠬᠦ ᠠᠭᠤᠯᠭᠠ ᠳᠤ ︽ᠪᠡᠳᠬᠡᠷ ᠵᠤᠤ ᠶᠢ ᠨᠢᠭᠡᠳᠦᠭᠡᠷ ᠲᠦᠷᠢ ᠶᠢᠨ ᠳ᠋ᠦᠢᠩᠬᠦᠷ ᠪᠠᠨᠳᠢᠳᠠ ᠤᠷᠠᠳ ᠮᠤᠤᠮᠢᠩᠭᠠᠨ ᠬᠤᠰᠢᠭᠤᠨ ᠤ | ᠵᠠᠬᠠ ᠶᠢᠨ ᠤᠢᠢᠷᠠ ᠪᠠᠶᠢᠭᠤᠯᠵᠦ᠂ ᠵᠠᠩᠬᠢᠶ ᠠ ᠬᠤᠳᠤᠬᠳᠤ ᠳᠤᠷ ᠡᠷᠭᠦᠨ ᠪᠠᠷᠢᠵᠦ᠂ ᠵᠠᠩᠬᠢᠶᠠ ᠬᠤᠳᠤᠬᠳᠤ ᠶᠢᠨ | ᠬᠠᠷᠢᠶᠠᠳᠤ ᠰᠦᠮᠠ ᠪᠤᠯᠤᠬᠰᠠᠨ ᠲᠡᠭᠡᠷᠠ ᠪᠠᠨ ᠵᠠᠩᠬᠢᠶᠠ ᠬᠤᠳᠤᠬᠳᠤ ᠶᠢᠨ ᠬᠠᠵᠠᠷ ᠠᠴᠠ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠮᠡᠳᠡᠭᠦᠯᠵᠦ᠂ | ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠵᠠᠷᠯᠢᠭ ᠢᠶᠠᠷ ᠨᠡᠷᠠ ᠱᠠᠩᠨᠠᠬᠰᠠᠨ ᠪᠠ ᠪᠡᠳᠺᠡᠷ ᠵᠤᠤ ᠨᠢ ᠨᠤᠮ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠩ | ᠦᠢᠯᠡ ᠲᠠᠢ ᠵᠢᠴᠢ ᠪᠡᠳᠺᠡᠷ ᠵᠤᠤ ᠪᠠᠶᠢᠭᠤᠯᠤᠬᠳᠠᠬᠤ ᠦᠶᠠ ᠳᠤ ᠤᠷᠠᠳ ᠮᠤᠤᠮᠢᠩᠭᠠᠨ ᠬᠤᠶᠠᠷ ᠬᠤᠰᠢᠭᠤᠨ ᠤ ᠵᠠᠰᠠᠭ | ᠨᠤᠶᠠᠳ ᠠᠴᠠ ᠰᠦᠮᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠡᠯᠴᠢᠭᠡᠷ ᠤᠨ ᠭᠠᠵᠠᠷ ᠭᠠᠷᠭᠠᠵᠦ ᠦᠭᠭᠦᠭᠰᠡᠨ ᠪᠤᠯᠤᠨ ᠲᠡᠭᠦᠨ ᠤ | ᠰᠡᠭᠦᠯᠡᠷ ᠡᠨᠡ ᠬᠤᠶᠠᠷ ᠬᠤᠰᠢᠭᠤᠨ ᠤ ᠲᠠᠶᠢᠵᠢᠨᠠᠷ ᠠᠷᠠᠳ ᠪᠡᠳᠺᠡᠷ ᠵᠤᠤ ᠶᠢᠨ ᠪᠡᠯᠴᠢᠭᠡᠷ ᠤᠨ ᠭᠠᠵᠠᠷ ᠲᠤ ᠲᠠᠷᠢᠶᠠ | ᠲᠠᠷᠢᠵᠦ ᠲᠠᠪᠠᠨ ᠨᠤᠳᠤᠬᠯᠠᠬᠰᠠᠨ ᠵᠡᠷᠭᠡ ᠠᠴᠠ ᠪᠤᠯᠵᠦ ᠵᠠᠷᠭᠤ ᠵᠠᠭᠠᠯᠳᠤᠭᠠᠨ ᠪᠤᠯᠤᠬᠰᠠᠨ︾ ᠵᠡᠷᠭᠡ ᠦᠨᠠ ᠴᠠᠨᠠ ᠲᠠᠢ | ᠲᠡᠤᠬᠡᠨ ᠮᠠᠲ᠋ᠧᠷᠢᠶᠠᠯ ᠢ ᠮᠠᠰᠢ ᠤᠯᠠᠨ ᠬᠠᠩᠭᠠᠬᠰᠠᠨ ᠪᠠᠶᠢᠨᠠ᠃ ᠪᠡᠳᠺᠡᠷ ᠵᠤᠤ ᠶᠢᠨ ᠲᠡᠤᠬᠡ ᠰᠤᠶᠤᠯ ᠤᠨ ᠬᠠᠮᠢᠶᠠᠳᠠᠢ | ᠡᠶᠢᠮᠤᠷᠬᠦᠤ ᠰᠤᠳᠤᠯᠭᠠᠨ ᠰᠢᠨᠵᠢᠯᠡᠭᠡᠨ᠂ ᠴᠢᠩ ᠤᠯᠤᠰ ᠤᠨ ᠦᠶᠠ ᠶᠢᠨ ᠮᠤᠩᠭᠤᠯ ᠤᠨ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠲᠡᠤᠬᠡ᠂ | ᠮᠤᠩᠭᠤᠯ ᠤᠷᠤᠨ ᠤ ᠰᠦᠮᠠ ᠬᠡᠶᠢᠳ ᠪᠤᠯᠤᠨ ᠨᠠᠶᠢᠭᠡᠮ ᠠᠬᠤᠢ ᠶᠢᠨ ᠲᠡᠤᠬᠡ ᠶᠢᠨ ᠰᠤᠳᠤᠯᠭᠠᠨ ᠳᠤ ᠠᠰᠢᠬᠳᠠᠢ ᠤᠤᠷ ᠪᠠᠷᠢᠮᠳᠠ ᠨᠤᠭᠤᠳ᠂ | ︽ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ ᠤᠨ ᠪᠦᠷᠢᠨ ᠡᠮᠬᠢᠳᠬᠡᠯ︾ | ᠲᠤᠳᠤᠷᠠ ᠮᠠᠰᠢ ᠤᠯᠠᠨ ᠪᠠᠶᠢᠵᠦ᠂ ᠪᠠᠷᠤᠭ ᠪᠠᠷᠢᠮᠳᠠ ᠨᠢᠭᠡᠪᠦᠷᠢ ᠨᠢ ᠴᠦᠮ ᠬᠤᠪᠤᠷ ᠴᠤᠬᠠᠭ ᠲᠡᠤᠬᠡ ᠶᠢᠨ ᠮᠠᠲ᠋ᠧᠷᠢᠶᠠᠯ | ᠬᠡᠬᠦ ᠳᠤ ᠠᠬᠠᠳᠠᠬᠤ ᠪᠠᠷ ᠦᠭᠡᠢ᠃ | ᠪᠡᠳᠺᠡᠷ ᠵᠤᠤ ᠶᠢᠨ ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠤᠨ ᠴᠠᠭ ᠢ ᠲᠡᠤᠬᠡ ᠶᠢᠨ ᠡᠰᠢ ᠪᠠᠷᠢᠮᠳᠠ | ᠲᠠᠢ ᠪᠠᠷ ᠲᠤᠳᠤᠷᠬᠠᠢᠢᠯᠠᠵᠦ ᠦᠩᠬᠡᠷᠡᠭᠰᠡᠡ ᠤ ᠪᠤᠷᠤᠭᠤ ᠶᠢ ᠵᠠᠯᠠᠷᠠᠭᠤᠯᠤᠯᠠ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠩᠭᠤᠳᠠᠭ ᠰᠤᠳᠤᠯᠤᠯ ᠤᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ᠂ | ᠪᠠᠶᠢᠩᠭᠤ ᠶᠢᠨ ᠲᠡᠳ᠋ ᠵᠠᠬᠢᠷᠤᠯ ᠤᠶᠤᠨᠪᠢᠯᠢᠭ᠌ ᠰᠤᠷᠪᠤᠯᠵᠢᠯᠠᠭᠠ ᠳᠤ ᠶᠠᠷᠢᠬᠤ ᠳᠠᠭᠠᠨ᠄ | ︽ᠢᠨᠲ᠋ᠧᠷᠨᠧᠲ ᠲᠠᠬᠢ ᠲᠠᠨᠢᠯᠴᠠᠭᠤᠯᠭᠠ ᠪᠣᠯᠣᠨ ᠪᠠᠳᠺᠠᠷ ᠵᠤᠤ ᠶᠢᠨ ᠥᠪᠡᠷ ᠤᠨ ᠬᠢᠨᠢ | ᠲᠠᠨᠢᠯᠴᠠᠭᠤᠯᠭᠠ ᠳᠤ ᠴᠦᠮ ᠪᠠᠳᠺᠠᠷ ᠵᠤᠤ ᠶᠢ ᠳᠠᠶᠢᠴᠢᠩ ᠤᠯᠤᠰ ᠤᠨ ᠡᠩᠬᠡ | ᠠᠮᠤᠭᠤᠯᠠᠩ ᠤᠨ ᠦᠶᠡ ᠳᠤ ᠪᠠᠷᠢᠯᠠ ᠭᠡᠳᠡᠭ᠃ ᠭᠡᠲᠡᠯᠡ ᠡᠨᠡ ᠨᠢ ᠦᠨᠡᠨ ᠳᠡᠭᠡᠨ ᠪᠤᠷᠤᠭᠤ ᠶᠤᠮ᠃ | ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠵᠢᠴᠢ ᠪᠤᠰᠤᠳ ᠲᠡᠤᠬᠡᠨ ᠪᠢᠴᠢᠭ | ᠮᠠᠲ᠋ᠧᠷᠢᠶᠠᠯ ᠢ ᠦᠨᠳᠤᠰᠤᠯᠡᠪᠡᠯ᠂ ᠪᠡᠳᠺᠡᠷ ᠵᠤᠤ ᠨᠢ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠦᠶᠠ ᠳᠤ | ᠪᠠᠶᠢᠭᠤᠯᠤᠬᠳᠠᠭᠰᠠᠨ ᠮᠦᠷᠳᠡᠭᠡᠨ 1750 ᠣᠨ ᠠᠴᠠ ᠡᠬᠢᠯᠡᠨ ᠪᠠᠷᠢᠭᠰᠠᠨ ᠪᠠᠶᠢᠨᠠ︾ | ᠬᠡᠵᠦ ᠦᠪᠡᠷ ᠤᠨ ᠦᠵᠡᠯᠳᠡ ᠪᠠᠨ ᠶᠠᠷᠢᠯᠠ᠃ | ᠤᠶᠤᠨᠪᠢᠯᠢᠭ᠌ ᠫᠷᠤᠹᠧᠰᠰᠤᠷ ᠶᠠᠷᠢᠬᠤ ᠳᠠᠭᠠᠨ᠂ ᠪᠤᠭᠤᠲᠤ ᠬᠤᠲᠠ ᠶᠢᠨ ᠳᠠᠩᠰᠠ ᠡᠪᠬᠡᠮᠡᠯ ᠤᠨ ᠭᠠᠵᠠᠷ ᠲᠤ ᠪᠠᠶᠢᠭᠠ ᠪᠠᠳᠺᠠᠷ ᠵᠤᠤ ᠶᠢᠨ | ᠠᠷᠬᠢᠪ ᠲᠤ ︽ᠭᠦ᠋ᠸ᠋ᠩ ᠳ᠋ᠢᠩ ᠹᠤᠤ ᠱᠠᠨ ᠭᠦ᠋ᠸᠠᠩᠴᠢ ᠳ᠋ᠶᠠ᠋ ᠭᠦᠦᠰᠢ ᠵᠠᠩᠭᠢᠶᠠ ᠬᠤᠲᠤᠭ ᠲᠤ ᠤᠷᠠᠳ ᠤᠨ ᠭᠠᠵᠠᠷ ᠤᠨ | ᠬᠠᠷᠢᠶᠠᠲᠤ ᠵᠢᠪᠬᠤᠯᠠᠩ ᠲᠤ ᠳᠤ ᠷᠠᠪᠵᠠᠮᠪᠠ ᠪᠯᠤᠸᠠ ᠪᠽᠠᠩ ᠷᠭᠢᠨᠯᠮᠽᠢᠠᠨ ᠰᠦᠮᠡ ᠪᠠᠶᠢᠭᠤᠯᠬᠤ ᠪᠠ ᠤᠷᠠᠳ ᠤᠨ ᠨᠣᠶᠠᠳ ᠤᠨ ᠬᠠᠷᠢᠶᠠᠲᠤ | ᠬᠡᠶᠢᠳ ᠤᠨ ᠡᠵᠡᠯᠡᠭᠰᠡᠨ ᠣᠷᠣᠨ ᠤ ᠮᠣᠳᠣ ᠲᠡᠷᠢᠭᠦᠳᠡᠨ ᠳᠤ ᠬᠤᠣᠷᠯᠠᠯ ᠦᠯᠦ ᠦᠢᠯᠡᠳᠬᠦ ᠤᠴᠢᠷᠠ ᠣᠯᠠᠭᠠᠨ ᠴᠠᠪ ᠤᠨ | ᠴᠢᠭᠤᠯᠭᠠᠨ ᠤ ᠬᠠᠷᠢᠶᠠᠲᠤ ᠳᠤ ᠥᠭᠭᠦᠭᠰᠡᠨ ᠮᠠᠭᠠᠳᠯᠠᠬᠤ ᠪᠢᠴᠢᠭ︾ ᠭᠡᠰᠡᠨ ᠨᠢᠭᠡ ᠪᠢᠴᠢᠭ ᠪᠠᠶᠢᠭᠠ ᠪᠥᠭᠡᠳ ᠲᠡᠷᠡ ᠪᠢᠴᠢᠭ ᠤᠨ | ᠰᠡᠭᠦᠯ ᠳᠤ ᠡᠷᠡ ᠭᠠᠯ ᠬᠤᠯᠤᠭᠠᠨᠠ ᠵᠢᠯ ᠭᠡᠵᠦ ᠪᠣᠢ᠃ ᠬᠦᠮᠦᠰ ᠲᠡᠭᠦᠨ ᠢᠶᠠᠷ ᠦᠨᠳᠦᠰᠦ ᠪᠣᠯᠭᠠᠭᠠᠳ ᠰᠦᠮᠡ ᠶᠢ | ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠦᠶᠡ ᠳᠤ ᠪᠠᠷᠢᠯᠠ ᠭᠡᠳᠡᠭ ᠪᠠᠶᠢᠨᠠ᠃ ᠭᠡᠲᠡᠯᠡ ᠲᠡᠷᠡ ᠪᠢᠴᠢᠭ ᠨᠢ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠦᠶᠡ ᠶᠢᠨ ᠬᠢ ᠭᠡᠵᠢ ᠤᠤ︖ ᠡᠨᠡ ᠠᠰᠠᠭᠤᠳᠠᠯ ᠢ ᠬᠠᠷᠢᠭᠤᠯᠬᠤ ᠳᠤ ᠡᠷᠡ ᠭᠠᠯ ᠬᠤᠯᠤᠭᠠᠨᠠ ᠵᠢᠯ ᠭᠡᠭᠴᠢ ᠶᠢ | ᠲᠣᠳᠣᠯᠠᠬᠤ ᠨᠢ ᠴᠢᠬᠤᠯᠠ᠃ | ᠭᠦ᠋ᠸ᠋ᠩ ᠳ᠋ᠢᠩ ᠹᠤᠤ ᠱᠠᠨ ᠭᠦ᠋ᠸᠠᠩᠴᠢ ᠳ᠋ᠶᠠ᠋ ᠭᠦᠦᠰᠢ ᠭᠡᠭᠴᠢ ᠵᠠᠩᠵᠢᠶᠠ ᠬᠤᠲᠤᠭᠲᠤ ᠶᠢᠨ ᠴᠣᠯᠠ᠃ ︽ᠳᠠᠶᠢᠴᠢᠩ ᠤᠯᠤᠰ ᠤᠨ ᠪᠦᠭᠦᠳᠡ | ᠬᠠᠤᠯᠢ ᠪᠢᠴᠢᠭ︾ ᠭᠡᠬᠦ ᠵᠡᠷᠭᠡ ᠶᠢᠨ ᠪᠠᠷᠢᠮᠲᠠ ᠳᠤ ᠦᠵᠡᠪᠡᠯ᠂ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠪᠠᠷ ᠠᠩᠬᠠ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠳᠥᠴᠢᠨ ᠳᠥᠷᠪᠡᠳᠦᠭᠡᠷ ᠣᠨ ︵1705︶ ᠳᠤ᠂ ᠬᠤᠶᠠᠳᠤᠭᠠᠷ ᠳᠦᠷᠢ ᠶᠢᠨ ᠵᠠᠩᠵᠢᠶᠠ ᠬᠤᠲᠤᠭᠲᠤ | ᠠᠭᠸᠠᠩᠯᠣᠪᠰᠠᠩᠴᠦ᠋ᠢᠳᠠᠨ ᠢ ᠭᠦ᠋ᠸ᠋ᠩ ᠳ᠋ᠢᠩ ᠹᠤᠤ ᠱᠠᠨ ᠭᠦ᠋ᠸᠠᠩᠴᠢ ᠳ᠋ᠶᠠ᠋ ᠭᠦᠦᠰᠢ | ᠴᠣᠯᠠ ᠡᠷᠭᠦᠮᠵᠢᠯᠡᠭᠰᠡᠨ ᠪᠠᠶᠢᠨᠠ᠃ ᠠᠭᠸᠠᠩᠯᠣᠪᠰᠠᠩᠴᠦ᠋ᠢᠳᠠᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢᠨ ᠲᠠᠪᠤᠳᠤᠭᠠᠷ ᠣᠨ ︵1716︶ ᠳᠤ | ᠲᠠᠭᠠᠯᠠᠯ ᠲᠡᠭᠦᠰᠴᠡᠢ᠃ ᠡᠨᠡ ᠵᠠᠪᠰᠠᠷᠠ ᠬᠤᠯᠤᠭᠠᠨᠠ ᠵᠢᠯ ᠨᠢᠭᠡ ᠯᠡ ᠲᠣᠬᠢᠶᠠᠯᠳᠤᠳᠠᠭ ᠨᠢ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠳᠥᠴᠢᠨ ᠳᠣᠯᠣᠳᠤᠭᠠᠷ ᠣᠨ ︵1708︶ ᠪᠤᠶᠤ ᠮᠣᠩᠭᠤᠯ ᠢᠶᠠᠷ ᠰᠢᠷᠠ ᠬᠤᠯᠤᠭᠠᠨᠠ ᠵᠢᠯ ᠪᠣᠯᠣᠨᠠ᠃ ᠲᠡᠷᠡ ᠨᠢ | ᠲᠦᠪᠡᠳ ᠢᠶᠠᠷ ᠡᠷᠡ ᠭᠠᠯ ᠬᠤᠯᠤᠭᠠᠨᠠ ᠵᠢᠯ ᠪᠢᠰᠢ᠂ ᠬᠠᠷᠢᠨ ᠡᠷᠡ ᠰᠢᠷᠣᠢ ᠬᠤᠯᠤᠭᠠᠨᠠ ᠵᠢᠯ ᠮᠥᠨ᠃ | ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠵᠠᠩᠵᠢᠶᠠ ᠬᠤᠲᠤᠭᠲᠤ ᠷᠣᠯᠪᠢᠳᠣᠷᠵᠢ ᠨᠠᠶᠢᠷᠠᠯᠲᠤ ᠲᠥᠪ ᠤᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ | ᠣᠨ ︵1735︶ ᠳᠤ ᠭᠦ᠋ᠸ᠋ᠩ ᠳ᠋ᠢᠩ ᠹᠤᠤ ᠱᠠᠨ ᠭᠦ᠋ᠸᠠᠩᠴᠢ ᠳ᠋ᠶᠠ᠋ ᠭᠦᠦᠰᠢ ᠡᠷᠭᠦᠮᠵᠢᠯᠡᠭᠳᠡᠭᠡᠳ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠲᠠᠪᠢᠨ | ᠨᠢᠭᠡᠳᠦᠭᠡᠷ ᠣᠨ ︵1786︶ ᠣᠨ ᠳᠤ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠵᠠᠪᠰᠠᠷᠠ ᠬᠥᠬᠡ | ᠬᠤᠯᠤᠭᠠᠨᠠ ︵1744︶᠂ ᠤᠯᠠᠭᠠᠨ ᠬᠤᠯᠤᠭᠠᠨᠠ ︵1756︶᠂ ᠰᠢᠷᠠ ᠬᠤᠯᠤᠭᠠᠨᠠ | ︵1768︶ ᠪᠣᠯᠣᠨ ᠴᠠᠭᠠᠨ ᠬᠤᠯᠤᠭᠠᠨᠠ ︵1780︶ ᠭᠡᠬᠦ ᠳᠥᠷᠪᠡᠨ ᠬᠤᠯᠤᠭᠠᠨᠠ ᠵᠢᠯ ᠲᠣᠬᠢᠶᠠᠯᠳᠤᠳᠠᠭ ᠢ ᠲᠦᠪᠡᠳ ᠢᠶᠠᠷ | ᠲᠤᠰ ᠪᠦᠷᠢ ᠡᠷᠡ ᠮᠣᠳᠣᠨ ᠬᠤᠯᠤᠭᠠᠨᠠ ᠵᠢᠯ᠂ ᠡᠷᠡ ᠭᠠᠯ ᠬᠤᠯᠤᠭᠠᠨᠠ ᠵᠢᠯ᠂ ᠡᠷᠡ ᠰᠢᠷᠣᠢ ᠬᠤᠯᠤᠭᠠᠨᠠ ᠵᠢᠯ ᠪᠣᠯᠣᠨ ᠡᠷᠡ ᠲᠡᠮᠦᠷ | ᠬᠤᠯᠤᠭᠠᠨᠠ ᠵᠢᠯ ᠭᠡᠳᠡᠭ᠃ ᠡᠳᠡᠭᠡᠷ ᠬᠤᠯᠤᠭᠠᠨᠠ ᠵᠢᠯ ᠤᠳ ᠲᠠᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠦᠵᠡᠪᠡᠰᠦ᠂ ᠳᠡᠭᠡᠷᠡ | ᠦᠭᠦᠯᠡᠭᠰᠡᠨ ᠲᠡᠷᠡ ᠪᠢᠴᠢᠭ ᠲᠤ ᠭᠠᠷᠤᠭᠰᠠᠨ ᠡᠷᠡ ᠭᠠᠯ ᠬᠤᠯᠤᠭᠠᠨᠠ ᠵᠢᠯ ᠭᠡᠳᠡᠭ ᠨᠢ ᠭᠠᠷᠴᠠᠭᠠ ᠦᠭᠡᠢ | ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠣᠨ ᠪᠣᠯᠬᠤ ᠤᠯᠠᠭᠠᠨ ᠬᠤᠯᠤᠭᠠᠨᠠ ᠵᠢᠯ ︵1756︶ ᠮᠥᠨ᠃ | ᠭᠡᠪᠡᠴᠦ ᠲᠤᠰ ᠪᠢᠴᠢᠭ ᠨᠢ ᠪᠤᠭᠤᠲᠤ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠣᠢ ᠪᠠᠳᠺᠠᠷ ᠵᠤᠤ ᠶᠢᠨ ᠠᠷᠬᠢᠪ ᠤᠨ ᠳᠣᠲᠣᠷᠠᠬᠢ ᠬᠠᠮᠤᠭ ᠤᠨ ᠡᠷᠲᠡᠨ ᠤ | ᠪᠠᠷᠢᠮᠲᠠ ᠨᠢ ᠪᠢᠰᠢ᠃ ᠪᠤᠭᠤᠲᠤ ᠶᠢᠨ ᠮᠣᠩᠭᠤᠯ ᠠᠷᠬᠢᠪ ᠤᠨ ᠳᠣᠲᠣᠷᠠ ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠠᠷᠪᠠᠨ | ᠵᠢᠷᠭᠤᠳᠤᠭᠠᠷ ᠣᠨ ︵1751︶ ᠤ ᠪᠠᠷᠢᠮᠲᠠ ᠳᠤ ᠵᠢᠪᠬᠤᠯᠠᠩᠳᠤ ᠶᠢᠨ ᠰᠦᠮᠡ ︵ᠪᠠᠳᠺᠠᠷ ᠵᠤᠤ︶ | ᠭᠡᠬᠦ ᠨᠡᠷᠡ ᠳᠤᠷᠠᠳᠤᠭᠳᠠᠵᠤ ᠪᠠᠶᠢᠨᠠ᠃ ᠡᠳᠡᠭᠡᠷ ᠠᠷᠬᠢᠪ ᠤᠨ ᠮᠡᠳᠡᠭᠡ ᠨᠦᠭᠦᠳ ᠢ ᠪᠠᠳᠺᠠᠷ ᠵᠤᠤ ᠶᠢᠨ ᠬᠤᠲᠤᠭᠲᠤ ᠪᠣᠯᠬᠤ ᠠᠩᠬᠠᠳᠤᠭᠠᠷ | ᠳᠦᠷᠢ ᠶᠢᠨ ᠳ᠋ᠦᠢᠩᠬᠦᠷ ᠬᠤᠲᠤᠭᠲᠤ ᠯᠤᠪᠰᠠᠩᠵᠠᠯᠰᠠᠨ ᠤ ᠨᠠᠮᠲᠠᠷ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠰᠢᠨᠵᠢᠪᠡᠯ᠂ ᠪᠠᠳᠺᠠᠷ ᠵᠤᠤ ᠶᠢ | ᠶᠡᠭᠡ ᠲᠥᠯᠥᠪ ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠦᠶᠡ ᠳᠤ ᠪᠠᠷᠢᠭᠰᠠᠨ ᠢ ᠮᠡᠳᠡᠵᠦ ᠪᠣᠯᠣᠨᠠ᠃ ᠳᠡᠭᠡᠷᠡ ᠦᠭᠦᠯᠡᠭᠰᠡᠨ ᠲᠡᠷᠡ ᠡᠷᠡ | ᠭᠠᠯ ᠬᠤᠯᠤᠭᠠᠨᠠ ᠵᠢᠯ ᠤᠨ ᠪᠢᠴᠢᠭ ᠨᠢ ᠪᠠᠳᠺᠠᠷ ᠵᠤᠤ ᠶᠢ ᠪᠠᠷᠢᠭᠰᠠᠨ ᠤ ᠰᠡᠭᠦᠯᠡᠷ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠵᠠᠩᠵᠢᠶᠠ | ᠬᠤᠲᠤᠭᠲᠤ ᠠᠴᠠ ᠤᠯᠠᠭᠠᠨᠴᠠᠪ ᠤᠨ ᠴᠢᠭᠤᠯᠭᠠᠨ ᠤ ᠬᠤᠰᠢᠭᠤᠳ ᠲᠤ ᠰᠦᠮᠡ ᠶᠢᠨ ᠡᠷᠬᠡ ᠠᠰᠢᠭ ᠢ | ᠬᠠᠮᠠᠭᠠᠯᠠᠲᠤᠭᠠᠢ ᠬᠡᠮᠡᠨ ᠪᠠᠭᠤᠯᠭᠠᠭᠰᠠᠨ ᠺᠠᠱᠤᠭ ᠵᠠᠷᠯᠢᠭ ᠮᠥᠨ ᠪᠣᠯᠣᠯᠲᠠᠢ᠃ | ᠳ᠋ᠦᠢᠩᠬᠦᠷ ᠬᠤᠲᠤᠭᠲᠤ ᠯᠣᠪᠰᠠᠩᠵᠠᠯᠰᠠᠨ ᠤ ᠨᠠᠮᠲᠠᠷ ᠲᠤ ᠦᠭᠦᠯᠡᠭᠰᠡᠨ ᠢᠶᠠᠷ᠂ ᠯᠣᠪᠰᠠᠩᠵᠠᠯᠰᠠᠨ ᠬᠠᠯᠬᠠ ᠤᠳᠤᠮ ᠲᠠᠢ᠂ ᠡᠪᠦᠭᠡ | ᠡᠴᠢᠭᠡ ᠶᠢᠨ ᠦᠶᠡ ᠠᠴᠠ ᠪᠠᠨ ᠲᠦᠮᠡᠳ ᠬᠤᠰᠢᠭᠤᠨ ᠳᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠲᠡᠷᠡ ᠥᠪᠡᠷ ᠢᠶᠠᠨ | ᠲᠦᠮᠡᠳ ᠤᠨ ᠪᠠᠶᠠᠨ ᠵᠢᠷᠦᠬᠡ ᠶᠢᠨ ᠠᠶᠤᠰᠢ ᠬᠤᠳᠳᠤᠭ ᠭᠡᠰᠡᠨ ᠭᠠᠵᠠᠷ ᠲᠤ ᠲᠥᠷᠥᠭᠰᠡᠨ ᠪᠠᠶᠢᠨᠠ᠃ | ᠪᠠᠭᠠ ᠠᠴᠠ ᠪᠠᠨ ᠭᠡᠷ ᠠᠴᠠ ᠭᠠᠷᠴᠤ ᠯᠠᠮᠠ ᠪᠣᠯᠣᠭᠠᠳ᠂ ᠭᠠᠨᠵᠤᠤᠷᠪᠠ ᠬᠤᠲᠤᠭᠲᠤ ᠳᠤ ᠱᠠᠪᠢᠯᠠᠨ | ᠬᠤᠲᠤᠭᠲᠤ ᠶᠢᠨ ᠢᠲᠡᠭᠡᠯ ᠲᠠᠭᠠᠰᠢᠶᠠᠯ ᠢ ᠭᠦᠨ ᠣᠯᠣᠭᠰᠠᠨ ᠪᠥᠭᠡᠳ ᠮᠥᠨ ᠬᠤᠲᠤᠭᠲᠤ ᠶᠢᠨ ᠠᠴᠢ ᠪᠠᠷ | ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠵᠠᠩᠵᠢᠶᠠ ᠬᠤᠲᠤᠭᠲᠤ ᠷᠣᠯᠪᠢᠳᠣᠷᠵᠢ ᠲᠠᠢ ᠲᠠᠨᠢᠯᠴᠠᠭᠰᠠᠨ ᠪᠠᠶᠢᠨᠠ᠃ ᠬᠤᠶᠢᠨᠠ | ᠲᠦᠪᠡᠳ ᠲᠤ ᠬᠦᠷᠴᠦ ᠨᠣᠮ ᠰᠤᠷᠴᠤ᠂ ᠢᠯᠠᠩᠭᠤᠶᠠ ᠴᠠᠭ ᠤᠨ ᠬᠦᠷᠳᠦᠨ ᠳᠤ ᠪᠣᠯᠪᠠᠰᠤᠷᠠᠭᠠᠳ ᠶᠡᠭᠡ ᠮᠡᠷᠭᠡᠨ | ᠳ᠋ᠦᠢᠩᠬᠦᠷ ᠪᠠᠨᠳᠢᠳᠠ ᠶᠢᠨ ᠴᠣᠯᠠ ᠬᠦᠷᠲᠡᠭᠰᠡᠨ ᠪᠠᠶᠢᠨᠠ᠃ ᠮᠣᠩᠭᠤᠯ ᠭᠠᠵᠠᠷ ᠢᠶᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠰᠡᠭᠦᠯᠡᠷ | ᠳᠣᠯᠣᠭᠠᠨ ᠨᠠᠭᠤᠷ ᠤᠨ ᠭᠠᠵᠠᠷ ᠳ᠋ᠠ ᠯᠠᠮᠠ ᠶᠢᠨ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠪᠡ᠃ ᠰᠢᠷᠣᠢ ᠮᠣᠭᠠᠢ ᠵᠢᠯ ︵ᠰᠢᠷᠠᠭᠴᠢᠨ ᠮᠣᠭᠠᠢ ᠵᠢᠯ᠂ | ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠣᠨ᠂ 1749︶ ᠳᠤ ᠲᠡᠷᠡ ᠪᠠᠷ ᠬᠤᠪᠢᠨ ᠤ ᠰᠦᠮᠡ ᠪᠠᠨ ᠪᠠᠷᠢᠬᠤ ᠪᠠᠷ ᠪᠣᠯᠵᠤ᠂ | ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠵᠠᠩᠵᠢᠶᠠ ᠬᠤᠲᠤᠭᠲᠤ᠂ ᠵᠢᠷᠦᠩ ᠬᠤᠲᠤᠭᠲᠤ ᠪᠣᠯᠣᠨ ᠭᠠᠯᠳᠠᠨ ᠰᠢᠷᠡᠭᠡᠲᠦ ᠶᠢᠨ ᠵᠡᠷᠭᠡ ᠶᠢᠨ ᠭᠤᠷᠪᠠᠨ | ᠬᠤᠲᠤᠭᠲᠤ ᠳᠤ ᠵᠢᠪᠬᠤᠯᠠᠩᠲᠤ᠂ ᠵᠢᠭᠠᠰᠤᠲᠠᠢ ᠪᠣᠯᠣᠨ ᠵᠠᠯᠠᠨ ᠭᠤᠷᠪᠠᠨ ᠭᠠᠵᠠᠷ ᠢ ᠠᠶᠢᠯᠠᠳᠬᠠᠭᠰᠠᠨ ᠳᠤ | ᠵᠢᠪᠬᠤᠯᠠᠩᠲᠤ ᠶᠢ ᠰᠣᠩᠭᠤᠵᠤ ᠥᠭᠭᠦᠭᠰᠡᠨ ᠠᠵᠢ᠃ ᠮᠥᠨ ᠵᠢᠯ ᠱᠠᠪᠢ ᠨᠠᠷ ᠲᠠᠢ ᠪᠠᠨ | ᠵᠢᠪᠬᠤᠯᠠᠩᠲᠤ ᠶᠢᠨ ᠠᠭᠤᠯᠠᠨ ᠳᠤ ᠬᠦᠷᠴᠦ ᠭᠠᠵᠠᠷ ᠦᠵᠡᠵᠦ᠂ ᠰᠦᠮᠡ ᠪᠠᠷᠢᠬᠤ ᠰᠠᠶᠢᠨ ᠣᠷᠣᠨ | ᠬᠠᠶᠢᠭᠠᠳ᠂ ᠵᠢᠪᠬᠤᠯᠠᠩᠲᠤ ᠶᠢᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ︵ᠲᠡᠷᠡ ᠭᠠᠵᠠᠷ ᠢ ᠤᠳᠠ ᠶᠢᠨ ᠭᠤᠤ ᠭᠡᠵᠦ ᠪᠠᠶᠢᠭᠰᠠᠨ ᠪᠣᠯᠣᠯᠲᠠᠢ︶ ᠲᠤ | ᠪᠠᠷᠢᠬᠤ ᠪᠠᠷ ᠪᠣᠯᠪᠠ᠃ ᠬᠤᠶᠢᠲᠤ ᠣᠨ ᠨᠢ ᠮᠣᠷᠢᠨ ᠵᠢᠯ ︵ᠴᠠᠭᠠᠨ ᠮᠣᠷᠢᠨ ᠵᠢᠯ᠂ ᠲᠩᠷᠢ | ᠲᠡᠳᠬᠦᠭᠴᠢ ᠶᠢᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠣᠨ᠂ 1750︶ ᠳᠤ ᠴᠠᠭ ᠤᠨ ᠬᠦᠷᠳᠦᠨ ᠤ | ᠷᠠᠰᠠᠩ ᠢᠶᠠᠷ ᠡᠬᠢᠯᠡᠭᠦᠯᠦᠨ᠂ ᠰᠦᠮᠡ ᠪᠠᠷᠢᠬᠤ ᠠᠵᠢᠯ ᠢ ᠪᠦᠬᠦ ᠲᠠᠯᠠ ᠪᠠᠷ ᠡᠬᠢᠯᠡᠭᠦᠯᠦᠭᠡᠳ᠂ 1752 | ᠣᠨ ᠤ ᠡᠬᠢ ᠪᠠᠷ ᠰᠦᠮᠡ ᠶᠢᠨ ᠶᠡᠭᠡ ᠲᠦᠯᠥᠪ ᠨᠢ ᠭᠠᠷᠤᠭᠠᠳ᠂ 1754 ᠣᠨ ᠳᠤ ᠳᠣᠯᠣᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ | ᠯᠠᠮᠠ ᠠᠴᠠ ᠪᠠᠳᠺᠠᠷ ᠴᠦᠢᠯᠢᠩ ︵ᠴᠠᠭᠠᠨ ᠯᠢᠩᠬᠸᠠ ᠶᠢᠨ ᠰᠦᠮᠡ︶ ᠭᠡᠬᠦ ᠨᠡᠷᠡ ᠰᠣᠶᠣᠷᠬᠠᠭᠤᠯᠵᠤ᠂ 1758 | ᠣᠨ ᠪᠣᠯᠬᠤ ᠳᠤ ᠪᠠᠷᠢᠯᠭᠠ ᠶᠢᠨ ᠠᠵᠢᠯ ᠢ ᠦᠨᠳᠦᠰᠦᠨ ᠳᠡᠭᠡᠨ ᠳᠠᠭᠤᠰᠬᠠᠭᠰᠠᠨ ᠪᠠᠶᠢᠨᠠ᠃ ᠬᠤᠵᠢᠮ ᠨᠢ ᠪᠠᠰᠠ ᠰᠦᠮᠡ ᠶᠢ | ᠦᠷᠭᠡᠳᠭᠡᠵᠦ ᠪᠠᠷᠢᠭᠰᠠᠨ ᠶᠠᠪᠤᠳᠠᠯ ᠪᠣᠢ᠃ ᠪᠠᠳᠺᠠᠷ ᠵᠤᠤ ᠶᠢᠨ ᠮᠣᠩᠭᠤᠯ ᠠᠷᠬᠢᠪ ᠯᠤᠪᠰᠠᠩᠵᠠᠯᠰᠠᠨ ᠤ ᠨᠠᠮᠲᠠᠷ ᠲᠠᠬᠢ | ᠲᠡᠮᠳᠡᠭᠯᠡᠯ ᠲᠡᠦᠬᠡᠨ ᠦᠨᠡᠨ ᠲᠠᠢ ᠨᠡᠶᠢᠴᠡᠵᠦ ᠪᠠᠶᠢᠭᠠ ᠶᠢ ᠭᠡᠷᠡᠴᠢᠯᠡᠨᠡ᠃ ᠪᠠᠳᠺᠠᠷ ᠵᠤᠤ ᠶᠢ 1750 ᠣᠨ ᠠᠴᠠ ᠡᠬᠢᠯᠡᠨ ᠪᠠᠷᠢᠭᠰᠠᠨ ᠪᠠᠶᠢᠨᠠ᠃ | | ᠮᠤᠩᠭᠤᠯ ᠭᠠᠵᠠᠷ ᠤᠨ ᠨᠡᠷᠠ ᠶᠢᠨ ᠰᠤᠳᠤᠯᠭᠠᠨ ᠳᠤ ᠦᠨᠠ ᠴᠠᠨᠠ ᠲᠠᠢ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠪᠠ | ︽ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠲᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠭᠠᠵᠠᠷ ᠤᠨ ᠲᠡᠮᠳᠡᠭ ᠤᠪᠤᠭᠠ ᠶᠢᠨ ᠪᠠᠶᠢᠴᠠ ᠶᠢ ᠪᠢ ᠤᠳᠤ | ᠦᠨᠳᠤᠰᠤᠨ ᠳᠡᠭᠡᠨ ᠡᠷᠢᠵᠦ ᠤᠯᠤᠯᠠ︾ ᠬᠡᠵᠦ ᠪᠤᠭᠤᠲᠤ ᠬᠤᠳᠠ ᠶᠢᠨ ᠦᠨᠳᠤᠰᠤᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ ᠪᠠᠶᠢᠴᠠᠭᠠᠨ | ᠰᠤᠳᠤᠯᠤᠬᠴᠢ ᠰᠠᠴᠡᠨᠵᠠᠪ ᠰᠤᠷᠪᠤᠯᠵᠢᠯᠠᠭᠠ ᠳᠤ ᠶᠠᠷᠢᠵᠦ ᠪᠠᠶᠢᠯᠠ᠃ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠢ | ᠢᠯᠡᠷᠡᠭᠦᠯᠦᠭᠰᠡᠨ ᠠᠴᠠ ᠨᠠᠭᠠᠰᠢ᠂ ᠲᠡᠷᠡ ᠦᠪᠡᠷ ᠤᠨ ᠲᠤᠬᠠᠢᠢᠯᠠᠬᠰᠠᠨ ᠠᠵᠢᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠤᠨ ᠰᠤᠳᠤᠯᠵᠦ᠂ ᠮᠦᠨ ᠲᠡᠭᠦᠨ ᠤ | ᠲᠤᠳᠤᠷᠠ ᠠᠴᠠ ᠵᠠᠷᠢᠮ ᠪᠠᠷᠢᠮᠳᠠ ᠶᠢ ᠰᠤᠩᠭᠤᠨ ᠲᠠᠶᠢᠯᠪᠤᠷᠢ ᠬᠠᠳᠠᠵᠦ ︽ᠮᠦᠩᠭᠡ ᠲᠤᠯᠭᠠ︾ ᠰᠡᠳᠬᠦᠯ | ᠲᠡᠭᠡᠷᠠ ᠨᠡᠶᠢᠳᠡᠯᠡᠬᠦᠯᠵᠦ ᠪᠠᠶᠢᠬᠰᠠᠨ ᠪᠠᠶᠢᠨᠠ᠃ | ︽ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ ᠤᠨ ᠪᠦᠷᠢᠨ ᠡᠮᠬᠢᠳᠬᠡᠯ︾ | ᠤᠨ 11 ᠨᠤᠮᠧᠷᠳᠤ ᠪᠠᠷᠢᠮᠳᠠ ᠳᠤ᠄ ︽ᠤᠷᠠᠳ ᠤᠨ ᠤᠯᠤᠰ ᠤᠨ ᠲᠦᠱᠢᠶᠠ ᠬᠦᠩ ᠰᠤᠨᠤᠮᠵᠠᠮᠰᠠ᠂ ᠲᠤᠰᠠᠯᠠᠬᠴᠢ ᠲᠠᠶᠢᠵᠢ ᠠᠯᠳᠠ᠂ | ᠴᠢᠮᠪᠠᠯ ᠲᠠᠨ ᠤ ᠲᠠᠮᠠᠭᠠ ᠳᠤ ᠪᠢᠴᠢᠭ ᠦᠭᠬᠦ ᠶᠢᠨ ᠤᠴᠢᠷ᠂ ᠪᠢᠳᠡ ᠵᠦᠪᠰᠢᠶᠡᠷᠡᠯ ᠨᠢᠭᠡᠳᠳᠦᠭᠰᠡᠨ ᠤ ᠡᠭᠦᠳᠡᠨ ᠠᠴᠠ | ᠵᠢᠪᠬᠤᠯᠠᠩᠳᠤ ᠰᠦᠮᠠ ᠶᠢᠨ ᠵᠢᠪᠠ ᠱᠠᠩ ᠲᠤᠷ ᠲᠠᠷᠢᠶᠠ ᠶᠢᠨ ᠬᠠᠵᠠᠷ ᠲᠡᠮᠳᠡᠭᠯᠡᠨ ᠪᠠᠷᠢᠬᠤ ᠠᠨᠤ᠂ ᠡᠮᠦᠨᠠ | ᠪᠡᠶᠠ ᠴᠠᠬᠠᠨ ᠴᠢᠯᠤᠬᠤ᠂ ᠪᠠᠷᠠᠭᠤᠨ ᠡᠮᠦᠨᠠ ᠪᠦᠩᠰᠦ ᠶᠢᠨ ᠬᠤᠸᠠ᠂ ᠪᠠᠷᠠᠬᠤᠨ ᠪᠡᠶᠠ ᠰᠠᠶᠢᠷ ᠤᠨ ᠬᠠᠭᠴᠠ ᠮᠤᠳᠤ᠂ ᠰᠠᠶᠢᠷ | ᠲᠠᠭᠠᠵᠦ ᠪᠠᠷᠠᠭᠤᠨ ᠬᠤᠶᠢᠳᠤ ᠪᠡᠶᠠ ᠴᠠᠬᠠᠨ ᠲᠤᠯᠤᠬᠠᠢ᠂ ᠴᠢᠬᠢ ᠬᠤᠶᠢᠳᠤ ᠪᠡᠶᠠ ᠰᠤᠩᠳᠤᠢ ᠬᠤᠸᠠ᠂ ᠵᠡᠬᠦᠨ ᠬᠤᠶᠢᠳᠤ ᠪᠡᠶᠠ ᠬᠤᠷᠪᠠᠨ | ᠮᠤᠳᠤᠨ ᠤ ᠲᠤᠪᠤ᠂ ᠰᠠᠶᠢᠷᠢ ᠲᠠᠭᠠᠵᠦ ᠵᠡᠬᠦᠨ ᠡᠮᠦᠨᠠ ᠠᠮᠠ ᠶᠢᠨ ᠭᠠᠭᠴᠠ ᠮᠤᠳᠤ᠂ ᠡᠨᠡ ᠵᠠᠪᠰᠠᠷ ᠵᠡᠪᠰᠠᠷ ᠲᠤᠷ ᠴᠦ | ᠲᠡᠮᠳᠡᠭ ᠤᠪᠤᠭᠠ ᠶᠢ᠂ ᠰᠦᠮᠠ ᠶᠢᠨ ᠨᠢᠷᠪᠠ ᠨᠠᠷ ᠯᠤᠭᠠ᠂ ᠰᠤᠮᠤᠨ ᠤ ᠵᠠᠩᠬᠢ ᠵᠠᠨᠳᠠ ᠪᠠᠳᠤᠱᠢᠷᠢ ᠡᠳᠡ ᠬᠠᠮᠳᠤ ᠶᠠᠪᠤᠵᠦ | ᠲᠠᠯᠪᠢᠪᠠ᠂ ᠬᠤᠶᠢᠨᠠᠳᠠ ᠦᠭᠦᠯᠡᠨ ᠦᠯᠦ ᠪᠤᠯᠬᠤ ᠶᠢᠨ ᠲᠤᠯᠠᠳᠠ ᠪᠠᠳᠤᠯᠠᠵᠦ ᠲᠠᠮᠠᠭᠠ ᠲᠠᠷᠤᠬᠰᠠᠨ ᠪᠢᠴᠢᠭ ᠲᠠᠢ ᠲᠤᠰᠢᠶᠠᠨ ᠦᠭᠪᠡ︾ ᠬᠡᠵᠦ | ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠪᠡᠳᠬᠡᠷ ᠵᠤᠤ ᠶᠢᠨ ᠤᠢᠢᠷᠠ ᠤᠷᠴᠢᠮ ᠤᠨ ᠭᠠᠵᠠᠷ ᠤᠨ ᠨᠡᠷᠠ ᠶᠢᠨ ᠮᠤᠩᠭᠤᠯ ᠨᠠᠷᠠᠶᠢᠳᠤᠯ ᠢ | ᠲᠤᠳᠤᠷᠬᠠᠢ ᠮᠡᠳᠡᠵᠦ ᠪᠤᠯᠬᠤ ᠶᠤᠮ᠃ | ︽ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠠ ᠶᠢᠨ ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠨᠤᠭᠤᠳ ᠤᠨ ᠪᠦᠷᠢᠨ ᠡᠮᠬᠢᠳᠬᠡᠯ︾ | ᠳᠤ ᠠᠭᠤᠯᠠ ᠶᠢᠨ ᠤᠢ ᠴᠡᠴᠡᠷᠯᠢᠭ ᠢ ᠰᠦᠢᠳᠬᠡᠬᠦ ᠶᠢ ᠴᠠᠭᠠᠵᠠᠯᠠᠬᠰᠠᠨ ᠪᠠᠷᠢᠮᠳᠠ᠂ ᠬᠡᠭᠡᠨ ᠬᠤᠪᠢᠯᠭᠠᠳ ᠢ ᠬᠡᠶᠢᠳ ᠤᠨ ᠠᠯᠳᠠᠨ | ᠰᠢᠷᠡᠭᠡᠨ ᠳᠤ ᠵᠠᠯᠠᠬᠤ ᠲᠦᠭᠡᠮᠡᠯ ᠶᠡᠭᠡ ᠪᠠᠶᠠᠷ ᠨᠠᠶᠢᠷ ᠤᠨ ᠵᠤᠬᠢᠴᠠᠭᠤᠯᠭᠠ ᠪᠠᠶᠢᠷᠢᠯᠠᠭᠤᠯᠭᠠ᠂ ᠪᠦᠬᠡ ᠶᠢᠨ ᠱᠠᠩ | ᠵᠡᠷᠭᠡ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠷᠢᠮᠳᠠ ᠪᠠᠶᠢᠬᠤ ᠶᠢ ᠰᠤᠷᠪᠤᠯᠵᠢᠯᠠᠬᠴᠢ ᠤᠯᠵᠦ ᠬᠠᠷᠠᠯᠠ᠃ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠡᠷᠬᠢᠮᠨᠠᠨ ᠬᠠᠶᠢᠷᠠᠯᠠᠳᠠᠭ ᠰᠤᠶᠤᠯ ᠤᠨ | ᠦᠵᠡᠯ ᠤᠬᠠᠮᠰᠠᠷ ᠡᠳᠡᠭᠡᠷ ᠠᠷᠬᠢᠪ ᠪᠠᠷᠢᠮᠳᠠ ᠳᠤ ᠪᠦᠷᠢᠨ ᠢᠯᠡᠷᠡᠬᠦ ᠪᠦᠭᠡᠳ᠂ ᠰᠦᠮᠠ ᠬᠡᠶᠢᠳ ᠤᠨ ᠲᠡᠤᠬᠡ ᠪᠤᠯ ᠮᠦᠨ ᠴᠦ ᠲᠤᠬᠠᠢ ᠶᠢᠨ | ᠦᠶᠠ ᠶᠢᠨ ᠨᠡᠶᠢᠭᠡᠮ ᠤᠨ ᠲᠡᠤᠬᠡ ᠶᠢᠨ ᠴᠢᠬᠤᠯᠠ ᠪᠦᠷᠢᠯᠳᠤᠬᠦᠨ ᠪᠤᠯᠬᠤ ᠶᠢ ᠡᠳᠡᠭᠡᠷ ᠠᠷᠬᠢᠪ ᠪᠠᠷᠢᠮᠳᠠ ᠨᠤᠭᠤᠳ | ᠪᠦᠷᠢᠨ ᠬᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ | | | ᠬᠠᠮᠢᠶᠠ ᠪᠦᠬᠦᠢ ᠬᠤᠯᠪᠣᠭᠠᠰᠣ | ᠪᠠᠳᠺᠡᠷ ᠵᠤᠤ ᠶᠢᠨ ᠮᠤᠩᠭᠤᠯ ᠲᠡᠤᠬᠡᠨ ᠠᠷᠬᠢᠪ ᠤᠨ ᠪᠠᠷᠢᠮᠳᠠ ᠤᠳᠤ ᠪᠤᠭᠤᠲᠤ ᠬᠤᠳᠠ ᠶᠢᠨ ᠲᠠᠩᠰᠠ ᠡᠪᠬᠡᠮᠡᠯ ᠤᠨ ᠭᠠᠵᠠᠷ ᠲᠤ | ᠬᠠᠳᠠᠭᠠᠯᠠᠬᠳᠠᠵᠦ ᠪᠠᠶᠢᠨᠠ᠂ ᠨᠡᠶᠢᠳᠡ 1668 ᠬᠤᠪᠢ᠂ ᠲᠡᠳᠡᠭᠡᠷ ᠨᠢ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠭᠤᠴᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵1695 ᠤᠨ︶ ᠠᠴᠠ ᠢᠷᠭᠡᠨ ᠤᠯᠤᠰ ᠤᠨ ᠭᠤᠴᠢᠨ | ᠲᠤᠯᠤᠳᠤᠭᠠᠷ ᠤᠨ ︵1948︶ ᠬᠦᠷᠳᠡᠯᠡᠬᠢ ᠠᠷᠬᠢᠪ ᠪᠠᠷᠢᠮᠳᠠ ᠨᠤᠭᠤᠳ ᠪᠠᠶᠢᠵᠦ᠂ ᠢᠷᠭᠡᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠴᠥᠬᠡᠨ | ᠬᠡᠳᠦᠨ ᠬᠢᠲᠠᠳ ᠪᠠᠷᠢᠮᠲᠠ ᠶᠢ ᠭᠠᠷᠭᠠᠪᠠᠯ ᠪᠤᠰᠤᠳ ᠨᠢ ᠴᠥᠮ ᠮᠣᠩᠭᠤᠯ ᠪᠠᠷᠢᠮᠲᠠ ᠪᠣᠯᠣᠨᠠ᠃ ᠡᠳᠡᠭᠡᠷ ᠠᠷᠬᠢᠪ ᠪᠠᠷᠢᠮᠳᠠ ᠨᠢ | 2015 ᠣᠨ ᠳᠤ ︽ᠲᠣᠮᠲᠠᠲᠣ ᠣᠯᠣᠰ ᠤᠨ ᠲᠠᠩᠰᠠ ᠡᠪᠬᠡᠮᠡᠯ ᠤᠨ ᠰᠣᠷᠪᠣᠯᠵᠢ ᠪᠢᠴᠢᠭ ᠤᠨ ᠨᠡᠷᠡᠰ︾ ᠲᠤ ᠣᠷᠣᠵᠠᠢ᠃ | ᠦᠩᠬᠡᠷᠡᠭᠰᠡᠨ ᠳᠤ ᠡᠳᠡᠭᠡᠷ ᠠᠷᠬᠢᠪ ᠪᠠᠷᠢᠮᠳᠠ ᠨᠢ ᠬᠤᠪᠢ ᠬᠦᠮᠦᠨ ᠤ ᠭᠠᠷ ᠲᠤ ᠬᠠᠳᠠᠭᠠᠯᠠᠬᠳᠠᠵᠦ ᠪᠠᠶᠢᠬᠰᠠᠨ ᠶᠤᠮ᠃ ᠴᠦᠬᠡᠨ | ᠲᠤᠭᠠᠳᠤ ᠦᠨᠳᠤᠰᠤᠳᠠᠨ ᠤ ᠬᠠᠭᠤᠴᠢᠨ ᠤ ᠨᠤᠮ ᠰᠤᠳᠤᠷ ᠢ ᠡᠮᠬᠢᠯᠡᠨ ᠲᠢᠭᠯᠡᠬᠦ ᠦᠶᠡᠰ᠂ ᠪᠤᠭᠤᠲᠤ ᠬᠤᠳᠠ ᠶᠢᠨ | ᠦᠨᠳᠤᠰᠤᠳᠠᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠨᠢ ᠬᠠᠳᠠᠭᠠᠯᠠᠬᠴᠢ ᠶᠢᠨ ᠭᠠᠷ ᠠᠴᠠ ᠲᠡᠳᠡᠭᠡᠷ ᠤᠳ ᠢ ᠴᠤᠬᠯᠠᠭᠤᠯᠤᠨ | ᠤᠯᠵᠦ᠂ 2008 ᠤᠨ ᠠᠴᠠ ᠡᠬᠢᠯᠡᠨ ᠭᠤᠷᠪᠠᠨ ᠵᠢᠯ ᠤᠨ ᠴᠠᠭ ᠵᠠᠷᠤᠴᠠᠭᠤᠯᠵᠦ ᠪᠠᠶᠢᠭᠠᠳ ᠲᠡᠭᠦᠨ ᠤ ᠲᠤᠳᠤᠷᠠᠬᠢ 817 ᠬᠤᠪᠢ | ᠠᠷᠬᠢᠪ ᠤᠨ ᠭᠠᠷᠴᠠᠭ ᠢ ᠲᠢᠭᠯᠡᠵᠦ᠂ ᠴᠦᠬᠡᠨ ᠲᠤᠭᠠᠳᠤ ᠦᠨᠳᠤᠰᠤᠳᠠᠨ ᠤ ᠬᠠᠭᠤᠴᠢᠨ ᠤ ᠨᠤᠮ ᠰᠤᠳᠤᠷ ᠤᠨ | ᠡᠮᠬᠢᠯᠡᠯ ᠳᠤ ᠪᠦᠷᠢᠳᠬᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ ᠰᠡᠭᠦᠯᠡᠷ ᠨᠢ ᠡᠳᠡᠭᠡᠷ ᠠᠷᠬᠢᠪ ᠪᠠᠷᠢᠮᠲᠠ ᠶᠢ ᠨᠡᠩ | ᠰᠠᠶᠢᠨ ᠢᠶᠠᠷ ᠬᠠᠳᠠᠭᠠᠯᠠᠨ ᠦᠯᠡᠳᠡᠭᠡᠬᠦ ᠶᠢᠨ ᠡᠭᠦᠳᠡᠨ ᠠᠴᠠ᠂ ᠪᠤᠭᠤᠲᠤ ᠬᠤᠳᠠ ᠶᠢᠨ ᠦᠨᠳᠤᠰᠤᠳᠠᠨ ᠤ | ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠨᠢ ᠲᠡᠭᠦᠨ ᠢ ᠪᠤᠭᠤᠲᠤ ᠬᠤᠳᠠ ᠶᠢᠨ ᠲᠠᠩᠰᠠ ᠡᠪᠬᠡᠮᠡᠯ ᠤᠨ ᠭᠠᠵᠠᠷ ᠲᠤ ᠬᠠᠨᠳᠢᠪᠯᠠᠵᠠᠢ᠃ | ᠲᠡᠭᠦᠨ ᠠᠴᠠ ᠰᠡᠭᠦᠯᠡᠷ᠂ ᠪᠤᠭᠤᠲᠤ ᠬᠤᠳᠠ ᠶᠢᠨ ᠲᠠᠩᠰᠠ ᠡᠪᠬᠡᠮᠡᠯ ᠤᠨ ᠭᠠᠵᠠᠷ ᠤᠨ ᠮᠡᠷᠭᠡᠵᠢᠯᠳᠡᠳ ᠠᠴᠠ ᠡᠳᠡᠭᠡᠷ | ᠠᠷᠬᠢᠪ ᠪᠠᠷᠢᠮᠳᠠ ᠨᠤᠭᠤᠳ ᠲᠤ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠠᠪᠤᠷᠠᠯᠳᠠ ᠬᠠᠮᠠᠭᠠᠯᠠᠯᠳᠠ ᠬᠢᠵᠦ᠂ ᠨᠠᠭᠠᠯᠳᠤᠵᠦ ᠪᠠᠷᠢᠯᠳᠤᠬᠰᠠᠨ ᠢ ᠨᠢ ᠰᠠᠯᠭᠠᠨ᠂ | ᠦᠳᠡᠷᠡᠵᠦ ᠴᠤᠭᠤᠷᠤᠬᠰᠠᠨ ᠢ ᠨᠢ ᠨᠦᠬᠦᠵᠦ᠂ ᠪᠦᠬᠦ ᠪᠠᠷᠢᠮᠳᠠ ᠶᠢ ᠴᠠᠷᠳᠠᠨ ᠨᠠᠭᠠᠵᠦ ᠨᠤᠮᠧᠷᠯᠠᠨ ᠲᠢᠭᠯᠡᠭᠰᠡᠨ ᠢᠶᠠᠷ᠂ ᠦᠨᠤᠳᠤᠷ ᠤᠨ ᠬᠡᠷᠡᠯ | ᠵᠢᠷᠤᠭ ᠤᠨ ᠬᠡᠯᠪᠡᠷᠢ ᠪᠠᠷ ᠬᠡᠪᠯᠡᠭᠳᠡᠨ ᠲᠠᠷᠬᠠᠭᠠᠭᠳᠠᠬᠤ ᠶᠢᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠰᠠᠨ ᠪᠠᠶᠢᠨᠠ᠃ | | | |