| ᠰᠤᠷᠬᠤ ᠳᠤ ᠬᠢᠴᠢᠶᠡᠵᠥ ᠬᠥᠲᠡᠯᠮᠥᠷᠢ ᠶᠢ ᠡᠷᠬᠢᠮᠯᠡᠲᠡᠭ ᠨᠢᠭᠡᠨ ᠠᠶᠢᠯ | ᠥᠡᠭᠭᠡ ᠶᠢᠨ ᠴᠡᠴᠡᠭ ᠲᠡᠯᠭᠡᠷᠡᠭᠰᠡᠨ ᠲᠠᠯᠠ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠤᠲᠤᠬᠢᠴᠢᠯᠠᠭᠰᠠᠨ ᠬᠤᠶᠠᠷ ᠲᠠᠪᠬᠤᠷ ᠠᠰᠠᠷ᠂ | ᠤᠨᠴᠠᠯᠢᠬᠲᠤ ᠨᠡᠬᠦᠲᠡᠯ ᠤᠨ ᠭᠡᠷ᠂ ᠫᠸᠡᠭ ᠬᠠᠰᠢᠶᠠ ᠰᠥᠷ ᠪᠠᠲᠠᠷᠠᠭᠤᠨ ᠬᠠᠷᠠᠭᠲᠠᠵᠥ᠂ ᠠᠵᠢᠯᠴᠢ ᠠᠶᠢᠯ ᠤᠨ ᠴᠢᠨᠡᠭᠡᠯᠢᠭ | ᠠᠮᠢᠲᠤᠷᠠᠯ ᠭᠠᠲᠠᠷᠯᠠᠭᠲᠠᠨᠠ᠃ ᠡᠨᠡ ᠪᠤᠯ ᠵᠡᠬᠦᠨ ᠥᠵᠥᠮᠥᠴᠢᠨ ᠬᠤᠰᠢᠭᠤᠨ ᠤ ᠮᠠᠨᠲᠤᠬᠤᠪᠤᠯᠠᠭ ᠪᠠᠯᠭᠠᠰᠤ ᠶᠢᠨ ᠬᠤᠯᠪᠤᠭᠠ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠡᠥ ᠬᠠᠢ ᠵᠢᠶᠦ᠋ᠨ ᠤᠷᠠᠨ ᠭᠠᠷ᠂ ᠰᠢᠷᠭᠠᠭᠤ ᠬᠥᠲᠡᠯᠮᠥᠷᠢ ᠪᠠᠷ ᠢᠶᠠᠨ ᠴᠤᠭᠴᠠᠯᠠᠨ ᠪᠠᠶᠢᠭᠤᠯᠤᠬᠰᠠᠨ | ᠪᠥᠲᠥᠭᠡᠨ ᠪᠠᠶᠢᠭᠤᠯᠤᠯᠲᠠ ᠪᠤᠯᠤᠨᠠ᠃ | ᠡᠥ ᠬᠠᠢ ᠵᠢᠶᠦ᠋ᠨ ᠶᠡᠷᠥᠨᠢ ᠮᠠᠰᠢᠨ ᠲᠤᠨᠤᠭᠯᠠᠯ ᠵᠠᠰᠠᠵᠥ ᠰᠡᠯᠪᠢᠬᠦ ᠲᠤᠷᠠ ᠪᠠᠬᠠ ᠲᠠᠢ ᠪᠠᠶᠢᠲᠠᠭ᠃ ᠡᠨᠡᠬᠦ ᠰᠤᠨᠢᠷᠬᠠᠯ ᠳᠠᠭᠠᠨ | ᠬᠦᠲᠦᠯᠦᠭᠳᠡᠨ ᠰᠢᠨᠠ ᠴᠠᠭ ᠥᠶᠠ ᠶᠢᠨ ᠤᠷᠤᠨ ᠰᠠᠭᠤᠴᠠ ᠪᠠᠷᠢᠬᠤ ᠪᠤᠲᠤᠯ ᠲᠥᠷᠥᠭᠲᠡᠵᠥ᠂ ᠤᠲᠠᠭᠠᠨ ᠵᠢᠯ ᠤᠨ ᠮᠠᠰᠢᠨ | ᠲᠤᠨᠤᠭᠯᠠᠯ ᠤᠨ ᠮᠡᠲᠡᠯᠭᠡ ᠶᠢᠨ ᠰᠠᠭᠤᠷᠢᠨ ᠲᠡᠭᠡᠷᠠ ᠪᠠᠨ ᠪᠠᠷᠢᠯᠭᠠ ᠶᠢᠨ ᠮᠡᠷᠭᠡᠵᠢᠯ ᠢ ᠥᠪᠡᠷᠲᠡᠭᠡᠨ ᠰᠤᠷᠤᠯᠴᠠᠵᠥ᠂ 2017 | ᠤᠨ ᠳᠤ 280 ᠬᠠᠪᠲᠠᠭᠠᠢ ᠲᠥᠷᠪᠡᠯᠵᠢᠨ ᠮᠧᠲᠷ ᠬᠤᠶᠠᠷ ᠲᠠᠪᠬᠤᠷ ᠠᠰᠠᠷ ᠢᠶᠠᠨ ᠪᠠᠷᠢᠵᠠᠢ᠃ ᠡᠬᠦᠨ ᠤ ᠲᠠᠭᠠᠥ 48 | ᠬᠠᠪᠲᠠᠭᠠᠢ ᠲᠥᠷᠪᠡᠯᠵᠢᠨ ᠮᠧᠲᠷ ᠨᠡᠬᠦᠲᠡᠯ ᠮᠠᠯᠵᠢᠯ ᠳᠤ ᠲᠤᠬᠢᠷᠠᠭᠰᠠᠨ ᠤᠨᠴᠠᠯᠢᠭᠲᠤ ᠨᠡᠬᠦᠲᠡᠯ ᠤᠨ ᠭᠡᠷ᠂ 3000 | ᠬᠠᠪᠲᠠᠭᠠᠢ ᠲᠥᠷᠪᠡᠯᠵᠢᠨ ᠮᠧᠲᠷ ᠮᠠᠯ ᠤᠨ ᠫᠸᠡᠭ ᠪᠠᠷᠢᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠬᠡᠷᠡᠭᠴᠡᠭᠡ ᠱᠠᠭᠠᠷᠲᠠᠯᠭᠠ ᠪᠠᠨ | ᠥᠪᠡᠷᠲᠡᠭᠡᠨ ᠬᠠᠨᠭ᠍ᠭᠠᠬᠤ ᠶᠢ ᠵᠤᠷᠢᠵᠥ᠂ ᠭᠡᠷ ᠤᠨ ᠢᠶᠠᠨ ᠶᠡᠭᠡ ᠪᠠᠭᠠ ᠠᠵᠢᠯ ᠠᠴᠠ ᠡᠬᠢᠯᠡᠨ ᠴᠥᠮ ᠥᠪᠡᠷ ᠢᠶᠠᠨ ᠭᠠᠷ | ᠬᠦᠳᠡᠯᠦᠨ ᠬᠢᠬᠦ ᠲᠤᠷᠠᠲᠠᠢ᠃ ᠤᠬᠠᠭᠠᠨ ᠰᠠᠨᠠᠭᠠ ᠲᠠᠭᠠᠷᠠᠭᠰᠠᠨ ᠭᠡᠷᠭᠡᠢ ᠨᠢ ᠴᠥ ᠭᠡᠷ ᠤᠨ ᠬᠥᠷᠢᠶᠡᠨ ᠳᠡᠭᠡᠨ 20 ᠰᠢᠬᠠᠮ | ᠲᠥᠷᠥᠯ ᠤᠨ ᠢᠲᠡᠰᠢᠨ ᠨᠤᠭᠤᠭᠠ ᠲᠠᠷᠢᠵᠥ ᠪᠤᠶᠢᠵᠢᠭᠤᠯᠤᠭᠰᠠᠨ ᠪᠠᠶᠢᠯᠠ᠃ ︽ᠬᠥᠲᠡᠭᠡ ᠶᠢᠨ ᠶᠡᠭᠡ ᠪᠠᠭᠠ ᠠᠵᠢᠯ ᠤᠯᠠᠨ᠂ | ᠠᠯᠢ ᠪᠤᠯᠭᠠᠨ ᠳᠤᠨᠢ ᠬᠥᠮᠥᠨ ᠢ ᠬᠠᠷᠠᠵᠥ ᠰᠠᠭᠤᠬᠤ ᠪᠤᠢ︖ ᠴᠢᠷᠮᠠᠶᠢᠭᠠᠳ ᠥᠪᠡᠷ ᠢᠶᠠᠨ ᠰᠤᠷᠴᠢᠬᠠᠪᠠᠯ ᠬᠡᠵᠢᠶᠠ ᠬᠠᠮᠢᠭᠠ | ᠴᠥ ᠬᠡᠰᠡᠨ ᠪᠠᠶᠢᠲᠠᠯ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ ᠠᠮᠵᠢᠭᠤᠯᠴᠢᠬᠠᠨᠠ︾ ᠭᠡᠵᠥ ᠡᠥ ᠬᠠᠢ ᠵᠢᠶᠦ᠋ᠨ ᠶᠠᠷᠢᠨᠠ᠃ | ᠡᠲᠡᠨᠡᠶᠢᠬᠢᠨ ᠬᠤᠷᠢ ᠭᠤᠴᠢᠨ ᠵᠢᠯ ᠤᠨ ᠡᠮᠥᠨᠡᠬᠢ ᠬᠠᠭᠤᠴᠢᠨ ᠭᠡᠷ ᠪᠠᠶᠢᠰᠢᠩ ᠢᠶᠠᠨ ᠨᠤᠷᠠᠭᠠᠬᠤ ᠥᠭᠡᠢ ᠬᠡᠪ ᠢᠶᠠᠷ ᠨᠢ | ᠥᠯᠡᠲᠡᠭᠡᠵᠡᠢ᠃ ᠰᠢᠯᠲᠠᠭᠠᠨ ᠢ ᠨᠢ ᠠᠰᠠᠭᠤᠪᠠᠯ᠄ ︽ᠠᠮᠢᠲᠤᠷᠠᠯ ᠤᠨ ᠠᠶᠠᠯᠠᠯ ᠢᠶᠠᠨ ᠥᠷᠠ ᠬᠡᠥᠭᠡᠳ ᠲᠡᠭᠡᠨ ᠥᠵᠡᠬᠦᠯᠵᠥ | ᠮᠡᠲᠡᠷᠡᠬᠦᠯᠬᠦ ᠶᠢᠨ ᠲᠥᠯᠥᠭᠡ︾ ᠭᠡᠵᠥ ᠪᠠᠶᠢᠯᠠ᠃ ᠠᠵᠢᠯᠴᠢ ᠬᠥᠲᠡᠯᠮᠥᠷᠢᠴᠢ ᠬᠡᠪ ᠰᠤᠷᠳᠠᠯ ᠢᠶᠠᠷ ᠢᠶᠠᠨ ᠥᠷᠠ | ᠬᠡᠥᠭᠡᠳ ᠲᠡᠭᠡᠨ ᠲᠠᠭᠤᠷᠢᠶᠠᠯ ᠪᠤᠯᠬᠤ ᠶᠢ ᠬᠢᠴᠢᠶᠡᠭᠰᠡᠨ ᠢᠶᠠᠷ ᠬᠡᠥᠭᠡᠳ ᠨᠢ ᠴᠥ ᠠᠪᠤ ᠡᠵᠢ ᠪᠠᠨ ᠲᠠᠭᠠᠨ ᠬᠥᠲᠡᠭᠡ ᠶᠢᠨ | ᠠᠵᠢᠯ ᠢᠶᠠᠨ ᠲᠥᠷᠭᠡᠨ ᠱᠠᠯᠠᠮᠠᠭᠠᠢ ᠠᠮᠵᠢᠭᠤᠯᠴᠢᠬᠠᠲᠠᠭ ᠪᠠᠶᠢᠯᠠ᠃ | ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠰᠠᠭᠤᠷᠢ ᠪᠥᠲᠥᠭᠡᠨ ᠪᠠᠶᠢᠭᠤᠯᠤᠯᠲᠠ ᠪᠤᠯ ᠮᠠᠯᠵᠢᠬᠤ ᠤᠷᠤᠨ ᠤ ᠬᠥᠭᠵᠢᠯᠲᠡ ᠶᠢᠨ ᠥᠨᠲᠤᠰᠤ ᠮᠥᠨ᠃ | ᠡᠥ ᠬᠠᠢ ᠵᠢᠶᠦ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠮᠠᠯ ᠮᠠᠯᠵᠢᠵᠥ᠂ ᠠᠵᠤ ᠥᠢᠯᠡᠰ ᠤᠨ ᠬᠡᠯᠪᠡᠷᠢ ᠶᠢ ᠬᠤᠪᠢᠷᠠᠭᠤᠯᠬᠤ᠂ | ᠲᠤᠭᠲᠠᠭᠤᠨ ᠢᠶᠠᠷ ᠬᠥᠭᠵᠢᠬᠦᠯᠬᠦ᠂ ᠤᠷᠤᠯᠭᠠ ᠶᠢ ᠥᠷᠬᠦᠯᠵᠢᠯᠡᠨ ᠨᠡᠮᠡᠭᠲᠡᠬᠦᠯᠬᠦ ᠬᠥᠭᠵᠢᠯᠲᠡ ᠶᠢᠨ ᠵᠠᠬᠪᠤᠷ ᠢ ᠢᠲᠡᠪᠬᠢᠲᠡᠢ | ᠬᠠᠶᠢᠨ ᠰᠥᠪᠡᠭᠴᠢᠯᠡᠵᠥ᠂ ︽ᠬᠤᠨᠢ ᠶᠢ ᠴᠥᠭᠡᠴᠢᠯᠡᠨ ᠥᠭᠡᠷ ᠢ ᠨᠡᠮᠡᠭᠲᠡᠬᠦᠯᠬᠦ︾ ᠪᠠᠶᠢᠯᠲᠤᠬᠤ ᠪᠤᠲᠤᠯᠭᠠ ᠶᠢᠨ ᠲᠠᠭᠠᠥ | ᠤᠲᠤᠬᠢᠴᠢᠯᠠᠭᠰᠠᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠰᠠᠭᠤᠷᠢ ᠲᠥᠭᠦᠭᠡᠷᠥᠮᠵᠢ ᠶᠢᠨ ᠪᠥᠲᠥᠭᠡᠨ ᠪᠠᠶᠢᠭᠤᠯᠤᠯᠲᠠ ᠶᠢ ᠰᠢᠯᠢᠲᠡᠭᠵᠢᠬᠦᠯᠵᠥ | ᠂ ᠠᠶᠢᠮᠠᠭ ᠤᠨ ᠰᠢᠮᠧᠨ᠋ᠲ᠋ᠠᠷ ᠥᠭᠡᠷ ᠮᠠᠯᠵᠢᠬᠤ ᠭᠤᠤᠯᠲᠠᠯᠭᠠᠲᠤ ᠡᠷᠥᠭᠡ ᠪᠠᠷ ᠰᠤᠩᠭᠤᠭᠲᠠᠭᠰᠠᠨ ᠪᠠᠶᠢᠨᠠ᠃ | ᠠᠵᠢᠯ ᠬᠥᠲᠡᠯᠮᠥᠷᠢ ᠬᠥᠮᠥᠨ ᠢ ᠭᠤᠶᠤᠵᠥ᠂ ᠠᠮᠢᠲᠤᠷᠠᠯ ᠢ ᠥᠭᠡᠲᠡᠷᠭᠡᠭ ᠪᠤᠯᠭᠠᠲᠠᠭ᠃ ᠡᠥ ᠬᠠᠢ ᠵᠢᠶᠦ᠋ᠨ ᠤ ᠡᠨᠡᠬᠦ ᠠᠵᠢᠯᠴᠢ | ᠬᠥᠲᠡᠯᠮᠥᠷᠢᠴᠢ ᠵᠤᠷᠢᠭ ᠰᠠᠨᠠᠭᠠ ᠨᠢ ᠰᠢᠨᠠ ᠴᠠᠭ ᠥᠶᠠ ᠶᠢᠨ ᠤᠲᠤᠬᠢᠴᠢᠯᠠᠭᠰᠠᠨ ᠮᠠᠯᠴᠢᠨ ᠤ ᠲᠥᠷᠢ ᠲᠥᠷᠬᠦ ᠶᠢ ᠬᠥᠢᠴᠡᠳ | ᠬᠠᠷᠠᠭᠤᠯᠤᠨᠠ᠃ | |