| ᠨᠤᠳᠤᠬ ᠢᠶᠠᠨ ᠰᠠᠬᠢᠬᠰᠠᠨ ᠠᠳᠤᠭᠤᠳ ᠪᠤᠶᠤ ᠨᠠᠰᠤᠳᠠᠢ ᠠᠪᠤ ᠶᠢᠨ 38 ᠵᠢᠯ | ︽2000 ᠤᠨ ᠤ ᠶᠡᠭᠡ ᠭᠠᠨᠭ᠌ ᠤᠨ ᠵᠢᠯ ᠪᠠᠶᠢᠬᠰᠠᠨ᠂ ᠬᠡᠳᠤᠨ ᠠᠳᠤᠭᠤ ᠮᠢᠨᠢ ᠰᠢᠷᠤᠢ ᠳᠤ ᠪᠤᠯᠠᠬᠳᠠᠬᠤ ᠰᠢᠬᠠᠭᠠᠳ | ᠠᠷᠭᠠ ᠪᠤᠰᠤ ᠮᠠᠨ ᠤ ᠵᠡᠷᠭᠡᠯᠡᠳᠡᠭᠡ ᠳᠠᠯᠠᠢ ᠰᠤᠮᠤᠨ ᠳᠠᠭᠠᠨ ᠪᠡᠯᠴᠢᠬᠡᠷ ᠰᠢᠯᠵᠢᠬᠦᠯᠦᠭᠰᠡᠨ ᠁ ᠰᠠᠷᠠ ᠶᠢᠨ ᠠᠷᠤ ᠳᠤ | ᠠᠳᠤᠭᠤ ᠪᠠᠨ ᠦᠵᠡᠬᠦ ᠪᠠᠷ ᠬᠦᠷᠬᠦ ᠳᠤ ᠬᠡᠳᠤᠨ ᠠᠳᠤᠭᠤ ᠮᠢᠨᠢ ᠨᠤᠳᠤᠬ ᠢᠶᠠᠨ ᠪᠠᠷᠠᠳᠠᠭᠠᠳ ᠵᠤᠬᠰᠤᠵᠤ ᠪᠠᠶᠢᠬᠰᠠᠨ᠂ | ᠬᠠᠴᠢᠨ ᠤᠶᠠᠷᠠᠯᠳᠠᠢ ᠰᠠᠨᠠᠭᠳᠠᠭᠰᠠᠨ ᠁︾ ᠰᠦᠨᠢᠳ ᠨᠤᠳᠤᠬ ᠤᠨ ᠠᠳᠤᠭᠤᠴᠢᠨ ᠭᠤᠨᠴᠤᠬᠵᠠᠮᠰᠤ ᠠᠪᠤ | ᠠᠳᠤᠭᠤᠨ ᠤ ᠪᠠᠨ ᠳᠤᠬᠠᠢ ᠢᠡᠭᠭᠢᠵᠤ ᠶᠠᠷᠢᠵᠦ ᠡᠬᠢᠯᠡᠯᠡ | ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠪᠤᠯ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠶ᠋ᠬᠠᠠᠭᠤᠯᠠ ᠰᠤᠮᠤᠨ ᠤ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠᠨ ᠤ | ᠤᠤᠭᠠᠯ᠂ ᠮᠦᠨᠴᠤ ︽ᠪᠠᠶᠠᠨ ᠠᠭᠤᠯᠠ︾ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠰᠬᠠᠢ ᠬᠤᠷᠰᠢᠶᠠᠵᠢᠯ ᠤᠨ ᠡᠬᠦᠰᠭᠡᠨ ᠪᠠᠶᠢᠭᠤᠯᠤᠬᠴᠢ | ᠪᠤᠯᠤᠨᠠ᠃ ᠦᠨᠤᠳᠤᠷ ᠰᠦᠨᠢᠳ ᠨᠤᠳᠤᠬ ᠤᠨ ᠠᠳᠤᠭᠤᠨ ᠤ ᠳᠤᠬᠠᠢ ᠶᠠᠷᠢᠬᠤ ᠪᠠᠷ ᠨᠠᠰᠤᠳᠠᠨ ᠤ ᠦᠢᠯᠡ ᠳᠡᠷᠢᠬᠦᠨ ᠳᠤ | ᠳᠤᠷᠠᠳᠤᠬᠳᠠᠬᠤ ᠨᠢ ᠵᠦᠢ ᠶᠤᠰᠤ ᠠᠵᠢ᠃ | ᠤᠳᠤ ᠠᠴᠠ 38 ᠵᠢᠯ ᠤᠨ ᠡᠮᠤᠨᠠ᠂ ᠳᠠᠷᠤᠢ 1985 ᠤᠨ ᠳᠤ ᠮᠠᠯ ᠪᠡᠯᠴᠢᠭᠡᠷ ᠢ ᠡᠷᠤᠬᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠬᠤ | ᠦᠶᠠ ᠳᠤ ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠤ ᠬᠢᠨ 12 ᠠᠳᠤᠭᠤ ᠳᠠᠭᠠᠭᠠᠴᠢᠯᠠᠵᠤ ᠠᠪᠤᠯᠠ ᠭᠡᠳᠡᠭ᠃ | ᠳᠤᠬᠠᠢ ᠶᠢᠨ ᠦᠶᠠ ᠳᠤ ᠵᠠᠮ ᠨᠡᠪᠳᠡᠷᠡᠯᠬᠡ ᠲᠦᠬᠦᠮ ᠦᠬᠡᠢ ᠪᠠᠶᠢᠭᠰᠠᠨ ᠰᠦᠨᠢᠳ ᠨᠤᠳᠤᠬ ᠲᠤ᠂ ᠠᠳᠤᠭᠤ ᠲᠠᠢ ᠪᠤᠯᠤᠨᠠ | ᠭᠡᠳᠡᠭ ᠭᠠᠯ ᠵᠠᠯᠠᠭᠤ ᠨᠠᠰᠤᠨ ᠤ ᠲᠦᠷᠦᠬᠡ ᠴᠢᠩᠭᠠᠯᠠᠬᠤ ︽ᠮᠠᠰᠢᠨ︾ ᠲᠠᠢ ᠪᠤᠯᠤᠯᠠ ᠯᠡ ᠭᠡᠰᠡᠨ ᠦᠬᠡ ᠁ ︽ᠮᠠᠨ ᠤ | ᠬᠡᠬᠦ ᠪᠠᠷ ᠳᠡᠭᠡᠵᠤ ᠠᠳᠤᠭᠤ ᠲᠠᠢ ᠪᠤᠯᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠤᠨᠤᠯᠭᠠ ᠡᠳ᠋ᠯᠡᠭᠡ ᠠᠴᠠ ᠡᠬᠢᠯᠡᠵᠤ ᠪᠦᠷ ᠯᠡ ᠠᠳᠤᠭᠤ | ᠪᠠᠶᠢᠭᠰᠠᠨ᠂ ᠮᠠᠨ ᠤ ᠮᠤᠩᠭᠤᠯᠴᠤᠳ ᠠᠳᠤᠭᠤ ᠶᠢ ᠠᠴᠢ ᠲᠠᠢ ᠠᠮᠢᠳᠠᠨ ᠭᠡᠵᠤ ᠪᠤᠳᠤᠳᠠᠬ᠂ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ | ᠪᠦ᠋ᠬᠦ ᠳᠠᠯᠠ ᠪᠠᠷ ᠠᠳᠤᠭᠤ ᠠᠴᠠ ᠰᠠᠯᠵᠤ ᠪᠤᠯᠬᠤ ᠦᠭᠡᠢ ᠪᠠᠶᠢᠳᠠᠭ︾ ᠭᠡᠵᠤ ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠶᠠᠷᠢᠨᠠ᠃ | ᠠᠳᠤᠭᠤᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠬᠡᠬᠦ ᠪᠠᠷ ᠡᠳᠦᠷ ᠪᠤᠯᠭᠠᠨ ᠠᠳᠤᠭᠤᠨ ᠠᠴᠠ ᠪᠠᠨ ᠰᠠᠯᠳᠠᠭ ᠦᠬᠡᠢ᠂ ᠭᠤᠨᠴᠤᠬᠵᠠᠮᠰᠤ | ᠭᠤᠸᠠᠢ ᠴᠦ ᠠᠳᠠᠯᠢ᠂ ᠵᠠᠯᠠᠭᠤ ᠴᠠᠭ ᠲᠠᠭᠠᠨ ᠠᠳᠤᠭᠤ ᠲᠠᠢ ᠪᠤᠯᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠠᠳᠤᠭᠤ ᠪᠠᠨ ᠤᠨᠠᠭᠠᠨ ᠳᠤᠨᠢ | ᠤᠶᠠᠵᠤ᠂ ᠲᠠᠭᠠᠨ ᠳᠤᠨᠢ ᠳᠡᠪᠳᠡᠵᠤ᠂ ᠰᠢᠳᠤᠯᠡᠩ ᠳᠤᠨᠢ ᠰᠢᠳᠤᠵᠤ᠂ ᠬᠢᠵᠠᠭᠠᠯᠠᠩ ᠳᠤᠨᠢ ᠬᠢᠨᠠᠵᠤ᠂ ᠰᠤᠶᠤᠭᠠᠯᠠᠩ ᠳᠤᠨᠢ | ᠰᠤᠩᠭᠤᠵᠤ᠂ ᠡᠷᠡᠮᠡᠬᠡᠢ ᠰᠠᠶᠢᠨ ᠠᠬᠳᠠ ᠪᠤᠯᠭᠠᠬᠤ ᠪᠠᠷ ᠴᠢᠷᠮᠠᠶᠢᠬᠰᠠᠭᠠᠷ ᠢᠷᠡᠵᠡᠢ᠃ | ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠠᠳᠤᠭᠤ ᠪᠠᠨ ᠳᠠᠪᠤᠨ ᠡᠷᠳᠡᠨᠢ ᠶᠢᠨ ᠨᠢᠭᠡ ᠬᠡᠮᠡᠨ ᠬᠠᠶᠢᠷᠠᠯᠠᠵᠦ᠂ ᠠᠳᠤᠭᠤᠯᠠᠬᠤ ᠳᠠᠭᠠᠨ | ᠠᠳᠤᠭᠤᠯᠠᠵᠤ᠂ ᠪᠤᠷᠤᠯᠠᠭᠤᠯᠬᠤ ᠳᠠᠭᠠᠨ ᠪᠤᠷᠤᠯᠠᠭᠤᠯᠵᠤ ᠠᠮᠢᠳᠤᠷᠠᠯ ᠳᠠᠭᠠᠨ ᠳᠡᠮ ᠪᠤᠯᠭᠠᠵᠤ ᠪᠠᠶᠢᠯᠠ ᠭᠡᠳᠡᠭ᠃ ᠰᠡᠬᠦᠯ ᠤᠨ | ᠦᠶᠠ ᠳᠤ ᠨᠤᠳᠤᠬ ᠪᠡᠯᠴᠢᠬᠡᠷ ᠤᠨ ᠳᠠᠴᠢᠷᠰᠢᠯ ᠠᠴᠠ ᠪᠤᠯᠵᠤ ᠠᠳᠤᠭᠤ ᠴᠦᠬᠡᠷᠡᠵᠤ ᠢᠷᠡᠬᠦ ᠪᠠᠷ᠂ ᠨᠡᠩ ᠴᠦ 2000 | ᠤᠨ ᠤ ᠶᠡᠭᠡ ᠭᠠᠨᠭ᠌ ᠤᠨ ᠵᠢᠯ ᠢᠶᠠᠷ ᠨᠤᠳᠤᠬ ᠤᠷᠤᠨ ᠤ ᠬᠢᠨᠢ ᠠᠳᠤᠭᠤ ᠶᠡᠭᠡ ᠪᠠᠷ ᠬᠤᠷᠤᠬᠳᠠᠬᠰᠠᠨ ᠪᠠ ᠨᠠᠰᠤᠳᠠᠨ ᠳᠤ | ᠳᠤᠬᠢᠶᠠᠯᠳᠤᠬᠰᠠᠨ ᠨᠠᠰᠤᠨ ᠳᠠᠭᠠᠨ ᠮᠠᠷᠳᠠᠮᠠ ᠦᠬᠡᠢ ᠠᠳᠤᠭᠤ ᠨᠤᠳᠤᠬ ᠬᠤᠶᠠᠷ ᠤᠨ ᠦᠯᠢᠬᠡᠷ ᠠᠴᠠ ᠬᠤᠶᠢᠰᠢ | ᠠᠳᠤᠭᠤ ᠪᠠᠨ ᠬᠠᠮᠠᠭᠠᠯᠠᠬᠤ ᠳᠡᠷᠡ ᠳᠤᠰᠤᠮ ᠢᠶᠠᠨ ᠶᠡᠭᠡ ᠪᠠᠷ ᠪᠤᠷᠤᠯᠠᠭᠤᠯᠵᠤ ᠬᠤᠳᠠᠯᠳᠤᠬᠤ ᠶᠢ ᠳᠡᠪᠴᠢᠬᠦ ᠪᠤᠳᠤᠯ | ᠤᠷᠭᠤᠬᠰᠠᠨ ᠪᠠ ᠳᠡᠬᠦᠨ ᠤ ᠪᠠᠨ ᠲᠦᠯᠦᠬᠡ ᠳᠡᠮᠡᠴᠡᠬᠦ ᠢᠳᠡᠭᠡᠯ ᠲᠠᠢ ᠪᠤᠯᠵᠠᠢ᠃ ᠭᠡᠪᠡᠴᠦ ᠬᠡᠯᠡᠬᠦ ᠳᠤ ᠠᠮᠠᠷ ᠬᠢᠬᠦ ᠳᠤ | ᠬᠦᠴᠢᠷ ᠪᠠᠶᠢᠬᠰᠠᠨ ᠢ ᠶᠠᠭᠤ ᠬᠡᠯᠡᠬᠦᠪ᠃ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ ᠬᠢᠶᠠ ᠭᠡᠪᠡᠯ ᠵᠠᠪᠠᠯ ᠰᠢᠰᠲ᠋ᠧᠮ ᠲᠠᠢ ᠬᠢᠬᠦ ᠬᠡᠷᠡᠭᠳᠡᠢ᠂ | ᠶᠠᠭᠠᠬᠢᠵᠤ ᠬᠢᠪᠡᠯ ᠵᠤᠬᠢᠬᠤ ᠪᠢᠯᠡ⁈ ᠨᠠᠰᠤᠳᠠᠨ ᠬᠡᠳᠤᠨ ᠳᠡᠬᠦᠤ ᠲᠠᠢ ᠪᠠᠨ ᠵᠦᠪᠳᠡᠯᠴᠡᠵᠤ ᠦᠵᠡᠯᠠ᠂ ᠬᠠᠵᠠᠭᠤ | ᠬᠠᠪᠢ ᠠᠴᠠ ᠪᠠᠨ ᠠᠰᠠᠭᠤᠵᠤ ᠦᠵᠡᠯᠠ᠂ ᠳᠠᠨᠢᠵᠤ ᠮᠡᠳᠡᠳᠡᠭ ᠠᠴᠠ ᠪᠠᠨ ᠰᠤᠷᠠᠬᠯᠠᠵᠤ ᠦᠵᠡᠯᠠ᠃ ᠮᠡᠳᠡᠳᠡᠭ ᠨᠢ ᠴᠦᠬᠡᠨ᠂ | ᠠᠷᠭᠠ ᠦᠬᠡᠢ ᠶᠢᠨ ᠡᠷᠬᠡᠨ ᠳᠤ ᠦᠪᠡᠷ ᠤᠨ ᠬᠠᠶᠢᠷᠠᠳᠡᠢ ᠬᠤᠨᠭ᠍ᠭᠤᠷ ᠮᠤᠷᠢ ᠪᠠᠨ ᠵᠠᠶᠢᠳᠠᠯᠠᠵᠤ ᠬᠤᠰᠢᠭᠤ ᠤᠷᠤᠵᠤ ᠪᠠᠶᠢᠳᠠᠯ | ᠤᠶᠢᠯᠠᠭᠠᠯᠠ ᠭᠡᠳᠡᠭ᠃ ︽ᠤᠤᠯ ᠨᠢ ᠠᠳᠤᠭᠤ ᠪᠠᠨ ᠵᠦᠬᠡᠷ ᠯᠡ ᠮᠠᠯᠵᠢᠵᠤ ᠪᠠᠶᠢᠪᠠᠯ ᠪᠤᠯᠴᠢᠬᠠᠨᠠ ᠭᠡᠵᠤ ᠪᠤᠳᠤᠬᠰᠠᠨ᠂ | ᠬᠠᠷᠢᠨ ᠡᠬᠦᠷᠢᠳᠡ ᠠᠳᠤᠭᠤ ᠲᠠᠢ ᠪᠠᠨ ᠪᠠᠶᠢᠶᠠ ᠭᠡᠪᠡᠯ ᠪᠢᠳᠡ ᠪᠠᠰᠠ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠳᠡᠢ ᠭᠡᠳᠡᠭ ᠢ ᠳᠡᠷᠡ ᠯᠡ ᠦᠶᠠ ᠳᠤ | ᠤᠬᠠᠭᠠᠷᠠᠬᠰᠠᠨ︾ ᠬᠡᠯᠠ᠃ | ᠬᠤᠨᠭ᠍ᠭᠤᠷ ᠮᠤᠷᠢ ᠪᠠᠨ ᠤᠨᠤᠵᠤ ᠬᠤᠰᠢᠭᠤ ᠤᠷᠤᠵᠦ ᠪᠠᠶᠢᠳᠠᠯ ᠤᠢᠯᠠᠭᠠᠭᠰᠠᠨ ᠨᠠᠰᠤᠳᠠᠨ ᠪᠤᠴᠠᠵᠤ ᠬᠠᠷᠢᠬᠰᠠᠨ ᠤ ᠪᠠᠨ | ᠳᠠᠷᠠᠭᠠ ᠨᠦᠬᠦᠴᠡᠯ ᠳᠤ ᠬᠦᠷᠬᠦ ᠪᠦᠬᠦᠨ ᠢᠶᠠᠨ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠪᠦᠷᠢᠳᠦᠬᠦᠯᠦᠭᠡᠳ 2015 ᠤᠨ ᠳᠤ ᠰᠠᠳᠤᠨ | ᠲᠦᠷᠦᠯ 5 ᠠᠶᠢᠯ ᠲᠠᠢ ᠬᠤᠷᠰᠢᠵᠤ ᠰᠦᠨᠢᠳ ᠤᠨ ᠤᠷᠤᠨ ᠨᠤᠳᠤᠬ ᠤᠨ ᠠᠳᠤᠭᠤᠨ ᠤ ᠡᠬᠦᠯᠳᠡᠷ ᠢ ᠬᠠᠮᠠᠭᠠᠯᠠᠬᠤ ︽ᠪᠠᠭᠠ | ᠠᠭᠤᠯᠠ︾ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠰᠬᠠᠢ ᠬᠤᠷᠰᠢᠶᠠᠵᠢᠯ ᠢ ᠪᠠᠶᠢᠭᠤᠯᠤᠬᠰᠠᠨ ᠪᠠᠶᠢᠨᠠ᠃ | ︽ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠰᠬᠠᠢ ᠬᠤᠷᠰᠢᠶᠠᠵᠢᠯ ᠲᠠᠢ ᠪᠤᠯᠤᠬᠰᠠᠨ ᠤ ᠳᠠᠷᠠᠭᠠ ᠡᠨᠡ ᠠᠵᠢᠯ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠬᠦ | ᠢᠳᠡᠬᠡᠯ ᠨᠡᠮᠡᠭᠳᠡᠭᠰᠡᠨ ᠁ ᠪᠢ ᠨᠢᠭᠡ ᠠᠳᠤᠭᠤᠴᠢᠨ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠨᠤᠳᠤᠬ ᠤᠨ ᠢᠶᠠᠨ ᠠᠳᠤᠭᠤᠨ ᠤ ᠡᠬᠦᠯᠳᠡᠷ ᠢ | ᠬᠠᠮᠠᠭᠠᠯᠠᠬᠤ ᠦᠢᠯᠡᠰ ᠲᠤ ᠬᠦᠴᠤᠨ ᠢᠶᠠᠨ ᠡᠷᠬᠦᠬᠦ ᠬᠤᠪᠢ ᠲᠠᠢ ᠬᠦᠮᠦᠨ ᠪᠤᠯᠤᠬᠰᠠᠨ ᠭᠡᠵᠤ ᠪᠤᠳᠤᠳᠠᠬ ᠁︾ | ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠤ ᠠᠳᠤᠭᠤᠨ ᠤ ᠪᠠᠨ ᠦᠢᠯᠡᠰ ᠤᠨ ᠲᠦᠯᠦᠬᠡ ᠬᠤᠶᠢᠰᠢ ᠦᠬᠡᠢ ᠵᠢᠳᠬᠦᠬᠦ ᠦᠢᠯᠡ ᠢᠡᠭᠭᠢᠵᠤ | ᠡᠬᠢᠯᠠᠵᠠᠢ᠃ᠰᠦᠨᠢᠳ ᠠᠳᠤᠭᠤ ᠨᠢ ᠪᠡᠶᠠ ᠪᠢᠯᠳᠠᠷ ᠵᠢᠵᠢᠭᠷᠡᠬᠦᠤ ᠴᠦ ᠭᠠᠨᠭ᠌ ᠭᠠᠴᠢᠭ ᠢ ᠳᠤᠭᠤᠯᠬᠤ ᠳᠤ ᠳᠡᠰᠪᠦᠷᠢᠳᠡᠢ᠂ | ᠬᠤᠯᠠ ᠵᠠᠮ ᠤᠨ ᠤᠨᠤᠯᠭᠠ ᠡᠳ᠋ᠯᠡᠭᠡᠨ ᠳᠤ ᠰᠢᠨᠳᠠᠰᠤᠳᠠᠢ᠂ ᠳᠠᠷᠭᠤ ᠬᠦᠴᠤ ᠨᠢ ᠠᠮᠠᠷᠬᠠᠨ ᠪᠠᠭᠤᠷᠠᠳᠠᠬ ᠦᠬᠡᠢ᠂ | ᠬᠦᠢᠳᠡᠨ ᠳᠤ ᠳᠡᠰᠪᠦᠷᠢᠳᠡᠢ ᠵᠡᠷᠭᠡ ᠤᠨᠴᠠᠯᠢᠬ ᠲᠠᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠡᠪᠤᠯ ᠳᠡᠭᠡᠨ ᠬᠠᠬᠢᠷ ᠬᠦᠢᠳᠡᠨ᠂ ᠵᠤᠨ ᠳᠠᠭᠠᠨ | ᠠᠭᠠᠬᠢᠮᠠ ᠬᠠᠯᠠᠭᠤᠨ᠂ ᠠᠷᠪᠠᠨ ᠵᠢᠯ ᠤᠨ ᠵᠢᠰᠤ ᠨᠢ ᠭᠠᠨᠭ᠍ᠳᠠᠳᠠᠭ ᠰᠦᠨᠢᠳ ᠨᠤᠳᠤᠬ ᠤᠨ ᠤᠷᠴᠢᠨ ᠳᠤ ᠮᠠᠰᠢ ᠳᠤᠬᠢᠷᠠᠳᠠᠭ | ᠶᠤᠮ᠃ ᠨᠡᠩ ᠴᠦ ᠰᠦᠨᠢᠳ ᠤᠨ ᠶᠡᠭᠡᠨᠭᠬᠢ ᠭᠠᠵᠠᠷ ᠤᠨ ᠪᠡᠯᠴᠢᠬᠡᠷ ᠳᠠᠴᠢᠷ ᠪᠠᠶᠢᠵᠤ᠂ ᠠᠳᠤᠭᠤ ᠡᠪᠡᠰᠤ ᠢᠳᠡᠬᠦ ᠳᠡᠭᠡᠨ | ᠴᠢᠯᠠᠭᠤ ᠰᠢᠷᠤᠢ ᠬᠠᠵᠠᠬᠤ ᠨᠢ ᠠᠷᠪᠢᠨ ᠳᠤᠯᠠ ᠰᠢᠳᠤ ᠨᠢ ᠡᠯᠡᠭᠳᠡᠬᠦ ᠨᠢ ᠲᠦᠷᠬᠡᠨ᠂ ᠪᠠᠷᠤᠬ ᠤᠨ ᠠᠳᠤᠭᠤ ᠨᠢᠮᠠᠨ | ᠨᠠᠰᠤᠨ ᠠᠴᠠ ᠪᠠᠨ ᠡᠮᠤᠨᠠ ᠰᠢᠳᠤ ᠨᠢ ᠡᠯᠡᠭᠳᠡᠵᠤ ᠳᠤᠤᠷᠠ ᠲᠦᠷᠪᠡᠨ ᠵᠠᠬᠠ ᠪᠤᠯᠴᠢᠬᠠᠳᠠᠭ ᠴᠦ ᠬᠦᠴᠤ ᠳᠠᠮᠢᠷ ᠲᠤᠨᠢ ᠳᠡᠮᠡᠢ | ᠨᠦᠯᠦᠬᠡ ᠪᠤᠯᠳᠠᠬ ᠦᠬᠡᠢ᠂ ᠪᠦᠬᠦᠯᠢ ᠠᠷᠪᠠᠨ ᠬᠤᠶᠠᠷ ᠨᠠᠰᠤᠯᠠᠳᠠᠯᠠ ᠵᠠᠯᠠᠭᠤ ᠨᠠᠰᠤᠨ ᠤ ᠢᠳᠡ ᠬᠦᠴᠤ ᠪᠠᠨ ᠬᠠᠳᠠᠭᠠᠯᠠᠳᠠᠬ᠃ | ᠠᠷᠪᠠᠨ ᠬᠤᠶᠠᠷ ᠨᠠᠰᠤ ᠪᠤᠯᠬᠤ ᠦᠶᠠ ᠳᠤ ᠬᠦᠭᠰᠢᠷᠡᠬᠦ ᠵᠦᠭ ᠲᠡᠭᠡᠨ ᠬᠠᠨᠳᠤᠵᠤ ᠢᠳᠡ ᠳᠠᠮᠢᠷ ᠨᠢ ᠠᠭᠠᠵᠢᠮ ᠢᠶᠠᠷ | ᠪᠠᠭᠤᠷᠠᠳᠠᠬ ᠴᠦ ᠤᠨᠴᠠ ᠵᠠᠷᠢᠮ ᠮᠤᠷᠢᠳ ᠬᠦᠴᠤ ᠳᠠᠮᠢᠷ ᠢᠶᠠᠨ ᠭᠠᠶᠢᠬᠠᠯᠳᠠᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠳᠠᠭ᠃ ᠶᠡᠷᠤ ᠨᠢ ᠦᠡᠭᠭᠡ | ᠵᠢᠰᠤᠮ ᠤᠨ ᠳᠠᠯᠠ ᠠᠴᠠ ᠶᠠᠷᠢᠬᠤ ᠪᠠᠷ ᠰᠦᠨᠢᠳ ᠠᠳᠤᠭᠤ ᠬᠠᠷᠠ ᠬᠦᠷᠡᠩ᠂ ᠬᠤᠯᠠᠠ ᠬᠡᠬᠡᠷ ᠵᠢᠰᠤᠮ ᠢᠶᠠᠷ ᠭᠤᠤᠯᠳᠠᠳᠠᠭ᠃ | ᠪᠢᠴᠢᠭ ᠮᠠᠲᠤᠷᠢᠶᠠᠯ ᠢ ᠦᠨᠳᠦᠰᠦᠯᠡᠪᠡᠯ ᠴᠢᠯᠦᠭᠡᠯᠡᠭᠳᠡᠬᠦ ᠶᠢᠨ ᠡᠬᠢᠨ ᠤ ᠦᠶᠠ ᠠᠴᠠ ᠳᠠᠪᠢᠭᠠᠳ ᠤᠨ ᠪᠤᠯᠳᠠᠯᠡᠬᠢ | ᠬᠤᠭᠤᠴᠠᠭᠠᠨ ᠤ ᠪᠠᠶᠢᠳᠠᠯ ᠠᠴᠠ ᠦᠵᠡᠬᠦ ᠳᠤ ᠪᠠᠭᠠᠳᠠᠭᠠᠢ ︵ᠪᠠᠳᠬᠠᠢ︶ ᠶᠢᠨ ᠴᠠᠭᠠᠨ ᠳᠤᠯᠤᠭᠠᠢ ᠪᠠᠷ ᠨᠤᠳᠤᠬ ᠲᠠᠢ ᠪᠠᠶᠠᠨ | ᠳᠠᠮᠫᠢᠯ ᠤᠨ ᠭᠡᠳᠡᠭ ᠠᠶᠢᠯ ᠬᠡᠳᠤᠨ ᠵᠠᠭᠤᠨ ᠬᠠᠷᠠ ᠵᠢᠰᠤᠮ ᠤᠨ ︵ᠭᠠᠷᠠᠬᠠᠨ ᠨᠢᠳᠤᠳᠡᠢ︶ ᠠᠳᠤᠭᠤ ᠲᠠᠢ ᠪᠠᠶᠢᠵᠠᠢ᠃ ᠤᠯᠠᠨ | ᠬᠤᠷᠳᠤᠨ ᠬᠠᠷᠠ ᠮᠤᠷᠢᠳ ᠲᠤᠨᠢ ᠴᠢᠭᠤᠯᠭᠠᠨ ᠬᠠᠷᠠ ᠭᠡᠳᠡᠭ ᠨᠢᠭᠡᠨ ᠤᠨᠴᠠᠭᠠᠢ ᠬᠤᠷᠳᠤᠨ ᠮᠤᠷᠢ ᠪᠠᠶᠢᠯᠠ ᠭᠡᠰᠡᠨ | ᠳᠡᠮᠳᠡᠭᠯᠠᠯ ᠲᠠᠢ᠃ ᠦᠨᠢᠶᠡᠴᠢ ᠬᠦᠬᠡᠪᠦᠷ ᠢᠶᠠᠷ ᠨᠤᠳᠤᠬ ᠲᠠᠢ ᠪᠠᠶᠠᠨ ᠮᠢᠳᠤᠪ ᠤᠨ ᠭᠡᠰᠡᠨ ᠠᠶᠢᠯ ᠲᠦᠴᠢᠭᠡᠳ ᠤᠨ ᠤ | ᠰᠡᠬᠦᠯᠴᠢ ᠪᠤᠯᠳᠠᠯᠠ 300 ᠭᠠᠷᠤᠢ ᠳᠠᠩ ᠴᠠᠭᠠᠨ ᠵᠢᠰᠤᠮ ᠤᠨ ᠠᠳᠤᠭᠤ ᠲᠠᠢ ᠪᠠᠶᠢᠵᠠᠢ᠃ ᠪᠠᠰᠠ ᠴᠤᠬᠤᠷ ᠠᠳᠤᠭᠤ ᠲᠠᠢ | ᠠᠶᠢᠯ ᠪᠤᠯᠤᠨ ᠬᠦᠷᠡᠩ ᠵᠢᠰᠤᠮ ᠤᠨ ᠬᠤᠷᠳᠤᠨ ᠮᠤᠷᠢᠨ ᠤ ᠭᠠᠷᠤᠯ ᠲᠠᠢ ᠠᠶᠢᠯ ᠡᠨᠡ ᠨᠤᠲᠤᠭ ᠲᠤ ᠪᠠᠶᠢᠭᠰᠠᠨ ᠶᠤᠮ ᠪᠠᠶᠢᠨᠠ | ᠃ ᠤᠳᠤᠮ ᠳᠠᠮᠵᠢᠬᠰᠠᠨ ᠠᠳᠤᠭᠤᠳ ᠨᠢ ᠨᠤᠳᠤᠬ ᠤᠨ ᠢᠶᠠᠨ ᠬᠦᠷᠤᠰᠤᠨ ᠳᠤ ᠦᠷᠡᠵᠢᠨ ᠦᠷᠡᠵᠢᠭᠰᠡᠭᠡᠷ ᠦᠨᠤᠳᠤᠷ | ᠪᠤᠯᠬᠤ ᠳᠤ ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠵᠡᠷᠭᠡ ᠬᠦᠮᠦᠰ ᠤᠯᠠᠮ ᠢᠶᠠᠷ ᠬᠠᠮᠠᠭᠠᠯᠠᠨ ᠦᠰᠭᠡᠵᠦ ᠶᠠᠪᠤᠭᠠ ᠶᠤᠮ᠃ | ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ ᠤ ︽ᠪᠠᠭᠠ ᠠᠭᠤᠯᠠ︾ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠰᠬᠠᠢ ᠬᠤᠷᠰᠢᠶᠠᠵᠢᠯ ᠨᠢ 2015 ᠤᠨ ᠤ | 11 ᠰᠠᠷᠠ ᠶᠢᠨ 25 ᠤ ᠡᠳᠦᠷ 60 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠪᠡᠯᠡ ᠮᠦᠡᠭᠭᠦ ᠲᠠᠢ ᠪᠠᠷ ᠳᠠᠩᠰᠠᠯᠠᠭᠤᠯᠵᠤ | ᠠᠵᠢᠯᠯᠠᠭᠤᠯᠤᠬᠰᠠᠨ ᠪᠤᠯ 2021 ᠤᠨ ᠤ 6 ᠰᠠᠷᠠ ᠶᠢᠨ 7 ᠤ ᠡᠳᠤᠷ ᠤᠯᠤᠰ ᠤᠨ ᠮᠡᠳᠡᠯᠬᠡ ᠶᠢᠨ ᠦᠮᠴᠢᠯᠡᠯ ᠤᠨ | ᠡᠷᠭᠡ ᠶᠢᠨ ᠳᠤᠪᠴᠢᠶᠠᠨ ᠠᠴᠠ ︽ᠪᠤᠷᠵᠢᠬᠢᠨ ᠬᠤᠨᠭ᠍ᠭᠤᠷ︾ ᠠᠳᠤᠭᠤᠨ ᠤ ᠤᠯᠤᠰ ᠤᠨ ᠳᠠᠸᠠᠷ ᠤᠨ ᠳᠡᠮᠳᠡᠭ ᠢ | ᠳᠠᠩᠰᠠᠯᠠᠭᠤᠯᠤᠬᠰᠠᠨ ᠦᠨᠡᠮᠯᠡᠯ ᠢ ᠭᠠᠷᠳᠠᠬᠰᠠᠨ ᠪᠠᠶᠢᠨᠠ᠃ ᠬᠤᠷᠰᠢᠶᠠᠵᠢᠯ ᠪᠠᠶᠢᠭᠤᠯᠬᠤ᠂ ᠳᠠᠸᠠᠷ ᠤᠨ ᠳᠡᠮᠳᠡᠭ | ᠳᠠᠩᠰᠠᠯᠠᠭᠤᠯᠬᠤ ᠡᠳᠡᠭᠡᠷ ᠤᠯᠠᠨ ᠦᠢᠯᠡ ᠶᠢᠨ ᠡᠴᠤᠰ ᠤᠨ ᠵᠤᠷᠢᠯᠭᠠ ᠨᠢ ᠮᠤᠩᠭᠤᠯ ᠠᠳᠤᠭᠤᠨ ᠤ ᠪᠠᠨ ᠡᠬᠦᠯᠳᠡᠷ ᠢ | ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠬᠡ ᠶᠤᠮ᠃ ᠨᠠᠰᠤᠳᠠᠨ ᠤ ᠵᠢᠳᠬᠦᠯ ᠴᠦ ᠳᠠᠯᠠᠭᠠᠷ ᠪᠤᠯᠤᠭᠠ ᠦᠬᠡᠢ᠂ 2022 ᠤᠨ ᠳᠤ ᠡᠯᠠ | ᠳᠠᠯᠠ ᠶᠢᠨ ᠠᠵᠢᠯ ᠤᠨ ᠬᠢᠨᠠᠯᠳᠠ ᠱᠠᠭᠠᠷᠳᠠᠯᠭᠠ ᠪᠠᠷ ᠠᠶᠢᠮᠠᠭ ᠤᠨ ᠳᠡᠰ ᠤᠨ ᠮᠤᠩᠭᠤᠯ ᠠᠳᠤᠭᠤᠨ ᠤ ᠡᠬᠦᠯᠳᠡᠷ ᠢ | ᠬᠠᠮᠠᠭᠠᠯᠠᠬᠤ ᠦᠷᠠ ᠶᠢᠨ ᠮᠠᠯ ᠤᠨ ᠳᠠᠯᠠᠪᠠᠢ ᠶᠢ ᠪᠠᠶᠢᠭᠤᠯᠵᠤ᠂ ᠰᠦᠨᠢᠳ ᠡᠳᠤᠭᠤᠨ ᠤ ᠡᠬᠦᠯᠳᠡᠷ ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠨᠡᠩ | ᠠᠬᠢᠴᠠ ᠲᠠᠢ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ ᠤᠳᠤ ᠪᠤᠯᠬᠤ ᠪᠠᠷ ᠮᠤᠩᠭᠤᠯ ᠠᠳᠤᠭᠤᠨ ᠤ ᠡᠬᠦᠯᠳᠡᠷ ᠢ ᠬᠠᠮᠠᠭᠠᠯᠠᠬᠤ ᠳᠠᠯᠠᠪᠠᠢ ᠳᠠᠭᠠᠨ | 150 ᠬᠤᠨᠭ᠍ᠭᠤᠷ ᠵᠢᠰᠤᠮ ᠤᠨ ᠠᠳᠤᠭᠤ ᠮᠠᠯᠵᠢᠵᠦ᠂ 108 ᠬᠡᠬᠦᠤ᠂ 8 ᠦᠷᠢᠶᠠ᠂ 34 ᠪᠦᠳᠤᠬᠦᠨ ᠮᠤᠷᠢ ᠲᠠᠢ | ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠭᠤᠨᠴᠤᠬᠵᠠᠮᠰᠤ ᠨᠠᠰᠤᠳᠠᠨ᠄ ︽ᠮᠠᠨ ᠤ ᠬᠢ ᠬᠤᠤᠰ ᠳᠠᠭᠠᠭᠠᠴᠢᠯᠠᠯᠳᠠ ᠶᠢᠨ ᠦᠶᠠ ᠳᠤ 5 ᠡᠷᠤᠬᠡ ᠶᠢᠨ ᠬᠤᠪᠢᠳᠠᠵᠤ | ᠤᠯᠤᠬᠰᠠᠨ 12 ᠠᠳᠤᠭᠤ ᠪᠠᠨ 38 ᠵᠢᠯ ᠤᠨ ᠴᠢᠷᠮᠠᠶᠢᠯᠭᠠ ᠪᠠᠷ 150 ᠪᠤᠯᠭᠠᠵᠤ ᠦᠷᠡᠵᠢᠬᠦᠯᠦᠭᠡᠳ ᠮᠤᠩᠭᠤᠯ | ᠠᠳᠤᠭᠤᠨ ᠤ ᠪᠠᠨ ᠡᠬᠦᠯᠳᠡᠷ ᠢ ᠬᠠᠮᠠᠭᠠᠯᠠᠬᠤ ᠳᠠᠯᠠ ᠪᠠᠷ ᠪᠠᠭᠠ ᠴᠦ ᠭᠡᠰᠡᠨ ᠳᠡᠮᠵᠢᠯᠬᠡ ᠦᠵᠡᠬᠦᠯᠦᠭᠰᠡᠨ ᠶᠤᠮ᠃ 2000 | ᠤᠨ ᠤ ᠶᠡᠭᠡ ᠭᠠᠨᠭ᠌ ᠲᠠᠢ ᠵᠢᠯ ᠤᠨ ᠨᠤᠳᠤᠬ ᠢᠶᠠᠨ ᠪᠠᠷᠠᠯᠠᠵᠤ ᠵᠤᠬᠰᠤᠬᠰᠠᠨ ᠦᠵᠡᠭᠳᠡᠯ ᠢ ᠪᠢ ᠶᠡᠷᠤ ᠠᠴᠠ ᠮᠠᠷᠳᠠᠭᠠ ᠦᠬᠡᠢ ᠁ | ᠮᠢᠨᠤ ᠦᠷᠠ ᠬᠡᠤᠬᠡᠳ ᠡᠨᠡ ᠠᠵᠢᠯ ᠢ ᠪᠠᠰᠠ ᠦᠷᠬᠦᠯᠵᠢᠯᠡᠬᠦᠯᠬᠦ ᠶᠤᠮ︾ ᠬᠡᠯᠠ᠃ | ᠰᠤᠷᠪᠤᠯᠵᠢᠯᠠᠭᠠ ᠶᠢᠨ ᠡᠬᠢᠨ ᠳᠤ ᠦᠬᠦᠯᠡᠭᠰᠡᠨ ᠠᠳᠤᠭᠤ ᠪᠠᠨ ᠠᠪᠴᠤ ᠤᠳᠤᠷᠯᠠᠭᠰᠠᠨ ᠤᠴᠠᠷᠠᠯ ᠠᠴᠠ ᠡᠬᠢᠳᠡᠢ ᠴᠢᠩ | ᠰᠡᠳᠬᠢᠯ ᠤᠨ ᠦᠢᠯᠡ ᠰᠦᠨᠢᠳ ᠨᠤᠳᠤᠬ ᠤᠨ ᠮᠤᠩᠭᠤᠯ ᠠᠳᠤᠭᠤᠨ ᠤ ᠪᠠᠨ ᠦᠯᠢᠬᠡᠷ ᠳᠡᠤᠬᠡ ᠲᠠᠢ ᠬᠠᠮᠳᠤ ᠡᠬᠦᠷᠢᠳᠡ | ᠦᠯᠡᠳᠡᠬᠦ ᠨᠢ ᠯᠠᠪᠳᠡᠢ᠃ ᠭᠤᠨᠴᠤᠭᠵᠠᠮᠰᠤ ᠨᠠᠰᠤᠳᠠᠨ ᠤ ᠤᠯᠠᠨ ᠵᠢᠯ ᠤᠨ ᠪᠠᠷᠢᠮᠳᠠᠯᠠᠯ ᠦᠷᠡ ᠦᠭᠬᠦᠭᠡᠵᠢ ᠲᠠᠢ ᠪᠤᠯᠬᠤ ᠨᠢ | ᠳᠠᠮᠵᠢᠭ ᠦᠭᠡᠢ᠃ | |