| ᠠᠩᠬᠠᠨ ᠤ ᠴᠠᠰᠤ ᠪᠠᠷ | ᠬᠠᠳᠠᠲᠤᠶᠠᠭᠠ | ᠭᠠᠳᠠᠨᠠ ᠰᠠᠷᠠ ᠮᠦᠩᠬᠦᠨ ᠭᠡᠷᠡᠯ ᠢᠶᠠᠨ ᠠᠰᠬᠠᠵᠠᠢ᠃ ᠬᠠᠪᠢ ᠦᠢᠷᠠ ᠪᠦᠷᠲᠦ᠋ᠬᠦ ᠵᠦᠢᠯ ᠦᠭᠡᠢ ᠨᠠᠯᠤ | ᠴᠠᠭᠠᠨ ᠳᠤ ᠬᠤᠴᠢᠭᠲᠠᠨ ᠰᠠᠯᠬᠢᠨ ᠴᠤ ᠦᠭᠡᠢ ᠨᠠᠮ ᠬᠦᠮ ᠳᠤ ᠦᠪᠡᠷ ᠤᠨ ᠬᠢᠨᠢ ᠠᠮᠢᠰᠬᠤᠯ ᠪᠤᠯᠤᠨ ᠵᠢᠷᠦᠭᠡᠨ ᠤ | ᠬᠢᠨᠢ ᠪᠣᠯᠬᠢᠯᠠᠨ ᠴᠤᠬᠢᠯᠠᠬᠤ ᠲᠤᠳᠤᠬᠠᠨ ᠰᠤᠨᠤᠰᠳᠠᠨᠠ᠃ ᠬᠤᠷᠠᠭᠠᠨ ᠳᠡᠪᠡᠯ ᠳᠡᠭᠡᠷᠡ ᠪᠤᠯᠠᠭᠠᠨ ᠲᠠᠬᠤ ᠲᠠᠪᠬᠤᠷᠯᠠᠨ᠂ | ᠤᠷᠲᠤ ᠨᠢᠳᠤᠷᠭᠠ ᠪᠠᠨ ᠪᠠᠭᠤᠯᠭᠠᠨ ᠭᠠᠷ ᠢᠶᠠᠨ ᠤᠭᠰᠤᠷᠤᠨ ᠵᠤᠭᠰᠤᠬᠤ ᠲᠡᠭᠦᠨ ᠤ ᠠᠯᠠᠭᠠᠨ ᠳᠤ ᠬᠦᠯᠦᠰᠤ | ᠴᠢᠬᠢᠭᠷᠡᠨ᠂ ᠪᠠᠶᠢᠨ ᠪᠠᠶᠢᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠨᠢᠳᠤ ᠬᠠᠶᠠᠨ ᠴᠠᠰᠤ ᠱᠠᠵᠢᠬᠢᠨᠠᠭᠤᠯᠤᠨ ᠠᠯᠬᠤᠭᠠᠳ ᠢᠷᠡᠮᠡᠷ ᠶᠤᠮ | ᠭᠡᠰᠡᠨ ᠪᠤᠳᠤᠯ ᠢᠶᠠᠷ ᠣᠷᠣᠨ ᠳᠠᠭᠠᠨ ᠡᠷᠬᠢᠴᠡᠨ ᠢᠰᠡᠬᠡᠢ ᠭᠤᠲᠤᠯ ᠤᠨ ᠦᠯᠮᠠᠢ ᠪᠠᠷ ᠰᠢᠨᠡᠭᠡᠨ ᠴᠠᠰᠤ ᠶᠢ ᠵᠦᠭᠡᠯᠡᠨ | ᠬᠢᠰᠭᠢᠯᠡᠨ ᠵᠤᠭᠰᠤᠬᠤ ᠠᠪᠡᠢ᠃ | ᠲᠤᠮᠤ ᠦᠨᠡᠭᠡᠨ ᠶᠦᠳᠡᠩ ᠤᠨ ᠳᠤᠤᠷᠠ ᠠᠴᠠ ᠴᠤᠬᠤᠶᠢᠬᠤ ᠵᠢᠵᠢᠭᠬᠡᠨ ᠨᠢᠭᠤᠷ ᠤᠷᠲᠤ ᠰᠤᠷᠮᠤᠤᠰᠤ ᠲᠠᠢ | ᠬᠦᠩᠬᠦᠷᠳᠤᠭᠦᠤ ᠨᠢᠳᠤ ᠰᠠᠷᠠᠨ ᠤ ᠭᠡᠭᠡᠨ ᠳᠤ ᠲᠠᠩᠴᠤ ᠦᠵᠡᠰᠭᠦᠯᠡᠩ ᠲᠠᠢ ᠬᠠᠷᠠᠭᠳᠠᠬᠤ ᠶᠢ ᠮᠡᠬᠦᠰ ᠮᠢᠨᠤ ᠪᠢᠷ ᠤᠨ | ᠤᠷᠠ ᠢᠯᠡᠳᠭᠡᠵᠤ ᠲᠠᠶᠢᠯᠦᠰᠢ ᠦᠭᠡᠢ ᠡ︕ ᠤᠷᠳᠤᠬᠠᠨ ᠰᠤᠷᠮᠤᠤᠰᠤ ᠨᠢ ᠰᠡᠬᠦᠳᠡᠷᠳᠡᠨ ᠨᠢᠳᠤ ᠨᠢ ᠤᠯᠠᠮ | ᠬᠦᠩᠬᠦᠷ ᠮᠦᠷᠳᠡᠭᠡᠨ ᠬᠠᠷᠠ ᠴᠠᠭᠠᠨ ᠨᠢ ᠠᠯᠠᠭᠯᠠᠵᠠᠢ᠃ | ᠰᠡᠳᠭᠢᠯ ᠲᠠᠢ ᠬᠦᠮᠤᠨ ᠨᠢ ᠦᠨᠤ ᠤᠷᠤᠢ ︽ᠦᠶᠡᠷᠲᠤ︾ ᠶᠢᠨ ᠪᠠᠷᠠᠭᠤᠨ ᠳᠡᠭᠡᠷᠡ ᠠᠭᠤᠯᠵᠠᠨᠠ ᠭᠡᠵᠤ | ᠬᠡᠯᠡᠭᠰᠡᠨ ᠶᠤᠮ ᠰᠠᠨ᠃ ᠢᠷᠡᠬᠦ ᠯᠡ ᠪᠠᠶᠢᠬᠠ ᠭᠡᠵᠤ ᠬᠦᠰᠡᠯ ᠲᠡᠭᠡᠭᠡᠭᠰᠡᠨ ᠬᠠᠷᠠᠴᠠ ᠪᠠᠷ ᠬᠦᠳᠦᠯ ᠤᠨ ᠳᠡᠭᠡᠬᠦᠷ | ᠰᠢᠷᠲᠡᠨᠡ᠃ | ᠬᠤᠯᠠ ᠳᠤ ᠠᠶᠢᠯ ᠤᠨ ᠨᠣᠬᠠᠢ ᠬᠦᠪ ᠬᠦᠪ ᠬᠤᠴᠠᠵᠤ ᠠᠨᠢᠷ ᠦᠭᠡᠢ ᠣᠷᠴᠢᠨ ᠳᠤ ᠵᠢᠭᠠᠬᠠᠨ ᠴᠤ ᠭᠡᠰᠡᠨ | ᠵᠢᠬᠢᠷᠢᠭ ᠪᠣᠯᠵᠤ ᠪᠠᠶᠢᠬᠤ ᠨᠢ ᠲᠡᠭᠦᠨ ᠳᠤ ᠠᠶᠠᠲᠠᠢ ᠰᠠᠨᠠᠭᠲᠠᠪᠠ ᠁ | ᠵᠢᠵᠢᠭᠬᠡᠨ ᠪᠤᠷᠤ ᠭᠡᠷ ᠲᠤ ᠲᠤᠯᠭᠠᠨ ᠭᠠᠯ ᠤᠯᠠᠯᠵᠠᠨ ᠫᠦᠩ ᠬᠢᠭᠰᠡᠨ ᠬᠠᠯᠠᠭᠤᠨ᠂ ᠬᠠᠯᠲᠠᠷ ᠪᠠᠩᠬᠠᠷ ᠨᠢ ᠴᠢᠮᠡᠭᠡ | ᠴᠢᠩᠨᠠᠨ ᠬᠤᠴᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠤᠯᠠᠮ ᠲᠤᠭᠰᠢᠷᠠᠨ ᠪᠤᠷᠭᠤᠬᠤ ᠪᠠᠷ ᠨᠢ ᠳᠡᠪᠡᠯ ᠢᠶᠠᠨ ᠪᠦᠰᠡᠯᠡᠵᠤ ᠪᠠᠶᠢᠭᠰᠠᠨ | ᠳ᠋ᠠᠨᠳᠠᠷ ᠰᠠᠨᠳᠤᠷᠤᠨ ᠡᠬᠦᠳᠡ ᠡᠷᠭᠦᠨ ᠭᠠᠷᠪᠠᠯ ᠱᠠᠷ ᠭᠦᠯᠦᠭᠰᠡᠨ ᠠᠴᠢᠶᠠ ᠲᠠᠢ ᠲᠡᠷᠭᠡ ᠭᠠᠳᠠᠨᠠ ᠨᠢ ᠪᠠᠭᠤᠵᠤ | ᠬᠠᠷᠠᠭᠳᠠᠪᠠ᠃ | — ᠡᠪᠦᠯᠵᠢᠶᠠ ᠲᠠᠪᠠᠯᠢᠭ︕ ᠭᠡᠵᠤ ᠢᠷᠡᠭᠰᠡᠨ ᠬᠦᠮᠦᠨ ᠮᠡᠨᠳᠤ ᠮᠡᠳᠡᠭᠡᠳ᠄ | — ᠳᠡᠭᠦᠤ ᠮᠢᠨᠢ ᠲᠤᠰᠠᠯᠠᠭᠠᠴᠢ ᠮᠠᠨ ᠤ ᠡᠬᠡᠨᠡᠷ ᠡᠳᠡᠭᠡᠬᠦ ︵ᠲᠦᠷᠦᠵᠤ᠂ ᠬᠦᠩᠭᠡᠵᠢᠬᠦ︶ ᠭᠡᠳ ᠪᠠᠶᠢᠬᠤ | ᠪᠤᠯᠤᠯᠲᠠᠢ᠂ ᠤᠭ ᠨᠢ ᠪᠢᠳᠡ ᠴᠠᠰᠤᠨ ᠠᠴᠠ ᠡᠮᠦᠨᠡ ᠡᠪᠦᠯᠵᠢᠶᠡ ᠪᠠᠨ ᠪᠠᠷᠠᠳᠠᠵᠤ ᠠᠮᠵᠢᠭᠠ ᠦᠭᠡᠢ ᠶᠠᠳᠠᠷᠠᠭᠰᠠᠨ | ᠬᠦᠮᠤᠰ ᠪᠠᠶᠢᠨᠠ ᠭᠡᠳ ᠴᠢᠷᠠᠶᠢᠴᠢᠯᠠᠨ ᠬᠠᠷᠠᠪᠠ᠃ | — ᠨᠢᠭᠡᠳᠤᠯ ᠬᠤᠯᠠ ᠦᠭᠡᠢ ᠶᠤᠮ ᠰᠠᠨ᠂ ᠪᠢ ᠲᠦᠭᠦᠭᠦᠯᠵᠤ ᠦᠭᠭᠦᠶᠡ᠂ ᠬᠤᠷᠳᠤᠬᠠᠨ ᠡᠮᠨᠡᠯᠭᠡ ᠪᠠᠷᠠᠳᠠᠪᠠᠯ | ᠳᠡᠭᠡᠷᠡ ᠪᠠᠶᠢᠬᠠ ᠭᠡᠳ ᠱᠠᠯᠠᠪᠬᠠᠨ ᠭᠠᠷᠴᠤ ᠲᠡᠮᠡᠭᠡᠨ ᠲᠡᠷᠭᠡ ᠬᠦᠯᠯᠠᠪᠡ᠃ | — ᠦᠶᠡᠷᠲᠤ ᠶᠢᠨ ᠪᠠᠷᠠᠭᠤᠨ ᠳᠡᠭᠡᠷᠡ ᠠᠭᠤᠯᠵᠠᠨᠠ ᠰᠢᠤ ᠬᠡᠵᠤ ᠬᠤᠷᠯᠤ ᠳᠤ ᠬᠡᠯᠡᠭᠰᠡᠨ ᠶᠤᠮ ᠰᠠᠨ | ᠭᠡᠬᠦ ᠠᠴᠠ ᠭᠤᠤᠯ ᠨᠢ ᠬᠠᠷᠠᠯᠠᠬᠤ ᠰᠢᠭ ᠪᠤᠯᠤᠭᠰᠠᠨ ᠴᠤ ᠮᠢᠨᠴᠠᠶᠢᠨ ᠤᠯᠠᠶᠢᠭᠰᠠᠨ ᠡᠭᠡᠴᠢ ᠪᠠ ᠬᠦᠯ ᠨᠢ ᠭᠡᠮᠳᠤᠯ | ᠠᠪᠴᠤ ᠰᠦᠢᠳᠦᠨᠡᠭᠡᠨ ᠠᠯᠬᠤᠬᠤ ᠡᠷᠡᠭᠲᠡᠢ ᠶᠢ ᠬᠠᠷᠠᠬᠤ ᠠᠴᠠ ᠪᠦᠬᠦᠨ ᠢ ᠤᠮᠠᠷᠲᠠᠨ ᠲᠡᠷᠭᠡ ᠪᠠᠨ ᠭᠡᠯᠢᠵᠣ ᠨᠢᠭᠡᠳᠤᠯ | ᠴᠢᠭᠯᠡᠪᠡ᠃ | ᠰᠠᠷᠠᠨ ᠮᠡᠯᠮᠡᠷᠡᠭᠰᠡᠨ ᠰᠦᠨᠢ ᠶᠢᠨ ᠠᠨᠢᠷ ᠦᠭᠡᠢ ᠶᠢ ᠨᠡᠪᠳᠡᠯᠤᠨ ᠲᠡᠷᠭᠡᠨ ᠤ ᠪᠤᠷᠤ ᠶᠢᠨ ᠬᠢᠨᠢ ᠵᠤᠭᠳᠤᠷ | ᠬᠦᠳᠡᠯᠭᠡᠨ ᠴᠠᠰᠤ ᠱᠠᠵᠢᠬᠢᠨᠠᠭᠤᠯᠬᠤ ᠪᠠ ᠨᠦᠭᠦᠭᠡ ᠡᠭᠡᠴᠢ ᠶᠢᠨ ᠲᠡᠰᠪᠤᠷᠢᠯᠡᠨ ᠪᠠᠶᠢᠵᠤ ᠬᠠᠶᠠ ᠶᠤᠤᠯᠠᠬᠤ ᠴᠢᠮᠡᠭᠡ | ᠦᠷᠨᠢᠭᠰᠡᠭᠡᠷ ᠨᠢᠭᠡᠳᠤᠯ ᠤᠨ ᠪᠠᠷᠠ ᠰᠠᠷᠠᠨ ᠤ ᠭᠡᠭᠡᠨ ᠳᠤ ᠨᠠᠳᠦ᠋ᠢᠨ ᠦᠵᠡᠭᠳᠡᠬᠦ ᠳᠤ ᠳ᠋ᠠᠨᠳᠠᠷ ᠣᠷᠳᠤᠬᠠᠨ ᠠᠮᠢᠰᠬᠤᠭᠠ | ᠠᠪᠤᠪᠠ᠃ | ᠡᠨᠡ ᠡᠪᠤᠯ ᠤᠨ ᠠᠩᠬᠠᠨ ᠤ ᠴᠠᠰᠤ ᠳᠠᠩᠴᠤ ᠡᠷᠲᠡ ᠳᠠᠩᠴᠤ ᠶᠡᠭᠡ ᠤᠷᠤᠵᠠᠢ᠃ ᠰᠦᠨᠢᠵᠢᠨ ᠡᠮᠨᠡᠯᠭᠡ | ᠰᠠᠬᠢᠵᠤ ᠬᠦᠨᠳᠤᠷᠠᠯ ᠲᠠᠢ ᠪᠣᠯᠪᠠᠴᠤ ᠬᠤᠶᠠᠷ ᠶᠠᠰᠤ ᠮᠡᠨᠳᠤ ᠰᠠᠯᠤᠭᠰᠠᠨ ᠭᠡᠰᠡᠨ ᠰᠠᠶᠢᠬᠠᠨ ᠴᠢᠮᠡᠭᠡ ᠲᠤᠭᠤᠯᠤᠮᠠᠭᠴᠠ | ᠲᠡᠷᠭᠡ ᠪᠠᠨ ᠤᠷᠬᠢᠵᠤ ᠲᠡᠷᠭᠡᠨ ᠤ ᠪᠤᠷᠤ ᠪᠠᠨ ᠤᠨᠤᠵᠤ ᠦᠶᠡᠲᠤ ᠶᠢᠨ ᠪᠠᠷᠠᠭᠤᠨ ᠳᠡᠭᠡᠷᠡ ᠳᠠᠰᠢᠬᠦᠯᠤᠨ ᠭᠠᠷᠬᠤ ᠳᠤ | ᠵᠢᠵᠢᠭᠬᠡᠨ ᠲᠤᠪᠤᠴᠠᠭ ᠤᠨ ᠡᠩᠭᠡᠷ ᠲᠤ ᠨᠠᠭᠠᠰᠢ ᠴᠠᠭᠠᠰᠢ ᠬᠤᠯᠬᠢᠭᠰᠠᠨ ᠭᠤᠲᠤᠯ ᠤᠨ ᠮᠦᠷ ᠠᠰ ᠵᠠᠭᠦᠨᠰᠢ ᠲᠤᠮᠤ | ᠲᠤᠮᠤ ᠠᠯᠬᠤᠯᠠᠨ ᠤᠳᠤᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠳ᠋ᠠᠨᠳᠠᠷ ᠢ ᠤᠭᠲᠤᠯᠠ᠃ | — ᠬᠤᠷᠯᠤ ᠮᠢᠨᠢ ᠨᠠᠳᠠ ᠳᠤ ᠲᠦᠢᠯ ᠦᠭᠡᠢ ᠭᠤᠮᠤᠳᠠᠭᠰᠠᠨ ᠪᠠᠶᠢᠬᠠ ᠡ ᠭᠡᠵᠤ ᠪᠤᠳᠤᠬᠤ ᠠᠴᠠ | ᠳᠤᠳᠤᠷᠠ ᠨᠢ ᠬᠦᠢᠲᠡ ᠲᠠᠭᠠᠭᠠᠵᠤ ᠪᠤᠷᠤ ᠶᠢᠨ ᠢᠶᠠᠨ ᠪᠦᠬᠦᠨ ᠳᠤ ᠬᠠᠴᠠᠷ ᠢᠶᠠᠨ ᠨᠠᠭᠠᠯᠠ᠃ | — ᠮᠠᠷᠭᠠᠰᠢ ᠮᠠᠨ ᠤ ᠬᠢᠨ ᠡᠷᠳᠡᠯᠡᠵᠤ ᠨᠡᠬᠦᠬᠦ ᠶᠤᠮ ᠭᠡᠨᠡ ᠭᠡᠵᠤ ᠬᠡᠯᠡᠬᠦ ᠳᠡᠭᠡᠨ ᠬᠦᠭᠡᠷᠤᠬᠦᠨ ᠠᠯᠠᠭ | ᠨᠢᠳᠤ ᠨᠢ ᠨᠢᠭᠡ ᠶᠢ ᠬᠦᠰᠡᠭᠡᠳ ᠪᠠᠶᠢᠭᠰᠠᠨ ᠰᠠᠨ ᠭᠡᠵᠤ ᠪᠤᠳᠤᠭᠠᠳ ᠦᠶᠡᠷᠲᠤ ᠶᠢᠨ ᠵᠡᠭᠦᠨ ᠳᠡᠨᠵᠢ ᠤᠷᠤᠭᠤ | ᠪᠤᠷᠠᠨᠲᠠᠭ ᠵᠠᠯᠠᠪᠠ᠃ | — ᠳ᠋ᠠᠨᠳᠠᠷ ᠶᠠᠭᠠᠬᠢᠵᠤ ᠢᠩᠬᠢᠵᠤ ᠴᠢᠳᠠᠵᠤ ᠪᠠᠶᠢᠨᠠ ᠡ᠂ ᠬᠠᠳᠠᠭ ᠲᠠᠯᠪᠢᠵᠤ ᠡᠬᠡᠨᠡᠷ ᠶᠤᠰᠤᠭᠠᠷ ᠠᠪᠠᠴᠢᠨᠠ | ᠭᠡᠳ ᠪᠠᠶᠢᠯᠠ ᠤᠤ︖ ᠬᠤᠷᠯᠤ ᠦᠪᠡᠷ ᠲᠡᠭᠡᠨ ᠶᠠᠷᠢᠭᠰᠠᠨ ᠢᠶᠠᠨ᠄ | — ᠢᠷᠡᠬᠦ ᠦᠭᠡᠢ ᠬᠦᠮᠤᠨ ᠢ ᠪᠢ ᠠᠳᠡ ᠶᠠᠭᠤ ᠶᠢ ᠨᠢ ᠬᠦᠯᠢᠶᠡᠬᠦ ᠪᠤᠢ ᠭᠡᠵᠤ ᠤᠴᠠᠭᠠᠷᠳᠠᠨ ᠪᠤᠳᠤᠭᠰᠠᠨ | ᠴᠤ ᠬᠤᠶᠠᠷ ᠬᠦᠯ ᠨᠢ ᠲᠠᠷᠢᠬᠢ ᠵᠢᠷᠦᠭᠡ ᠲᠠᠢ ᠨᠢ ᠵᠦᠷᠢᠯᠳᠤᠨ ᠳᠡᠨᠳᠡ ᠪᠠᠨ ᠵᠤᠭᠰᠤᠭᠰᠠᠭᠠᠷ ᠪᠠᠶᠢᠯᠠ᠃ | ᠦᠶᠡᠷᠲᠤ ᠶᠢᠨ ᠳᠡᠨᠵᠢ ᠳᠡᠭᠡᠷᠡ ᠭᠡᠷ ᠤᠨ ᠪᠠᠭᠤᠷᠢ ᠬᠠᠷᠠᠯᠠᠨ ᠬᠠᠷᠠᠭᠳᠠᠬᠤ ᠠᠴᠠ ᠦᠭᠡᠷᠡ ᠨᠢᠳᠤᠨᠡ ᠲᠤᠷᠬᠤ ᠵᠦᠢᠯ | ᠶᠠᠭᠤ ᠴᠤ ᠪᠠᠶᠢᠭᠰᠠᠨ ᠦᠭᠡᠢ᠃ | — ᠡᠨᠡ ᠲᠤᠮᠤᠴᠤᠤᠯ ᠬᠠᠮᠢᠭᠠᠰᠢ ᠨᠡᠬᠦᠬᠦ ᠪᠠᠨ ᠬᠡᠯᠡᠳᠡᠭ ᠦᠭᠡᠢ ᠰᠣᠨᠢᠨ ᠬᠦᠮᠤᠰ ᠰᠢᠤ ᠭᠡᠵᠤ | ᠲᠦᠳᠦᠨᠡᠭᠡᠳ ᠨᠢᠭᠡᠳᠤᠯ ᠤᠷᠤᠭᠤ ᠬᠡᠯᠳᠤᠷᠢᠪᠡ᠃ | ᠡᠮᠨᠡᠯᠭᠡ ᠶᠢᠨ ᠭᠤᠳᠤᠮ ᠢᠶᠠᠷ ᠤᠷᠤᠵᠤ ᠨᠢᠷᠠᠢ ᠪᠡᠶᠡ ᠲᠠᠢ ᠡᠭᠡᠴᠢ ᠶᠢ ᠡᠷᠬᠢᠭᠡᠳ ᠭᠠᠷᠤᠶᠠ ᠬᠡᠵᠤ ᠬᠦᠪᠦᠩᠳᠠᠢ | ᠤᠷᠬᠢᠭᠤᠯ ᠢ ᠰᠡᠬᠦᠵᠤ ᠳᠤᠳᠤᠭᠰᠢ ᠣᠷᠣᠪᠠᠯ ᠨᠦᠭᠦᠭᠡ ᠡᠭᠡᠴᠢ ᠶᠢᠨ ᠪᠡᠶᠡ ᠣᠪᠣᠭᠠ ᠲᠡᠩᠭᠡᠷᠡᠴᠢᠭᠡᠭᠰᠡᠨ | ᠬᠠᠴᠠᠷ ᠲᠤᠨᠢ ᠴᠢᠰᠤ ᠶᠠᠭᠠᠷᠠᠨ᠄ | — ᠳᠡᠭᠦᠤ ᠮᠢᠨᠢ᠂ ᠠᠮᠢᠨ ᠳᠤ ᠤᠷᠤᠭᠰᠠᠨ ᠠᠴᠢᠲᠠᠨ ᠮᠢᠨᠢ᠂ ᠴᠢᠮᠠ ᠳᠤ ᠪᠠᠶᠠᠷᠯᠠᠯᠠ ᠭᠡᠵᠤ ᠰᠤᠯᠠᠬᠠᠨ | ᠢᠨᠢᠶᠡᠪᠬᠢᠯᠡᠯᠡ᠃ | ᠪᠦᠰᠡᠭᠦᠢ ᠶᠢᠨ ᠨᠠᠭᠠᠨᠠᠬᠠᠨ ᠬᠦᠳᠡᠰᠳ ᠦᠯᠦᠭᠡᠢ ᠠᠴᠠ ᠵᠢᠵᠢᠭᠬᠡᠨ ᠤᠯᠠᠭᠠᠨ ᠴᠢᠷᠠᠢ ᠦᠷᠯᠦᠭᠡᠨ ᠤ ᠮᠠᠨᠳᠤᠨ | ᠪᠤᠢ ᠨᠠᠷᠠ ᠰᠢᠭ ᠭᠡᠭᠡ ᠲᠠᠲᠠᠨ ᠲᠤᠯᠠᠯᠵᠠᠵᠤ ᠪᠠᠶᠢᠯᠠ︕ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠢᠪᠡᠭᠡᠯ | ᠬᠢᠨᠠᠭᠴᠢ᠄ ᠰᠤᠳᠥ | | |