| ᠡᠵᠢ ᠬᠦᠮᠦᠨ ᠤ ᠵᠢᠷᠭᠠᠯ | | | ᠯᠠ᠊ · ᠪᠠᠭᠠᠳᠤᠷ | | | ᠲᠡᠷᠯᠢᠭ ᠨᠢ ᠰᠡᠮᠡᠷᠡᠵᠦ ᠬᠦᠳᠦᠯ ᠬᠠᠷᠠᠭᠤᠯᠳᠠᠨᠠ | ᠳᠡᠷᠡ ᠨᠢ ᠴᠢᠬᠢᠭᠳᠦᠵᠦ ᠵᠡᠭᠦᠳᠦ ᠰᠤᠪᠢᠡᠭᠳᠠᠨᠠ | ᠲᠡᠷᠳᠡᠭᠡ ᠳᠤ ᠰᠦᠮᠡᠯᠵᠡᠬᠦ ᠵᠡᠷᠭᠡᠯᠭᠡᠨ ᠢ ᠰᠠᠷᠠᠪᠴᠢᠯᠠᠨ | ᠲᠡᠪᠴᠢᠶᠡᠷᠢ ᠠᠯᠳᠠᠭᠤᠯᠤᠨ ᠪᠤᠳᠤᠯ ᠨᠢ ᠬᠡᠬᠡᠯᠵᠡᠨᠡ | ᠬᠤᠯᠠ ᠶᠢᠨ ᠤᠳᠠᠰᠤ ᠲᠤᠰᠤᠭᠰᠠᠨ ᠳᠡᠳᠦᠢ ᠪᠠᠷ | ᠬᠤᠷᠮᠤᠢ ᠳᠡᠷᠪᠡᠯᠵᠡᠭᠦᠯᠦᠨ ᠰᠡᠳᠬᠢᠯ ᠨᠢ ᠬᠥᠭᠰᠡᠵᠦ | ᠬᠤᠯᠠᠬᠢ ᠠᠭᠤᠯᠠᠰ ᠤᠨ ᠰᠡᠵᠢᠭᠦᠷ ᠢ ᠪᠠᠷᠠᠳᠠᠨ | ᠬᠤᠷᠭᠤ ᠠᠪᠳᠠᠷᠠ ᠪᠠᠨ ᠠᠭᠤᠳᠠᠯᠯᠠᠨ ᠶᠠᠭᠠᠷᠠᠵᠦ | ᠬᠠᠮᠢᠭᠠ ᠬᠤᠯᠠ ᠶᠢᠨ ᠲᠡᠷᠡ ᠭᠠᠵᠠᠷ ᠠᠴᠠ | ᠬᠠᠷᠢᠭᠠᠳ ᠨᠢᠭᠡ ᠢᠷᠡᠬᠦ ᠨᠢ ᠠᠮᠠᠷ ᠤᠤ ᠭᠡᠵᠦ | ᠬᠠᠷᠠ ᠨᠢᠳᠦᠨ ᠢ ᠪᠤᠰᠢᠭᠤᠬᠠᠨ ᠠᠪᠴᠢᠷᠠᠬᠤ ᠶᠢ | ᠬᠠᠢ ᠶᠠᠭᠤ ᠦᠭᠡᠢ ᠠᠪᠤ ᠳᠤ ᠰᠠᠨᠠᠭᠤᠯᠤᠨᠠ | ᠲᠤᠷᠤᠰᠬᠠ ᠳᠡᠭᠡᠷᠡ ᠪᠦᠮᠪᠦᠷᠢᠵᠦ ᠬᠠᠯᠳᠠᠷ ᠨᠢᠭᠤᠷᠯᠠᠨ | ᠲᠤᠭᠤᠯ ᠰᠡᠭᠦᠯᠳᠡᠵᠦ ᠲᠡᠶᠢᠷᠡᠭᠦᠯᠵᠦ ᠤᠬᠢᠯᠠᠭᠠᠳ | ᠳᠤᠭᠤᠭᠠ ᠲᠠᠢ ᠥᠷᠦᠮᠠ ᠠᠴᠠ ᠭᠠᠷ ᠢᠶᠠᠷ ᠢᠶᠠᠨ ᠰᠠᠮᠠᠷᠳᠠᠨ | ᠲᠤᠮᠤᠭᠠ ᠦᠭᠡᠢ ᠵᠠᠩᠨᠠᠨ ᠲᠤᠭᠠ ᠦᠭᠡᠢ ᠳᠦᠷᠰᠦᠬᠦ᠋ᠳᠡᠭᠰᠡᠨ | ᠠᠯᠢᠶᠠᠬᠠᠨ ᠬᠦᠦ ᠨᠢ ᠬᠠᠷᠠᠭᠳᠠᠨᠠ | ᠠᠶᠢᠰᠦᠢ ᠪᠠᠷᠠ ᠨᠢ ᠳᠤᠳᠤᠷᠠᠨᠠ | ᠤᠮᠪᠠᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠷ ᠭᠤᠤᠯ ᠳᠤ ᠬᠠᠷᠠᠶᠢᠨ | ᠤᠬᠠᠭᠠ ᠠᠯᠳᠠᠳᠠᠯᠠ ᠴᠠᠴᠠᠵᠦ ᠪᠠᠶᠢᠭᠰᠠᠨ | ᠤᠷᠠᠵᠦ ᠳᠠᠰᠤᠳᠠᠨ ᠲᠤᠪᠴᠢ ᠪᠠᠨ ᠬᠠᠤ ᠳᠠᠳᠠᠵᠦ | ᠤᠬᠢᠯᠠᠭ ᠠᠯᠳᠠᠨ ᠡᠵᠢ ᠳᠡᠭᠡᠨ ᠢᠷᠡᠳᠡᠭ | ᠵᠢᠭᠠᠬᠠᠨ ᠬᠦᠦ ᠨᠢ ᠬᠠᠷᠠᠭᠳᠠᠨᠠ | ᠵᠠᠮ ᠤᠨ ᠪᠠᠷᠠ ᠳᠤᠳᠤᠷᠠᠨᠠ | ᠡᠪᠦᠳᠦᠭ ᠴᠤᠭᠤᠷᠬᠠᠢ ᠴᠤ ᠡᠷᠳᠡᠯᠡᠵᠦ ᠪᠤᠰᠤᠨ | ᠦᠨᠢᠶᠡᠨ ᠵᠡᠯᠡᠨ ᠳᠤ ᠲᠤᠭᠤᠯ ᠲᠠᠳᠠᠳᠠᠭ | ᠥᠰᠥᠭᠡᠢ ᠬᠠᠭᠵᠠᠷᠬᠠᠢ ᠴᠤ ᠥᠯᠴᠢᠷ ᠰᠠᠭᠤᠵᠦ | ᠥᠬᠡᠷ ᠤᠨ ᠬᠡᠪᠳᠡᠯᠭᠡ ᠶᠢ ᠠᠷᠢᠯᠭᠠᠵᠦ ᠶᠠᠭᠠᠷᠠᠳᠠᠭ | ᠡᠩᠬᠦᠷᠡᠢ ᠬᠦᠦ ᠨᠢ ᠬᠠᠷᠠᠭᠳᠠᠨᠠ | ᠡᠩᠭᠡᠷ ᠤᠨ ᠴᠠᠰᠤ ᠤᠶᠠᠷᠠᠨᠠ | ᠦᠷᠡ ᠪᠠᠨ ᠭᠡᠰᠡᠨ ᠡᠵᠢ ᠶᠢᠨ ᠰᠡᠳᠬᠢᠯ | ᠠᠭᠤᠯᠠᠰ ᠤᠨ ᠤᠷᠤᠢ ᠶᠢ ᠳᠠᠪᠠᠨ ᠠᠯᠤᠰᠷᠠᠵᠦ | ᠭᠠᠭᠴᠠᠭᠠᠷ ᠶᠤᠮ ᠤᠤ ᠬᠤᠶᠠᠭᠤᠯᠠ ᠪᠤᠯ ᠤᠤ ᠭᠡᠵᠦ | ᠭᠠᠷᠤᠨ ᠤᠷᠤᠨ ᠰᠠᠷᠠᠪᠴᠢᠯᠠᠨ ᠶᠠᠭᠠᠷᠠᠨᠠ | ᠠᠶᠠᠭᠠ ᠲᠠᠢ ᠴᠠᠢ ᠪᠠᠨ ᠤᠤᠭᠤᠬᠤ ᠪᠠᠨ ᠮᠠᠷᠳᠠᠵᠦ | ᠠᠯᠢ ᠪᠠᠶᠢᠭᠰᠠᠨ ᠢᠶᠠᠨ ᠶᠠᠭᠠᠷᠠᠨ ᠲᠡᠮᠳᠡᠷᠢᠵᠦ | ᠦᠷᠡ ᠶᠢᠨ ᠵᠤᠯᠠᠢ ᠦᠨᠦᠷᠳᠦᠨ ᠨᠠᠯᠠᠶᠢᠬᠤ | ᠥᠷᠦᠪᠴᠢᠬᠡᠨ ᠰᠡᠳᠬᠢᠯ ᠨᠢ ᠦᠮᠦᠷᠡᠨ ᠶᠠᠭᠠᠷᠠᠨᠠ᠃ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠢᠪᠡᠭᠡᠯ | ᠬᠢᠨᠠᠭᠴᠢ᠄ ᠰᠤᠳᠥ |