| ᠬᠠᠪᠤᠷ ᠢ ᠲᠥᠰᠦᠭᠡᠯᠡᠬᠦᠢ | ᠭᠣ · ᠵᠢᠷᠭᠠᠯ | ᠥᠷᠦᠭᠡᠯ ᠤᠨ ᠡᠮᠦᠨᠡ ᠠᠴᠠ ᠳᠡᠯᠭᠡᠷᠡᠳᠡᠭ ᠮᠢᠨᠤ ᠰᠠᠨᠠᠭᠠ ᠭᠡᠵᠦ ᠦᠯᠢᠭᠡᠷᠯᠡᠳᠡᠭ | ᠥᠩᠭᠡ ᠨᠡᠮᠡᠵᠦ ᠵᠢᠷᠤᠬᠤ ᠳᠤ ᠤᠳᠭᠠ ᠲᠡᠭᠦᠯᠳᠡᠷ ᠢᠷᠠᠭᠤ ᠨᠠᠶᠢᠷᠠᠭ ᠭᠡᠵᠦ ᠤᠶᠠᠩᠭᠠᠯᠠᠳᠠᠭ | ᠲᠡᠭᠷᠢ ᠳᠡᠭᠡᠨ ᠰᠦ ᠡᠷᠭᠦᠳᠡᠭ ᠡᠵᠢ ᠶᠢᠨ ᠡᠩᠬᠡ ᠶᠢᠨ ᠬᠤᠷᠤᠢ ᠭᠡᠵᠦ ᠳᠠᠯᠠᠯᠯᠳᠠᠭ | ᠬᠠᠯᠠ ᠨᠢ ᠭᠠᠳᠠᠨᠠ ᠪᠠᠨ ᠬᠠᠶᠢᠷᠠ ᠨᠢ ᠳᠣᠲᠤᠨᠠ ᠪᠠᠨ ᠠᠪᠤ ᠶᠢᠨ ᠬᠠᠶᠢᠷᠠ ᠭᠡᠵᠦ ᠦᠭᠡᠶᠢᠯᠡᠳᠡᠭ | ᠬᠠᠩᠭᠠᠢ ᠶᠢᠨ ᠵᠠᠶᠢᠴᠠᠨ ᠳᠤ ᠶᠠᠭᠠᠷᠠᠨ ᠳᠡᠯᠭᠡᠷᠡᠬᠦ ᠢᠷᠭᠤᠢ ᠴᠡᠴᠡᠬᠡᠰ ᠤᠨ ᠪᠠᠭᠤᠴᠠ ᠪᠠᠶᠢᠪᠠᠤ | ᠬᠤᠷᠠ ᠯᠠᠪᠰᠠ ᠨᠢ ᠬᠠᠶᠢᠷᠠ ᠶᠢᠨ ᠰᠢᠪᠡᠨᠡᠭᠡ ᠲᠠᠢ ᠤᠶᠠᠷᠠᠯ ᠤᠨ ᠵᠥᠭᠡᠯᠡᠨ ᠨᠢᠯᠪᠤᠰᠤ ᠪᠠᠶᠢᠪᠠᠤ | ᠨᠠᠭᠠᠰᠢᠯᠠᠬᠤ ᠡᠭᠦᠯᠡ ᠠᠴᠠ ᠨᠢ ᠪᠣᠷᠤᠭᠠᠨ ᠠᠰᠬᠠᠷᠠᠬᠤ ᠵᠤᠨ ᠤ ᠲᠥᠰᠦᠭᠡᠯᠡᠯ ᠪᠠᠶᠢᠪᠠᠤ | ᠨᠠᠷᠠᠲᠤ ᠶᠢᠨ ᠵᠤᠯᠠᠢ ᠳᠤ ᠨᠡᠮᠡᠬᠦ ᠰᠢᠪ ᠰᠢᠨᠡᠬᠡᠨ ᠵᠢᠷᠤᠭᠯᠠᠯ ᠪᠠᠶᠢᠪᠠᠤ | ᠥᠷᠭᠡᠨ ᠬᠢᠵᠠᠭᠠᠷ ᠤᠨ ᠴᠠᠭᠠᠨᠠ ᠠᠴᠠ ᠤᠷᠢᠬᠠᠨ ᠰᠠᠯᠬᠢ ᠢᠯᠪᠢᠵᠦ ᠬᠠᠪᠤᠷ ᠢᠷᠡᠨᠡ | ᠦᠷ ᠤᠨ ᠵᠢᠩ ᠲᠠᠢ ᠤᠯᠠᠷᠢᠯ ᠢ ᠳᠤᠯᠠᠭᠠᠯᠠᠵᠤ ᠨᠠᠷᠠ ᠡᠷᠭᠢᠵᠦ ᠬᠠᠪᠤᠷ ᠢᠷᠡᠨᠡ | ᠡᠮᠦᠨᠡ ᠵᠦᠭ ᠠᠴᠠ ᠭᠠᠯᠠᠭᠤᠳ ᠵᠡᠯᠡᠯᠡᠵᠤ ᠨᠡᠭᠦᠳᠡᠯ ᠤᠨ ᠴᠦᠷᠭᠡᠯᠡᠭᠡ ᠰᠢᠭ ᠬᠠᠪᠤᠷ ᠢᠷᠡᠨᠡ | ᠥᠳᠦ ᠨᠢ ᠠᠯᠠᠭ ᠱᠠᠭᠠᠵᠠᠭᠠᠢ ᠭᠡᠶᠢᠴᠢᠨ ᠤᠷᠢᠬᠤ ᠰᠢᠭ ᠬᠠᠪᠤᠷ ᠢᠷᠡᠨᠡ᠃ |